01 June 2020

RSS Facebook

سوداگریز


تازه خبرونه

محمود کرزی  د ښارجوړولو او اراضي وزارت سرپرست او نوماند وزیر وټاکل شو

محمود کرزی د ښارجوړولو او اراضي وزارت سرپرست او نوماند وزیر وټاکل شو

کابل/ ۱۲ جوزا/ باختر د افغانستان اسلامي جمهوریت د چارو ادارې...

د جمهوررییس محمد اشرف غني په مشرۍ د کابینې غونډه جوړه شوه

د جمهوررییس محمد اشرف غني په مشرۍ د کابینې غونډه جوړه شوه

کابل / د غبرګولي ۱۲ مه / باختر د افغانستان د...

د سولې بهیر په خورا حساس پړاو کې

کابل / د غبرګولي ۱۲ مه / باختر په اختر...

Youtube Player

khantry design

سوداگریز

سوداگریز

کابل\باختر\ د سنبلي ٣١
په هرات ولايت کې د امريکا د متحده ايالاتو نوى قونسل اعلام وکړ چې هيواد به يې په هرات ولايت کې د حالت د ښه والي په خاطر خپلو همکايو ته دوام ورکړي.
په هرات کې د امريکا نوى قونسل يوجين اس يانګ د هرات له والي سيد فضل الله وحيدي سره په کتنه کې ددغه ولايت دپرمختيا د بهير په ښه بللو سره اعلام وکړ چې هيواد به يې د بيا رغاونې او ودې د بهير د ګړندي کولو په خاطر د هرات له دولتي ادارو سره خپلو همکاريو ته دوام ورکړي.
جين يانګ چې د ميرمن جولين په ځاى په هرات کې د امريکا د نوى قونسل په توګه خپل ماموريت پيل کړى دى وايي: هيواد يې د افغانستان او د هرات له سيمه ييزې ادارې سره د همکاريو په دوام ژمن دى.
ده وويل: دخپل ډيپلوماتيک ماموريت ترڅنګ به د هرات ولايت د پراختيا په لاره کې خپلو هلو ځلو ته دوام ورکړي.
په دې کتنه کې د هرات والي له نوى قونسل څخه وغوښتل چې دښځو د ژوندانه د حالت د ښه کولو، د ورزش د ودې اود  مدني او ډموکراتيکو مرکزونو دپياوړتيا په لاره کې له سيمه ييزې ادارې سره زياته همکاري وکړي.
دا په داسې حال کې ده چې امريکا تراو سه پورې په هرات ولايت کې د بيا رغاونې په بيلابيلو برخوکې په لسګونو پروژې تمويلې کړې دي.
په هرات کې د امريکا د متحده ايالاتو قونسلګرۍ له څلورو کلونو را په دې خوا په هرات کې فعاليت کوي.
سره له دې چې تيره اوونۍ د ا مريکا په قونسلګرۍ تروريستي بريد وشو، خو په افغانستان کې د امريکا سفير له دغه بريد وروسته اعلام وکړ چې هيواد يې دغه راز له سيمه ييزو ادارو سره خپلو همکاريو ته دوام ورکوي او د غه بريد نه شي کولاى ددغه هيواد د همکاريو په بهيراغيزه وکړي.

کابل\باختر\ د سنبلي ٣١
دملي دفاع وزارت د ځانګړو قطعاتو د منسوبينو د عملياتوپه بهيرکې چې دميدان وردګو ولايت په مربو طاتوکې ترسره شول؛ د دښمن يو شمېرکسان ووژل شول.
دملي دفاع وزارت د ويندوى مطبوعاتي دفتر باخترآژانس ته خبر ورکړ:
دغه عمليات چې پرون ددغه ولايت د سيد آباد  ولسوالۍ په مربوطاتوکې ترسره شول؛ طالبانو ته د سر درا نده زيانونه اوښتي دي او يو توغندي ويشتونکى، دوه ميله پيکا، دوه کلاشينکوفونه ، اووه لاسي بمونه ،درې ايکم مخابرې، يوه اندازه وسايل او جنګي تجهيزات هم په عملياتو کې د شاملو ځواکونو لاس ته ورغلي دي.
دغه راز د ميدان وردګو ولايت په مربوطاتوکې ددغو ځواکونو په ورته عملياتوکې يوه اندازه سپکې او درندې وسلې هم ترلاسه شوې دي.

کابل_باختر د وږي د مياشتې ٣١ مه:
د افغانستان د جمهور رئيس  حامد کرزي په مشرۍ د هېواد له جهادي مشرانو  او سیاسي شخصیتونو سره  د شاوخوا ۵۰۰۰ هغو قربانیانو د نومونو په هکله چې په ۱۳۵۷ او ۱۳۵۸ کلونو کې د کمیونستي رژيم د استخباراتي سازمان اګسا لخوا په شهادت رسېدلي دي، ځانګړې مشورتي غونډه جوړه شوه.
دجمهوري رياست مطبوعاتي دفترباخترآژانس ته خبرورکړ:
په دې غونډه کې چې نن له غرمې مخکې په ارګ کې جوړه شوه، له هر اړخيزې څېړنې او غور وروسته پرېکړه وشوه چې د روان کال د تلې د میاشتې په اتمه نیټه  دې په ټول افغانستان کې دغو پاکو شهیدانو او د هېواد نورو پیژندل شویو او نوم ورکو شهیدانو ته د دعا لپاره دې د فاتحې مراسم ترسره شي او د هېواد بیرغ دې د وير په دود د دوو ورځو لپاره په نيم ځوړند ډول وځړول شي.
په دغې مشورتي غونډه کې همداراز پرېکړه وشوه چې د هیواد د شهیدانو د درناوي او د یاد د ساتلو لپاره دې د کابل ښار د څرخي پله په سیمه کې یو جومات او یو یادګاري څلی جوړشي.
په دې غونډه کې حضرت صبغت الله مجددي، مارشال محمد قسیم فهیم، استاد محمد کریم خلیلي، الحاج فضل هادي مسلمیار، صلاح الدین رباني، هدایت امین ارسلا، استاد نعمت الله شهراني، پوهاند ګلرحمن قاضي، مولوي قیام الدین کشاف، محمداسماعيل خان، عبدالهادي ارغنديوال، ستر جنرال عبدالرحیم وردګ، استادمحقق، وحیدالله سباوون، استاد محمداکبري او ضراراحمد مقبل د دغې ځانګړې مشورتي غونډې ګډون کړی و.#

کابل\باختر\ د سنبلي ٣١
د انتخا باتو د خپلواک کميسيون د دوو لنډ مهالو کارکوونکو د موندلو لپاره هلې ځلې دوام لري.
د انتخاباتو د خپلواک کميسيون ويندوى نورمحمد نور دباختر آژانس له خبريال سره په ټيلفوني اړيکه کې وويل: پرون د انتخاباتو د خپلواک کميسيون پنځه تنه لنډ مهال کار کوونکي چې د ناپيژندل شويو وسله والوکسانو له خوا د فارياب ولايت د المار په ولسوالۍ کې تښتول شوي وو؛ دوه تنه ميرمنې هم پکې شاملې دي.
نورمحمد وويل: پرون د سپين ږيرو او مشرانو په منځګړيتوب دوه ميرمنې د انسان تښتوونکو له منګولوڅخه آزادې شوې او دوه تنه نورې تر اوسه هم د انسان تښتوونکوسره بنديان دي.
د نور دڅرګندونو له مخې: دفارياب ولايت په المار ولسوالۍ کې د انتخاباتو دخپلواک کميسيون د دغو دوو تنو کارکوونکو د خلاصون په خاطر هلې ځلې د امنيتي ځواکونو او د دغې ولسوالۍ د يو شمېر مشرانو په همغږۍ دوام لري.
ومو غوښتل د قضيې د زيات روښانه کيدو په خاطر دکورنيو چارو وزارت د مسوولينو نظريې واخلو؛ خو له پرله پسې اړيکو سره مو ونه کړاى شول په دې باب د دوى نظر ترلاسه کړو.

کابل – باختر د وږي دمياشتې ٣١
درې تنه امريکايي پوځيان په پکتيا ولايت کې د اردو د يو افسر د بريد له امله ووژل شول او دوه تنه نوريې ټپيان شول.
دغه پيښه پرون په ګرديز ښارکې د ٢٠٣ تندر قول اردو په قرار ګاه کې هغه وخت وشوه چې د اردو يو افسر په يوې ډلې امريکايي ځواکونو بريد وکړ.
دپکتيا ولايت يو سيمه ييز مسوول چې ويې نه غوښتل نوم يې واخيستل شي؛ دباختر آژانس خبريال ته وويل: د اردو د دغه افسر د ډزو له امله درې تنه امريکايي پوځيان ووژل شول او دوه تنه نوريې ټپيان شول .
ويل کيږي، يرغلګر چې دملي اردو په يونيفورم سمبال و؛ د امريکايي عسکرو په متقابلو ډزو کې ووژل شو.
ددغه سيمه ييز مسوول دڅرګندونو له مخې: يرغلګر دکندز ولايت اوسيدونکى او په ګرديرز ښارکې د ٢٠٣ تندر قول اردو يو افسر و.
امريکايي پوځيانو تر اوسه پورې په دې باب نظر نه دى څرګند کړى. دغه پيښه له ٢٠٣ تندر قول اردو د امريکايي عسکرو له خوا دکتنې په ًبهيرکې رامنځته شوې ده.

Sunday, 22 September 2013 12:24

د شعر شپه جوړه شوه

فيض آباد – باختر د وږي دمياشتې ٣١
د ارواښاد برهان الدين رباني د شهادت د دويم تلين په درناوى پرون د بدخشان ولايت د اطلاعاتو او فرهنګ په رياست کې دشعر شپه جوړه شوه.
د بدخشان له ولايت څخه دباختر آژانس د خبريال دخبرله مخې: په دې غونډه کې لومړۍ دبدخشان والي ډاکتر شاه ولي الله اديب دجهادي شهيد استاد برهان الدين رباني دشخصيت او کارنامو په اړوند خبرې وکړې او زياته يې کړه: شاعرانو او ليکوالو وپتيله چې خپلې فکري لاسته راوړنې په دې ستره غونډه کې چې د ستر استاد د شهادت په درناوى جوړه شوې وه؛ ولولي.
په غونډه کې د بدخشان ولايت اوولسو تنو شاعرانو خپلې مرثيې ولوستيلې.
دغه غونډه دبدخشان ولايت د اطلاعاتواو فرهنګ رياست او د سولې دکميټې په همکارۍ جوړه شوې وه .

کابل – باختر د وږي دمياشتې ٣١
آلماني سرتيرو تېره شپه په بلخ ولايت کې د عامې روغتيا رياست د فوټبال دټيم له غړو سره مرسته وکړه.
دبلخ ولايت دعامې روغتيا د رياست ورزشي آمر باختر آژانس ته وويل: په دې مرسته کې جامې او سپورتي لوازم شاملي دي چې د بلخ ولايت د عامې روغتيا دفوټبال ټيم په غړو وويشل شوه.
په بلخ کې د آلمان د بيارغونې د ولايتي ټيم قوماندان وويل:
آلمان ژمن دى چې په نږدې راتلوونکې کې په بلخ ولايت کې ښځينه ورزشکارانوته يو ورزشي لوبغالى جوړ کړي .
ديادونې وړ ده چې دبلخ ولايت دعامې روغتيا رياست په پنځه ويشتو ورزشي څانګوکې پنځه سوه تنه ورزشکاران لري چې د واليبال ، باسکيټ بال او بدمنتون ښځينه ټيمونه هم په دغه کلپ کې شامل دي.

کابل – باختر د وږي دمياشتې ٣١
د پيښور ښار د قصه خانې په بازارکې نن د ځانمرګى بريد له امله خه ناڅه ٥٦ تنه ووژل شول او اويا تنه نور تپيان شول .
دباختر آژانس دخبرله مخې: ځانمرګى يرغلګر ځان په پيښور ښارکې يوې کليسا ته څېرمه کوهاټي دروازې په وړاندې وچاوه.
د يوه اړونده خبرځاى دڅرګندونو له مخې: ټپيان روغتون ته ليږدول شوي دي چې ښځې او ماشومان پکې شاملي دي او ځنې يې په روغتيايي حالت کې دي چې ددغې پيښې د سر د زيان دشمېر د زياتوالى امکان شته.
دپيښور ښار کميشنر صاحبزاده د سر د زيان شمېر تاييد کړ او وې ويل چې په دې پيښه کې ٤٥ تنه ټپيان شوي دي.
ديو عيني شاهد دڅرګندونو له مخې: دچاودنې په وخت کې څه دپاسه ٥٠٠ تنه په کليسا کې وو .
په دې بريدکې يو پوليس وژل شوى او يوبل پوليس ټپي شوى دى .

کابل – باختر د وږي دمياشتې ٣١
دملي امنيت مامورينو هغه سړى چې د وسله والو طالبانو له خوا د شب نامې په خپرولو موظف کړى شوى و؛ تېره شپه په بادغيس کې ونيوه.
د بادغيس ولايت د ملي امنيت يو خبرځاى باختر آژانس ته وويل: دغه سړى تيره شپه دبادغيس ولايت د مقر ولسوالۍ په مربوطاتوکې د شب نامې د ويشلو په وخت کې د ملي امنيت د مامورينو له خوا ونيول شو .
يوه اړونده خبرځاى وويل: دغه سړى د وسله والو طالبانو د ډلې د يو قوماندان عبيدمحمد له خوا د مقر ولسوالۍ په توتک سيمه کې د شب نامې په خپرولو موظف کړى شوى و.
خبرځاى زياته کړه چې له نيول شوي سړي څخه تحقيقات پيل شوي دي.

چغچران – باختر د وږي دمياشتې ٣١
دوه تنه قومي مخور تېره شپه په غور ولايت کې د وسله والوکسانو له خوا ووژل شول .
دغور ولايت امنيه قوماندان دلاورشاه دلاور باختر آژانس ته وويل: دغو قومي مخورو کله چې دغور ولايت په شهرک ولسوالۍ کې د خپل کور په لور روان و؛ د لارې په اوږدوکې د ناپيژندل شويو وسله والو کسانو له خوا پرې ډزې وشوې.
د دلاورشاه دڅرګندونو له مخې: يرغلګر په موټر سايکل سپاره وو او په قومي مخورو له ډزو وروسته له سيمې څخه وتښتيدل .
ده زياته کړه: تراوسه پورې انګيزه نه ده څرګنده شوې او د پوليسو مامورينو ددغو وژنو په دې باب څيړنې پيل کړې دي .