26 May 2020

RSS Facebook

سوداگریز


تازه خبرونه

د کرونا په اړه بې پروا چلند ستر ناورین رامنځ ته کولای شي

د کرونا په اړه بې پروا چلند ستر ناورین رامنځ ته کولای شي

کابل / د غبرګولي ۶ مه / باختر د کروناویروس خپرېدا...

د ملي امنيت شورا سلاکار پکتيا ته سفر وکړ

د ملي امنيت شورا سلاکار پکتيا ته سفر وکړ

- کابل / د غبرګولي ٦ مه / باختر د ملي...

Youtube Player

khantry design

سوداگریز

سوداگریز

-اسلام ا باد\ډي ډان \باختر\داسد١٧
دپاکستان درې  تنه لوړ رتبه پوځي ما مورين د دغه هيواد دبالتيستان دګلګيت دسيمې د چيلاس په ښارګوټي کې دپاکستاني طالبانو له خوا وژل شوي دي .
د باخترآژانس دخبر له مخي :  دغو مامورينو د نهوتنو بهرنيو سيلانيانو اودهغوي دپاکستاني لارښود د قتل د قضيې په باب چې دچنګاښ د مياشتې په ٢٣ نيټه په دغه سيمه کې و وژل شول ، تحقيق کاوه .
امنيتې ځواکونو ددغې پيښې د عاملينو دنيولو لپاره دپلټنې عمليات پيل اود طالبانو په پټنځايو نو يې بريد کړى وو  .
دپا کستاني طالبانو تحريک د دغه بريد مسوليت په غاړه اخيستى دى .
 

اسلام اباد\دي نيوزانترنشنل \ باختر\داسد١٧
دپاکستان دپنجاب او بلوچستان په ايالتونو کې د سيلاوونو د راوتلو له ا مله پنځه څلويښت کلي تر اوبو لا ندې شوي دي  .
د باخترآژانس دخبر له مخي  : د دغو سيلاوونو د را وتلو له ا مله په ځينو سيمو کې واټونه  دترافيکو پرمخ تړل شوي دي او د څو سيمو بريښنا هم بنده شوې ده  .
دپاکستان د پيښو پرخلاف داداري د رپوټ له مخې ،  تيره اوونۍ د دغو سيلاوونو له امله څلوراتيا تنه  ووژل شول،  دوه زره پنځه سوه درې ديرش کورونه ويجاړ او داتيا زرو تنو ژوند اغيزمن شوى دى .
 

Thursday, 08 August 2013 11:09

په کويټي ښار کې چاودنه

-کويټه \دي نيوز انترنشنل \باختر\داسد١٧
دپاکستان د کويټي ښار دمستونګ په ناحيه کې دچاودنې له ا مله پرون دوه تنه ووژل شول او پنځلس تنه نورټپيان شول .
د باخترآژانس دخبر له مخي :  پوليسو د دغه بريد د تاييد ولو په ترڅ کې وويل ،  چې د چاودنې  ډول تراوسه معلوم نه دى  .
په مرګ ژوبلې برسيره څو دوکانونه هم په دې چاودنه کې زيانمن شوي دي  .
 

بي بي سي \باختر\داسد١٧
د بريتانيا صدراعظم ديويدکامرون د ايران نوي جمهور رييس حسن روحاني ته په يوليک کې هيله څرګنده کړې ده چې ايران د ده په مشري نوى تګلورى غوره او د دواړو هيوادونو اړيکي ښې شي .
کامرون په دغه ليک کې چې د بريتانيا دصدارت د دفتر په ويب سايت کې خپور شوى دى  د دواړو لورو په هلوځلوپه  پړاويز ډول د اړيکو د ښه والي غوښتنه شوې ده  .  ده ليکلې دي چې د دواړو هيوادونو دېاړيکو ښه والى  به پړاويز بهير ولري اولازمه ده څو مسئلي حل شي .
د بريتانيا صدراعظم په  دغه ليک کې دغه راز له ايران څخه غوښتي دي چې د خپل اټومي پروګرام په سر په رغانده اوجدي تو ګه له نړيوالې ټولنې سره عمل  وکړي او د سوريې د بحران لپاره د حل ديوې سوله ييزې لارې ملاتړ  وکړي .
د ايران او بريتانيا اړيکي په ١٣٩٠ کال کې په تهران کې د بريتانيا  په سفارت اوديپلوماتانو په استوګنځايونو د دغه هيواد په سياست ديوې ډلې انتقاد کوونکو له بريد وروسته ټيټې کچې ته روسيدې .
له دغې پيښې وروسته بريتانيا په تهران کې خپل سفارت وتاړه او ايراني ديپلوماتان يې هم له لندن څخه و ايستل  .
 

بي بي سي \نيوزنو\اختر\داسد١٧
يو ايراني الاصل بريتانوي سوداګر عباس يزدان  پناه يزدي چى دچنګاښ دمياشتي په څلورمه نيټه د دوبى په ښارکي بيدرکه شوي و، مړي يې په متحده عربي  اماراتوکې پيدا شوى دى .
ويل کيږي دى  يوه ورځ  وروسته له هغه چې په دوبى  کې  له خپل دفتر څخه د ويدويي اړيکي له لارې دتيلو  د دوو شرکتونو ترمنځ د اختلاف په دوسيه کې دشاهد په توګه شاهدي ورکړه  بيدرکه شو . په تيرو اوونيو کې داسې تورونه طرحه شوي وو چې دغه پنځه څلويښت کلن سوداګر ښايې د ايران د امنيتي ځواکونو له خوا تښتول شوى وي .
د تيرې اوونۍ د چهارشنبې په ورځ د بريتانيا د بهرنيو چارو وزير ويليام هيګ دايران د بهرنيو چارو له وزير علي اکبر صالحي سره په تيلفوني اړيکه کې دعباس يزدان پناه يزدي دبرخليک په باب انديښنه څرګنده کړې وه .
دايران په حکومت کې بانفوذه  ډلې او اطلاعاتي ادارې د يزدي په تښتولو تورن شوي دي خو د ايران د بهرنيو چارو وزارت په اماراتو کې په هر راز غيرقانوني اقدام کې د ايراني مرکزونو  لاس لرل رد کړي  دي .
 

-صنعا\نيوزنو\ باختر\داسد١٧
په يمن کې پرون دبې پيلوټه ا مريکايي الوتکو په بريدونو کې اووه تنه ووژل شول
د باخترآژانس دخبر له مخي :  دغه بريدونه ديمن په جنوب کې په دوو نقليه واسطو شوي دي .
امريکايي ما مورين وايي چې د القاعده د شبکې په غړو  دغه بريدونه شوي دي .
د ځينو رپوټونو له مخې ، د امريکا حکومت په يمن کې دځانګړو پوځي عملياتو لپاره دتياري په حال کې دي  .
يمن د عربو په ټاپو کې دالقاعده د ډلې مرکز دى .
 

کابل\باختر\داسد١٧
په هلمند ولايت کې ديوځانمرګي بريد له امله يو پوځي ووژل شو اوڅه نا څه شپږ تنه نور ټپيان شول .
د خبرونو له مخې  ، د دغه ځانمرګي بريد هدف د دغه ولايت امنيه قوماندان و ،
خو هغه ته زيان نه دى  رسيدلى  پيښه تيرماښام دلښکر ګاه په ښارکې هغه وخت
رامنځته شوه چې له چاوديدونکو توکو  بار يوځانمرګي يرغلګر دهلمند ولايت دامنيه قوماندان جنرال عبدالحکيم انګار د سپرلۍ د کاروان په وړاندې و چاوه .
دهلمند ولايت دپوليسو مسوول  له  باخترآژانس سره په اړيکه کې  وويل ، چې په دې پيښه کې د ده يو ساتونکي  وژل شوى او شپږ تنه نور ټپيان شوي  دي .
ويل کيږي د دغې پيښې په ټپيانو کې دپوليسو درې تنه سرتيري او درې تنه ملکي وګړي شامل دي .
جنرال  انګاروايي ، چى په دې پيښه کې ده  ته زيان نه دى  رسيدلى  .
په همدې حال کې د لښکرګاه ښار ديو روغتيايي مرکز  ډاکترانو د دغې پيښې دڅلورو تنو ټپيانو روغتيايي حالت خراب بللى دى .
عيني شاهدان وايي يو ټپي يو ماشوم دى  چې د روژه ماتي په درشل کې د خپلې کورنۍ لپاره يې  ډوډۍ اخيستي وه .
 

 صنعا \نړيوالي خبري منابع \باختر\داسد١٧
ديمن حکومت ويلي دي چې دتيلو په نل ليکو کې دبم ايښودنې او ددغه هيواد دمهمو بندرونو د کنترولولو لپاره يې دېالقاعده د سازمان طرحه  شنډه کړې ده .
ديمن دپايتخت صنعا فضا ترسختو امنيتې تدبيرونو لاندې نيول شوي دي اوزغره وال موټرونو د اردو له قطعاتو سره د مهمو ودانيو او سيمو د ساتنې لپاره په بيلا بيلو سيمو کې ځاى پرځاى  شوي دي .
د امريکا او بريتانيا حکومتونو دترو رستي فعاليتونو په باب د رپوټونو له ترلاسه کولو وروسته خپل ديپلو ماتان له يمن څخه ايستلي دي .
ديمن د حکومت يوه  ويندوى ويلي دي چې د القاعده په طرحو کې د تيلو دليږدونې دنل ليکو چاودنه او د دغه هيواد په دوو بندرونو د کنترول ترلاسه کول شامل دي چې يو يې ديمن د تيلو دصادرولو اصلي بندر دى او زيات بهرني اتباع په کې  په کار بوخت دي
 

واشنګټن \ نړيوالې خبري منابع \باختر\داسد١٧
سپينې ماڼۍ اعلام وکړ چې  د روسيې له جمهور رئيس ولاديمير پوتين سره د امريکا د جمهور رئيس  بارک او باما کتنه چې ټا کل شوې وه په راتلونکې مياشت کې په مسکو کې وشي لغوه شوې ده .
د دواړو هيوادونو د جمهورو رئيسانو دکتنې دلغوه کيدو دليل د روسيې دحکومت له خوا د امريکا د حکومت د پټو اطلاعاتو د افشا کونکي ادوارداسوندن  ته پناه ورکول اعلام شوي دي
يوه امريکا يي مقام ويلي دي چې دغه  مسئله د دواړو هيوادونو  ترمنځ په اړيکو کې د موجودو خړ پړتياوو د زياتيدو سبب شوې ده .
سپينې ماڼۍ دغه راز اعلام کړى دى چې  د دفاعي سيستم ، تجارتي اړيکو اود بشر دحقوقو په ګډون داختلاف وړ  برخو کې کافي  پرمختګ نه دى شوى .
يو روسي مقام د بارک اوباما اود ولايمير پوتين دکتنې لغوه کول ناهيلې کوونکي بللي دي .
امريکايې مقاماتو ويلي دي چې اوباما له پرو ګرام سره سم  د جي _ ٢٠ ډلي په اقتصادي غونډه کې چې په را تلونکي مياشت کې دروسيې د سن پترزبورګ په ښار کې جوړيږي،  ګډون کوي .
د اوباما دکتنې دلغوه کيدو تصميم لاس انجلس ته دده دسفر په بهېر کې اعلام شو
اوباما له دغه تصميم څخه څو ساعته مخکې ادوارد اسنودن ته د پناه ورکولو په باب د روسيې اقدام نا هيلې کوونکي بللي وو .
امريکا ددې غوښتنه کوي چې روسيه اسنودن له خپل هيواد څخه و باسي  .
دروسيى جمهور رييس ولاديميرپوتين ويلي دي چې د دواړو هيوادونو ترمنځ اړيکي د اطلاعاتي سازمانونو ترمنځ دتاوتريخوالي څخه مهمي دي .
 

کابل\باختر\داسد١٧
دبغلان ولايت امنيتي چاروا کي وايي چې دتيلو ډک يو غلا کړاى شوى ټانکر يې د هغه خاوند ته سپارلى دى .
دتيلو دغه ټانکر چې په يو ملي سوداګر پورې مربوط دى .
دتيلو دغه ټانکر تيره شپه د پلخمري _ سمنګانو د لويې لارې په اوږدو کې دچشمه شير له سيمې څخه د وسله والوغلو له خوا غلاکړاى  شوى   و .
دبغلان ولايت د مرکز پلخمري ښار دپنځمې امنيتې حوزې آمر آقامير باخترآژانس ته وويل ، امنيتې ځواکونو مخکې له دې چې دغه غله وکو لاى شي د ټآنکر تيل تش کړي هغه يې دصنعتي بغلان دښارګوټي له مربو طاتو څخه کشف کړ .
ويل کيږي غله په تيښتې بريالي شوي دي اودهغوي دپيژندلو اونيولو لپاره پلټنې پيل شوي دي
دمزار لويه لاره په دې وروستيو وختو کې  د غير مسولو وسله والوډلو د شتون او فعاليت  او د مسافرانو دمالونو د غلا ډګر دى