06 July 2020

RSS Facebook

سوداگریز


تازه خبرونه

د جمهوررئیس محمد اشرفی غني په مشرۍ د کابینې غونډه جوړه شوه

د جمهوررئیس محمد اشرفی غني په مشرۍ د کابینې غونډه جوړه شوه

کابل / د چنګاښ ۱۶مه / باختر د کابینې غونډه د...

کابل او یو شمېر نورې سیمې زورورې زلزلې ولړزولې

کابل او یو شمېر نورې سیمې زورورې زلزلې ولړزولې

کابل / د چنګاښ ۱۶ مه / باختر نن ماښام څه...

د لوړو زده کړو وزارت د تسلیت او خواخوږۍ پيغام

کابل/ د چنګاښ ۱۶مه/ باختر په ډيرې خواشينۍ سره مو خبر...

Youtube Player

khantry design

سوداگریز

سوداگریز

کابل\باختر\ د ميزان١٦
دحج او اوقافو وزارت نن په کابل کې دعربي متحده اماراتو له سفارت سره  تفاهم ليک لاسليک کړ. چې له ا مله يې دعربي متحده اماراتو يو  روزنيز پروګرام دشلو زرو تنو خطيبانو ، ملا امامانو او واعظانو لپاره تر سره کوي .
د باختر آژانس دخبريال دخبر له مخې ، دحج او اوقافو وزارت سرپرست ډاکترداعي الحق عابد دتفاهم ليک د لاسليک په وخت کې  وويل : د دغه تفاهم ليک له امله يوشميرخطيبانو اوملا امامانو ته  روزنيز  پروګرامونه  جوړيږي  چې ددووکلو نو په بهير کې به شلو زرو تنو ته لا زمې  روزنيزي زده کړې ترسره کړې .
ده زياته کړه هره روزنيزه  دوره به پنځلس پنځلس ورځې وي. چې په هره ورځ کې به دتجويد، د دعوت او دخطبې د لارو چارو په باب لوست ورکړ شي .
ددغې پرو ژې لګښت  اوومليونو ډالرو ته  رسيږي چې دعربي متحده  اماراتو له خوا ورکول کيږي .

کابل\باختر\ د ميزان١٦
دلوې څارنوالۍ دعالي شوراغونډه نن دلوى څارنوال څارنپوه محمداسحق الکو په مشرۍ جوړه شوه .
دلوې څارنواۍ  داطلاعاتو اودعا مه اړيکو رياست باخترآژانس ته خبرورکړ :
په غونډه کې  په اجندا کې دشاملو موضوعګانو په باب خبرې وشوې  او اړوندو څارنواليو ته دهغوي داستهداګانو په پام کې نيولو سره تصميمو نه ونيول شول او لارښوونې صادرې شوې  .
په غونډه کې دکورني اوبهرني امنيت پرخلاف له جرمونو سره دمبارزې اوپه پوځي چارو کې دلوې څارنوالۍ دمعاونيت هغه څارنوالان چې ددغې ادارې  په وړانديز او دافغانستان د اسلامي جمهوريت د جمهوري رياست دحکم له مخې  فوق العاده ترفيع کړې ده وستايل شول  .
په مقابل کې هغو څارنوالانو چې په ترفيع وياړل شوي دي  ژمنه وکړه چي په خپلو ورسپارل شويو دندو د اجرا کولو په لاره کې به له پخوا زياتې هلې ځلې وکړي .

کابل\باختر\ د ميزان١٦
دپکتيکا شاهين دفايبر د توليد فابريکه نن په کابل کې په فعاليت پيل  وکړ.
دباخترآژانس دخبر له مخې :  په هغې غونډه کې چې له همدې  ا مله نن په دغې  فابريکه کې جوړه شوې  وه دپکتيکا شاهين دفايبردتوليد دفابريکي رييس حاجى شيخ محمد وويل  ،  په دې  فابريکه کې څه د پاسه دوه  مليونه  ډالره پانګه اچول شوې ده او دغه  فابريکه په  ورځ کي د اووه  زره ټنه فايبر دتوليد ظرفيت لري.
دپکتيکا شاهين دفايبر دتوليدي فابريکي رييس زيا ته کړه،  په دې فابريکه کې دمعدني اوبو او نورو نوشابوله تشو پلاستيکي بوتلونو څخه دفايبردتوليد لپاره استفاده کيږي .
دغه راز په دې غونډه کې  دپانګې اچونې  د ملاتړ د ادارې رئيس وفي الله افتخار دخبرو په ترڅ کې وويل  : دڅه دپاسه دوه مليونو ډالرو پانګه  اچونه ددې  ښکارندوى  دى  چې زموږ پانګه وال دخپل هيواد د آبادولو په خاطر په هيواد کې پانګي اچونې ته  دوام ورکوي
دغه رازپه دې غونډه کې دبريښناموسسې عمومي رييس عبدالرزاق صمدي وويل ،  دغه شرکت چمتودى  په هره اندازه بريښنا چې زموږ فابريکه لرونکي  په خپلو فابريکو کې دتوليد په خاطر  ورته اړتيا  لري هغوي ته برابروي  .

کابل باختر دتلې دمياشتې ١٦ :
د آزادي سلب شویو مرکزونو د اصلاح کميټې پلاوی چې د جمهوري ریاست د عالې مقام د ۱۳۹۲ کال د زمری میاشتې د ۱۶ نیټې د ۳۷۲۶ ګڼه حکم پر بنسټ جوړه شوی د یادې کمیټې غړو د اساسي قانون پرتطبیق د څارنې د خپلواک کمیسیون د مشر پوهاند ګلرحمن قاضي تر مشرۍ لاندې د پنجشیر او کاپیسا ولایتونو د آزادي سلب شویو مرکزونو څخه لیدنه وکړه.
داساسي قانون پرتطبيق باندې دڅارني دخپلواک  کميسيون داطلاعاتو اودعامه اړيکو آمريت باخترآژانس ته خبرورکړ :
دغه پلاوی چې د اړوندو ادارو واک لرونکې غړي هم پکې شامل دي د یادو درې واړو ولایتونو د ادارو له مسولینو سره د آزادی سلب شویو مرکزونو په اړه هر اړخیزې خبرې وکړي، ددي ترڅنګ یاد پلاوي د نوموړو ولایتونو د ادارې مسولینو او زندانیانو د استازو په  ګډون د زندان د مدیریت، امکاناتو، اسانتیاوو او د عدلې او قضایي مسایلو په اړه خبرې وکړي.
پوهاند قاضي له والیانو او نورو سیمه ایزو مسولینو سره په خپلو خبرو کې څرګنده کړه، لکه څنګه چې د جمهوري ریاست د مقام په حکم کې په ډاګه شوی، چې له زندانونو د پلاوې د لیدو موخه د زندان او زندانیانو د وضعیت څیړل، له زندانیانو سره له نږدې خبرې کول، د هغو د ستونزو اوریدل او هغو ته د حل لارو پیدا کول او بیا د محبسونو او زندانونو د اصلاح او ښه والې لپاره جلالتماب جمهور رئیس ته د هغه د راپور وړاندې کول دي.
داچې د پروان زندان ودانۍ تر کار لاندې ده ، ددغه ولایت محبوسین د پلچرخې مرکزې زندان ته لیږدول شوی دي ، خو له خبرو کولو وروسته پريکړه وشوه چې له هغه ځاې څخه دي د بګرام زندان ته چې له ښو تجهیزاتو او امکاناتو څخه برخمن دي ولیږدول شی..
پوهاند قاضي څرګنده کړه چې د زندانونو اصلاح یو ضرورې امر دي او د دغې کمیټې د ټولو برخو واک لرونکې استازي شته ترڅو ستونزې په هر اړخیزه توګه وڅیړې او په بیړه هغو نیمګړتیاو ته د حل لارې پلټونکې شي. هغه زیاته کړه محبوسین د آزادې له حق پرته له نورو ټولو حقونو برخمن دي.     
د کاپیسا په ولایت کې یو شمیر زندانیانو ادعا لرله چې یو شمیر سیمه ایز افراد د عدلې او قضایي بنسټونو په کارونو کې غیر قانونې مداخله کوي چې په دي صورت کې قانون تر پښو لاندې کیږي.
دغه راز د هغو یو شمیر نورو د جرم د ثابتولو لپاره د کافي دلایلو له نشتوالې او همدارنګه د مستنطیقینو او څارنوالانو له خوا د تحقیق او کشف پرمهال د هغو له خوا له  له نامناسب چلند څخه شکایت کاوه او اړوندو ارګانو ته یې لارښوونه وکړه چې دهغو د مخنیوي لپاره جدی اقدام وکړي.
نوموړي پلاوې په یادو ولایتونو کې له زندانیانو، د زندان له مسوولینو او د عدلي او قضایي بنسټونو له استازو سره هر اړخیزې خبرې وکړي او د هغو کسانو لپاره چې آزادې یې سلب شوی د هغو د وضعیت د ښه والې لپاره  دحل مناسبې لارې  پیشنهاد شوې چې هرکلی یې وشو.
د مناسب ځای نشتوالی، د اوبو کموالی او د زندانیانو لپاره د آسانتیاو نشتوالی هغه عمده ستونزې وې چې د پنجشیر، کاپیسا او پروان په ولایتونو کې زندانیانو لرلې. لکه څنګه چې د زندانیانو استازو وویل ،  چې په دینې برخه کې له زده کړو برخمن دي خو د حرفې او کارګاوو په برخه کې د مناسب ځاې او امکاناتو نشتوالی هغه څه دي چې د آزادي په سلب شویو مرکزونو کې ورته لاسرسی نه شته.  

کابل\باختر\ د ميزان١٦
دغاليو سکتور دکاري ګروپ په نهمه غونډه کې دغاليو سکتور د فعاليتونو دپلان دبياکتنې دکنفرانس اجندا وڅيړل شوه  .
دباخترآژانس دخبر له مخې :   دغه غونډه چې نن دکابل ښار په يو هوټل کې جوړه شوه  د٢٠١٣  تر٢٠١٦ کلونو په بهير کې دغاليو دسکتوردفعاليتونو پروګرام وڅيړل شو.
دغه غونډه په داسې حال کې جوړيږي  چې بهر ته دافغاني غاليو د صادراتو کچه   د وروستيو څوکلونو په بهير کې ټيټې کچې ته رسيدلې ده او که چيرې  له دغې ستونزې سره دمقابلي په خاطر تدبيرونه ونه نيول شي  دغاليو دصادراتود راوليدو امکان به رامنځته شي
په دې غونډه کې دسوداګرۍ  اوصنايعو د وزارت معين متصل کمکي يادونه وکړه چې په هيواد کې دغاليو صنعت له چنلجونو سره مخامخ دى  او لا زمه  ده  چې د٢٠١٣ تر٢٠١٦ م کلونو لپاره د غاليو سکتور دفعاليت پلان  برابراو په  دغه سکتور کې دسيالۍ شرايط رامنځته شي  .
ده له خصوصي سکتور څخه وغوښتل چې  په دغوستونزو د  برياليتوب په خاطر خپلې نظريې وړاندې کړي اومسوولين دغه نظريې راټولوي چې دچارو په ښه والې کې ورڅخه استفاده وکړي .
دکوچنيو اومنځنيو تشبثاتو دچارودتنظيم اوپرمختيا رييس احمدضيا سيدخيلي دهغو يولړ ستونزو په بيانولوسره چې دغاليو صنعتکاران  ورسره  مخامخ دي دکورنيوچارو له وزارت څخه يې  وغوښتل څودهغوساحودبيرته نيولو په برخه کې چې  دغالۍ اوبدونکو ښارګي  ته ځانګړي شوي وه اقدام وکړي چې دغاليو صنعتکاران دخپل کار اوفعاليت ساحه  پيدا کړي .
ويل شوي دي چې د کابل اوننګرهار په څوسيموکې غالۍ اوبدونکو ته دښارګوټو دجوړولو ساحي ځانګړې شوي خوددغوساحوکاردخپل سروکورونو دجوړولو  له امله دغالۍ اوبدونکو په واک کي  ورنه کړاى شوې .
په دې  غونډه کې  يوشميرمسوولينو اودغاليو صنعتکارانو خبرې وکړې اودغاليو دصنعت دښه والي او دهغه دپراختيا په مقصد خپلې نظريې وړاندې کړې .
دغاليو سکتور دفعاليت دپلان د جوړولو هدف دغاليو دصنعت د ودې  لپاره دآسانتياو درامنځته کولو په مقصد دلارې د يوې  نخچې چمتو کول او په افغاني مارک سره دهغو دصادراتو لپاره  د زمينې برابرول دي .
اوس دافغاني غاليو زياته برخه دپاکستان له لارې  او د دغه هيواد په مارک صادريږي  چې ګټه يې پاکستاني دلالانو ته رسيږي .
دمرکزي احصائيې رپوټونه  د دې ښکارندوى دى چې په شپږو کلونو کې دافغاني غاليو صادرات په سلو کې اتيا لږ شوى چې له افغاني غاليو سره دګاونډيو هيوادونو دسازمان موندنې اوپياوړي ملاتړ دسياليو دليل دى .
په افغا نستان کې څه دپاسه يومليون تنه دغاليو دتوليد په بيلابيلوڅانګو کې په کاربوخت دي
دغاليو صنعت له کرنې وروسته دويم مصروفيت او دهيواددملي عوايدو دويمه برخه ده  .

کابل\باختر\ د ميزان١٦
دنيمروز دماشومانو د روزنې اواصلاح د مرکز مسوول ديوې ترافيکي پيښې له
امله ووژل شو.
د نيمروز ولايت د ماشومانو دروزنې او اصلاح مرکز مسوول محمداعظم  پرون مازيګر کله چي په  موټرسايکل دخپل کور په لور روان وله يوکرولا موټرسره دټکر له ا مله ووژل شو .
دنيمروز د والي ويندوى  محمد عرب باخترآژانس ته وويل :  دکرولا موټر چلوونکى تښتيدلى اودهغه د نيولو لپاره پلټنې پيل شوي دي
دعرب دڅرګندونو له مخې ددغې پيښې په باب څيړنې پيل شوي دي .

کابل\باختر\ د ميزان١٦
دجوزجان پوليسو په دغه ولايت کې ديوې  ځواني نجلۍ د وژل کيدو دانګيزې د    روښانولو په خا طر څيړنې پيل کړي دي .
ددغې نولس کلنې نجلۍ مړى پرون د زندۍ په حالت کې دشبرغان ښار دآتې خواجه  له ساحې څخه د هغې دکورنۍ له خوا وموندل شو.
پوليسو ددغې نجلۍ د وژلو په تور دهغې ورور نيو لى دى .
ويل کيږي دغه قتل د کورني تا وتريخوالي  زيږنده  ده
دجوزجان دولايتي روغتون رييس ډاکتر هارون وايي څيړنې ښيي چې دغه نجلۍ د رسۍ په واسطه  زندۍ شوې ده

کابل\باختر\ د ميزان١٦
دافغانستان داسلامي جمهوريت قاضي القضات نن له غرمې مخکې دسترې محکمې په مقرکې دسترې محکمې دعالي شورا نوى غړى قضاوتپال برات علي متين چې دافغانستان داسلامي جمهوريت دجمهور رئيس په وړاندې د لوړې مراسم  پرځاى  کړي  دي د سترې  محکمې د عالي شورا غړو او د مرکزي  ادارو رييسانو ته  معرفي کړ.
په پيل کي قاضي القضات دمتين د کاري سابقې ،زده کړې اوعلميت په باب خبرې وکړې اودسترې محکمې دغړي د با ارزښته دندې په پرمخ بيولو کې يې ده ته د الله (ج)  له دربار څڅه دبرياليتوب هيله وکړه .
قاضي القضات دغه راز دسترې محکمې دغړي قضاوتپوه ضامن علي بهسودي د٣٥ کلن خدمتونه چې په دې وروستيو کې دندې يې پاى  ته  رسيدلي دي دقدروړ وبلل اودهغه دصداقت اوپاکي دستاينې په ترڅ کې يې د هيواد په قضايي نظام کې دده خدمتو نه نه هيريدونکي وبلل او هغه ته يې دروغتيا اوعافيت هيله وکړه .
وروسته د سترې محکمې غړي برات علي متين دهغه ستر باور له امله چې د جمهوري  رياست عالي مقام په ده باندې کړى دى مننه وکړه او ژمنه يې وکړه چې خپلې دندې به  دقاضي القضات په مشرۍ دسترې محکمې دعالي شورا دلارښونو په رڼا کې دقانون اودشريعت دحکمونو د تامين اوتطبيق په لاره کې په صادقانه او مخلصانه ډول  ترسره کړي  .

کابل باختر د تلي  شپاړسمه :
دکورنيو چارو وزارت خبرتيا
دهيواد د نافذو قوانينو له مخې  د افغانستان د ملي پوليسو د شهيدانو پاتې کسان اومعلولين له ځانګړو حقوقو اوامتيازونوڅخه برخمن دي او دغه حقوق او امتيازونه  دهغه مشخص ميکانيزم له مخې چې شته دکورنيو چارو دوزارت له خوا ورکول کيږي .
څرنګه چې د پوليسو دمعلولينو او دشهيدانو د پاتې کسانو د حقوقو ورکول ديو نسبتا پيچلې ادارې  سيستم له  لارې  ترسره کيږي د دې احتمال شته چې دپوليسو يوشمير معلولين او دشهيدانو  پاتې کسان  ونه شي کړى خپل قانوني حقوق او امتيازات چې دهغوى مسلم حق شميرل کيږي ترلاسه  کړي .
دهيواد د کورنيو چارو  وزير دپوليسو دمعلولينو او دشهيدانو پاتې  کسانو پوښتنه له خپل کاري لومړيتوبونو څخه بولي او دملي پوليسو رهبري ته يې لارښوونه  صادره کړې ده  چې دغه مهم کار ته جدي پاملرنه وکړي .
په دې وسيله د هيواد دملي پوليسو ټولو معلولينو او دشهيدانو پاتي کسانو ته اعلاموي  چې د هغوى دحقوقو او امتيازونو دترلاسه کولو  په  اړوند  دکومې ستونزې درامنځته کيدو په صورت کې له  ٠٧٠٠١٩١٩٠٠ شميرې  تيلفون سره اړيکه ونيسي او دخپلو ستونزو په باب دې مسوولينو ته  خبر ورکړي .

Tuesday, 08 October 2013 13:42

پنځلس ماينونه کشف شول .

کابل باختر د تلي  شپاړسمه :
پوليسو نن دهيواد له ولايتونو څخه پنځلس ډول ډول  ماينونه کشف او شنډ کړل .
دکورنيو چارو وزارت مطبوعاتي دفتر باخترآژانس ته خبر ورکړ:   وسله والو طالبانو پنځلس  ډول  ډول ماينونه ، دلغمان ، تخار ، فارياب ، سرپل ، هرات ، هلمند او دنيمروز د ولايتونو په مربوطاتو کې ښخ  کړي و چې دملي پوليسو له خوا دګزمې په بهير کې کشف اوشنډ کړى شوي دي .