06 July 2020

RSS Facebook

سوداگریز


تازه خبرونه

ماته ګوډه ولسواکي پیاوړتیا غواړي

کابل/ د چنګاښ ۱۶ مه / باختر افغانستان نن د یوې...

۲۳۹ تنه پر کرونا ویروس اخته شول

۲۳۹ تنه پر کرونا ویروس اخته شول

کابل\ د چنګاښ ١٦ مه\ باختر په تېروڅلورویشتوساعتو کې په هېواد...

Youtube Player

khantry design

سوداگریز

سوداگریز

پيښور\ دي نيوز\  باختر د وږي دمياشتې ١٦
دپيښور ښار دهشنغرۍ دسيمې دپوليسو په يو مرکز کې پرون  دبم دچاودنې له امله د دريو تنو پوليسانو په ګډون څه ناڅه څلور تنه ووژل شول.
دپوليسو دڅرګندونو له مخې ، چاوديدونکې توکي دپوليسو په مرکز کې په  يو درول شوي  موټرسايکل کې ځاى پرځاى کړىشوي و .
  په خبرونو کې ويل شوي دي چې له دغې چاودنې وروسته دپوليسو په دغه مرکز کې  اور ولګيد چې وروسته د اور وژنې دکارکوونکو له خوا ووژل شو.

کابل \ باختر د وږي دمياشتې ١٦
د استراليا خلک نن  په پارلماني انتخاباتو کې د ګډون لپاره د رايې ورکولو
ضدقوتونو  ته ځي.
نظرسنجونې دشپږ کلنۍ واکمنۍ وروسته د کارګر واکمن ګوند دماتې داحتمال څرګندوى دي .
په دغو انتخاباتو کې صدراعظم کوين راد  دمخالفانو له مشر باتوني ابوت سره سيالۍ کوي.
داستراليا دقوانينو له مخې ،  هغه ټول اتباع چې عمريې له اتلسو کلونو څخه پورته  وي بايد په انتخاباتو کې ګډون وکړى او د رايې ورکوونکو  شمير څه دپاسه څوارلس مليونه تنه کيږي.
کوين راد  دغبرګولي په مياشت کې دصدارت له مقام او دکارګرانو له رهبرۍ څخه دجوليا ګيلارد له ګوښه کيدو وروسته ، دپارلماني انتخاباتو دترسره کولو غوښتنه کړې  وه.
دبودجې کسري کمښت او له غيرقانوني مهاجرينو سره مقابله  دنوماندانو دانتخاباتي پروګرامونو په سر کې ځاى لري.
دواړو ګوندونو د سمندر له لارې دپناه غوښتونکو له غير قانوني ورتګ سره دمقابلې لپاره سخت سياستونه اعلام کړي دي چې دپناه غوښتونکو دحقوقو دمدافعو  ډول له مخالفت سره مخامخ شوي دي .

کراچۍ-دى نيوز – باختر د وږي دمياشتې ١٦
دملي عوامي ګوند په يو مشر پرون د پاکستان په کراچۍ ښارکې بريد وشو او ووژل شو.
دباختر آژانس دخبرله مخې : دملي عوامي ګوند ويندوى وويل ،  چې ناپيژندل شويو وسله والو کسانو دکراچۍ ښار په  اورانجي ناحيه کې په سعيدلعل درويش ډزې وکړې او هغه يې  و واژه .
دى دسناتور او دملي عوامي ګوند دسند ايالت دمشر شاهى سعيد نږدې خپلوان و او دغه راز په سرحدي سيمو کې يې ددغه ګوند رهبري په غاړه درلوده .
دغه راز پرون څلور تنه نور دکراچۍ ښار په بيلابيلو ناحيو کې ووژل شول .
په کراچۍ ښار کې اړو دوړ او قصدي وژنې له څو کلونو راپه دې خوا دوام لري چې له امله يې زرګونو تنو ته مرګ ژوبله اوښتې ده.
دغه ښار په  دې وروستيو وختو کې د بيا بيا قومي ، مذهبي او سياسي اړو دوړ ډګر دى.

ميروګوري \ ايرنا\  باختر د وږي دمياشتې ١٦
دنايجريا په شمال ختيځ کې د ياغيانو پرخلاف په پوځي  عملياتو کې دبوکوحرام د ډلې پنځوس تنه غړي  ووژل شول .
د نايجريا  له ميدوګوري ښار څخه دايران د دولتي خبري آژانس دخبرله مخې  :
وسله والو کسانو چې ګومان کيږي دبوکوحرام د تندلارې ډلې غړي  دي دپنجشنبې په ورځ د دغه ښار په  بازار کې په  ډزو سره پنځلس تنه ووژل شول .
په سيمه کې د نايجريا د اردو ويندوى  صغير موسي وويل ،  له دغه بريد وروسته اردو ديرغلګرودتعقيبولو لپاره عسکر  واستول او دغوځواکونو چې ترهوايي ملاتړ  لاندې وو ، کابو پنځوس تنه ياغيان ووژل .
ده زياته کړه ،  دنايجريا د اردو ځواکونو د ترورستانو داحتمالي نښتې دمخنيوي په خاطر د ښار  دټولو لارو په تړلو سره ، د هغوى دڅارنې په حال کې دي .
دنايجريا دشمال ختيځ په زياترو سيمو کې د مې په مياشت کې د بوکو حرام دياغيانو د ځپلو لپاره د اردو دپراخ يرغل له پيل کيدو مخکې بيړنى  حالت اعلام شوى دى.
دبوکو حرام اړو دوړ د امنيتي ځواکونو په ګډون دڅه دپاسه  درې زره شپږسوه تنو دلمنځه تللو سبب شوي دي .

پيښور\ جيونيوز\ باختر د وږي دمياشتې ١٦ ناپيژندل شويو وسله والو کسانو تيره شپه په پيښور ښارکې په يو موټر ډزې وکړې . چې له امله شپږ تنه ووژل شول او يو تن بل ټپي شو . دباختر آژانس دخبرله مخې : ناپيژندل شويو يرغلګرو په دغې ليږدونکې واسطې ګلزار چوک ته څيرمه بريد وکړ او له تيښتې مخکې يې دپوليسو له ځواکونو سره نښته وکړه . ديوبل خبرله مخې : ناپيژندل شويو وسله والو کسانو پرون دپاکستان په پنجاب ايالت کې اووه تنه ووژل او څلور تنه نور يې ټپيان کړل. دغه پيښه د دغه ايالت په جسوکي کلي کې هغه وخت رامنځته شوه چې دريو تنو موټرسايکل سپرو دجمعې دلمانځه له اداکولو وروسته په خلکو ډزې وکړې چې له امله يې يوولسو تنو ته مرګ ژوبله واوښته.
Saturday, 07 September 2013 10:02

د اسعارو بيه:

کابل\باختر \د وږي دمياشتې ١٦ مه: دکابل د شهزاده سراى دصرافانو درييس دمعلوماتو له مخې : نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى: يوامريکايي ډالر پيرودل په 56/75 افغانيو پلورل په 56/80افغانيو يوانګليسى پونډ پيرودل په 74/90 افغانيو پلورل په 80/ 00افغانيو يوه يورو پيرودل په 70 74/ افغانيو پلورل په 74/80 افغانيو داماراتو يو درهم پيرودل په 45/ 15 افغانيو پلورپه 50 / 15 افغانيو يوسعودي ريال پيرودل په 05 15/پلورل 15/10 افغانيو زرهندي کلدارى پيرودل په 870 افغانيو پلورل په 880 افغانيو زرپاکستاني کلداري پيرودل په 543افغانيو پلورل په 544افغانيو اوزر ايراني تو مان پيرودل په 16/70 افغانيو پلورل په 16/80 افغانيو.

کابل باختردوږي دمياشتې ١٦ :
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى:
کابل- آسمان شين  ، د تودوخې لوړه درجه ٣٤ ټيټه  ١١
هرات- آسمان  شين ، د تودوخې لوړه درجه ٣٤،  ټيټه ١٧
جلال آباد- آسمان شين  د تودوخې لوړه درجه ٣٧، ټيټه ٢٦
قندهار- آسمان شين   ، د تودوخې لوړه ٣٧ ، ټيټه ١٧
مزارشريف-  اسمان شين  ، د تودوخې لوړه  ٣٥، ټيټه ٢١
کندز- آسمان  شين  ، د تودوخې  لوړه درجه ٣٦، ټيټه ١٧
غزني- آسمان  شين  ، د تودوخې لوړه درجه ٢٨ ، ټيټه ٩
باميان- آسمان  شين  ، د تودوخې لوړه درجه ٢٦ ، ټيټه ٧
فيض آباد آسمان  شين ، د تودوخې لوړه درجه ٣٠، ټيټه  ١٤
شمالي سالنګ-  آسمان شين ، دتودوخې لوړه درجه ١١، ټيټه  ٢
فراه- آسمان شين ، د تودوخې لوړه درجه ٣٦ ټيټه ١٩
خوست- آسمان  ځاى ځاى وريځ  ،  د تودوخې لوړه درجه ٣٤، ټيټه ٢٤
ميمنه- آسمان شين، د تودوخې لوړه درجه  ٣٧ ، ټيټه ١٨
لښکرګاه- اسمان شين  ، د تودوخې لوړه درجه ٣٦، ټيټه ١٨
جنوبي سالنګ- آسمان  شين  ، د تودوخې لوړه درجه ١٣، ټيټه ٧
شبرغان –  آسمان شين    ، د تودوخې لوړه درجه ٣٦، ټيټه ١٩ 
جبل سراج-آسمان شين  ،ددوخې لوړه درجه ٢٩-ټيټه ١٧
په کابل کې به سبا لمرپه ٥ بجو او ١٨ دقيقو وخيژي او د مازيګر په ٦بجو او ٤٣ دقيقو ولويږي . 

کابل – باختر د وږي دمياشتې ١٦ طالبانو پرون په هلمند کې يو ښوونکى شهيد کړ. دهلمند دوالي ويندوى عمرځواک باختر آژانس ته وويل : دسا روان قلعه کلي دښوونځي ښوونکى ستارخان کله چې خپل کورته روان و ،دطالبانو له خوا په ډزو سره شهيد شو . ځواک زياته کړه په دې پيښه کې هغه سړى چې له ښوونکي سره ملګرې و هم ټپي شوى. عمرځواک زياته کړه ، بريد کوونکى له ساحې څخه تښتيدلى او دهغوى دنيولو لپاره دپوليسو هڅې پيل شوي دي .

کابل – باختر د وږي دمياشتې ١٦
په هرات ولايت کې دولسواليو د واليبال د جام سيالۍ پرون مازيګر په څلورو لوبو سره  پيل شوې .
دهرات ولايت  دورزشي آمريت مرستيال ضيا الحق ضيا باختر آژانس  ته وويل :
په دغو سياليو کې د تورغنډي ټيم  دصفر په مقابل کې په  دريو سره د ګذرې پرټيم د رباطه سنګى ټيم د دوو په مقابل کې په  دريو سره دغوريانو پرټيم،  دکهسان ټيم د يوې په مقابل کې په دريو سره دشينډنډ پرټيم او دزنده جان ټيم  د صفر په مقابل کې په دريو سره  دانجيل پرټيم  بريالي شول .
دغه سيالۍ د يوولسو ټيمونو ترمنځ پيل شوي دى چې د جمعې په ورځو دوام مومي.

کابل – باختر د وږي دمياشتې ١٦
په هرات ولايت کې دفوټبال د دويم لاس دغوره ليک سياليو نن سهار دکوثر او دهرات باستان  په لوبې سره دوام وموند.
دهرات ولايت د ورزشي آمريت مرستيال ضيا الحق ضياباختر آژانس ته وويل :
په دې لوبه کې دهرات باستان ټيم  ديوې په مقابل کې په  دوو سره دکوثر  پرټيم بريالي شو.
دغه سيالۍ د دولسو ټيمونو ترمنځ په دغه ولايت کې پيل شوي دي .
ديوبل خبرله مخې  :  د هرات ولايت دفوټبال دلومړى لاس سياليو پرون مازيګر په يوې لوبې سره دوام وکړ.
دهرات ولايت  د ورزشي آمريت مرستيال ضيا الحق ضيا باختر آژانس ته وويل:
په دې لوبه کې دجامې ټيم د صفر په مقابل کې په  دوو سره دپامير ټيم ته  ماتې ورکړه.
دغه سيالۍ د لسو ټيمونو ترمنځ په دغه ولايت کې پيل شوي دي چې ټاکل شوې ده په  دوام  يې نن  د آريا غوريان ټيم او دافغان ټيم لوبه وکړي.