13 July 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل – باختر د وږې دمياشتې ٢٠
درې تنه وسله وال طالبان تيره شپه په جوزجان ولايت کې له پوليسو سره د نښتې په بهير کې ووژل شول  .
دجوزجان ولايت امنيه قوماندان سمونوال فقيرمحمد جوزجاني باختر آژانس ته وويل  : يوې ډلې وسله والو طالبانو دقوش تيپې  ولسوالۍ  په مربوطاتو کې دپوليسو په پوستو بريد وکړ چې دپوليسو له مقاومت سره مخامخ شول او دنښتې په بهير کې درې تنه وسله وال طالبان ووژل شول او درې تنه نوريي ټپيان شول . دقوش تيپې ولسوال امين الله باختر آژانس ته وويل :  يوټپي طالب دپوليسو له خوا نيول شوى او دشبرغان ښار  ولايتي روغتون ته  ليږدول شوى دى  او روغتيايي حالت يې خراب بلل شوى دى  .

کابل – باختر د وږې دمياشتې ٢٠
د قندهار ولايت په ميوند ولسوالۍ کې په واټ کې ديو ښخ کړاى شوى ماين دچاودنې له امله يو شپون شهيد شو.
دقندهار دوالي ويندوي جاويد فيصل باختر آژانس ته وويل : 
دغه شپون کله چې غوښتل خپل پسونه  دپيولو لپاره د ميوند ولسوالۍ دعشق آبادساحې  ته يوسي ،  په  ښخ کړاى شوي ماين وخوت او سخت ټپي شو چې وروسته  يې په ورغتون کې ساه ورکړه.

کابل – باختر د وږې دمياشتې ٢٠
په جوزجان  ولايت کې نن دملاستار په مشرۍ ډله  يوه ، يوولس کسيزه وسله وال مخالفين دسولې له بهير سره يوځاى شول .
دجوزجان ولايت امنيه قوماندان سمونوال فقير محمد جوزجاني باختر آژانس ته وويل :  دغه کسان چې مخکې دجوزجان ولايت دفيض آباد ولسوالۍ په مربوطاتو کې د دولت پرخلاف وو،  اوس له دولت سره يوځاى شول .
دجوزجانې دڅرګندونو له مخې :  دغو کسانو خپلې وسلې  هم دولت ته وسپارلې.
ملاستار له دولت څخه وغوښتل چې  په دغې ولسوالۍ کې دپوهنې او د روغتيايي خدمتونو شاملې پروژې  عملي کړې .
د يادونې وړ ده چې  دروان کال له پيل څخه تر اوسه  پورې څه  د پاسه درې  سوه پنځوس وسله وال مخالفين له دولت سره يوځاى شول  او څه دپاسه دوه سوه تنه دسيمه ييزو پوليسو په ليکو جذب شوي دي.

کابل – باختر د وږې دمياشتې ٢٠
دهلمند ولايت دپوليسو تعليمي مرکز ديوولسو مليونو ډالرو په لګښت جوړ شو.
په لښکرګاه کې دپوليسو د روزنيز مرکز  د ودانۍ د کار په بشپړيدو سره د دغه مرکز مسووليت پرون افغانانوته  وسپارل شو .
دباختر آژانس دخبرله مخې :  دهلمند دپوليسو د روزنې نوي مرکز په  څوارلسو بلاکونو دبريتانوي ځواکونو له خوا ديوولسو مليونو ډالرو او په لښګت جوړ شوى دي.
دغه مرکز د هلمند دبيا رغاونې دټيم له خوا سيمه ييزو مقاماتو او دکورنيو چارو وزارت دښوونې او روزنې  لوى قوماندان معشوق احمد سيلاب ته وسپارل شو .
دهلمند د پى آر ټي  رييس په خپلو خبرو کې وويل ،  چې د دغه مرکز  چارې پخوا دايساف په چوکات کې دبريتانوي ځواکونو له خوا پرمخ   بيول کيږي .
دکورنيو چارو وزرات د ښوونې او روزنې قوماندان  دانګلستان دمرستو له امله مننه وکړه  او ويې ويل ،  بريتانيا نه يوازې دپوليسو د روز نيز مرکز د ودانۍ دجوړولو په برخه کې مرسته کړې ده بلکې يو زيات شميرملي پوليس دبريتانوي افسرانو له خوا روزل شوى دي.
دهلمند والى محمد نعيم له پوليسو  وغوښتل چې له خپلو زده کړو څخه ښه استفاده وکړې او  دامنيت په تامينولو کې فعاله ونډه واخلي .
ددغه مرکز قوماندان سمونمل عبدالمجيد ظفر خيل وويل دغه  مرکز په ٢٠٠٦
کال کې په فعاليت پيل کړى دى او تراوسه پورې  څه  دپاسه اووه زره تنه پوليسان د
افسري ، ساتنې او په  نورو څانګو کې روزل شوي دي .

کابل – باختر د وږې دمياشتې ٢٠
دتازه ميوو نندارتون نن  په بابربڼ  کې پرانستل شو .
مسووينو ددغه نندارتون دپرانستلو هدف د هيواد دبڼوالو د تازه ميوو او محصولاتو معرفي کول  وبلل.
دباختر آژانس دخبرله مخې :   په هغو مراسمو کې چې له همدې امله پرځاى شوى و ، د وچو  او تازه  ميوو دصادرونکې داتحاديې رييس حاجي محمدحسن دخبرو په ترڅ کې وويل  :  په روان کال کې د تيرکال په پرتله په صادراتو کې په سلو کې اويا زياتوالى راغلى دى  او دصادرونکو مهمې ستونزې دسړوخونو او ځمکې نشتوالي او دکورنيو او بهرنيو مارکيټونو نشتوالى دې .
په  دې غونده کې دغه راز دسوداګري او صنايعو وزارت معين مزمل شينواري
وويل  دغه وزارت له موجودو امکاناتو څخه په استفادې سره صادرونکو ته لازمې اسانتياوې برابر وي .
په دې غونډه کې د صادراتو دپرمختيا د ادارې  رييسې نجلا حبيب يار او دسوداګرې د خونو تجارتي مرستيال محمديونس مهمند هم خبرې وکړې.

کابل باختر دوږې دمياشتې ٢٠ :
د هېواد په بېلابېلو ولایتونوکې د میشتو ګجرو مشرانو اومخورو دافغانستان له جمهور رئیس حامدکرزي سره په کتنه کې خپلې ستونزې او غوښتنې مطرح کړې.
دجمهوري رياست مطبوعاتي دفتر باخترآژانس ته خبرورکړ :
په هغه کې کتنه کې چې نن غرمه په ارګ کې ترسره شوه،  قاري شمس الحق حقیار
او حاجي محمد ایوب د نورو په استازیتوب خبرې وکړې.
دوی په دې کتنه کې  بهرنیو هېوادونو ته د لوړوزده کړو لپاره د ګجر قوم د ځوانانو د لېږلو، د هېواد په ختیځ اوشمال ختیځ کې د لیلیه لرونکو دوو لیسو، په ګجر میشتو سیموکې د ګرځنده روغتیایي کلینیکونو د جوړیدو، د انکشافي پروژو د رامنځته کېدو او په دولتي اداروکې د ګجر قوم د کادرونو د ځای پرځای کېدو غوښتنه وکړه.
حامدکرزي د هېواد په بېلابېلو ولایتونوکې د میشتو ګجرو د ستونزو او غوښتنو له اوریدو وروسته هغوی ته ډاډ ورکړ چې د دوی د استازو په حضورکې به د کابینې په راتلونکې غونډه کې د دوی ستونزې او غوښتنې په هر اړخیز ډول وڅیړل شي او د حل لپاره به یې لازمې کړنې ترسره شي.
د هېواد جمهوررئیس د ګجر قوم مشرانو او مخورو ته په خطاب کې وویل: تاسو هم لکه د افغانستان د نورو خلکو په څېر د افغانستان په نظام کې د مشارکت حق لریء.
همدا راز حامدکرزي د ګجر قوم مشرانو ته وویل: که غواړی چې نیکمرغه راتلونکې ولری او پخپله خاوره کې د افغانستان له نورو خلکو سره سم  په واک کې شریک و اوسیء نو په خپلو ځوانانو لوړې زده کړې وکړی.
د هېواد جمهوررئیس په همدې توګه د ګجر قوم دې ته وهڅولو چې په انتخاباتوکې د ګډون کولو کارتونه واخلي او د خپلې خوښې وړ شخص ته رایه ورکړي.

کابل – باختر د وږې دمياشتې ٢٠
په  لوګر ولايت کې دملي اردو دځواکونو او طالبانو ترمنځ د نښتې په بهير کې پرون دملي اردو يو سرتيرې شهيد شو .
د ٢٠٣ تندر قول اردو دڅلور مې لوا قوماندان فدرا محمد ياور باختر آژانس ته وويل :  دملي اردو ځواکونه  د لوګر ولايت دپادخواب شانه سيمه کې په  چاڼيزو عملياتو بوخت وو چې دطالبانو له خوا پرې بريد وشو.
ياور  وويل : د دغې نښتې په بهير کې چې نيم  ساعت يې دوام وکړ د ملي اردو يو سرتيرې شهيد شو.
خبرځاى زياته کړه  :  په دې نښته کې طالبانوته  هم د سر زيان اوښتى دى چې  پوره شمير يې نه دى  ترلاسه شوى .

کابل – باختر د وږې دمياشتې ٢٠
د غور ولايت په لويديځ کې نن سيمه ييزو مسوولينو دوسله والو طالبانو له شتون څخه ددغه ولايت د پساوند ولسوالۍ دلسګونو سيمو دپاکولو خبر ورکړ.
دغه سيمې تيره شپه دپوځي عملياتو په بهير کې د وسله والو طالبانو دپتڼځايونو له شتون څخه پاکې شوي دي  ،  او  اوس  هلته  افغان امنيتي ځواکونه  دامنيت دتامينولو لپاره ځاي  پرځاي شوى دي .
د دغو عملياتو په بهير کې په غور ولايت کې د وسله والو طالبانو دويم سړى مولوي نور له پنځو تنو افرادو سره يې وژل شوي دي .
دغورولايت دپوليسو دقوماندانۍ يومسوول نورعلي عقيلي باختر آژانس ته وويل : چې په  دغو عملياتو کې نهه سيمې چې  د مولوي تور افراد پکې ميشت و پاکې شوي دي .
دعقيلي دڅرګندونو له مخ:  په دغو عملياتو کې د اردو ،  دپوليسو سرتيرو او ملکي کسانو ته زيان نه دى اوښتى  .
مولوي تور په دغور ولايت کې دطالبانو د دويم   نفر  په توګه  ياديږي.
دغه قوماندان چې دهلمند ولايت اوسيدونکى دى په غور ولايت کې د زياتو ترورستي بريدونو مسوول  بلل کيږي.

کابل – باختر د وږې دمياشتې ٢٠
په هرات ولايت کې د فوټبال د دويم لاس دغوره ليک سياليو په  دوام نن سهار دنوايي ټيم  د آرش   پر ټيمونو بريالى شو.
دهرات ولايت دورزشي آمريت مرستيال ضيا الحق ضيا پاختر آژانس ته وويل :
په  دغو سيالۍ کې دنوايي ټيم  ديوې په مقابل کې په دريو سره   د  آرش پرټيم  بريالى شو.
دغه سيالۍ د دولسو ټيمونو ترمنځ په دغه ولايت کې پيل شوى دي .
ديوبل خبرله مخې :  په هرات ولايت کې دفوټبال دلومړۍ لاس دغور ليګ سياليو پرون مازيګر په يوې لوبې سره  دوام وموند .
دهرات ولايت د ورزشي آمريت مرستيال ضياالحق ضيا باختر آژانس ته وويل: 
په دې سيالۍ کې دپامير ټيم دصفر په مقابل کې په يوې سره دهيواد پرټيم بريالۍ شو دغه سيالۍ دلسو ټيمونو ترمنځ په دغه ولايت کې پيل شوي دي چې ټاکل شوې ده  په دوام يې سبا د آرياى غوريان او د اميد ټيمونه هم  لوبه وکړي.

کابل – باختر د وږې دمياشتې ٢٠
وسله والو طالبانو نن سهار په نورستان ولايت کې  دوه تنه افغان پوځيان شهيدان کړل.
په روح الدين اومحمداسحاق چې خپلوان  و نن بهار ددغه ولايت دبرګ متال په ولسوالۍ کې دوسله والو طالبانو له خوا بريد وشو او شهيدان شول .
دنورستان ولايت دملي امنيت رييس ددغو پوځيانو ترور تاييد کړ او ويې ويل چې هغوي دلوې لارې دپوليسو او سيمه ييزو پوليسو لپاره کارکاوه.
ددغه سيمه ييز مقام دڅرګندونو له مخې :  طالبانو ددغو پوځيانو په کورنو په بريد سره هغوي شهيدان کړل .
دنورستان سيمه ييز مسوولين وايي  ديرغلګرو دپيژندلو او نيولو لپاره هڅې پيل شوى دي .
څو ورځې مخکې په نورستان ولايت کې دپوليسو يو سرتيرى چې غوښتل يې دکونړ ولايت اوله هغه ځايه دجلال آباد ښارته  لاړشي د لارې په اوږ دوکې دطالبآنو له خوا شهيدکړاى شو.
دافغانستان په ختيځ کې د نورستان ولايت له پاکستان سره د  درې سوه شلو کيلو مترو په اوږ دوالي دګډې پولې په لرلو سره تل دطالبانو او دپاکستاني جګړه مارانو په ګډون د ترورستي ډلو دشتون او فعاليت ډګر و .
ددغه ولايت مواصلاتي لاره د ترورستي ډلو له خوا دخلکو پرمخ تړل شوې ده .