23 July 2019

RSS Facebook

سوداگریز


تازه خبرونه

په لوګر کې  د ښځو د لاسي صنايعو د نندارتون پرانستل

په لوګر کې د ښځو د لاسي صنايعو د نندارتون پرانستل

کابل / باختر/ د زمري لومړۍ د هېواد د خپلواکۍ د...

د بغلان په مرکز کې چاودنې دوه کسان ټپیان کړل

د بغلان په مرکز کې چاودنې دوه کسان ټپیان کړل

کابل / باختر/ د زمري لومړۍ د بغلان په مرکز پلخمري...

 په بادغيس کې د طالبانو د يوه جګپوړي قوماندان وژل کېدل

په بادغيس کې د طالبانو د يوه جګپوړي قوماندان وژل کېدل

کابل / باختر/ د زمري لومړۍ د بادغيس سيمه ييز مسوولين...

Youtube Player

khantry design

سوداگریز

سوداگریز

قلات\باختر\د چنګاښ ٣٠ مه
د زابل د ارغنداب ولسوالۍ په مربوطاتو کې دولس وسله وال طالبان ووژل شول او اتلس نور يې ټپيان شول.
چارواکي وايي چې هوايي ځواکونو پرون ناوخته په ارغنداب ولسوالۍ کې بريد کړى چې په پايله کې يې وسله والو طالبانو ته درانه مالي او ځاني زيانونه اوښتي دي.
د زابل امنيه قوماندان سيد معراج سادات د باختر اژانس سيمه ييز خبريال ته وويل، چې په دغه بريد کې دولس وسله وال طالبان وژل شوي او اتلس نور يې ټپيان شوي دي.پاى\وصال

مهترلام\باختر\دچنګاښ ٣٠ مه
د لغمان د مهترلام ښار او د دولت شاه ولسوالۍ په بېلابېلو سيمو کې د شاوخوا نهو ميليونو افغانيو په لګښت د څښاک د پاکو اوبو پروژې پلې کېږي.
چارواکي وايي چې، يادې پروژې د کليو بيا رغونې او پراختيا وزارت د اوبو رسولو برنامې په مالي لګښت، چې لس سلنه لګښت يې د سيمې اوسېدوونکي ورکوي رغول کېږي.
د لغمان د کليو د بيا رغونې او پراختيا رييس امان الله مياخېل د باختر آژانس سيمه ييز خبريال ته وويل، چې د دغو پروژو په بشپړېدو سره به د سيمې سلګونه کورنۍ د څښاک پاکو اوبو ته لاس رسی پيدا او ګڼې ستونزې به يې راکمې شي.
مياخېل د پرمختيايي شوراګانو استازو ته ډاډ ورکړ، چې په راتلوونکي کې به دې ته ورته نورې پروژې هم عملي کړي.
په ورته مهال که څه هم د سيمې اوسېدوونکي د پروژو په پلي کېدو خوښ برېښي، خو له مسوولينو غواړي چې د دوى په سيمو کې ورته نورې پروژې هم پلي کړي، ترڅو د سيمې د ګڼو کورنيو ستونزې راکمې شي.پاى\وصال

 

کابل/باختر/ د چنګاښ ٢٩مه
د افغانستان د اسلامي جمهوریت جمهورريیس محمد اشرف غني نن سهار د امریکا د پوځ د مرکزي قومندانۍ له قوماندان جنرال مک کینزي سره په ارګ کې وکتل.
د جمهوررييس د وياند دفتر باختر آژانس ته خبر ورکړ:
په دې کتنه کې دواړو لوریو د افغانستان د سولې پروسې، د جمهوري ریاست د ټاکنو د امنیت د تامین او له ترهګرۍ سره د مبارزې په اړه خبرې وکړې.
جنرال مک کینزي د افغانستان د امنیتي او دفاعي ځواکونو د ورځ تر بلې زیاتېدونکو وړتیاوو ستاینه وکړه او ويې ویل: د طالبانو د پسرلنیو عملیاتو په دفع کولو کې د افغان ځواکونو کړنې د ستایلو دي او له افغان امنیتي او دفاعي ځواکونو سره د همکاریو پر دوام یې ټینګار وکړ.
جنرال مک کینزي زیاته کړه: د امریکا متحد ایالتونه به د ټاکنو د امنیت د ټینګښت لپاره له افغان امنیتي او دفاعي ځواکونو څخه خپلې هېڅ ډول همکارۍ درېغ نه کړي.
جمهورريیس غني جنرال مک کینزي ته د ښه راغلاست ترڅنګ له افغان امنیتي او دفاعي ځواکونو سره د امریکا متحدو ایالتونو د همکاریو د ژمنتیا او د ټاکنو د امنیت د تامین له امله مننه وکړه او ويې ویل: افغان امنیتي او دفاعي ځواکونه د ټاکنو د امنیت ټینګښت لپاره بشپړ تیاری لري.
د هېواد جمهورريیس وویل: افغان امنیتي او دفاعي ځواکونو لکه څنګه چې د افغانستان د پارلماني ټاکنو امنیت ټینګ کړی و، د جمهوري ریاست ټاکنو د امنیت د تامین لپاره به هم تر هغه زیاتې هڅې وکړي.#
پاى / ذ

کابل/باختر/ د چنګاښ ٢٩مه
د افغانستان د اسلامي جمهوریت جمهورريیس محمد اشرف غني نن غرمه د افغانستان لپاره د ناروې د بهرنیو چارو وزارت له ځانګړي استازي پیر البرت ایلساس سره په ارګ کې وکتل.
د جمهوررييس د وياند دفتر باختر آژانس ته خبر ورکړ:
په دې کتنه کې، د هېواد جمهورريیس په بېلابېلو برخو کې له افغانستان سره د ناروې شاهي هېواد له همکاریو مننه وکړه.
دغه راز دواړو لوریو د افغانستان د حکومت په رهبرۍ او مالکیت له سولې پروسې څخه د ناروې شاهي هېواد د ملاتړ او رول په اړه خبرې وکړې.#
پاى / ذ

تالقان / باختر/ د چنګاښ ٢٩ مه
د تخار د نمک ولسوالۍ نن د وسله والو طالبانو له شتون څخه په بشپړه توګه پاکه شوه.
د تخار د والي وياند محمد جواد هجري د باختر آژانس خبريال ته وويل: دغه ولسوالۍ  د امنيتي او دفاعي ځواکونو په عملياتوکې د وسله والو طالبانو له شتون څخه په بشپړه توګه پاکه شوه.
هغه زياته کړه: په عملياتوکې دښمن ته د سر دروند زيان اوښتى، خو دقيق شمېر يې معلوم نه دى.
د خبر جزئيات وروسته خپريږي.
پاى\ ذ

 

کابل / باختر/ د چنګاښ ٢٩ مه
په فارياب کې په تېره يوه مياشت کې څه ناڅه ٥٠٠ وسله وال طالبان له پوځيانو سره  جګړو کې وژل شوي دي.
د ٢٠٩ شاهين قول اردو وياند باختر آژانس ته وويل: دغه وسله وال طالبان د هېواد د امنيتي او دفاعي ځواکونو په پلان شويو شپنيو او هدفمندو عملياتو او د ځانګړو قطعاتو د دقيقو هوايي بريدونو په پايله کې، د فارياب په غورماچ، شرين تګاب، خواجه سبز پوش، بلچراغ او دولت آباد ولسواليوکې وژل شوي دي .
خبرځاى زياته کړه چې په وژل شويوکې د طالبانو ٢١ سيمه ييز قوماندانان هم شامل دي .
دغه راز په همدې موده کې څه دپاسه ٥٦ نور وسله وال طالبان ټپيان شوي دي.
هغه زياته کړه چې د بلچراغ ولسوالۍ د دښمن له ادارې څخه آزاده شوې ده او د بلچراغ – ميمنې په مواصلاتي تګلوري کې څه دپاسه ٦٠ کلي د وسله والو ډار اچوونکو له شتون څخه پاک شوي دي. د دښمن ستراتيژيکي سيمې او د هغوى د وسلو، مهماتو او چاوديدونکو توکو زېرمې او قرارګاوې د پوځيانو لاسته ورغلې دي.
هغه زياته کړه: په دغو جګړوکې د پوليسو ١٠ سرتېري شهيدان شوي او ٧ نوريې ټپيان شوي دي.
پاى \ ذ

کابل / باختر/ د چنګاښ ٢٩ مه
د سوېډن کمېټې روغتيايي مرکزونه چې د طالبانو د ګواښونو په خاطر په ميدان وردګو کې تړل شوي وو؛ نن بيا فعال شول.
باختر آژانس د بي بي سي له خولې خبر راکړ چې د دغو مرکزونو د تړل کېدو له امله هره ورځ په دغه ولايت کې شپږ زره تنه له روغتيايي خدمتونو څخه بې برخه شوي وو.
د افغانستان لپاره د سوېډن کمېټې د پروګرامونو مسوول خالد فهيم وويل چې په ميدان وردګوکې د دغه بنسټ تر ملاتړ لاندې د ٤٢ روغتيايي مرکزونو فعاليتونه ځنډول شوي دي.
هغه زياته کړه: له دې موضوع څخه په خبرېدو سره چې طالبان نور د دغه بنسټ د کارکوونکو د فعاليتونو مخه نه نيسي؛ دغې کمېټې خپل کار له سره پيل کړ.
سوېډني بنسټونو په ١٩٨٢کال کې، د افغانستان لپاره د سوېډن کمېټه جوړه کړه او د روغتيايي خدمتونو د وړاندې کولو، ښوونې او روزنې او پرمختيا په برخوکې فعاليت کوي.
پاى \ج\ ذ

 

کابل / باختر/ د چنګاښ ٢٩ مه
د باميانو د سيمه ييزې ادارې مسوولينو د هېواد د خپلواکۍ د نمانځنې لپاره د لازمو تياريو د نيولو خبر ورکوي.
د باميانو والي محمد طاهر زهير باختر آژانس ته وويل چې سيمه ييزې ادارې د هېواد د سلم جشن د ترسره کولو لپاره لازم چمتووالي نيولي دي چې د هېواد د خپلواکۍ ورځ به په پرتمين ډول ونمانځل شي.
هغه زياته کړه چې د هېواد د خپلواکۍ جشن په مناسبت په باميانوکې يوشمېر  پروګرامونه ترسره شوي دي.
د زمري د ٢٨ مې په مناسبت به د ولايت په پارک کې د افغانستان د خپلواکۍ څلى جوړ شي.
د پټاټو د ګلو جش، د باميانو د فلم دويم نړيوال جشن، دمبورې جشن او نور فرهنګي او هنري جشنونه په باميانو کې د خپلواکۍ د جشن په مناسبت د زمري له لومړۍ نېټې څخه په دغه ولايت کې اجرا کېږي.
د باميانو د اطلاعاتو او فرهنګ رييس اسلم علوي وويل چې د هېواد د خپلواکۍ د ورځې نمانځنه؛ د هېواد د قومونو ترمنځ د خپلواکۍ، ملي يووالي، پيوستون او د ورورولۍ روحيه پياوړې کوي، له همدې امله د اطلاعاتو او فرهنګ رياست هنري او فرهنګي پروګرامونه ترلاس لاندې نيولي دي.
هغه زياته  کړه چې په دغو پروګرامونو کې د هنري آثارو او د کتاب نندارتونونه، د هېواد د خپلواکۍ په باب د ځوانانو د خبرو اترو پروګرام، د هغو هنرمندانو او خبريالانو ستاينه چې د خپلواکۍ جشن په ترسره کولو کې فعاله ونډه اخلي، د خپلواکۍ په موضوع او محتوا سره د تياتر اجرا کول او نور فرهنګي او هنري پروګرامونه شامل دي.
پاى \ج \ذ 

 

کابل/ باختر/ د چنګاښ ٢٩ مه
د شپږو بهرنیو جګړه مارانو په ګډون ۲۷ وسله وال طالبان په قندهارکې د ناټو د بې پیلوټه الوتکو په بریدونوکې ووژل شول.
دغه بریدونه چې تېرماښام په شورابک ولسوالۍ کې د طالبانو پر سنګرونه ترسره شول؛ ۱۸ نور ډار اچوونکي په کې ټپیان شول.
د قندهار د امنیې قوماندانۍ ویاند جمال ناصر بارکزي باختر آژانس ته وویل چې په دغوهوایي بریدونوکې ۲۷ وسله وال طالبان ووژل شول او ۱۸ نوريې ټپیان شول.
هغه تائید کړه چې په وژل شویوکې شپږ پاکستاني جګړه ماران هم شامل دي.
بارکزی وايي چې په بریدونوکې د طالبانو دوه ستر مرکزونه له ټولو جنګي وسایلو سره یې ویجاړ شول.
تر اوسه پورې د طالبانو ډله په دې باب څه نه دي ویلي.
ختم/ع
 

ګرديز\باختر\دچنګاښ ٢٩ مه
د پکتيا په مرکز ګرديز ښار کې ٧ زره ٥٠٠ کورنۍ له برېښنا څخه برخمنې شوې.
چارواکي وايي چې د برېښنا ياده شبکه د آسيا پرمختيايي بانک په مالي ملاتړ د څه د پاسه څلور ويشتو ميليونو امريکايي ډالرو په لګښت رغول شوې ده.
د پکتيا والي شميم خان کټوازي د باختر اژانس سيمه ييز خبريال ته وويل چې د يادې شبکې په فعالېدو سره د ګرديز ښار زياتو سيمو ته برېښنا ورکړ شوه .
هغه ډاډ ورکړ چې په نږدې راتلونکې کې به د ګرديز ښار نورو برخو ته هم برېښنا ورسول شي.
د يادونې وړ ده چې ياده شبکه ۱۴۵۰۰ کورنيو ته د برېښنا رسولو وړتيا لري او د انجليک ساختماني شرکت یې چارې پر مخ وړي.
پاى\وصال

 

Page 10 of 7899