25 May 2020

RSS Facebook

سوداگریز


تازه خبرونه

سولې ته رسېدل، هر اړخیزه ستراتېژي غواړي

سولې ته رسېدل، هر اړخیزه ستراتېژي غواړي

کابل / د غبرګولي ۵ مه / باختر شک نشته چې...

په غور کې د ولسي تړون د ۱۴ پروژو کار عملي کیږي .

په غور کې د ولسي تړون د ۱۴ پروژو کار عملي کیږي .

فیروزکوه د جوزا ۵ باختر د غور د لعل او سرجنګل...

Youtube Player

khantry design

سوداگریز

سوداگریز

کابل = باختر دوږي دمياشتې ٢٦
دملي امنيت د لوى رياست موظفينو نن اووه څلويښت توغندي دکابل ښارله مربوطاتو څخه کشف او ترلاسه کړل.
دملي امنيت دلوى رياست مطبوعاتي دفتر باختر آژانس ته خبر ورکړ: وسله والو مخالفينو دغه توغندي کابل ښار ته څېرمه د توغولو په مقصد په يو پټنځاى کې ځاى پرځاى شوي و چې دملي امنيت دلوى رياست د موظفينو له خوا کشف او ترلاسه شول او په کابل ښارکې د خونړيو ترورستي پيښو مخه ونيول شوه.

کراچۍ \ ډي ډان \ باختردوږي دمياشتې  ٢٦ :
دپاکستان په کراچۍ ښارکې  نن  د اړو دوړ او د قصدي وژنو په دوام  د يو سياسي فعال په ګډون څه ناڅه شپږتنه ووژل شول.
دباختر آژانس دخبرله مخې: د غه وژنې د کراچۍ  ښار په بېلابېلو سيموکې شوې دي او پوليسو په دغه ښارکې چاڼيز عمليات ترسره کړي دي چې له امله يې ديرش تنه مشکوک کسان  نيول شوي دي او يوه اندازه وسله هم ترلاسه شوې ده .
په ورانجي ښارګوټي کې نن  په دريو تنو د ډزو له امله په وژل شويوکسانوکې د سياسي ګوند يو غړى هم شامل دى .
دکراچۍ ښار پوليس ادعا کوي چې يوه ورځ مخکې دلښکر جنګوي په ډلې پورې  اړوند څلور تنه ياغيان او  پنځه تنه قاتلين يې په دغه ښارکې دپلټنې دعملياتو په بهيرکې نيولي دي .

کابل باختردوږي دمياشتې  ٢٦ :
دهلمندولايت په مربوطاتوکې تيره شپه د آيساف د ځواکونو د هوايي بريدله امله  څلور تنه وسله وال طالبان ووژل شول .
دهلمند د والي ويندوى عمر ځواک باخترآژانس ته وويل: په دغه  هوايي بريدکې  چې د سنګين ولسوالۍ د ساروان کلا په ساحه کې د طالبانو په يو پټنځي ترسره شول؛ دطالبانو دډلې ديو مشهور قوماندان فضل الرحمن په ګډون دوه تنه ځانمرګي يرغلګر او يو وسله وال طالب ووژل شول .
ديوبل خبرله مخې: يو ماين ښخوونکى طالب تيره شپه په بغلان ولايت کې دخپل ماين قرباني شو.
دغه سړي چې په واټ کې دکارولو لپاره دماينونوپه جوړولوکې خاص مهارت درلود؛ د هغه ماين دچاودنې له امله ووژل شو چې غوښتل يې هغه د زاړه بغلان په نوروزک ساحه کې ځاى پرځاى کړي.
د زاړه بغلان امنيه قوماندان څارمن سيدمير وطندوست وايي چې وژل شوى سړى په بغلان کې د طالبانو له قوماندانانو څخه و چې څو ځلې د ماين ښخولو په پيښو کې تور پرې لګول شوى دى.

کابل = باختر دوږي دمياشتې ٢٦
د پروان والي د هيواد دفوټبال د ملي ټيم ورزشکارانو ته درې مليونه افغانۍ ورکړې.
دغه نقدي مرسته ددغه ولايت دولتي ادارو د کارکوونکو درې ورځنى معاش و چې دفوټبال ملي ټيم ته ورکړې شوه.
د هيواد د فوټبال د فدراسيون د رسنيو مسوول احمدشاه ساير باختر آژانس ته وويل: دغه پيسې پرون مازيګر د يوې ميلمستياکې چې د پروان د والي عبدالبصير سالنګي د آسيا د جنوب په سياليوکې دافغانستان دفوټبال دملي ټيم د برياليتوب په وياړجوړه شوې وه؛ دغه ټيم ته ورکړې شوې.
دغه راز د ملي ټيم ښوونکې او لوبغاړوته سوغاتونه او ستاين ليکونه هم ورکړى شول.
په دې غونډه کې په ملي شوراکې يو شمير وکيلانو او دپنجشيروالي هم ګډون کړى و.

کابل = باختر دوږي دمياشتې ٢٦
شپږ تنه وسله وال طالبان تيره شپه په کندز ولايت کې له امنيتي ځواکونو سره د نښتې په بهيرکې ووژل شول .
په دې نښته کې نهه تنه نور طالبان ټپيان شول .
دکندز ولايت د امنيې قوماندان ويندوى سيد سرور حسيني باختر آژانس ته وويل : دغه نښته د امام صاحب ولسوالۍ د پل مدير او سه کبرک په امنيتي پوستو د طالبانو له بريد وروسته وشوه چې په بهيرکې يې شپږ تنه وسله وال طالبان ووژل شول او نهه تنه نور يې ټپيان شول.
حسيني زياته کړه: په دې نښته کې يو سيمه ييز پوليس هم ټپي شوى دى او د طالبانو شپږ ميله وسلې هم د امنيتي ځواکونو لاس ته ورغلې دي .

کابل = باختر دوږي دمياشتې ٢٦
دافغانستان داسلامي جمهوريت او قزاقستان جمهوريت ترمنځ د تجارتي او اقتصادي همکاريو د برخې د بين الحکومتي ګډکميسيون شپږمه غونډه نن په کابل کې جوړه شوه.
دباختر آژانس دخبرله مخې: په هغې غونډه کې چې له همد امله په کابل کې جوړه شوه؛ د سوداګرۍ او صنايعو وزير ډاکتر انوارالحق احدي خبرې وکړې او ويې ويل: له دغې غونډې وروسته د دواړو هيوادونو ترمنځ د اقتصادي او تجارتي همکاريو تړونونه لاس ليک کيږي او د هغو له مخې د قزاقستان جمهوريت د ښوونې او روزنې، د کانونو د را ايستلو، د هوايي او ځمکني ترانسپورت ، د ترانزيټي اسانتياوو د برابرولو، بيړنيو حالاتو او د اطلاعاتو او فرهنګ له وزارت سره همکاري کوي .
دغه راز په دې غونډه کې د قزاقستان د بيړنيو حالاتو وزير په بېلابېلو او په تيره بيا دتجارت او اقتصاد به برخو کې دخپل هيواد په همکاريوباندې ټينګار وکړ.

کابل باختردوږي دمياشتې  ٢٦ :
په سمنګانو ولايت کې د بادامو حاصلات په سلوکې ديرش زيات شوي دي.
دترلاسه شويو او ارقامو له مخې، هيله کيږي چې تيرکال په سمنګانوکې د بادامو حاصلات شپږ سوه ټنو ته ورسيږي. په داسې حال کې چې دغه اندازه تيرکال څلور سوه شل ټنه و.
سمنګان له زابل وروسته د افغانستان زيات بادام توليدوي. ددغه ولايت د بادامو کيفيت او خوند په کورنيو د سيمې د هيوادونو او په نړيوالو بازارونوکې ښه شهرت لري .
اوس د افغانستان په سلګونو ټنه بادام هند، دوبى او نورو عربي هيوادونه او د اروپا بازارونو صادريږي.
په سمنګانوکې د بادامو کرکيلې لاندې څه ناڅه څلور زره شپږ سوه هکتارځمکه احتوا کوي چې ويل کيږي چې دغه اندازه کال په کال د بڼوالۍ دحالت دښه کيدو په لاره کې په هلوځلو سره مخ په زياتيدو ده.
دافغانستان دکرنې او اوبولګولو وزير محمد آصف رحيمي دباختر آژانس خبريال ته وويل چې د سمنګانو ولايت ددغه وزارت د بڼوالۍ اومالدارۍ د پروګرام تر پوښښ لاندې ولايتونو څخه دى او په دغه پروګرام کې په تيرو پنځو کلونوکې په دغه ولايت کې په څه دپاسه اووه سوه دوه ديرش جريبه ځمکه دقهاربايي ستاربايي او قمبري بادامو نوى بڼوڼه جوړ شوي دي .
دکرنې او اوبو لګولو د وزير د څرګندونو له مخې: دوى د بڼوالۍ د ودې او دکرنې د معياري کولو لپاره د ايبکو په ښار او د حضرت سلطان خرم سار باغ او د روى دوآب په ولسواليوکې درې زره اووه سوه جريبه اوسني بنوڼه احيا او څه ناڅه درې زره څلور سوه تنه بزګران يې د بڼوالۍ د نويو لارو چارو په برخوکې روزلي دي.
په دغه ولايت کې دغه راز د بادامو د حاصلاتو د ودې او د بڼوالو د ستونزو د څيړنې په مقصد بادامو د ګروند ګرو دوه اتحاديې جوړې او فعاليت کوي.
د بادامو د حاصلاتو وده او له ټولو مهم په کورنيو او بهرنيو بازارونوکې د افغانستان دغه ميوې ته د بازرا موندل بڼوال خوشحاله کړي دي .
دسمنګانو ولايت د حضرت سلطان د ولسوالۍ بڼوال محسن وايي چې اوس ټول محصولات يې د سوداګرو له خوا کورنيو او بهرنيو بازارونو ته وړاندې کيږي او له دې لارې دخان او دخپلې کورنۍ اقتصادښه کړى دى.
محسن وايي: هلې ځلې کوي چې دبادامو او دکاروبار لپاره زيات بڼونه جوړکړي.
په همدې حال کې په سمنګانوکې د بادامو کر وندګر اوس هم دکار د وسايلو دکمښت او د کرنې د آفتونو د رامنځته کيدو له امله ستونزو سره مخامخ دي .
په همدې حال کې دکرنې او اوبو لګولو وزارت مقامات وايي چې دوى هلې ځلې کوي چې د مرستو په ترلاسه کولو سره د سمنګانو له بڼوالو سره خپل ملاتړ او مرستې زياتې کړي.

کابل باختردوږي دمياشتې  ٢٦ :
د حضرت امام اعظم (رح ) د شخصيت اوکارنامو په باب د سيمينارپه مناسبت د افغانستان د اسلامي جمهوريت د جمهوررييس حامدکرزي پيغام!
د ډيرې خوشحالۍ او خوښۍ ځاى دى چې د افغانستان د اسلامي جمهوريت د اطلاعاتو او فرهنګ وزارت د اسلامي نړۍ د ستر او نوميالى شخصيت حضرت امام اعظم ( رح ) د شخصيت او کړنوپه باره کې  يو سيمينار جوړ کړى دى  او درانه ديني عالمان ، څيړونکي او پوهان يې دغه سيمينار ته بللي دي چې د امام ابوحنيفه ( رح ) په باره کې د طرحه شوې موضوع بېلابېل اړخونه د درناوي په دغو علمي غونډو کې طرحه او وڅيړي .
څوکاله مخکې د افغانستان د علومو اکاډمۍ په کابل ښار او دغه راز د پروان ولايت په  چاريکارو ښارکې يو ستر سيمينار جوړ کړ او د حضرت امام د ستر او نافذ شخصيت او د هغه د لوړو او حميده اخلاقو او د حنفي مذهب په باب په دغه سيمينارکې ګټورې مقالې برابرې او وړاندې کړې .
اوسنى سيمينار به  د پخوانيو څيړنو بشپړونکى وي ا و دحضرت امام  اعظم ( رح )   او د هغه د سترو او ګټورو کارناموپه باره کې د مطالعې په باب مواد د ګرانو هيوادوالو په واک کې ورکړي.
زه د ستاينې وړ ددغه سيمينار د جوړولو په خاطر د اطلاعاتو او فرهنګ وزارت ته شاباسى وايم او له هغو سترو عالمانو څخه چې په دې سيمينارکې يې ګډون کړى دى؛ مننه کوم. د سيميناربرياليتوب د لوى خداى (ج) له دربارڅخه ستاسو د سيمينار د برياليتوب هيله کوم.
هيله لرم د دغه سيمينار څيړنې د هغه د هدفونو له ترسره کولو سره مرسته وکړي.

کابل باختردوږي دمياشتې  ٢٦ :
د لوړو زده کړو دموسسو دعالي شورا غونډه نن له غرمې مخکې د جمهوري رياست د لومړي مرستيال او د لوړو ز ده کړو دموسسو د عالي شورا د رييس مارشال محمد قسيم فهيم په  مشرۍ د صدارت د ګلخانې په  ماڼۍ کې  جوړه شوه.
دجمهوري رياست مطبوعاتي دفتر باخترآژانس ته خبرورکړ :
په غونډه کې دجمهوري رياست لومړي مرستيال دافغانستان داسلامي جمهوريت لپاره د لوړو زده کړو د کادرونو د ارزښت او مقام بيان کړ او ويې ويل چې دافغانستان دځوانانو روزنه دهغوي دکار اوفعاليت سره تړاو لري  او له دې  پلوه  د افغانستان داسلامي جمهوريت کادري سياست، د مسلکي کادرونو د علمي او مسلکي  زده کړې دکچې په  لوړولو کې خلاصه کيږي.
د لوړو زده کړو د موسسو دعالي شورا په نننۍ غونډه کې د لوړو زده کړو وزارت د وړانديزونو اجنډا په ترتيب سره په جلاجلا ډول د لوړو زده کړو موسسو دعالي شورا دغړو له خوا وڅيړل شوه او د دغو مواردو پريکړه وشوه  :
_  دبلخ پوهنتون ته دشمال دنظامي حوزوي روغتون د پخوانې ودانۍ د ورکولو په باب د لوړو زده کړو وزارت وړانديز په اصولوکې تائيد شو، خو وپتيل شوه چې د لوړو زده کړو وزارت او دچارو ادارې او د وزيرانو شورا دلوى رياست له خوا يو هيئت دې موضوع د ملي دفاع وزارت له استازي سره وڅيړي او په دې اړوند دې  ددغه وزارت موافقه ترلاسه کې  او د موضوع دې د وزيرانو شورا غونډې ته وړاندې شي .
_  په ننګرهار ولايت کې د سياينس او د اسلامي علومو د نومولو په باب پريکړه وشوه چې د وزيرانو شورا د فرهنګي او د ټولنيزو خدمتونو اداره دې دافغانستان د اسلامي جمهوريت د وزيرانو شورا، د ماليې وزارت او د لوړو زده کړو وزارت سندونو او مصوبو ته مراجعه وکړي او روښانه دې کړي چې د دغو ادارو په سندونو کې د سياينس او د اسلامي علومو د نويو پوهنتونونو او د اسلامي نړيوال پوهنتون جوړول څه ډول وضاحت لري چې د هغه له مخې د لوړو زده کړو د موسسو عالي شورا وروسته تصميم ونيسي.
_  د لوړو زده کړو د موسسو  د عالي شورا د غونډو د جوړلو طرزالعمل تائيدشو خو پريکړه وشوه چې ددغه متن طرحه دې په عدلي اوقضايي چاروکې د سلاکار وزير قضاوتپوه محمداشرف رسولي له خوا بيا وڅيړل شي او د غونډې د يادونو په پام کې نيولوسره دې تصحيح شي .
_  د لوړو زده کړو د موسسو عالي شورا د معالجوي طب په پوهنځي کې د شموليت په باب د دوى د تحصيلي فراغت په  سندونو کې د عمر د اصلاح باب   زموږ د دوو تنو هيوادوالو محترمې ګلالۍ د نيک محمد د لور او د محترمې شبنم د نثاراحمد د لور عريضې د قوانينو  او مقرراتو د حکمونو پرخلاف وبللې او ردې  کړې.
_  غونډې دغه راز د مصطفى اجمل د آقا ګل د وزى د عريضې په باب دکابل دطبي پوهنتون د تدريسي کميسيون پريکړه تائيدکړه او وپتيل شوه چې د لوړو زده کړو وزارت دې له ملکي څخه نظامي ته د ده دبدلون موضوع دجمهوري رياست مقام ته پيشنهادکړي.
_  غونډې د بورسونو تنظيم د رياست وړانديز مطالعه کړ اوپريکړه يې وکړه، هغه کادرونه چې دماسترى او د دکتورا د درجو د لوړو زده کړو د دوام لپاره له هيواد څخه بهر ته استول کيږي؛ دخپلوکورنيو دليږدونې اجازه نه لري.
_ غونډې دغه راز د لوړو زده کړو د موسسو د استادانو د معاشونو د زياتوالى موضوع وڅيړله. دماليې وزارت دمعين دڅرگندونو په پام کې نيولوسره دغه مسئله د وزيرانوشورا د نولسمې ګڼې مصوبې له پنځم بند سره سم د اجرا وړ گرځيدلې ده .

کابل – باختر د وږي دمياشتې ٢٦
د سترې محکمې عالي شورا نن له غرمې مخکې د سترې محکمې د کفيل قضاوتپوه بهاءالدين په مشرۍ غونډه وکړه او په اجنډاکې نيول شوې موضوعګانې يې وڅيرلې.
د سترې محکمې د خبرونو رياست باختر آژانس ته خبرورکړ:
د سترې محکمې عالي شورا لومړى د قضايه قوې د ١٣٩٢ – ١٣٩٣ د مالي کال د بودجې سقف چې د مالي او تشکيلاتي اړتياوو په پام کې نيولو سره اټکل او تدوين شوى و، تصويب کړ او د قضايه قوې د ادارې عمومي آمريت ته يې دنده وسپارله چې د هغه د قانوني پړاونو په بشپړولو اقدام وکړي.
دغه راز په غونډه کې دقضايي پلټنې د رياست رپوټ او تدقيقي نظر په پام کې نيولو سره د باميانو ولايت د ايستيناف محکمې ادارې او قضايي چارې وڅيړل شوې او ترسره شوي اجرات مثبت او مطلوب وبلل شول او د دندو په ښه ترسره کولوکې د دغې محکمې د ادارې قضايي منسوبينو دهلوځلو له امله دمننې په ترڅ کې د باميانو د استيناف محکمې رييس نصرمن الله رحيمي ته دويمې درجې ستاين ليک ورکول تصويب شول .
دغه راز د بلخ ولايت د نظامي استيناف محکمې د قضايي او اداري اجرااتو په باب پلټوونکو رپوټونو او تدقيقي نظريو ته په پاملرنې سره تجويز ونيول شو چې د دغې محکمې رييس او قاضيان دې د هغو سرغړونو په باب لازمو څرګندونو د وړاندې کولو په مقصدچې دوى ته توجيه شوي دي؛ د سترې محکمې د عالي شورا په يوه غونډه کې ګډون وکړي .
وروسته يو شمېر رسيدلې استهداګانې وڅيړل شوې، د ځمکه والى د چارو د سمون له قانون سره د اماکنو د اجارې په اړوند د وزيرانو شورا او د سترې محکمې دعالي شورا د مصوبو دتعارض په برخه کې د ماليې وزارت د املاکو دلوى رياست استهدايې ته په پاملرنې سره څرګندشو چې د سترې محکمې د عالي شورا د ٨١٦ ګڼه مصوبې او د ځمکه والى د چارو د تنظيم د قانون او د تدارکاتو د قانون ترمنځ هيڅ راز تناقض نشته، ځکه د دواړو قوانينو موضوع د دغو مصوبو له موضوع سره توپير لري او د هغو د تطبيق ساحې هم جلا او توپير لري.
په همدې ډول په بلخ ولايت کې د يوې شخصي ځمکې د استملاکي بيې د ادعا په برخه کې دبلخ ولايت داستيناف محکمې د رياست د استهدايې په باب چې په ١٣٣٥هجري لمريزکال کې د مزارشريف د ښاروالۍ له خوا د واټ د پراختيا په مقصد ويجاړه شوې وه؛ څرګنده شوه چې په لومړى پړاو د مدني او حقوقي دعوا حل او فصل د حق  او مدعي د ادعا ثبت ته اړتيا لري.
وروسته محکمه په هغه صورت کې چې د مدعي او مدعي عليه ترمنځ د مدعي بها او يا د نورو کوائفو د بيې د اندازې په باب کومه نزاع شتون ولري؛ له اهل خبره څخه استفاده وکړي او له لازمو تدقيقاتو وروسته د استملاک د ورځې د بيې اعتبار ته په پاملرنې سره د مدني محاکماتو د اصولو د قانون له مخې اجراات وکړي.
دغه راز د وکالت د يوې وثيقې د محفوظ د ثبت د له منځه وړلو په اړوند دکابل ولايت د استيناف محکمې د رياست استهدايې ته په پاملرنې سره چې په قصدي ډول ترسره شوى دى او نښې نښانې يې ليدل کيږي؛ لارښوونه وشوه چې موضوع دې د سترې محکمې د پلټنې رياست ته وړاندې شي او د پلټوونکو يو هيئت دې د نظر وړ کنده وڅيړي او د قضيې د عاملينو په تثبيت سره خپل نظر دې د سترې محکمې مقام ته وړاندې کړي.
دغه راز د بهرنيو چارو وزارت د قونسلي رياست له حقوقي ډسک څخه د دوو را رسيدلو استهداګانو په باب چې په ترکيې او هالندکې دافغانستان د اسلامي جمهوريت د سفارتونو له لارې طرحه شوې دي؛ هم لازمې لارښوونې وشوې.
سربيره پردې، په نننۍ غونډه کې د بياکتنې غوښتن ليکونه په مدني او جزايي قضيوکې د محکمې د بدلون څلور ويشت غوښتن ليکونه چې د لوى څارنوالۍ او د دعوا د خاوندانو له خوا رسيدلي و؛ هم وڅيړل شوې او د هغو په باب لازم تصميمونه ونيول شول.
د يوبل خبرله مخې: د وږې د مياشتې په ٢٣نيټه دهرات ولايت دښارى ابتدايه محکمې يو کارکوونکى چې د دعوا له يوخاوند څخه پنځه ويشتو زرو افغانيو بدل غوښتنه کړې وه او دغه راز د وږي د مياشتې په ٢٥نيټه دهلمند ولايت د ګرمسير ولسوالۍ د ابتداييه محکمې رييس دغلا په يو قضيه کې اتيا زره پاکستانى کلدارې بډې غوښتې وې؛ د قضايي کنترول او څارنې د ادارې او د دغو ولايتونو د ملي امنيت د رياستونو په ګډو هلوځلو او همکارۍ لاس په لاس ونيول شول.
پيښې ترڅيړنې لاندې دي.