14 July 2020

RSS Facebook

سوداگریز


تازه خبرونه

 حامدکرزي او ډاکټر عبدالله د سولې پر بهير وغږېدل

حامدکرزي او ډاکټر عبدالله د سولې پر بهير وغږېدل

کابل/ د چنګاښ۲۴ مه/ باختر د هېواد پخواني جمهور رييس حامد...

 عبدالسلام رحیمي: د سولې بهیر د بریا ضمانت یوازې د افغانستان خلک دي

عبدالسلام رحیمي: د سولې بهیر د بریا ضمانت یوازې د افغانستان خلک دي

کابل/ د چنګاښ ۲۴مه/ باختر د جمهور رئيس ځانګړي استازي او...

 جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

کابل/ د چنګاښ ۲۴مه/ باختر د افغانستان د اسلامي جمهوریت جمهوررئیس...

Youtube Player

khantry design

سوداگریز

سوداگریز

کابل باختر دتلې دمياشتې ٢٤
يو وسله وال طالب په بغلان ولايت کې دکورنيو چارو وزارت ديو مقام په کور دبريد په بهير کې ووژل شو او يو تن بل يې  دامنيتي ځواکونو له خوا ونيول شو .
دغه پيښه تيره شپه د دولسو بجو په شاوخوا کې دپلخمري ښار د سرخ کوتل دغونډۍ   په ساحه کې هغه وخت   رامنځته  شوه چې وسله والو طالبانو دکورنيو چارو  وزارت د مالي رييس  په استوګنځي  بريد وکړ.
ويل کيږي دکورنيو چارو وزارت دغه مقام له خپلو خپلوانو سره داختر مبارکۍ لپاره د پلخمري ښارته  تللې و .
دبغلان ولايت دپوليسو ويندوى  جاويد بشارت باختر آژانس ته وويل  : چې ددغه بريد په بهير کې يو وسله وال طالب  ووژل شو او يو تن  بل طالب ټپي او ونيول شو.
دبشارت دڅرګندونو له مخې :  په دې نښته کې دکورنيو چارو وزارت دغه مقام او کورنۍ ته يې زيان نه دى  رسيدلى .
درپوټونو له مخې ، دطالبانو او امنيتي ځواکونو ترمنځ نښته يو ساعت دوام وکړ.

ژنيو- نړيوالي خبري منابع- باختر دتلې دمياشتې ٢٤
دايران دبهرنيو چارو وزارت دحقوقي او نړيوالو چارو مرستيال او په ژنيو کې جګپوړې ايراني مرکچې عباس عراقچي دايران او دپنځه جمع يو هيوادونو دغونډې ترڅنګ دايراني او امريکايي هيتونو دکتنې او خبرو داحتمال خبر ورکړ.
د ايران د بهرنيو چارو  د وزير حقوقي مرستيال په دې باب څرګنده کړه چې دايران
دبهرنيو چارو په  وزارت کې داروپا او امريکا دڅانګې مرستيال مجيد تخت
روانچې دامريکا دبهرنيو چارو وزارت دسياسي چارو له مرستيال سره وګوي.
عباس عراقچې چې په ژنيو کې يې له ايراني خبريالانو سره خبرې کولې څرګنده کړه چې نن  په ايراني هيت دبريتانيا له هيت سره  وګوري.

بروکسل\  نړيوالې خبري منابع\  باختر دتلې دمياشتې ٢٤
دايران او دپنځه جمع يو  ډلې ترمنځ خبري پرون سهار په يوه ښه فضا کې ترسره شوې  چې  پکې ټول پيشنهادونه  وڅيړل شول .
دبهرنيو چارو اود امنيتي سياست په چارو کې د اروپا داتحاديې د نمايندګي مطبوعاتي منشي مايکل مان په يو مطبوعاتي کنفرانس کې وويل : دخبرو فضا ډيره ښه ده  اړوندو  لورو  پيشنهادونه  وڅيړل او ټولې طرحې د کار په لارښود کې دي  ده په ځانګړې ډول اشاره  وکړه  چې دايراني لورې څرګندونې  د  دغې رغندې  فضا دليل دى.
ده   زياته کــــړه  موږ خبرې  په خوشبيني سره  څيړو او لازمه   ده  چې ټول جزييات وڅيړل شي.

کابل باختر دتلې دمياشتې ٢٤
دافغانستان دملي امنيت د اداره وايي چې جګړه  مارانو د لوګر د والي دترور  په خاطر بم  دقرآن مجيد په نسخو کې ځاى پرځاى کړى و.
ددغې ادارې نوې څيړنې ښيې چې د ارسلا جمال دترورعاملين دامنيتي ځواکونو دتيرايستلو په خاطر بم  يې دخطابې ميز ته څيرمه د قرآنکريم په سپارو کې تړلې و.
د لوګر والي ارسلاجمال د لوى  اختر په مراسمو کې دلوګر ولايت دمرکز پل علم ښار په جامع جومات کې د وينا په بهير کې دبم دچاودنې له امله  ترور شو.
په دې پيښه کې دملکي وګړو په ګډون پنځلس تنه لمونځ کوونکي ټپيان شول  .
له دغې پيښې څخه ديوې ورځې له تيريدو وروسته دافغانستان دملي امنيت ادارې باختر اژانس ته ديوې خبرپاڼې په ليږلو سره ليکلي دي ،  تروريستانو دلوګر دوالي دترور په خاطر بم  په قرآنکريم کې ځاى پرځاى کړى و .
په خبرپاڼه کې ويل شوي دي  تروريستانو يوځل بيا په خپل  دغه اسلامي او انساني ضد عمل سره ثابته کړه چې دخپلو  بشري ضد عملونو د ترسره کولو په خاطر آن  له آسماني مقدس کتاب څخه استفاده کوي او له هيڅ انساني او اسلامي معيار  سره پابند نه دي  .
نن دلوګر ولايت سيمه ييزو مسوولينو اعلام وکړ  دپل علم ښار د جامع جومات د درې تنه کارکوونکي چيرته چې ارسلا جمال په کې ترور شو ددغې پيښې په اړوندو نيولي دي .
د لوګر د والي مرستيال محمد هاشم فيضي په  پل علم  ښار کې  زموږ  خبريال ته وويل چې  په نيول شويو کسانو کې دجومات ملا امام ، قاري او موذن شامل دي

واشنګتن \ وى او اى\  باختر دتلې دمياشتې ٢٤
په خبرونو کې ويل شوي دي چې پرون ناوخته دامريکا دسنا مجلس د ديموکراتانو او جمهوريت غوښتوونکو مشرانو هرې ريد او ميچ مک کانل دحل د لارې دموندلو لپاره چې  دواړو ګوندونو  ته دمنلو  وړوي هلې ځلې پيل کړې.
دسنامجلس دغه هلې ځلې د فدرال دولت  بودجه  دجنوري د مياشتې ترپنځلسمې نيټې پورې تامينوي.

کابل باختر دتلې دمياشتې ٢٤
دلوګر د والي له ترور څخه ټيک يوه ورځ وروسته امنيتي مقاماتو اعلام وکړ چې درې تنه  يې ددغې پيښې دسازمان ورکولو په اړوند نيولي دي .
په نيول شويوکسانو کې دپل علم ښار دجامع جمات قاري ، ملا امام او موذن چيرته چې دغه سيمه ييز مقام پکې دچاودنې له امله ترور شو،  شامل  دي.
امنيتي مسوولين وايي چې دجومات دغه کارکوونکي دپروني  بم ايښودلو سازمان ورکونکو له جملې څخه وو.
دلوګر والي ارسلا جمال پرون د پل علم ښار په جامع جومات کې داختر دلمانځه
له ادا کولو مخکې د وينا په بهير کې د بم دچاودنې له امله  ترور شو .
په دې پيښه کې ددغه سيمه ييز مقام دڅلورو تنو ساتوونکو او ملکي وګړو په ګډون پنځلس تنه ټپيان شول .
دلوګر ولايت دمرکز پل علم ښار دپوليسو يو مسوول  رازمحمد وايي،  چې  بم
دجومات په مايکروفون کې ځاى پرځاى شوى و او کله چې والي  د وينا په خاطر
ورته   ودريد له  لرې واټن څخه وچول  شو .
دغه امنيتي مسوول  وويل :  درې ورځې مخکې مو څوځلې دغه جومات کنترول کړ دجومات کلي يوازې دجومات له کارکوونکو سره وه.
ده  وسله وال طالبان دلوګر دوالي ارسلاجمال د ترور مسوول وبلل.
له دغې ترورستي پيښې ديوې ورځې په تيريدو سره دلوګر سيمه ييزو مسوولينو اعلام وکړ چې  درې تنه يې په دې اړوند نيولي دي .
دلوګر دوالي مرستيال محمد هاشم فيضي دباختر آژانس خبريال سلطاني ته وويل : چې  ددغه ولايت د والي ارسلاجمال د ترورد سازمان ورکولو په اړوند دپل علم ښار دجامع جومات درې تنه کارکوونکي نيول شوي دي .
فيضي تاييدکړه چې په نيول شويو کسانو کې دجومات ملا امام ، قاري  او موذن شامل دي .
دا په داسې حال کې ده چې د خبرونو له مخې ، دجومات ملا امام د لوګر د والي دترور په پيښه کې حاضر و او ټپي شوي دي له نيول شويو کسانو څخه تحقيقات دوام لري.
دلوګر دوالي مرستيال هيله څرګنده کړه چې له نيول شويو کسانو څخه تحقيقات وکولاى شي د دغه سيمه ييز مقام دترور دڅرنګوالي دمعما لپاره يو سند وي.
په همدې حال کې دلوګر امنيتي مسوولين وايي چې د والي دترور له پيښې څخه يوه ورځ مخکې دوې  دوه  ماينونه چې دجومات د دروازې په وړاندې ښخ  کړى شوى وکشف او شنډ کړي .
دلوګر دوالي له  ترور  وروسته جمهور رييس کرزي هغه  په کلکه وغانده او لارښونه يې وکړه چې دغه پيښه دې  په هر اړخيز ډول وڅيړل شي.

کابل باختر دتلې دمياشتې ٢٤
په کابل ښارکې په بېځايه شويو کورنيو دقربانۍ دغوښې دويشلو پرورګرام
پيل شو.
په دغه پروګرام کې دمهاجرينو د راستنولو د چارو وزارت د سعودي عربستان دالغياث موسسې  په مرسته دکابل په کچه په  درې زره بېځايه شويو او په هغو کورنيو چې په خيمو کې ژوند کوي ويشل کيږي.
دمهاجرينو د راستنولو دچارو وزارت مالي او اداري معين انجينير احمد ولي اکرمي دکابل ښار په ديوان بيګي کې په  ميشتو بېځايه شويو کورنيو  باندې دقرباني دغوښې دويشلو په وخت کې باختر آژانس ته وويل : 
ټاکل شوې ده  د دريو ورځو په بهير کې دکابل ښار په کچه په  درې زره بېځايه شويو کورنيو باندې دسعودي عربستان دالغياث دموسسې په مرسته د قربانۍ غوښه  وويشل شي او په هرې کورنۍ د پسه درې کيلو غوښه  ويشل کيږي.
انجنيراحمدولي اکرمي زياته کړه . چې د سعودي عربستان د الغياث موسسې پخوا هم دمهاجرينو دراستنولو د چارو  وزارت په  غوښتنه دهيواد په کچه يې  
په  بېځايه شويو او راستنيدونکو سره مرستې کړي  دي .

کابل باختر دتلې دمياشتې ٢٤
دکور جوړولو دقصبې دښارګوتې اوسيدونکي دهغه واټ د پراختيا او بيارغونې دکار له امله چې دخيرخانې دپنځه سوه فاميلو څلور لارې که دغه ښارګوتې سره نښلوي، خوښي څرګنده کړه.
دغه واټ چې دڅرخي پله له سړک سره هم  نښلول کيږي  ډير خراب او ويجاړ شوى
و او ددغه ښارګوتې اوسيدونکي له دې پلوه له زياتو ستونزو سره مخامخ شوى و .
د دغه ښارګوتې اوسيدونکى علي احمد باختر آژانس ته وويل :  دغه واټ چې له څو کلونو راپه  دې خوا ويجاړ شوى و د دغه ښارګوتې اوسيدونکو ته يې زياتې ستونزې رامنځته کړى وې  او اوس د دغه واټ د پراختيا او بيارغونې کار په سلو کې اتيا بشپړ شوى دى  چې  ددغه ښارګوټې داوسيدونکو دخوښي سبب شوى دى.
ددغه ښارګوتې يو بل اوسيدونکي کامل احمد هم د دغه واټ دکار دپرمختګ او ګړنديتوب له امله خوښى څرګنده کړه.

کابل باختر دتلي څليرويشتمه :
په پل علم په ښار کې  په امريکايي عسکرو د ماين بريد وشو .
دغه پيښه نن له غرمې مخکې دلسو بجو په شاوخوا کې هغه وخت رامنځته وشوه  چې  امريکايي ځواکونه  په ښار کې  په ګزمې بوخت و .
  دلوګر دوالي ويندوى دين محمد درويش  له باختراژانس سره په اړيکه کې دغه پيښه تاييد کړه  خو  دسرداحتمالي زيان په باب يې   بي خبري څرګنده کړه .
خو يوعيني شاهد چي ويې نه غوښتل نوم يې واخستل شي وايي  چې په دې پيښه کې يو امريکايي عسکر  ووژل شو او دوه تنه نور ټپيان شول .
  ناټو تراوسه پورې  په دې باب نظر نه دى  څرګند کړى  .

کابل باختر دتلي څليرويشتمه :
يو ځانمرګى يرغلګر مخکې له دې چې په ارزګان ولايت کې د پوليسو په  يوه قرارګاه بريد وکړي  دامنيتي ځواکونو له خوا ووژل شو .
  دغه پيښه  پرون ماښام هغه وخت  رامنځته شوه  چې يو ځانمرګي يرغلګر د ترينکوټ  ښار په مهر آباد سيمه کي غوښتل دپوليسو  په يوې قرارګاه  بريد
وکړي . 
دارزګان  دپوليسو ويندوى فريد عايل  دباختراژانس خبريال ته وويل : چې دغه ځانمرګي يرغلګر  دپوليسو قرارګاه  دروازي ته څيرمه دامنيتي ځواکونو له خوا وپيژندل شواو په  ډزو سره  و وژل  شو .
د عايل دڅرګندونو له مخې : طالبانو غوښتل  په دغې پوځي قرارګاه بريد وکړي . په همدې حال کې عيني شاهدان وايي دغه ځانمرګي يرغلګر له هغه وروسته په ډزو سره  ووژل شو  چې دامنيتي مامورينو د دريدو لارښوونې ته يې پاملرنه ونه کړه ، او هلې ځلې يې  وکړي  چې ځان  دپوليسو قرارګاه  ته  ورسوي .