13 October 2019

RSS Facebook

سوداگریز


تازه خبرونه

تبصره

تبصره

کابل / دتلې ٢١مه /باختر: مقننه قوه ياملي شورا په هېواد...

د قانون له جوړولو د قانون تر پلي کولو

د قانون له جوړولو د قانون تر پلي کولو

کابل/ د تلې ۲۱مه / باختر له بده مرغه په افغانستان...

 دپېښو دخطرونو  دکمښت نړيواله ورځ په جوزجان کې ونمانځل شوه .

دپېښو دخطرونو دکمښت نړيواله ورځ په جوزجان کې ونمانځل شوه .

کابل / دتلې ٢١مه /باختر: دپېښو دخطرونو دکمښت نړيواله ورځ نن...

Youtube Player

khantry design

سوداگریز

سوداگریز

کابل باختر دمرغومي دويمه
په فراه ولايت کې دهيروئينو دتوليد يوه کارخانه ويجاړه شوه .
دفراه ولايت امنيه قوماندان اقانور کېنتوز باختر اژانس ته وويل دهيروئينو دتوليد دغه کارخانه دافغان پوځيانو او دناتو دځواکونو دهغو ګډو عملياتو په بهير کې چې تيره شپه دبالابلوک ولسوالۍ دپشت کوه په ساحه کې ترسره شوه ويجاړه شوه .
دفراه ولايت دامنيه قوماندان دڅرګندونو له مخې په دې کارخانه کې ١٢٠کېلوګرامه هيروئين او څو بوشکې محلولچې دهيروئينو په جوړولو کې کارول کېږي هم دامنيتي ځواکونو لاس ته ورغلي دي .
خبرځاى زياته کړه ددغي کارخانې په اړوند تراوسه پوري څوک نه دى نيول شوي .
 

کابل باختر دمرغومي دويمه
  په ميدان وردکو ولايت کې دوروستۍ چاودنې له امله له ديرشو زيانمنو شويو کورنيو سره نن ددغه ولايت دافغاني سرې مياشتې دټولنې له خوا دخوراکې توکو اوژمنيو جامو مرسته وشوه .
دميدان وردکو ولايت دافغاني سرې مياشتې دټولنې رييس حاجي نوري باختر اژانس ته وويل په هرې کورنۍ ٧٥ کېلوګرامه وريجي ١٥کېلوګرامه غوړي ٢٥ کېلوګرامه لوبيا ، يوه اندازه مالګه ، دوه کېلوچاى ، ٧ شړي او دغه راز ترپالونه ، دجامو مينځلو صابون ، په نارينه اوښځينه پټو  او پنځه زره افغاني نغدي پيسې ويشلې شوي دي .
 

کابل\  باختردمرغومي دمياشتې  ٢ :
دسولې دعالي شورا يو غړي وايي  چې دغه شورا په هېواد کې دهميشنې سولې دټينګښت په خاطر يوه طرحه برابره کړې ده اوپه افغانستان کې ښکېلو لورو ته يې وړاندې کړې ده .
دسولې دعالي شورا غړي  قاضي محمدامين وقاد دباختراژا نس له خبريال  سره په مرکه کې وويل  دسولې  عالي شورا  يوه پنځه پړاويزه طرحه برابره کړې ده او دوه پړاونه يې   چې له پاکستاني مقاماتوسره  خبرې  او دهغوى له بند څخه  دطالبانو خلاصون په پکې شامل وو ، بشپړشوي دي او ټاکل شوې ده   چې دريم پړاو يې چې  دځانمرګو بريدونو دمردود بللو په خاطر داسلامي هيوادونو دعالمانو  دستر  کنفرانس  جوړول دي تر اجرالاندې دي .
ده وويل ،  له دغې طرحې سره دپاکستان ، سعودي عربستان اودملګروملتو دسازمان ملاتړ شته او دهيواد دملي امنيت دشورا له خوا تائيدشوي دي .
ده زياته کړه چې په دې طرحه کې دهيواد  داتباعو اوپه تيره بيا  دښځو حقوق  او داساسي   حقوق  په بيلابيلو برخو کې  له قانون سره سم  په پام کې نيول شوي دي اوپه دې طرحه کې ټول بشري حقوق تضمين شوي دي .
دسولې دعالي شورا دغه غړي زياته کړه  چې په دې طرحه کې داساسي قانون په باب خبري نه دى شوي  ځکه په هغه صورت کې چې مخالفين  داساسي قانون دتعديلاتوپه اړوند کومه خبره ولري داساسي قانون بدلون  دلويې  جرګې واک دي.
قاضي وقاد ټينګار وکړ په دې طرحه کې دهيواد سياسي  جغرافيا ساتنه په پام کې ده اودهيواد  اودملت  په لوړو ګټو باندې ټينګارشوي دي.
 

کابل\  باختردمرغومي دمياشتې  ٢ :
په غور ولايت کې  سلګونو تنو  ماشومانو اوتنکېو ځوانانو په ننګرهار ولايت کې دلسو تنو ماشومانو  دوژل کېدو پرخلاف   داعتراض په توګه   په مظاهرو لاس پورې کړ.
دمظاهرو برخه والو ددغه عمل په غندلوسره  دپيښې دعاملينو دپيژندنې او محاکمه کولو غوښتنه وکړه.
دغو ماشومانو دغورولايت  په مرکز چغچران ښارکې  دلاريون په کولو سره  دغه راز  په افغانستان کې دماشومانو پرخلاف تاوتريخوالې وغانده اودماشومانو پرخلاف دتاوتريخوالې دله منځه وړلو غوښتنه يې وکړه.
له چغچران ښار څخه دباختر اژانس دخبريال دخبرله مخې :
  دمظاهروبرخه والو په ننګرهار ولايت کې دلسو تنو کوچنيو نجونو دوژل کېدو عاملين و غندل  اودقربانيانو  له کورنيو سره يې  غمشريکې څرگنده کړه.
دغه ماشومان هغه وخت دماين دچاودنې له امله قرباني شول چې په سيمه کې  دبوټو په راټولولو بوخت وو .
ددغو ماشومانو  قرباني کېدل په افغانستان کې  له ماين څخه دکاراخيستلو په باب  انديښنې  زياتي کړي دي .
دځوانانو دملي ارګانونو رئيس محمد حسين حکېمي وويل  ددغو مظاهرو هدف دافغانستان ددولت  اودماشومانو دملاتړ دنړيوال  سازمان مقاماتو ته دغور ولايت دماشومانو او تنکېو ځوانانو دغوښتنې رسول  دي .
 

Saturday, 22 December 2012 12:57

دخواخوږي پيغام

کابل باختر دمرغومي دويمه
په خواشيني سره مو خبر ترلاسه کړچې زموږ دهيواد يو مشهورشاعرمحمد طاهر هاتف  دامريکا په متحده ايالاتو کې وفات شوى دى .
داطلاعاتو او فرهنګ وزير ډاکتر سيد مخدوم رهين ددغه پياوړې شاعر دمړينې له امله دارواښاد کورنۍ او دهيواد ادبي ټولنو ته د ډاډګيرنې مراتب څرګندوي دارواښاد هاتف ديوان تيرکال په  ٦٥٠مخونو کې په کابل کې چاپ شو . ارواښاد هاتف چې دملک الشعرا قاري اوملک الشعرا بيتاب په شان داستادانو په رديف کې دشعر په فن او قواعدو  کې دهيواد يو ډير پوه استاد و کلونه کلونه دپوهنې اودکورنيو چاروپه وزارتونو کې او يوه موده هم دفراه دوالي په توګه هم خدمت کړى دى .
ددغه استاد دمړينې له امله دهيواد په دننه اوبهر کې دشعر او ادب ټولو دوستانو ته د ډاډګيرنې مراتب څرګندوم .
 

کابل باختر دمرغومي دويمه
د افغانستان د اسلامي جمهوریت جمهوررئیس حامدکرزي، نن سهار د اسپانیا هېواد له صدراعظم    (ماریانو راخوی) سره په ارګ کې وکتل.
دجمهوري رياست مطبوعاتي دفتر باختر اژانس ته خبرورکړ
په دې  کتنه کې چې د دوه اړخیزو اړیکو د ټینګښت په باب پکې خبرې وشوې، د اسپانیا صدراعظم د دغه هېواد د دباچا ښې هیلې او سلامونه حامدکرزي ته و رسول، وې ویل چې اسپانیا علاقه لري چې له ۲۰۱۴ میلادي کال وروسته هم په افغانستان کې پاتې شي او له افغانانو سره خپلو مرستو ته دوام ورکړي.
د اسپانیا صدراعظم وویل په تېرو لسو کلونوکې چې په افغانستان کې حضور لرو هڅه مو کړې ده چې د هرات او بادغیس ولایت له خلکو سره مرسته وکړو ترڅو هغوي ښه ژوند ولري.
د اسپانیا صدراعظم همدا راز وویل چې هېواد یې علاقه لري چې د لمریزې انرژۍ، د اوبو سکټور، ودانولو چارو، د اوسپنې پټلۍ او په نورو برخوکې په افغانستان کې پانګونه وکړي. ده وویل چې اسپانیا هغه هېواد دی چې په دې برخه کې لازم تخصص لري او کولای شي له افغانستان سره په دې لاره کې ښې همکارۍ وکړي.
حامدکرزي په تېرو لسو کلونوکې د افغانستان له خلکو سره د اسپانیا د مرستو او همکاریو  له امله د مننې په ترڅ کې په افغانستان کې د هغه هېواد پانګې اچونې ته هرکلی ووایه ، وې ویل موږ د اسپانیا پانګه والو ته ډاډ ورکوو چې په افغانستان کې به له خپلې پانګونې څخه ښه ګټه ترلاسه کړي.
د هېواد جمهوررئیس په افغانستان کې مخابراتي شرکتونو ته اشاره وکړه، وې ویل دغه شرکتونه په افغانستان کې د پانګې اچونې ښې بېلګې دي چې اوس مهال اتلس میلیونه مشترکین لري او په تېرو لسو کلونوکې یې په هېواد کې له خپلې پانګې اچونې څخه ښه ګټه ترلاسه کړې ده.
حامدکرزي همدا راز په افغانستان کې په ۱۳۹۳ لمریز کال کې د انتخابوتو له ترسره کېدو ډاډ ورکړ، وې ویل چې د افغانستان حکومت به په ټول توان هڅه وکړي چې د افغانستان خلک په بشپړ مصونیت سره د رایو ورکولو صندوقونو ته لاړ شي او له هر راز  فشار او بهرني نفوذ پرته د خپلې خوښې وړ جمهوررئیس وټاکې.
 

کابل باختر دمرغومي دويمه
دامريکا دمتحده ايالاتو جمهور رييس بارک اوباما دپنجشنبې په ورځ په هغه روغتون کې چې دافغانستان دملي امنيت لوي رييس اسد الله خالدپکې بستر دى پوښتنه وکړه .
دباختراژانس دخبر له مخې دامريکا دمتحده ايالاتوجمهور رييس لومړى ځانمرګي بريد وغانده او دخالددټپي کېدو له امله  يې خواشيني  څرګنده کړه .
بارک اوباما دخالد د درملنې  دبهير په باب  دهراړخيزو معلوماتو غوښتنه وکړه او له دې امله چې دخالد روغتيايي حالت مخ په ښه کېدو دى خوښي  څرګنده کړه .
دامريکا جمهور رييس خالد ته وويل ټاکل شوې ده دافغانستان داسلامي جمهوريت جمهور رييس دجنوري دمياشتې په لومړۍ اوونۍ کې دامريکا متحده ايالاتو ته سفر وکړي .
بارک اوباما دغه راز اسد الله خالد ته ډاډ ورکړ چې معالج ډاکتران دده دبيا روغتيا لپاره له ټولو امکاناتو او ځواکمني څخه کار واخلي .
 

 

کابل باختر دمرغومي دويمه

 په کاپيسا ولايت کې دوسله والو مخالفينو دډزو له امله څلور پوليسان شهيدان او يو ملکي وګړي ټپي شو

  دشمشاد د٢٠٢ ساحوي زوندقوماندانۍ مطبوعاتي دفتر باختر اژانس ته خبر ورکړ وسله والومخالفينو پرون دکاپيسا ولايت په دولان ساحه کې په څو امنيتي پوستوبريدونه وکړل چې له امله يې دپوليسو څلور تنه منسوبين شهيدان او يوملکي وګړي ټپي شو . 

 

کويته  باختر دمرغومي دويمه

 دايران او پاکستان دپولې دبلوچستان ايالت دګوادر په سرحدي ناحيه کې څه ناڅه  يوولس تنه و وژل شول .

 دغو کسانو غوښتل ددريو ليږدونکو وسايطو په سپرلۍ ايران ته  ننوځي .

 دبلوچستان ايالت دکورنيو چارو وزارت يو لوړ جګپړي کارکوونکې وويل چې دغه يوولس تنه چې شپږ تنه پاکستانيان او پنځه تنه يې افغانان وو د ايران پولې ته څيرمه دپاکستان په سرحدي ناحيه کې دناپيژندل شويو کسانو له خوا و وژل شول

 دده دڅرګندونو له مخې دغه پيښه دګوادر بندري ښار ته څيرمه په يوه غرني ناحيه سانسريک کې  رامنځته شوې ده .

 

 ده دزياتو څرګندونو له وړاندې کولو څخه  ډډه وکړه .

 دده د څرګندونو له مخې  وژل شويو کسانو غوښتل په غير قانوني ډول دايران له لارې اروپا ته لاړ شي

 دوژل شويو  کسانو مړى دګوادر روغتون ته ليږدول شوي دي . 

 

واشنګتن باختر دمرغومي دويمه

  دامريکا دمتحده ايالاتو جمهور رييس بارک اوباما سناتور جان کري ددغه هيواد دبهرنيو چارو وزارت ته معرفي کړى دى .

 اوباما په سپينه ماڼۍ ديو لړ مراسمو په ترڅ کې  دامريکا دبهرنيو چارو اته شپيتم وزير په توګه معرفي کړ .

 سناتور جان کري اوس دامريکا دسنا مجلس دبهرنيو اړيکو دکميټي مشتروب په غاړه لري او دامريکا په بهرني سياست کې پيژندل شوي  څيره ده

 سناتور جان کري نهه شپيته کلن دي او لومړني نوى غړى دى چې دلړم په مياشت کې دامريکا دجمهور رييس په توګه داوباما له بيا ټاکنې وروسته دده دحکومت کابينې ته لاره مومي .

  ختم_ ج _ اکرم

په شمالي وزيرستان دبې پيلوټه امريکايي الوتکي دبريد له امله څلور تنه ياغي طالبان و وژل شول .

٤ - پيښور باختر دمرغومي دويمه

  دشمالي وزيرستان په قبايلي سيمي دبې پيلوټه امريکايي الوتکي دبريد له امله څه ناڅه څلور تنه وسله وال طالبان وژل شوي دي .

 دغه بريد پرون له غرمې وروسته وشو او دامير علي په سيمه کې دطالبانو داستوګنې په يو کور دوه توغندي وتوغول شول چې دلګيدو له امله يې داستوګنې دغه کور په بشپړه توګه ويجاړ شواو څلور تنه طالبان و وژل شول .

 دوژل شويو هويت  نه دى معلوم شوي خو په ځينو خبرونوکې ويل شوي دي چې يو شمير بهرني اتباع په وژل شويو کسانو کې شامل دي خو تراوسه پوري دهغوى مليت نه دى مشخص شوي .