23 January 2020

RSS Facebook

سوداگریز


تازه خبرونه

دغور ځوانانودحکومت دژمنې  دعملي کېدو غوښتنه وکړه .

دغور ځوانانودحکومت دژمنې دعملي کېدو غوښتنه وکړه .

کابل // دسلواغي ٣مه / باختر : دغور ځوانانو په...

دملي ټيم لوبغاړى آدم نجم  دپولند له ليک سره  يوځاى شو .

دملي ټيم لوبغاړى آدم نجم دپولند له ليک سره يوځاى شو .

کابل // دسلواغي ٣مه / باختر : دافغانستان دفوټبال دملي...

Youtube Player

khantry design

سوداگریز

سوداگریز

کابل\  باخترد وري  دمياشتې  ٣١ :
د رسانه يي شکايتونو او سرغړونو د کميسيون ابلا غيه !
د ملي راډيو ټلويزيون د موجه شکايت له مخې، د هيواد د ډله ييزو اطلاعاتو ټولو وسايلوته ابلاغيږي چى د ملي او خصوصي په ګډون د هرې رسنۍ توليدي آثار د هيواددکاپي رايټ د نافذ قانون مسلم او ملاتړ وړ حق لري چې د نورو رسنيو د مولدې رسنۍ له اجازې پرته د هغو د خپرولوحق نه لري.
د رسانه يي شکايتونو او سرغړونو د څيړنې کميسيون په دې وسيله د ملي راډيو ټلويزيون شکايت ليک د١٣٩٢ کال  د وري د مياشتې د٢٧ نيټې په غونډه کې يو ځل بيا وڅيړه او دې نتيجې ته ور سيد چې د هيواد د نافذ کاپي رايټ د قانون له شپږمې مادې سره سم دې ټولو رسنيو ته ابلاغ شي چې له دې وروسته دې ددغې رسنۍ دقانوني ملاتړ وړحق په توګه د ملي راډيو ټلويزيون توليداتوته ارزښت ور کړي او د ملي راډيو ټلويزيون له ليکلې اجازې پرته دې له خپرولو څخه په کلکه ډډه وکړي، ځکه د افغانستان ملي راډيو ټلويزيون د هيواد د سابقه لرونکى راډيو ټلويزيون په توګه په تيرو نږدې پنځوسوکلونوکې توليدي پروګرامونه لري چې دغه توليدات  له يوې خواملي امانت او له بله پلوه د ملي راډيو ټلويزيون توليدي حق دى چې بايد درناوى يې وشي؛ نه دا چې د نورو رسنيو له خوا لوټ شي.

Saturday, 20 April 2013 02:55

تبصره:

کابل\  باخترد  وري  دمياشتې  ٣١ :
د افغا نستان د اسلا مي جمهوريت جمهور رييس حامد کرزي په خپلې وروستۍ راډيويي وينا کې له مهم ټکي سره اړيکې ونيولې چې رعايتول يې کولاى شي د دې هيواد د او سيدونکو روغتيا، امنيت او په پاى کې ژوندتضمين کړي.
دباخترآژانس مبصرليکي: د افغانستان داسلامي جمهوريت جمهور رئيس حامد کرزي په خپلې وروستۍ راډيويي وينا کې په خپل سر د درملو کارول د خپلوخبرو محور وګرځاوه.
ده په ډاګه کړه چې د ډا کترانو له سلامشورې پرته، د درملوکارول زموږ او زموږ د ماشومانو روغتياته خطرونه متوجه کولاى شي. په خپل سر دغه شان درملنې د ډاکتر له سلا مشورې پرته د درملو کارول، ډير خطرناک کار دى، کيداى شي انسان په تېره بيا ماشومانو او اميد وارو ښځو ته زيات جانبي عوارض ولري. آن په ځينو مواردوکې خطر يې د ناروغانو ژوندګواښوي.
حامدکرزي په خپلې دغې وينا کې مشخصې لارښوونې لري. ده له هيوادوالو څخه وغوښتل چې دځان او خپلو بچيانو د سلامتيا د ساتنې په خا طر دې په خپل سر د در ملو له اخيستلو او کارولو څخه ډډه وکړي.
دغه راز د درملتونونوخاوندانو ته يې لار ښوونه وکړه چې له نسخې پرته درملو له اجراکولو څخه دې ډډه وکړي او دعامې روغتيا وزارت يې موظف کړچې په درملتونو نوکې له نسخې پرته درملو په نه پلورنې دڅارنې بهيرګړندي کړي .
په خپل سر د درملو په نه کارولو او درملتونونو له خوا له نسخې پرته درملو د نه اجراکولو په باب د حامدکرزي خبرې په داسې حال کې بيانيږي چې د افغانستان خلک زياتره په دوديزودرملنولاس پورې کوي او دغه ستونزه په لرې پرتوسيموپه هغو ځايونوکې چې د روغتيايي خدمتونو وړاندې کول؛ په ټيټه کچه کيدې او يا هيڅ نشته، زياته ليدل کيږي او زياتره ناروغان دهغو کسانو په سپارښتنه چې ځان طبيب بو لي، تداوي کيږي او يا دا چې کورنۍ په خپله د احتما لي ناروغيو د درملنې لپاره تيارى نيسي او يوه اندازه ډول ډول در مل ساتي او د اړتيا په وخت کې له لزوم ديد سره سم، ناروغانو ته سپارښتنه کوي چې په ځينو وختونوکې دغه شان درملنې د ناروغ د سرپه بيه تماميږي.
ستو نزه په دې کې ده چې زموږ زيات شمېر خلک آن هغه کسان چې په ښارونوکې ژوندکوى؛ په خپل سر د درملو په جانبي عوارضو خبر نه دي. په دوديزو درملنو لاس پورې کول او په ځينو  وختونوکې هم په ناوړو عادتونو او خرافاتو  لاس پورې کول د هيوادوالو ژوند ګواښوي او په دغه شان حالاتوکې يواځې د غوږ ايښودل کافي نه دى؟
بايد په خپل سر د درملو د کارولو په زيانونو او ناوړوعواقبو د خلکو د پوهولوپه مقصد جدي ګام واخلو او په دې لاره کې ډول ډول پروګرامونو په عملي کولو لاس پورې کړو. له ټولو څخه مهمه دا چې د عامې روغتيا وزارت دې بايد د درملتونونو فعاليت زيات ترڅارنې لا ندې ونيسې او د دې ترڅنګ له نسخې پرته د درملو ورکول په درملتونونوکې په يو حتمي کار بدل کړي؛ هلې ځلې وکړي چې په بازار کې د درملو د پلورنې او هغه هم د غير مسلکي کسانو له خوا چې آن سواد هم نه لري؛ په کوڅو او سړکونوکې مخه ونيسي.
لا تر او سه پورې په درملتونونوکې د فارمسست يا د درمل جوړونکى د نه شتون ستونزه يوه جدي او سخته ستونزه ده او دعامې رو غتيا وزارت په دې نه دى بريالى شوى چې دغه ستونزه حل کړي.
دغه را ز په هيوادکې د درملتونونوکميت په غير معياري ډول د پراختيا په حال کې دى چې دا په خپله کيداى شي د کار دګډوډى سبب شي او د درملتونونو د کار د څارنې بهيرله خنډ سره مخامخ کړي.
په هيوادکې د درملو د تو ليد، واردولو او پلورنې  ميکانيزم ته دقيق شي، د عامې روغتيا وزارت ترڅنګ رسنۍ هم اخلاقي مکلفيت لري چې په خپل سر د درملو د کارولو په جانبي عوارضو خلک خبر کړي.
دغه راز د جوماتونو ملاامامان اوخطيبان دې دمنبرونوله لارې چې زموږ د خلکو په ژوندانه او روان باندې اغيزمن ځايونه دي؛ هلې ځلې وکړي چې دغه ستونزه په ګوته کړي او خلک دې ته اړ باسي چې له دې کار سره ځآن عيارکړي چې د ځان او د خپلو بچيانو د ژوندانه د ساتنې په مقصد دې په خپل سر د درملو له کارولوڅخه ډډه وکړي او دوديزه اوغيرمعياري درملنه پاى ته ورسوي .
د درملو پيرودنه او پلورنه او په خپل سر د درملوکارول زموږ په هيوادکې له ټولنيزو ستونزوڅخه يوه ستونزه ده چې له منځه وړل يې په ملي کچه ګډ کار او تحرک ته اړتيا لري زموږ خلک بايد په دې لاره کې له اړوندو مرکزونو سره مرسته او همکاري وکړي چې يوه رو غه ټولنه  زموږ په برخه شي.

کابل\  باخترد وري  دمياشتې  ٣١ :
دلغمان ولايت په الينګار ولسوالۍ کې د ذوالفقار _٢  دعملياتو په بهيرکې دوه تنه وسله وال طالبان ووژل شول اونهه تنه نوريې ټپيان شول.
دلغمان د والي ويندوى سرحدي ځواک باخترآژانس ته وويل: د ذوالفقار-٢ عمليات د افغان  امنيتي ځواکونو له خوا د الينګار ولسوالۍ په مربوطاتوکې پيل شوي دي چې په بهيرکې يې دوه تنه وسله وال طالبان ووژل شول او نهه تنه نوريې ټپيان شول.
دځواک دڅرگندونوله مخې: ددغوعملياتو په بهيرکې درې تنه مشکوک کسان هم نيول شوي دي  . .
ده وويل: د سيمې د خلکو د امنيت د ساتنې او د وسله والو طالبانو له خوا د خلکو د ترور دمخنيوى په خاطر، د لغمان له مرکزڅخه تر الينګار ولسوالۍ پورې امنيتي پوستې جوړې شوې دي.
ځواک وويل: ددغوعملياتوپه بهيرکې څوکلي دمخالفينو له شتون څخه پاک شوي دي او څو ميله وسلې  اويو موټر سايکل هم دامنيتي ځواکونو لاسته ورغلي دي.
خبرځاى  زياته کړه: د ذوالفقار-٢ عمليات چې له دوو ورځو راپه دې خوا پيل شوي و؛ تيرماښام پاى ته ورسيدل او دعملياتو په بهيرکې په يوسلو پنځوس جريبه ځمکه کې کرل شوي کوکنار هم  اړول شوي دي .

کابل\  باخترد وري  دمياشتې  ٣١ :
دوه تنه ماين جوړونکي تېره شپه دبغلان ولايت په مربوطاتوکې د خپل جوړکړى  شوي ماين د چاودنې له امله ووژل شول.
دمرکزي بغلان ولسوال ګوهرخان بابري باخترآژانس ته وويل: هغه ماين چې دغو کسانو د مرکزي بغلان ولسوالۍ په بازارکهنه په يوکورکې عياراوه؛ وچاويدچې دواړه يې ووژل شول.
د بابري دڅرگندونو له مخې: په دې پيښه کې يو  يوولس کلن  ماشوم هم ټپي شوى دى.
ده وويل: ددغې پيښې په اړوند دوه تنه نور چې ويل کيږي د وژل شويوکسانو همکاران وو؛ نيول شوي دي .
پوليسو له دغه کور څخه دپرسونل ضديو ماين او يوه اندازه چاوديدونکي توکي  چې د ماينونوپه  جوړولوکې کارول کيږي؛ ترلاسه کړي دي.

کابل\  باخترد وري  دمياشتې  ٣١ :
د امريکا د نجونو د بايسکل ځغلولو شپږکسيزټيم نن کابل ته راورسيد.
د المپيک دملي کميټې دبايسکل  ځغلولو فدراسيون رييس محمدصادق صادقي دڅرګندونوله مخې: ددغه ټيم د راتګ  هدف د المپيک دملي کميټې له بايسکل ځغلوونکونجونو سره کتنه اوله هغوى سره دهمکارى داړيکو لپاره دزمينې برابرول دى.
دصادقي دڅرګندونوله مخې: د هيواد د بايسکل ځغلولو د ټيم نجونو تېرکال دهندوستان دبايسکل ځغلولو په سياليوکې د نړيوالو پاملرنه ځان جلب کړه. په همدې مقصد هيواد ته د امريکا د نجونو د بايسکل ځغلولو د ټيم راتګ اود هيواد له نجونوسره د هغوى دکتنې دغه امکان برابروي چې په راتلوونکي کې دافغان نجونو د ښې روزنې په خاطر خپل ښوونکي واستوي.
ټاکل شوې ده  دغه ټيم  پنځلس ورځې په هيواد کې پاتې شي.

کابل\  باخترد وري  دمياشتې  ٣١ :
دکابل  ښار د غوره ليک سيالۍ نن په دوو لوبوسره دوام وکړ.
دکابل دفوټبال فدراسيون مرستيال عبدالبصير قيومي باخترآژانس ته وويل: په دغولوبوکې لومړۍ د اردو ټيم د ستاره آزادي له ټيم سره، بيګ بير د سرې مياشتې له ټيم  سره لوبه کوي .
دغه  سيالۍ  په دوو ګرپونوکې د څوارلسو ټيمونو ترمنځ  د المپيک دملي کميټې  په ورزشي ډگرکې پيل شوې دي .

کابل\  باخترد وري  دمياشتې  ٣١ :
دملګروملتو د سازمان يوه جګپوړى مقام چې په ناتار د اخته خطر د کمښت لپاره د نړيوالو هڅو د سمون مسووليت په غاړه لري؛ د پنجشنبې په ورځ کابل ته ديوسفر له ترسره کولو وروسته وويل: دافغانستان لپاره ډيره مهمه ده چې په افغانستان کې د پيښوتکرار لپاره ډيره مهمه ده چې په افغانستان کې د پيښو تکرار ته دځواب ورکولو په خاطر چې په نړۍ کې دطبيعي پيښو په لحاظ يو زيانمنونکى هيواد دى؛ ددغه هيواد دملي مرکزونو دظرفيت دجوړولو لپاره هلې ځلې کوي.
يوناما د يوې خبرپاڼې په صادرولوسره ويلى دى چې د ناتار د خطرد کمښت  لپاره دملګروملتو د سازمانن د سرمنشي ځانګړى استازې مارګريتا وايلستروم افغانستان له درې ورځني سفر او په يوه مرکه کې د خپل سفرپه نتيجې اخيستنې سره وويل چې په تېره لسيزه کې په افغانستان کې ترلاسه شوي پرمختيايي برياليتوبونه لاتراوسه پورې په بشپړه توګه گرځنده دي او بايد په ډيره لوړه کچه  څرګند دريځ شتون ولري  .
ميرمن وايلستروم چې له ٢٠٠٣  تر  ٢٠٠٤ کال پورې يې د افغانستان لپاره  دملګروملتو دسازمان دمعاونيت په هيئت کې د مرستې او بياځواکمنۍ په برخه کې د ملګروملتو د سازمان  دعمومي منشي دخاص استازې په توګه کارکړى دى؛  وويل: دا ډېره مهمه ده چې افغانستان وروځينو پيښو ته دځواب ورکولو په وړتيا سمبال شي .
دپيښو دخطر دکمښت لپاره دملګروملتو دسازمان دسرمنشي ځانګړى استازې ميرمن مارګريتا  وايلستروم افغانستان ته اخپل سفر په بهيرکې د نړيوالې ټولنې له  غړو سره په کابل کې وکتل.
د پيښو د خطر دکمښت لپاره دملګروملتو د سازمان د دفتر د لومړيتوبونوته په پاملرنې سره چې مشرتوب يې ميرمن وايلستروم په غاړه لري؛ دا عقيده لري چې هيڅ څيز د يو طبيعي ناتار په شان خطرناک نه دى او د زلزلې، سيلاو، توپان  وچکالۍ او دغه شان نورطبيعي خطرونه دي چې مصيبتونه او زيانونه احياکوي؛  وايي: د بشر د حقوقو سازمانونه چې په افغانستان کې فعال دي؛ په تيرو  وختونو کې خبردارى ورکړي دي چې له ناامنيو اوسختې بيوزلۍ سره جوخت له ناتار ډکو طبيعي پيښو زياتوالى چې يو زيات شمېرخلک په افغانستان کې  ورسره ژوند کوي؛ ښايي منفي سياسي او امنيتي پايلې ولري؛ ځکه افغانستان په يوه داسې سيمه کې پروت دى چې زياتې زلزلې پکې کيږي. سيلاونه  پکې راوځي او وچکالي کال په کال  زرګونو تنو بزگرانو ته زيان اړوي.
ميرمن وايلستروم اشاره وکړه: څرنګه چې هغه مرکزونه چې په افغانستان کې د طبيعي پيښو په وړاندې مبارزه کوي په کافي اندازه پياوړى نه دى، بايد د بشر دوستانه اړتياوو د لرې کولو لپاره له دغه هيوادسره نړيوال ملاتړ دوام ومومي.
دې وويل: هرمرستندوى غواړي چې دپيسو خاوند شي اوهم غواړي ډاډمن  شي چې دظرفيت د پياوتيا او د طبيعي پيښو د مديريت لپاره پيسې شته  .
په افغانستان کې له طبيعي پيښو سره اصلي دولس مسوول مرکزونه  له پيښو سره د مبارزې عالي اداره ده چې دهيواد په څلور ديرشو ولايتونوکې فعاله ده او ددغې ادارې رييس ډاکترمحمد دايم کاکړ په دې وروستيو وختوکې وويل چې د پيښو په نه څيړنه کې يو مهم دليل د مالي منابعو او دفني ظرفيتونو په نه شتون کې نغښتى دى، خو ده بيا ډاډ ورکړ چې دملګروملتوسازمان به له  ٢٠١٤ کال وروسته له دغه هيواد سره ملاتړ ته دوام ورکړي.
ميرمن وايلستروم وويل: نړيواله ټولنه به په دغه ځاى کې د کار د يوې برخې په توګه افغانستان ته يوقوي لومړيتوب ورکړي او موږ د دې په پام کې  نيولو پرته چې د کوم مرکز استازيتوب کوو؛ ددغه  هيواد د اړتياوو او د بياجوړولو ملاتړکوو.

کابل\  باخترد وري دمياشتې  ٣١ :
د ولسي جرګې رييس عبدالروف ابراهيمي او ملګرى هيئت يې د ترکيې د بهرنيو چاروله وزير احمد داوود اوغلو سره وکتل.
د باختر آژانس  دخبرله مخې:  د ترکيې د بهرنيو چارو وزير په دې کتنه کې دکندز ولايت په امام صاحب ولسوالۍ کې د وزلوبې په بهيرکې ځانمرګى بريدچې د ولسي جرګې د رييس عبدالروف ابراهيمي د پلار، ورور او وراره په ګډون ديوشمير ملکي وګړو دشهادت او ټپي کيدو سبب شو؛ په کلکه وغانده او د خپلې خواخوږۍ او ډاډګيرنې مراتب يې د ولسي جرګې رييس او د دغې پيښې د قربانيانو پاتې کسانو ته څرگندکړل  او د لوى خداى (ج) له دربارڅخه هغوى ته د جميل صبر او ټپيانوته دسملاسي روغتيا هيله وکړه .
په دې کتنه کې د ترکيې د بهرنيو چارو وزير، دافغانستان اوترکيې د تيروښو اړيکويادونه وکړه او په افغانستان کې د سولې او ثبات په تامينولوکې يې  د افغانستان د وسله والو ځواکونو دمسلکي ظرفيتونو لوړتيا يې ارزښتناکه وبلله.
د ترکيې د بهرنيو چارو وزير دافغانستان له خلکو او دولت سره همکارى، دترکيې د بهرنيو له لومړيتوبونوڅخه وبلله .
په همدې ترتيب عبدالروف ابراهيمي په افغانستان کې له تروريزم سره دمبارزې او د سولې دتامينولو اوخبروپه لاره کې له افغانستان سره دترکيي دخلکو او دولت پراخې هلې ځلې ګټورې وبللې، د افغانستان له خلکوسره يې ددغه هيواد د همکاريو په دوام باندې ټينګاروکړ.
داوود اوغلو وويل چې د لسو يا پنځلسو ورځو په بهيرکې به  د افغانستان په باب درې مهمې غونډې جوړې کړو اوپه هغوکې به د راتلونکو انتخاباتو موضوع او له افغانستان څخه د ناټو د ځواکونو وتل وڅيړل شي.
دترکيې د بهرنيوچارو وزيرپه دې ترڅ کې له افغانستان سره د مرستې په خاطر ددغه هيوادپه تياري ټينګار وکړ او ويې ويل: ټول غواړي چې له ٢٠١٤کال وروسته له افغانستان څخه ووځي، خو ترکيه به دتل لپاره هلته پاتې شي اوخپل افغان ورونه به هيڅکله يواځې پرې نږدي.
د ولسي جرګې رييس دخپل ورور د درملنې په خاطر دترکيې د ډاکترانو د هلوځلو له امله قدرداني وکړه او ويې ويل: د جګړې پاى ته رسول او د سولې تامينولو د سيمې او دګاونډيوهيوادونو همکاري ته اړتيا لري او د ترکيې، په تېره بيا ددغه هيواد د بهرنيو چاروله وزيرڅخه قدرداني وکړه او ويي ويل چې دوى د درې اړخيزو غونډو مشرۍ وکړه او له بده مرغه پاکستان خپلو تيرو ژمنو د ماتولو په شان ،دا ځل  هم  ژمنه ماته کړې ده چې د هغوى ددغه عمل څخه خوښ نه يو.
شهيداستاد برهان الدين رباني سره له دې چې په برياليتوب سره د سولې پروګرامونه پرمخ بيول،دهغه دشهات  له امله له بده مرغه عملي نه شول. دپاکستان د سولې ضدپروګرامونه د دې سبب شول چې دپاکستان اتباعو ته هم زيان ورسيږي.
دافغانستان په کورنيو چاروکې د نه لاسوهنې په خاطربه پاکستان ډيپلوماسي له لارې دفشار راوړل هغه موضوع ده چې بايد ورباندې خبرې وشي.
د ولسي جرګې رييس د ترکيې له مقاماتوسره له رسمي کتنو وروسته د اتاترک روزنيز او تحقيقاتي روغتون ته چې ورور يې پکې بستر دى؛ لاړ او دخپل ورور د احوالو پوښته يې وکړه.

کابل\  باخترد وري دمياشتې  ٣١ :
د افغاني اوترکي شرکتونو ترمنځ څه دپاسه اويا تجارتي قراردادونه په کابل کې لاسليک شول.
د افغانستان د سوداګري  اوصنايعو دخونو لومړي مرستيال خان جان الکوزي دباختراژانس له خبريال سره په تلفوني خبروکې وويل: د افغان  _ ترک دريم نړيوال نندارتون چې په کابل کې جوړشوى و؛ پاى ته ورسيد.
ده وويل: په دې نندارتون کې له دواړو هيوادونو څخه اووه پنځوسو شرکتونو خپل محصولات په سلوغرفوکې نندارې ته وړاندې کړې دي. سربېره پردې پنځوسو تنو ترکي سوداګرو اوپانګه والو هم په دې نندارتون کې ګډون کړي وو .
الکوزي زياته کړه: ددغه نندارتون ترڅنګ په تجارتي برخوکې د افغاني او ترکي شرکتونو ترمنځ څه دپاسه اويا تجارتي قراردادونه لاسليک شول.
د الکوزي په وينا، ددغو قراردادونو له مخې به افغاني سوداګرو له دې وروسته په مستقيم ډول له ترکي سوداګرو سره سوداګرۍ وکړي.
د افغانستان د سوداګرۍ اوصنايعو د خونو لومړي مرستيال زياته کړه: ددغو نندارتونونو جوړول د دواړوهيوادونوترمنځ دسوداګرۍ په وده کې اساسي رول لوبوي او د دواړو هيوادونو سوداګرپه افغانستان اوترکيه کې له خپلو توليدي موادو او د مالونو له بازارموندلوسره بلدتيا پيداکوي.
د افغانستان اوترکيې د سوداګرۍ د خونو د قراردادله مخې، په کال کې يوځل په افغانستان کې د لسوکلونو لپاره دغه شان نندارتون جوړيږي.

کابل\  باخترد وري دمياشتې  ٣١ :
د حقاني د شبکې يو سرګروپ نن دخوست ولايت په مربوطاتوکې ونيول شو.
دملي دفاع وزارت مطبوعاتي دفتر باخترآژانس ته خبرورکړ: د حقاني د شبکې يوسرګروپ عثمان له خپل يو ساتوونکى سره په خوست ښارکې د ملي اردو د ځانګړې قطعې دعملياتو په بهيرکې ونيول شو.
دغه قوماندان په افغان او د ايتلاف د ځواکونو  د بريدونو دطرحه کولو په وخت کې له يوکلاشينکوف او يوې اندازې مهماتوسره ونيول شو .
ديوبل خبرله مخې:  د ملي اردو يوعسکر د ميدان وردګو ولايت دجلريز ولسوالۍ په مربوطاتوکې شهيدشو.
دملي دفاع وزارت مطبوعاتي دفتر باخترآژانس ته خبرورکړ: د ملي اردو يو سرتيرى  دميدان وردګو ولايت په جلريزولسوالۍ کې د ماين د چاودنې له امله شهيد شو.