28 May 2020

RSS Facebook

سوداگریز


تازه خبرونه

محمد اشرف غني له استاد محمد محقق سره وکتل

محمد اشرف غني له استاد محمد محقق سره وکتل

کابل/ د غبرګولي ۷ مه/ باختر د افغانستان د اسلامي جمهوریت...

  جمهورريیس غني د ترکمنستان له جمهورريیس سره ټلیفوني خبرې وکړې

جمهورريیس غني د ترکمنستان له جمهورريیس سره ټلیفوني خبرې وکړې

کابل / د غبرګولي ۷ مه/ باختر د افغانستان د اسلامي...

Youtube Player

khantry design

سوداگریز

سوداگریز

کابل _ باختردثور اوولسمه :
دوسله والوطالبانو يو قوماندان په هلمند کې ونيول شو .
دملي دفاع وزارت دويندوى  مطبوعاتي دفتر باختراژانس ته خبر ورکړ، دوسله والو طالبانود ډلې يو مشهور قوماندان نصر الله  چې دافغان امنيتي ځواکونو پرخلاف مستقيمو عملياتو ، جګړه مارو طالبانو ته دوسلو په برابرولو او دطالبانو د ډلې  جګپوړو قوماندانانوته داستخباراتي  معلوماتوپه وړاندې کولو کې ونډه لرله ددغه ولايت دنهر سراج ولسوالۍ په مربوطاتو کې دملي اردو دخاصې قطعې دمنسوبينو د اوپراتيفي عملياتو په بهير کې له دريو تنو همکارانوسره يې ونيول شو .
  ديوبل خبر له مخې، دزابل ولايت دميزان ولسوالۍ په مربوطاتو کې دملي اردو دمنسوبينودامنيتي دندوپه بهير کې دوه تنه وسله وال طالبان ټپيان شول او له هغوى  څخه له دوه سوه ګوليو سره چې يوه پيکاماشينګڼه اويوموټرسايکل هم ترلاسه شوي دي .
دغه راز دملي اردو منسوبينو دميدان وردګو ولايت دجغتو ولسوالۍ په مربوطاتو کې دامنيتي دندو دترسره کولوپه بهير کې ددښمن دسپکو او درندو وسلو يوه اندازه مهمات اويوموټرسايکل ترلاسه کړي دي .

کابل _ باختردثور اوولسمه :ګ
په ميدان وردګو ولايت کې دوه تنه ماين ښخوونکي دهغه ماين دچاودنې له امله ووژل شول چې غوښتل يې ښخ کړي .
دميدان وردګو دوالي ويندوى عطاالله  خوږياني باختراژانس ته وويل، دغه دوه تنه ماين ښخوونکي تيره شپه دهغه ماين دچاودنې له امله ووژل شول چې غوښتل يې دميدان وردګو ولايت دسيد اباد ولسوالۍ دحسين خيلو په ساحه کې ښخ کړي .

کابل _ باختردثور اوولسمه :
دکندز ولايت په امام صاحب ولسوالۍ کې  دوسله والو طالبانو دبريد له امله دپوليسو يو افسر شهيد او پنځه تنه نور پوليسان ټپيان شول .
دامام صاحب ولسوال امان الدين قريشي باختراژانس ته وويل، دپوليسو په ځواکونو ددغې ولسوالۍ درام الله زيارت په لاره کې دوسله والو مخالفينو له خوا بريد وشو چې له امله يې دپوليسو  يو افسر شهيد اووه تنه نور پوليسان  ټپيان شول .   خبرځاى زياته کړه: دپيښې ټپيان ددغې ولسوالۍ  روغتيايي کلينيک ته ليږدول شوى دى او دکلينيک مسوولينو ددوو تنوټپيانو حالت خراب بللى دى .

کابل _ باختردثور اوولسمه :
دکندز ولايت په امام صاحب ولسوالۍ کې  دوسله والو طالبانو دبريد له امله دپوليسو يو افسر شهيد او پنځه تنه نور پوليسان ټپيان شول .
دامام صاحب ولسوال امان الدين قريشي باختراژانس ته وويل، دپوليسو په ځواکونو ددغې ولسوالۍ درام الله زيارت په لاره کې دوسله والو مخالفينو له خوا بريد وشو چې له امله يې دپوليسو  يو افسر شهيد اووه تنه نور پوليسان  ټپيان شول .   خبرځاى زياته کړه: دپيښې ټپيان ددغې ولسوالۍ  روغتيايي کلينيک ته ليږدول شوى دى او دکلينيک مسوولينو ددوو تنوټپيانو حالت خراب بللى دى .

کابل _ باختردثور اوولسمه :
  څلور تنه پوليسان نن سهار په غزني ولايت کې په واټ کې دښخ کړي  شوي ماين دچاودنې له امله شهيدان شول په  دې پيښه کې يو بل پوليس هم ټپي شو .
دغزني ولايت  امنيه قوماندان مل پاسوال  زړور زاهد باختراژانس ته وويل، دعامه ساتنې دپوليسو دسپرلۍ موټر  په لويه لاره کې دغزني ښار جنوب ته څيرمه په جباوال  سيمه کې  په واټ کې په ښخ کړى شوى ماين وخوت چې دماين دچاودنې  له امله دعامه ساتنې څلور تنه پوليسان شهيدان شول .
  په دې پيښه کې يو بل پوليس ټپي شو او ددرملنې لپاره روغتون ته وليږل شو او روغتيايي حالت يې مخ په ښه والى دى .

کابل _ باختردثور اوولسمه :
په هرات ښار کې يوه ځوانه نجلۍ دخپل ورور له خوا په ډزو سره ټپي شوه .
يو امنيتي مقام چې نه يې غوښتل نوم يې واخستل شي باختراژانس ته وويل، دغه ځوان له  خور سره له ناندرو وروسته هغه په ډزو سره ټپي کړه .
  خبرځاى زياته کړه: دغه پيښه دهرات ښارپه دريمې ناحيې پورې اړوند دسپينې اډې په ساحه کې  وشوه .
  دټپي روغتيايي حالت خراب بلل شوى  دى او پوليسو ددغې نجلۍ ورور نيولى دى .

کابل _ باختردثور اوولسمه :
دملي اردو دکوماندو ځواکونو پرون دميدان وردګو ولايت په مربوطاتو کې دځانګړو عملياتو په بهير کې  ١٦ تنه وسله وال طالبان ونيول .
دملي دفاع وزارت دويندوى  مطبوعاتي دفتر باخترتاژاسن ته خبر ورکړ، دغو کسانو چې له څه مودې  راپديخوا د ميدان وردګو ولايت دنرخ ولسوالۍ په مربوطاتو کې ورانکار فعاليتونه ترسره کول دملي اردو دکوماندودځواکونو له خوا ونيول شول او يوه اندازه وسلې او مهمات هم ترلاسه شوي دي .

کابل _ باختردثور اوولسمه :
دتخار ولايت په مربوطاتو کې دجومات يو ملا امام پرون  خپله ميرمن ووژله .
دتخار ولايت دښځو دچارو رييسې رزم ارا حواش  باختراژانس ته وويل، دتخار ولايت دچال ولسوالۍ ديو جومات يو ملا امام  دکورني تاوتريخوالي له امله خپله ميرمن په ډزو سره ووژله .
  حواش زياته کړه:  دغه ملا امام درې ميرمنې لرلې خپله دريمه ميرمن يې چې درې کاله مخکې يې واده کړې وه ووژله .
ويل کيږي چې تورن له ساحې څخه تښتيدلى  او دده دوه نورې ميرمنې  پوليسو نيولې دي .

کابل _ باختردثور اوولسمه :
دملاياسين  په مشرۍ يوه اووه کسيزه ډله وسله وال طالبان پرون په هرات ولايت کې له دولت سره يوځاى شول .
دلويديځ  زون دپوليسو ويندوى عبدالروف  احمدي باختراژانس ته وويل، ملا ياسين له شپږو تنو افرادو سره يې چې پخوا دچشت شريف په ولسوالۍ کې  ددولت پرضد و، دسولې له بهير سره يوځاى شو .

کابل -باختر  د ثور د مياشتې ١٤:
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب په دې ډول اټکل کړى دى:
کابل- آسمان وريځ د اورښت امکان شته، د تودوخې لوړه درجه ٢٤، ټيټه ٧
هرات- آسمان ځاى ځاى وريځ، د تودوخې لوړه درجه ٢٨،  ټيټه ١٠
جلال آباد- آسمان وريځ د اورښت امکان شته ، د تودوخې لوړه درجه ٣٣، ټيټه ١٩
قندهار- آسمان ځاى ځاى وريځ ، د تودوخې لوړه ٣٢ ، ټيټه ١٧
مزارشريف- آسمان ځاى ځاى وريځ داورښت امکان شته ، د تودوخې لوړه  ٣١، ټيټه ١٦
کندز- آسمان ځاى ځاى وريځ ، د تودوخې  لوړه درجه ٣٠، ټيټه ١٦
غزني- آسمان وريځ د اورښت امکان شته ، د تودوخې لوړه درجه ١٨ ، ټيټه ٥
باميان- آسمان وريځ د اورښت امکان شته ، د تودوخې لوړه درجه ١٧ ، ټيټه ٤
فيض آباد- آسمان وريځ د اورښت امکان شته ، د تودوخې لوړه درجه ١٨، ټيټه  ٨
شمالي سالنګ- آسمان وريځ د اورښت امکان شته ، دتودوخې لوړه درجه ٦ ، ټيټه منفي ١-
جنوبي سالنګ- آسمان وريځ د اورښت امکان شته ، د تودوخې لوړه درجه ٨ ، ټيټه ٢-
  شبرغان - آسمان ځاى ځاى وريځ ، د تودوخې لوړه درجه ٣٠ ، ټيټه ١٥
فراه- آسمان ځاى ځاى وريځ ، د تودوخې لوړه درجه ٢٩ ټيټه ١٤
خوست- آسمان وريځ د اورښت امکان شته ، د تودوخې لوړه درجه ١٩، ټيټه ١٠
ميمنه- آسمان وريځ د اورښت امکان شته ، د تودوخې لوړه درجه  ٢٦ ، ټيټه ١٢
لښکرګاه- آسمان ځاى ځاى وريځ ، د تودوخې لوړه درجه ٣٣ ، ټيټه ١٩
په کابل کې به سبا لمرپه ٥ بجو او ١ دقيقو وخيژي او د مازيګر په ٦بجو او٣٩ دقيقو ولويږي .