28 October 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل\باختر\ دجوزا٢٠
د افغا نستان د بهرنيو چارو د وزيرډاکتر زلمي رسول له خوا دروسيې فدراسيون د بهرنيو چارو دوزير سرګي لاوروف په نا مه ددغه هيواد د ملي ورځې له ا مله مسکو ته په دې شرحه د مبارکي پيغام ليږل شوى دى.
خوښ يم چې د جون د مياشتې ددولسمې ،درو سيې فدراسيون د ملي ورځې له امله دډيرو ښو مبارکيو مراتب تاسو ته څرګندوم په وروستيو کلونو کې زموږ د هيوادونو اړيکې مخ په پراختيا دي اوموږ دافغانستان د پوليسو په روزنه ،دنشه يي توکو له قاچاقو سره په مبارزه او زموږ په هيواد کې د امنيت اوثبات په تا مينولو کې ستاسو دهيواد د مرستو په خا طر قدرداني کوم .
ډاډمن يم چې ددواړو هيوادونو همکاري ستر قدرت لري زموږ د هيوادونو اړيکې په دوه اړخيزه توګه اوهم دشانګهاي دسا زمان په چوکاټ کې دګډوچلنجونو دڅيړنې او هدفونو ته درسيدو لپاره له پخوا زيا ته پراختيامو مي.
ستاسو روغتيا او سلامتيا اود روسې دخلکو سوکالۍ اونيکمرغۍ زما هيله ده.

کابل\باختر\ دجوزا٢٠
له بهرنيو ځواکونو څخه د افغانستان امنيتي مرکزونو ته د امنيتي مسوليتونو دليږدونې پنځم پړاو په نږدې راتلونکي کې پيليږي .
دباختراژانس دخبريال دخبر له مخې : دملي دفاع وزارت ويندوى جنرال ظاهر عظيمي نن د ايساف  دځواکونو اود ناټو د ملکي برخې له ويندوى سره په يوه ګډه خبري غونډه کې ددغه ټکي په څرګندولو سره وويل چې موږ دامنيتي مسوليتونو د ليږدونې په پنځم پړاو کې يو او ددغه مسوليت د منلو لپاره د هيواد ټول امنيتي مرکزونه چمتو دي .
ده زياته کړه چې د هيواد امنيتي مرکزونه دمسلکي اونظامي ځواکمنيو ظرفيت لري او اوس په سلو کې نوي پوځي عمليات رهبري کوي اود هيواد په سلو کې څه دپاسه اتيا وګړي يې دامنيتي مسوليتونو د ليږدونې لپاره ترپوښښ لاندې نيولي دي او په سلو کې دلسو نورو لپاره زيات تياري لرو چې امنيتي مسوليتونه په بشپړه توګه تر لاسه کړو.
دايساف دځواکونو نوى ويندوى هانيزفيلدمن په دې اړوند وويل، کله چې افغان امنيتي مرکزونه په راتلونکي کې د امنيت د تامينولو مسوليت په غاړه واخلي ايساف به د افغان ځواکونو دروزنې او مشورې ورکولودنده ترسره کړي.
ده وويل چې داړتيا په صورت کې به په محاربوي حالتونو کې د افغان ملي پوليسو او اردو ملاتړ وکړي.
په همدې حال کې دناټو ملکي ويندوى کريستوفرچيمبرز وويل چې د ناټو په مشري نوى ماموريت به يو محاربوي مامويت نه وي بلکې د افغان ځواکونو دروزنې او مشورې ورکولو او له افغان امنيتي مرکزونو سره د مرستې ما موريت وي چې دغه ما موريت به د هوډمن ملاتړ په نا مه ياد شي.
دده دڅرګندونو له مخې، تراتلسو مياشتو پورې به افغان امنيتي مرکزونه په ټول هيواد کې د امنيت بشپړ مسوليت په غاړه واخلي خو ناټو به هغوى يوازي پرې نږدي .
دملي دفاع وزارت ويندوى ظاهرعظيمي دغه راز په دې خبري غونډه کې د ناټو اوايساف له ټولو غړو هيوادونو څخه چې په افغانستان کې پوځي شتون لري وغوښتل هغه افغانان چې دکوم جرم په تور له دوى سره بنديان دي، د افغانستان دولت ته وسپاري .
دعظيمي دڅرګندونو له مخې، د امريکا متحده ايالاتو چې يوشميرافغان بنديان ورسره وو د افغانستان دولت ته وسپارل، استراليا او بريتانيا هم اعلام وکړ هغه افغانان چې دپوځي عملياتو په بهير کې له ترورستا نو سره د همکارۍ په تور نيول شوي دي او له دوى سره بنديان دي ، د افغا نستان دولت ته وسپاري .

کابل\باختر\ دجوزا٢٠
د زابل د ولايتي شورا په دفتر ځانمر ګي يرغلګر په پاى کې وځپل شول.
په دې ترورستي بريد کې د پوليسو يوسر تيري شهيد اود زابل د ولايتي شورا د مرستيالې په ګډون څه نا څه شل تنه ټپيان شوي دي .
دغه پيښه نن هغه وخت پيل شوه چې شپږو تنو ځانمرګو يرغلګرو په قلات ښار کې د زابل د ولايتي شورا په دفتر بريد وکړ :
لومړى يويرغلګرپه چاوديدونکو توکو بارخپل موټر د زابل د ولايتي شورا ددفتر ددروازې په وړاندې وچاوه او وروسته پنځه تنه نور يرغلګر ددغه دفترانګړ ته ننوتل.
دزابل ولايت امنيه قوماندان جنرال غلام سخي روغ ليوني باخترا ژانس ته وويل چې ځانمرګي يرغلګر له افغان پوځيانو سره په دوه سا عته نښته کې وځپل شول.
دپوليسو دغه مقام وايي چې په دې پيښه کې يو پوليس شهيد اوڅه نا څه شل تنه نور ټپيان شوي دي .
جنرال روغ ليوني تاييد کړه چې ددغې پيښې په ټپيانو کې د زابل د ولايتي شورا مرستياله فوزيه کاکړ هم شا مله ده .
ويل کيږي چى نهه تنه پوځيان ، د زابل د ولايتي شوراڅلور تنه اداري کارکوونکي او شپږ تنه ملکي و ګړي ددغه ترورستي بريد په ټپيانو کې شا مل دي .
په همدې حال کې دزابل ولايت روغتيا يي چارواکي وايي چې ددغې پيښې دشپږو تنو ټپيانو حالت خراب دى.
په همدې حال کې په زابل ولايت کې سيمه ييز مسولين وايي چې پوځيانوددغه ولايت د ولايتي شورا په دفتر ديرغلګرو دبريد په بهير کې يوموټر بمونه دپيښې ځاى ته څيرمه کشف اوشنډ کړي دي .
تر اوسه پورې روښانه نه ده چې طالبانو په دغه موټر بم سره غوښتل په کوم هدف بريد وکړي خو ويل کيږي چې دپيښې ساحې ته څيرمه د ولايتي شورا په دفتر سربيره د زا بل ولايت امنيه قوما ندانۍ هم پرته ده نن کابل هم ددغه شان ترورستي بريد ډګر و.
په دې پيښه کې اووتنو ځانمرګو يرغلګرو نن سهاروختي دکابل د هوايي ډګر په تاسيسا تو بريدو نه و کړل .

کابل\باختر\ دجوزا٢٠
دسنامجلس لومړى نايب محمدعلم ايزديارنن دکورنيو چارو وزارت دسيمه ييزو پوليسو له لوى رئيس مل پاسوال علي شاه احمدزي سره په داسې حال کې چې دپنجشير ولايت امنيه قوماندان هم حاضرو ددغه ولايت دسيمه ييزو پوليسو د جوړولو اودتشکيل په زياتوالي باندې ټينګاروکړ .
دمشرانوجرګې مطبوعاتي دفترباختراژانس ته خبرورکړ، په دې غونډه کې دپنجشير ولايت امنيه قوماندان مل پاسوال محمدقسيم جنګل باغ ددغه ولايت د امنيتي حالت او په برياليتوب سره د امنيتي مسوليتونو د ليږدونې د  بهير په باب معلومات وړاندې کړل او ددغه ولايت د پوليسو د تشکيل د زيا توالي اوسمبالولو اودامنيتي لومړيتوبونو له مخې د پنجشير ولايت د ابشار،خنج ،پريان اودرې په ولسواليو کې دسيمه ييزو پوليسو دتشکيل د جوړولو غوښتنه وکړه .
دغه راز احمدزي دامکاناتو د محدوديت او په تيره بيا د بودجې د کمښت په يادونې سره وويل چې د هيوادپه ١٩٤ ولسواليو کې نږدې پنځه څلويښت زره تنه سيمه ييز پوليس ، دلومړيتوبونو له مخې تنظيميږي چې په يوه اويادوو مياشتو کې  به په دغو ولسواليوکې هم سيمه ييز پو ليس جوړ شي .
ايزديار په کليو او بانډو کې د امنيت د تامينولو په لاره کې د سيمه ييزو پوليسو رول اغيزمن وباله او په دغه ولايت کې يې د امنيتي ځواکونو د تشکيل دزياتوالي ضرورت تاييد کړ او وي ويل چې پنجشير زياتې زيانمنونکې سيمې لري چې دهغه په نا امن کيدو سره به ګاوندي ولايتونه هم نا امن شي .
دغه راز محمد علم ايزديار په داسې حال کې چې دسنا مجلس د منشي نايب سيد عزيزالله الفتي ،دديني ،فرهنګي ،پوهنې اود لوړو زده کړو دچارو د کميسيون غړي او ځينې سناتوران هم حاضروو دلوړو زده کړو وزارت د علمي معين پو هانوال محمد عثمان بابري او ددغه وزارت دټاکنو او ترفيع ګانو درئيس لطف الله حق پرست د غوره خدمتونو په درناوي ، دمشرانو جرګې ستاين ليکونه هغوى ته ورکړل اوددوى دلا زياتوبرياليتوبونو هيله يې وکړه .
دغه راز دروح ګل خيرزاد په مشري د مشرانو جرګې ددفاعي او دداخلي امنيت د چارو د کميسيون غړو دسنا مجلس له دويم نايب رفيع الله ګل افغان سره په غونډه کې په هيواد کې دترورستي فعاليتونو دزياتوالي دمخنيوي دلارو چارو په باب خبرې و کړې.
په دې غونډه کې چې دبيلا بيلو ولايتونو يو زيات شمير سناتورانو هم برخه لرله په کابل اود هيواد په نورو سيمو کې په نننۍ ځانمرګي بريد کې د ترورستا نو په ځپلو کې د هيواد د امنيتي ځواکونو ميړانه اوزړورتيا وستايل شوه او وويل شول چې وينې څښونکو ترورستانو دکابل په نړيوال هوايي ډګر بريد وکړ چې له نيکه مرغه د هيواد دزړورو امنيتي ځواکونو له چټک غبرګون سره مخامخ شول او په ډيرلنډ وخت کې په خپله دوى په داسې حال کې ووژل شول چې دلوى خداى (ج) په مهرباني ملکي و ګړو اوامنيتي منسو بينو ته زيان نه دى او ښتى.
دوى دغه راز ددغې ترورستي پيښې د اصلي عاملينو د نيولو اومجازاتو غوښتنه و کړه
دغه راز په دې غونډه کې دسرپل، نورستان اود بدخشان د ولايتونو د امنيتي حالت په باب هم خبرې وشوې اودزابل د ولايتي شورا په مقر د وسله والو يرغلګرو د ننني بريد يادونه هم وشوه او په کلکه وغندل شو .
دمشرا نو جرګې نايب اونورو سناتورانو په داسې حال کې چې دترورستا نو دبريدونو په وړاندې د امنيتي ځواکونو دسرښندنې اوځان تيريدنې استاينه وکړه دهيواد دامنيتي حالت د ښه والي په باب يې نظريې وړا ندې کړې چې د هيواد له امنيتي مقا ما تو سره به شريکې شي .

کابل\باختر\ دجوزا٢٠
دکورنيو چارو وزارت ويندوى وايي چې امنيتي ځواکونو وکولاي شول په ډير لنډ ممکن وخت کې اود سرله زيان پرته د کابل د نړيوال هوايي ډګر په شمال ، په سروبي ولسوالۍ او په زا بل ولايت کې ډاراچونکي وځپي .
باختراژانس ته په رارسيدلو خبرونو کې ويل شوي دي نن سهار په څلورو بجو اوديرشو دقيقو اوو تنو ځانمرګو يرغلګرو د کابل د  هوايي ډګر په شمال کې په دوو نيمه کاره خصوصي ودانيو کې اوله دې سره جوخت شپږو تنو نورو ځانمرګو يرغلګرو په قلات ښار کې د زابل د والي په دفتر دبريد نيت درلود چې دامنيتي ځواکونو له خوا وځپل شول.
دغه راز دريو تنو ځانمرګو يرغلګرو چې دسروبي ولسوالۍ په مقر د بريد نيت درلود يو تن يې دامنيتي ځواکونو له خوا ووژل شو او دوه تنه نور يې ونيول شول.
دباختر اژانس دخبريال دخبر له مخې، د کورنيو چارو وزارت ويندوى صديق صديقي اود کابل ولايت امنيه قوماندان جنرال ايو ب سالنګي چې نن يې په يوه خبري غونډه کې ددغو پيښو دجزئياتو په باب خبرې کو لې څرګنده کړه چې نن د هيواد امنيتي ځواکونو په ډير لنډ ممکن وخت کې دډاراچوونکو په ځپلو سره ثابته کړه چې دوى دترورستانو اوډاراچونکو په وړاندې دخپل د هيواد ددفاع لپاره پوره ځواکمني اولوړ مورال  لري .
په دې خبري غونډه کې صديقي وويل چې پوليسو وکولاي شول د کابل ښار دپنځلسمې ناحيې په ساحه کې ډاراچونکي چې په دوو لوړ پوړيزو نيمه کاره ودانيو کې پټ شوي وو . په دريو ساعتو کې وځپي، او په قلات کې شپږ تنه نورځانمرګي يرغلګر مخکې له دې چې د زابل د والي د کار ساحې ته نږدې شي په يو ساعت کې له منځه يو سي او هم هغه ځانمرګي يرغلګر چې غوښتل يې د کا بل ولايت په سروبي ولسوالۍ کې د ولسوالۍ په دفتر بريد وکړي يو يې وواژه او دوه تنه نور يې ونيول .
صديقي څرګنده کړه چې په دغو پيښو کې امنيتي ځواکونو ته زيان نه دى او ښتى او يوازې دکابل په پيښه کې يو څه تا وان رسيد لي دي .
ده وويل چې د کا بل نړيوال هوايي ډګر پخواپه شان دالوتنو پرمخ پرا نيستى و او الوتکو ته هيڅ راز ګواښ را منځته نه شو .
صديق صديقي دغه راز د کورنيو چارو د وزير پيغام ته هم اشاره و کړه او ويې ويل چې د کورنيو چارو وزير د هيواد خلکو ته ډاډ ورکوي چې د هرې ورځې په تيريدو سره دډار اچوونکو د بريدونو په وړاندې د امنيتي ځواکونو ځواکمني اومورال لاپسې پيا وړي کيږي .
جنرال ايوب سالنګي هم په دې خبري غونډه کې دډار اچونکو دبريدونو دشنډولو لپاره د کا بل دپو ليسو دهرراز تياري ډاډ ورکړ   .

کابل\باختر\ دجوزا٢٠
دانتخاباتو دخپلواک کميسيون د تشکيل ،دندو اوصلاحيتونو قانون نن دولسي جرګې له خوا تصويب شو .
دباختراژانس دخبريال دخبر له مخې، په هغې غونډه کې چې د ولسي جرګې درئيس عبدالروف ابراهيمي په مشرۍ جوړه شوه د ملت استازو د انتخاباتو دخپلواک کميسيون دتشکيل ،دندو او صلاحيتونو قانون وڅيړه اوله ځينو کموتعديلونو وروسته يې دغه قانون په پنځو فصلونو او پنځه ديرشو مادو کې درايو په اکثريت تصويب کړ .

Monday, 10 June 2013 13:00

تبصره

کابل\باختر\ دجوزا٢٠
دافغانستان دلويو لارو د امنيت د تا مينولوطرحه دهيواد له مهمو اړتياوو څخه بلل کيږي.
لويې لارې د افغانستان دسترو اقتصادي تګلورو په توګه تل د افغانستان د ملي واکمنۍ دپاملرنې وړ دى او تل هلې ځلې شوي دي چې دغه لويې لارې هم جوړې شي او هم ښه امنيت و لري چې دهيواد اقتصادي څرخ وڅرخيږي اود خلکو اړتياوې لرې شي.
دباختر ا ژانس مبصر ليکى :
د افغانستان د ملي امنيت شورا په خپلې پرونۍ غونډه کې چې د افغا نستان د اسلا مي جمهوريت د جمهور رئيس حامد کرزي په مشرۍ جوړه شوه په هيواد کې د نورو سترو سياسي او اقتصادي مسئلو په باره کې په خبرو سربيره ، د افغا نستان دلويولارودامنيت دتامينولودڅرنګوالي طرحه چې دکورنيو چارو د وزيرسترپاسوال غلام مجتبي پتنګ له خوا وړاندې شوه وڅيړله اوطرحه يې کړه چې د هيواد دلويو لارو دډاډ من امنيت تا مينول له مهمو اړتياوو څخه بلل کيږي اود اوسنيو اړتياوو په پام کې نيولو سره دخلکو دملاتړ په جلبولو سره دلويو لارو امنيت په ښه توګه دملي دفاع له وزارت سره په همغږي کې تامين شى .
دلويو لارو دامنيت تامينولو ته پاملرنه هغه هم دخلکو په ګډې همکارۍ سره په هيواد کې يوه ستره اساسي اړتيا بلل کيږي .
د افغانستان  د اسلا مي جمهوريت مشرتابه د جوړيدو له وخت څخه تر او سه پورې دلويو لارو دحياتي او اقتصادي ارزښت په پام کې نيولو سره په لومړي ګام کې د هيواد دلويو لارو په بيا جوړولو لاس پورې کړ او په ډيره لنډه موده کې يې دهيواد ټولې اساسي لارې بيا ورغولې چې دسيمې دهيوادونواوافغانستان ترمنځ اقتصادي اړيکې په ګړنديتوب سره تر سره شي
په اوسنيو نازکو شرايطو کې د لويو لارو مصونيت له هغو لومړيتوبونو څخه دى چى بايد پاملرنه ورته وشي، د خلکو دښمنان له هرممکن فرصت څخه استفاده کوي چې په يوډول نه يوډول په لويو لارو کې امنيتي نظام ګډوډ کړي . او په يو ډول نه يو ډول دسيمې په اقتصادي مناسباتو کې ګډوډي را منځته کړي
په همدې دليل دى چې د هيواد د ملي امنيت شورا دغې موضوع ته دپاملرنې په مرکز کې ځاى ورکړ او هغه طرحه يې چې په دې اړوند د کورنيو چارو وزارت له خوا برابره شوې ده ، څيړلې ده . ځکه روشانه ده چې په لويو لارو کې دډاډ من امنيت په تامينولو سره  اقتصادي او تجارتي اړيکې پياوړي اوګړندي کيږي او په دې ډول زيات پانګه وال دې ته وهڅول شي چې په بيلا بيلو اقتصادي او تجارتي برخو کې ميدان ته ورودانګي.
د کورنيو او بهرنيو سودا ګرو اوپانګې اچوونکو پراخ شتون که چيرې له يوې خوا د افغانستان د خلکو اړتياوي چې له اقتصادي پلوه يو لګښتې هيواد دى لرې کوي له بلې خوا په افغانستان او سيمه کې دسودا ګرۍ بازار ته سمون ورکوي
په همدې دليل ګاونډي هيوادونه دې هم د دغه حقيقت په پو هيدو سره هلې ځلې وکړي چې مزدورو ډلو ته تفهيم کړي چې په تجارتي لويو لارو کې بد امني ددوى د هيوادونو دخلکو او سوداګرو په ګټه نه ده څومره چې په لويو لارو کې نا امنۍ زياتې شي افغا نستان  ته دصادرا تو کچه کمښت مو مي او دغه موضوع نه يوا زې د افغانستان خلک له ستونزو سره مخامخ کوي ،بلکې دګاونډيو هيوادونو سوداګربه هم زيانمن کړي .
هغه څه چې په امنيت شورا کې پرې ټينګار وشو په لويو لارو کې دزيات امنيت د تامينولو د تحقق په لاره کې دخلکو دملاتړ جلبول و،خلک کولاي شي په دې لاره کې له امنيتي ځواکونو سره همکاري وکړي او له امنيتي ارګانونو سره مستقيمې اړيکې دډاراچوونکو د نفوذ مخه نيسى او په دې صورت لويې لارې ډاډ منې کيږي او هم انديښنې له منځه ځي .

پيښور باختر د غبرګولي شلمه :
  دخيبر ايجنسۍ دقبايلي سيمې په جمرود ناحيه کې نن دناټو دتړون په ټانکرونو ديرغلګرو څه ناڅه شپږ تنه ووژل شول .
باختراژانس د ډان ورځپاڼې  دانترنتي سايت له خولې خبر راکړ چې امنيتي ځواکونوله هغوپوځي مليشو سره په نښتې لاس پورې کړ چې دناټو په ټانکرونو يې بريد وکړ .
په دې بريد کې دناټو ديو ټانکر دچلوونکي په ګډون څه ناڅه شپږ تنه ووژل شول
دخيبر سيمه  د ډيورنډ له کرښې  اخوا دقبايلي سيمو يوه له اوو خپلواکو سيمو څخه ده چې ياغيان پکې فعال دي .
سربيره پردې دغه سيمه په افغانستان کې دبهرنيو ځواکونو داړتياوړ لوازمو او تجهيزاتو  دليږدونې  دتګلوري  يوه مهمه برخه ده چې له دې لارې دناټو مالونه افغانستان ته ليږدول کيږي .

کابل باختر د غبرګولي شلمه :
دپاکستان صدراعظم اعلام وکړ چې په افغانستان کې دسولې او ثبات دتامينولو لپاره قوي اراده لري
  دباختراژانس دخبر له مخې ،  دافغانستان حکومت دپاکستان دنوى صدراعظم نوازشريف په مشرۍ دمسلم ليګ ګوند ددريځ چې په افغانستان کې دسولې او ثبات په ارزښت ټينګار کړى دى ،هرکلى کوي .
دجمهور رييس  ويندوى ايمل فيضي دغه راز هيله څرګنده کړه چې دپاکستان نوى حکومت له تروريزم  او بنسټپالنې سره صادقانه مبارزه وکړي  .
  فيضي رسنيو ته وويل چې په تيره يوه لسيزه کې دافغانستان حکومت څو څو ځلې دپاکستان له حکومت څخه غوښتي دي چې له تروريزم  اوبنسټ پالنې  سره دمبارزې په لاره کې  له افغانستان سره  صادقانه همکارى وکړي خو له بده مرغه  دپاکستان حکومت په دې برخه کې په عملي ډول همکاري  نه ده کړې .
  دافغانستان  دحکومت هيله لري چې پاکستان له تروريزم اوبنسټپالنې سره دمبارزې  په لاره کې عملي ګامونه واخلي .
په دې وروستيو وختو کې  دکونړ ولايت يو شمير فرهنګيانو اودمدني ټولنو فعالينو دپاکستان نوى صدراعظم ته ديو ليک په ليږلو سره غوښتي دي چې دپاکستان هغو کارونو ته پاملرنه  وکړي چې وکولاي شي دسيمې سولې او امنيت ته ګټور وي .
دغه موضوع ښيي  چې دافغانستان خلک او دولت هيله لري چې دپاکستان نوى حکومت وکولاي شي دسيمې دامنيت دتامينولولپاره ګټور ګامونه واخلي .
  په رارسيدلو خبرونوکې ويل شوي دي چې دمسلم ليګ ګوند دمشرتابه يوه مقام اقبال ظفر  هم ويلي دي چې دمسلم ليک ګوند اودهغه په مشرۍ دولت پياوړي هوډ لري چې په افغانستان کې دسولې اوثبات لپاره کار وکړي .
دمسلم ليګ ګوند دغه جګپوړي  مقام ددواړو هيوادونو ترمنځ خبرې دامنيت دتامينولو لپاره دسيمه ئيزې همکاري ته درسيدو په لاره کې ګټوره لاره وبلله .
  خو افغان کارپوهان په دې باور دي چې تروريستي او تند لاري ډلې په پاکستان کې خوندي پټنځايونه لري چې ددغو پټنځايونو  دړې وړې کول دسيمې دامنيتي ستونزو دحل کولو لپاره اغيزمنې لارې دي چې په زيات احتمال پاکستان به دغه شان  کار  ونه کړي .

کابل باختر د غبرګولي شلمه :
يوې ډلې ځانمرګو يرغلګرو دزابل دولايتي شورا په دفتربريد وکړ .
دغه پيښه  نن له غرمې مخکې دنهه نيمو بجو په شاوخوا هغه وخت رامنځته شوه چې يوې ډلې ځانمرګو يرغلګرو ددغه دفتر په ودانۍ بريد وکړ .
لومړي يوه ځانمرګي يرغلګردچاوديدونکو توکو بار خپل موټر  دزابل دولايتي شورا ددفتر ددروازې په وړاندې  وچاوه .  اووروسته درې تنه نور يرغلګر ددغه دفتر انګړ ته ننوتل .
  ويل کيږي چې دزابل دولايتي شورا ددفتر په انګړ کې دامنيتي ځواکونو او يرغلګرو ترمنځ نښته هماغه شان دوام لري .
دزابل دوالي ويندوى شريف الله ناصري  باختراژانس ته وويل چې په دې پيښه کې  ددغه ولايت  دولايتي شورا رييس ته زيان نه دى اوښتى .
په همدې حال کې دزابل ولايت يوه امنيتي مسوول چې نه يې غوښتل نوم يې واخستل شي  وايي چې تراوسه پورې په دې پيښه کې دزابل دولايتي شورا درې تنه کارکوونکي او دوه تنه افغان پوځيان  شهيدان شوي او څه ناڅه  شل تنه نور ټپيان شوي دي .
له بلې خوا دزابل  ولايت روغتيايي مسوولين وايي چې له دغې پيښې څخه  تراوسه پورې  اتلس تنه ټپيان روغتون ته ليږدول شوي دي .