26 May 2020

RSS Facebook

سوداگریز


تازه خبرونه

د کرونا په اړه بې پروا چلند ستر ناورین رامنځ ته کولای شي

د کرونا په اړه بې پروا چلند ستر ناورین رامنځ ته کولای شي

کابل / د غبرګولي ۶ مه / باختر د کروناویروس خپرېدا...

د ملي امنيت شورا سلاکار پکتيا ته سفر وکړ

د ملي امنيت شورا سلاکار پکتيا ته سفر وکړ

- کابل / د غبرګولي ٦ مه / باختر د ملي...

Youtube Player

khantry design

سوداگریز

سوداگریز

کابل\باختر\داسد١٧
د ملي اردو يو سرتيري په بغلان ولايت کې خپل پلار او  ورور په ډزو سره ووژل .
دغه پيښه د اختر په شپه دصنعتي بغلان د ښارګوټي په مربو طاتو کې په يو کور کې له يوې لفظي شخړې وروسته را منځته شوې ده  .
د بغلان ولايت د مرکز پلخمري ښار د پنځمې امنيتي حو زې آمر آقامير باختر
آژانس ته وويل  ،  چې د ملي اردو  يوسرتيري نجيب الله له يوي لفطي شخړې وروسته په خپل پلار او ورور ډزې و کړې اوهغوي يې ووژل  .
ددغې کورنۍ ګاونډيان وايي چې دملي اردو دغه سرتيري له  ډزو  وروسته تښتيدلى دى .
دبغلان ولايت سيمه ييز مسوولين کورنۍ شخړې ددغې پيښې اصلي علت بولي او وايي چې امنيتي مامورينو د دغه يرغلګر دپيژندلو اونيولو لپاره پلټني پيل کړي دي .
 

کابل\باختردزمري ١٧ :
کابل ښاريانو د جدي امنيتې تدبيرونو د نيولو له ا مله  چې د نيکمرغه کوچني اختر د ورځو دنمانځلو په خاطر د هيواد دامنيتې ځواکونو له خوا نيول شوي دي هرکلى  کوي او وايي نه يوازې د اختر په  ورځو کې بلکې په  نورو ورځو کې هم د خلکود ښمنانو ته  وخت ورنه کړاى  شي چې خلک ويرجن کړي
د باختر آژانس خبريالان دکابل ښارله بيلا بيلو سيمو څخه خبر راکوي چې امنيتي ځواکونه د يو او بل په ګډو هڅو سره د ښار په واټو نو، څلور لارو اود ښار په شاوخوا کې دامنيتي دندو په ترسره کولو بوخت دي ترڅو کابل ښاريان او په ټوليزه توګه د هيواد ټول خلک اختر چې دمسلمانانو نيکمرغه ورځې دي په خوښي او خوشحالي سره تيرې کړي
دکابل ښار يوتن اوسيدونکي احمدالله د هيواد د امنيتې ځواکونو د نه ستړي کيدونکو هلو ځلو له ا مله د هرکلي ترڅنګ وايې موږ د خپلو امنيتې ځواکونو څخه مننه کوو  چې د خلکو په خاطر شپه او ورځ هلې ځلې کوي
ده زياته کړه ،  په واټونو ، څلور لارو او د ښار په شاوخوا کې دامنيتې ځواکونو شتون ښيې‌ چې اوس دهيواد امنيتې ځواکونه ښه پوځي ظرفيت او ځواکمنتيا لري .
دغه  راز د کابل ښار يو بل اوسيدونکى محمد نبي چې دنيکمرغه کوچني اختر دلمانځه د ادا کولو په مقصد دعبدالرحمن جومات ته روان وو وويل ، کاشکې امنيتې ځواکو نه هره ورځ په دغه شان تد بيرونو سره د خلکو دښمنا نو ته وخت ورنه کړي چې  خلکو ته د وير او ماتم درامنځته کولو سبب شي
په همدې حال کې دکورنيو چارو  وزارت دسرپرست په ګډون د امنيتې ځواکونو مسولينودنيکمرغه کوچني اختر له را رسيدو څخه مخکې خلکو ته ډاډ ورکړي وو چې دوي د جدي امنيتي تد بيرونو په نيولو سره هلې ځلې کوي چې خلکو د هيواد په ګوټ ګوټ کې د اختر ورځې د بشپړ امنيت په فضا کې تيرې کړي
د باخترآژانس خبريالان زياتوي په  واټونو کې د امنيتې ځواکونو زيات شتون
اود هغوي ترڅنګ د ترافيکو منسو بينو هم د وسايطو د تګ راتګ دسالم نظم
درامنځته کولو په خاطر خلکو ته ډاډ ورکوي چې هغوي کو لي شي له انديښنې پرته د اختر مراسم پرځاى کړي
يوسرتيري چې دوسايطو په څيړنې بوخت و ،  وويل چې  هغوي ته شه اختر دخلکوآرامي او نيکمرغي دي
دده دڅرګندونو له مخې دوي د خلکو دسلامتيا په خا طر پوځي يونيفورم په تن کړى دى  .
 

 کابل باختردزمري دمياشتې ١٧:
دکابل زيات اوسيدونکو نن داسلامي اخوت او  ورور ولۍ په فضا  کې د نيکمرغه کوچني  اختر لمونځ دکابل ښار په  جوماتونو او عيدګاوکې اداکړ
او په هېواد کې يې د سراسري سولې د تامينولو په خاطر يې  دعا وکړه.
د باخترآژانس دخبريالانو دخبرله مخې : کابل ښاريانو دلوي  خداى (ج) په دربار کې  له يوې مياشتې عبادتونو وروسته  دنيکمرغه  کوچني اختر دلمانځه په ادا کولوسره يې د روژې  له برکتونو اوفضليتونو ډکې مياشتې سره يې مخه ښه وکړه ، خپل لاسونه يې د لوي  خداى (ج) دربار ته پورته کړل او په عاجزى سره يې  دافغانستان خلکو ته دسراسري سولې ،يو والي اواتحاد دعاوکړه.
دجوماتونو ملاامامانو اوخطيبانو د روژې  مبارکې مياشتې فضليتونه  بيان کړل  اود مسلمانانو داخترفسلفه يې  له دښمنۍڅخه لري والي  او ملي روغه جوړه  وبلله.
دوى  له خلکوڅخه وغوښتل چې  اختلافونه پاى ته ورسوي او ټول  د يوبل ترڅنګ  ودريږي چې نور د ډزو غږونه دتل لپاره  زموږ له هيواد څخه لري شي.
يو تن لمونځ کوونکي نجيم الله د باخترآژانس خبريال ته وويل ، چې سوله د هيواد خلکو لومړني غوښتنه ده ، په جګړه کې د دغه هيواد بچيان وژل کيږي ،. که چيري طالب  ووژل شي هم افغان دى ، که چيري د هيواد د امنيتي مرکزونو  سرتيري  شهيدان  کيږي  هم افغان  دي.
د ده د څرگند ونوله مخې ، بايد افغانان په خپله فکر وکړي چې ولي د  پردي په ټوپک  خپل ورور او هيوادوال وژني ، او خپل هيواد ويجاړوي .
يوبل لمونځ کوونکي امان الله په دې مسله   کې  د هيواد ګاونډيان ملامت بولي او دهېواد له سياستوالو څخه غواړي چې د هغوى په وړاندې زيات زغم ددې سبب شوى  دى چې هغوي په آرامي سره  ډار اچوونکوته مناسب ځاى برابر کړي.
خو يو شمير نور په هېواد کې جګړه  د زبرځواکو  لوبه وبلله او  ويې ويل ،
که چيرې  سترهېوادونه  وغواړي په افغانستان کي  جګړه ژر پاى ته رسيږي.
خلکو د ښه  امنيت د زمينو دبرابرولو په  خاطر دامنيتي مرکزونو دمنسوبينو له هلو څخه  مننه  وکړه  اودهيواد  دامنيتي منسوبينو ژوندانه  ته د مقاماتو د زياتي پاملرني غوښتنه يې وکړه.
 

کابل باختردزمري دمياشتې ١٧:
د هېواد دسوک وهلو د فدراسيون د رياست انتخابات له  نيکمرغه کوچني اختر ورورسته ترسره  کيږي ،
داولمپيک دملي کميټي خبرځايونه وايي ،. چې دوي له ټولو هغو کسانو څخه چې د دغه فدراسيون د رياست پست ته  د کانديديدو هيله ولري ، خبرورکول کيږي چې د اولمپيک د ملي کميټې فني رياست  اويا ددغې ادارې  فدارسيونونو  آمريت ته  مراجعه او دانتخاباتو فورمه ترلاسه کړي.
 

Thursday, 08 August 2013 10:59

دمبارکي پيغامونه

کابل باختردزمري دمياشتې ١٧:
د افغانستان د اسلامي جمهوريت  د جمهور رييس حامدکرزي ، د جمهوري رياست دمرستيالانو ، د ملي شورا د دواړو مجلسونو اود سترې محکمې د رييسانو ، د کابينې د غړو  اودافغانستان دټول ملت په نامه  نن هم دنيکمرغه کوچني اخترله امله باختر آژانس ته دمبارکۍ پيغامونه رارسيدلي دي.
په  پيغامونو کې د مبارکيو د ښو مراتبو دڅرگندولو ترڅنګ د  هيواد له مشرتابه څخه غوښتل شوي دي چې په ادارو کې د فساد  د جرړو  ايستلو ته جدي پاملرنه وشي او دغه راز د نشه يي توکو له مافيايي عناصرو سره غوڅ چلندوشي،  ځکه فساد او د نشه يي توکوقاچاق د نورو بهرنيو عواملو ترڅنګ له  هغو عناصرو څخه دي چې  نه پريږدي په هېواد کې د سولې بهيرخپل اصلي تګلورى بشپړکړي.
په پيغام کې د هيواد له وسله والو  مخالفينو څخه  هم غوښتنه شوې ده  چې د هيواد اوخلکو په خاطر دې له  جګړې او  ورور وژنې څخه لاس واخلي، سولې او ملي روغې جوړې ته مخه وکړي .
دغه پيغامونه ديوشمير وزارتونو د مشرتابه هيتونو، د ولايتونو د واليانو ،
د فرهنګي ، تحصيلي  او تعليمي مرکزونو ، ټولنيزو سازمانونو ، سياسي ګوندونو او د قومي شوراګانو دمشرتابه هيتونوله  خوا ليږل شوي دي.
 

 کابل باختردزمري دمياشتې ١٧:
دهېواد دکرکټ ملي ټيم دپاکستان له ملي ټيم سره يوه شل آوريزه لوبه کوي.
دافغانستان دکرکټ بورد د رسنيو مسوول فريدهوتک باخترآژانس ته وويل :
دافغانستان دکرکټ ملي ټيم د لومړي ځل لپاره دپاکستان له ملي ټيم سره چې دنړۍ دکرکټ له لومړى  درجه  ټيمونو څخه شميرل کيږي ، لوبه کوي.
دغه لوبه به  د روان ميلادي کال د دسمبر په مياشت کې د متحده  عربي اماراتو د شارجې په ښارکې ترسره شي.
دغه راز دهېواد دکرکټ ملي ټيم به له دغې لوبې وروسته دکينيا دکرکټ له ملي ټيم سره هم لوبه وکړي.
 

Wednesday, 07 August 2013 17:15

دستری محکمی اعلامیه

کابل_باختر دزمري د مياشتې ١٦ مه:

دستری محکمی اعلامیه
د سعودی عربستان  د شاهی دولت د ستری محکمی داعلامیی پر اساس له هغه ځایه  چی د شوال د میاشتی رویت شرعاْ ثابت شوی دی سبا پنج شنبه  د زمری د میاشتی اولسمه د نیکمرغه کمکی اختر لومړی ورځ ده .
د افغانستان د اسلامی جمهوریت ستره محکمه خپلی مبارکی او نیکی هیلی په دغه مناسبت د افغانستان د اسلامی جمهوریت جمهور رییس جلالتماب  محترم حامد کرزی ، د جمهوری ریاست محترمو مرستیالانو، د ولسی جرګی او مشرانو جرګی محترمو رییسانو ، د کابینی محترمو غړو ، محترم لوی څارنوال ، په ملی شورا کی دخلکو محترمو استازو او د افغا نستان ټولو دیندارو او مسلمانو خلکو ته وړاندی کوی .
او د لوی خدای ( ج ) څخه هیله کوی چی د افغانستان د مسلمان اولس طاعات او عبادات په خپل دربار کی قبول  ، سوله  ، امنیت ، سوکالی او ترقی یي ور په برخه کړی .
 

کابل_باختر دزمري د مياشتې ١٦ مه:
دافغانستان داسلامي جمهوريت دجمهور رييس دخواشينۍ او ډاډګيرنې پيغام
په ډيرې خواشينۍ سره خبرشوم چې دکونړ ولايت قومي مشر ، جهادي او مصلح شخصيت  حاجي تاجر خان دوطن  ددښمنانو له خوا شهيد شوى دى .
انالله وانا اليه راجعون
  ارواښاد حاجي تاجر خان دخپلې سيمې مخور شخص او دسولې په شوراکې دناړۍ دولسوالۍ استازى و . عمر يې دخير ښيګڼې په کارونو تير کړ او د خپلو خلکو خيرخواه و .
  دخپلې خواخوږۍ او ډاډګيرنې مراتب دده کورنى ، دوستانو او د کونړ ولايت خلکو ته وړاندې کوم . الله تعالى دې دى وبخښي اوکورنۍ ته  دې يې جميل صبر په نصيب  شي .

کابل_باختر دزمري د مياشتې ١٦ مه:
دافغانستان داسلامي جمهوريت جمهور رييس حامدکرزي دکونړولايت ددانګام ولسوالۍ دکچلي سيمې دخلکوميړانه او زړورتياچې دځان اودخپلو خلکوددفاع لپاره يې له طالبانو سره په نښتې لاس پورې کړ، وستايلې.
دجمهور رييس دويندوى دفتر باختراژانس ته خبر ورکړ .
جمهور رييس نن ديوې تيلفوني اړيکې په ترڅ کې ، دکونړوالي شجاع الملک جلاله ته لارښوونه وکړه چې دملي اردو دافسرسيد پاچا او دشهيد وزيرله کورنيو سره چې دخپلوخلکوددفاع په خاطريې دکونړ ولايت ددانګام ولسوالۍ په کچلي کلي کې له طالبانوسره په نښتې لاس پورې کړ او شهيدان شول ، بيړنې  مرستې وکړي .  دتيرې دوشنبې په شپه  دنيک محمد په نامه دطالبانويو قوماندان له دوو تنوزامنو سره يې هغه وخت دکونړولايت په دانګام ولسوالۍ کې دملي اردو دافسر سيدپاچاپه کوربريد وکړچې دى دنيکمرغه کوچني اختر درخصتۍ دتيرولو لپاره خپل کور ته ستون شوى و .
سيد پاچا او دوزير په نامه دده ملګري چې دده دفاع ته وردانګلي و ، له طالبانو سره دنښتې له امله شهيدان شول . او دسيد پاچا مور اوپلار ټپيان شول . په دې پيښه کې ټول يرغلګرله منځه لاړل .
دافغانستان داسلامي جمهوريت جمهور رييس دسيدپاچااو وزير دشهادت په خاطر په ژور خپګان سره دکونړ والي ته لارښوونه وکړه چې ددوى له کورنيو سره په لازمو مرستوسربيره دټپيانوددرملنې په باب بيړني اقدامات ترلاس لاندې ونيسي.

کابل_باختر دزمري د مياشتې ١٦ مه:
دکونړ ولايت په دانګام ولسوالۍ کې نن وګړني پاڅونونه پيل شوي دي .
دکونړ والي شجاع الملک جلاله باختراژانس ته وويل : ددغه ولايت ددانګام ولسوالۍ اوسيدونکودوسله والو طالبانو دزور زياتي او استبداد پرخلاف په پاڅون لاس پورې کړچې له امله يې څلور تنه وسله وال طالبان ووژل شول اودوه تنه پاڅون کوونکي  هم شهيدان شوي دي .
دکونړ دوالي د څرګندونو له مخې ، پاڅون کوونکو ويلې دي ترهغه وخته پورې دوسله والو طالبانو پرخلاف  مبارزې ته دوام ورکوي  چې ددانګام ولسوالۍ  ټولې سيمې دوسله والوطالبانوله شتون څخه پاکې شي .
دکونړ والي زياته کړه چې ددغه وګړني پاڅون رهبري ددغې ولسوالۍ دوه تنه قومي مشران  حاجي ګل کريم او حاجي مزمل په غاړه لري .
ديادونې وړ ده چې وګړني پاڅونونه  دلومړي ځل لپاره دغزني ولايت په اندړو ولسوالۍ کې پيل شوي و.