15 December 2019

RSS Facebook

سوداگریز


تازه خبرونه

 د واټونو د نومولو کمېسيون ناسته وکړه

د واټونو د نومولو کمېسيون ناسته وکړه

کابل/دلیندۍ۲۴مه/باختر د اطلاعاتو او فرهنګ وزارت د سرپرستې حسينې ساپۍ په...

د ملي شورا پلاوي د فراه پوځي حالت وڅېړه

د ملي شورا پلاوي د فراه پوځي حالت وڅېړه

کابل/دلیندۍ۲۴مه/باختر د مشرانو جرګې يو شمېر غړو پرون د فراه له...

د هېواد په لوېديځ کې د پانګونو د جواز ليکونو د وېش دېرش سلنه زياتوالى

د هېواد په لوېديځ کې د پانګونو د جواز ليکونو د وېش دېرش سلنه زياتوالى

کابل/دلیندۍ۲۴مه/باختر د هرات د صنعت او سوداګرۍ ادارې مسوولينو د تېرکال...

Youtube Player

khantry design

سوداگریز

سوداگریز

کابل _باختر دوري اته ويشتمه :
داطلاعاتو او فرهنګ وزارت دموسيفي درياست خبرتيا:
دموسيقي رياست په پام کې لري چې په هيواد کې دموسيقي دهنر دښه سمون په خاطر دموسيقي په ټولو ازادو ډلو هنري جواز ليکونه وويشي .
په دې وسيله دموسيفي له هغو ټولو هنري ډلو څخه چې په هوټلونو او رستورانتونو کې دښاريانو دواده اوخوښي په غونډه کې پروګرام اجرا کوي دزړه له کومي غوښتنه کوي  چې دهنري جواز ليک دترلاسه کولو لپاره دې په پل باغ عمومي کې دځوانانومعينيت ترشاه دموسيقي رياست ته ورشي له دې پرته دموسيقي هغه هنري ډلې چې له دې کار څخه سرغړونه کوي دښاريانو دواده اوخوښي په غونډو کې دهنري فعاليت اجازه نه لري او دفترونه به يې دموظف  هيئت  له خوا وتړل شي .

کابل _باختر دوري اته ويشتمه :
دبادغيس ولايت امنيتي مسوولين وايي چې ددوو تنو ملکي وګړو مړي يې دبالامرغاب _ مقر ترمنځ واټ کې ترلاسه کړي دي .
دبادغيس ولايت امنيه قوماندان مل پاسوال شرف الدين شرف باختراژانس ته وويل چې دغه دوه تنه پرون مازيګر دموټرسايکل په سپرلى دبالامرغاب له ولسوالۍ څخه دمقر ولسوالۍ ته روان و چې دناپيژندل شويو وسله والوکسانو له خوا ووژل شول .
  ده زياته کړه چې دغه پيښه دوسله والو طالبانو تر نفوذ لاندې سيمې کې شوې ده خو پوليسو ددغې پيښې دعاملينو دپيژندلو اونيولو لپاره پلټنې پيل کړي دي .

پيښور\دي نيوز \باختر\دوري٢٨
په پيښور ښار کې دملي عوا مى ګوند په يوه غونډه کې ديوې ځانمرګى چاودنې له ا مله دپوليسو په ګډون څه نا څه اوولس تنه ووژل شول او شپيته تنه نورټپيان شول
دچاودنې په وخت کې دملي عوامى ګوند له دوو سوو څخه تردرې سوو تنو پورې فعالين دپيښور ښار ديکه  توت په سا حه کې ددغه ګوند په غونډه کې ګډون کړي و.
دپا کستانى طالبانو تحريک ددغه بريد مسوليت په غاړه  اخيستى دى .
په تيرو دريو ورځو کې په پاکستان کې پارلماني انتخاباتو په درشل کې دسياسي ګوندونو په فعالينو داڅلورم بريد دى .
دپاکستان دحکومت ديوماموردڅرګند ونو له مخې،شپږ کيلو ګرامه چاوديدونکي توکي په دې چاودنه کې کارول شوي و
دچاودنې سيمې ته څيرمه  ډيرې ليږدونکي واسطې سوځيدلى دي
دپاکستانى طالبانو مليشو غوښتل ددغه ترورستي عمل په ترسره کولو سره دملي عوامى ليک ګوند يومشر غلام احمد بلور ترور کړي .بلور په تيره کابينه کې داوسپنې پټلۍ دجوړولو وزير و، څومياشتې مخکې دغلام احمد بلور ورور بشير احمد بلور هم ترور شوي و.

کابل\باختر\دوري٢٨
دمشرانو جرګې رئيس فضل هادي مسلميارنن په کابل کې ديوناما ددفتر له مرستيال اوسرپرست ښاغلي نيکولاس هيسم سره دخپل کار په دفتر کې په انتخاباتو پورې داړوندو مسئلو په باب خبرې وکړې .
دمشرانوجرګې مطبوعاتي دفتر باختراژانس ته خبر ورکړ، په کتنه کې دمشرانو جرګې رئيس دده دپوښتنې په ځواب کې وويل چې دانتخاباتو د خپلواک کميسيون دتشکيل ،دندو اوصلاحيتونو قانون په پارلمان کې تصويب شوي دي اودتوشيح په مقصد جمهوري رياست ته  ليږل شوى دى چې په هغه کې دانتخاباتي شکايتونو دڅيړنې د کميسيون په غړيتو ب کې ددوو تنو بهرنيو اتباعو شتون حذف شوى دى اود اړوندو کميسيونونو دغړو دټا کنې لپاره يو ميکانيزم په پام کې نيول شوى دى او زياته يې کړه چې دانتخاباتو قانون لاتر اوسه پورې په ولسي جرګه کې ترکارلاندې دى او مشرانو جرګې ته د هغه   له رسيدو سره جوخت به په ټا کلي موده کې  تصويب شي
مسلميارديوې پوښتنې په ځواب کې د اداري اصلاحاتو اود ملکي خدمتونو د کميسيون شتون له اساسي قانون سره سم وباله اوپه دغې اداره کې دفساد دشتون له امله يې انديښنه څرګنده کړه او وي ويل چې دملکي خدمتونو د کانکور دازموينې داخيستلو په شان ددغه کميسيون ځينې اقدامات له نافذو قوانينو سره په مغايرت کې دي چې لغوه کول يې په اوسنيو شرايطو کې دسنا مجلس له خوا جمهوري رياست ته پيشنهاد شوى دى
په مقابل کې په کابل کې ديوناما ددفتر مرستيال او سرپرست ښاغلي نيکولاس هيسم دفضل هادي مسلميار دمعلو ماتو له امله دخوښي دڅرګندولو په ترڅ کې وويل چې يوناما به دجمهوري رياست اود ولايتي شوراګانو درا تلونکو انتخاباتو په تخنيکي او لوژستيکي برخو کې همکاري وکړي او هم ددغه سازمان ديوې پروژې له لارې دافغانستان دپارلمان دپياوړتيا په لاره کې هم اقدا مات کيږي
دغه راز فضل هادي مسلمياردميدان وردګو ولايت دسناتور په ملګرتيا ددغه ولايت دبيلا بيلو ولسواليو دبزګري د کوپراتيفونو دټولنې دمسوولينو غوښتنې واوريدې.
په کتنه کې دوى وويل، ددغه ولايت په لاره کې دامنيت د نشتوالى په نسبت په دې نه دي بريالى شوي چې خپل محصولات په ټاکلي وخت کې وپلوري چې بايد ماليه او جريمې يې معافې شي
مسلميار وويل چې له قانون سره سم ټول خلک بايد دولت ته ماليه ورکړي چې معافيت يې دهيڅ ارګان صلا حيت نه دى اوټينګار يې و کړ، که چيرې تاسي د مالياتو په ورکولو حاضرواوسئ دجريمي دځنډولو د معافيت موضوع به دماليې له وزير سره طرحه کړم چې دهغوى دقناعت وړ وګرځيد .
دغه راز د مشرانو جرګې لومړي نايب محمدعلم ايزديارپه کابل کې دپاکستان دسفارت له شارژدافير شاه نظر خان افريدي سره د خپل کارپه دفترکې وکتل .
په دې کتنه کې دسنا مجلس لو مړي نايب دکونړ  په ولايت دپاکستان دوروستيو راکټي بريدونو،دډيورنډ د کرښې په اوږدو کې دپاکستان دپوځي تاسيساتو د جوړولو، له تروريزم سره دمبارزې او په دغه هيواد کې د ميشتو افغان مهاجرينو دستونزو په باب خبرې وکړې او زياته يې کړه چې تروريزم يوه کرغيړنه نړيواله پديده ده او دې ته اړتيا ده چې دواړه هيوادونه په دې لاره کې صادقانه او ګډ اقدام وکړي .
دغه شارژ دافير ددواړو هيوادونو ترمنځ داړيکو په پرا ختيا باندې دټينګار په ترڅ کې ژمنه وکړه چې طرحه شوي موضوعګانې به ددغه هيواد له مقا ما تو سره طرحه کړي.
ديوبل خبرله مخې، له اداري فساد سره د مبارزې دڅرنګوالى ،دخلکو د ښه استازيتوب اود تقنينى تحقيق دخدمتونو د وړاندې کولو ترعنوان لاندې روزنيز ورکشاپ نن دسيل پروژې په نوښت د مشرانو جرګې ددارالانشارئيسانو،امرا نو اوکارکوونکو ته دملي شورا په کتابتون کې جوړ شو
دغه ورکشاپ دمشرانو جرګې ددارالانشا دلوى رئيس سيد حفيظ الله هاشمى له خوا پرانيستل شو.
وروسته دسيل پرو ژې رئيس ډاکترجان پيترسن اوپروفيسرديماري راول ددغو موضوعګانو په باب لکچرونه ورکړل او په افغانستان کې په اداري فساد د برياليتوب دلارو چارو اود ښې حکومت والي په باب خبرې وشوې

دمشق\ \باختر\دوري٢٨
دسوريې د حمص ولايت د مرکزي سيمې په يوه کلى کې نن سهارددولتي ځواکونودراکټي بريد له امله څه ناڅه اووه تنه  ووژل شول.
په لندن کې دسوريې دبشر دحقوقو مدافع وايي چې دغه بريد دبوويدا په ختيځ کلي کې وشوچې ماشومان هم په قربانيانو کې شامل دي
دروغتون يو مامور دڅرګندونو له مخې، د دولتي ځواکونو اوياغيانو ترمنځ په دې سيمه کې سخته جګړه شوې ده
په رارسيدلو خبرونو  کې ويل شوي دي چې د٢٠١١ ميلادي کال دمارچ له مياشتې را په دې خوا په سوريه کې دجګړو له ا مله څه دپاسه اويا زره تنه وژل شوي دي .

کابل\باختر\دوري٢٨
دکونړ ولايت په مربوطاتو کې له وسله والو طالبانو سره په نښته کې پرون داردو درې تنه پوځيان او يو پوليس شهيدان شول.
دغه جګړه دسرکاڼو ولسوالۍ په کنجل سيمه کې هغه وخت ونښته چې يوې ډلې وسله والو طالبانو په افغان  پوځيانو بريد وکړ.
ويل کيږي چې دغه پوځيان دکرل شويو کوکنارو په اړولو بوخت ووچې د وسله والو طالبانو له خوا پرې بريد وشو .
د کونړ دوالي ويندوى واصف الله واصفى باختر اژانس ته وويل چې په دې درې ساعته نښته کې داردو درې تنه پوځيان او يو پوليس شهيدان اويو تن بل يې ټپي شو .
د واصفي دڅرګند ونو له مخې، وسله والو طالبانو په دې بريد سره غوښتل چې په سرکاڼو ولسوالۍ کې دکرل شويو کوکنارو داړولو دپروګرام دبهير مخه ونيسي
دراسيدلو خبرونو له مخې، په دې نښته کې وسله والو طالبانو ته دسر زيان او ښتي دي خودقيق شمير يې څرګند نه دي .
دکونړ سيمه ييز مقامات وايي چې په سرکاڼو ولسوالۍ کې د کرل شويو کوکنارو د اړولو پروګرام دوام لري .
د وړاندې شويو ارقامو له مخې، ددغه پروګرام له پيل څخه تر او سه پورې نږدې يوې اوونۍ په بهيرکې په څه نا څه زر جريبه ځمکه کې کرل شوي کوکنار اړول شوي دي .
په افغانستان کې دنشه يي توکوزياتره کاراوباردوسله والو طالبانوله خواکيږي، دغې ډلې کله نا کله دنشه يي توکو پرخلاف دمبارزې په لاره کې ددولت دپروګرامونو دتطبيق مخه نيولې ده

کابل _باختر دوري اته ويشتمه :
دافغانستان داسلامي جمهوريت قاضي القضات پوهاند عبدالسلام عظيمي دپاکستان داسلامي جمهوريت دسترې محکمې په بلنه دقاضيانو په نړيوال کنفرانس کې  دګډون په مقصد  نن پاکستان ته لاړ .
په دې  نړيوال کنفرانس کې چې د ١٣٩٢ هجري لمريز کال دوري دمياشتې له ديرشمې نيټې څخه دثور دمياشتې تر لومړي نيټې پورې دپاکستان داسلامي  جمهوريت  په اسلام اباد ښار کې جوړيږي .
دنړۍ دزياترو هيوادونو قاضي القضاتانو او دسترې محکمې رييسانو ته دګډون بلنه ورکړ شوې ده او ټاکل شوې ده په  ٢٠١٣ميلادي کال کې دنړۍ حقوقي او قضايي حالت او په عدالت دخلکو دلاسبري کچه چې دهغوى اساسي حقوق دي وڅيړل شي .
قاضي القضات به په دې  کنفرانس کې  د افغانستان دقضايي نظام دحالت او دعدالت په تامينولواو دخلکو دحقوقو په احقاق کې دهغه داغيزمنتوب او خدمت دکچې دڅرنګوالي په اړوند يوه وينا واوروي .

پيښور _باختر دوري اته ويشتمه :
  دجنوبي وزيرستان په قبايلي سيمه کې ديوې بې پيلوټه امريکايي الوتکې دبريد له امله څه ناڅه  پنځه تنه ووژل شول او اووه تنه نور ټپيان شول .
باختراژانس ددي نيوز انترنشنل  ورځپاڼې له خولې خبر راکړ، دغه بريد نن سهار دجنوبي وزيرستان په بابرکوټ  سيمه کې داستوګنې په يو انګړ وشو  چې له امله يې  په وژل شويو کسانو سربيره اووه تنه نور ټپيان شول .
  يوه اړونده خبرځاى وويل ، په دې بريد کې دوه توغندي په دغه انګړ چې ويل کيږي دپاکستان دطالبانو دتحريک په ډلې پورې اړه لري لګيدلي دي او دغه انګړ په بشپړه توګه ويجاړ شوى دى تراوسه پورې  دوژل شويو کسانو هويت نه دى په ډاګه شوي .
   دروانې اوونۍ ددوشنبې په ورځ هم دشمالي وزيرستان په قبايلي سيمه کې  په ورته بريد کې څه ناڅه څلور تنه ووژل شول .

کابل _باختر دوري اته ويشتمه :
دلوړوزده کړو وزارت خبرتيا .
  هغو محصلانو ته چې نومونه يې دلوړو زده کړو وزارت دويب سايت له لارې دروان کال لپاره دګروپي تحصيلي بورس  دکانديد په توګه خپاره شوي دي او په ١٩٢١کسيز لست کې شته او په  ١٣٩١ کال دکب دمياشتې تر ديرشمې نيټې پورې يې مراجعه کړې ده او دکانکور د لوړو نمرو ته په پاملرنې سره٤٨٤تنه کانديدان دهندوستان دبورسونو په شرايطو برابر پيژندل شوي دي ،خبر ورکول کيږي چې ډير ژر دې دروان کال دوري دمياشتې تر يو ديرشمې نيټې پورې خپل سندونه بشپړ کړي او دلوړو زده کړو وزارت دمحصلانو دبورسونو لوى مديريت ته وسپاري ، تر ټاکلې نيټې پورې  دنه  مراجعي او دسندونو دنه بشپړولو په صورت کې  نومونه يې  له لست څخه حذفيږي  اوپرځاى يې له ١٩٢١ کسيز لست څخه نور کانديدان انتخابيږي اويا به هم ددغه وزارت دکانکور دازموينو له رياست څخه  په شرايطو دبرابرو کانديدانونوى لست وغوښتل شي  چې هغه وخت به راتلونکي  مسووليت د لوړو زده کړو وزارت ته  متوجه نه وي او راتلونکي  شکايت به داوريدو وړ نه وي .

کابل _باختر دوري اته ويشتمه :
دفراه ولايت په مربوطاتو کې دعملياتو په بهير کې پنځه تنه وسله وال طالبان ووژل شول .
دغه عمليات له ډار اچوونکو عناصرو څخه د سيمو دپاکولوپه مقصد دملي اردو له خوا په فراه ولايت کې پيل شوي دي .
دملي دفاع وزارت دويندوى مطبوعاتي دفتر باختراژانس ته خبر ورکړ چې همدا اوس دغه عمليات دفراه ولايت دپشت کوه ولسوالۍ په مربوطاتو کې دوام لري او له امله يې  پنځه تنه وسله وال طالبان ووژل شول او اووه تنه نور يې ټپيان شول .
په فراه ولايت کې دملي اردو دپوځونو عمليات ټاکلو هدفونو ته تر رسيدو پورې دوام کوي .
  ديوبل خبر له مخې، دبادغيس ولايت دبالامرغاب ولسوالۍ په مربوطاتو کې دملي اردو د ځواکونو په چاڼيزو عملياتو کې يو وسله وال مخالف ووژل شو ، دوه تنه ټپيان او يو بل مخالف ونيول شو .
  ويل کيږي چې په دغو عملياتو کې ددرندو او سپکو وسلو يوه اندازه مهمات او شپږ موټرسايکلونه ترلاسه شوي دي .