17 August 2019

RSS Facebook

سوداگریز


تازه خبرونه

خبرتيا!

کابل\باختر\د زمري ٢٦مه د کار او ټولنيزو چارو وزارت خبرتيا! د...

د هېواد په ختيځ کې طالبانو ته د سر دروند زيان واوښت

کابل\باختر\د زمري ٢٦مه شل وسله وال طالبان د هېواد په...

وسله والو طالبانو په غور کې دوه ګروندګر ووژل

کابل\باختر\د زمري ٢٦مه وسله والو طالبانو په غور کې پرون...

Youtube Player

khantry design

سوداگریز

سوداگریز

کابل- باختر د لړم  څليرويشتمه:
  په پروان ولايت کې پرون ديو ريموټ کنترول ماين دچاودنې له امله دملي پولسو شپږ تنه منسوبين ټپيان شول .
دشمشاد د٢٠٢ساحوي زون دقوماندانۍ مطبوعاتي دفتر باختر اژانس ته خبرورکړ: دغه ماين د وسله والومخالفينو له خوا ددغه ولايت دکوه صافي ولسوالۍ په پنځه سوه متري ساحه کې ځاى پرځاى شوى و.
دملي پوليسو ديو رنجر موټر دتيرېدو په وخت کې وچاوديدچې له امله يې  ددغه موټر شپږ تنه سپرلۍ ټپيانې شوې  .
 

کابل- باختر د لړم  څليرويشتمه:
دوه تنه ياغي طالبان چې غوښتل يې دترينکوټ په ځينو سيموکې ماين ښخ کړي؛  دپوليسو له خوا ونيول شول .
دکورنيو  چارووزارت مطبوعاتي دفتر باختر اژانس ته خبرورکړ: دغه دوه تنه د ارزګان ولايت دترينکوټ ښار په دريمه ناحيه کې له دوو ماينونوسره ونيول شول.
ديوبل خبر له مخې: اووه حلقې ماينونه چې د وسله والو مخالفينو له خوا دقندهار ولايت د ژيړۍ ولسوالۍ په مربوطاتوکې ځاى پرځاى شوي وو؛دپوليسو له خوا کشف او له منځه يوړل شول .
 

کابل- باختر د لړم  څليرويشتمه:
  دافغان پوځيانو په چاڼيز و عملياتو کې نهه تنه ياغي طالبان ووژل شول .
دکورنيو چارو وزارت مطبوعاتي دفتر باختر اژانس ته خبر ورکړ: دپکتيا او هلمند د ولايتونو په مربوطاتوکې  پرون دپوليسو دځواکونو په دوو ګډو عملياتو کې نهه تنه ياغي طالبان ووژل شول او اووه تنه نور يې ونيول شول.
ديادونې وړ ده چې ددغو عملياتو په بهير کې٧١کيلوګرامه چاوديدونکي توکي ، اته کلاشينکوفونه ، يوه پيکا، ٤٠ کيلوګرامه چاوديدونکي توکي او دوه موټرسايکلونه دشاملو ځواکونو لاس ته ورغلي دي .
ديوبل خبر له مخې، دملي پوليسو  منسوبينو دخپلو امنيتي دندو دترسره کولو په بهيرکې ديارلس ماينونه کشف اوشنډکړل .
ويل کيږي: دغه ماينونه چې د وسله والوياغيانو له خوا دتروريستي او ورانکارو فعاليتونو د ترسره کولو لپاره دهلمند او پکتيا د ولايتونو په مربوطاتوکې ښخ کړى شوى وو؛ کشف او شنډ کړى شول .
 

کابل – باختر دلړم څلورويشتمه:
دهرات ولايت داطلاعاتو او فرهنګ رياست په پام کې لري، د ولايت دسيمه ييزو رسنيوترمنځ د زياتې همغږي د رامنځته کولو په مقصد ددغه رياست په چوکات کې رسانه يي مرکز جوړکړي .
  داطلاعاتو او فرهنګ رييس احمد احسان سرور يار، د رسنيو  دخبريالانو دملاتړ د اتحاديو او ټولنو او کيبلي شبکو له مسوولينو سره په غونډه کې وويل: په دې مرکزکې ټاکل شوى ده دخبريالانو د اړتياوړ مواد له دې جملې څخه مناسبه فضا، او وړيا انترنټ دخبريالانو په واک کې ورکړى شي .
ده د رسنيو د ازاد فعاليت او د رسنيو دکيفي اوکمي ودې لپاره د زمينو د برابرولو او د رسنيو له خاوندانو ترمنځ دهمغږي د رامنځته کولو ملاتړ ددغو رياست دپروګرامونوڅخه وبلل .
د دغې غونډې په بهيرکې چې د دغه ولايت د اطلاعاتو آمر علي اصغر يعقوبي د رسانه يي چارو له برخې دمسوول په توګه هم خبريالانو او د رسنيو مسوولينو ته معرفي شو.
ښاغلى سروريار د ماشومانو  پرخلاف له تاوتريخوالې سره دمبارزې په لاره کې د رسنيو له کمپاين سره هم ملاتړ څرګندکړ.
ده په دې ترڅ کې چې په هرات ولايت کې د رسنيو کړه وړه مخ په وده او د رضايت وړ وبلل. داطلاعاتو او فرهنګ د رياست په چوکات کې يې د رسانه يي  مرکز دجوړولو اصلي هدف له خبريالانو څخه ملاتړ وباله.
ددغه فرهنګي مسوول دڅرګندونو له مخې، له اوو مياشتو راپديخوا ددغه رياست او دهرات ولايت په چوکات کې  دفرهنګي حالت د ښه والې او اصلاحي پروګرامونو ترلاس لاندې نيول شوى دې چې ښې نتيجې يې رامنځته کړې دي.
په دې غونډه کې دکيبلي شبکو او دسيمه ييزو رسنيو د مسوولينو په موافقه پريکړه وشوه چې له دې وروسته سيمه ييزو تصويري رسنيو خپرونې په منظم ډول د کيبلي شبکو له لارې خپرې شي .
 

کابل – باختر دلړم څلورويشتمه:
د ايساف يو جګپورې جنرال دهرات له والي سره په کتنه کې دافغان امنيتي ځواکونو سره د نړيوالې ټولنې په ملاتړ باندې ټينګار وکړ.
په افغانستان کې د ايساف دقطعاتو قوماندان جنرال پيل ديګچوري دافغان امنيتي ځواکونو دسمبالولو او پياوړتيا بهير دښه بللو په ترڅ کې د انتقال پروګرام دبشپړ منلو وروسته، د امنيت په تامينولوکې ددغو ځواکونو دځواکمني له امله خوښي څرګنده کړه.
ده په دې کتنه کې د افغان دځانګړو امنيتي ځواکونو د ځواکمنتيا د لوړولو او د افغان دبهرنيوځواکونو ترمنځ د همغږي د رامنځته کولو په خاطر د ايساف ځواکونو دهمکاري په دوام باندې ټينګار وکړ.
دجنرال پيل د اعلام له مخې، دځانګړو امنيتي ځواکونو دملي امنيت دچټک غبرګون د دفاعي مهارتونو دلوړولو په خاطر د ايساف دځواکونو همکاري په هرات کې زيات شي.
د ايساف دغه جګپوړې مقام په داسې حال کې چې يوځلې بيايې د افغانستان له امنيتي ځواکونو سره د نړيوال ټولنې بشپړه ملاتړ څرګندکړ، دافغان امنيتي ځواکونو دمخ په زياتيدو ځواکمنتيا او د دغو ځواکونو دسمبالولو په نسبت ډاډ څرګندکړ.
دهرات والي هم د امنيتي او دفاعي  برخو او په تېره بيا دکورنيو امنيتي ځواکونو د پياوړتيا او سمبالولوپه برخوکې دنړيوالې ټولنې دپراخو همکاريو له امله دهرکال په ترڅ کې په څو تېرو کلونوکې دملي اردو ، ملي پوليسو او دملي امنيت برياليتوبونه ددغو ځواکونو دځواکمنتيا نښه نښانه وبلله او زياته يې کړه: دغه ځواکونه په ټوله مانا د زياتو امنيتي مسووليتونو منلو ته چمتو دي .
ډاکترصباله ٢٠١٤کال وروسته د امنيتي ځواکونو د ځواکمنتياډاډ لري او ددغو ځواکونو د پياوړتيا او سمبالولو ملاتړ کوي .
دهرات  والي دغه راز په دې کتنه په پرمختللو وسلو د افغان ځواکونو د روزنې او سمبالولو دبهير دګړنديتوب غوښتنه وکړه .
 

کابل باختر دلړم څلورويشتمه:

له دوست هيواد هند سره د تفاهم ليک د لاسليک په خبرکې، په افغانستان کې دکوچنيو پرمختيايي پروژو دتطبيق لپاره، دهند سل ميليونه ډالري وړيا مرسته چې هند ته د افغانستان د اسلامي جمهوريت دجمهور رييس حامد کرزي د سفر په بهيرکې د افغانستان او دهند دبهرنيو چارو د وزيرانو ډاکتر زلمى رسول او دسلمان خورشيد له خوا لاسليک شو؛په تېروتنې سره لس ميليونه ډالره ليکل شوې دي.
دجمهورى رياست مطبوعاتي دفتر دغه تصحيح ټولو رسنيو ته ورکوي.

 

کابل – باختر دلړم څلورويشتمه:
د وسله والو طالبانو دوه تنه قوماندانان چې ويل کيږي په قندهار ولايت کې يې دځانمرګو او بمي بريدونو د رهبري مسووليت په غاړه درلود؛ په يو لړ پوځي عملياتوکې ونيول شول.
دغه قوماندانان چې هويت يې نه دي په ډاګه شوى، نن سهار په قندهارکې د افغان پوځيانو او د ناټو دقوتونو په دوو جلا جلا عملياتوکې ونيول شول.
ناټو وايي: دغه قوماندانان کله چې ديو لړ ترورستي بريدونو په ترسره کولو کې بوخت و؛په خپل پټنځاى کې نيول شوي دي.
باختر آژانس دناټو دخبرپاڼې له خولې خبرراکړچې دغو قوماندانو دقندهار په ځينو برخوکې د وسله والو طالبانو دځانمرګو او دبمي بريدونو رهبري په غاړه لرله.
په همدې حال کې ناټو پر دغو قوماندانانو په قندهارکې دلسګونو ترورستي بريدونو تورلګول.
ويل کيږي چې ددغو عملياتو په بهيرکې په دغو دوو تنو قوماندانانو پورې څوتنه اړوند کسان هم نيول شوي دي.
له بلې خوا په خبرپاڼه کې ويل شوې دي چې د دغو قوماندانانو دجنګي وسايلو دوه ډيپو ګانې هم په دغو پيښوکې دګډو ځواکونو لاس ته وراغلي دي.
 

کابل – باختر دلړم څلورويشتمه:
نړيوال بانک دتحصيلي او اکادميکي پرګرامونو په پرمخ بيولوکې له هرات پوهنتون سره همکاري کوي.
دهرات پوهنتون رييس ډاکتر عبدالظاهرمحتسب چې دنړيوال بانک دبشري منابعو دپرمختيا له مسوول سره يې خبرې کړى دى وايي: دهرات پوهنتون دظرفيت جوړولو په برخه کې مناسب دريځ لري او په روان کال کې چې دنړيوال بانک دوه سوه زره ډالره مرستې دبېلابېلو پوهنځيودظرفيت جوړلو او د لابراتوارونو دبشپړولو په برخه کې لګولې دي.
ده په دې کتنه کې له هرات پوهنتون سره دنړيوال بانک دهمکاريو پر دوام باندې ټينګار وکړ.
دباختر آژانس دخبرله مخې، ميرمن سمنتا هم دظرفيت جوړولو او د انکشافي فعاليتونو دپراختيا په برخه کې له هرات پوهنتون سره دنړيوال بانک دهمکاريو اغيزمنتوب څيړنه وبلله او په دې برخه کې د زياتې همکاري ژمنه وکړه.
 

کابل – باختر دلړم څلورويشتمه:
دناټو يو سرتيرى په افغانستان کې دځانمرګې بريد له امله ووژل شو.
دغه سرتيرى چې هويت يې نه دې په ډاګه شوى؛ پرون مازيګر دافغانستان په جنوب کې ووژل شو.
ناټو باختر آژانس ته ديوې خبرپاڼې په ليږلو سره دخپل دغه پوځي وژل کېدل تاييدکړل، خو دهغه دهويت او دپيښې د دقيق ځاى په باب يې څه نه دي ويلي.
خو په قندهار کې سيمه ييز مقامات وايي چې دناټو يو سرتيرى په پنجوايي ولسوالۍ کې دناټو پر يوې پوځي اډې دطالبانو د راکټى بريدونو له امله وژل شوى دى.
ويل کيږي چې په دې پيښه کې يوبل بهرني سرتيرى ټپي شوى دى .
باخترآژانس ته را رسيدلې خبرونه وايي چې په دغو بريدونوکې دناټو دپوځيانو دجنګي وسايلو په يوه ډيپوکې اور ولګيد.
 

کابل – باختر دلړم څلورويشتمه:
دکابل پوليسو دکابل په شاوخوا کې ديوې ترورستي پيښې مخه ونيوله.
دکابل د١٠١ آسمايي زون دقوماندانۍ مطبوعاتي دفتر باختر آژانس ته خبرورکړ:
وسله والو مخالفينودکابل ولايت دچارآسياب ولسوالۍ په مربوطاتو کې د ورانکارو او ترورستي عملونو دترسره کولو په مقصد، يوه شل ليتره بوشکه چاوديدونکې ترکيبى موادو، سل ملي متري توب، يوه ګولۍ ،پنځه متره مزې او دوه پټاقۍ عيار او ځاى پرځاى کړي وچې دپوليسو له خوا کشف او شنډ کړې شول.
دا په داسې حال کې ده چې وسله والو مخالفينو پرون پر کابل ښار باندې دڅلوروتوْغنديو بريدونه کړي و.