14 July 2020

RSS Facebook

سوداگریز


تازه خبرونه

 حامدکرزي او ډاکټر عبدالله د سولې پر بهير وغږېدل

حامدکرزي او ډاکټر عبدالله د سولې پر بهير وغږېدل

کابل/ د چنګاښ۲۴ مه/ باختر د هېواد پخواني جمهور رييس حامد...

 عبدالسلام رحیمي: د سولې بهیر د بریا ضمانت یوازې د افغانستان خلک دي

عبدالسلام رحیمي: د سولې بهیر د بریا ضمانت یوازې د افغانستان خلک دي

کابل/ د چنګاښ ۲۴مه/ باختر د جمهور رئيس ځانګړي استازي او...

 جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

جمهوررئیس محمد اشرف غني د امریکا د پوځ د مرکزي قومندانۍ له قومندان سره وکتل

کابل/ د چنګاښ ۲۴مه/ باختر د افغانستان د اسلامي جمهوریت جمهوررئیس...

Youtube Player

khantry design

سوداگریز

سوداگریز

 ژنيو\ ډي ډان \ باختردتلي دمياشتې ٢٣:
دسره صليب نړيوالي ادارې وويل چې ددغې ادارې د اوو   تنو تښتول شويو کارکوونکو  له  جملې  څخه پرون  څلور تنه يې  خوشي شول .
دباختر آژانس دخبرله مخې :  دروانې اوونۍ ديکشنبې په ورځ دسره صليب  اووه تنه کارکوونکي دسوريې  په اديب ولايت کې  وتښتول شول .
تراوسه پورې  ددغې پيښې مسووليت  چاپه غاړه  نه دى اخستي .
دسره صليب نړيوالې ادارې دتښتول شويو دهويت په باب  څه نه دي ويلي .

کابل – باختر دتلې دمياشتې ٢٣
دکورنيو چارو وزيرمحمدعمر داود زي دپوليسو په دوه سوه بستريز روغتون کې دملي پوليسو دناروغانو او ټپيانو پوښتنه وکړه  او نغدي سوغاتونه يې په  هغوي وويشل.
دکورنيو چارو وزارت مطبوعاتي دفتر باختر آژانس ته خبر ورکړ  :
دکورنيو چارو وزير په داسې حال کې چې ددغه وزارت تاميناتي معين او دکابل
ولايت امنيه  قوماندان ورسره  ملګرى  و ، دپوليسو دوه سوه بستريز روغتون ته  لاړ او دروغتون د بيلابيلو څانګودکتنې په ترڅ کې يې موظفينو ډاکترانو ، روغتيايي او ادارې کارکوونکو،  ناروغو او ټپي پوليسانو ته يې دنيکمرغه لوى اختر له امله مبارکي وويله .
دکورنيو چارو وزير  په دې کتنه کې وويل  : چې دملي پوليسو منسوبين دامنيت
او دعامه نظم دتامينولو په خاطر هره ورځ  قرباني ورکوي.
دافغانستان ملت  دهيواد په تاسې ميړنيو او  زړورو  بچيانو وياړي.
دکورنيو چارو وزير يوه اندازه نغدي سوغاتونه  دپوليسو په  دوه سوه بستريز روغتون کې په ناروغانو او ټپيانو وويشل.
په همدې حال کې دکورنيو چارو  وزارت تاميناتي معين لوى پاسوال محمدحيدر بصير د سردار محمد داود خان روغتون ته لاړ  او په دغه روغتون کې يې بسترو ناروغانو ته داختر مبارکي وويله  .
ددغې کتنې په پاى کې هغه نغدي سوغاتونه چې  په دغه روغتون کې بسترو ناروغانو او ټپيانو ته برابر شوي و ،  دکورنيو چارو دوزير له خوا وويشل شول.
دغه راز دکورنيو چارو وزارت تاميناتي معين لوى پاسوال محمدحيدر بصير دپوليسو دشهيدانو له کورنيو سره وکتل او  دشهيدانو پاک روح ته يې د دعا په ترڅ کې   د شهيدانو  کورنيو او  پاتې کسانوته  يې د نيکمرغه لوى اختر له امله مبارکي  وويله.
دا په داسې حال کې دى چې  پرون هم دشهيدو پوليسانو په اووه څلويښتو کورنيو يوه اندازه نغدي پيسې او خوراکي توکي دکورنيو چارو وزارت دتاميناتي معين له خوا وويشل شول.

Tuesday, 15 October 2013 12:00

د خواشینۍ پیغام

 کابل باخترد تلې ۲۳ :
د لوګر د والي د شهات له امله د پوهنې د وزیر د خواشینۍ پیغام
په ډېرې خواشینۍ سره خبر شوم، چې د هیواد دښمنانو د لوی اختر په مبارکه ورځ د هیواد پیاوړی شخصیت، د ولس ستر غمخور او د لوګر والي ښاغلی ارسلا جمال د یوه ناروا او ډارن برید په ترڅ کې په شهادت ورساوه.
د ښاغلي جمال شهادت د ټول افغان ولس ترڅنګ زه هم وځورولم او د زړه له کومې یې خواشینی کړم. دې برید موږ ته یوځل بیا څرګنده کړه، چې زموږ د هیواد د پرمختګ او ترقۍ دښمنان نه زموږ د خوښیو او دیني ورځو پروا کوي او نه هم د مسجد او داسې نورو مقدسو ځایونو.
خدای بښلی ارسلا جمال د افغانستان د پرمختګ او ودانولو د هغه کاروان غړی و، چې په ډېر پاک نیت زموږ د مورنۍ خاورې د ودانولو او پرمخ بېولو نیت لري.
د لوګر والي ددې کاروان د يوه ریښتیني غړي په توګه خپل وروستي او له افتخاره ډک هدف ته چې شهادت دی ورسېد، موږ هم د خپل ګران هیواد افغانستان د ابادۍ، پرمختګ او سولې د ارمانجنو کسانو په توګه له لوی خدایه د همداسې یوه متبرک مقام هیله لرو. شهادت هغه مقام دی، چې خدای پاک یې پر هرچا نه لوروي، یوازې د الله متعهد او سپېڅلي بنده ګان ددې مقام وړتیا لري او یوازې دوی دي چې خدای دا لورینه ورباندې کړې ده.
له لوی خدای ج څخه غواړم، چې د ده شهادت قبول او دښمنان یې د تل لپاره مخ توري کړي.

کابل باخترد تلې ۲۳ :
د افغانستان جمهوررئیس حامدکرزي د لوګر ولایت په جامع جومات کې د لوی اختر د لمانځه په جریان کې هغه تروریستي برید په کلکه وغانده چې له امله یې د دغه ولایت والي ارسلاجمال شهید او زموږ یو  شمېر بې ګناه هېوادوال  ټپیان شول.
دجمهو ري رياست مطبوعاتي دفترباخترآ ژانس ته خبرورکړ :
د هېواد جمهوررئیس د دغه ډارن برید د غندلو په ترڅ کې وویل چې د اختر په لمانځه او د خدای پر کور باندې برید، د دې ښکارندوی دی چې طالبان د اسلام سپیڅلي دین، جوماتونو او د مسلمانانو مذهبي مراسمو ته درناوى نه لري.
حامدکرزي وویل چې طالبانو د بمونو پر ایښودلو او پر جوماتونو او لمونځ کوونکو باندې د بریدونو په ترسره کولو، د هغې له جملې څخه تېر کال د میمنې ښار د عیدګاه په جومات کې د اختر د لمانځه د ادا کولو پرمهال زموږ پرخلکو باندې په برید او همدا راز په جومات کې د کندز د والي انجنیر محمد عمر په شهادت رسولو سره، له اسلام او بشریت سره خپله ښکاره دښمني په اثبات و رسوله.
جمهوررئیس کرزي وویل د طالبانو تروریستي بریدونه چې د اسلام په نوم  حتی په جوماتونو او عیدګاوو کې زموږ د بې ګناه خلکو د وژنې سبب کیږي، په یقین سره چې د مسلمانانو کار نه دی، بلکې دا د هغو کسانو اعمال دي چې د مسلمانانو د وژنې لپاره ګومارل شوي دي.
حامدکرزي نن له غرمې وروسته د شهید ارسلا جمال له ورور سره د یوې ټیلفوني اړیکې په ترڅ کې د خپلې ژورې خواخوږۍ او ډاډګیرنې مراتب، ده او د مرحوم ارسلا جمال پاتې کسانو ته څرګند کړل.
دغه  راز د هېواد جمهوررئیس اړوندو چارواکو ته لارښوونه وکړه چې د شهید ارسلا جمال د تکفین او تدفین د مراسمو لپاره لازم تدبیرونه ونیسي.
ارسلا جمال یو خدمتګار او وطن دوست شخصیت و چې خپل عمر یې هېواد ته د خدمت په لاره کې تېرکړ. نوموړي په بېلابېلو دولتي او غیر دولتي ادارو له هغې جملې څخه د پاملرنې موسسې د ابتکاراتو په پروژه کې د پروژې د مسوول، د کورنیو چارو وزارت د ثبات د ټینګښت او د ملي انکشاف د پروګرام د مسوول او په  خوست او لوګر ولایتونوکې يې د والي په توګه دنده ترسره کړې ده.

 کابل باختر دتلې دمياشتې ٢٣ :
د کورنیو چارو وزارت معینانو او یوشمیررییسانو د ملی پولیسود ځینوقطعواوجزوتامونو ، له محاربوي احضاراتو او وړتیاوڅخه لیدنه وکړه اود نیکمرغه لوی اخترمبارکی يې  هغوي ته وويله .
په دې کتنه کې د کورنیو چارو وزارت اداری معین پاسوال اکرام الدین یاور اوملګري هيت يې  ، د امن او عامه نظم د لويې قوماندانۍ د قرارګاه  دمنسوبانو له احضاراتو څخه يې له نږدی کتنه وکړه اودوی ته یی د نیکمرغه لوی اخترمبارکی وویله.
د لیدنې پرمهال د کورنیو چارو وزارت اداری معین په هیواد کی د امن اوعامه نظم د منسوبانوله سرښندونو او قربانیو څخه ستاینه وکړه او ويې  ویل چی د ستاسو سرښندنی د کورنیو چارو وزارت مشرتابه او د افغانستان خلکولپاره
د قدر وړدی.
دغه راز د کورنیو چارو وزارت د عامه ساتنی او امنیتی تصدی معین پاسوال جمال عبدالناصر صدیقی د پولیسو اکاډمی ته لاړ او د یادې  اکاډمی منسوبانوته یی د کورنیو چارو وزیرسلامونه اونیکی هیلی په وړاندی کولوسره د لوی اخترمبارکي وویله اوهغوی ته یې د ملی پولیسو د منسوبانوپه  روزلو کی د لازیاتو بریالیتوبونوهیله کړه .
په همدی توګه د کورنیو چارو وزارت د مخدره توکوسره د مبارزی معین لوی پاسوال بازمحمد احمــدی د کابل ولایـت د ا منیه قوماندانۍ منسوبانوته د لوی اخترمبارکی د ویلو ترڅنګ وویل : د ډیر ویاړځای دی چی د کورنیو چارو وزارت اړوند ځواکونه په مرکزاو ولایتونوکی د خلکود امنیت خوندی کولوپه موخه پوره چمتوالی لري او۲۴ ساعته د خلکوپه چوپړکی دي.
په همدې حال کې د کورنیو چارو وزارت د جرمونو سره د مبارزی لوی رییس لوی پاسوال محمد یونس نورزی د سرحدی پولیسود لوی قوماندانی د قرارګاه منسوبانوته يې داخترمبارکی  وويله او یادو منسوبانو د کړنود ستاینې په ترڅ کی وویل : د سرحدی پولیسو میړني اواتل منسوبان چی د هیواد د سرحدی پولو ساتنه په غاړه لري ، په یو پیاوړی ځواک بدل شوي اوکولی شي چی د هیواد له پولوڅخه ساتنه وکړي.

Tuesday, 15 October 2013 10:49

دناروغانو پوښتنه وشوه.

کابل – باختر دتلې دمياشتې ٢٣
دلوړو زده کړو د وزارت سرپرست  نن دميوند او دعلي آباد په کادرى روغتونونو کې  دبسترو ناروغانو  پوښتنه وکړه .
دباختر آژانس دخبرله مخې :   دلوړو زده کړو د وزارت سرپرست پوهنمل  محمد عثمان بابري په داسې حال کې چې دطبي پوهنتون رييس پوهاند شيرين آقا ظريف او ددغه وزارت مشرتابه هيت ورسره ملګري و په روغتونونو کې بسترو ناروغانو ته  دمبارکۍ دويلو په ترڅ کې ددغه وزارت نغدي سوغاتونه  يي په هغوى وويشل. دغه راز د لوړو زده کړو وزارت سرپرست نن دپوهنتون ليليه وکتله او محصلانو ته يي داختر مبارکۍ  وويله.

Tuesday, 15 October 2013 10:48

د ناروغانو پوښتنه وشوه.

 کابل – باختر دتلې دمياشتې ٢٣
دعامې روغتيا  وزيرې ډاکترې ثريا دليل نن د رابعې بلخي او دستوماتولوژي په روغتونونو کې د بسترو ناروغانو پوښتنه  وکړه.
باختر آژانس دعامې روغتيا وزارت دمرکزي روغتونونو درييس ډاکتر سيد کبير اميري له خولې خبر راکړ :  دعامې روغتيا وزيرې د ناروغانو دپوښتنې ترڅنګ  له مسوولينوڅخه  وغوښتل چې په جديت سره د اختر په ورځو کې دناروغانو خدمت وکړى .
ډاکترې دليل دغه راز ددغې پوښتنې په بهير کې په روغتون کې په  بسترو ناروغانو نغدي سوغاتونه  وويشل .

کابل – باختر دتلې دمياشتې ٢٣
په هرات ولايت کې ديوې  چاودنې له امله دوه تنه  ووژل شول او ديارلس تنه نور ټپيان شول .
دغه  چاودنه نن  غرمه  په دولسو بجو  دپښتون زرغون ولسوالۍ په بازار کې رامنځته شوي ده  .
دهرات ولايت يو امنيتي مسوول باختر آژانس ته وويل :  چې په دغه چاودنه کې دوه تنه ملکي وګړى  و وژل شول او ديارلس تنه نور ټپيان شول .
ده تاييد کړه چې  په دې چاودنه کې د دريو تنو افغان پوځيانو په ګډون ديارلس تنه ټپيان شوى دي .
عيني شاهدان  وايي چې دغه  چاودنه د بم  زيږنده وه  او دافغان سرتيرو دکاروان دتيريدو پر مهال رامنځته شوې ده د دغه خبر جزييات  وروسته خپريږي .

کابل باختر دتلې دمياشتې ٢٣ :
په ډيرې ژورې خواشينۍ سره مو خبر ترلاسه کړ، چې د سولې او ثبات دښمنانو
د لوګروالي ارسلا جمال هغه مهال په يوه تروريستي بريد کې په شهادت ورساوه،  چې نن سهار يې د لوی اختر د لمانځه له ادا کولو وروسته د لوګر ولايت مرکز د پل عالم په جامع جومات کې لوګريانو ته وينا کوله .
انالله  و انا اليه راجعون.
شهيد ارسلا جمال اته څلوېښت کاله وړاندې د پکتيکا ولايت په يوسف خېلو ولسوالۍ کې دې فاني نړۍ ته سترګې غړولي وې .
ارواښاد ارسلا جمال خپلې لوړې زده کړې د ماليزيا په هېواد کې ترسره کړي وې او دوه کاله د خوست ولايت د والي په توګه هم پاتې شوی و.
ارواښاد ارسلا جمال نږدې اته مياشتې وړاندې د ولسمشر لخوا د لوګر ولايت لپاره د نوي والي په توګه وټاکل شو.
ارواښاد ارسلا جمال په هېواد مين او يو خدمتګار شخص و، د نوموړي شهادت نه
يوازې پکتيکاوالو او لوګريانو ته، بلکې ټولو هېوادوالو ته يوه ستره او نه
جبرانيدونکي ضايعه ده.
زه د پکتيکا د والي په توګه د ارواښاد ارسلا جمال د شهادت له امله د هېواد ولسمشر جلالتماب حامد کرزي ، د سيمه ييزو ارګانونو خپلواکې ادارې مشرتابه ،
د لوګر او پکتيکا ولايتونو مجاهد ولس او ټولو هېوادوالو ته د  خواخوږۍ او ډاډګيرنې مراتب وړاندې کوم.
ارواښاد ته د لوی خدای ج له دربارڅخه د فردوس جنت او کورنۍ ته يې د جميل صبر هيله کوم .

کابل باختر دتلې دمياشتې ٢٣ :
د افغانستان جمهور رئيس حامدکرزي د سې شنبې د ورځې په سهار د تشريفاتوګارد له معاينې وروسته د نيکمرغه لوی اختر لمونځ د ارګ په جامع جومات کې اداکړ .
دجمهوري رياست مطبوعاتي دفتر باخترآژانس ته خبرورکړ  :
د هېواد جمهور رئيس حامدکرزي د نيکمرغه لوی اختر د لمانځه له ادا کولو وروسته، له لمونځ کوونکو سره روغبړ وکړ او د نيکمرغه لوی اختر له امله يې هغوي ته مبارکي وويله.
جمهوررئیس بیا په خپل اختریز پیغام کې د افغانستان ځوریدلي او دردیدلي ملت او د نړۍ مسلمه امت ته د لوی اختر مبارکي وويله او هيله يې څرګنده کړه چې لوی خدای دې دغه  نيکمرغه لوی اختر د نړۍ د ټولو مسلمانانو او د ټول بشریت لپاره د نیکمرغۍ او خوشحالۍ سبب کړي.
حامدکرزي وویل: د افغانستان ملت د تل په څېر په افغانستان او په ټوله اسلامي نړۍ کې د سولې او امنیت د ټینګښت او د خلکو د نیکمرغۍ هیله  لري. اسلامي هېوادونه په یو یا بل شکل په رنځ او عذاب کې دي، لوی خدای دې په ټولو هغو هېوادونو خپل رحم وکړي، هغوی ته دې سلامتي او خوشحالۍ بیرته ور په برخه کړي چې په درد او رنځ کې دي.
حامدکرزي له طالبانو وغوښتل چې د افغانستان په امنیتي ځواکونو، د دې هېواد پر زړورو بچیانو چې له خپلې خاورې،ملي نوامیسو او عزت څخه ساتنه کوي او د افغانستان د پرمختګ لپاره کار کوي، له بریدونو څخه لاس واخلي.

همدا راز د هېواد جمهوررئیس يو ځل بيا پر طالبانو او د هغوی پر مشرانو غږ وکړ، وې ویل چې د افغانستان ځوانان د مرګ او بربادۍ خولې ته مه ورکویء. جمهوررئیس حامدکرزي زیاته کړه: هغوی چې د طالبانو په لیکو کې دریږي بالاخره هغوی هم د دې هېواد بچیان دي. د هغوی د کورنیو او د دوی د ژوند د بربادۍ سبب مه کیږیء.

حامدکرزي زیاته کړه چې افغانستان په ټینګو قدمونو سره د پرمختګ په لور روان دی او کال په کال لا ښه والی مومي.
د هېواد جمهوررئیس وویل: بشپړ باورلرم چې د افغانستان ملت به د پرمختګ، ولسواکۍ او نړیوال عزت د ترلاسه کولو پخپل دغه سفرکې لانور ټینګ ګامونه پورته کړي.

حامدکرزي وویل چې څو میاشتې وروسته به په افغانستان کې د جمهوري ریاست او
ولایتي شوراګانو انتخابات ترسره شي چې د ولسواکۍ ستنې به لاټینګې کړي. د افغانستان
ملت ته په دې لاره کې د بریالیتوب هیله کوم.

د هېواد جمهوررئیس د خپلو خبرو په پای کې یو ځل بیا هیله څرګنده کړه چې لوی خدای دې ټولې اسلامي نړۍ او په ځانګړې توګه ټولو هغو کسانو ته چې په بم، انفجار، انتحار او د نورو په دسیسو کې سوځیږي نجات ورکړي، خوشحالي، ښه کورنی او ملي ژوند دې ورپه برخه کړي.
د نيکمرغه لوی اختر د لمانځه په مراسمو کې چې د ارګ د جامع جومات د امام په امامت ادا شو د جمهوري رياست مرستیالانو، د ولسي جرګې رئیس عبدالروف ابراهیمي، دکابینې او ملي شورا ځینو غړو، جهادي مشرانو، قاضي القضات او د سترې محکمې سرپرست پوهاند عبدالسلام عظیمي، د عالمانو د سراسري شورا رئیس مولوي قیام الدین کشاف، د جمهوررئیس سلاکار پوهاند نعمت الله شهراني، لوى څارنوال محمد اسحق الکو، د اساسي قانون پر تطبیق باندې د څارنې د کمیسیون رئیس ګلرحمن قاضي، د کابل ښارمخورو، په کابل کې د اسلامي هيوادونو ځینوسفيرانو او د وسله وال پوځ  یو شمېر جنرالانو اوجګپوړو افسرانو برخه لرله .