25 May 2020

RSS Facebook

سوداگریز


تازه خبرونه

سولې ته رسېدل، هر اړخیزه ستراتېژي غواړي

سولې ته رسېدل، هر اړخیزه ستراتېژي غواړي

کابل / د غبرګولي ۵ مه / باختر شک نشته چې...

په غور کې د ولسي تړون د ۱۴ پروژو کار عملي کیږي .

په غور کې د ولسي تړون د ۱۴ پروژو کار عملي کیږي .

فیروزکوه د جوزا ۵ باختر د غور د لعل او سرجنګل...

Youtube Player

khantry design

سوداگریز

سوداگریز

کابل باختردزمري دمياشتې ٢١
دحج او اوقافو وزارت خبرتيا!
د قرآنکريم هغو قاريانو او فاتحانو ته چې د قاريانو د رياست له خوا د روژې دمبارکې مياشتې د تراويحو په لمانځه کې د قرآنکريم دختم په مقصد دکابل ښار د اتلسګونو ناحيو جوماتو ته معرفي شوي  وو، خبرورکول کيږي چې د خپلو
حق الزحمو  داخيستلو په مقصد دې  د تابعيت له تذکرې سره  د روان کال د زمري
دمياشتې له ٢٦ نيټې د شنبې له  ورځې څخه د سهار له اتو بجو څخه تر دولسو بجو پورې د نوي ښارد حاجي فيض محمدخان په څلور لارې کې دقاريانو دچارو دسمون  رياست ته ورشي.

کابل باختردزمري دمياشتې ٢١
دکورنيو چارو وزارت ويندوى  نن په يوه خبري کنفرانس کې وويل  ، دهيواد په سلوکې دپنځلسو سيمو دامنيت تامينول دسيمه ييز پوليسو په غاړه دى  او دغه ځواکونه د دښمن په مقابل کې ښه جنګيږي  .
دباختر آژانس دخبرله مخې :-  د کورنيو چارو وزارت ويندوى صديق صديقي دغه راز په دې خبري  کنفرانس کې وويل ،  په ټول هيواد کې دسيمه ييزو پوليسو شمير ٢٢ زرو تنو ته رسيدلى دى او دغه ځواکونه د دښمن په مقابل کې ښه عمل کوي.
صديقي دغه راز په دې خبري کنفرانس کې وويل ،  هغه شکايتونه  چې خلکو له سيمه ييز پوليسو څخه کړې دي تر څيړنې لاندې دي او تيرکال دسيمه ييزو پوليسو اوياتنه منسوبين ګوښه کړى شوي دي او عدلي او قضايي ارګانوته معرفي شوي دي .
په همدې حال کې ده په کابل کې د ملګرو ملتو دسازمان د نماينده ګې د دفتر يوناما ددفتر وياندې نيلاب مبارز ويلي دي د دغو ځواکونو دکړو وړو  په باب دافغانستان د زياتو خلکو شکايتونه دملګرو ملتو دفتر ته رسيدلې دي .
دې  دافغانستان له دولت څخه وغوښتل چې ددغو ځواکونو په کړو وړو  زياته څارنه وکړى .

کابل\باختر \ دزمري دمياشتې ٢١ :
سره له دې چې ځينې خبرځايونه د دريو تنو چينايي اتباعو وژنه دانسان تښتونې په يوې پيښې پورې اړونده بولي او ځينو نورو خبرځايونو سياسي رنګ ورته ورکړى دى .
د هيواد دکورنيو چارو په وزارت کې مقامات هغه يوه  مرموزه جينايي پيښه بولي.
دباخترآژانس دخبر له مخي : 
دتيرې پنجشنبې په شپه چې په هيواد کې دنيکمرغه کوچني اختر له لومړى شپې سره برابره  وه د يونارينه او  دوو  ښځو په ګډون درې تنه چينايي اتباع د کابل ښار دڅلورمې ناحيې د ګل سرخ څلور لارې  په سا حه کې  په يوه اپارتمان کې د تومانچې  په  ډزو سره  ووژل شول  او دوه تنه  نور چينايي اتباع بيدرکه شول،  چې وروسته يوتن يي وموندل شو او ددويم شخص په باب تراوسه پورې خبر نه دى ترلاسه شوى . سره له دې چې  دچين دخبري آژانس سينهوا په ګډون ځيني خبرځايونو د هغه د وژل کيدو خبره  هم کړې ده دکابل دپوليسو خبرځايونو دا
کار نه دى تاييد کړى .
په کابل کې د چين د سفارت مقامات په کابل کې د دغه هيواد د دريو تنو اتباعو وژل کيدل تاييدوي
په کابل کې د چين دسفارت سياسي قونسلې ميرمن يانګ رسنيو ته ويلي دي چې ددغې وژنې عوامل دوي ته څرګند نه دي او په دې نه پو هيږي چې دغه جنايتو نه چا کړي دي  .
دې زياته کړې ده چې د افغا نستان امنيتې ارګانونو دغه سفارت ته  ډاډ  ورکړى دى چې عاملين به وپيژندل شي او مجازات به  شي
ميرمن يانګ ټينګار کوي چې وروستي پيښه د چين له پانګونې سره اړيکه نه لري په داسې حال کې چې د چين د سفارت دغه مسووله دخپل هيواد د دريو تنو اتباعو وژل کيدل د چين په پانګوني پورې اړوند نه بولي خو ځينو چينايي رسنيو ددغه هيواد په اتباعو بريداو په افغا نستان کې د هغوي وژل کيدل دهغو هڅو يوه برخه بولي چې چينايي شرکتو نه په افغانستان کې  له پانګونې څخه لاس واخلي  .
چين په افغا نستان کې ډير ستر بهرني پانګې اچونکي دى .
په کابل کي د چين سفارت پخوا په افغا نستان کې دخپل هيواد داتباعو دمصئونيت اود سر د ساتنې غوښتنه کړې  ده  . دچين دولسي جمهوريت دسفارت مقاماتو دغه راز ويلي دي چې دغه پيښه به د افغا نستان اوچين په اړيکو باندې  کومه اغيزه  ونه کړي اودوستانه اړيکي به دپخوا په شان دوام ومومي او چينايي رسنيو دغه پيښه يوه  هدفمنده  وژنه بللې ده  .
دکورنيو چارو وزارت ويندوى  صديق صديقي په دې اړوند وويل ،  چې د دريو تنو چينايي اتباعو وژل کيدل يوه مرموزه  جنا يي پيښه ده .
وژنه ټيک هغه وخت شوې ده چې دغو پنځو تنو يوه ميلمستيا کړي وه  دوه تنه چينايي اتباع له دغې پيښې وروسته بيدرکه شول چې  يو تن يې وروسته ونيول شو او له ده څخه پو ښتنې دوام لري ، سره له دې چې د کورنيو چارو وزارت ويندوى په
دې اړوند زياتي څرګندونې ونه کړې   خو داسې  خبرې کيږي   چې د دريوتنو چينايي اتباعو  وژنه د نظر داختلاف اويا په تجارتي معاملو کې د رامنځته شوې ستو نزي  زيږنده ده  .
دغوپنځو تنو چينايي اتباعو د موبل اوفرنيچر د يو شرکت لپاره کار کاوه  .

کابل باختردزمري دمياشتې ٢١
د هيواد زورخانه يي ورزشکاران سبا دآسيايي سياليو په څلورمه دوره کې دګډون په مقصد نيپال ته ځي .
داولمپيک دملي کميتې ويندوى مجيب الرحمن رحماني باختر آژانس ته وويل : دآسيايي سياليو څلورمه دوره د زمري دمياشتې له شپږ ويشتمې نيټې څخه دنيپال کتمندو په ښارکې پيل او څلور ورځې دوام کوي.
درحماني دڅرګندونو له مخې :  په دغو سياليو کې داتلسو آسيايي هيوادونو ورزشکاران ګډون کوي چې د ډله ييز، انفرادي او غيږي نيونې  په دريو برخو کې ترسره کيږي او له افغانستان څخه په  دغو سياليو کې اووه تنه  ورزشکاران ،يو ښوونکې ، يو حکم او دوه تنه کتوونکې ګډون کوي.
د دغو سياليو دريم پړاو په ٢٠١١ م کال کې په بنګله ديش کې ترسره شو او افغانستان د دغو سياليو دريم مقام ګټلى و.

کابل باخترد زمري دمياشتې ٢١
د ٥٢ تنو ځوانانو او د ٥٢ پيغلو  د ډله ييزو واده مراسم نن په بلخ ولايت کې پرځاى شول.
د  دواده دغه مراسم  دڅه دپاسه څلويښتو زرو ډالرو په لګښت د استازو په مجلس کې دخلکو دمنتخب وکيل احمد شاه رمضان په شخصي پيسو پرځاى شول .
له بلخ څخه دباختر آژانس دخبرله مخې : د واده د مراسمو په پاى کې له زوم او ناوې سره  د کور د اړتيا وړ د يوولسو قلمو وسايلو مرسته وشوه .
يوه ځوان عبدالرحمن د دغه اقدام له امله خوښي څرګنده کړه او ويې ويل ،  زه ډير وخت کوژدن وم او داقتصادي ستونزو له امله مې نه شواى کولاى واده وکړم.
يوې ناوې خديجې هم ددغو مراسمو له پرځاى کوونکوڅخه په مننې سره وويل : زموږ له کوژدې څخه څلور کاله تيريدل خو زما  خاوند دواده دمراسمو له ورکولو څخه عاجز و.
مولوي شاهرخ دغه اقدام مثبت وباله او د فحشا د مخنيوي لپاره يې مهم وباله .
دوه مياشتې مخکې هم څلويښتو ځوانانو او څلويشتو پيغلو په بلخ ولايت کې د ډله ييزه  واده مراسم په ځاى کړي  وو.

کابل\باختر\ د اسد٢١
دبغلان ولايت په مربوطاتو کې تيره شپه څلورتنه پوليسان له وسله والو طالبانو سره په نښته کې شهيدان او درې تنه نور پوليسان ټپيان شول .
د مرکزي بغلان د ولسوالۍ امنيه قوماندان څارمن سيدمير وطند وست باختر آژانس ته وويل :  دپوليسو منسو بين هغه وخت شهيدان اوټپيان شول چې دمرکزي بغلان د ولسوالۍ دجنګل باغ په سا حه کې د وسله والو طالبانو له کمين سره مخامخ شول
دغو سرتيرو دکورنيو چارو وزارت دامنيتې معينيت هيت له کندز څخه بغلان ته بدرګه کاوه  .
يوه اړونده خبرځاى وويل  ، چې په دې پيښه کې څلورتنه ملي پوليس شهيدان او درې  تنه نور ټپيان شول .

کابل\باختر\ د اسد٢١
درې تنه وسله وال طالبان د امنيتې ځواکونو دچاڼيزو عملياتو په بهير کې  ووژل شول
دکورنيو چارو وزارت مطبوعاتي دفتر باخترآژانس ته خبر ورکړ :
دافغان امنيتې ځواکونو اود نړيوالو قوتونو د هغوګډو چاڼيزو عملياتو له ا مله چې په تيرو ٢٤ ساعتو کې ترسره شول درې تنه وسله وال طالبان ووژل شول  .
په دغو عملياتو کې چې د ننګر هار اوپکتيکا د ولايتونو په مربو طاتو کې ترسره شول  ، يو بل وسله وال طالب نيول شوى دى .
په دغو عملياتو کې يوه ا ندازه جنګي وسايل هم دپوليسو لاسته ورغلي دي .
دغه راز دملي پوليسو ځواکونو د ارزګان ولايت په مربو طاتو کې دوسايطو ضد يوماين کشف اوشنډ کړ .
دغه ماين نوي دوسله والو طالبانو له خوا دورانکارو او ترورستي عملونو د ترسره کولو په مقصد ښخ کړاي شوي وو
ديو بل خبر له مخې  ، د کابل ولايت د امنيې قوماندانۍ دپوليسو منسو بينو پرون يوتن د وژنې په اړوند دکابل ښار دڅلورمې امنيتې حو زې په مربوطاتو کې  ونيوه او له ده څخه تحقيقات پيل شوي دي .

کابل\باختر\ د اسد٢١
د پروان ولايت په سياه ګرد ولسوالۍ کې تيره شپه دسيلاو د راوتلو له ا مله يوتن ووژل شو اومالي تاوانو نه  واوښتل .
دسياه ګرد ولسوال محمد سعيد صديقى باخترا ژانس ته وويل :  پرون او تيره شپه په دغې ولسوالۍ کې سخت اورښتونه په شپاړلسو درو کې د سيلاونو دراوتلو سبب شول چى له ا مله يې يو تن  ووژل شو، د استوګنې ٦٦ کورونه ، څه د پاسه ٢٥٠ جريبه کرنيزه ځمکه او پنځه زره ميوه لرونکي او بې ميووې نيالګي ويجاړ او اويا څاروي له منځه تللي دي
صديقى زياته کړه چې ددغې ولسوالۍ په بيلا بيلو ساحو کې شل کيلو متره سړک ويجاړ اودولسوالۍ مرکز ته دخلکو دتګ راتګ لاره تړل شوې ده .
ده له مقاماتو څخه وغوښتل چى د دغې پيښې له مصيبت ځپلو کسانو سر ه دې بيړنۍ مرستې وشي  .
دپروان والى عبدالبصير سالنګي د دغه ولايت له پيښو سره دمبارزې د تياري دادارې مسوولينو ته لارښوونه  وکړه چې د زيانمنو شويو کسانو دڅيړنې اوله هغوى  سره د بيړنيو مرستو په خا طر سيمې  ته يو هيئت واستول شي

کابل\باختر\ د اسد٢١
دکورنيو چارو وزارت دپوليسو يوشمير منسوبين اوقطعات چې د دندو په ترسره کولو کې يې وړتيا ښودلې وه  ، وستايل شول .
دباخترآژانس دخبر له مخي :
د کورنيو چارو  دوزارت د عامه نظم د اوو ګونو  لواګانو منسو بين ، دشپږ ګونو زونونو ، دکوماندو د٣٣٣ ،٤٤٤ اود٢٢٢ قطعاتو او دبغلان ،پکتيکا ،ارزګان ، لغمان ،غزني ،زابل او د فارياب د ولايتونو امنيه قومانداني چې ددندو په ترسره کولو کې يې وړتيا ښودلې وه ،  د زمري د مياشتې داته ويشتمې دهيواد دخپلواکۍ د بيرته ترلاسه کولو دڅلورنوي يمې کاليزي په  وياړ او د جمهوري رياست له حکم سره سم  د بريال دپنځو لومړي درجه  مډالونو اود ميړاني دشلو مډالونو په  ورکولو سره وستايل  شول  .

کابل باختردزمري دمياشتې ٢١
د ترکيې دبيارغاونې ولايتې ټيم پرون له ميدان وردګو څخه ووت.
له ميدان ښارڅخه دباختر آژانس دخبريال دخبرله مخې :
په هغې غونډه کې چې له همدې امله دترکيې د بيارغاونې دولايتي ټيم په مقر کې جوړه شوې وه ، د ميدان وردګو والي ، دپوهنې وزارت داسلامي تعليماتو معين ، په کابل کې دترکيې سفير او د دغه ولايت د ولايتي شورا مرستيال او د سيمه ييزو ادارو مسولينو ګډون کړى  وو ، د ميدان وردګو والي عبدالمجيد خوږياڼي په خبرو کې وويل :  دترکيې دبيارغاونې ټيم له ٢٠٠٦ م کال څخه تر ٢٠١٣ م کال پورې په ميدان وردګو کې په ټولنيزو اقتصادي ، وګړنې ، پوهنې او فرهنګ په برخو کې غوره خدمتونه تر سره کړي  دي او زه د ميدان وردګو ولايت د خلکو او د دولتي ادارو دمسوولينو په استازيتوب د ترکيې دبيارغاونې له ولايتي ټيم او د  ورور هيواد ترکيې له  دوستو خکو څخه مننه کوم.
دغه راز دترکيې سفير په خبرو کې وويل :  د ترکيې دبيارغاونې ټيم دميدان وردګو ولايت له خکو څخه  نه هيريدونکې خاطرې لري او  زه يوځل بيا ستاسو له خلکو څخه مننه کوم ترهغه وخته پورې چې دلته وو. آن  د دولت مخالفينو هم  په موږ بريد  ونه  کړ او زه دافغانستان او ترکيې د دوستي په باور دبيارغاونې د ټيم مرکز او ودانۍ له ټولو ضروري ملحقاتو سره چې په پرمختللو معيارونو جوړ شوى دى  دميدان وردګو ولايت دپوهنې رياست ته ورکوم .
وروسته دپوهنې وزارت داسلامي تعليماتو معين شفيق صميم په خپلو خبرو کې دپوهنې په برخه کې دترکيې دمرستو له امله قدرداني وکړه او ويې ويل چې دپوهنې وزارت به دترکيې دبيارغاونې دټيم له خوا له ورکړ شويو تاسيساتو څخه دافغان – ترک دښوونځي  لپاره استفاده وکړى .