18 August 2019

RSS Facebook

سوداگریز


تازه خبرونه

په جوماتونو کې چاودنه د اسلام او شريعت پرخلاف ده

په جوماتونو کې چاودنه د اسلام او شريعت پرخلاف ده

کابل / باختر\ د زمري٢٦مه د ملي امنيت شورا د يوې...

د جنايي جرمونو په اړوند د٢٥ کسانو نيول کيدل

د جنايي جرمونو په اړوند د٢٥ کسانو نيول کيدل

کابل / باختر\ د زمري٢٦مه د هېواد په پنځو ولايتونو کې...

Youtube Player

khantry design

سوداگریز

سوداگریز

کراچې- باختر د لړم  څليرويشتمه:
دپاکستان په کراچي ښارکې د تاوتريخوالې په دوام، ددغه ښار په بېلابېلو سيموکې څو تنه ووژل شول او څه دپاسه پنځوس تنه جنايتکاران دقانون د نافذولو د سازمانونو له خوا نيول شوي دي .
باختر اژانس دپاکستان دخبري شبکې له خولې وايي چې دسيمه ييزو پوليسو ځواکونو د تاوتريخوالې له امله د وژنو مبارزې په دوام چې پرون  څو تنه ووژل؛ جدي اقدامات يې پيل کړل .
  ديو اړونده خبرځاى دڅرګندونو له مخې، د پرونيو تاوتريخوالې له امله قربانيان ددغه شار په بېلابېلو سيموکې دناپيژندل شويو وسله والو کسانو له خوا په ډزو سره سا ورکړې ده.
دپوليسو يو مسوول ويلى دى چې په بېلابېلو سيموکې د قصدي وژنو دعاملينو دموندلو لپاره په عملياتوکې د ٥٧تنو له نيول کېدوسربيره؛ د چاوديدونکو توکو او لاسي بمونو په ګډون يوه اندازه وسلې او مهمات هم دحکومتي  ځواکونولاس ته ورغلي دي .
 

تهران -باختر د لړم  څليرويشتمه:
د ايران د اسلامي جمهوريت پوځيانو د امريکايي سيسټم له مخې، د نوى طرحه شوې هوايي ضد دفاع سيسټم هاوک په پرياليتوب سره آزمايښت کړ.
ددغه سيسټم آزمايښت دهوايي دفاع دځواکونو د روزنيزوعملياتو په دويمه ورځ ترسره شوه.
  دغه روزنيز عمليات د ايران په شمال ختيځ اوجنوب ختيځ کې د٨٥٠زرو کيلومترو مربع ځمکې په مساحت ډګرکې ترسره کيږي .
د ايران يوې ټلويزيونې شبکې ويلې دي چې جنګي جټ الوتکي ، بې پيلوټه الوتکې، هوايي ضد دفاع سيسټمونه او اته زره عسکر به په دغو  اووه ورځنيو روزنيزو عملياتوکې ګډون وکړي .
 

کابل- باختر د لړم  څليرويشتمه:
  هغه درې تنه چې ويل کيږي جګړه مارو طالبانو او دحقاني شبکې ته يې دجنګي وسايلو او د مالي امکاناتو د برابرولو مسووليت په غاړه درلود؛ په پوځي عملياتوکې ونيول شول .
دغه کسان چې هويت يې نه دې په ډاګه شوى؛ نن سهار دهلمند ، لوګر او دپکتيا د ولايتونو په مربوطاتو کې د افغان پوځيانو او دناټو دځواکونو په عملياتو کې ونيول شول .
باختر اژانس د ناټو د يوې خبرپاڼې له خولې خبر راکړ چې په دغو عملياتوکې د طالبانو په ډلې او په حقاني شبکې پورې اړوند لس تنه جګړه ماران له سلګونو کيلوګرامو چاوديدونکو توکو سره ونيول شول .
له بلې خوا ناټو په هلمند ولايت کې دڅلوروتنو يرغلګروطالبانو دنيولوخبر ورکړ .
دغه يرغلګرکله چې پر يوې امنيتي پوستې د بريد نيت درلود؛ د افغان پوځيانو او دناټو دځواکونو په پوځي عملياتو کې نيول شوى دى .
دناټو په يوه بله خبرپاڼه کې په غزني ولايت کې په پوځي عملياتوکې دڅو تنو وسله والو طالبانو دنيولو خبر ورکړې دي .
ويل کيږي چې دغه جګړه ماران په تروريستي فعاليتونو بوخت وو چې نن سهار د افغان پوځيانواو د ناټو د ځواکونو له خوا پرې بريد وشو او ونيول شو.
په دغو عملياتوکې څو جنګي وسايل او يوه اندازه چاوديدونکي توکي هم ترلاسه شوي دي.
 

Wednesday, 14 November 2012 12:44

څلور تنه ياغيان ونيول شول

کابل- باختر د لړم  څليرويشتمه:
څلور تنه وسله وال ياغيان له يوې اندازې مهماتو سره دملي اردو دځواکونو دچاڼيزو عملياتو په بهيرکې  ونيول شول .
دملي دفاع وزارت مطبوعاتي دفتر باختر اژانس ته خبر ورکړ: څلور تنه ياغي طالبان چې دقندهار ولايت په مربوطاتو کې يې د ورانکارو بريدونو نيت درلود؛ له دريو کلاشينکوفونو، يوې تومانچې ، يوزغر وال واسکټ  او دکلاشينکوف له لسو شارژورونو سره دملي اردو دځواکونو په چاڼيزوعملياتوکې ونيول شول .
  ديوبل خبر له مخې، يو وسله وال مخالف دقندهار ولايت دميانشين اوخاک ريز ولسواليو په مربوطاتو کې ووژل شول او يوبل ياغي ونيول شو .
دغه راز ددغو عملياتو په بهيرکې يوه اندازه جنګي وسايل هم ترلاسه شوې دي
 

کابل- باختر د لړم  څليرويشتمه:
  دتخار ولايت دمرکز تالقانو د سيند د غاړو دټينګښت کار په نږدې راتلونکې کې پيليږي .
  دغه پروژه  د المان په مرسته دپنځه سوه پنځو سوزرو ډالرو په لګښت ترسره کيږي .
  ددغې پروژې په چوکات کې د څلوروکيلو مترو په اوږدوالې، د تالقانو سيند په زيانمنونکو سيمو کې به د استنادي ډيوال، بندونو او سربندونو، د اوبو د بندونو او پرچاوي ټينګښت ومومي.
دتخار والي احمد فيصل بيکزاد باختر اژانس ته وويل: ددغه سيند غاړوپه ټينګښت سره به  د استوګنې څه ناڅه اووه اويازره کورونه او دکرنې په زرګونه جريبه ځمکه دسيند د اوبو دڅپانده کېدو او سيلاونوله خطر څخه خوندي شي .
  دا په داسې حال کې ده چې هرکال دکرنې په سلګونو جريبه ځمکه  او دخلکوکورونه چې د تالقانو سيند په دواړو غاړوکې موقعيت لرې؛ د سيلاونو  او د سيند د اوبو دڅپانده کېدو له امله ويجاړيږي .
  د تالقانو سيند د استوګنې دکورونو او زراعتي ځمکو څخه تېر شوي دي.
په همدې حال کې دتخار والي په دې پروګرام کې به د تالقانو له پله څخه دلغمانيانو تر سيمې پورې د سيند دواړې غاړې ټينګې شي .
  له بله پلوه په تخارکې د ا لماني ځواکونو دبيا رغاونې، د ولايتي ټيم د اقتصادي برخې مسوول مارکوس وايي چې د دغې پروژې کار تر راتلونکې يوې مياشتې پورې  پيل او په يوکال کې به بشپړ شي .
ويل کيږي چې د دغې پروژې د کارپه پيل سره به په زرګونو تنو ځوانانو ته دکار زمينه برابره شي .
په همدې حال کې د تالقانو دښار اوسيدونکي د دغې پروژې دکار دپيل هرکلى کوي .
دوى هيله لري چې نور د دوى کورونه او زراعتي ځمکې د سيند د اوبو دڅپانده کېدو او سيلاونو له امله ويجاړ نه شي .
بيکزاد وايي چې د دغې پروژې په بشپړېدو سره نور اوبه نه شي کولاى دخلکو کورونه اوځمکو ته لاره پيداکړي .
 

کابل- باختر د لړم  څليرويشتمه:
  په پروان ولايت کې پرون ديو ريموټ کنترول ماين دچاودنې له امله دملي پولسو شپږ تنه منسوبين ټپيان شول .
دشمشاد د٢٠٢ساحوي زون دقوماندانۍ مطبوعاتي دفتر باختر اژانس ته خبرورکړ: دغه ماين د وسله والومخالفينو له خوا ددغه ولايت دکوه صافي ولسوالۍ په پنځه سوه متري ساحه کې ځاى پرځاى شوى و.
دملي پوليسو ديو رنجر موټر دتيرېدو په وخت کې وچاوديدچې له امله يې  ددغه موټر شپږ تنه سپرلۍ ټپيانې شوې  .
 

کابل- باختر د لړم  څليرويشتمه:
دوه تنه ياغي طالبان چې غوښتل يې دترينکوټ په ځينو سيموکې ماين ښخ کړي؛  دپوليسو له خوا ونيول شول .
دکورنيو  چارووزارت مطبوعاتي دفتر باختر اژانس ته خبرورکړ: دغه دوه تنه د ارزګان ولايت دترينکوټ ښار په دريمه ناحيه کې له دوو ماينونوسره ونيول شول.
ديوبل خبر له مخې: اووه حلقې ماينونه چې د وسله والو مخالفينو له خوا دقندهار ولايت د ژيړۍ ولسوالۍ په مربوطاتوکې ځاى پرځاى شوي وو؛دپوليسو له خوا کشف او له منځه يوړل شول .
 

کابل- باختر د لړم  څليرويشتمه:
  دافغان پوځيانو په چاڼيز و عملياتو کې نهه تنه ياغي طالبان ووژل شول .
دکورنيو چارو وزارت مطبوعاتي دفتر باختر اژانس ته خبر ورکړ: دپکتيا او هلمند د ولايتونو په مربوطاتوکې  پرون دپوليسو دځواکونو په دوو ګډو عملياتو کې نهه تنه ياغي طالبان ووژل شول او اووه تنه نور يې ونيول شول.
ديادونې وړ ده چې ددغو عملياتو په بهير کې٧١کيلوګرامه چاوديدونکي توکي ، اته کلاشينکوفونه ، يوه پيکا، ٤٠ کيلوګرامه چاوديدونکي توکي او دوه موټرسايکلونه دشاملو ځواکونو لاس ته ورغلي دي .
ديوبل خبر له مخې، دملي پوليسو  منسوبينو دخپلو امنيتي دندو دترسره کولو په بهيرکې ديارلس ماينونه کشف اوشنډکړل .
ويل کيږي: دغه ماينونه چې د وسله والوياغيانو له خوا دتروريستي او ورانکارو فعاليتونو د ترسره کولو لپاره دهلمند او پکتيا د ولايتونو په مربوطاتوکې ښخ کړى شوى وو؛ کشف او شنډ کړى شول .
 

کابل – باختر دلړم څلورويشتمه:
دهرات ولايت داطلاعاتو او فرهنګ رياست په پام کې لري، د ولايت دسيمه ييزو رسنيوترمنځ د زياتې همغږي د رامنځته کولو په مقصد ددغه رياست په چوکات کې رسانه يي مرکز جوړکړي .
  داطلاعاتو او فرهنګ رييس احمد احسان سرور يار، د رسنيو  دخبريالانو دملاتړ د اتحاديو او ټولنو او کيبلي شبکو له مسوولينو سره په غونډه کې وويل: په دې مرکزکې ټاکل شوى ده دخبريالانو د اړتياوړ مواد له دې جملې څخه مناسبه فضا، او وړيا انترنټ دخبريالانو په واک کې ورکړى شي .
ده د رسنيو د ازاد فعاليت او د رسنيو دکيفي اوکمي ودې لپاره د زمينو د برابرولو او د رسنيو له خاوندانو ترمنځ دهمغږي د رامنځته کولو ملاتړ ددغو رياست دپروګرامونوڅخه وبلل .
د دغې غونډې په بهيرکې چې د دغه ولايت د اطلاعاتو آمر علي اصغر يعقوبي د رسانه يي چارو له برخې دمسوول په توګه هم خبريالانو او د رسنيو مسوولينو ته معرفي شو.
ښاغلى سروريار د ماشومانو  پرخلاف له تاوتريخوالې سره دمبارزې په لاره کې د رسنيو له کمپاين سره هم ملاتړ څرګندکړ.
ده په دې ترڅ کې چې په هرات ولايت کې د رسنيو کړه وړه مخ په وده او د رضايت وړ وبلل. داطلاعاتو او فرهنګ د رياست په چوکات کې يې د رسانه يي  مرکز دجوړولو اصلي هدف له خبريالانو څخه ملاتړ وباله.
ددغه فرهنګي مسوول دڅرګندونو له مخې، له اوو مياشتو راپديخوا ددغه رياست او دهرات ولايت په چوکات کې  دفرهنګي حالت د ښه والې او اصلاحي پروګرامونو ترلاس لاندې نيول شوى دې چې ښې نتيجې يې رامنځته کړې دي.
په دې غونډه کې دکيبلي شبکو او دسيمه ييزو رسنيو د مسوولينو په موافقه پريکړه وشوه چې له دې وروسته سيمه ييزو تصويري رسنيو خپرونې په منظم ډول د کيبلي شبکو له لارې خپرې شي .
 

کابل – باختر دلړم څلورويشتمه:
د ايساف يو جګپورې جنرال دهرات له والي سره په کتنه کې دافغان امنيتي ځواکونو سره د نړيوالې ټولنې په ملاتړ باندې ټينګار وکړ.
په افغانستان کې د ايساف دقطعاتو قوماندان جنرال پيل ديګچوري دافغان امنيتي ځواکونو دسمبالولو او پياوړتيا بهير دښه بللو په ترڅ کې د انتقال پروګرام دبشپړ منلو وروسته، د امنيت په تامينولوکې ددغو ځواکونو دځواکمني له امله خوښي څرګنده کړه.
ده په دې کتنه کې د افغان دځانګړو امنيتي ځواکونو د ځواکمنتيا د لوړولو او د افغان دبهرنيوځواکونو ترمنځ د همغږي د رامنځته کولو په خاطر د ايساف ځواکونو دهمکاري په دوام باندې ټينګار وکړ.
دجنرال پيل د اعلام له مخې، دځانګړو امنيتي ځواکونو دملي امنيت دچټک غبرګون د دفاعي مهارتونو دلوړولو په خاطر د ايساف دځواکونو همکاري په هرات کې زيات شي.
د ايساف دغه جګپوړې مقام په داسې حال کې چې يوځلې بيايې د افغانستان له امنيتي ځواکونو سره د نړيوال ټولنې بشپړه ملاتړ څرګندکړ، دافغان امنيتي ځواکونو دمخ په زياتيدو ځواکمنتيا او د دغو ځواکونو دسمبالولو په نسبت ډاډ څرګندکړ.
دهرات والي هم د امنيتي او دفاعي  برخو او په تېره بيا دکورنيو امنيتي ځواکونو د پياوړتيا او سمبالولوپه برخوکې دنړيوالې ټولنې دپراخو همکاريو له امله دهرکال په ترڅ کې په څو تېرو کلونوکې دملي اردو ، ملي پوليسو او دملي امنيت برياليتوبونه ددغو ځواکونو دځواکمنتيا نښه نښانه وبلله او زياته يې کړه: دغه ځواکونه په ټوله مانا د زياتو امنيتي مسووليتونو منلو ته چمتو دي .
ډاکترصباله ٢٠١٤کال وروسته د امنيتي ځواکونو د ځواکمنتياډاډ لري او ددغو ځواکونو د پياوړتيا او سمبالولو ملاتړ کوي .
دهرات  والي دغه راز په دې کتنه په پرمختللو وسلو د افغان ځواکونو د روزنې او سمبالولو دبهير دګړنديتوب غوښتنه وکړه .