29 September 2020

RSS Facebook

سوداگریز


تازه خبرونه

پیام ريیس جمهور به مناسبت تجلیل از روز جهانی دسترسی به اطلاعات

کابل/ 7 میزان /باختر دولت جمهوری اسلامی افغانستان، دسترسی به اطلاعات...

د ملي امنیت سلاکار د اروپایي ټولنې له استازي سره تعارفي لیدنه وکړه

د ملي امنیت سلاکار د اروپایي ټولنې له استازي سره تعارفي لیدنه وکړه

کابل/ د تلې ۷مه/ باختر د افغانستان د اسلامي جمهوري...

Youtube Player

khantry design

سوداگریز

سوداگریز

کابل\باختر\لړم  دمياشتې  ١٢:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان ځاى ځاى وريځ،د تودوخې لوړه درجه ١٨ ټيټه  ٣-
هرات- آسمان شين، د تودوخې لوړه درجه ١٨،  ټيټه ٩
جلال آباد-  آسمان ځاى ځاى وريځ، د تودوخې لوړه درجه ٢٠، ټيټه ١٠
قندهار- آسمان شين، د تودوخې لوړه ٢٠ ، ټيټه ٥
مزارشريف- آسمان ځاى ځاى وريځ ، د تودوخې لوړه  ١٨، ټيټه ١
کندز- آسمان وريځ ، د تودوخې  لوړه درجه ١٨، ټيټه ٤
غزنى- آسمان وريځ، د تودوخې لوړه درجه ١٤، ټيټه ٣-
باميان- آسمان وريځ،د تودوخې لوړه درجه ١٠ ، ټيټه  ٥-
فيض آباد- آسمان ځاى ځاى وريځ ، د تودوخې لوړه درجه ١٨، ټيټه  ١-
شمالي سالنګ- آسمان وريځ، د تودوخې لوړه درجه ٢، ټيټه  ٦-
فراه- آسمان شين ، د تودوخې لوړه درجه ١٩ ټيټه ٤
خوست- آسمان وريځ، د تودوخې لوړه درجه ١٩، ټيټه ١٠
ميمنه- آسمان وريځ، د تودوخې لوړه درجه  ٩، ټيټه ١
لښکرګاه-  آسمان شين، د تودوخې لوړه درجه ٢٠، ټيټه ٨
جنوبي سالنګ- آسمان ځاى ځاى وريځ ، د تودوخې لوړه درجه ٦، ټيټه ٤-
شبرغان –  آسمان ځاى ځاى وريځ ، د تودوخې لوړه درجه ١٧، ټيټه ٥
جبل سراج- آسمان ځاى ځاى وريځ د تودوخې لوړه درجه ١٨ ټيټه ١
په کابل کې به سبا لمرپه ٦ بجو او ٣٥ دقيقو وخيژي او د مازيګر په ٤ بجو او  ٥٢ دقيقو ولويږي . 

کابل\باختر\د لړم  د مياشتې ١٢ مه:
دکابل د شهزاده سراى دصرافانو د رييس دمعلوماتو له مخې:
نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     57/50  افغانيو پلورل په   57/60افغانيو
يوانګليسى پونډ پيرودل په 90/90افغانيو پلورل په   91/00افغانيو
يوه يورو  پيرودل په    50 77/ افغانيو پلورل په   77 /60  افغانيو
يوسعودي ريال پيرودل په  15 15/پلورل  15/20 افغانيو
د اماراتو يو درهم پيرودل په 55/ 15 افغانيو پلورپه 60 / 15 افغانيو
زرپاکستاني کلداري پيرودل په  537افغانيو پلورل په  538افغانيو
زرهندي کلدارى پيرودل په 930 افغانيو پلورل په 940 افغانيو
اوزر ايراني تو مان پيرودل په 18/90  افغانيو پلورل په 19/00 افغانيو.

کابل – باختر دلړم دمياشتې ١١
دخوست ولايت يو شميرمشرانو ، سيمه ييزو مسوولينو او دخلکو استازو نن له غرمې وروسته دجمهور رييس له دويم مرستيال محمدکريم خليلي سره وکتل او ددغه ولايت دسيمه ييزو ستونزو په باب يې ورسره خبرې وکړې .
دجمهوري رياست مطبوعاتي دفتر باختر آژانس ته خبرورکړ :
په دې کتنه کې چې په ملي شورا کې دخوست دخلکو يو تن استازې هم حاضر و دکتنې برخه والو لومړى  دآزادۍ مينې پروژه کې دځمکې دنمرو دويشلو په برخه کې موجودې ستونزې چې د دوى دڅرګندونو له مخې ، اووه کاله مخکې پيل شوي و او خلکو دهغې پيسې هم ورکړي دي ديو چلنج په توګه وبلل او څرګنده يې کړه.
ددغې پروژې د دويمې او دريمې برخې په تطبيق کې چې څه ناڅه اووه سوه نمرې کيږي ديو شمير دولتي ادارو له خوا ستونزې رامنځته کيږي.
دکتنې دبرخه والو دڅرګندونو له مخې :  دخوست دښار خلک دسرپناه دکمښت له ستونزې سره مخامخ دي اوبرسيره پردې چې جمهوررييس ددغې پروژې دويشلو په  باب حکم ورکړى دى خودځمکې دنمرودويشلو بهيرد دولتي اداروله خوا دستونزو  په رامنځته کولو سره اوس هم له ستونزې سره مخامخ دي .
دخوست ولايت مشرانو ددغې ستونزې حل کولو ته د دولتي مسوول ارګان دپاملرنې  په ترڅ کې وړانديز وکړ چې دصحرا باغ هوايي ډګر ته ملکي الوتنې چې په دغه ولايت کې دميشتو بهرنيو ځواکونو له خوا جوړ شوى دى ددغو ځواکونو له وتلو وروسته پيل شي.
د دوى دڅرګندونو له مخې :  دغه هوايي ډګر چې په خوست ښارکې موقعيت لري دفعاليت د دوام لپاره له ټولو لازمو امکاناتو څخه برخمن دى او دخوست د هوايي ډګر تر جوړيدو پورې به ددغه ولايت داوسيدونکو يوڅه  ستونزې لرې کړي.
دګرديز – خوست لويې لارې جوړولو، ددغه ولايت په زيانمنو سيمو کې دامنيتي ځواکونو پياوړتيا ، سمبالولو او زياتوالي ته پاملرنه دخوست ولايت دعدلې او قضايي ادارو او له پيښو سره دولايتي ادارې ځواکمنتيا ته پاملرنه له نورو موادو څخه و چې دکتنې برخه والو دجمهور رييس له دويم مرستيال سره طرحه کړل .
وروسته دجمهور رييس مرستيال محمد کريم خليلي دخوست ولايت دخلکو اړتياو ته دځواب ورکولو په لاره کې ددغه ولايت داوسيدونکو دغوښتنو دڅيړنې په خاطر دخوست ولايت داستازو او سيمه ييزو مسوولينو دهلو ځلو له امله دقدرداني په ترڅ کې د دوى دغوښتنيو په څيړنې ټينګار وکړ.
دجمهور رييس مرستيال څرګنده کړه چې دکتنې دبرخه والو له خوا طرحه شوي پيشنهادونه به دملي امنيت د شورا او ياد کابينې په يوه غونډه کې طرحه او وروسته  به په دې باب لازم تدبيرونه ونيول شي.

کابل – باختر دلړم دمياشتې ١١
له نشه يي توکو سره دمبارزې د وزارت سرپرست او کانديد دين محمد مبارز راشدي نن ددغه وزارت منسوبينو ته وروپيژندل شو .
دباختر آژانس دخبريال دخبرله مخې :
په هغې غونډه کې چې له همدې امله په دغه وزارت کې جوړه شوې وه د فوايد عامې  وزير،  په پارلمان دخلکو يو شمير استازو،  د اطلاعاتو او فرهنګ وزارت
او له نشه يي توکو سره  د مبارزې د  وزارت معينانو او  رييسانو او  يو شمير منسوبينو ګډون کړى وو .
په پيل کې له نشه يي توکو سره د مبارزې د وزارت معين محمد ابراهيم ازهر خبرې وکړې او له مبارز  راشدي سره يې د دغه وزارت دمنسوبينو همکارۍ څرګنده کړه .
وروسته د چارو د ادارې او د وزيرانو شورا د  د ارلانشا د  لوي رياست  مرستيال سيد ولي سلطان دنشه يي توکو پرخلاف دمبارزې د وزارت دسرپرست او کانديد په توګه د مبارز راشدي دټاکنې په باب دافغانستان داسلامي جمهوريت د جمهور رييس حامد کرزي حکم  ولوست.
دفوايد عامې وزير نجيب الله اوژن  له نشه يي توکو سره مبارزې ته  اشاره وکړه      او  ويې ويل چې دغه مبارزه  به اوږده  او له ستونزو سره مخامخه وي.
وروسته مبارز راشدي خبرې وکړې او ويې ويل :  مهمې ستونزې يعنې  ډار اچونه
او نشه يي توکي زموږ دخلکو په وړاندې پراستې دى او يو دبل ملاتړ کوي او هغوى ګواښوي چې دخلکو حکومت او دنړيوالې ټولنې مبارزې ته جدي اړتيا لري .
راشدي زياته کړه :  له بده مرغه زموږ هيواد دنشه يي توکو دکرکيلي توليد او قاچاقو توله  امله يو بدنام هيواد دى خو ګټه يې نورو  ته  رسيږي.
که چيرې پارلمان ده  ته دباور رايه ورکړي له ملي او نړيوالو شريکانو سره به دنشه يي توکو له کرکيلي، روږديتوب او قاچاقو سره سخته مبارزه  وکړي.
ده وويل : د  په طمه کولو، د ژمنې په ورکولو او د هيلې په کولو سره کار پرمخ
نه ځي  په دغه پست کې دټاکنې په صورت کې په دې برخه کې زيات عملي طرحې لرم .
مبارز راشدي مخکې له دې داطلاعاتو او فرهنګ وزارت د نشراتي معين په توګه دنده  ترسره کوله.

Saturday, 02 November 2013 13:43

دکوز دره صوف سړک جوړشو

کابل – باختر دلړم دمياشتې ١١ :
دسمنګانو ولايت په کوز دره صوف ولسوالۍ کې  داتو کيلومترو په اوږدوالي دسړک دجوړولو کار  بشپړ شو.
دسمنګانو ولايت دکليو دبيا جوړولو اوپراختيا رييس انجينر محمد آصف دولت شاهي باخترآژانس ته وويل  :  دغه سړک د کوز دره صوف دخانه سنګي  له کلي څخه پيل   او دچپچل په  غاښي کې    له بردره صوف سره ونښلول شو.
دده دڅرگندونوله مخې :  ددغه سړک لګښت دکليو دبيا جوړولو اوپراختيا وزارت  دکليوالي لارو  د جوړولو دپروګرام له خوا چې اوولس مليونه او شپږسوه اتيازره افغانۍ  کيږي ورکړشوي دي .
ددغه سړک په جوړولوسره  ددغې ولسوالۍ داوسيدونکو ترانسپورتي ستونزې حل شوي دي .

کابل – باختر دلړم دمياشتې ١١ :
دولسي جرګې  رييس دقندهار ولايت دژيړۍ ولسوال  د ښواو ارزښتناکو کارونو  او خدمتونو له امله  قدرداني وکړه.
دولسي جرګې مطبوعاتي دفتر باختر آژانس ته خبرورکړ :
په هغې غونډه  چې  دولسي  جرګې دمنشي  سيداکرام الدين  او دولسي جرګې دغړو  محمد نعيم لالى حميدزى او دشيکبا هاشمي په ګډون جوړه شوې وه  ددغه  مجلس رييس عبدالروف ابراهيمي دقندهارولايت دژيړۍ ولسوالۍ دولسوال حاجي  جمال دغوره خدمتونوپه درناوي دولسي جرګې دستاينې لوحه ده ته ورکړه  او  هيوادته د خدمت په لاره کې يې  دده دلازياتو برياليتوبونو هيله وکړه.

کابل – باختر دلړم دمياشتې ١١ :
دنوي ترانسميتر په مونتاژ او درولو سره  دبغلان ولايت  دسيمه ييز ټلويزيون دخپرونو  ساحه  ديرشو کيلومترو ته پراخه شوې ده .
دبغلان ولايت دملي راډيو ټلويزيون آمر ذبيح الله باخترآ ژانس  ته وويل :
دبغلان ولايت دسيمه ييز ملي ټلويزيون  خپرونې چې دتخنيکي عوارضو له امله  لس ورځې مخکې ځنډول شوې وې  د ٢٠٠  واټه ترانسميتر په مونتاژ او درولوسره  بيا فعال  او دهغه دپوښښ ساحه  چې پخوا لس کيلومتره وه اوس څلويښت کيلو متره ساحه احتوا کوي .
ذبيح الله زياته کړه  ملي ټلويزيون  په ورځ کې لس ساعته خپرونې لري 

کابل – باختر دلړم دمياشتې ١١ :
داطلاعاتو اوفرهنګ د وزير ډاکترسيدمخدوم رهين په مشرۍ نن  داسلامي فرهنګ دپايتخت په توګه دغزني دنمانځنې دکال دوروستۍ اوونۍ غونډه جوړه شوه .
دباخترآژانس  دخبرله مخې : په دې غونډه کې چې داطلاعاتو اوفرهنګ وزارت دفرهنګي معين سيدمصدق خليلي  ، دغزني دوالي موسي خان اکبرزاده او دبهرنيو  چارو ، کورنيو چارو او دملي دفاع  دوزارتونو  او دسيمه ييزو ا رګانونو دخپلواکې ادارې  داستازو په ګډون  جوړه شوې وه پريکړه وشوه  چې د ايسيسکو دوړانديز له مخې  د ١٣٩٢ کال  دکب دمياشتې په څلورمه نيټه  داسلامي فرهنګ دپايتخت په توګه دغزني  دنمانځنې  دکال وروستۍ اوونۍ به  په ځانګړو مراسمو سره ونمانځل شي  او له دغې نيټې څخه تر يوې اوونۍ پورې به  دغزني ښار دجشنوارو  شاهدوي.

دمشورتي لويې جرګې اجندا  له امريکا سره  ددوه اړخيز دوه اړخيز تړون په باب يوازې سلا مشوره ده .

کابل – باختر دلړم دمياشتې ١١ :
دمشورتي لويې جرګې دتياري دکميسيون د دارلانشا رييس صادق مدبر نن دمشورتي لويې جرګې داجندا دنه وضاحت په باب دآوازو په ردولو سره رسنيو ته وويل : مشورتي لويه جرګه چې دلړم دمياشتې په وروستيو کې جوړيږي  واحده اجندا لري او هدف يې يوازې دامريکاله متحده ايالاتوسره ددوه  اړخيز امنيتي تړون په باب دمشورو   وړاندې کول دي.
دتياري دکميسيون ددارلانشارييس دافغانستان داسلامي جمهوريت جمهور رييس  ته دلويې جرګې له خوا  دسلامشورو  په ټينګار  سره وويل ،  چې دمشورتي لويې جرګې  جوړول  دپارلمان په واکونو کې هيڅ راز تصرف نه دى او داساسي قانونله مخې ملي شورا  ددوه اړخيز امنيتي قرارداد په باب  خپل صلاحيتونه لري.
صادق مدبر دامنيتي قرارداد  په مادو باندې  دخبرو  مسلکي والي ته په اشارې سره  وويل ، چې دمشورتي لويې جرګې دغړو په ترکيب کې داوولسو  کټګوريو ترڅنګ دهيواد اتيا تنه  غوره حقوق پوهان په پام کې نيول شوي دي.
ده زياته کړه :  دلويې جرګې غړي به  په اوولسوکټګوريو کي دافغانستان دخلکو دبيلابيلو  قشرونو استازيتوب وکړي .
صادق مدبردجرګې دجوړولو لپاره دنيول شويو امنيتي تدبيرونوپه باب وويل  :
دلويې جرګې دامنيت دتامينولو لپاره  دملي امنيت دلوى رياست دسرپرست  ترنظرلاندې اودنورو امنيتي مرکزونو په ګډون  يوه خاصه کميټه  جوړه شوې ده  او ددغې کميټي له خوا لازم تدبيرونه نيول شوي دي.

کابل – باختر دلړم دمياشتې ١١ :
دمشورتي لويې جرګې دجوړولو لپاره  دتياري د کميسيون غونډه  نن دهيواد دملي  اوروحاني شخصيت  اودمشورتي لويې دجرګې دجوړولو لپاره دتياري دکميسيون درييس پروفيسر حضرت صبغت الله مجددي په مشرۍ دکابل په پوليتخنيک د جرګو په تالارکې جوړه شوه .
دچارو دادارې او د وزيرانو شورا ددارلانشا لوى رياست باختراژانس ته خبر ورکړ:
له اجندا سره سم دمشورتي لويې جرګې دجوړولو لپاره دتياري دکميسيون ددارلانشا رييس  صادق مدبر دڅلورو ولايتونو بدخشان ، فراه ، نيمروز او دجوزجان   دولايتونو  دکانديدانو لست  په مشورتي لويې  جرګې کې دغړيتوب لپاره اودمعلولينو اومعيوبينو ، مدني ټولنې ، پيژندل شويو ښځو ، دعالمانو دشورا ، په پاکستان کې  دميشتو افغان مهاجرينو  اوپه نورو هيوادونو کې دمهاجرينو  کټګورۍ  چې په مشورتي لويه جرګه کې دغړيتوب لپاره دکانديدانو دټاکنې  دلارښود له مخې  ونډه ورته ټاکل شوې ده  په ترتيب سره غونډې ته طرحه چې دکميسيون دغړو له خوا له خبرو اودنظر له څر ګندولو وروسته   دولايتونو او
ددغو کټګوريو دکانديدانو لست  په دې ډول تائيدشو:
له بدخشان ولايت څخه  ٤٤ تنه ،     فراه    ٢٠  تنه   ، نيمروز ٩  تنه ،  جوزجان ١٧ تنه ، معلولين اومعيوبين ٤٠ تنه ،  له مدني ټولنې  څخه  ١٠٠ تنه ،   پيژندل شوې ښځې  ٦٥ تنه ،  دهيواد له جيدو عالمانو څخه ٢٥٠ تنه ، په پاکستان کې ميشت افغان مهاجرين ١٢٠ تنه  او په نورو هيوادونو کې  افغان مهاجرين  ٣٠  تنه  .
ديولړ بدلونونو  په رامنځته کولو سره درايو په اتفاق سره  تائيد  او دمشورتي لويې جرګې دجوړولو لپاره دتياري دکميسيون دارلانشا موظفه شوه  چې لست دغونډې  دتذکر له مخې  تصحيح او بشپړ کړي او داړونده طرزالعمل دحکمونو په پام کې نيولو سره يې دهيواد جمهوررييس ته وړاندې کړي.
دکميسيون غونډه په هيواد کې دسولې او ثبات دتامينولو اودمشورتي لويې جرګې  دبريالي جوړولو په باب دمشورتي لويې جرګې  دجوړولو دکميسيون درييس له خوا ددعايي په لوستلو سره پاى ته ورسيده.