15 November 2019

RSS Facebook

سوداگریز


تازه خبرونه

دپروان ښوونځيو تنطيفاتي وسايل ترلاسه کړل

کابل / دلړم ٢٣مه / باختر : دپروان په يوشمېر ښوونځيو...

دشکرې له ناروغي سره دمبارزې نړيواله ورځ ونمانځل شوه

کابل / دلړم ٢٣مه / باختر : دعامې روغتيا وزارت ...

Youtube Player

khantry design

سوداگریز

سوداگریز

کابل / د لړم ٢١مه / باختر :
دپروان امنيتي حالت پرون مازيګر په يوه  غونډه کې وڅېړل شو.
دباختراژانس دخبرله مخې ؛  په دې غونډه کې  چې دپروان والي  او نورو سيمه ييزو  او امنيتي مسوولينو ګډون کړي وو  دپروان والي فضل الدين عيار  امنيتي او دفاعي ځواکونو ته لارښوونه وکړه  هغه افراد  او اشخاص  چې له موټرسايکلونو څخه په استفادې سره په  جنايي جرمونو او ترور لاس پورې کوي ، ونيسي او دقانون منګولو  ته يې وسپاري.
هغه زياته کړه امنيتي منسوبين دې بايد قانون په ټولو يوشان تطبيق کړي  او د جدي امنيتي تدبېرونو په نيولو سره  دغيرمسوولو وسله والو کسانو او دورانکارو ډلو دفعاليت  مخه ونيسي  .
دپروان دولايتي شورا رييس غلام بهاوالدين جيلاني  دامنيت په تامينولو کې دخلکو همکاري مهمه وبلله اوله خلکو څخه يې وغوښتل چې له امنيتي  ځواکونو سره دې همکاري وکړي.
په دې غونډه کې   امنيتي مسوولينو دخپلو امنيتي فعاليتونو  رپوټ وړاندې کړ  او  ژمنه يې وکړه چې شپه او ورځ به  دخلکو دامنيت  دتامينولو په خاطر هلې وځلې وکړي.
پاى \ ج \ ذ

 

کابل / د لړم ٢١مه / باختر : 
تورنجنرال عزيزالرحمن مايل پرون  دپروان ولايت  دملي امنيت درييس په توګه ددغه رياست  منسوبانو ته معرفي او په کار يې پيل وکړ .
د پروان والي فضل الدين عيارد دغه  ولايت دملي امنيت د رييس په توګه دعزيزالرحمن دټاکنې له امله مبارکي وويله او دحکومت والۍ په نظام کې ادلون بدلون يو اصل وباله  او هيله يې وکړه  چې  دده په ټاکنې سره به په پروان کې امنيت ښه شي.
جنرال عزيزالرحمن مايل  ژمنه وکړه  چې  دپروان دښه  امنيت دتامينولو لپاره به هلې ځلې وکړي او  دغيرمسوولو وسله والو کسانو  او نور هغو کسانو سره چې په دغه ولايت کې  دامنيت د ګډوډولو سبب شي  مبارزه وکړي .  پاى \ ذ

کابل / د لړم ٢١مه / باختر : 
شپاړس وسله وال ډاراچوونکي په  ننګرهار کې له پوځيانو سره په  جګړو کې              ووژل شول.
په دغو ډاراچوونکو تېره شپه او نن سهار د دغه ختيځ ولايت په ځينو سيمو کې له   ځمکې او هواڅخه برېدونه  وشول.
دهېواد په ختيځ کې  دملي اردو يوه جګپوړي قوماندان باختراژانس ته وويل ؛ په دغو برېدونو کې د داعش او وسله والو طالبانو  شپاړس غړي ووژل شول او څو تنه نور يې ټپيان شول .
هغه وويل:  په دغو برېدونو کې  د وسله والو ډاراچوونکو  څو مرکزونه  او موټرونه        له منځه يووړل شول.
په يوبل خبر کې ويل شوي دي امنيتي مامورانو نن سهار دننګرهار ولايت له ګڼ مېشتو لارو څخه دلسو ماينونو په کشف اوشنډولو سره ديولړ چاودنو مخه ونيوله.
پاى \  ذ

کابل /دلړم ٢١مه / باختر:
اوولس ملکي وګړي  نن سهار په بغلان کې په يوه ترافيکي پېښه کې ووژل شول .
  دبغلان  دخوست اوفرنګ ولسوال لطف الله عاطفي باختراژانس ته وويل چې  ددغې پېښې  ټول قربانيان ملکي وګړي دي . چې ددوى دسپرلۍ موټر دبغلان ولايت  د خوست  اوفرنګ ولسوالۍ د شخ سفيد ساحې  په پلفي غاښي کې له واټ څخه ووت او په دره کې وغورځېد .
ويل کېږي دغه کسان د واده مراسمو ته  روان وو چې په قربانيانو کې ٧ ښځې، ٦ نارينه او ٤ ماشومان شامل دي .
د خوست او فرنګ ولسوال زياته کړه:په پېښه کې ٥ تنه ټپيان شوي دي چې د يو ټپي روغتيايي حالت خراب بلل شوى دى.
  ختم_ ج _ اکرم

کابل / د لړم ۲۱ مه / باختر
د افغانستان حکومت د طالبانو درې مهم غړي د سولې د خبرو د پیل لپاره د ښه نیت د ښودلو په موخه له زندانه  د یو لړ شرطونو په رڼا کې آزاد کړل.
دغه ګام د سولې لپاره د افغانستان د مشرتابه د کلک هوډ، رښتینولۍ او برنامې ښکارندویي کوي.
د باختر آژانس سیاسي مفسر د دغه ګام ارزښت او د هغه پایلو ته کتنه کړې ده او لیکي:
دا یو منل شوی اصل دی چې د سولې د خبرو د پیل او پرمختګ لپاره باید ښکیلې خواوې د باور فضا د رامنځ ته کولو په موخه انعطاف ښکاره کړي او دوه اړخیز ګامونه پورته کړي. د افغانستان حکومت د همدغه اصل په رڼا کې اوهمدارنګه د بشري خواخوږۍ او عاطفې له مخې د طالبانو درې مهم غړي حاجی ملی خان، حافظ رشید عمري او انس حقاني له زندانه آزاد کړل. منښته شوې چې طالبان به د دوی د خوشي کولو په بدل کې د افغان آمریکایي پوهنتون دوه استادان چې طالبانو تښتولي دي او اوس هم ورسره یرغمل دي، آزاد کړي. د رپوټونو له مخې د دغو دوو استادانو، چې یو یې د آمریکا او بل یې د آسترالیا دی، روغتیایی حالت ښه نه دی او بېړنۍ درملنې ته اړتیا لري. پر دې سربېره د دوی کورنۍ هم د هغوی د ژوند او روغتیا په  اړه اندېښنه لري. دغو دوو بهرنیو استادانو په افغانستان کې کومه پوځي دنده او یا بله داسې دنده چې هغه دې له پوځي ماموریت سره کوم مستقیم یا غیر مستقیم تړاو ولري، نه درلوده. دوی په افغان آمریکایي پوهنتون کې استادان وو او په دغه پوهنتون کې یوازې افغانان تحصیل کوي. هلته پوځي فنون نه تدریس کېږي.
ښایي دغه پرېکړه په کور دننه د یو شمېر سیاستوالو غبرګون وپاروي، ځیني به یې تایید کړي او ځیني به هم هغه رد کړي او پر حکومت به نیوکې وکړي. دا یوه عادي خبره ده چې د مهمو پرېکړو په اړه غبرګونونه راپورته کېږي او ضروري نه ده چې یو شمېر کړۍ د خپلو ځانګړیو موخو لپاره دغه راز غبرګونونه ډېر ډراماتیک کړي. له بده مرغه اوس په  افغانستان کې یو شمېر تش په نامه سیاستوال د پېښو له ډراماتیک کولو سره لیوالتیا لري او هڅه کوي د خلکو د ذهنونو د ګډوډولو لپاره ډېره عادي او کوچنۍ پېښه داسې ستره کړي چې ته به وایي نظام سقوط کوي او دا نړۍ پر بل مخ اوړي. د افغانستان مشرتابه د دغو طالب بندیانو د آزادولو په په پرېکړه کې ټول اړخونه په پام کې نیولي دي، دا پرېکړه د باور فضا د رامنځ ته کولو په موخه شوېده، دا پرېکړه  د افغانستان د لوړو ملي ګټو په رڼا کې شوېده، دا پرېکړه له ګڼو کورنیو او بهرنیو اړخونو سره په سلامشوره کې شوېده او دا پرېکړه د بشري خواخوږۍ او همدردۍ له مخې شوېده. اوس د دې وخت دی چې نور وسله وال مخالفان د سولې په اړه د افغانستان د مشرتابه د ښه نیت، ارادې او برنامې په اړه شک ونه لري او له حکومت سره مخامخ خبرو ته کېني. یوازې په مخامخ خبرو کې د ټولو ستونزو حل لارې موندل کېدای شي.
ن. ش.

 

ښرنه/دلړم۲۱مه/باختر
د پکتیکا د امنیې قوماندانۍ مسوولین وايي چې د دغه ولایت د پولیسو له ښوونیز مرکز څخه د ۱۷۲ افسرانو او ساتنمنانو په فارغېدو سره به په امنیت کې لا نور ښه والی راشي.
ځايي چارواکي وايي په دغو فارغانو کې ۱۴۵ ساتنمنان او پاتې نور یې افسران شامل دي چې له دوو میاشتو زده کړو وروسته یې د دغه ولایت د پولیسو له ښوونیز مرکز څخه فراغت لیکونه ترلاسه کړل.
د پکتیکا د امنیت آمر مسعود بابکرخېل د باختر اژانس له سیمه ييز خبریال سره په خبرو کې ویلي چې د ۱۷۲ ساتنمنانو او افسرانو په فارغېدو سره به د دغه ولایت په امنیت کې لا نور ښه والی هم راشي.
د پکتیکا د والي مرستیال شېر باد شاه ارګونی د پولیسو میړانه ستايي او زیاتوي چې پولیس په ستونزمنو شرایطو کې په پوره مېړانه خپله دنده ترسره کوي او له خپلې خاورې او خلکو ساتنه کوي.
د یادونې وړ ده چې شاوخواه یوه میاشت مخکې هم له یاد تعلیمي مرکز څخه لسګونه پولیس فارغ شوي وو.
پای/وصال

ښرنه/دلړم۲۱مه/باختر
د کرنې، اوبولګولو او مالدارۍ وزارت؛ د بڼوالۍ او مالدارۍ ملي پروګرام په چوکاټ کې د پکتیکا یوسف خېلو ولسوالۍ کې ۲۵۰ بېوزله کورنیو لپاره د هګیو چرګانو فارمونه جوړ شول.
د پکتیکا دکرنې،اوبولګولواومالدارۍ ریاست مسوولین وایي، چې پر دغو   ۲۵۰بېوزله کورنیو پر هرې کورنۍ ۳۰ د هګیوچرګان، د چرګانو خوراکي توکي، واکسینونه، درمل او نور اړین توکي وېشل شوي دي.
سرچینه زیاتوي چې د دغې پروژې موخه په پکتیکا کې د چرګانو روزنې ته پراختیا ورکول، په کور دننه مېرمنو ته د کار زمینه برابرول او له دې لارې د بېوزله کورنیو اقتصادي پیاوړ تیا ده.
پای/وصال

متون/دلړم۲۱مه/باختر
د خوست د امنیې قوماندانۍ مسوولین وايي چې د تڼیو ولسوالۍ په درکي سیمه کې د ملکي وګړو پر موټر په ماین چاودنه کې د ښځو او ماشومانو په ګډون پنځو ملکي وګړو ته مرګ ژوبله اوښتې ده.
د امنیې قوماندانۍ ویاند عادل حیدر د باختر اژانس سیمه ييز خبریال ته وویل چې پېښه پرون ناوخته د تڼیو ولسوالۍ په درکي سیمه کې رامنځته شوې ده.
سرچینه زیاتوي چې په چاودنه کې درې ښځې او یو ماشوم ټپيان شوي او یو بل ملکي وګړی وژل شوی دی.
تر اوسه پورې د پېښې مسوولیت کومې وسله والې ډلې نه دی منلی.
پای/وصال

ګردیز/دلړم۲۱مه/باختر
د پکتیا د میرزکې ولسوالۍ په شیخانو کلي کې د افغان ځواکونو او وسله والو طالبانو ترمنځ نښته کې دریو طالبانو ته مرګ ژوبله اوښتې ده.
د پکتیا د والي ویاند عبدالله حسرت د باختر اژانس سیمه ییز خبریال ته وویل چې پرون ناوخته د میرزکې ولسوالۍ په شیخانو کلي کې د افغان ځواکونو او وسله والو طالبانو ترمنځ نښته شوې.
سرچینه زیاتوي چې په نښته کې یو وسله وال طالب وژل شوی او دوه نور یې ټپيان شوي دي.
ویل کېږي په نښته کې افغان ځواکونو ته زیان نه دی اوښتی.
پای/وصال

کابل/ د تلې ٢١ مه / باختر
مرکزي بانک ٣٥ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د لړم په ٢٢ مه د چهارشنبې په ورځ، ٣٥ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى\ع

Page 9 of 8254