15 December 2019

RSS Facebook

سوداگریز


تازه خبرونه

 د واټونو د نومولو کمېسيون ناسته وکړه

د واټونو د نومولو کمېسيون ناسته وکړه

کابل/دلیندۍ۲۴مه/باختر د اطلاعاتو او فرهنګ وزارت د سرپرستې حسينې ساپۍ په...

د ملي شورا پلاوي د فراه پوځي حالت وڅېړه

د ملي شورا پلاوي د فراه پوځي حالت وڅېړه

کابل/دلیندۍ۲۴مه/باختر د مشرانو جرګې يو شمېر غړو پرون د فراه له...

د هېواد په لوېديځ کې د پانګونو د جواز ليکونو د وېش دېرش سلنه زياتوالى

د هېواد په لوېديځ کې د پانګونو د جواز ليکونو د وېش دېرش سلنه زياتوالى

کابل/دلیندۍ۲۴مه/باختر د هرات د صنعت او سوداګرۍ ادارې مسوولينو د تېرکال...

Youtube Player

khantry design

سوداگریز

سوداگریز

کابل\  باخترد وري  دمياشتې  ٣١ :
د کابل د١٠١ آسمايي زون د قوماندانۍ يو مقام وايي چې يو سلو اتيا تنه يې د کابل ښار په بېلابېلو ساحوکې د لنډغرى په تور نيولي دي.
دکابل د١٠١ آسمايي زون د قوماندانۍ د  جنا يي جرمونو د تحقيقاتو رييس جنرال محمد ظاهر د باختر آژانس خبريال ته وويل: د تيرې يوې اوونۍ په بهيرکې يې يوسلواتياتنه دکابل ښار په بېلا بېلو نا حيوکې د لنډغرى او د ښاريانود ځورونې او ټولنيزو مزاحمتونو په تور راټول کړي دي.
د جنرال ظاهر دڅرګندونو له مخې: زياتره دغه کسان دنجونو ښوونځيوته په نږدې ساحوکې نيول شوي دي.
ده ټينګار وکړ چې دغه کسان د يو شمير کابل ښاريانو او د ښوونځيو د مسوولينو دشکايتو نو له مخې نيول شوي دي.
دغه کسان له دقيقې او هراړ خيزې څيړنې او د دوى د مشرانو او د ګذر د وکيلانو د ليکلې ژمنې له اخيستلو وروسته آزاديږي؛ خو کابل ښاريان د پوليسو دغه اقدام ستايي او وايي چې ددغه شان کسانو نيول او راټولول د هيواد والو مصئوونيت پياوړي کوي.

کابل\  باخترد وري  دمياشتې  ٣١ :
دکورنيو چارو وزارت د استخباراتومنسوبينودولس تنه په بېلابېلو جرمونو ونيول.
د کورنيو چارو وزارت مطبوعاتي دفتر باخترآژانس ته خبر ورکړ: د کورنيوچارو وزارت د استخباراتومنسوبينو دولس تنه دبدخشان، سرپل او دلوګر د ولايتونو په مربوطاتوکې د انسان تښتونې، غلا او د تروريستي فعاليتونو په اړوند ونيول.
ددغې ادارې منسوبينو دغه راز د ننګرهار ، جوزجان ،تخار ، خوست ،پکتيکا او د بادغيس د ولايتونو په مربوطاتوکې د جلا جلا عملياتو په بهير کې د وسايطو ضد اووه ماينونه ، څلور ميله سپکې وسلې، د درندووسلو درې ګولۍ اونورجنګي تجهيزات ترلاسه کړي دي او د څو تروريستي پيښومخه يې نيولې ده.

اسلام آباد\  ډان  \  باخترد وري  دمياشتې  ٣١ :
د باجوړ ايجنسى په قبايلي سيمه کې نن د يوځانمرګى بريد له امله څه ناڅه څلور تنه ووژل شول اوپنځه تنه نورټپيان شول.
باخترآژانس دسيمه ييزو خبرځايونو له خولې خبر ورکړ: دغه چاودنه ديوې ښځې له خوا د دغې سيمې مرکزي روغتون ته  څېرمه شوې ده.
د روغتون د مامورينو د اعلام له مخې، د دغې چاودنې له امله ددغه روغتون يو شمېرکارکوونکوته مرګ ژوبله اوښتې ده چې دځينو ټپيانو روغتيايي حالت خراب دى او د سر د زيان د شمېر د زياتوالى امکان شته.
تراوسه پورې ددغې چاودنې مسووليت چاپه غاړه نه دى  اخيستى.
دپاکستاني طالبانو دتحريک مليشې په معمولي ډول په قبايلي سيموکي دامنيتي ځواکونو او د دولت د پلويو افرادو پرخلاف زيات بريدونه کړي دي.

کابل\  باخترد  وري  دمياشتې  ٣١ :
د ګلبدين حکمتيار په مشرۍ داسلامي ګونديو قوماندان پرون د وسله والو طالبانو  له خوا په ميدان وردګو ولايت کې ووژل شو.
د ميدان وردګو د والي ويندوى عطاوالله  خوږياڼي باخترآژانس ته وويل: دګلبدين  حکمتيار د اسلامي ګوند يو قوماندان خانجي پرون ددغه ولايت دنرخ ولسوالۍ په توکرک کلي کې د يو ماين د چاودنې له امله چې له لرې واټن څخه کنتروليده؛ وژل شوى او يوتن بل ټپي شوى دى.
د يادونې وړ ده چې په ميدان وردګو ولايت کې دګلبدين  حکمتيار  د اسلامي ګوند او وسله والو طالبانو ترمنځ اختلافونه له زياتې مودې را په دې خوا د دواړو لورو ترمنځ  د وسله والو نښتواو د څو تنو دمرګ ژوبلې سبب شوى دى.

کابل\  باخترد وري دمياشتې  ٣١ :
د ترکمنستان، افغانستان او تاجکستان د اوسپنې پټلۍ د پروژې ( اته )دکاري ډلې لومړنى غونډه نن په ترکمنستان کې جوړه شوه.
دترکمنستان  په عشق اباد کې د افغانستان داسلامي جمهوريت سفير ډاکتر محمدفاضل سيفي باخترآژانس ته وويل: دهغه تفاهم ليک له مخې چې د افغانستان ، ترکمنستان  او تاجکستان د جمهورو رييسانو ترمنځ د روان کال په نوروزکې په عشق اباد کې لاسليک شو؛ نن ددغو دريو هيوادونو لومړۍ ډلې دکارپوهانو د يوې غونډې په ترڅ کې  د راتلوونکي منظم اوپرله پسې کاري پروګرام په باب خبرې وکړې .
په دې غونډه کې  چې لومړۍ کاري غونډه وه؛ پريکړه وشوه چې درې واړه هيوادونه دې تر راتلوونکو دوو اوونيو پورې ددغو دريوهيوادونوترمنځ د اوسپنې د پټلۍ  د غځولوموافقه ليک طرحه برابره  اويو دبل په واک کې يې ورکړي چې په راتلوونکي   غونډه کې بشپړ او لاسليک شي او دغه راز ددغې کرښې د جوړولو دپيسو د تمويلوونکومنابعو  او د پرله پسې کتنو له ګراف سره دمنظم  پروګرام  په باب چې په هرو دوو مياشتوکې کاري ډلې يو ځل او رهبري ګروپ په هرو دريو مياشتوکې  په پروژې کې د يو شامل هيواد په پايتخت  کې خبرې وکړې؛ موافقې ته ورسيدل.
ده وويل: دغه پروژه يوه مهمه سيمه ييزه پروژه ده چې افغانستان  پکې مرکزي رول لري. په کال کې افغانستان ته مليونونو ډالره خالص عوايد اوپه زرګونو افغان ځوانانو ته دکار زمينه  برابروي  .
دغه راز ددغې پروژې د لرليد په باب چې په سيمه کې زيات دښمنان لري؛ نه
يوازې  زموږ هيواد ته له اقتصادي  پلوه ارزښت لري؛ بلکې له سياسي نظره دغه
پروژه افغانستان او سيمې ته زيات ارزښت لري .

کابل\  باخترد وري دمياشتې  ٣١ :
د هيواد دساحلي فوټبال دملي ټيم يو لوبغاړى حضرت ګل باران له يوه برازيلي ټيم سره يوځاى شو.
دهيواد دفوټبال فدراسيون دخپرونو آمرمرتضى دانش باخترآژانس ته وويل: دهيواد دساحلي فوټبال دملي ټيم لوبغاړى حضرت ګل باران د نړيوال جام په مقدماتي سياليوکې له ځليدو وروسته چې تېرکال په قطرکې ترسره شوې وې؛ وکولاى شول د برازيل  دکلپونو د ښوونکو نظرځان ته جلب کړي.
د دانش دڅرگندونوله مخې: باران له دريو اوونيو را په دې خوا له يوه برازيلي ټيم سره يوځاى شوى دى او قرارداديې د سياليو د دوو پړاونو لپاره دى او د ده د وړتيا له مخې ټاکل شوې ده  د يوبل کال لپاره  نوى شي.
د دانش دڅرگندونوله مخې:  حضرت ګل باران په کابل ښارکې د فوټبال سنايي او د خراسان د فوټبال په ټيمونوکې د بريالي لوبغاړى په توګه لوبې کولې او کله چې  دهيواد دساحلي فوټبال ټيم  جوړشو، ده په دې ټيم کې د ساحلي فوټبال په توګه لوبه کوله.

کابل\  باخترد وري  دمياشتې  ٣١ :
د وزيرانو شورا د پرېکړې د عملي کولو په لاره کې، نن  له غرمې وروسته بېلابېلو وزارتونو دځينو وزيرانو اومعينانوپه ګډون، دجمهور رييس د دويم مرستيال محمدکريم خليلي په مشرۍ يوه غونډه جوړه شوه او بېلا بېلو وزارتونو، د ارزګان ولايت د سيمه ييزو ستونزوحلکولو دڅرنګوالى په باب د جمهور رييس مرستيال ته رپوټونه وړاندې کړل.
دجمهوري رياست مطبوعاتي دفتر باخترآژانس ته خبر ورکړ: په دې غونډه کې چې د ارزګان د والي سترسلا کاراو په مشرانو جرګه کې ددغه ولايت يو تن استازى هم برخه لرله؛ د ارزګان ولايت د خلکو د ستونزو د حل کولو په لاره کې د اړوندو وزارتونو او مرکزونو د اقداماتو د مثبت بللو په ترڅ کې د اړوندو وزارتونو هريوه وزير اومعين په جلا جلا توګه ددغه ولايت دستو نزو اودغه راز د اړوندو ستونزو د حل کولو لپاره د خپلو فعاليتونو او اقداماتو په اړوند خبرې و کړې.
دپوهنې وزير په دغه ولايت کې د پوهنې د کيفيت د لوړ ولو لپاره په ښه معاش سره د څه دپاسه شپږ ديرشو تنو مسلکي ښوونکو د استولو خبر ورکړ او په دغه ولايت کې يې د پوهنې د پراختيا په لاره کې ددغه وزارت ژمنه اعلام کړه.
دعامې روغتيا وزيرې هم څرګنده کړه: هغه قراردادي شرکت چې ددغه ولايت د پنځوس بستريز روغتون د ودانۍ د جوړولو د کار د بشپړولو مسووليت لري، د نه ژمنتوب په نسبت فسخه شوى دى او د داوطلبى کار به يې بيا ترسره شي.
دفوايدعا مې وزير هم څرګنده کړه چې له خصوصي برخې سره د قرارداد له لارې له دهراود څخه ددغه ولايت ترمرکز  پورې دسړک دپخولو کارترسره شوى دى او نږدې شل کيلومتره يې قير شوى دى او د تيرينکوټ او ګيزاب ترمنځ دکجکول سړک د ترميمولوکارپه هم ددغه وزارت له دا خلي بودجې څخه ترسره شي.
دکليو د بيا جوړولو او پراختيا وزيرهم څرګنده کړه چې په ټوليزه توګه څه دپاسه دوه ديرش مليونه افغانۍ د ملي پيوستون د پروګرامونو او د نورو پروګرامونو له لارې په دغه ولايت کې پانګه اچول شوې ده.
دغه راز په دې غونډه کې پريکړه وشوه چې د کليو د بيا جوړولو او پراختيا وزارت دې له هغه شرکت سره د قرارداد له لارې چې په ساحه کې کارکوي؛ ددغه ولايت د مرکز د داخلي سړک د جوړولوکار تر سره کړي او دغه راز دغه وزارت دې د ماليې وزارت په همکارى له دوست هيواد استراليا سره د خبرو له لارې د تيزک پله د بودجې په تمويلولو اقدام وکړي.
د کورنيو چارو وزارت معين هم څرګنده کړه چې دغه ولايت د پو ليسو د تجهيزاتو او وسايلو له پلوه تامين شوى دى اودغه راز ددغه ولايت دعا مه نظم پو ليس به هم په خپل وخت ساحې ته وليږدول شي او د دريو ولسواليو د امنيې قوماندانيو د ودانيو د جوړولو کار هم دوام لري.
د ترانسپورت او هوايي چلند وزارت معين هم دغه ولايت ته د ملکي الوتکو د الو تنې او دغه راز د دوو کاسترونو د برابرولو او ددغه ولايت  د ترانسپورت لپاره د دوو نورو کاسترونو دپيرودنې لپاره د هلو ځلو خبر ورکړ.
د انرژي او اوبو وزارت معين هم څرګنده کړه چې د يومليون ډالروپه لګښت د آقاجان او د تنګي بند او د اتو نورو بندونو دمطالعې کار په دغه ولايت کې دوام لري.
د کرنې او او بولګولو وزيرهم د زرګونو ټنوکيمياوي سرې، د کرنې د اصلاح شويوتخمونو، حيواني خوړو او د زرګونو ميوه لرونکو او بې ميوې نيالګيو د ويشلو خبر ورکړ.

کابل\  باخترد وري  دمياشتې  ٣١ :
د بدخشان ولايت پوليسو په دغه ولايت کې په دوو جلا جلا عملياتوکې دهيروئينو د تو ليد دوه فا بريکې ويحاړې کړې.
دغه فابريکې د بدخشان ولايت د کشم ولسوالۍ د چهل ګزې اوګندم قول په کليو کې ويجاړې شوې دي.
دبدخشان ولايت له نشه يي توکو سره دمبارزې دچارو مدير سمونوال حبيب الله فروغ باخترآژانس ته وويل: د چهل ګزې په فابريکه کې د اپينو دوه سوه ليتره محلول او د ګندم قول د کلي په فابريکه کې د اپينو دوه سوه ديرش ليتره محلول ترلاسه شوي دي.
فروغي زياته کړه: په دغوعملياتوکې څلوربوري جامدکيمياوي توکي چې د هيروئينو په توليدکې کارول کيږي، اته ووه منې بوري د اپينو خاکه توکي ، د پرس يوه دستګاه او يوه بوشکه تيزاب په عملياتوکې دشاملو ځواکونو لاس ته ورغلي دي.
دفروغي دڅرګندونو له مخې: په دغه ولايت کې د  تيرکال په پرتله دکوکنارو کرکيله زياته شوې ده او له نشه يي توکو سره د مبارزې پو ليس هوډ من دي چې د کوکنارو په اړولو کې له هيڅ راز هلو ځلو څخه ډډه نه کوي.
ده په بدخشان کې د کوکنارو د کرکيلې د يا توالى علت د بيوزلۍاو وزګاتيا شتون او مواصلاتي ستونزې وبللې
ددغو عملياتو په بهيرکې څوک نه دى نيول شوى.

کابل\  باخترد وري  دمياشتې  ٣١ :
د مشرانوجرګې رييس فضل هادي مسلميارنن په داسې حال کې چې د بدخشان ولايت سناتور احمد بشير صميم هم حاضرو، د دغه ولايت د درايم ولسوالۍ د يوناب د سيمې د سين ږيرو او مشرانو سيمه ييزې ستو نزې او شکايتونه واوريدل.
دمشرانو جرګې مطبوعاتي دفتر باختر آژانس ته خبر ورکړ: په کتنه کې برخه والو ددغې ولسوالۍ د خلکو ځينې ټولنيزې او سيمه ييزې ستونزې طرحه کړې او وې ويل چې ددغې ولسوالۍ د يوناب په سا حه کې يو شمېر زبرځواکو د خلکو د استنوګنې کورونه او شاړې ځمکې او دښتې غصب کړې دي او اصلي خاوندانو ته يې چې شرعي قبالې لري؛ اجازه نه ورکوي چې خپلوکورونو ته ستانه شي او يا په خپلوځمکوکې په کرکيلې لاس پورې کړي او زياته يې کړه: د هغې شخړې له امله چې څه موده مخکې د دواړو لورو ترمنځ رامنځ ته شوې؛ د ځمکې غاصبانو د يوه سړى غوږ پرې کړ  او د نورو د ځورونې سبب شول، خو له بيا بياغوښتنې سره سره د بدخشان سيمه ييزه اداره جدي پا ملرنه نه کوي.
د مشرانو جرګې رييس د برخه والو د خبرو په اوريدو سره وويل چې دغه موضوع به د کورنيو چارو، عدليې او دکرنې او اوبو لګولو د وزارتو نوله معينانو، د سيمه ييزو ارګانونو د ادارې له مرستيال اوځينونورو مسوولينو سره طرحه کړي.
دغه راز فضل هادي مسلميار د هيواد د شمال د سيمو له يو شمېر دينې عالمانو سره وکتل.
په دې کتنه کې يو تن د نورو په استازيتوب خبرې وکړې او وې ويل چې ديني عالمان تل د ديني لارښوونو او د محمد غراشريعت د پلي کولو لپاره د افغا نستان د خلکو په خد مت کې دي. دوى د آزادې سيالۍ د بهير له لارې په پوهنتونونو او ښوونځيو کې د ديني عالمانو ټاکنه سخته و بلله او د مشرانو جرګې دپاملرنې غوښتنه يې وکړه اوهم يې د سنا مجلس له مشرتابه څخه وغوښتل چې د انتخاباتو په قانون دغور په وخت کې چې ټاکل شوې ده د ولسي جرګې له خوا د سنامجلس ته وليږل شي؛ دځينو ولسواليو د حدودو دټا کلوپه باب دګوندونو فيصدي لکه څنګه چې په اوسنيو شرايطوکې ځينې ګوندونه په افغا نستان کې پراخ بنسټه شوې نه دي او په نورو مواردوکې پاملرنه وکړي.
مسلميار د ديني عالمانو د نظريو او ستونزو له اوريدو وروسته څرګنده کړه چې ديني عالمان دمسلمانو خلکو حقيقي او رښتيني خادمان دي چې د منبرونو او جوماتونو له لارې په خپلونصيحتونو او تبليغاتو سره خلک په اسلامي شريعت خبروي او ژمنه يې وکړه چې دمشرانو جرګې د مشرتابه هيئت دخپلو قانوني دندو او صلاحيتونو په چوکاټ کې دټولو خلکو په تيره بيا دديني عالمانو په خدمت کې دي او د دوى غوښتنو او وړانديزونو ته به په خپلو کاري لومړيتوبونوکې ځاى ورکړي.
دغه راز د مشرانو جرګې منشي سيد فرخ شاه جناب په مسکوکې د ميشتو افغان مهاجرينو د نړيوالې اتحاديې له رييس اخترمحمدصافى سره و کتل.
په کتنه کې د دغې اتحاديې رييس د هيواد د مهاجرينو د حالت په باب معلومات ورکړل اوو ويل چې افغان مهاجرين دخپل تاريخي ، فرهنګي اواسلامي هويت د ساتنې په خاطرپه مسکوکې د يو فرهنګي مرکز د جوړولو غو ښتنه کوي او هم يو شمېر افغان کادرونه دخدمت لپاره هيواد ته د راستنيدو هيله لري.
د مشرانو جرګې منشي د افغان مهاجرينو وړانديزونه پرځاى وبلل او ژمنه يې وکړه چې د اړوندوکميسيونونو له لارې به د دوى دفرهنګي مرکز دجوړولو او کارموندلو موضوع د مهاجرينو د راستنولو د چارو، اطلاعاتو اوفرهنګ او د بهرنيو چارو له وزيرا نو سره طرحه کړي.

کابل\  باخترد وري  دمياشتې  ٣١ :
د دولت ديارلس تنه وسله وال مخالفين نن په بغلان ولايت کې د سولې د ټينګښت له پروګرام سره يوځاى شول.
دغه کسان د محمدرضا په سرګروپى مخکې له دې د زاړه بغلان ولسوالۍ د جرخشک د سيمې په مربو طاتوکې د دولت پرخلاف ولاړوو.
د بغلان ولايت امنيه قوماندان مل پاسوال اسدالله شيرزاد باخترآژانس ته وويل چې قو ماندان محمدرضا له افرادو سره يې د پو ليسو دشپږمې امنيتي حوزې د منسوبينو د هلو ځلو له ا مله له اتو وسلو سره د سو لې له بهيرسره يوځاى شول.
دبغلان ولايت امنيه قوماندان له دولت سره يو ځاى شويوکسانو ته په خطاب کې د خبرو په ترڅ کې وويل چې بغلان د ټولو بغلانيانو ګډکور دى او په سوله ييزه فضا کې ژوند د ټولوخلکو مسلم حق دى.
ده ډاډ ورکړچې له دولت سره د يوځاى شويوکسانو د سيمه ييزوستونزوپه لرې کولوکې په له هيڅ راز همکارى څخه ډډه و نه کړي.
قوماندان شيرزاد د سولې له بهيرسره ددغوکسانو دپيوستون رول ددغې ولسوالۍ په اړوندو کليوکې د امنيت د تامينولو په کارکې مهم او اساسي وباله.
  د يادونې وړ ده چې تېره اوونۍ هم يو شمېر وسله وال مخالفين په دغه ولايت کې د سولې له بهير سره يو ځاى شول.