12 December 2019

RSS Facebook

سوداگریز


تازه خبرونه

  دعامې روغتيا وزارت دټوليز روغتيايي پوښښ نړيواله ورځ ونمانځله

دعامې روغتيا وزارت دټوليز روغتيايي پوښښ نړيواله ورځ ونمانځله

کابل /دليندې ٢١مه / باختر : دعامې روغتيا وزارت...

په بدخشان کې  په هوايي عملياتو کې  ١٢  طالبان ووژل شول .

په بدخشان کې په هوايي عملياتو کې ١٢ طالبان ووژل شول .

کابل /دليندې ٢١مه / باختر : دوسله والو طالبانو...

Youtube Player

khantry design

سوداگریز

سوداگریز

 

کابل\  باختردکب دمياشتې   ١١ :

افغان اوايتلافي ځواکونو نن دځانګړو عملياتو په بهيرکې په هلمند ولايت کې ترسره شول څلور تنه وسله وال  مخالفين ونيول .

ايساف  باختراژانس ته ديوې  خبرپاڼې په ليږلو سره ليکلي دي  دغه عمليات دهلمند ولايت په مربوطاتو کې ترسره شول چې په بهيرکې  يې دطالبانو يو قوماندان له خپلو دريو تنو همکارانو سره ونيول شو.

 

کابل\  باختردکب دمياشتې  ١١ :

په بغلان ولايت کې  ديوې ترافيکې پيښې له امله يوتن ووژل شو او دوه تنه نور ټپيان شول .

دغه پيښه نن سهار  دپلخمري ښار په مربوطاتو کې هغه وخت رامنځته شوه چې  ددريو تنو دسپرلۍ موټر په ګړنديتوب سره دبريښنا له يوې ستنې سره ټکروکړ

دبغلان ولايت دترافيکو مسوول عبدالرزاق باختراژانس ته وويل  چې په دې پيښه کې موټر چلوونکې  ووژل شو او دوه تنه  نور ټپيان شول.

ويل کېږي چې دموټر چلوونکې دپلخمري ښاروالۍ يو مسوول و.

په همدي  حال کې دبغلان ولايت دعامې روغتيا يو مسوول ډاکتر شاه محمد هوفياني  ددغې ترافيکې پيښې دټپيانو روغتيايي حالت ښه بللي دي .

 

کابل\  باختردکب دمياشتې  ١١ :

دفراه ولايت امنيه قوماندان په دغه ولايت کې دطالبانو دډلې دافرادو ترڅنګ دپاکستاني طالبانو دشتون له امله انديښنه څرگنده کړې ده .

دفراه ولايت  امنيه قوماندان جنرال  کېنتوز رسنيو ته ويلي دي   چې په فراه ولايت کې دافغاني طالبانو ترڅنګ يو شمير پاکستاني طالبان شتون لري او افغان طالبانو ته دماين دجوړولو  ، دماين دايښودلو   اوپه نظر وړ وسايلو کې  د چاديدونکو توکو دځاى پرځاى کولو په برخه کې مرسته کوي.

 دکېنتوز دڅرگندونوله مخې   دغه شان پاکستاني کسان دافغان طالبانو ترڅنګ دانجينر په نامه شهرت لري او دغه راز دغه پاکستانيان  په فراه کې  دطالبانو په روزنه کې هم رول لري .

دفراه امنيه قوماندان ددريو مړو موندلو ته اشاره کوي   چې ددغه ولايت په لاش جوين ولسوالۍ کې  دامنيتي ځواکونو دتصفيوي عملياتو په بهيرکې ترلاسه شوي دي .

 ويل کېږي چې دغه درې تنه پاکستاني اتباعو  چې له افغان  ځواکونوسره دنښتې په بهيرکې  وژل شوي دي .

دفراه امنيه قوماندان په دغه ولايت کې دافغان طالبانو ترڅنګ دپاکستاني افرادو دشتون خبره کوي  چې پخوا په نورستان ولايت کې سيمه ييزو مقاماتو  په دغه ولايت کې  دپاکستاني طالبانو په ګډون دلسګونو بهرنيو اتباعو دشتون له امله  انديښنه څرگنده کړې ده چې دافغان طالبانو ترڅنګ  دافغان امنيتي ځواکونو پرخلاف د جګړې په حال کې دي .

 

کابل\  باختردکب  دمياشتې  ١١ :

دبشردحقوقو دکميسيون يو تن چارواکې وايي  چې په ميدان وردګو کې  دبهرنيو ځواکونو دسرغړونو په باب تحقيق کوي.

 دباختراژانس دخبرله مخې :  دبشردحقوقو دکميسيون  داجرائيوي رييس موسي محمدي څرگندوي په داسې حال  کې کېږي چې دافغانستان حکومت له هغه وروسته چې  دامريکايي ځانګړو ځواکونوله خوا دميدان وردګو ولايت  داوسيدونکو دځورونې   او شکنجې  په باب معلومات ترلاسه کړل له دغه ولايت  څخه يې ددغو ځواکونو دوتلو لارښوونه صادره کړه.

سره له دې چې دبشر دحقوقو يوشمير فعالين  او له هيواد څخه بهر دبشرد حقوقو مدافع سازمانونه وايي چې ددغه ادعا په باب  تحقيق کوي.

دبشردحقوقو دکميسيون  اجرائيوي رييس محمدموسي محمدي  هم تائيدوي  چې دسيمې له خلکوسره يې ددغو ځواکونو دناوړه چلند په باب معلومات ترلاسه کړي دي .

 محمدي رسنيو ته ويلي دي  چې په تيرو دوو مياشتو کې  دامريکايي ځواکونو اودهغوى له پلوي مليشو څخه شکايتونه ترلاسه کړي دي  چې بايد  ورباندې تحقيق وشي .

په همدي حال کې  دبشردحقوقو  دکتونکې سازمان يو افغان څيړونکې وايي چې دځانګړو ځواکونوله خوا دبشردحقوقو دنقضولو په باب ادعاګانې شته خوله بده مرغه بهرني ځواکونه ددغوځواکونو دفعاليتونوپه باب معلومات نه ورکوي .

 دغه افغان څيړونکې په دې باور دى  چې  ځانګړي ځواکونه اودهغوى افغان پلويان دامريکايي  ځواکونو ترفرمان لاندې نه دي .

 

کابل\  باختردکب دمياشتې  ١١ :

دسالنګ لويه لاره  له تيرې شپې څخه  دترافيکو پرمخ خلاصه شوه .

 دغه لويه لاره چې دهيواد مرکز دهيواد له شمالي ولايتونو سره نښلوي  دسختو اورښتونوله امله ددوو ورځو لپاره دترافيکو پرمخ تړلې وه.

دسالنګونو دساتنې او څارنې امر  جنرال ر جب باختراژانس ته وويل سره له دې چې  په سالنګونو کې  دواورې دپاکولو عمليات دوام لري  خو دخلکو دستونزو دلري کولو په خاطر دغه لويه لاره  دترافيکو پرمخ پرانستل شوه  او اوس  مسافر وړونکې وسايط هغه هم  دنوبت له مخې تګ راتګ کولاي شي اوښايې سبا به بار وړونکو وسايطو ته هم دتګ راتګ اجازه ورکړ شي .

 

کابل\  باختردکب دمياشتې  ١١ :

د١٣٩١ کال  دکانکور دازموينې نتيجې  پرون دلوړو زده کړو دوزارت له خوا ديو مطبوعاتي کنفرانس په بهيرکې اعلام شوي.

ديوسلو نهه پنځوسو زرو او دولسو تنو له جملې څخه  چې دلوړو  او نيمه لوړو

زده کړو موسسو د ١٣٩١کال  دکانکور په ازموينو کې يې ګډون کړي وو نهه

ديرش زره تنه به يې په دغو موسسو کې جذب شي .

دباختراژانس دخبرله مخې دلوړو زده کړو وزير  ډاکتر عبيدالله عبيد چې پرون يې په کابل کې په يو خبري کنفرانس کې خبري کولي څرگنده کړه ديوسلو پنځوسو زرو او دولسو تنو له جملې  څخه چې په کانکور ازموينه کې يې نومونه ليکلي و  يوسلواووه څلويښت زره تنه يې په ازموينه کې  ګډون وکړ چې له دې جملې څخه اته ديرش زره  اونوى تنه يې  دمعياري نمرو په ترلاسه کولو سره د هيواد په مرکز او ولايتونو کې دلوړو زده کړو په موسسو کې جذبيږي او يو زرو  يوسلو شپيته تنه نوربه يې  دديني علومو په برخه کې  جذب شي  اوهغو کسانو  چې معياري نمري يې نه دى ترلاسه کړي  دپوهنې دوزارت له خوا داسلامي تعليماتو،دښوونکو دروزنې اودتخنيکې تعليماتو په موسسو کې به جذب شي.

ډاکترعبيدزياته کړه دغه راز په پام کې دي چې دکانکور دبرخه والو له جملې څخه يو زرو شپږسوه تنه يې بورسونو ته معرفي شي او دغه راز دلوړو زده کړو وزارت په پام کې لري  چې اته زره تنه دهيواد پوهنتونونو دشپې په برخه کې  جذب کړي .

د ډاکترعبيد دڅرگندونوله مخې  هغه کسان چې په  ١٣٩٢  کال کې په هيواد کې  دلوړو زده کړ او نيمه لوړو زده کړو په موسسو کې جذبيږي يوسلو لسو زرو تنوته به ورسيږي .

ډاکتر عبيد ټينګارکوي چې دکانکور دازموينې  بهير  له پيل څخه دنتيجو تراعلام پوري شفافو او ټولي څيړنې يې دپرمختللي کمپيوتري سيستم په واسطه ترسره شوي دي.

 

کابل\  باخترد کب  دمياشتې  ١١ :

دپوهنې وزارت په پام کې لري  چې په راتلوونکې هجري لمريز کال کې  څه ناڅه يوولس زره تنه  دنويو ښوونکو په توګه  دهيواد په ښوونځيو کې جذب کړي.

 دغه ښوونکې به  درقابتي ازموينې له تيرولو وروسته  چې دپوهنې دوزارت   اوداداري اصلاحاتو اوملکې خدمتونو دخپلواک  کميسيون له  خوا څارل کېږي جذب شي .

ددغه بهير دلومړۍ دورې برخه والو پرون  په کابل کې ازموينه ورکړه  .

دپوهنې وزير فاروق وردګ وايي  چې دغه بهير دهيواد په اتلسو ولايتونو کې 

دشلو زرو تنو په ګډون پيل شوي دي   چې  پنځه ورځې  دوام کوي اويوازي په کابل کې  څلور زرو تنو په دغو ازموينو کې  ګډون کړي دي .

دپوهنې وزير ټينګار کوي  چې  ددغو ازموينو د برخه  والو له جملې  څخه به  هغه کسان  چې لومړۍ نمرې ترلاسه کړي   جذب شي .

ده  دازموينو داخيستلو بهير يو شفاف بهير وباله  .

پخوا ويل شوي و  چې په هيواد کې  په  تيره بيا په لرو پرتو سيمو کې دښوونکو دکمښت دستونزو دلري کولو لپاره  څلويښتو زرو تنو نويو ښوونکو ته اړتياشته.

 

کابل\  باختردکب  دمياشتې  ١١ :  

دافغانستان دکورنيو چارو وزارت   دتروريستي ډلو په لست کې دملانذير دډلې دشامليدو هرکلي وکړ.

 دباختر اژانس دخبرله مخې :

 دامريکا دمتحده ايالاتو دبهرنيو چارو وزارت  دملانذير ډله   چې په  جنوبي وزيرستان کې فعاليت کوي  دتروريستي  شبکو په تور لست کې شامله کړه.

داپه داسې حال کې ده  ملانذير  چې دپاکستاني طالبانو  ديوې ډلې مشري کوله  دنوى عيسوي کال  په لومړيو ورځو کې  دبې پيلوټه امريکايي الوتکې په بريد کې  ووژل شو.

په ده باندې  له مړينې دوه مياشتې مخکې ځانمرګي بريدشوي و او ټپي شوي و.

سياسي کارپوهان  په دې باور دي چې ملانذير  دپاکستان دپوځي استخباراتوله سازمان آي اس  آي سره نږدي اړيکې درلودي اوپه افغانستان کې يې  دطالبانو په جګړې ټينګارکاوه. په داسې حال کې چې په پاکستان کې يې جګړه مردوده بلله او  په خپله دپاکستان له پوځ سره  داوربند يوه موافقه  لاسليک کړې  وه او دعمر ترپايه پوري   پرې ولاړ و.

په افغانستان کې دطالبانو دجګړې پردوام دملانذير  ټينګار اودپاکستان په پوځ  دهغه نه بريد  په پاکستان کې  دطالبانو  دډلې  دبيلتون سبب شو. ځکه  دحکېم الله محسود په ګډون دپاکستاني طالبانو يوشمير مشرانو دپاکستان  دپوځ پرخلاف  هم  په جګړې ټينګار کاوه  ځګه دپاکستان دولت  هم  دامريکا له خواملاتړ او تغذيه کېږي  . دطالبانو دډلې  ددغو دوو څانګو دنظر توپير دهاوي ترمنځ دجګړو سبب شو  آن  دوزيرو   او محسودو قومونه   له وزيرستان څخه دملاحکېم الله محسود افرادو په ايستلو او دملانذير  په پلوي پريکړه وکړه او هغه يې تطبيق کړ.

ملانذير چې ډله يې  اوس دملنګ وزيري له خوا  رهبري کېږي  دهغو طالبانو لپاره   چې په افغانستان کې  جنګيدل  دپوځي  روزنې څو مرکزونه  جوړکړي و او په افغانستان  دزياتو  ځانمرګوبريدونو ، ماين ايښودنو اودډله ييزو بريدونو طراح و  چې له امله يې  يوشمير افغانان  اوبهرني ځواکونه ووژل شول.

ملانذير  دغه راز دسراج الدين حقاني له شبکې  سره نږدي اړيکې درلودي چې دغه شبکه هم  څه  موده دامريکا له خوا دتروريستي شبکو په تورلست کې  شامله شوه. دامريکا دبهرنيو چارو وزارت داعلاميې  له  مخې   له دې  وروسته   هيڅ امريکايي مرکز ، موسسه  او اتباع  دملانذير له شبکې سره  دراکړې ورکړې حق نه لري  اوپه امريکا کې  ددغې ډلې ټولي شتمني تړل کېږي .

دکورنيو چارو وزارت   دملګروملتو دسازمان په تور لست کې   دتروريستي ډلې دشامليدو هرکلي  وکړ.

دکورنيو چارو وزارت ويندوى صديق صديقي په يوه مرکه کې وويل  چې په تور لست کې  ددغې تروريستي شبکې دشامليدو هرکلي کوو  او ددغې شبکې شامليدل په افغانستان کې  دهغه فعاليتونه محدودوي او زموږ دهيواد دامنيت په تامينولو کې مثبته اغيزه لري .

 

کابل\  باختردکب  دمياشتې  ١١ :

دملي امنيت دلوى رياست موظفينو  دپکتياولايت  دګرديز ښار په شاوخواسيمو اودلجه منګل او احمداباد دولسواليو  دولسواليو په مربوطاتو کې دجلاجلا عملياتو په بهيرکې  يوه اندازه وسلې او مهمات ترلاسه کړل.

دملي امنيت دلوى رياست مطبوعاتي دفتر باختراژانس ته خبرورکړ

په ترلاسه شويو وسلو اومهماتو کې  ډول ډول سپکې اودرندې وسلې  ، ډول ډول مهمات دوسايطو ضد پنځلس ماينونه اويو کرولاموټر شته  چې  دسولې اوثبات ددښمنانوله خوا دتروريستي او ورانکارو فعاليتونو دترسره کولو په مقصد  په دغو ولسواليو په مربوطاتو کې  پټ کړاى شوي و.

ددغو وسلو اومهماتو په کشفولو سره  په پکتياولايت کې  دڅو  زړه بوږنوونکو تروريستي او ورانکارو پيښو مخه ونيول شوه.

دموضوع په اړوند دوه  تنه نيول شوي دي.

 

- کابل\  باختردکب  دمياشتې  ١١ :

په داسې حال کې چې له افغانستان څخه ملاتړ کوونکې هيوادونه ددغه هيواد دهوايي  ځواکونو دسمبالولو له امله  د افغان مقاماتو له سختو انتقادونوسره  مخامخ دي  په دې وروستيو وختو کې يو برازيلي شرکت اعلام کړى دى  چې دافغانستان پوځ ته شل جنګي الوتکې برابروي.

باختراژانس دنړيوالو خبري منابعو له خولې خبرورکړ دايميرآير برازيلي شرکت اعلام کړى دى چې له امريکايي مقاماتوسره يې  دسوپرتاکانو شلو کوچنيو جنګي الوتکو دپلورنې تړون يې لاسليک کړى دى .

دغه الوتکې چې  په کشفي  او بمبارد عملياتو کې به ورڅخه استفاده وشي  کولاي شي تريوې اندازي پوري دافغانستان دپوځ اړتياوي لري کړي.

ددغو الوتکو بيه څلور سوه اووه ويشتو مليونو ډالرو ته  رسيږي چې دامريکا له خوا ورکول کېږي .

 پخوا  دامريکا دولت  له ايټالوي شرکت سره دافغانستان دپوځ لپاره  دڅه ناڅه شلو ترانسپورتي الوتکو دپيرودنې تړون  لاسليک کړي و. چې دغه تړون څو مياشتې مخکې په سپارلو کې دځنډ  اوپه الوتکو کې دفني او تخنيکې  دستونزو  په دليل دامريکا ددفاع دوزارت له خوا فسخه شو.

دغه راز دافغانستان ددفاع وزارت مقاماتو ويلي دي  چې افغانستان ته   دڅوسپارل شويو الوتکو له  جملې څخه يوه  يې داستفادي وړ ده.

 سره له دې چې  دايمير اير برازيلي شرکت  دافغانستان پوځ ته  دنويو الوتکو دپلورنې خبره کوي  خوڅرگنده کړي يې نه ده چې دغه الوتکې څه وخت افغاني لورې ته سپارل  کېږي .

دافغانستان دولت ټينګار کوي چې  له  ٢٠١٤ کال څخه مخکې  چې له افغانستان څخه بهرني ځواکونه وځي دافغانستان هوايي ځواکونه سمبال شي.