24 October 2019

RSS Facebook

سوداگریز


تازه خبرونه

د استوګنې کورونو پر بام د لمریزې برښنا انرژۍ کاروني لومړنۍ ملي برنامه

د استوګنې کورونو پر بام د لمریزې برښنا انرژۍ کاروني لومړنۍ ملي برنامه

کابل /دلړم لومړى / باختر د دوامدارې برښنا لرلو لپاره د...

کابل ته څېرمه دطالبانو دمهماتو زيرمه کشف شوه .

کابل ته څېرمه دطالبانو دمهماتو زيرمه کشف شوه .

کابل /دلړم لومړى / باختر : دکابل په موسهي ولسوالۍ کې...

 صلاح الدين  رباني استعفا وکړه .

صلاح الدين رباني استعفا وکړه .

کابل /دلړم لومړى / باختر : دبهرنيو چارو وزير صلاح الدين...

Youtube Player

khantry design

سوداگریز

سوداگریز

Saturday, 16 February 2013 08:52

داسعارو بيه

کابل\باختر\دسلواغې  دمياشتې ٢٨ مه:
دکابل دشهزاده سراى دصرافانو درييس  دمعلوماتو له مخې : نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     52/40  افغانيو پلورل په   52/50افغانيو
يوانګليسى پونډ پيرودل په  80/70افغانيو پلورل په   80/80افغانيو
داماراتو يو درهم پيرودل په 20/ 14 افغانيو پلورپه 25 / 14 افغانيو
يوه يورو  پيرودل په    90 69/ افغانيو پلورل په   70 /00  افغانيو
يوسعودي ريال پيرودل په  85 13/پلورل  13/90افغانيو
زرهندي کلدارى پيرودل په 990 افغانيو پلورل په 1000 افغانيو
زرپاکستاني کلداري پيرودل په  526افغانيو پلورل په  527 افغانيو
اوزر ايراني تو مان پيرودل په 14/50  افغانيو پلورل په   13/60 افغانيو.
 

مسکو– باختر دسلواغى اته ويشتمه :
ټاکل شوې ده دروسيې دبهرنيو چارو وزير دراتلونکې دوشنبې په ورځ دناټو له عمومي منشي سره دافغانستان دحالت او نورو مسئلو په باب خبرې اترې وکړې.
دايتارتاس دخبري آژانس دخبرله مخې، سرګي لاوروف له اندرس فوګ راسموسن سره دروسيې او ناټو د اړيکو او دافغانستان دحالت په باب په بروکسل کې خبرې کوي.
د دوى دخبرو داجندا په باب جزييات نه دى وړاندې شوي، روسيه تل په افغانستان کې دامريکا په مشري دنړيوالو ځواکونو په ماموريت انتقاد کوي.
په داسې حال کې چې زياتره نړيوال جنګي ځواکونه د ٢٠١٤ ميلادي کال ترپاى پورې له افغانستان څخه وځي ،روسيه غواړي دافغانستان په مسئله کې زيات رول ولوبوي.
 

Saturday, 16 February 2013 08:49

طالبانو يو ډاکتر وتښتاوه

کابل – باختر دسلواغى اته ويشتمه :
وسله والو طالبانو پرون دلغمان ولايت يو تن اوسيدونکې وتښتاوه.
دشمشاد د٢٠٢ ساحوي زون دقوماندانۍ مطبوعاتي دفتر باختر آژانس ته خبرورکړ: دلغمان ولايت په مرکز پورې اړوند دبسرام کلي يو تن اوسيدونکې دطالبانو له خوا له کور څخه يې وتښتول شو او نامعلوم ځاى ته وليږدول شو.
ددغې انسان تښتونې علت معلوم نه دى او دسيمې اوسيدونکي وايي تښتول شوى سړى يو ډاکتر وچې سياسي تړلتيا او سابقه نه لري.
 

کابل – باختر دسلواغى اته ويشتمه :
دکاپيسا ولايت دامنيې قوماندانۍ پوليسو پرون څلور تنه وسله ووال مخالفين ونيول .
دشمشاد د٢٠٢ ساحوي زون دقوماندانۍ مطبوعاتي دفتر باختر آژانس ته خبرورکړ:ددغې قوماندانۍ پوليسو دکاپيسا ولايت دتګاب ولسوالۍ دشاتور ،پاکستاني کلا او دغوربل دښوونځي په ساحو کې چاڼيز عمليات ترسره کړل چې په بهير کې يې څلور تنه وسله وال مخالفين له يوتوغندي ويشتونکې او وسلې سره ونيول .
 

کابل – باختر دسلواغى اته ويشتمه :
دايساف ويندوى په خپلو وروستيو څرګندونو کې په طالبانو تورولګاوه چې له ملکي وګړو څخه انساني ډال په توګه کاراخلي.
دباختر آژانس دخبرله مخې، دجنرال ګونترکتس وروستۍ څرګندونې له هغه وروسته کيږي چې دتيرې سه شنبې په شپه دکونړ ولايت دشيګل ولسوالۍ په مربوطاتو کې په يوه کلي کې دناټو دجنګي الوتکو له خوا په وسله والو مخالفينو دبريدله امله د دووښځو او دپنځوتنو ماشومانو په ګډون يو شمير ملکي وګړي ووژل شول.
په دغو هوايي عملياتو کې درې تنه چې ويل کيږي دطالبانو بهرني ملاتړى وو،هم ووژل شول ،يو وژل شوى په پاکستاني طالبانو پورې اړه درلود چې دکونړ ولايت ديو قومي مخور او دجهادى قوماندان ملک زرين په ترورکې رول درلود . دغه راز دپاکستاني طالبانو دغه قوماندان په کونړ ولايت کې دناامنيو سبب هم شوي و. دافغانستان دولت په دې بريد کې دملکي وګړو ،ښځو او ماشومانو د مرک ژوبلې پرخلاف جدي غبرګون وښوده ،په افغانستان کې دنړيوالو ځواکونو لوى قوماندان جنرال جوزف دانفور په داسې حال کې چې په افغانستان کې دخپل کار لومړي ورځې تيروي ،دجمهوري رياست ارګ ته وروغوښتل شو چې ددغې پيښې دڅرنګوالي په باب څرګندونې وکړي، دانفور وويلي دي چې خپل يو جنرال يې کونړ ته استولى دى چې پيښه وڅيړي خو دايساف ويندوى جنرال ګونتر کتس دجمعې په ورځ وويل: طالبان له خلکو څخه د ډال په توګه په کار اخستلو سره هلې ځلې کوي چې ځان خوندي کړي او زياتوي چې دکونړ دپيښې په اړوند څيړنې او پلټنې دوام لري ، په جګړه کې تيروتنه کيږي خو موږ هڅه او هاند کوو داسې پيښه رامنځته نه شي چې له امله يې ملکي وکړو او يا زموږ متحدينو ته زيان واوړي.
دالومړى ځل نه دى چې په طالبانو له ملکي وګړو څخه دانساني ډال په توګه دکاراخستلو تورلګول کيږي او دملکي خلکو ترشاه په پټيدوسره هغوى ته دسردزيان داوښتو سبب کيږي، دوى په تيرو وختونو کې هم دخپلو پروګرامونو دترسره کولو لپاره داستوګنې په سيمو او په ملکي وګړو دبريدونو لاره غوره کړې ده .
دغه راز دبشر دحقوقو مرکزونو په واروارد پوځي عملياتو په بهير کې ملکي وګړو ته دسرزيان داوښتو له امله انديښنه څرګنده کړې ده. طالبان په هيواد کې دملکي وګړو دسر د درندو زيانونو عامل بلل شوي دي افغان امنيتي او دفاعي ځواکونه او مرکزونه هم په ځينو مواردو کې دسرزيان سبب شوي دي .
 

کابل\  باخترسلواغې دمياشتې  ٢٨ :
د اطلاعاتو اوفرهنګ وزارت ابلاغيه
لکه څرنګه چې پخواخبرورکړ شوى دى د ١٣٩٢ هجري لمريزکال د وري دمياشتې ورستي اوونۍ په ٢٠١٣ ميلادي کال کې د اسلامي فرهنګ په توګه دغزني د تاريخي ښار، د سولې او دوستى د ښار  د اعلام اوونۍ ده.
د اطلاعاتو اوفرهنګ وزارت له شاعرانو ، داستان ليکوونکو، نمايشنامه ليکوونکو ، سندرغاړو ، خطاطانو ، انځورګرانو اوله نورو هنرمندانو څخه غوښتنه  کوي؛ هغه آثار چې دغزني د تاريخي ښارد پرتمينې نمانځنې په مناسبت به برابرکړي؛د ١٣٩٢ لمريز کال د وري دمياشتې تر١٥ نيټې پورې د اطلاعاتو اوفرهنګ وزارت فرهنګي معينيت ته وسپاري .
د ممتازو آثارو خاوندان به جايزه ترلاسه کړي .
 

کابل\  باخترسلواغې دمياشتې  ٢٧ :
د اطلاعاتو اوفرهنګ وزارت ابلاغيه
لکه څرنګه چې پخواخبرورکړ شوى دى د ١٣٩٢ کال  د وري د مياشتې وروستي اوونۍ په  ٢٠١٣ ميلادي کال کې د اسلام د فرهنګ دپايتخت په توګه د سولې او دوستى غزني د تاريخي ښار د اعلام اوونۍ ده .
د اطلاعاتو اوفرهنګ وزارت له شاعرانو ، داستان ليکوونکو، نمايشنامو ليکوونکو ، آهنګ جوړونکو ، خطاطانو ، انځورګرانو اوله نورو هنرمندانو څخه غوښتنه  کوي؛ هغه آثاريې چې دغزني د تاريخي ښارد پرتمينې نمانځنې په مناسبت برابرکړي؛د ١٣٩٢ لمريز کال د وري په ١٥ نيټه د اطلاعاتو اوفرهنګ وزارت فرهنګي معينيت ته وسپاري .
غوره او ممتازو آثارو ته به  جايزه ورکړل شي .
 

کابل\  باختردسلواغې دمياشتې  ٢٧ :
هندوستان  د ١٣٩٢ تحصيلي کال  لپاره دګروپي بورسونو په برخه کې ٧٤٠ بورسونه د لوړو زده کړ وزارت ته ورکوي .
د لوړو زده کړو وزارت مطبوعاتي دفتر باختراژانس ته خبرورکړ:
د لوړو زده کړو وزير پوهاند عبيدالله عبيد پرون  په کابل کې دهندوستان له سفير سره په کتنه کې  د ٧٤٠ بورسونو د ويشلو او د لوړو زده کړو په برخه کې ددغه هيواد د لازياتو همکاريو په باب  خبرې وکړې.
په دې کتنه کې د لوړو زده کړو وزير د دوست هيواد هندوستان د مرستو له امله دقدرداني په ترڅ کې دکابل پوهنتون د ژوندانه دچاپيريال ساتنې پوهنځي ته يې  د نوې ودانۍ د جوړولو  ، د محصلانو د ليږدونې لپاره د يوشمير بسونو د برابرولو   او  د لوړو زده کړو وزارت دپروګرامونوپه برخه کې يې د همکاري غوښتنه وکړه.
دهند سفير د لوړو زده کړو وزارت په تحصيلي برخو کې د خپل هيواد د مرستو او همکاريو ژمنه وکړ ه .
 

کابل\  باختردسلواغې دمياشتې  ٢٧ :
هندوستان  د ١٣٩٢ تحصيلي کال  لپاره دګروپي بورسونو په برخه کې ٧٤٠ بورسونه د لوړو زده کړ وزارت ته ورکوي .
د لوړو زده کړو وزارت مطبوعاتي دفتر باختراژانس ته خبرورکړ:
د لوړو زده کړو وزير پوهاند عبيدالله عبيد پرون  په کابل کې دهندوستان له سفير سره په کتنه کې  د ٧٤٠ بورسونو د ويشلو او د لوړو زده کړو په برخه کې ددغه هيواد د لازياتو همکاريو په باب  خبرې وکړې.
په دې کتنه کې د لوړو زده کړو وزير د دوست هيواد هندوستان د مرستو له امله دقدرداني په ترڅ کې دکابل پوهنتون د ژوندانه دچاپيريال ساتنې پوهنځي ته يې  د نوې ودانۍ د جوړولو  ، د محصلانو د ليږدونې لپاره د يوشمير بسونو د برابرولو   او  د لوړو زده کړو وزارت دپروګرامونوپه برخه کې يې د همکاري غوښتنه وکړه.
دهند سفير د لوړو زده کړو وزارت په تحصيلي برخو کې د خپل هيواد د مرستو او همکاريو ژمنه وکړ ه .
 

لندن \ وردلدنيوز   باختردسلواغې دمياشتې  ٢٧ :
د بريټانيا او ازبکستان حکومتونو موافقه کړې ده  چې په افغانستان کې دبريټانيا پوځي تجهيزات د ازبکستان له لارې وايستل شي .
ددغو تجهيزاتو ارزښت چې د ازبکستان له لارې  له افغانستان څخه ايستل کيږي؛  شپږمليارده ډالره ښودل شوې دي .
دغه موافقه په داسې حال کې شوې ده چې په افغانستان کې دتروريزم پرخلاف دنړيوال ايتلاف دځواکونو عمليات مخ په پاى ته  رسيدو دي  .
ددغې موافقې له مخې: ازبکستان به  د بريټانيايي تجهيزاتو او وسايلو د ليږ دونې د اجازې په مقابل کې د اووه سوه زرو ډالرو په ارزښت  د بريټانيا  پوځي ماشين آلات ترلاسه کړي .
دبريټانيا ددفاع وزير  فليپ هاموند د دغه هيواد دپارلمان استازو ته ډاډ ورکړى دى چې ازبکستان به له دغو پوځي تجهيزاتو څخه په ازبکستان کې دخپلو مخالفينو  پرخلاف  استفاده ونه کړي.
د بريټانيا د دفاع وزير ويلى دى چې دپاکستان له لارې دتدارکاتو دليږ دونې تګلورې چې همدا اوس د استفادې وړ دي؛ له افغانستان څخه د ناټو دپوځي تجهيزاتو او وسايلو د ايستلو  ځواب ورکوونکي نه دي .
د همدې خبرله مخې: د ازبکستان او بريټانياددغې موافقې اصلي هدف په  ٢٠١٤ ميلادي کال کې د افغانستان له شمال تګلورې څخه دبريټانيايي ځواکونو  د وتلو لپاره  زمينه بلل شوې ده.