15 September 2019

RSS Facebook

سوداگریز


تازه خبرونه

د خواجه ملک سبزعلي تاريخي څلى بيا رغاول کېږي

د خواجه ملک سبزعلي تاريخي څلى بيا رغاول کېږي

کابل/ باختر/ د وږي٢٣مه په لوګرکې د خواجه ملک...

په بغلان کې له ازبکستان څخه د وارداتي برېښنا د ستنې ويجاړېدل

په بغلان کې له ازبکستان څخه د وارداتي برېښنا د ستنې ويجاړېدل

کابل/باختر/ د وږي ۲۳ مه وسله والو طالبانو بيا هم تېر...

Youtube Player

khantry design

سوداگریز

سوداگریز

کابل/باختر/ د وږي ٢٠مه
په زابل کې ١٨ وسله وال طالبان په پوځي عملياتوکې ووژل شول او يو شمېر نوريې ټپيان شول.
دغه عمليات تېره شپه په ارغنداب ولسوالۍ کې د طالبانو پر مرکزونو ترسره شول.
د هېواد په جنوب کې د ملي اردو يوه جګپوړي قوماندان باختر آژانس ته وويل چې په عملياتوکې د درېيو قوماندانانو په ګډون ١٨ وسله وال طالبان وژل شوي دي.
هغه وويل چې پر دغو وسله والو طالبانو له ځمکې او هوا څخه بريدونه وشول.
ويل کېږي په عملياتو کې د طالبانو څلورمرکزونه له ټولو جنګي وسايلو سره يې ویجاړ شوي دي.
د يو بل خبرله مخې:
په زابل کې  دچاودنو مخه ونيول شوه چې امنيتي  مامورانو نن اووه ماينونه ددغه ولايت په ګن ميشتو لارو کې کشف او شنډ کړل .
  ختم_ شکريه_ اکرم

کابل باختر دوږي ٢٠مه :
دافغانستان دفوټبال  ملي ټيم په اسيا کې دفوټبال د نړيوال جام دمقدماتي پړاو دسياليو  په دوام تېر ماښام دصفر په وړاندې په يو سره  دبنګله ديش ملي ټيم ته ماتې ورکړه .
دغه سيالۍ  چې دتاجکستان پايتخت  دوشنبې ښار کې ترسره شوه د ٢٠٢٢  کال د نړيوال جام سياليو او د ٢٠٢٢  کال داسيا دملتونو جام ته دلارموندلو  په خاطر دافغانستان دويمه لوبه وه.
دافغانستان ملي ټيم تېره اوونۍ له قطر سره  په لومړي لوبه کې دصفر په وړاندې په شپږ سره ماتې وخوړه .
  ختم_ شکريه- اکرم


 

کابل باختر دوږي ٢٠مه :
شپږ وسله وال طالبان تېره شپه  په فراه کې دهوايي بريدونو په پايله کې ووژل شول .
په فراه کې  د٢٠٧ ظفر قول اردو ددويمې پلې لوا وياند حشمت الله احمدي دباختراژانس خبريال ته وويل  چې دغه هوايي بريدونه دفراه ولايت  په پشت کوه  ولسوالۍ کې دطالبانو په سنګرونو ترسره شول  چې له امله يې  شپږ طالبان ووژل شول او  درې تنه نوريې تپيان شول .
هغه وويل په دې هوايي بريدونوکې  ددښمن  دجنګي وسايلو  يوه زيرمه هم له منځه وړل شوې ده .
  ختم- ج – اکرم

کابل باختر دوږي ٢٠مه :
په منځني اسيا کې دناتو عمومي قوماندان پرون  د ٢٠٩ شاهين قول اردو له قوماندان سره  په کتنه کې  په افغانستان کې دډار اچوونکو په ځپلو دناتو په ملاتړ ټينګار وکړ .
د ٢٠٩ شاهين قول اردو وياند محمد حنيف رضايي  باختراژانس ته وويل چې په منځني اسيا کې  دناتو عمومي قوماندان جنرال مک کينز دمارمول په کمپ کې د  ٢٠٩ شاهين قول اردو له قوماندان تورن جنرال احمدزي سره په کتنه کې  وويل چې ناتو په ټولو برخو په تېره بيا دډار اچوونکو په ځپلو اودراتلونکو انتخاباتو په ترسره کولو کې  له افغانستان سره همکاري کوي .
جنرال مک کينز په دې کتنه کې  دطالبانو په وړاندې دامريکا او ناتو  ددريځ دبدلون يادونه وکړه  او ددغې تروريستي ډلې  په بشپړ ځپلو يې  ټينګار وکړ .
  د  ٢٠٩ شاهين قول اردو قوماندان تورنجنرال  احمدزي هم دګډ دښمن  دځپلو په لاره کې دغوڅ ملاتړ له ځواکونوسره  په ګډو هلوځلو اوښې همغږي ټينګار وکړ او زياته يې کړه  چې افغان  پوځيان دنړيوالو همکارانو په تېره بيا دامريکا  او ناتو او دافغان  دهوايي ځواکونو په ملاتړ ددښمن دتصميم نيونې په مرکزونو زيات ګوزارونه کړي دي او ددښمن  پروګرامونه يې په اساسي ډول ګډوډ کړى دى .  هغه  دانتخاباتو بهير ته اشاره وکړه او ويې ويل  چې افغان ځواکونه ژمن دي  چې ددغه  ملي بهير امنيت دنړيوالو همکارانو په ملاتړ تامين کړي . او دخپل سياسي برخليک  دټاکنې لپاره  دخلکو دعمومي مشارکت  زمينه برابره کړي .
  ختم_ ج _ اکرم

 

کابل باختر دوږي ٢٠مه :
دحسيني عاشورا مراسم په بلخ کې دخلکو په پراخ ګډون سره په امن فضا کې پرځاى شول .
دبلخ  دامنيې قوماندانۍ وياند عادل شاه عادل باختراژانس ته وويل  چې د بلخ ولايت  دامنيه قوماندان سمونوال  محمد اجمل فايز په مشرى  دبلخ پوليسو  دنورو ځواکونو په ګډو هلوځلو او دخلکو په هميشنۍ همکارۍ سره بريالي شول  چې دبلخ دمرکز او ولسواليو په کچه  دحسيني عاشورا  دمراسمو امنيت  تامين کړي ، خو دوه تنه ملکي کسان دبلخ داستيناف محکمې په ساحه کې دچاودنې له امله  ټپيان شول .
  دبلخ ولايت  مشرتابه هيئت او امنيه قوماندانۍ ددغه ولايت له ټولو خلکو څخه  چې دحسيني عاشورا دمراسمو دامنيت په تامينولو کې ونډه اخستې وه  مننه او قدرداني وکړه .
  ختم_ ج _ اکرم

 

Wednesday, 11 September 2019 11:08

داسعارو بيه

کابل\باختر\ د وږي٢٠ مه
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 60/78  افغانۍ
يوانګليسي پونډ پيرودل په 96/00افغانۍ
يوه يورو پيرودل په 86/60 افغانۍ 
يو سعودي ريال پيرودل په  20/80افغانۍ
د اماراتو يو درهم پيرودل په 21/30 افغانۍ
زرپاکستانۍ کلدارې پيرودل په 502 افغانۍ
زر هندۍ کلدارې پيرودل په 1100 افغانۍ
زر ايراني تومان پيرودل په 6/50 افغانۍ
يو روسي روبل پيرودل په 1\15 افغانۍ        
پاى-سعيده

کابل/باختر/ د وږي٢٠ مه
په نړيوالو بازارونوکې نن يو انس سره زر په ١٤٩٧ډالرو پلورل کېږي.
د پښتنې بانک د سرو زرو د مارکېټ يوه پلورونکي قاهرخان د دغه خبر په تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر په ٣٧٠٠ افغانيو يوګرام مصري سره زر په ٣٦٠٠ افغانيو، کويټي په٢٩٥٠ افغانيو، سنګاپوري په٢٩٥٠ افغانيو، بحريني په٢٩٠٠ افغانيو، عربي په٢٩٠٠ افغانيو، ايراني په٢٦٥٠ افغانيو او يو ګرام روسي په ٢١٥٠افغانيو پلورل کېږي.     
پاى/سعيده

کابل باختر دوږي ٢٠مه :
دوږي داتلسمې دهېواد دملي اتل احمد شاه مسعود دشهادت دکاليزې اودشهيد داوونۍ، په مناسبت  پرون په پنجشير کې په سلګونو کسانو وينه ورکړه . دباختراژانس دسيمه ييز خبريال دخبرله مخې ، دوينې د راټولولو کمپاين چې دپنجشير دعامې روغتيا رياست دهېواد دملي اتل شهيد احمد شاه مسعود دبنسټ په همکارۍ  په پنجشير کې دشهيدانو دسالار په غونډۍ کې پيل کړ، څه دپاسه څلويښت زره سي سي  وينه راټوله شوه .
  دپنجشير دعامې روغتيا رييس ډاکتر شيردل  دانش باختراژانس ته وويل چې ټاکل شوې ده له راټوله  شوې وينې څخه د امنيتي او دفاعي ټپيانو او اړو ناروغانو په درملنه  کې ګټه واخستل شي .    ختم_  شکريه _ اکرم

کابل باختر دوږي ٢٠مه :
دهېواد دسرحدونو او قبايلو دچارو وزير  ګل اقا شيرزى  هرات ته سفر وکړ .
دهرات والي  دسرحدونو او قبايلو دچارو له وزير سره  په کتنه کې دسرحدي سيمو  دخلکو دستونزو دلرې کولو غوښتنه وکړه .
  شيرزي چې ديو هيئت په مشرۍ  هرات ته تللى دى په پام کې لري  له يوشمېر قبايلي او قومي مشرانو سره  لېده کاته وکړي .
دباختراژانس دخبرله مخې، ددغو کتنو هدف  دلرو پرتو سيمو په تېره بيا دسرحدي خلکو دستونزو لرې کول او دامنيت تامينول، انتخاباتو اوسولې په باب  دسيمې له قومي مشرانو سره  خبرې اترې بلل شوي دي .
  ختم_ج _ اکرم

کابل باختر دوږي ٢٠مه :
دلويديځ زون  دولايتونو وروستۍ  ډله حاجيان پرون  له عربستان څخه په مستقيمه الوتنه کې هرات ته راورسېدل .
  دهرات والي عبدالقيوم رحيمي  دهرات په نړيوال هوايي ډګر کې دحاجيانو هرکلى وکړ او دحج بهير دکارکوونکو دهلوځلو له امله يې قدرداني وکړه .
په روان کال کې دلويديځ زون دولايتونو څه دپاسه  څلور زروتنو دحج فريضې د ادا کولو په موخه دهرات له هوايي ډګر څخه  سعودي عربستان ته لېږدول شوي وو اوبېرته ستانه شول .
دلويديځ زون دولايتونو دحاجيانودراستنولو بهير لس ورځې دوام وکړ .
  ختم_  ج _ اکرم

 

Page 10 of 8049