11 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

واشنګټن \باختر\دميزان ٢٥
د جميکا او هايتي د پناه غوښتوونکو دسپرلۍ د يوې بيړۍ د چپه کيدو له امله څلور تنه ښځې ووژل شوې او ساحلي ګارد د بيړۍ لس تنه نورې سپرلۍ يې ونيولې.
د امريکا د رسنيو دخبر له مخې: دفلوريدا دساحلي ګارد ساتوونکوخبرورکړچې ددغه ايالت په جنوبي سواحلوکې يوه بيړۍ چپه شوې ده.
د فلوريدا ايالت دساحلي ګارد د قوماندان مرستيال  وويل چې د ژغورنې مامورينو له رسيدو څخه مخکې او د پناه غوښتوونکو د سپرلۍ د يوې بيړۍ د ډوبيدو په بهيرکې څلورتنه ښځې ووژل شوې، خونهه تنه نورچې د ډوبيدو په حال کې وو؛ وژغورل شول.
تيره ميلادي مياشت دجميکا اوهايتي څه ناڅه دوه زره تنو اتباعو امريکا ته دغيرقانوني راتګ په وخت کې ونيول شول اوخپلو هيوادونو ته يې وليږدول شول.

کراچي\باختر\دميزان ٢٥
دکراچۍ ښاردنساجي په يوه فابريکه  کې نن سهاراورولګيد چې د اور وژنې عملې وکولى شول هغه ترکنترول لا ندې را ولي. تراوسه پورې د اورلګيدنې علت معلوم نه دي او د تلفاتو او زيانونو په باب يې هم څه نه دي ويل شوي.
په تير اوري مياشت کې هم په دغې فابريکه کې اورلګيدلى و .

-ډي ډان \باختر\دميزان ٢٥
د لاوس د هوائي کرښې يوه الوتکه له ٤٤ تنو سپر ليو سره يې د لاوس په جنوب کې د ميکانګ په سيند کې را وغورځيده او ټولې سپرلۍ يې ووژلې شوې.
دباخترآژانس دخبر له مخې: دغه پيښه هغه وخت رامنځته شوه چې الوتکه ناستې ته چمتو کيده.
څه ناڅه اووه تنه فرانسوي او پنځه تنه تايلندي اتباع د دغې پيښې په وژل شويو کسانو کې شامل دي.
دتايلند دبهرنيو چارو وزارت ويندوى تاييدکړه چې ٤٤ تنه په دې پيښه کې وژل شوي دي چې اوولس تنه يې د لاوس اتباع وو.
په تايلندکې د جنوبي کوريا د سفارت يومامور ديون هاپ خبري آژانس ته وويل چې دجنوبي کوريا درې تنه اتباع هم ددغې پيښې په وژل شويوکسانوکې شامل دي.
خرابه هوا د دغې الوتکې د راغورځيدو سبب شو.
له ١٩٥٠ کال څخه را په ديخوا دا په لاوس کې د الوتکې د راغورځيدونهه ويشتمه خونړۍ پيښه ده.

کابل\باختر\دميزان ٢٥
دهيواد د پاورليفتينګ ملي ټيم  په امريکا کې د پاورليفتينګ په نړيوالو سياليو کې د سرو زرو دپنځو مډالونو په ګټلو سره دريم مقام وګاټه او پرون هيواد ته راستون شو.
دکابل له نړيوال هوايي ډګرڅخه د باخترآژانس د خبريال دخبر له مخې: دغه سيالۍ چې د يو سلو شلو هيوادونو د ورزشکارانو په ګډون د امريکا په کوربه توب ددغه هيواد د لاس ويګا په ښارکې ترسره شوې؛ له افغانستان څخه شپږو تنو ورزشکارانو ته بلنه ورکړاى شوې وه.
د المپيک د ملي کميټې د خپرونو ديومسوول دڅرګندونو له مخې: دغه سيالۍ چې پنځه ورځې يې دوام وکړې؛ په نتيجه کې يې امريکا لومړى مقام، کاناډا دويم مقام او افغانستان دريم مقام وګاټه.
ده زياته کړه: په دې سياليوکې دسلوکيلوګرامو په وزن کې خواجه فريداحمد صديقي، د يوسلو پنځه ديرشوکيلو ګرامو په وزن کې علي رضا رفيع زاده ، د يوسلو پنځه ويشتوکيلو ګرامو په وزن کې فوادشيرين، د اته پنځوسو کيلو ګرامو په وزن کې فرشته حسني او د څلوراتيا کيلوګرامو په وزن کې ظهراکوهستانى ګډون کړى وچې وې کولى شول د سرو زرو دپنځو مډالونو په ترلاسه کولو سره ددغوسياليو دريم مقام ترلاسه کړي.

کابل\باختر\دميزان ٢٥
د سنامجلس دلومړي نايب په مشرۍ د افغانستان پارلماني هيئت د اروپا د امنيت اوهمکارۍ د سازمان په پارلماني کنفرانس کې چې د مونتينګرو د بوتوا په ښارکې جوړ شوى و؛ګډون وکړ.
دمشرانو جرګې مطبوعاتي دفتر باخترآژانس ته خبرورکړ:په دې کنفرانس کې چې دغړوپارلمانونواو د آسيايي هيوادونو د پارلمانونو رئيسانو اوغړو ګډون کړى و؛ د اروپا د امنيت او همکارۍ د سازمان د رييس او د مونتينګرو د صدراعظم په ويناوو سره پرانيستل شوچې دافغانستان په استازيتوب دمشرانو جرګې لومړي نايب محمدعلم ايزديار ، د ولسي جرګې منشي سيداکرام او د ولسي جرګې غړى سيد جمال فکور بهشتي پکې ګډون کړى و.
دمشرانو جرګې لومړي نايب محمدعلم ايزديار په خپله وينا کې چې له تروريزم سره د مبارزې او د هغو د ګواښونوپه باب متمرکز و؛ وويل: تروريزم نړيوال چلنج دى چې د نړۍ ټول هيوادونه او انساني ټولنه ګواښوي چې قرباني يې يوازې په يو هيواد او يا خاصوخلکو پورې مربوط نه دى. بايد ټول دولتونه اونړيواله ټولنه له تروريزم سره دمبارزې په لاره کې په فعاله توګه ونډه واخلي اوپه ګډو هلوځلو سره د تروريزم د رامنځته کيدو جرړې او زمينې وپيژني او د له منځه وړلو لپاره يې جدي اقدام وکړي.
په ټولوپوځي، ټولنيزو، اقتصادي، سياسي اوفرهنګي برخوکې بايد ګډه مبارزه اوهلې ځلې ولرو.
دغه درې ورځني کنفرانس چې د روان کال د تلې د مياشتې له ٢١نيټې څخه د مونتينګرو د بوتوا په ښارکې جوړ شوى و؛ له تروريزم سره دمبارزې، امنيتي ګواښونو، د بشرحقوقو او د مديتراني حوزې داقتصادي چلنجونو د موضوعګانو په باب خبرې وشوې.
دغه راز د دغه کنفرانس ترڅنګ افغاني هيئت د ارو پا دامنيت دهمکاريو دسازمان له رئيس سره وکتل او په دغه سازمان کې د افغانستان دغړيتوب پيشنهاديې وړا ندې کړ او د پارلماني اړيکو د ټينګښت غوښتنه يې وکړه.
په کتنه کې د ارو پا د امنيت د همکاريو د سازمان رئيس له افغانستان سره د اړيکو پر اختيا ارزښتناکه وبلله او په نږدې کيدو يې ټينګاروکړ.
ديو بل خبر له مخې: دافغانستان پارلماني هيئت دتاجکستان له پارلماني هيئت سره چې ددغه هيواد دنړيوالو اړيکو دکميسيون د رييس په مشرۍ ګډون کړى و؛ دعلاقې وړ موضوعګانو په باب خبرې وکړې.
دواړو لوروپه دې کتنه کې د دواړو هيوادونو ترمنځ د فرهنګي، سياسي اوټولنيزو اړيکو په پام کې نيولو سره دپارلماني اړيکو په پراختيا باندې ټينګاروکړ.

-پيښور\باختر\دميزان ٢٥
دخيبرپښتونخوا ايالت دعدليې وزير اسرار الله ګنداپور له اووتنو نورو سره پرون د يوځانمرګى بريد له امله په ديره اسماعيل خان کې ووژل شو.
باخترآژانس ته دپا کستان د ډان ورځپاڼې دخبر له مخې، پيښه هغه وخت را منځته شوه چې دغه وزير د ديره اسماعيل خان په کولاچي کلي کې له يو شمېر سيمه ييزو خلکو سره دلوى اختر په مناسبت کتل.
ويل شوي دي چې د هغه د مشر ورور په ګډون ديرش تنه په دغه ځانمرګى بريدکې ټپيان شوي دي.
ګنداپور دپاکستان د انصاف تحريک ګوند او دخيبر پښتونخوا په ايالت کې د (پي ټي آى ) دځواکمن حزب غړى و .
تراوسه پورې ددغه بريد مسووليت کومې ډلې په غاړه نه دى اخيستى.
ګنداپور د (پي ټي آى) حزب يو سترمقام دى چې دطالبانو دمليشو دبريد له امله تراوسه پورې وژل شوي دي
ممنون حسين دپاکستان جمهور رئيس او صدراعظم نوازشريف دخيبر پښتونخوا ايالت دعدليې په وزير بريدسخت محکوم کړى دى.

کابل\باختر\دميزان ٢٥
څلورتنه وسله وال طالبان د نورستان په ولايت کې له افغان ځواکونو سره په نښته کې ووژل شول.
دغه جګړه پرون نا وخته دکامديش د مرزي ولسوالۍ په بازارکې هغه وخت ونښته چې د وسله والو طالبانو ډله په يو امنيتي پوستې بريد وکړ.
دنورستان ولايت په کامديش ولسوالۍ کې يو سيمه ييز مسوول باختر آژانس ته وويل چې په دغه نيم ساعته نښته کې درې تنه طالبان ووژل شول.
ددغه سيمه ييز مسوول دڅرګندونو له مخې: دغه طالبان له پاکستان څخه په راتګ سره په افغان سر تيرو بريدکړى و.
نورستان له پاکستان سره د درې سوه شل کيلو مترو ګډې پولې په لرلو سره تل د تروريستي ډلو له دې جملې څخه د وسله والو طالبانو د شتون او فعاليت ډګر دى.

کابل\باختر\دميزان ٢٥
لطيف الله محسود چې ويل کيږي دپا کستاني طالبانو له کليدي افرادو څخه دى؛ په لوګرولايت کې د امريکايي ځواکونو له خوا ونيول شو.
دملامحسود د نيولو په خاطر بېلابېلې خبرې شته او ځينې رسنۍ ويلي دي چې د ملي امنيت ځواکونو د هغه په نيولوکې رول درلود، خو د افغانستان د ملي امنيت اداره دغه څرګندونې ردوي.
د ملي امنيت ادارې په يو مطبوعاتي ويناکې ويلي دي چې ليدل کيږي د پاکستاني طالبانو د ډلې د رهبرى يوستر غړى لطيف الله محسود له نيولو وروسته يوشمېر ډيپلوماتانو او غربي رسنيو داسې ويلي دي چې ددغه سړي په نيولوکې د افغانستان د ملي امنيت ځواکونو لاس درلود.
دملي امنيت لوى رياست په داسې حال کې چې دغه بې اساسه څرګندونې ردوي؛ ښايي چې د ملي امنيت لوى رياست نه يواځې ددغه نومول شوي په نيولوکې لاس نه درلود او په هيڅ ډول دملي امنيت له لوى رياست سره همغږى شوى نه و.

کابل\باختر\دميزان ٢٥
دکابل ولايت د امنيې قوماندانۍ د شهيدانو له کورنيو سره مرسته وکړه.
دکابل د امنيې قوماندانۍ مطبوعاتي دفتر باخترآژانس ته خبر ورکړ:
دکابل د امنيې قوماندانۍ د نيکمرغه لوى اختر په ورځوکې يوه اندازه خوراکي توکي او نغدي مرسته د هغو شهيدو پوليسو د افرادو دکورنيو په واک کې چې د ملي ارزښتونو او د وطن د دفاع په لاره کې خپل ځان له لاسه ورکړى دى؛ وويشل.

کابل باختر دتلې دمياشتې ٢٤
يو وسله وال طالب په بغلان ولايت کې دکورنيو چارو وزارت ديو مقام په کور دبريد په بهير کې ووژل شو او يو تن بل يې  دامنيتي ځواکونو له خوا ونيول شو .
دغه پيښه تيره شپه د دولسو بجو په شاوخوا کې دپلخمري ښار د سرخ کوتل دغونډۍ   په ساحه کې هغه وخت   رامنځته  شوه چې وسله والو طالبانو دکورنيو چارو  وزارت د مالي رييس  په استوګنځي  بريد وکړ.
ويل کيږي دکورنيو چارو وزارت دغه مقام له خپلو خپلوانو سره داختر مبارکۍ لپاره د پلخمري ښارته  تللې و .
دبغلان ولايت دپوليسو ويندوى  جاويد بشارت باختر آژانس ته وويل  : چې ددغه بريد په بهير کې يو وسله وال طالب  ووژل شو او يو تن  بل طالب ټپي او ونيول شو.
دبشارت دڅرګندونو له مخې :  په دې نښته کې دکورنيو چارو وزارت دغه مقام او کورنۍ ته يې زيان نه دى  رسيدلى .
درپوټونو له مخې ، دطالبانو او امنيتي ځواکونو ترمنځ نښته يو ساعت دوام وکړ.