03 July 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اقتصادی

-کابل / دچنګاښ ١٣مه /باختر :
دکرنې اواوبو لګولو وزارت  د بڼوالى د ملي پروژې مسوول وايي  چې دغه بنسټ  بڼوالو او بزګرانو ته د نوي او اصلي بڼوالى  دلارو چاروپه باب روزنه ورکړې ده .او په بغلان کې بڼوالي د ښه والي په حال کې دى او په راتلونکې کې  به  خلک په بغلان کې د ډول ډول ميوو  د بڼونو د جوړولو شاهدان وي .
په شمال ختيځ  زون کې  د کرنې اواوبو لګولو وزارت  د بڼوالى  د ملي پروژې مسوول  محمد حسن فروتن  د باختراژانس له سيمه ييز خبريال علي علمي سره  په مرکه کې وويل:  چې په وروستيو اوو کلونوکې په بغلان، کندز،  تخار، او د بدخشان  په ولايتونوکې د ډول ډول ميوو  داصلاح شويو نيالګيو په اېښودلوسره  اووه ديرش زره  څلور سوه  څلورشپيته بڼونه  جوړ شوي دي .
هغه وويل : چې  د روزنيزو پروګرامونو په ترسره کولو سره يې  د دغو ولايتونو بڼوالو ته  د بڼوالى نوى لارې  چارې ښودلي دي .
  هغه  د بڼوالو يواځنۍ ستونزه  د دوى دمحصولاتو د ساتنې لپاره  د  سړو خونو نشتوالي وبلل .  فروتن څرګنده کړه  چې اوس  د هېواد په شمال ختيځ کې بڼوال  نه يواځې  د هېواد د بازارونو د اړتيا وړ ميوې  برابروي  بلکې سوداګر د دوى دبڼونو ډول ډول ميوې  بهر ته صادروي .
هغه  د بڼوالو د مڼو،  انګورو،  زردالو او د بادامو يادونه وکړه چې بهر ته صادرېږي .
د بغلان يوتن بڼوال  غلام حسن رضايي  د خپل بڼ  د حاصلاتو  له امله  خوشحاله دى  .
هغه وويل:  چې سږ کال د ده د بڼ اصلاح شوي نيالګي زيات حاصلات لري  او دى به زياته ګټه ترلاسه کړي .
هغه  د خپل بڼ د ميوو د ساتنې لپاره  د سړو خونو نشتوالي  يواځنۍ ستونزه وبلله او د کرنې له ادارې  څخه يې وغوښتل چې دبڼونو دميوو دساتنې لپاره  د سړو خونو په جوړولو اقدام وکړي . چې بڼوال وکولاى شي  خپلې ميوې په مناسب وخت او مناسبه بيه بازار ته وړاندې کړي .
  خو د بغلان ولايت د کرنې اواوبو لګولو رياست  د زراعتي چارو آمر عبدالقهار ستاري وويل چې تر راتلونکې يوې اوونۍ پورې  په بغلان کې  د څلور سوه  ديرشو سړو خونو او مميز خونو د  جوړولو کار پيلېږي . او ترراتلونکو دوو مياشتو پورې  جوړېږي او د بزګرانو اوبڼوالو  په واک کې ورکول کېږي .
  ختم _ج _ اکرم

-کابل / دچنګاښ ١٣مه /باختر :
په هرات کې  د مميزو  د پروسس  لومړنى فابريکه پرانستل شوه .
دغه کارخانه  په  ٢٤ ساعتو کې د دوه سوه ټنو مميزو  د پروسس  او د انډې کولو  ځواکمني لري .
د هرات  د والي وياند جيلاني فرهاد  باختراژانس ته وويل  چې د دغې کارخانې پرانستل  ٢٠٠ کارګرانو ته دکار دزمينې په برابرولوسره په هرات کې  د مميزو د پروسس  کچه تر درې زرو ټنو پورې زياتوي .
د دغې فابريکې په جوړولوکې  دکرنې او اوبو لګولو د وزارت له خوا پنځه سوه زره ډالره  لګول شوې ده .
په همدې حال کې  د دغې فابريکې جوړول  د نړۍ بازارونو ته د مميزو د صادراتو د زياتوالي لپاره  هيلې زياتې کړي دي .
  ختم _ ج _ اکرم

 کابل / د چنګاښ ١٠ مه / باختر
مرکزي بانک ٤٢ ميليونه ډالر د ليلام په ډول پلوري.
د دغه بانک په ليک کې چې باخترآژانس ته استول شوى دى؛ ويل شوي دي:               د افغانستان بانک د روان کال د چنګاښ په ١٤مه د شنبې په ورځ ، ٤٢ ميليونه ډالره  د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى/ سعيده /

-اسعدآباد/د چنګاښ ۱۱ مه/ باختر
په کونړ کې بزګرانو د هندواڼو له حاصلاتو ۴۰ میلیونه افغانۍ عاید ترلاسه کړى چې په دې سره په دغه ولایت کې د کوکنارو په کښت کې پوره کموالی راغلی دی.
د کونړ په خاص کونړ، څوکۍ، نرنګ او سرکاڼو ولسوالیو کې سږکال په څه باندې ۱۰۰۰ جرېبه ځمکه کې هنداوڼې کرل شوي، چې له حاصلاتو یې بزګران خوښ او له بېلابېلو سیمو خلک د هندواڼو پېرلو ته ورځي.
د کونړ د کرنې رییس نجیب الله وایي چې د ترلاسه شویو معلوماتو په اساس سږکال په دې ولایت کې له ۱۰۰۰۰ نیولې تر ۱۲۰۰۰ ټنو هندواڼې شوې، چې پرمټ یې خلکو ته شاو خوا ۴۰ میلیونه افغانۍ عاید په لاس ورغلی دی.
ځايي خلک بیا د نورو سیمو په پرتله د کونړ هندواڼې خوندورې بولي او له دولت او پانګه والو غواړي چې د بڼوالۍ سکتور پر لا پیاوړتیا پانګونه وکړي.
دا په داسې حال کې ده چې په کونړ کې د کرنیز سکټور د میکانیزه کېدو د هڅو په پایله کې د خلکو پام بڼوالۍ ته اوښتی چې د نارنج، لیمو، مالټې، زردالو او الوچو ترڅنګ اوس د چارمغزو او شفتالو پر بڼونو میلیونونه افغانۍ پانګونه شوې، چې دې چارې په کونړ کې د کوکنارو په کښت کې پوره کموالی راوستی او زیات شمېرخلکو بڼوالۍ ته مخه کړې ده.
پای/وصال

Page 1 of 1043