17 September 2019

RSS Facebook

سوداگریز


تازه خبرونه

د بغلان والي استعفا وکړه

د بغلان والي استعفا وکړه

کابل/ باختر/ د وږي٢٥مه احمد فريد بسيم چې پنځه مياشتې...

Youtube Player

khantry design

سوداگریز

سوداگریز

Wednesday, 07 November 2012 12:58

نوى ټاکني

کابل  \باختردلړم دمياشتې ١٧ :
دلوى څارنوالۍ په وړانديز اودافغانستان داسلامي جمهوريت دجمهور رييس  حامدکرزي په منظوري حبيب الله نصرت دجوزجان ولايت دڅارنوال ، عبدالغفار افضلي دزابل ولايت داستيناف څارنوالۍ  درييس  اومحمدعثمان دهرات ولايت  دکورني او بهرني امنيت  له جرمونو سره دمبارزي دڅارنوالۍ درئيس په توګه ټاکل شوي دي .
 

کابل  \باختردلړم دمياشتې ١٧ :
دپوهنې وزير وايي  چې په روان هجري لمريز  کال کې په کابل ښارکې پنځه خصوصي ښوونحي دپوهنې وزارت له ﻻرښوونو او اوامرو څخه دسرغړونې په دلايلو منحل شوي دي.
په همدي  حال کې فاروق وردګ  خبرداري ورکوي  چې هغې غلا  اولوټماري ته  چې دخصوصي ښوونځي په نامه ترسره کېږي اجازه نه ورکوي.
دباختراژانس دخبرله مخې :  فاروق وردګ دغه څرگندونې نن  دکابل ښار درابعه بلخي ليسي ديوې الحاقيه ودانۍ دپرانستلو په وخت کې  وکړي  او ويي ويل چې  په کابل ښارکې  زياتره خصوصي ښوونځي داسې معياري ودانۍ چې ديو ښوونځي اړتياو ته څواب ووايي نه لري .
دورد ګ دڅرگندونوله مخې  يوازي په کابل کې شپږسوه دوه شپيته خصوصي ښوونځي فعاليت کوي  . دپوهنې دوزير له خبرو څخه داسې استنباط کېږي چې دى يوازي په کابل کې ديوسلو شپاړلسو خصوصي ښوونځيو له فعاليت څخه راضي دي   په داسې  حال کې  چې دپوهنې وزارت له خوا نورو ښوونحيو ته  دتوصيې ، اخطار  اوجريمې په ګډون ګواښونه شوي دي. دپنځه ويشتو خصوصي ښوونځيو فعاليت ځنډول شوي دي اوپنځه ښوونځي منحل شوي دي
فاروق وردګ  پرته له دې  چې ددغو ښوونځيو نومونه مشخص کړي وويل
لوټماري   اوغلا ته چې دخصوصي ښوونځي په نامه ترسره کېږي اجازه نه ورکوي.
دغه راز دپوهنې وزير دهيواد په روزنيز سيستم کې دځينو نيمګړتياو له امله هم شکايت لري .
ده وويل له بده مرغه داختر اودرخصتيو له ورځو څخه په نامطلوب ډول استفاده کېږي  . درسمي رخصتيو له ورځو څخه مخکې او وروسته غير حاضر په يو دود بدل شوي دي او دا کار  دهيواد  تعليمي نصاب ته جدي زيان رسوي.
وردګ څرگنده کړه  چې په دې اړوند به په  جدي اقداماتو لاس پوري شي اوپري به نږدي چې دښوونځيو دروازي په بيلابيلو نومونو دزده کوونکو پرمخ وتړلي شي .
ديادونې وړ  ده چې درابعي بلخي د ليسې الحاقيه ودانۍ چې نن دپوهنې دوزير له خو اپرانستل شوه ديرش درسي خونې او نور ضروري ملحقات لري ،.
له دې سره  جوخت  دپوهنې وزير  دناهيد شهيد اودفاضل بيګ دليسو الحاقيه ودانۍ  دکابل ښار په پنځمه ناحيه کې پرانستلي  چې هره يوه ودانۍ شپاړلس درسي خونې لري ا وددغې پروژي مالي لګښت د جاپان اوپه کابل کې ديونيسف اداري له  خوا ورکړي شوي دي .
ديوبل خبرله مخې : په کابل ښارکې  دلومړني  دوري په اته څلويښتو ښوونځيو داته څلويښتو زرو ميزونو اوڅوکېو دويشلو پروګرام پيل شو او ددغه پروګرام مالي لګښت اتو مليونو افغانيو ته رسيږي چې ديونيسف له خوا ورکړي شوي دي.
ديادونې وړ ده  چې دپوهنې وزارت په داسي حال کې  دلومړني دوري په زده کوونکو دميزونو اوڅوکېو دويش پروګرام عملي  کوي  چې ترراتلوونکو څو ورځو پوري ددغې دوري دزده کوونکو کلني ازموينه  پيليږي  او هغوى به ژمني رخصتي ته لاړشي .
 

کابل  \باختردلړم دمياشتې ١٧ :
دافغانستان دبدن دغړو دښکلا ملي ټيم  داتومډالونو په ترلاسه کولو سره  داسيا دجنوب دسياليو داتلوالي دنايب مقام ترلاسه کړ.
دالمپيک دملي  کميټې درسنيو مدير عبدالمحبوب سروري باختراژانس ته وويل  دغه سيالۍ  چې دلړم دمياشتي له ديارلسمي نيټي څخه تر شپاړلسمي نيټي پوري د هندوستان دپنجاب ايالت په لوديانا ښارکې ترسره شوي وي  دهيواد دبدن دغړو دملي ټيم  ورزشکارانو دسرو زرو يومډال ،.  دسپينو زرو پنځه مډالونه او دژيړو دوه مډالونه ترلاسه کړل او ددغوسياليو داتلوالي نيابت يې ترلاسه کړ.
په دغو سياليو کې رامين حسن زاده دسرو زرو مډال ، يوسف صفي  ، هارون عظيمي ، نورالهدا شيرزاد  ، حميد شيرزي او الياس حسن زاده دسپينو زرو مډالونه ، مقيم عاشوري  اوبريالي احمدي دژيړو مډالونه ترلاسه کړل.
په دغو سياليو کې  دافغانستان ، هندوستان ، پاکستان ، بنګله ديش ، نيپال ، سريلانکا ، مالديف اودبوتان ورزشکارانو ګډون کړي وو چې دهندوستان دبدن دغړو دپالنې دملي ټيم ورزشکارانو داتلوالي مقام  اودافغانستان ملي ټيم  داتلوالي    دنيابت مقام او مالديف دريم مقام ترلاسه کړ.
يوه اړونده خبرځاى وويل  درې  کاله مخکې  دهيواد دبدن دغړو دپالنې دملي ټيم  ورزشکارانو په بوتان کې  له همدغو سياليو څخه ددسرو  زرو درې مډالونه، دسپينو زرو درې مډالونه اودژيړو دوه  مډالونه ترلاسه کړل .
په دغو سياليو کې هم له افغانستان څخه  اتو تنو ورزشکارانو ، دوو تنو ښوونکو  ، يوه حکم  او دوو تنو هياتونو ګډون کړي وو.
 

کابل  \باختردلړم دمياشتې ١٧ :
په هرات ولايت کې  دولسواليو دجام دفوتبال دسياليو دويم پړاو پرون مازيګر په يوي لوبې سره  دوام وکړ.
دهرات ولايت  دورزشي امريت مرستيال ضياالحق ضيا باختراژانس ته وويل په دې سيالۍ کې دغوريانو دالف ټيم دصفر په مقابل کې  په يوې سره دانجيل ولسوالۍ ټيم ته ماتې ورکړه  اوټاکل شوې ده  نن مازيګر دشينډنډ اوزنده جان دولسواليو ټيمونه لوبه وکړي .
ديوبل خبرله مخې : دکابل ښار دفوتبال دغوره ليک سياليو پرون مازيګر په دوو لوبو سره  دوام وکړ.
دهيواد دفوتبال فدراسيون مرستيال محمدبصير قيومي باختراژانس ته وويل په لومړۍ سيالۍ کې  دسنايي اودجوانان ميهن ټيمونو لوبه وکړه  چې په نتيجه کې يې  لوبه  ديوې په مقابل کې  په يوي سره  پاى ته ورسيده اوپه بله لوبه کې دسولې ټيم  ديوي په مقابل کې په دريو سره دجوانان ازادي ټيم ته ماتې ورکړه.
دغه سيالۍ چې  دنوولسو غوره ټيمونو ترمنځ په کابل ښارکې پيل شوي دي  دفيروزي ټيم تراوسه پوري په   ٣٧  امتيازونو سره دجدول په سرکې ځاى لري.
 

کابل  \باختردلړم دمياشتې ١٧ :
پوليسو دامنيتي دندو په بهيرکې پنځه اويا ډول ډول ماينونه کشف اوشنډکړل.
دکورنيو چارو وزارت مطبوعاتي دفتر باختراژانس ته خبرورکړ ملي پوليسو دنيمروز ، هرات ، ننګرهار  او کاپيسا په ولايتونو  په څو جلاجلا عملياتو کې دوسايطو ضد ، فشاري اوريموټ کنترول پنځه اويا ماينونه چې دوسله والو مخالفينو له  خوا دسولې اوثبات دګډوډولو په خاطر ځاى پرځاى شوي وکشف اوشنډکړل.
ديوبل خبرله مخې :  په کابل کې پوليسو دولس تنه دوژنې  ، غلا ، مخدره توکو دپلورنې  اوانسان تښتونې  په ګډون  دجرمونو په تور دکابل ښار په څلورمې  ، لسمې  ، ديارلسمې ، شپاړلسمې حوزو په مربوطاتو کې ونيول.
نيول شوي کسان دپوليسو ترپوښتنې  اوڅيړنې لاندې دي.
 

Wednesday, 07 November 2012 11:53

تبصــره

کابل  \باختردلړم دمياشتې ١٧ :
د ١٣٩٢  مالي کال دملي بودجي طرحه دماليې وزارت له خوا مشرانو جرګي ته وړاندې شوه .
په دې طرحه کې درې سوه شپږشپيته اعشاريه شپږمليارده افغاني ځاى کړي شوي دي او دا په داسې حال کې  ده چې دبودجي طرحه پخوا تل په ملي شورا کې دخبرو وړو مسله وه .
دباختراژانس داقتصادي برخې مبصر ليکي د ١٣٩٢ مالي کال دملي بودجي  طرحه دماليې وزارت له خوا مشرانو جرګي ته وړاندې شوه چې له دې  جملې څخه ١٩٦ مليارده افغاني پرمختيايي بودجه  او يوسلو اويامليارده افغاني عادي بودجه  ده . بودجه په سلو کې شپږڅلويښت به دنړيوالې ټولنې له مرستو  څخه  اوپه سلو کې څلور پنځوس له کورنيو منابعو څخه تامين شي.
هغه څه چې دماليې وزارت دملي بودجي په توګه وړاندې کړي دي داوو ملياردو ډالرو معادل  دي په داسې حال کې  چې په تيرمالي  کال کې ملي بودجه څلوراعشاريه اته  ملياردو ډالرو ته رسيده چې زياته برخه يې پرمختيايي بودجه وه  خو افغاني مرکزونو په سلو کې يوازي شل پرمختيايي بودجه چې زياتره يې له بهرنيو منابعو څخه تمويليده ، لګولې ده  هغه څه چې له بل هرڅه څخه زيات د ١٣٩٢ مالي کال دملي بودجي دبشپړولو په تصويبولو اوبشپړولو کې طرحه دي  ددولتي مرکزونو له خوا دهغې اجرا اولګول دي اومخکې له دې چې دغه بودجه دملي شورا له  خوا تصويب نشي دولتي اداري او هغه کسان چې په دقيقه ، ښه اوسنجول شوي ډول ددغې بودجي په لګولو مکلف دي ځان ته ټکان ورکړي دهغه دلګولو اوتطبيق لپاره  دقيقه اوعملي لاره ولري څکه پخوا نړيوالې ټولني په وار وار دغه کار ته ګوته نيولي چې افغاني مرکزونه دنړيوالې ټولنې دمرستو دجذب اولګولو ظرفيت نه لري اودغه شان تور ته ځواب ورکول يوازي اويوازي  دپرمختيايي بودجي دلګولو لپاره دقيق مالي لارښود جوړول دي.
له بله پلوه دولتي مرکزونو ته پکار ده چې دلګښتونو معقوليت تشخيص کړي اوخپل لومړيتوبونه مشخص کړي بايد هغوى په  راتلوونکې کال کې زياتره به هيوادنيو توليداتو او ورته توليداتو  اوداقتصادي او صنعت په ودي متمرکز شي  اوزياتره دقراردادونو په لاسليک کولو  کې په هغو شرکتونو اوموسسو تمرکز وکړي  چې کار يې دقيق ، شفاف  اودنتيجې وړ  دي دا په خپله  کولاي شي دپرمختيا او ودي په برخو کې  لګښتونه مناسب تګلوري ته برابرکړي نو ددولت   دڅارنې مرکزوته لازمه ده چې دنوى  مالي کال  له پيل څخه مخکې ددولتي مرکزونو پرمختيايي پروګرامونه وڅيړي او دهغو لګښتونه وڅاري  چې نور  دهغو کسانو انتقاد اوپلمو ته ځاى پاتي نه شي چې زموږ پرمختيايي بودجه تمويلوي .
بله  خبره په پرمختيايي بودجه کې انډول دي  دافغانستان دولت تل په دي کار ټينګار کوي چې  په افغانستان کې وده اوپرمختيا بايد انډوليزه وي چې په ملي شورا کې دملي بودجې دطرحې لپاره  دلالهاندي دليل نه دي دهيواد اوسني اقتصادي حالت  په دې باندې ټينګارکوي چې دملي بودجي طرحه دلومړيتوبونو اواڼدول په پام کې نيولوسره  ډير ژر دملي شورا له خوا تصويب شي چې ددولتي مرکزونو دکار په بهيرکې  ځنډ رامنځته نه شي  .
دغه راز دملي شورا غړو ته پکاردي  چې داساسي قانون د ٩٨ مادي حکم په پام کې ونيسي  اودبودجي دتصويب کاري بهير له ځنډ سره مخامخ نه کړي  اوپه دې ډول دپرمختيايي پروژو په تطبيق  کړي خپل ونډۀ عملي کړي.
 

کابل – باختر دلړم اوولسمه:
په پاکستان کې دکبدي دايروى سيالۍ پاى ته ورسيدې .
دالمپيک دملي کميټې د رسنيو مدير عبدالمحبوب سروري باختر آژانس ته وويل : دغه سيالۍ چې دآسيا دجنوب دهيوادونو د ورزشکارانو ترمنځ د روان کال دنوامبر دمياشتې له لومړۍ نيټې څخه تر اوومې نيټې پورې دپاکستان په لارهور ښار کې پيل شوې وې؛ د افغانستان دکبډي ملي ټيم دنيپال په مقابل کې په برياليتوب او دپاکستان، هند او سريلانکا پر وړاندې دماتې په منلو سره دغه سيالۍ پاى ته ورسولې.
دخبرځاى دڅرګندونو له مخې: په دغو سياليو کې له افغانستان څخه دولسوتنو ورشکارانو ګډون کړي وو.
 

کابل – باختر دلړم اوولسمه
دننګرهار ولايت دامنيې قوماندان منسوبينو پرون په درې جريبه ځمکه کې کرل شوې کوکنار واړول .
دشمشاد د٢٠٢ ساحوي زون دقوماندانۍ مطبوعاتي دفتر باختر آژانس ته خبرورکړ: پوليسو پرون دننګرهار د ولايت په پچېر اګام ولسوالۍ کې په درې جريبه ځمکه کې کرل شوې کوکنار واړول او دپيښې په اړوند څلورتنه نيول شوي دي.
 

کابل – باختر دلړم اوولسمه
ټاکل شوې ده دکاپيسا ولايت په مرکز او ولسواليو کې څو روغتيايي مرکزونه جوړه شي.
دکاپيسا ولايت دعامې روغتيا رييس ميرزامحمد رجا باختر آژانس ته وويل په محمود راقي ښارکې په نشه يي توکو د اوږدوکسانو د درملنې دمرکز دکوهستان دلومړۍ او دويمې برخې په ولسواليو کې دنسايي او ولادي څانګو او په کوهبند ولسوالۍ کې داساسي روغتيايي مرکز دبنسټ ډبرې نن کيښودل شوې.
درجا دڅرګندونو له مخې دغه تاسيسات د دوه اعشاريه اوو ميليونو ډالرو په لګښت دنشه يي توکو پرخلاف دمبارزي وزارت له خوا جوړيږي.
 

Wednesday, 07 November 2012 10:37

په کاپيسا کې عمليات پيل شول

کابل  \باختردلړم دمياشتې ١٧ :
دکاپيسا ولايت په مربوطاتو کې دملي اردو دځواکونو په ځانګړو عملياتو کي شپږتنه وسله وال طالبان  و وژل شول.
دغه عمليات چې   د ډار اچوونکو له شتون څخه د کاپيسا ولايت دتګاب ولسوالۍ دناامنو سيمو دپاکولو په مقصد دملي سرتيري په نامه له پرون څخه پيل شوي دي اوس هم دوام لري .
دملي دفاع وزارت مطبوعاتي دفتر باختراژانس ته خبرورکړ په دغو عملياتو کې  شپږتنه وسله وال مخالفين وژل شوي اودوه تنه نور ټپيان شوي دي،.
ويل کيږي چې  دوه تنه ټپيان بهرني اتباع دي .
خبرځاى زياته کړه چې په دغو عملياتو کې يوه اندازه سپک اودرانده جنګي وسايل هم ترلاسه شوي دي.