24 September 2020

RSS Facebook

سوداگریز


تازه خبرونه

جمهوررئیس محمد اشرف غني د پاکستان د نوي سفیر باورلیک ومانه

جمهوررئیس محمد اشرف غني د پاکستان د نوي سفیر باورلیک ومانه

کابل/ د تلې ۳مه/ باختر د افغانستان د اسلامي جمهوریت...

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

Youtube Player

khantry design

سوداگریز

سوداگریز

غزني\  باختر د وږي دمياشتې ٢٤
وسله والو طالبانو تيره شپه د غزني ولايت يو اوسيدونکې شهيد کړ.
دغزني ولايت دامنيې قوماندانۍ دامنيت آمراسد الله انصافي باختر آژانس ته وويل:   دغه سړي علي احمد نوميده په دې جرم چې دغزني ولايت په امنيې قوماندانۍ کې يې د اجير په توګه دنده ترسره کوله دوسله والو طالبانو له خوا دغزني ښار د حيدر آباد په ساحه کې شهيد کړى شو.

کابل باختردوږې دمياشتې ٢٤ :
د افغانستان جمهوررئیس حامدکرزي د سمنګانو ولایت د ډبرو سکرو په کان کې د ۲۷ تنو کارګرانو پر وژل کېدو خپله ژوره خواشیني څرګنده کړه.
دجمهوري رياست مطبوعاتي دفتر باخترآژانس ته خبر ورکړ :
درارسيدلو رپوټونو له مخې، پرون له غرمې وروسته د سمنګانو ولایت د روی دو آب ولسوالۍ د ډبرو سکرو د کان د یوې برخې د نړيدو له امله د دغه کان۵۷ تنه کارګران تر خاور لاندې بند پاتې شول چې د هغو له جملې څخه ۲۷ تنو یې خپل ژوند له لاسه ورکړ.
د هېواد جمهوررئیس د دغې غم لړلې پیښې د خبر په اوریدو سره په ژوره توګه خواشینی
شوی دی. حامدکرزی د دغې پیښې د شهیدانو پاتې کسانو ته د خپلې ژورې خواخوږۍ او
ډاډ ګیرنې مراتب وړاندې کوي.
حامدکرزي، نن سهار د کانونو او پیطرولیم وزیر ته لارښوونه وکړه چې پخپله دی او یا د ده یو معین دې د پیښې ځای ته لاړ شي، د دغې پیښې څرنګوالی دې وڅیړي او په راتلونکي کې د دا ډول غم لړلو پیښو د تکراریدو د مخنیوي لپاره دې لازم تدبیرونه ونیسي.
همدا راز جمهوررئیس د کانونو وزیر ته لارښوونه وکړه چې د سمنګانو ولایت له سیمه ایزو چارواکو سره یوځای دې د دغې پیښې د شهیدانو او ټپیانو کورنیو ته بیړني مرستې و رسوي او د ټپیانو د درملنې لپاره دې هم  په اقدام لاس پورې کړي.

کابل باختر دوږې دمياشتې ٢٤ :
د افغانستان جمهوررئیس حامدکرزي، د هېواد د فوټبال د ملي لوبډلې لوبغاړي چې په دې وروستیو کې یې د جنوبي آسیا د فوټبال په سیالیو کې اتلولي وګټله، د غازي میر مسجدي خان د مډالونو، د اپارتمانونو او د نغدي سوغاتونو په ورکولو سره وستایل.
دجمهوري رياست مطبوعاتي دفتر باخترآژانس ته خبر ورکړ :
په هغو مراسموکې چې پرون له غرمې وروسته په همدې مناسبت په ارګ کې پرځای شول، لومړی د هېواد جمهوررئیس پخپلو خبروکې وویل: " له هغې ورځې څخه چې تاسو افغانستان په فوټبال کې د آسیا په لوبوکې اتل کړ، ومو لیدل چې د افغانستان خلکو ستاسو دغه بریا په  څومره خوښۍ سره ولمانځله . په ټول هېواد کې خلکو په زوږ او ولولو سره ستاسو هرکلی وکړ او ځوانانو په ټول هېوادکې ستاسو په ویاړ جشنونه جوړکړل د دغو ټولو خوشحالیو چې د کلونو کلونو له مصیبت او بې وزلۍ وروسته  ترلاسه شوې، سبب یې تاسو یاست."
د هېواد جمهوررئیس د فوټبال د ملي لوبډلې لوبغاړو ته د مبارکۍ د ویلو په ترڅ کې، وویل چې خپلو هڅو ته دوام ورکړیء، د افغانستان دولت په ټولو امکاناتو سره له تاسو سره ولاړ دی او باور لرم چې د هېواد سوداګر، پانګه وال او شتمن هېوادوال به هم له تاسو سره ودریږي .
حامدکرزي وویل چې تاسو د افغانستان خلکو ته ویاړ ور وبخښلو او زه ډاډه یم چې د آسیا په لوبوکې به هم اتلولي وګټیء، او بیا لاړشی نړیوالو لوبو ته او هلته به هم وګورو چې د افغانستان د فوټبال ملي لوبډله په نړیوالو لوبوکې ګډون کوي، ګولونه وهي او افغانستان ته اتلولي راوړي.
بیا، د فوټبال د ملي لوبډلې هر یوه لوبغاړي، ترینر، رئیس او د فوټبال د ملي لوبډلې همکارانو ته د غازي میرمسجدي خان د مډال د ورکړې، د کابل د خواجه رواش په سیمه کې د ښار جوړولو وزارت په پروژه کې د یو یو باب اپارتمان د توزیع، د نغدي مکافاتو او ستاینلیکونو د ورکولو په اړه د چارو د ادارې د مرستیال سیدولي سلطان لخوا د جمهوررئیس فرمان ولوستل شو.
په دې فرمان کې د هېواد د فوټبال د ملي لوبډلې ګول کیپر منصور فقیر یارته یو میلیون او سل زره افغانۍ، د کابل د خواجه رواش په سیمه کې د ښارجوړولو  وزارت په پروژه کې د دوه کوټو لرونکی یو اپارتمان او د غازي میرمسجدي خان مډال منظور شوی دی.
همدا راز په دغه فرمان کې د هېواد د فوټبال د ملي لوبډلې نورو ۱۹ لوبغاړو ته د دوه کوټو لرونکی یو یو باب اپارتمان، د غازي میر مسجدي خان مډال او سل زره افغانۍ منظورې شوې دي.
په همدې ډول په دغه فرمان کې د هېواد د فوټبال د ملي لوبډلې سر مربي یوسف کارګرته د کابل د خواجه رواش په سیمه کې د ښارجوړولو وزارت په پروژه کې یواپارتمان او د غازي میرمسجدي خان مډال منظور شوی دی.
وروسته د افغانستان جمهوررئیس حامدکرزي د هېواد د فوټبال د ملي لوبډلې هریوه لوبغاړي ته د غازي میرمسجدي خان مډال په سینه وځړولو.
د غونډې په پای کې د هېواد د فوټبال د ملي لوبډلې سر مربي یوسف کارګر د نورو په استازیتوب د ورزشکارانو د ستاینې له امله له جمهوررئیس څخه مننه وکړه.
ده، د جنوبي آسیا د فوټبال په لوبوکې د افغانستان د فوټبال د ملي لوبډلې د تاریخي بریالیتوب له امله د هېواد جمهوررئیس او د افغانستان خلکو ته مبارکي وویله.
یوسف کارګر وویل چې د هېواد د فوټبال د ملي لوبډلې لوبغاړو په خپل دغه بریالیتوب سره د افغانستان د خلکو پیوستون  وښود.

واشنګټن \نړيوالي خبري منابع \  باختر د وږي دمياشتې ٢٤
دامريکا جمهور رييس بارک اوباما دسوريې دکيمياوي وسلو دکنترول په باب له روسيې سره دخپل هيواد دموافقې هرکلي وکړ او ويې ويل که چيرې ديپلوماسي ماتې وحوزي امريکا دغه راز پوځي لاس وهنې ته چمتو ده  .
په دې وينا کې ويل شوي دي امريکا دهغه څه لپاره چې  ورباندې موافقه وشوه له روسيې ،بريتانيا ،فرانسې دملګروملتو له سازمان او نورو سره خپلو همکاريوته دوام ورکوي او که چيرې دسوريي دجمهوررييس بشار الاسد حکومت ددغه موافقه  ليک په چوکاټ عمل ونه کړي دهغه له پايلو سره به مخامخ شي .
او باما په خپلې وينا کې ليکي دي دامريکا پوځي ګواښ د دې سبب شو چې دغه فرصت برابرشي چې خپلې غوښتنې له ديپلوماتيکي لارې تعقيب کړو .
پرون دامريکا دبهرنيو چارو وزير جان کري او د روسيې دبهرنيو چارو وزير سرګي لاوروف په ژنيو کې دخپلو خبرو د دريمې ورځې په پاى کې په يو ګډ خبري کنفرانس کې  د سوريي دکيمياوي  وسلو د کنترول   په باب د دواړو  هيوادونو د  موافقې جزييات  وړاندې کړل .
روسيې او امريکا دغه   راز  اعلام کړى  دي  چې  سوريه  دې بايد ملګرو ملتو دسازمان  پلټونکو ته  د دغه هيواد په ټولو کيمياوي وسلو دلاس بري اجازه ورکړي او په يوه اوونۍ کې دې دخپلو کيمياوي مسلو بشپړ فهرست له جزيياتو سره يې وړاندې کړي .
د روسيې او امريکا شپږ ماده يي موافقه د فرانسې له هرکلي سره چې  دسوريي د آزادي   اردو  ملاتړي   دي مخامخ شو .
بان کى مون هم ددغه موافقه ليک هرکلي وکړ او هيله يې وکړه چې دغه موافقه به  په سوريه کې دسولې لاره  اداره  کړي .

پيښور \ ډي ډان \  باختر د وږي دمياشتې ٢٤
طالبانو پرون د يوې  پروژې اته تنه کارکونکې د جنوبي وزيرستان په قبايلي سيمه کې  آزاد کړل  ،  دغه کارکونکي تيرکال تښتول شوي وو .
دباختر آژانس دخبرله مخې :   دخيبر پښتونخوا  ايالت دګوند ويندوى تاييد کړه چې ټول اته  تنه نښتول شوي کارکونکي آزاد شوي دي .
په نښتول شويو کسانو کې يو افسر ، دانجينير يو مرستيال ، څلور تنه امنيتي پرسونل او دوه تنه نور کارکوونکې شته چې د تيرکال د زمري دمياشتې په څلورمه نيټه کله چې دجنوبي وزيرستان دټانک ښارته   روان وو،  وتښتول شول .
دتيرې اوونۍ د دوشنبې په ورځ داستخباراتو ،اردو او دمهمو سياسي ګوندونو رييسانو په يو عمومي کنفرانس کې ګډون وکړ او  له ياغي طالبانو او بنسټپالو سره  د ديالوګ دپيل لپاره چې له دولت سره په نښتې بوخت دي  دګوندونو د غونډې غونښته وکړه.
دطالبانو ويندوى  د خبرو دوړانديز هرکلى وکړ او نه تاييد شوي رپوټونه خپاره شول چې دطالبانو عالي شورا د دغه وړانديز د څيړنې په خاطر غونډه کړې ده.

غزني  \ باختر د وږي دمياشتې ٢٤
دوه تنه ماين ښخوونکي طالبان پرون په غزني ولايت کې  و وژل شول .
دغزني ولايت دامنيې قوماندانۍ دامنيت آمر اسد الله انصافي باختر آژانس ته وويل :   دوه تنه وسله وال طالبان د هغه ماين دچاودنې له امله ووژل شول چې غوښتل يې دغه ماين  دکابل- قندهار د لويې لارې د اندړو ولسوالۍ د ګيرده جومات ته څيرمه ښخ کړى.
ويل کيږي ددغې چاودنې له امله د ګيرده جومات هم يو څه ويجاړ شوى دى .

کابل \ باختر د وږي دمياشتې ٢٤
افغاني امنيتي ځواکونو او نړيوالو قوتونو په تيرو ٢٤ ساعتو کې په يولړ چاڼيزو عملياتو کې څلورشپيته  تنه وسله وال طالبان ووژل .
دکورنيو چارو وزارت مطبوعاتي دفتر باختر آژانس ته خبر ورکړ  :   افغان امنيتي ځواکونو او نړيوالو قوتونو دغه عملياتو دقندهار ،زابل ،ارزګان،ميدان وردګو ، غزني ، هلمند او دکونړ د ولايتونو په مربوطاتو کې ترسره کړل چې له امله  يې څلورشپيته تنه وسله وال طالبان ووژل شول ، دوولس تنه ټپيان او اووه تنه نور يې  ونيول شول او يوه اندازه سپک او درانده جنګي وسايل يې ترلاسه شول .
ديوبل خبرله مخې  :  دکابل ولايت دامنيتي قوماندانۍ پوليسو پرون  دوه  تنه دلومړۍ او پنځلسمې حوزې په مربوطاتو کې د وژنې او غلا په تور  ونيول .

قاهره \ نيوز نو\  باختر دوږي دمياشتې ٢٤ :
دمصر په پايتخت قاهرې ښارکې پرون له هغه وروسته نوي نښتې وشوې چې دمصر دپخواني جمهوررييس حسني مبارک يوځل بيا محکمې ته راړول شو.
په ده تورلګول شوى دى چې د ٢٠١١ ميلادي کال په پيل کې  داعتراض کوونکو په وژلو کې لاس لري .
له هغه وخت څخه چې دثور په مياشت کې دمبارک بيا محاکمه پيل شوه دغه قضيه وځنډول شوه.
دحسني مبارک اودمصر ګوښه کړى شوي جمهوررييس محمدمرسي پلويانو له محکمې بهر نښته وکړه.
مبارک پنځه اتياکلن دى اود  ٢٠١١  ميلادي کال دپاڅون په بهيرکې دڅه دپاسه
اته سوه تنو اعتراض  کوونکو دوژل  کيدو دمخنيوي په لاره کې  دناکامي دتورونو په خاطر بيا محاکمه  کيږئ .
دغه پاڅون له واک څخه دحسني مبارک دګوښه کيدو سبب شو.
له هغه وخت څخه چې حسني  مبارک دزمري په مياشت کې له جيل څخه آزاد شو ،
  مبارک  دا دويم ځل دى چې په محکمه کې حاضريږي.
مبارک  له جيل څخه له  خوشي کيدو وروسته يو پوځي روغتون ته وليږدول شو.

واشنگټن \ دويچه ويله \  باختر دوږي دمياشتې ٢٤ :
دامريکاپه کلورادو ايالت کې دتوپان دچليدو  اودسيلاونو دراوتلو له امله  څه ناڅه څلور تنه ووژل شول.
دکلورادو دبولدرښار مامورينو اعلام کړى دى  چې په دې سيمه کې څه ناڅه اتياتنه نور بيدرکه شوي دي.
په رارسيدلو خبرونو کې ويل شوي دي  چې له بهير سره  دزياتو سيمو  اوپه تيره بيا  دغرنيو سيمو اړيکې شليدلي دي او تراوسه پورې دوه زره پنځه سوه تنه خوندي سيمو ته ليږدول شوي دي.
دامريکا جمهوررييس بارک اوباما يوبيړنى فرماهن صادر کړى دى  او دمرکزي دولت دمرستو ژمنه يې کړې ده.

-دمشق\ رويترز\  باختر د وږي دمياشتې ٢٤
په سوريه کې د دولت دمخالفينو ملي ايتلاف پرون دترکيې په استانبول ښارکې په يوه غونډه کې ،احمدطعمه دخپل لنډمهال صدراعطم په توګه معرفي کړ.
احمدطعمه په سوريه کې د دولت دمخالفينو د ملي ايتلاف دغړو له ٩٧ رايو څخه د ٧٦ رايو په ترلاسه کولو سره په  دغه مقام انتخاب شوي دي .
ده  د رويترز له خبري آژانس سره په خبرو کې  دمخالفينو ترکنترول لاندې سيمو کې دثبات او امنيت ټنيګښت له خپل لنډمهال دولت لومړيتوبونه بللي دي .
دسوريې دمخالفينو ملي ايتلاف هيله کړې ده چې داحمدطعمه هلې ځلې وکولاى شي   دسوريې دبحران دحل وفصل سبب شي.