06 July 2020

RSS Facebook

سوداگریز


تازه خبرونه

د جمهوررئیس محمد اشرفی غني په مشرۍ د کابینې غونډه جوړه شوه

د جمهوررئیس محمد اشرفی غني په مشرۍ د کابینې غونډه جوړه شوه

کابل / د چنګاښ ۱۶مه / باختر د کابینې غونډه د...

کابل او یو شمېر نورې سیمې زورورې زلزلې ولړزولې

کابل او یو شمېر نورې سیمې زورورې زلزلې ولړزولې

کابل / د چنګاښ ۱۶ مه / باختر نن ماښام څه...

د لوړو زده کړو وزارت د تسلیت او خواخوږۍ پيغام

کابل/ د چنګاښ ۱۶مه/ باختر په ډيرې خواشينۍ سره مو خبر...

Youtube Player

khantry design

سوداگریز

سوداگریز

کابل – باختر دتلې دمياشتې ١٨
دافغانستان داسلامي جمهوريت جمهور رييس حامد کرزي يوځل بيا له امريکا سره دامنيتي تړون دلاس ليک کولو په باب دخلکو په ارادې تکيه وکړه او ويې ويل چې له امريکا سره دامنيتي تړون دلاسليک په باب وروستۍ تصميم په دخلکو استازي په لويه جرګه کې ونيسي.
دباختر آژانس دخبرله مخې :  جمهور رييس  کرزي چې دروانې اوونۍ د دوشنبې په ورځ يي په يوه خبري غونډه کې خبرې کولې دهيواد د روانو حالاتو او له امريکا سره دامنيتي تړون دخبرو په باب دمشخص تحليل په وړاندې کولو سره په دې اړوند اختلافى ټکي بيان کړل.
ده وويل : د دغه تړون دلاسليک پرسراختلاف تراوسه نه دى لري شوى دتيري تعريف دهغوامريکايې عسکرو خونديتوب چې له ٢٠١٤ کال وروسته به په افغانستان کې پاتې شي او دتروريزم او تروريست تعريف داختلاف وړ  مواد  دي.
په هرصورت خبرې په حساس پړاو کې دي او ددغو خبرو نتيجې په مشورتي لويې جرګې کې چې تر راتلونکې يوې مياشتې پورې جوړيږي دخلکو استازوته وړاندې شي.
د جمهور رييس دڅرګندونوله مخې دهغه څه په باب چې دافغانستان دخلکو استازې   تصميم ونيسي حکومت به يې پيروي وکړي.
دهيواد دجمهور رييس دغه اراده په  څرګند ډول ښي چې جمهور رييس د ملي او سياسي قضيو په حل کولو کې دخلکو په اراده  عمل کوي او نه په معاملې کې د دغه او يا هغه هيواد په زور او فشار.

کابل – باختر دتلې دمياشتې ١٨
دکرنې او اوبولګولو له خوا په بزګرانو دغنمودلسګونوټنو اصلاح شويو تخمونو  ويشل په سمنګانو ولايت پيل شول.
دسمنګانو ولايت دکرنې او مالداري رييس انجينيرمحمد اسلم دانا باختر آژانس ته وويل :  داصلاح شويو تخمونو او دکيمياوى سرې دپيرودلو په خاطر د کرنې وزارت لس مليونه او څلور سوه زره افغانى بيلې کړې دي او دسمنګانو دکرنې او مالدارى رياست له دغوپيسو څخه دهيت په حضور کې دوه سوه شپږ پنځوس ټنه اصلاح شوى تخم او کيمياوي سره وپيرله . دغه غنم او کيمياوى سره دسمنګانو له خاورې سره توافق لري او زيات حاصل ورکوي.
ده وويل :  دوى دکرنې   د لارښوونې له مخې دغه تخم او سره په پنځه زره څلورسوه څلوراوياتنو بزګرانوبا ندې د دغه ولايت په مرکز اوشپږ وولسواليوکې چې په کوپراتيفونو  کې غړيتوب لري او دغه راز  په انفرادي بزګرانو  وشي.
د دانا دڅرګندونو له مخې : په هر بزګر ٢٥ کيلوغنم او ٢٥ کيلو توره سره او
پنځوس کيلو يوريا سره  د يو زرو دوه سوه شلو افغانيو په بدل کې او دځمکې په بزګرانو ٢٥ کيلو تخم د ٣٣٢ افغانيو په بدل کې ويشل کيږي.

کابل باختر دتلي دمياشتې ١٨ :
مصر اوفرانسه  دهرات پوهنتون په وده او پراختيا کي  دمشارکت علاقمندي لري.
دمصر او فرانسي  دهيوادونو سفيرانو چې  دهرات پوهنتون له مسوولينو سره کتلي دي استادانو ته د بورسونو دورکولو په خاطر خپل تياري څرگندکړ.
په دي کتنو کي  دمصر سفير داکاډميکو موسسو  دپياوړتيا سره دمرستي په خاطر  دتياري اعلام وکړ . او ويې ويل هيواد يې علاقمندي  لري چې دهرات پوهنتون په انګړ کې يو جومات جوړکړي.
دباختر آ ژانس دخبرله مخې :   دفرانسي هيواد سفير هم دهرات پوهنتون له رييس ډاکتر عبدالظاهر محتسب زاده سره په کتنه کې دپوهنتون دلابراتوارونو دتجيزاتو په برخه کې   دخپل هيواد دعلاقمندي  ډاډ  ورکړ.
ويل کيږي   چي ددغو پروژو عملي کارونه  به ډير ژر  مصر او فرانسي دهيوادونو له خوا پيل شي .

کابل باختردتلې دمياشتې ١٨ :
په ننګرهار ولايت پوځي مقامات وايي  دپوځي عملياتوپه بهيرکي  دڅو پاکستاني جګړه مارانو په ګډون  ديرش وسله وال طالبان  ووژل شول.
ددغوپوځي  عمليات په بهيرکي  چې دشيرزاد ولسوالۍ په ځينو سيمو کي پيل شوي و څه ناڅه شل تنه وسله وال طالبان چې ټپيان وو ، ونيول شول.
دغه پوځي عمليات  دملي اردو و پوليسو او دملي امنيت د سلګونو تنو ځواکون په ګډون دوسله والو طالبانو دپټنځايونو دويجاړولو او دخلکولپاره دامنيت دتامينولو په مقصد دسه شنبې په ورځ پيل شول چې اوس هم دوام لري .
دهيواد په ختيځ ګې  دملي اردو  دځواکونو ويندوى جګړن شيرآقا  دباخترآژانس خبريال ګلستان  غالب ته وويل  : چې ددغو عملياتوپه بهيرکي د پاکستاني جګړه مارانو په  ګډون څه ناڅه ديرش تنه  وسله وال طالبان ووژل شول او شل تنه نور يې ونيول شول..
درپوټونوله مخې :  اوس    دشيرزاد  ولسوالۍ  دافغان پوځيانو له  کلابنده شوي ده او  جګړه  دوام لري .
دهاشم خان قول هغه سيمه ده  چې دملي اردو  دځواکونودڅرگندونوله مخې  چې  طالبان پکې  يوستر
دهيواد په ختيځ کې دملي اردو ويندوي وايي  چي دطالبانو له شتون څخه ددغي سيمې  دپاکولو په خاطر هلي ځلې دوام لري.
دسيمي اوسيدونکي وايي  دطالبانو يوې اووه کسيزي ډلې  چې دري تنه يې پاکستانيان دي  تيره شپه  کله يې چې غوښتل  ديومسافر وړونکي موټر په واسطه  دشيرزاد له ولسوالۍ څخه وتښتي دامنيتي ځواکونوله خوا ونيول شول.
له بلي خوا جګړن شيرين اقا وايي  چې افغان ځواکونو په لسګونو ماينونه  چې دوسله والو  طالبانو له خوا دشيرزادولسوالۍ په لاره کي دامنيتي ځواکونو دنه پرمختګ په مقصد ځاى پرځاى کړي و  کشف اوشنډکړاى شول.
په داسي کې چي  ويل کيږي چې وسله وال طالبان په شيرزادولسوالې کي له خپلو پاتي پټنځايونو څخه دتيښې په حال کي دي.
امنيتي پوځي مقامات وايي  چې له جګړه مارانو څخه ددغي ولسوالۍ  تر بشپړي پاکولو پوري عمليات دوام لري.
په دي وروستيو کې  دشيرزاد په ولسوالي کي دطالبانو  او دپاکستاني جګړه مارانو شتون او فعاليت   ددغي سيمي خلک په تنګ راوستي دي .
ددغي ولسوالي ځيني  اوسيدونکي وايي   چې طالبان دخلکو په  په ځورني  لاس پوري کوي او دښوونځيو نجوي ښوونځي ته له تګ څخه منع کوي .
دشيرزادولسوالي يو اوسيدونکى محمداسلم له دولت څخه وغوښتل  چې دطالبانو له شتون څخه ددغي ولسوالې له پاکولو وروسته  په دايمي ډول دي  زيات پوځيان په دغي ولسوالي کي ځاى پرځاى کړي ترڅوخلک وکولاى شي په ارامه  فضا کي ژوند وکړي .

کابل \ باختردتلې دمياشتې ١٨ :
دطالبانو يو پيژندل شوي  قوماندان تيره شپه له دريو تنو ملګرو سره يې دهرات ولايت په شينډنډولسوالۍ کې ووژل شو.
دغه کسان له سرحدي پوليسو سره دشينډنډ ولسوالۍ په کلاته نظر سيمه  کې ووژل شول او دهغوي پنځه تنه  نور ملګري ټپيان شول.
امنيتي مقاتو ددغه خبر په تائيدولو سره وويل :  چې دغه  نښته دتيرې شپې  په يوولسو بجو  دپوليسو په پوستو دطالبانو له بريد وروسته پيل شوه.
دغه جګړه چي يو ساعت يي دوام وکړ ديوسيمه قوماندان لعل محمد په ګډون  دري تنه طالبان  هم ووژل شول اوپنځه تنه نوريې ټپيان شول.
ويل کيږي چي په دې نښته کې دوه تنه سرحدي پوليسان هم  ټپيان شوي دي  چې دهغوي روغتيايي حالت ښه دي.
دپوليسو دڅلورم زون ويندوى احسان الحق باخترآژانس ته وويل :  دطالبانو دمشهور قوماندان ملا لعل محمد مړى دجګړې په ډګرکي پاتي دى.

کابل – باختر دتلې دمياشتې١٧:
دمولانا خال محمد خسته دمړينې دڅلويښتم تلين په درناوي  نن د اطلاعاتو
او فرهنګ وزارت دمطبوعاتو دنړيوال مرکز په تالار کې يوسيمينار جوړ شو.
دباختر آژانس دخبريال دخبرله مخې :  په دې سيمينار کې چې د اطلاعاتو او فرهنګ دوزارت او دمولانا خسته د کورنۍ له خوا د اطلاعاتو او فرهنګ وزارت دمعينانو او سلاکارانو او ديو شمير پوهانو او فرهنګيانو په ګډون جوړ شوى  و دافغانستان داسلامي جمهوريت دجمهور رييس حامد کرزي پيغام داطلاعاتو
او فرهنګ وزارت دفرهنګي معين سيد مصدق خليلي له خوا ولوستل شو.
چې په يوه برخه کې يې ويل شوي دي  :
په تيره پيړۍ کې زموږ په فرهنګي برخه کې داسې شخصيتونو تبارز وکړ چې هم شاعر ليکوال او څيړونکې و او هم ژوند يې له سياست او ټولنې سره غوټه شوى و ، په دواړو ساحو کې ښه  وځليدل او له ځان څخه يې ښې کارنامې  پريښودې.
ارواښاد مولانا خال محمدخسته په تيره پيړۍ کې زموږ دهيواد له دغه شان شخصيتونو څخه و چې دقدر وړ فرهنګي او ټولنيز خدمتونه يې ترسره کړل او له ځان څخه يې داستفادې وړ آثار په ياد ګار پريښودل.
دغه راز په پيغام کې ويل شوي دي چې داطلاعاتو او فرهنګ له  وزارت څخه بايد مننه وکړو  چې ددغه شان فرهيخته شخصيتونو ياد  تازه ساتي.
په دې سيمينار کې داطلاعاتو او فرهنګ وزير داکتر سيد مخدوم رهين د مولانا خال محمد خسته دمقام  کارنامو ، شخصيت او دفرهنګي او ادبي  ژوندانه دبيلابيلو اړخونو په باب خبرې وکړې او زياته يې کړه ، نن د هغه مړينې دخاطرو درناوى کوو چې خپل خوږ  ژونديې په درويشانه ډول دفرهنګ ، ادب او خلکو په خدمت کې تير کړ.
مولانا دسمندر په شان و چې په ظاهره  آرام و خو په خپل زړه کې دانساني غمونو څپې او له خلکو او په تيره بيا دټولنې له محرومانو سره يې دهمدردۍ څپې وې .
مولانا د ادب او سياست ميړنى  و او خپل عمر يې په بيوزلۍ کې تير کړ او دزمانې زبرځواکوته يې سر ټيت نه کړ.
په دې سيمينار کې دکار او ټولنيزو چارو شهيدانو او معلولينو د وزارت سلاکارې حميرا  قادري  په هندوستان کې دمولانا دغربت او سفرونو په باب چې دعلم  د
زده کړې په مقصد يې سفر کړى و معلومات ورکړل.
دغه راز دحکيم ناصر خسرو بلخي دټولنې درييس سيدمنصور نادري پيغام ددغې ټولنې دمرستيال محمد ارشاد معنوي او دعلومو اکادمۍ پيغام دڅيړنپوه محمد آصف ګلزاد له خوا ولوستل شول چې په پيغامونو کې ددغه سيمينار دجوړولو په خاطر داطلاعاتو او فرهنګ له وزارت څخه دقدرداني په ترڅ کې دمولانا خسته دشخصيت په باب هم معلومات ورکړل شوي و .
دغه راز دسيمينار په بهير کې نيک محمد سرير،حيدري وجودي ،  څيړنپوه عبدالله بختانۍ خدمتګار ، څيړنوال ميزامحمد روستايي ،محمد سرور پاکفر او د ورځپاڼو لوى رييس ډاکتر شمس الحق آريانفر ، دمولانا خال محمد خسته دژوند
د دورو ، آثارو ، دشخصيت دځانګړتياو شعرى سبک او دوحدت د اونيزې چې مولانا يې بنسټ ايښودونکى او دامتياز خاوند و په ترتيب سره معلومات ورکړل
او دخسته دژوندانه د دودې په باب يې خپلې خاطرې کې بيان کړي .
په همدې ترتيب يو شمير پوهانو او څيړونکو دمولانا خال محمد خسته دشخصيت او ژوندان دبيلابيلو اړخونو او د عدالت غوښتوونکو مبارزو په باب خپلې عملي او څيړنيزې مقالې ولوستلې دغوندې پاى کې دمولانا خسته زوى محمديوسف خسته ددغه سيمينار دجوړولو په خاطر داطلاعاتو او فرهنګ له وزارت او دبرخه والو دونډې اخستنې له امله قدرداني وکړه.

کابل – باختر دتلې دمياشتې١٧:
دافغانستان داسلامي جمهوريت  جمهوررييس حامدکرزي دمشورتي لويې جرګې دجوړولو لپاره  دتياري د کميسيون د دارلانشا غړي وټاکل.
دچارو   دادارې او دوزيرانو شورا ددارلانشا لوى رياست باخترآژانس ته  خبرورکړ:
حامدکرزي ديو حکم  په صادرولوسره  دلازموتخنيکي ، عملياتي ، اداري او
لوژستيکي  آسانتياو  دبرابرولو په خاطر  دمشورتي لويې جرګې  د جوړولو لپاره دتياري دکميسيون  ددارلانشا  جوړول  منظور کړي دي .
دافغانستان داسلامي جمهوريت دجمهوررييس  حکم د  ١٣٩٢ کال  دمشورتي لويې  جرګې  دارلانشا  دسپارل شويو چارو ، دکاري کميټو د جوړولو اوداړتيا وړ کادرونو داستخدامولو په خاطر موظفوي .
دجمهوررييس دحکم له مخې  ددغې دارلانشا غړي  په دې ترکيب سره  معرفي شوي دي :
دچارو  دادارې او دوزيرانو شورا ددارلانشا لوى رييس صادق مدبر دمشورتي لويې جرګې دجوړولو لپاره  دتياري د کميسيون  ددارلانشا  درييس په توګه  .
دچارو  دادارې او دوزيرانو شورا ددارلانشا دلوي رياست مرستيال فريد حکمت ددارلانشا   داداري او عملياتي مرستيال په توګه .
دچارو  دادارې او دوزيرانو شورا ددارلانشا دلوي رياست مرستيال  پوهنيار نجيب الله امين ددارلانشا  دپاليسۍ او تخنيکي مرستيال په توګه .

لندن \ نړيوالي خبري منابع\  باختر دتلې دمياشتې١٧
دبريتانيا دبهرنيو چارو وزير ويليم هيګ پرون  ددغه هيواد  په پارلمان کې اعلان وکړ  چې له ايران سره   دموافقې له مخې  ددواړو هيوادونو دسفارتونو دپرانستلو  بهير يې پيل کړى دى .
ويليم هيګ وويل ،  دايران دبهرنيو چارو له وزير  محمد جواد ظريف سره موافقه کړې ده    دخپلو سفارتونو دپرانستلو  په مقصد ددواړو هيوادونو دديپلوماتيکو اړيکو دبيارغاوني  په مقصد يې  نااستوګن شارژدافيران  وټاکي .
ويليم هيګ زياته کړه  له نړيوالې ټولنې سره دايران  داړيکو دښه والي لپاره مهمه ده   چې  خبرې دوام وکړي ،.

بغداد – باختر دتلې دمياشتې ١٧
په عراق کي نن ديوبم دچاودني له امله  اته  تنه  ووژل شول
دباخترآژانس دخبر له مخې :  دغه بم يو لارۍ موټرته څيرمه چې کارګران يې ليږدول وچاوديد . په دي چاودنه کي دغه راز څوتنه نورټپيان شوي دي .
دعراق چاودنې  په دغه هيواد کي د٢٠٠٨ کال دچاودنو کچې ته رسيدلې ده .
داسي انديښنې شته چې د روان کال تاوتريخوالي د٢٠٠٦ او٢٠٠٧ کلونو په شان چې له ا مله يې زرګونو تنه ووژل شول ، زيات شي .
په روانه ميلادي مياشت کې څه د پاسه دوه سوه تنه په عراق کې وژل شوي دي .

کابل – باختر دتلې دمياشتې١٧
دملي دفاع وزارت لومړي مرستيال په هغې غونډه کې چې دشهيدانو له کورنيو سره دمرستې له امله ددغه وزارت په مقرکې جوړه شوې وه دشهيدانو له وارثانو سره يې د مرستو په دوام ټينګاروکړ .
دملي دفاع وزارت مطبوعاتي دفتر باخترآژانس ته خبرورکړ :
په دې غونډه کې دملي شورايوشميرغړو دښځو دچارو وزارت مسلکي معينې سعيدې مژګان مصطفوي ، دکاراوټولنيزو چارو ، شهيدانو اومعلولينو دوزارت معينې ثريا اودملي اردو دشهيدانو کورنيو اومعلولينو ګډون کړى و .
په پيل کې دملي دفاع وزارت لومړي مرستيال څارنپوه عنايت الله نظري دجګړې
په ډګر کې د ملي اردو دځواکونو داتلوليو يادونه وکړه او دملي اردو شهيدان يې رښتيني اتلان وبلل اوژمنه يې وکړه چې دشهيدانو له کورنيو سره د مرستې په برخه کې به له هيڅ راز هلوځلو څخه  ډډه ونه کړي
وروسته دولسې جرګې غړي استادمحمداکبري اويوشميردولتي مسولينو خبرې وکړې اودشهيدانو له کورنيو اوټپيانو سره يې  دهر راز همکارۍ ژمنه وکړه .
دغونډې په پاى کې دملي اردو د شهيدانو له يوشميرکورنيواو ټپيانو سره دجمهوري رياست د مقام يوه اندازه نغدي مرسته وويشل شوه .