01 October 2020

RSS Facebook

سوداگریز


تازه خبرونه

دولس طالبان په قندهار کې ووژل شول

کابل / د تلې ۱۰ مه / باختر د قندهار په...

اته طالبان په قندهار کې ووژل شول

-کابل /دتلې ١٠مه /باختر: اته وسله وال طالبان په قندهار کې...

په يوه ترافيکي پېښه کې يوولس سپرلۍ ووژلې شوې

په يوه ترافيکي پېښه کې يوولس سپرلۍ ووژلې شوې

-کابل /دتلې ١٠مه /باختر: ١١ سپرلۍ د قندهار – هرات په...

Youtube Player

khantry design

سوداگریز

سوداگریز

کابل – باختر د وږي دمياشتې ٢٤
دهرات ولايت د غوره کلپونو د واليبال سيالۍ پرون مازيګر په  دوو لوبو سره پيل شوې .
دهرات ولايت دورزشي آمريت مرستيال ضيا الحق ضيا باختر اژانس ته وويل : 
په دغو سياليو کې لومړى دالسادات ټيم د يوې په مقابل کې په  دريو سره دارمان پرټيم  بريالى شو .
او په دويمه لوبه کې د وګړنيو پوليسو دآريا ټيم  دصفر په مقابل کې په دريو سره د برادران  پر ټيم بريالي شو .
دغه سيالۍ په ورزشي جمنازيوم کې ددغه ولايت دپنځو ټيمونو ترمنځ دتګ راتګ په ډول پيل شوي دي  چې شل  ورځې به  دوام وکړي.
ضيا زياته کړه ، د دغو سياليو په دوام ټاکل شوې ده نن د تابان او آرمان  ټيمونه لوبه وکړي.

کابل – باختر د وږي دمياشتې ٢٤
د لوګر ولايت د بره کي برک ولسوالۍ دښونځيو دښځينه ښوونکو لپاره د ښوونکو دروزنې يو مرکز پرون  جوړ شو.
دباختر آژانس دخبرله مخې :   په هغې غونډه کې چې له همدې امله دلوګر ولايت دپوهنې د رييس ، دبره کي برک د ولسوال، قومي مخورو او د دولتي ادارو دمسوولينو  په ګډون په دغې ولسوالۍ کې جوړه  شوې وه ،   وينا والو دښوونکو دروزنې دمرکز جوړيدل د دغې  ولسوالۍ د پوهنې د ودې په خاطر يو ګټور  کار وباله.
دلوګر ولايت په مربوطاتو کې په عالي مرکزي  دارالمعلمين سر بيره په پنځو ولسواليو کې دښوونکو د روزنې الحاقيې فعاليت کوي چې چې دموسسو څه دپاسه  زرتنه نجونې او هلکان پکې  زده کړه کوي.

کابل – باختر د وږي دمياشتې ٢٤
دننګرهار ولايت د نازو انا دليسې دنوې ودانۍ دبنسټ ډبره  پرون د دغه ولايت دپوهنې دمسوولينو له خوا کيښودل شوه .
دباختر آژانس دخبرله مخې  :    دغه ودانۍ د فرانسې دافرن دفتر په مالي مرسته
په اتو مياشتو کې جوړيږي  او شپاړلس درسي او اته اداري خونې او نور ضروري ملحقات پکې په پام کې نيول شوي دي .
ددغې ليسې زده کوونکي د درسي او اداري خونو دکمښت له پلوه له ستونزو سره مخامخ دي چې ددغې  ودانۍ په جوړيدو سره به ددغې ليسې نږدې پنځه  زره  تنه زده کوونکو ته د ښې زده کړې  زمينه برابره شي.

کابل – باختر د وږي دمياشتې ٢٤
دجمهوري رياست او دولايتي شوراګانو دانتخاباتو دکانديدانو دنوم ليکنې بهير سبا په رسمي ډول پيليږي.
دانتخاباتو دخپلواک کميسيون ويندوى  نورمحمد نور دباختر آژانس له خبريال سره مرکه کې وويل  :   د دغه کميسيون له خوا د ټاکلې مودې له مخې سبا د وږي دمياشتې په پنځه ويشتمه نيټه دافغانستان په مرکز او څلور ديرشو ولايتونو کې دجمهوري رياست او د ولايتي شورګانو په انتخاباتو کې د نوم ليکنې بهير پيليږي او دروان کال دتلې دمياشتې ترڅوارلسمې نيټې پورې په دوام وکړي .
نور زياته کړه  ،   چې دجمهوري رياست د انتخاباتو د کانديدانو شرايط  پخوا اساسي قانون له مخې د دغه کميسيون له خوا ابلاغ شوي وو  چې دجمهوري رياست هرکانديد بايد سل  زره ملاتړيږي  رايې  له ځان سره ولري .
ده زياته کړه چې  پرون له غرمې  وروسته ترڅلورو بجو او ديرشو دقيقو پورې دجمهوري رياست دانتخاباتو يوويشتو تنو کانديدانو دانتخاباتو معلوماتي بستې ددغه کميسيون له مرکزي دفتر څخه ترلاسه کړل  .
په همدې حال کې دانتخاباتو دخپلواک کميسيون  د دارالانشا رييس ضيا الحق امرخيل  وويل ،   چې معلوماتي بستې دجمهوري رياست دانتخاباتو دکانديدانو يو شرط دى چې بايد درايې ورکولو د سلو زرو کارتونو کاپي له ځان سره ولري او يو مليون افغانۍ دغه کميسيون ته د ضمانت په ډول وسپاري .
د ده دڅرګندونوله مخې : دولايتي شوراګانو کانديدان بايدله دوه سووڅخه  ترشپږ سوه پورې ملاتريز کارتونه ولري او شل زره افغانۍ دضمانت په ډول کميسيون  ته وسپاري.

کابل – باختر د وږي دمياشتې ٢٤
د طالبانو د ډلې مشهور قوماندان تيره شپه په فراه کې له يو تن همکار سره يې ووژل شو .
په لويديځ  کې دعامه نظم او امن شپږمې لوا قوماندان باختر آژانس ته وويل : دطالبانو د ډلې يو مشهور قوماندان ملا قاسم له يو تن همکار سره يي  بالابلوک ولسوالۍ په شيوان کلي کې د عامه نظم دپوليسو په عملياتو کې و وژل شو.
په دغو عملياتو کې دعامه نظم پوليسو ته زيان نه دې اوښتى .

کابل – باختر د وږي دمياشتې ٢٤
د بغلان ولايت  پوليسو پرون يو تن د نشه يي توکو دقاچاقو په تور  ونيوه .
دبغلان ولايت دامنيې قوماندانۍ له نشه يي توکو سره دمبارزې مدير سمونوال نظام الدين نظام باختر آژانس ته وويل :  دغه سړي چې غوښتل اته ويشت کيلواو پنځه سوه ګرامه اپين ديو کرولا موټر په واسطه له  نهرين ولسوالۍ څخه مرکزي بغلان ته  وليږدوي، دمرکزي بغلان د دروازې د پوستې په ساحه  ونيول شو.
خبرځاى  زياته کړه  ، اپين له ضبطولو  وروسته اته نيم کيلوګرام يې دپوستې د دوو سرتيرو له خوا غلاشوي چې له امله يې دغه کسان وپيژندل شول او دپوليسو له خوا ونيول شول .

فراه – باختر د وږي دمياشتې ٢٤
اته تنه وسله وال طالبان  پرون  په فراه ولايت کې له پوليسو سره په نښته کې ووژل شول  او  لس تنه نوريې ټپيان شول .
دفراه دوالي ويندوى عبدالرحمن ژوندي  باختر آژانس ته وويل :  دغه پيښه له هغه وروسته وشوه چې يوې ډلې وسله والو طالبانو د خاک سفيد ولسوالۍ  دغمي کلي په ساحه کې د پوليسو په امنيتي پوستې بريد وکړ  .
ده وويل : په دې نښته کې اته تنه طالبان و وژل شول او  لس تنه نور يې ټپيان شول .
دژوندى دڅرګندونو له مخې :  ددغۍ نښتې په بهير کې دپوستې درې تنه پوليسان هم ټپيان شول شوي  او روغتيايي حالت مخ په ښه والي بلل شوى دى .

Sunday, 15 September 2013 08:59

تبصـــــــــــــره :

کابل – باختر د وږي دمياشتې ٢٤ :
دشانګهاى دسازمان دغړو هيوادونو وروستۍ غونډې چې په قرغزستان کې جوړه شوه دزياتو سيمه ييزو همکاريو فرصت برابر کړ او دا د دغه سازمان په غړو پورې اړه پيدا کوي چې څه ډول له  دغه فرصت څخه دسيمه ييزې همکارۍ او  پيوستون په ګټه استفاده  وکړي.
دباختر آژانس مبصر ليکي  :
په دې وروستيو وختودقرغزستان دبشکيک ښاردشانګهاى دهمکاريو دسازمان دغړو هيوادونو دمشرانو دغونډې ډګر  و .  په  وروستۍ غونډه کې مهمې  خبرې دسيمه ييز  ثبات څرنګوالي ،اقتصادي همکارۍ او د دغه سازمان دغړو ترمنځ د همغږۍ پيدا کول  و.
په دې غونډه کې د روسيې ، چين،قزاقستان،قرغزستان ،تاجکستان او د ازبکستان  په ګډون  د غړو هيوادونو  مشرانو او دافغانستان ، هندوستان، ايران ، منګوليا او دپاکستان دهيوادونو مشرانو او جګپوړو استازو  چې په شانګهاى کې کتوونکي غړي بلل کيږي ، برخه لرله.
دشانګهاي غړو لکه څنګه چې هيله يې کيده  د نورو مسلو ترڅنګ په افغانستان کې دحالاتو په باب خبرې وکړې او يو ځل بيا يې په دې ټکي باندې ټينګار وکړ چې په افغانستان کې حالات او ثبات  په  سيمه ييز حالاتو باندې اغيزه  لري.
په دې ترتيب د شانګهاى غړو تفهيم کړه  چې دافغانستان ستونزه بيلابيل دبهرني اړخونه لري ، مذهبي بنسټ  پالنه ، ترورستي فعاليتونه او د نشه  يي توکو قاچاق په دغه هيواد کې اساسي ستونزې دي . که چيرې هغه حل نه شي کيداى شي لمن يې د نورو هيوادونو په لور پراختيا ومومي.
لکه څنګه چې دافغانستان داسلامي جمهوريت جمهور رييس حامد کرزي په  دې غونډه کې په  ډاګه کړه چې افغانستان لا  تراوسه پورې هم  د تروريزم   پرخلاف دجګړې په  لومړۍ ليکه  کې  دى .
په داسې حال کې  چې له  تروريزم  او  بنسټ پالنې سره  مبارزه  د سيمې د ټولو هيوادونو ګډ مسووليت دى او يوازې په صادقانه همکارۍ سره کولاى شو په دې
لاره کې بريالي شو.
حامد کرزي هيله  وکړه ،   چې د سيمې هيوادونه  وکولاى شي په دې لاره کې  له افغانستان سره مرسته وکړي.
د جمهور رييس کرزي دغه بلنه په داسې حال کې بيانيږي چې دسيمې هيوادونه په منظم ډول ، دمذهبي بنسټ پالنې او دترورستي فعاليتونو دزياتوالي په باب خبرې کوي خو د دغو ستونزو عواملو او  جرړو ته  ډيره کمه  پاملرنه هم نه ده  شوې. او يوازې  دانديښنو څرګندول نه شي کولاى دستونزو غوټه  خلاصه کړي.
دشانګهاي دهمکاريو سازمان دغړو هيوادونو دوګړو دشميراو دهغو داقتصادي او پوځي ځواکمنۍ په پام کې نيولو سره کيداى شي د نړۍ  په ډير  ستر اقتصادي او سياسي سازمان بدل شي .
له دې څخه مهمه خبره دا چې د دغه سازمان اصلي په جغرافيايي لحاظ له يوبل سره  تړاو لري او يوه  ټاکلې او مشخصه سياسي جغرافيايې  جوړه کړې ده .
دکار د زيات ځواک ، د سترو پرګنو او دسيمه ييزې همکارۍ او همغږۍ لپاره دتمايل او انګيزې شتون او ديو شمير غړو هيوادونو لوړ دفاعي او اقتصادي قدرت ، زيات فرصتونه برابر کړي دي  چې دهغو په ړنا کې کولاى شو د سيمې داقتصاد دغوړيدو  لپاره  پروګرامونه جوړ کړو .
دا يو واقعيت دى چې دغه هيوادونه  دبنسټ پالنې او تروريزم په شان له ګواښونو او چلنجونو سره مخامخ دي . په دغه شان ستونزو  برياليتوب شفافې او صادقانه همکارۍ ته  اړتيا لري او که چيرې د سيمه ييزې همکارۍ او همغږي لپاره  پياوړې انګيزه موجوده  وي کولاى شو ګواښونه په  فرصتونو بدل کړو.  شانګهاى ورځ  په ورځ  زياتيدونکى  هويت او اعتبار لري او  رول يې  د هغه دجوړيدو له وخت څخه تراوسه  پورې په سيمه کې زيات  شوى دى .
د دغه سازمان زيات اعتبار په دې کې  نغښتى دى چې دغه سازمان په کوم دفاعي تړون کې نه دى  شامل شوى بلکې د څواړخيزې امنيتي ، اقتصادي او فرهنګي همکارۍ لپاره کار کوي.
افغانستان د يو داسې هيواد په توګه چې له بل هر هيواد څخه زيات دافراطيت او تروريزم  د صادريدو له پلوه کړيدلى دى او سترې ستونزه يې  ګاللي دي . دشانګهاى په لور ديو فرصت په توګه ګوري چې په شتون کې يې کولاى شو د دواړو هيوادونو ملتونه او خلک لاپسې نږدې کړو  او يو مثبت سيمه ييز تعامل  رامنځته کړو او ظرفيتونه لوړ کړو .

کابل\باختر\دوږي  دمياشتې ٢٠ مه:
دکابل دشهزاده سراى دصرافانو درييس  دمعلوماتو له مخې نن له غرمې  مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     56/75  افغانيو پلورل په   56/80افغانيو
يوانګليسى پونډ پيرودل په  89/10افغانيو پلورل په   89/20افغانيو
يوه يورو  پيرودل په    00 75/ افغانيو پلورل په   75 /10  افغانيو
يوسعودي ريال پيرودل په  10 15/پلورل  15/15 افغانيو
داماراتو يو درهم پيرودل په 40/ 15 افغانيو پلورپه 45 / 15 افغانيو
زرپاکستاني کلداري پيرودل په  537افغانيو پلورل په  538 افغانيو
زرهندي کلدارى پيرودل په 890 افغانيو پلورل په 800 افغانيو
اوزر ايراني تو مان پيرودل په 17/90  افغانيو پلورل په   18/00 افغانيو.

کابل باخترد وږي دمياشتې ٢٤ :
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د
هوا حالات د سانتي ګراد په حساب په دې ډول اټکل کړى دى :
کابل- آسمان ځاى ځاى  وريځ ، د تودوخې لوړه درجه ٣٠ ټيټه  ١٣
هرات- آسمان  شين ، د تودوخې لوړه درجه ٣٦،  ټيټه ٢٢
جلال آباد- آسمان وريځ داورښت امکان د تودوخې لوړه درجه ٣٦، ټيټه ٢٧
قندهار- آسمان شين   ، د تودوخې لوړه ٣٨ ، ټيټه ١٦
مزارشريف- آسمان شين   ، د تودوخې لوړه  ٣٤، ټيټه ٢٦
کندز- آسمان  شين  د تودوخې  لوړه درجه ٣٨، ټيټه ٢٣
غزني- آسمان  ځاى ځاى وريځ  ، د تودوخې لوړه درجه ٢٦ ، ټيټه ٩
باميان- آسمان   ځاى ځاى وريځ ، د تودوخې لوړه درجه ٢٨ ، ټيټه ٨
فيض آباد آسمان ځاى ځاى وريځ ، د تودوخې لوړه درجه ٣٢، ټيټه  ١٦
شمالي سالنګ- آسمان شين ، دتودوخې لوړه درجه ١١، ټيټه  ٣
فراه- آسمان شين ، د تودوخې لوړه درجه ٣٦ ټيټه ٢٢
خوست- آسمان وريځ  داورښت امکان ،  د تودوخې لوړه درجه ٣١، ټيټه ٢٢
ميمنه- آسمان شين، د تودوخې لوړه درجه  ٣٦ ، ټيټه ١٩
لښکرګاه-  آسمان شين  ، د تودوخې لوړه درجه ٤٠، ټيټه ١٩
جنوبي سالنګ- آسمان  شين ، د تودوخې لوړه درجه ١٨، ټيټه ١٠
شبرغان –  آسمان شين   ، د تودوخې لوړه درجه ٤٠، ټيټه ٢٣
جبل سراج-آسمان  ځاى ځاى وريځ  ،ددوخې لوړه درجه ٣١-ټيټه ٢٠
په کابل کې به سبا لمرپه ٥ بجو او ٣٥ دقيقو وخيژي او د مازيګر په ٦بجو او ٢ دقيقو ولويږي .