18 August 2019

RSS Facebook

سوداگریز


تازه خبرونه

په لوګر کې د طالبانو د ولسوال وژل کېدل

په لوګر کې د طالبانو د ولسوال وژل کېدل

کابل \باختر\ د زمري ٢٧ مه د لوګر د پل علم...

په تخار کې دوه کسان د نشه يي توکو د قاچاقو په تور ونيول شول

په تخار کې دوه کسان د نشه يي توکو د قاچاقو په تور ونيول شول

کابل \باختر\ د زمري ٢٧مه د تخار د ملي امنيت د...

 په فارياب کې د ١٧ وسله والو طالبانو وژل کېدل

په فارياب کې د ١٧ وسله والو طالبانو وژل کېدل

کابل \باختر\ د زمري ٢٧مه د دوو ازبکستانيو اتباعو په ګډون...

Youtube Player

khantry design

سوداگریز

سوداگریز

کابل  \باختردلړم دمياشتې ٢٧ :
په هرات ولايت کې دماين د چاودنې له امله يو افغان پوځي ووژل شو.
ويل کيږي چې په دې چاودنه کې څه ناڅه اووه تنه نور پوځيان ټپيان شوي دي.
چاودنه دګلران ولسوالۍ په هزاره سيمه کې هغه وخت وشوه  چې دپوليسو دمامورينو دسپرلۍ يوموټر په واټ کې په ښخ کړى شوى ماين وخوت  .
دهرات ولايت دامنيې قوماندانۍ  د امنيت آمر عبدالحميدحميدي باختر اژانس ته وويل چې په دې پيښه کې يو سرتيرى ووژل شو او اووه تنه نور ټپيان شول .
ده وسله وال طالبان د دغې پيښې مسوول وبلل .
په همدې حال کې دهرات دملکي روغتون ډاکترانو  په دې پيښه کې دټپي  سرتېرو روغتيايي حالت مخ په ښه والې وباله.
 

کابل  \باختردلړم دمياشتې ٢٧ :
د نورستان ولايت په مرکز پارون ښارکې دکابل بانک دنمايندګى په مليونونو افغاني پيسې غلا کړې شوي .
ويل کيږي  چې دبانک د دغې نمايندګى پيسې  د دريو تنو پوليسانوله خوا چې ساتونکي يې وو، غلا کړې شوې دي .
په همدې حال کې د نورستان والي وايي: امنيتي مامورين په دې بريالي شوي دي چې ددغه بانک دوه تنه تښتيدلې ساتونکي دکانتيواولسوالۍ په مربوطاتو کې ونيسي . ددغه بانک پيسې دپنجشنبې په شپه غلا کړې شوې دي .
د نورستان والي تميم نورستاني باختراژانس ته وويل چې د دغې غلا د څرنګوالې او ددغې پيښې د دريم تورن د نيولو لپاره پلټنې پيل شوې دي .
له بلې خوا دکورنيو چارو وزارت مقاماتو له رسنيو سره په اړيکه کې  ويلي دي چې په دې پيښه کې ددغه بانک څه دپاسه ديارلس مليونه افغاني غلاکړې شوې دي.
 

دغزې ښار\ ډي ډان   \باختردلړم دمياشتې ٢٧ :
دهغو بريدونو له امله  چې اسراييلو  نن دغزې ښار په مرکز اوجنوب ترسره کړل؛ څلور تنه ووژل شول.
د دغوکسانو په وژل کېدو سره په تېرو څلرويشتو ساعتو کې د سر د زيان ټول شمېرڅلورو ديرشو تنو ته ورسيد. درې تنه نن د غزې په مرکز کې دمغازې  په کمپ د اسراييلو دبريد له امله ووژل شول او په بله پيښه کې  يوتن دمل السلطان په سيمه کې يوتن ووژل شو.
دغه بريدونه دتونس دبهرنيو چارو د وزير رفيق عبدالسليم  له سفر څخه مخکې ترسره شول.
په همدې حال کې دحماس غورځنگ وويل چې دحماس دکابينې په مقر د اسراييلو  له خوا څلور هوايي بريدونه وشول چې ودانۍ ته زيات زيان اړولې دي.
په دغو بريدونو کې دحماس د ډلې يوپوځي مسوول احمد الجباري هم وژل شوى دى.
 

کابل  \باختردلړم دمياشتې ٢٧ :
په مصرکې  د وړکتون دماشومانو نږدې شپيتوتنوسپرلۍ د يوسرويس موټر سره ديو اور ګاډې دټکر له امله، دلومړني د ورې اووه څلويښت تنه زده کوونکي ووژل شول.
باختراژانس دنړيوالو خبري منابعو له خولې خبرراکړ چې په دغه موټرکې سپاره زده کوونکي له څلورو څخه ترشپږوکلونو پورې عمر درلود چې دقاهرې په جنوب کې ووژل شول.
دخبرځاى دڅرگندونوله مخې: په دې پيښه کې څوتنه نورټپيان شوي دي چې دڅلورو ماشومانو او دوو ښځو روغتيايي حالت خراب بلل شوي دي.
دمصر جمهورييس محمدمرسي د دغې پيښې په باب دڅيړنو لارښوونه  کړې ده او حکومت ته يې ويلى دى چې دقربانيانو کورنيو سره لازمې مرستې وکړي.
 

کابل  \باختردلړم دمياشتې ٢٧ :
دمهاجرينو د راستنولو دچارو وزارت  معين  فضل احمدعظيمي  ديو هيئت په مشرۍ دجمهور رييس د ٤٥ ګڼه فرمان دتحقق په خاطر، دهيواد دشمال د ولايتونو  له مقاماتوسره  وکتل.
دباخترا ژانس دخبرله مخې: په دې سفرکې چې دپروان ، بغلان ، کندز، تخار  او د بدخشان ولايتونو ته وشو؛ هيئت دمهاجرينو او د بې ځايه شويو کسانو د حالت او ستونزو دڅيړنې په باب د دغوولايتونو له مقاماتوسره  ليده کاته  اوخبرې اترې وکړې .
هيئت دغه راز د دغو ولايتونو نن له مقاماتو څخه وغوښتل  چې د اړوند ومهاجرينو اوبې ځايه شويوکسانو د ستونزو له حل کولوسره دمرستې لپاره دې د مهاجرينو د راستنولو دچارو له وزارت سره  لازمې همکاري وکړي.
دمهاجرينو د راستنولو دچارو وزارت معين فضل احمدعظيمي وويل: په بدخشان کې مهاجرينو او بې ځايه شويو کسانو ته  ديو ښارګوټې  دجوړولو  لپاره په دغه ولايت کې د ځمکې د نه شتون په نسبت، د تخار ولايت له مقاماتو څخه وغوښتل چې ځمکه  د دغه وزارت په واک کې ورکړي .
دغه راز په کندز ولايت کې چې د امو سيند د غاوړو يوشمېر اوسيدونکي د دوى سيمو او کورونو د ويجاړېدو له امله بې ځايه شوي دي اوله ستونزوسره مخامخ دي، له دوى سره  د لازمو مرستو  په برخه کې د دغه ولايت  دمقاماتو دپاملرنې غوښتنه وکړه.
 

کابل  \باختردلړم دمياشتې ٢٧ :
د زابل ولايت  دکوچېانو د ادارې آمر په يوه وسله وال بريد کې  ووژل شو.
دغه پيښه تېرماښام د زابل ولايت دمرکز قلات ښار دمربوطاتو په ازادې ساحه کې رامنځته شوه.
د زابل د والي ويندوى شريف الله ناصر باختراژانس ته وويل: د زابل ولايت  دکوچېانو د ادارې آمر آدم خان دناپيژندل شويو وسله والو کسانو له خوا په ډزوسره ووژل شو.
ديوه اړونده خبرځاى دڅرگندونوله مخې: تراوسه پورې دقتل علت نه دې په ډاګه شوى . بريد کوونکي له سيمې څخه تښتيدلي او دموندلو په خاطر يې دپوليسو پلټنې پيل شوې دي .
 

کابل  \باختردلړم دمياشتې ٢٧ :
دافغانستان دسولې دعالي شورا رييس صلاح الدين رباني نن په يوه خبري غونډه کې اسلام اباد ته دهيئت دسفرنتيجې مثبتې وبللې او ويي ويل  چې په نږدې راتلوونکو کې دځانمرګو اوبمي بريدونو دحراموالې په باب اسلامي نړۍ  د عالمانو نړيوال کنفرانس   په يو اسلامي هيوادکې جوړيږي.
دباختراژانس دخبريال دخبرله مخې: دافغانستان د سولې دعالي شورا رييس صلاح الدين رباني چې د دغې شورا ديو جګپوړي هيئت په مشرۍ  دپاکستان له جګپوړو مقاماتوسره دليدنو کتنو اوخبرو اترو د ترسره کولو په مقصد، دغه هيواد ته سفر کړي و؛ کابل ته له راستنيدو وروسته په لومړني خبري کنفرانس کې وويل: دافعانستان اوپاکستان لورو موافقه وکړه چې په افغانستان کې دسولې دتامينولو په خاطر، په لومړي ګام کې نهه تنه بندي طالبان چې په پاکستان کې بنديان دي؛ ددغه هيواد له خوا دښه نيت ديوګام په توګه له بند څخه آزاديږي.
دده دڅرگندونوله مخې، دواړو لورو موافقه وکړه چې هغو کسانو ته چې دسولې دخبرو دترسره کولو په مقصد راځي؛ لازمې اسانتياوې او مصوونيت برابروي.
ده دغه راز وويل: په دغو خبرو کې  پاکستان او افغانستان  موافقه وکړه، دهغومخالفينو نومونه دي چې دسولې له بهيرسره يوځاى کيږي. دملګروملتو دسازمان د امنيت شورا  له تورلست څخه حذف شي .
صلاح الدين رباني دغه را ز په دې خبري کنفرانس کې وويل چې دپاکستان لورې د پروفيسر برهان الدين رباني د ترور په باب د اړوندو مرکزونو  دتحقيقاتو نتيجې  افغاني لورې ته  وړاندې کړي.
دسولې دعالي شورا رييس دغه راز طرحه کړه چې دافغانستان دسولې عالي شورا  او دپاکستان لورې  له مخالفينو څخه وغوښتل چې له القاعده  اوله نورو تروريستي  ډلو سره  دې  خپلې اړيکې وشلوي او سولې ته دې مخه وکړي.
ده دغه راز وويل: دواړو لورو ټينګار وکړ چې د رسنيو لمسوونکي څرگندونې  دخبرو لپاره فضا محدودوي.
ده د دواړو لورو له ټولو ويندويانو او د رسمي او دولتي مقاماتو څخه  وغوښتل چې ديوبل پرخلاف دې  له لمسوونکو څرگندونو څخه  ډډه وکړي.
 

کابل  \باختردلړم دمياشتې ٢٧ :
دبدخشان ولايت په اتو ولسواليو کې نن  د څوارلسو ښوونځيو  ودانۍ ګټې اخيستنې ته وسپارل شوې.
په رارسيدلو خبرونوکې ويل شوى دى چې د دغو ودانيو د جوړولو کار دمرکزي اسيا د انسټيټوت د موسسې له بودجې څخه دڅه دپاسه يومليون امريکايي  ډالرو په لګښت بشپړشوې .
دبدخشان ولايت دپوهنې رييس ميرعبدالرحمن باختراژانس ته وويل: په بدخشان ولايت کې په ځانګړې توګه دپوهنې په برخه کې دبيا جوړولو او پرمختيا کار د يادونې وړ دى او يواځينى انګيزه يې په دغه ولايت کې د امنيت تامينول دى .
دمارکوپولو دخيريه موسسې رييس او د ښوونځيو د جوړولو د پروژو  تمويلونکى جان آقا مجاهد وايي: په بدخشان ولايت کې د اووه سوه دوو  ښوونځيو له جملې څخه دوه سوه يې ودانۍ نه لري او زده کوونکي ترخيمولاندې او په پرانستې فضا کې زده کړه کوي.
دمجاهددڅرگندونوله مخې:  دغه ودانۍ په يوکال کې  دشهدا ، وردوج ، بهارک ، درايم ، کران اومنجان ، نسي ، جرم ،  زيباک  په ولسواليو کې جوړې شوي دي.
دده دڅرگندونوله مخې: په دغو ښوونځيو کې همدا اوس څه دپاسه شپږ زره تنه نجونې اوڅه ناڅه درې زره تنه هلکان زده کړه کوي .
 

کابل  \باختردلړم دمياشتې ٢٧ :
د ايساف دځواکونو دوه تنه عسکر په افغانستان کې  ووژل شول .
باختراژانس ته دهغې خبرپاڼې له خولې چې په کابل کې دايساف دځواکونو له خوا خپره شوې ده؛ خبر راکړ چې دغه دوه عسکر دهيواد په ختيځ کې په سړک کې د ښخ کړى شوى ماين د چاودنې له امله وژل شوي دي .
په خبرپاڼه کې د وژل شويو عسکرو د هويت او د پيښې د دقيقې سيمې په باب څه نه دې ويل شوى، خو دهيواد په ختيځ کې زياتره امريکايي ځواکونه ډيره دي.
ددغو دوو تنو بهرنيو عسکرو په وژل کېدوسره، د روان ميلادي کال له پيل څخه تراوسه پورې په افغانستان کې دبهرنيو ځواکونو د سر د زيان شمير درې سوه اتيا تنو ته ورسيد.
 

کابل  \باختردلړم دمياشتې ٢٧ :
دوه تنه وسله وال طالبان په غزني ولايت کې  ونيول شول.
په غزني ولايت کې دملي اردو د ٢٠٣ تندر قول اردو د دريمې لوا ويندوى جګړن محمدحکيم باختراژانس ته وويل: دغه دوه تنه طالبان د افغان ځواکونو دګډو عملياتو په بهيرکې چې پرون دقره باغ په ولسوالۍ کې ترسره شوى و؛ ونيول شول.
خبرځاى زياته کړه: له دوى څخه دوه کلاشينکوفونه هم د امنيتي ځواکونو لاسته ورغلې دي.