09 July 2020

RSS Facebook

سوداگریز


تازه خبرونه

د ننګرهار پخوانی والي سلیم خان کندزی په حق ورسېد

د ننګرهار پخوانی والي سلیم خان کندزی په حق ورسېد

کابل / د چنګاښ ۱۹مه / باختر د ننګرهار پخوانی والي...

رابعه ستانکزۍ د لوګر ولایت مرستیاله وټاکل شوه

رابعه ستانکزۍ د لوګر ولایت مرستیاله وټاکل شوه

کابل/ د چنګاښ ۱۹مه / باختر د سیمه ییزو ارګانونو د...

د کرونا ویروس خپرېدا کمه شوېده

د کرونا ویروس خپرېدا کمه شوېده

کابل / د چنګاښ ۱۹ مه / باختر د تېرو ۴۵...

Youtube Player

khantry design

سوداگریز

سوداگریز

کابل باختر د تلي شلمه :
دهيواد د اوولس کلنى څخه ښکته د نجونو دفوټبال ټيم پرون د نوى ډيلي دفوټبال ټيم ته ماتې ورکړه .
دهيواد دفوټبال فدراسيون دمطبوعاتو مسوول مرتضى دانش باخترآژانس ته وويل: په دې لوبه کې د هيواد د نجونو ټيم د صفر په مقابل کې په څلورو سره د نوى ډيلي پر ټيم بريالى شو .
دخبرځاى دڅرګندونو له مخې: دغه سيالۍ دصبروتو کپ  جام  په نامه د شپاړلسو  ټيمونو ترمنځ په هندوستان کې پيل شوې دي چې پکې دبنګله ديش، نيپال، بوتان، افغانستان او دهندوستان ټيمونه ګډون لري .
   دافغانستان دنجونو ټيم په لومړۍ لوبه کې دهند د مارا اشتراى ټيم ته دصفر په مقابل کې په څلورو سره  ماته ومنله .

کابل باختر د تلي شلمه :
دملي امنيت منسوبينو دبادغيس ولايت دقلعه نو ښار له يوې ګڼ ميشتې ساحې څخه په چاوديدونکو توکو بار يو موټرسايکل کشف او د هغه چاوديدونکي توکي شنډ کړل .
دبادغيس دملي امنيت د رياست يو خبرځاى باخترآژانس ته وويل: طالبانو په چاوديدونکي توکي بار دغه موټرسايکل دبادغيس ولايت مرکز د سرچشمه باغک په سيمه کې په خاور اووينوکې دقلعه نو ښاريانو د ليت پيت کولو په خاطر ځاى پرځاى کړى و چې د اړوندو ځواکونو له خوا کشف او ضبط شو .
دخبرځاى دڅرګندونو له مخې: تراوسه پورې د قضيې په تور څوک نه دى نيول شوى او د عاملينو د موندلو لپاره پلټنې پيل شوې دي.

کابل باختر د تلي شلمه :
په ننګرهار ولايت کې د پوليسو د ځواکونو او طالبانو ترمنځ نښته کې دوه تنه طالبان ووژل شول او څلور تنه نور طالبان ټپيان شول .
د ننګرهار د امنيې قوماندانۍ د مطبوعاتو مسوول سمونيار حضرت حسين مشرقيوال باخترآژانس ته وويل: دغه نښته تيره شپه دننګرهار د مومنددرې ولسوالۍ په مربوطاتوکې  وشوه چې له امله يې دوه تنه وسله وال طالبان ووژل شول او څلور تنه نور ټپيان شول.
ده زياته کړه: په دې نښته کې يو پوليس هم ټپي شوى دى .
ديوبل خبر له مخې: پوليسو په جلال آباد ښارکې يو تن له طالبانو سره د همکارۍ په تور ونيوه.
  دننګرهار د امنيې قوماندانۍ د مطبوعاتو مسوول سمونيار حضرت حسين مشرقيوال باخترآژانس ته وويل: دغه سړي په ننګرهار ولايت کې د وسله والو طالبانو يو سرګروپ دى چې د کابل _ جلال اباد له اډې څخه نيول شوى دى .

کابل باختر د تلي شلمه :
په لوګر ولايت کې پرون د ماين دچاودنې له امله دعامه نظم يو پوليس شهيد او دوه تنه نور پوليسان ټپيان شول .
دلوګر د والي ويندوى دين محمد درويش باخترآژانس ته وويل: چاوديدونکي توکي چې په يو بايسکل کې ځاى پرځاى شوي و؛ د پل علم  په ښارکې دکابل بانک  ودانۍ ته مخامخ وچاوديد چې له امله يې دعامه نظم يو پوليس شهيد او دوه تنه نور پوليسان ټپيان شول .
خبرځاى زياته کړه: ټپيان روغتون ته وليږدول شول او روغتيايي حالت يې ښه دى .

Saturday, 12 October 2013 11:52

د سترې محکمې اعلامیه

کابل – باختر دتلې دمياشتې ٢٠
د سترې محکمې اعلامیه
((د سعودي عربستان د شاهي دولت د اعلامیې له مخی: د دوشنبی ورځ د ۱۳۹٢ هجري لمریز کـال د تلې دوه ویشتمه نیټه چی د 1434 هجري قمري کال د ذوالحجې له نهمې ورځې سره برابره ده؛ د عرفې ورځ او سه شنبې د تلې د میاشتې در ویشتمه چی د ذوالحجې د لسمې ورځې سره برابره ده؛ د نیکمرغه لوی اختر لومړۍ ورځ ده .
د افغانستان د اسلامي جمهوریت ستره محکمه په دغه مناسبت خپلې مبارکې او نیکې هیلې د افغانستان د اسلامي جمهوریت جمهور رییس جلالتماب حامد کرزی، د جمهوري ریاست مرستیالانو، د ولسي جرګې او مشرانو جرګې رییسانو، د کابینې غړو، لوی څـارنوال، په ملي شوراکې د خلکواستازو او د افغا نستان ټولو دیندارو او مسلمانو خلکوته و ړاندې کوي او د لوی خدای (ج) څخه هیله کوي چې د افغانستان مسلمان ولس ته سوله ، امنیت ، سوکالۍ او ترقي ورپه برخه کړي.))

کابل – باختر دتلې دمياشتې ٢٠
څلور تنه وسله وال طالبان پرون په غزني ولايت کې دپوليسو دچاڼيزو عملياتو له امله ووژل شول او دوه تنه نوريې ټپيان شول .
دغزني ولايت دامنيې قوماندانۍ ويندوى باختر آژانس ته وويل :- دغه عمليات ددغه ولايت دمقر ولسوالۍ په محمد عمر کلي کې دملي پوليسو ، ملي اردو،ملي امنيت او سيمه ييز پوليسو له خوا په ګډه ترسره شول چې دعملياتو په بهيرکې څلور تنه وسله وال طالبان ووژل شول او دوه تنه نور وسله وال طالبان ټپيان شول .
ديوبل خبرله مخې : دوه تنه وسله وال طالبان تيره شپه دغزني ولايت په مرکز په رسندي کلي کې ووژل شول .
ديو اړونده خبرځاى دڅرګندونو له مخې : ددښمن دوه کلاشينکوفونه ، يوه آيکم مخابره او شپږ لاسي بمونه دپوليسو لاس ته ورغلي دي.

 ٥-کابل – باختر دتلې دمياشتې ٢٠
څو شيبې مخکې دننګرهار ولايت په جلال آباد ښارکې يوې پوځي قرارګاه ترڅېرمه دوه پرله پسې چاودنې وشوې.
دغه چاودنې نن سهار دنهو نيمو بجو په شاوخوا کې دپنځو دقيقو په واټن کې د ٣٠١ سيلاب قول اردو قرارګاه ترڅېرمه د اکملاتي بيز په نامه سيمه کې شوې دي .
تراوسه پورې ددغې پيښې دسر د احتمالي زيان په باب جزييات نه دي ترلاسه شوي.
دباختر آژانس خبريال ګلستان غالب وايي چې امنيتي ځواکونو دپيښې شاوخوا سيمه دترافيکو پرمخ تړلې ده .
له دغې پيښې څو ساعته مخکې دننګرهار ولايت په امنيه قوماندانۍ ځانمرګى بريد وشو چې دملکي وګړو په ګډون د ديارلسو تنو دمرګ ژوبلې سبب شو .
ددغې پيښې جزييات وروسته خپريږي.

کابل – باختر دتلې دمياشتې ٢٠
دننګرهار ولايت په امنيې قوماندانۍ دځانمرګى بريد له امله نن سهار دوه تنه پوځيان ووژل شول او اته تنه نور ټپيان شول.
دغه بريد هغه وخت وشو چې يو ځانمرګى بريد کوونکى د پلټنې له دريو پوستو څخه تير شو او ځان يې د ننګرهار د امنيې قوماندانۍ په دروازه کې وچاوه .
د ننګرهار د والي ويندوى احمد ضيا عبدالزي دباختر آژانس خبريال ګلستان غالب ته وويل: په دې ځانمرګى بريدکې دوه تنه پوليسان ووژل شول او ديو ترافيک په ګډون اته تنه نورټپيان شول .
عبدالزي طالبان ددغه ځانمرګى بريد مسوول وبلل او ويې ويل چې امنيتي ځواکونو ددغې پيښې د طراحانو د پيژندلو او نيولو لپاره پلټنې پيل کړې دي؛ خو سيمه ييزو مسوولينو په دې بريدکې دپوليسو دمسوولينو مرګ ژوبله ردکړه او ويې ويل چې مرګ ژوبله دپوليسو سرتيروته اوښتې ده .
په همدې حال کې دجلال آباد د روغتون ډاکترانو دپنځو تنو ټپيانو روغتيايي حالت خراب بللى دى .

کابل باختر د تلې شلمه :
د چار آسياب ولسوالۍ د امنيې قوماندانۍ پوليسو پرون درې تنه د جعلکارى په تور ونيول .
دکابل دامنيې قوماندانۍ مطبوعاتي دفتر باخترآژانس ته خبرورکړ: په نيول شويو کسانو تور لګول شوى دى چې غوښتل يې له کوچيانو څخه دڅلويښتو زرو جعلي بانکنوتونو په واسطه پسونه واخلي چې د چارآسياب ولسوالۍ د زيارت قلعه له ساحې څخه دپوليسو له خوا ونيول شول .
ديوبل خبر له مخې:  دکابل ولايت دقره باغ ولسوالۍ د امنيې قوماندانۍ پوليسو ددغې ولسوالۍ په مربوطاتوکې دپنځه اتيا ملي متري توپ پنځه ګولۍ ترلاسه او شنډ کړې دي.

کابل باختر د تلي شلمه :
دکابل ولايت د امنيې قوماندانۍ پوليسو پرون يو سړي دنشه يي توکو د پلورلو په تور ونيوه.
دکابل د امنيې قوماندانۍ مطبوعاتي دفتر باخترآژانس ته خبرورکړ: په نيول شوى سړى دپنځمې امنيتي حوزې په مربوطاتو کې د يوې اندازې نشه يي توکو دپلورلو تور لګول شوى دى چې دپوليسو له خوا ونيول شو .
ديوبل خبر له مخې: دکابل د امنيې قوماندانۍ پوليسو دکابل ښار په مربوطاتو کې څو تنه د غلا په تور ونيول.