21 January 2020

RSS Facebook

سوداگریز


تازه خبرونه

  د مشرانو جرګې فوق العاده غونډه جوړه شوه

د مشرانو جرګې فوق العاده غونډه جوړه شوه

کابل/ دمرغومې۳۰مه / باختر د مشرانوجرګې نننۍ فوق العاده غونډه کې...

خبرتيا

خبرتيا

کابل/ دمرغومې۳۰مه / باختر د شهيد ستر پاسوال عبدالرازق د ملي...

پنځه طالبان په نيمروز کې ونيول شول

پنځه طالبان په نيمروز کې ونيول شول

کابل/ دمرغومې۳۰مه / باختر د نيمروز پوليسو نن پنځه وسله وال...

Youtube Player

khantry design

سوداگریز

سوداگریز

کابل\  باخترد وري  دمياشتې  ٢٧ :
دجمهور رئيس مرستيال محمدکريم خليلي نن د پناه غوښتوونکو په چاروکې د سيمه ييزوهمکاريو د جلب لپاره د استراليا د صدراعظم له ځانګړى استازى مارشال انګوس هوستون سره په کتنه کې وويل: دافغانستان د دولت په نظر د نړيوالې ټولنې همکاري د افغانستان د ثبات او بيا جوړولو په کار کې اغيزمنې دي او هيله کيږي چې د دغو همکاريو ترسيورې لاندې له ٢٠١٤ کال څخه تيريدل او د بدلون د لسيزې پيل د نويو ارزشتونو له سا تنې سره يو ځاى وي.
دجمهوري رياست مطبوعاتي دفتر باختر آژانس ته خبر ورکړ: په دې کتنه کې لومړۍ د پناه غو ښتوونکو په چاروکې د استراليا د صدراعظم ځانګړى استازى په ارزګان ولايت کې د امنيتي حالت د ښه والى له امله د خوښى دڅرګندولو په ترڅ کې په ارزګان ولايت کې ددغه هيواد د سر تيرو او د افغان امنيتي ځواکونو همکاري ګټورې وبللې او هيله يې وکړه چې په دغه ولايت کې ترلاسه شوي برياليتوبونه هماغه شان وسا تل شي.
د ده دڅرګندونو له مخې: استراليايي سرتيرو او افغان امنيتي ځواکونو په څه د پاسه دوو کلونوکې له هغو ستونزو سره سره چې ورسره مخامخ وو؛ مهم برياليتوبونه ترلاسه کړي دي او هيله کيږي چې د زمانې په تيريدوسره د افغان امنيتي ځواکونو پيا وړ تيا او ظرفيت لوړشي.
وروسته د جمهور رييس مرستيال محمد کريم خليلي د دواړو هيوادونو ترمنځ دوه اړخيزو دوستانه اړيکو ته د اشارې په ترڅ کې په سياسي، امنيتي او دبياجوړولوپه برخوکې د افغانستان له خلکو سره د استرليا ددولت د همکاريو له ا مله قدرداني وکړه.
دجمهور رييس د مرستيال دڅرګندونوله مخې: د افغانستان د دولت په نظر د نړيوالې ټولنې همکاري د افغانستان د بيا جوړولو او ثبات په کار کې اغيزمنې دي او هيله کيږي چې ددغو همکاريو تر سيورې لاندې له ٢٠١٤ کال څخه تيريدل او د بدلون دلسيزې پيل د نويو ارزښتو نو له سا تنې سره يوځاى وي.
دجمهور رييس مرستيال دملي شورا له خوا دانتخاباتو د خپلوا ک کميسيون د تشکيلاتو او واکونو د قانون د تصويب له ا مله دخوښى په څرګندولو سره وويل چې د افغانستان دولت په ٢٠١٤ کال کې د سياسي ليږدونې په بهير او د جمهوري رياست د انتخا باتو په ترسره کولو هوډمن دى او هيله لرو چې په دې برخه کې هم د نړيوالې ټولنې او د افغانستان د نړيوالو همکارانو همکاري دوام ومومي.
د جمهور رئيس مرستيال له ناټو څخه افغان امنيتي ځواکونوته د امنيتې مسووليتونو د ليږدونې د څلورم پړاوپيل ته په اشارې سره، هيله وکړه چې د٢٠١٤ کال له را رسيدو مخکې د هيواد امنيتي ځواکونه وکولاى شي امنيتي مسووليتونه په بشپړه توګه په غاړه وا خلي.
ده سوله يوه ملي اړ تيا و پلله او وي ويل چې د افغانستان دولت به دنويو ارزشتونو ، د افغا نستان د نوي دمو کراسي اود تيريلسيزيدګډو ارزښتو نو په سا تني سره دسو لى د بهير پرمختګ ته دوام ورکړي
د پناه غوښتوونکو په چارو کې د استراليا دصدراعظم ځانګړى استازى دغه راز وويل چې ددغه هيواد دولت د پناه غوښتوونکو د سر د سا تنې او د انسان له قاچاق وړونکو سره د مقابلې په مقصد نوې لارې چارې ترلاس لا ندې نيو لې دي چې هغه پناه غوښتوونکي چې دغه هيواد ته دسفر نيت لري؛ له احتمالى خطرونو څخه خوندي وي.
د ده دڅرګندونو له مخې: استراليا چې د امريکا له متحده ايالاتو وروسته دويم ستر مهاجرمنوونکى هيواد دى؛ دهغو پناه غوښتونکو شمېر چې ددغه هيواد له خوا منل کيږي؛ په کال کې له شپږو زرو تنو څڅه دولس زرو تنو ته لوړ شوى دى او له احتمالي خطرونوڅخه دپناه غوښتونکو د خوندي پا تې کيدو لپاره ځانګړي تدبيرونه په پام کې نيول شوي دي.
دجمهور رييس مرستيال د يو زيات شمېر افغان مهاجرينو د منلو په کارکې ددغه هيواد د دولت د همکاريو له امله د قدردانۍ په ترڅ کې د استراليا د دولت له خوا پناه غوښتونکوته د نويو په پام کې نيول شويو چلندونوهرکلى وکړ او د دواړو هيوادونو ترمنځ يې د دوه اړخيزو همکاريو په پرا ختيا باندې ټينګاروکړ.

کابل\  باخترد وري  دمياشتې  ٢٧ :
د داخل خدمت ښوونکو د تخصص د بشپړولو د انسټيټوت د ودانۍ د جوړولوکار بشپړ او نن د پوهنې د وزير له خوا پرا نيستل شوه.
دباخترآژانس د خبريال برمک بامي دخبر له مخې: په هغې غونډه کې چې له همدې امله ددغه انسټيټوت په تالار کې جوړه شوې وه؛ دپوهنې وزير فاروق وردګ خبرې وکړې او وې ويل: دښوونکو د تخصص دبشپړولو، د انسټيټوت د جوړولوهدف، د بريښنا، دموټرودترميم ،ودانيو ،ادارې اومنجمنت،محاسبې،دماشين، دتکنالوژي اود معلوماتي تکنالوژى په بېلابېلو څانګوکې په نويوتخنيکى مسئلو سره دلوست ورکولو د مدرن ميتود او بلدتيا په برخه کې د داخل خدمت تخنيکي او مسلکي تعليمات دي.
فاروق وردګ څرګنده کړه چې ددغه انسټيټوت ودانۍ د يو اعشاريه يو مليون امريکايي ډالرو په لګښت په دريو پوړونوکې جوړه شوې ده چې ټول ضروري ملحقات لري.
فاروق وردګ زياته کړه: د ښوونکو د تخصص د بشپړولو د انسټيټوت ټوله بودجه نهه اعشاريه څلورومليونو امريکايي ډالروته رسيږي چې دڅلوروکلونولپاره د نړيوال بانک  له خوا ورکول کيږي.
فاروق وردګ څرګنده کړه: ټاکل شوې ده په روان کال کې دوه اعشاريه پنځه مليونه ا مريکايي ډالره دکمپيوټر، ميزونو، څوکيو او د تخنيکې ورکشاپونو دسامان الاتو په ګډون د ضروري تجهيزاتو د پيرودنې په لاره کې ولګول شي.
دپوهنې وزير وويل: ټاکل شوې ده ددغه انسټيټوت په انګړکې د جمنازيوم، محصلانوته دليلې او د ډوډۍ خوړلو د خونې په ګډون، ځينې نورې ودانۍ او الحاقيه ودانۍ جوړي شي.

پيښور دي دان \  باخترد وري  دمياشتې  ٢٧ :
دشمالى وزيرستان په قبايلي سيمه کې سيمه ييزو طالبانو پرون ددغې سيمى ټولې نجونې او هلکان ښوونځي ته له ورتګ څخه منع کړل.
باخترآژانس دپا کستان د دان ورځپاڼې د انترنتې سايټ له خولې خبرراکړ: يو سيمه ييز جنګسالار حافظ ګل بهادرپه مشرۍ د طالبانو شورا د ماشو مانومشرانو ته خبر دارى ورکړى دى چې خپل ماشومان د شمالى وزيرستان په مرکز ميرامشاه ښارکې پوځى قطعاتو ته څېرمه پنځو تعليمي موسسوته ونه ليږي.
په هغې وينا کې چې ددغې شورا له خوا خپره شوې ده ويل شوې دي: تر هغه وخته پورې چى د ميرامشاه ښار مهم واټ دخلکو پرمخ خلاص نه شي؛ ددغې سيمې نجونې او هلکان ښوونځي ته له ورتګ څخه منع دي.
امنيتي ځواکونو د تيرمارچ په مياشت کې د اشا دپلټنې په پوستې له ځانمرګى بريدوروسته د امنيتې انديښنو په دليل  چې له ا مله يې څلورويشت تنه عسکر ووژل شول او څلور تنه نور ټپيان شول؛ د ميرامشاه ښار مهم واټ وتاړه.
په اصلي واټ کې په تګ راتګ د بنديز لګول په دې قبايلي سيمه کې په ټولنيز او اقتصادي فعاليتونو ناوړې اغيزې کړې دي.

کابل\  باخترد وري  دمياشتې  ٢٧ :
دماليې وزير پهواشنګټن کې د پيسو د نړيوال صندوق اود نړيوال بانک د نيمايي کال په غونډه کې ګډون کوي
دماليې وزارت يوه خبر ځاى باخترآژانس ته وويل دافغا نستان د اسلا مي جمهوريت د ماليې وزيرډا کترعمر زاخيل وال ددغه وزارت اود افغا نستان بانک ديو جګپوړي هيئت په مشري د نړيوال وجهې صندوق اود نړيوال بانک دنيمايي کال په غونډه کې چى دپسرلنيو غونډو په نا مه ياديږي ګډون کوي
دغه غونډه د٢٠١٣ کال د اپريل  د مياشتې له ١٦ نيټي څخه تر ٢١ نيټې پوري دشپږو ورځو لپاره د ا مريکا په واشنګټن شار کى جوړيږي
په دي غونډه کې به دماليې وزيردنړيوال بانک اود نړيوال وجهې صندوق ، دبريتانيا د نړيوالى پرمختيا دمسولينو ،دامريکا د متحده ايالاتو د خزانو د مسولينو اود ا مريکا د متحده ايالاتو د نړيوالى پرمختيا دسازمان په ګډون له افغا نستان سره دهمکارو سا زما نونو له رئيسانو اوجګپوړو مقا ما تو سره وګوري او خبري و کړى
په دي غونډه کې به له افغا نستان سره د زيا تو پرمختيا يي همکاريو په باب خبري وشي
دنړيوال وجهې صندوق اود نړيوال بانک د نيمايي کال غونډه کال په کال د هيوادونو د ماليې وزيران دمرکزي او انکشا فى بانکونو رئيسان اود خصوصي سکتورو نو رئيسان را غونډه وى چى دبي وزلى د کمښت ، اقتصادى پرمختيا اود بهرنيو مرستو داغيزمنتوب په ګډون دبيلا بيلو موضوعګانو اودنړيوالو انديښنو په باب خبري و کړى

کابل\  باخترد وري  دمياشتې  ٢٧ :
د افغانستان د اسلامي جمهوریت جمهوررئیس حامدکرزي د هلمند ولایت له یو شمېر دیني عالمانو، مشرانو او مخورو سره وکتل.
دجمهوري رياست مطبوعاتي دفترباخترآژانس ته خبرورکړ:
په دغه کتنه کې چې نن غرمه په ارګ کې ترسره شوه، حاجي محمد انور خان خبرې وکړې او د خپلو یو شمېر سیمه ييزو ستونزو د بیانولو په ترڅ کې یې لومړۍ درجې ته د هلمند ولایت د لوړولو، د ملي پولیسو د تشکیل د پراختیا، د کجکي د برېښنا پر بند د کار د پیل کېدلو، د زده کوونکو د لیلیې د ستونزو د حل کولو او د هلمند پوهنتون د ودانۍ د جوړولو غوښتنه وکړه.
جمهوررئیس د دوي د غوښتنو له آوریدو وروسته، د کورنیوچارو، لوړو زده کړو، پوهنې او د انرژۍ او اوبو وزیرانو او د سیمه يیزو ارګانونو د خپلواکې ادارې رئیس ته چې په غونډه کې حاضرو، لارښوونه وکړه چې د هلمند د خلکو ستونزو او غوښتنو ته پاملرنه وکړي.
همدا راز په دې کتنه کې حامدکرزي د هلمند مشرانو او دیني عالمانو ته له امریکا سره د امنیتي تړون او د سولې د بهیر په باب معلومات ورکړل.
ده، وویل چې افغانستان به په هېوادکې د تلپاتې سولې د ټینګښت لپاره خپلو هڅو ته دوام ورکړي.
حامدکرزي زیاته کړه: د امریکا له متحده ایالاتو سره د امنیتي تړون په اړوند خبرې په دقت سره روانې دي او افغانستان به د خپلو ملي ګټو او ملي واکمنۍ په پام کې نیولو سره له امریکا سره په دې باب خپلو خبرو ته دوام ورکړي.
د هلمند مشرانو د سولې د بهیر پر بریالیتوب باندې د ټینګار په ترڅ کې وویل چې د افغانستان د خلکو ترټولو ستره او مهمه لومړنۍ اړتیا په هېوادکې د سولې او امن ټینګښت دی.
دوی وویل:" افغانان به هغه مهال د امریکا له متحده ایالاتو سره پر امنیتي تړون هوکړه وکړي چې دغه هېواد په افغانستان کې د جګړې ټول عوامل له منځه یوسي او یوې تلپاتې سولې ته لاره اواره کړي."#

Tuesday, 16 April 2013 14:42

تندر يوه ښځه ووژله

کابل\  باخترد وري  دمياشتې  ٢٧ :
دکاپيسا ولايت په مربوطاتوکې د تندر د لګيدو له امله تيره شپه يوه ښځه ووژل شوه او دوه ښځې ټپيانې شوې .
دکاپيسا ولايت د امنيې قوماندانۍ د اوپراسيون آمر سمونوال اسدالله حميدي باخترآژانس ته وويل: دکاپيساولايت په اله ساي ولسوالۍ کې يوه ديرش کلنه ښځه  د تندر دلګيدو له  امله ووژل شوه. د دې دوه لوڼي ټپيانې او کوريې ړنگ شو.
دکاپيسا ولايت د قومونو اوقبايلو دچارو رييس عبدالوهاب اسکين وايي: دا لومړي ځل نه دى چې دغه  پيښه رامځته کيږي.
اله ساى يوه غرنى ولسوالۍ ده چې څوځلې داسې پيښې پکې شوې دي.
دمحمود راقي دملکي روغتون نوکريوال ډاکتر وايي: د دوو ټپي نجونو روغتيايي حالت مخ په ښه والى دى .

کابل\  باخترد وري  دمياشتې  ٢٧ :
دکابل _ جلال آباد په لويه لاره کې نن سهار د يوې ترافيکي پيښې له امله يو پلار او زوى ووژل شول.
دکابل دترافيکي پيښو آمر سمونوال عبدالمالک باخترآژانس ته وويل: پيښه هغه وخت رامنځته شوه چې يو زرنج موټر سايکل  له جلال آباد ښارڅخه دکابل په لور را روان و او د وريښموتنګۍ په ساحه کې له واټ څخه ووت او په سيندکې  ورغورځيد چې په دې پيښه کې پلار او زوى دواړه ووژل شول او وژل شوي کسان د شهداى صالحينو اوسيدونکي دي.
ديوبل خبرله مخې: دپغمان ولسوالۍ د ارغندي چوک په ساحه کې نن سهار د دوو سراچه موټرو د ټکر له امله يو پنځه څلويښت کلن سړى ووژل شو.

کابل\  باخترد وري  دمياشتې  ٢٧ :
د مشرانو جرګې رييس فضل هادي مسلميار نن د کابل پو هنتون د ټولنيزو علومو د پوهنځى له رييس او استادانو سره په داسې حال کې وکتل چې دسنامجلس د ديني او فرهنګي چارو د کميسيون رييس مولوي محمود دانشجو اوځينې سنا توران هم حاضروو.
د مشرانوجرګې مطبوعاتي دفتر باخترآژانس ته خبر ورکړ: په دې کتنه کې د ټولنيزوعلومو دپو هنځى رييس اوڅو تنو استادا نو دلوست اود آزموينو د اخيستلو دڅرنګوالى په باب معلومات ورکړل او وې ويل: په دې وروستيو وختوکې ددغه پوهنځي ځينومحصلانو دملي شورا په وړاندې دمظاهرو په کولوسره دقومي توپير او د اخلاقى فساد په باب، په استادانو بې مورده تورونه ولګول او ويلي يې دي چې استادان د فشار په عملي کولو اوله شخصي غوښتنو او قومي توپيرونوڅخه په استفادې سره محصلان ناکامه وي او له هغوى سره نا مناسب چلندکوي.
دغو استادانو دغه موضوعګانې په کلکه ردې کړې او هغه يې د پرديو ناوړې دسيسې او هدفونه وبلل او زياته يې کړه چې د پردې ترڅټ يو لړ لاسونه شته چې غواړي د ځوان قشر له پا کو ولولو څخه په استفادې سره د کابل پوهنتون چاپيريال سياسي کړي او خپلو ټاکلو هدفونو ته ورسيږي.
دمشرانو جرګې رييس د هيواد د ځوان نسل د ښوونې او روزنې په خاطر د استادانو د نه ستړي کيدونکو هلوځلو د ستاينې په ترڅ کې په دې تحصيلي مرکزکې د رامنځته شوې ستونزې له امله خپګان څرګندکړ او وې ويل: ټولوته جوته ده چې پردي او استخباراتي دستګاوې تل هلې ځلې کوي چې په افغانستان کې امنيت اوثبات ګډوډکړي او خپلو کرغيړنو هدفونو ته ورسيږي.
مسلميارله دغواستادانو څخه وغو ښتل چې د دغه شان مسئلو په وړاندې په زغم سره عمل وکړي او د مشرانو جرګې د دينې ، فرهنګي ، پوهنې او د لوړو زده کړو د چارو کميسيون دې دغه موضوع وڅيړي، حل اوفصل کړي.
دغه راز د مشرانو جرګې رييس د مهاجرينو د راستنولو د چارو له وزيرډاکتر جماهيرانوري سره په کتنه کې د نورستان ولايت د مهاجرينو ستونزې په مشرانو جرګه کې ددغه ولايت د استا زو په شتون طرحه کړې او د جمهوري رياست له حکم سره سم، په دوى د استوګنې د ځمکو د ويش غوښتنه وکړه چې ددغه وزارت د وزير له خوا ددغو ستو نزو په حل کولو کې تيارى څرګند شو.
دغه را ز فضل هادي مسلميار د فلم اخيستوونکو او عکاسانو د اتحاديې له ځينو غړو سره دغونډې په ترڅ کې د هغوى نظريې او وړا نديزونه وا وريدل او ژمنه يې وکړه چې دقانون په چوکاټ کې په دې اړوند څيړنې وشي.
دغه راز دسنا مجلس لومړي نايب محمدعلم ايزديار د يوې غونډې په ترڅ کې د لوى پاسوال بابه جان کړه وړه وستايل.
په کتنه کې بابه جان د روانو حالاتو او د ملي پوليسو دپيا وړ تيا او سمبالولو داړتيا په باب رڼا واچوله او زياته يې کړه چې امنيتي ځواکونه د امنيتې مسووليتونو د منلو په ګډون، په نازکو شرايطوکې دي او بايد له کمي او کيفي پلوه ورته پا ملرنه وشي.
ده په داسې حال کې چې د پوليسو د زونونو د اغيزمنتوب په باب معلومات ورکول؛ دپو ليسو د زونونو لغوه کول يې له وخت څخه مخکې يواقدام وباله او وې ويل چې دغه تصميم د يو شميرهغو افسرانو او سر تيرو د بې برخليک کيدو سبب کيږي چې کلونه کلو نه يې د امنيت د تا مينولو په خا طر هلې ځلې کړې دي.
د مشرانو جرګې لومړي نايب دامنيت په تامينولوکې دپوليسو رول ډيرګټور وباله او د هغوى د سمبالولو، تمويلولو اومسلکي روزنې په باب يې خبرې وکړې او د لوى پاسوال بابه جان کړه وړه يې وستايل او د مشرانو جرګې ستاين ليک يې ده ته ورکړ.
دغه راز د مشرانو جرګې منشي سيدفرخ شاه جناب د ايران د سفارت له دويم سياسي مستشار سره په ايران کې د ميشتو افغانانو د اعدام د مخنيوى او په دغه هيوادکې د ميشتو افغان مهاجرينو د قانونمندکيدو او د ځينو نورو مسئلو په باب وکتل.
په کتنه کې دغه مستشار په ايران کې د اعدام دحکم دتطبيق او په خپل هيوادکې د ميشتو افغان مهاجرينو د قانونمند کيدو په باره کې رڼا وا چوله او زيا ته يې کړه : د ايران حکومت دبشري حقوقو له اصولواوموازينو، عدالت اوله ښه ګاونډيتوب سره سم افغان مهاجرينو ته جدي او مسولانه پاملرنه کوي او له هغو کسانو سره چې په ايران کې يې په جرمونو لاس پورې کړې وي، له نافذو قوانينو سره سم چلندکيږي او زياته يې کړه چې د افغانستان د کار او ټولنيزو چارو وزارت دې د مهاجرينو دقانونمندکيدو په خاطر يوطرزالعمل برابرکړي چې د مهاجرينوکارتونه پرې وويشل شي او له اسانتياوو څخه ګټه وا خلي.
په مقا بل کې د مشرانو جرګې منشي په بېلا بېلو برخو په تېره بيا په ايران کې افغان مهاجرينوته دځينو اسانتيا وو په برابرولوکې ددغه هيواد د مرستو او د ښه ګاونډيتوب د اړيکو له ا مله قدرداني وکړه او له ډيپلوما تيکي لارې د دغومواردو حلکولوته د زياتې پا ملرنې غو ښتنه وکړه.

کابل\  باخترد وري  دمياشتې  ٢٧ :
د ولسي جرګې د ښځو د چارو، د بشر د حقوقو او د مدني ټولنې دکميسيون ريسه  وايي چې د روان کال له پيل څخه تر اوسه پورې په هيوادکې د ملکي وګړو د سر د زيان شميرلوړ شوى دى.
د باختر آژانس خبريال خبر را کړ: د ولسي جرګې د ښځود چارو، د بشر دحقوقو اود مدني ټولنې دکميسيون رييسې فوزيې کوفي نن په يوه خبري غونډه کې څرګنده کړه چې د١٣٩٢ کال له پيل څخه تر او سه پورې اتيا تنه ملکي وګړي په هيوادکې د جنګي او تروريستې پيښو له ا مله شهيدان شوي دي چې دغه خبره له انديښنو ډکه ده. دې وويل چې موږ په نښتوکې دملکي وګړو مرګ ژوبله غندو او حکومت ته وړانديزکووچې په جګړوکې دې له داسې تکتيک څڅه کاروا خلي چې ملکي وګړو، ښځو او ماشو مانو ته زيان ونه رسيږي.
په دې ترڅ کې دې له بهرنيو ځواکونوڅڅه وغوښتل چې په هغوسيمو هوايي بريدونه وکړي چې له هغو څڅه د هيواد پرضد تروريستي او جنګي تو طيې طرحه او عملي کيږي چې په کليوکې د ملکي و ګړو د سر د زيان مخه ونيول شي.
دې د فراه او کونړ په ولايتونوکې وروستي بريدونه ډېرخونړۍ بريدونه و بلل.

کابل\  باخترد وري  دمياشتې  ٢٧ :
د سترې محکمې عالي شورا نن له غرمې مخکې د قاضي القضات پوهاندعبدالسلام عظيمي په مشرۍ غونډه وکړه.
د سترې محکمې د خپرونو رياست باخترآژانس ته خبر ورکړ: په غونډه کې لومړۍ دسترې محکمې د قطعي او وروستيوحکمونو پرتطبيق باندې د څارنې د لوى رئيس رپوټ چې د جمهوري رياست د ١٣٩١ کال د زمري د مياشتې دپنځمې نيټې د٤٥ ګڼه او د ١٣٩١ کال دکب د مياشتې د٢٧ نيټې د١٢٩ ګڼه  فرمانونو دعملي کولو او د سترې محکمې د پاليسي د رعايتولوپه لاره کې له مختلط هيئت سره يو ځاى د وري د مياشتې په ٢٦ نيټه دبګرام جيل ته رسيدلي وو ، واوريدل شو.
د وړاندي شوى رپوټ له مخې: هيئت په دغه جيل کى د يوشمېربنديانو اومحجوزينو د سندونو له څيړنې وروسته، دغو يوسلو نهه ديرشو تنو په خلاصون چې د پروان ولايت د ابتدا ئيه او استيناف محکمو له خوا بري الذمه پيژندل شوي وو اويا تيربند د دوى په حال کافي بلل شوى و، خو د قانون پرخلاف په بند کى ساتل شوي دي، تجويز ونيوه او دجيل قوماندانۍ هم د لازمو مراتبو له بشپړ ولو وروسته د هغوى په سملاسي خلاصون ژمن وکړه.
وروسته دقضايي سرغړونو د څيړنې په لاره کې په ١٣٩١کال کې د سمنګانو ولايت د استيناف محکمې د قضايي اجرااتو د څيړنې په اړوند د قضايي پلټنې د رياست رپوټ اوهم دننګر هار د شخصيه احوالو د ابتدا ئيه محکمو او د زا بل دښاري ابتدا ئيه محکمې د دوو تنو پخوانيوقاضيانو د سرغړونو په باب دڅيړنې د هيئت له خوا د دوو نورو وړاندې شويو رپوټونو په باب غور او څيړنه وشوه او د رپوټونو مثبتو او منفي ټکو ته په پا ملرنې سره ، لازم تصميمونه ونيول شول او هغو قاضيانوته چې دمسووليت توجيه شوي وو؛ لازمې تاديبي جزاګانې تجويز شوې.
وروسته د محررينو دستاژ د پروګرام ددرسي نصاب مقرره چې دمحکمو دمحررينو دظرفيت دلوړولو او په ټاکلو قانوني اوقضايي زده کړو سره د هغوى دسمبالولوپه مقصد تدوين شوې ده او د قوانينو ، قضايي تعليمات نامو، حقوقي مضمونونو تدريس او سيمينارونه او مسلکي توضيحات په کې شا مل دي، تصويب شوه او د قضايه قوې د ادارې عمومي آمريت ته لارښوونه وشوه چې ددغه پروګرام په عملي کولوکې دې را تلوونکي اجرا ات ترسره کړي.
وروسته د يو شمېر رسيدلواستهدا ګانو په باب غور وشو او د فوايدعامې وزارت د جايدادونو دملکيت دسند د برا برولو دڅرنګوالى په باب ددغه وزارت دغوښتنې له امله دکابل ولايت داستيناف محکمې درياست د استهدايې په وړاندې څرګنده شوه.
په هغه صورت کې چې د نظر وړ جايدادونه  له اشخاصو څخه استملاک شوي وي؛ دقبالې لمبر، نيټه او د هغې اجرا کوونکې محکمه دې په ډا ګه شي چې محکمه د هغو له مخې د مثنى په اجرا کولواقدام و کړي، له دې پرته دولتي جايدادونه يوازې د جمهوري رياست د حکمونو له ترلاسه کولووروسته په اړوندو املاکي دفترونوکې د قيديت مستلزم وي.
دغه راز د سرپرستى او په هغې پورې له اړوندو پوښتنو، له حق څخه دميندو اوپلرونو د تيريدو په برخه کې د بهرنيو چارو وزارت د قونسلي چارو د رياست د حقوقو د برخې د استهدا، د حج او اوقافو وزارت په واک کې د وقفې ځمکې د ورکولو په باب د پوهنې وزارت د غوښتنې په برخه کې د حج او اوقافو وزارت د استهدايې، د تحصيلي لګښتونو د زيان د جبيره کولو، د تحصيل د څرنګوالى په اړوند دملي دفاع وزارت د استهدايې او د يوې مدنې ستونزې په اړوند دبدخشان ولايت د استيناف محکمې د رياست د استهدايې په باب خبرې وشوې او د هرې موضوع په باره کې د نافذو قوانينو د مصرحاتو په رڼاکې لازمې لار ښوونې وشوې.
سر بېره پردې، د عالى شورا په غونډه کې د وروستيو پريکړو په باب دبيا کتنې او غوښتنې او په جزايي اومدني موضوعګانوکې د محکمې د بدلون ٢٥ غوښتنې چې د لوى څارنوالى او د دعوا د خاوندانوله خوا طرحه شوې وې؛ هم وڅيرل شوې او په هر موردکې لا زم تصميمونه ونيول شول.