26 September 2020

RSS Facebook

سوداگریز


تازه خبرونه

په پکتیکا کې ۱۱ طالبانو ته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلو ولسوالۍ...

 جمهوررئیس محمد اشرف غني او د پاکستان لومړي وزير ټليفوني خبرې وکړې

جمهوررئیس محمد اشرف غني او د پاکستان لومړي وزير ټليفوني خبرې وکړې

کابل/ د تلې ۴مه/ باختر د افغانستان د اسلامي جمهوريت...

Youtube Player

khantry design

سوداگریز

سوداگریز

اقتصادی

 کابل/ د تلې ٣ مه / باختر
په نړيوالو بازارونو کې نن يو انس سره زرپه ١٩٨٠ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٤٦٠٠ يو ګرام مصري سره زر په٤٥٥٠ افغانيو، کويټي په٣٥٥٠ افغانيو، سنګاپوري په٣٥٥٠ افغانيو،  بحريني په٣٥٠٠ افغانيو، عربي په٣٦٠٠ افغانيو، ايراني په٣٠٠٠ افغانيو او يو ګرام روسي په ٢٦٠٠افغانيو پلورل کېږي.     
پاى / ذ

 کابل / د تلې ۳ مه / باختر
مرکزي بانک ٣٨ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د تلې په ٥ مه د شنبې په ورځ، ٣٨ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى \ ذ

 کابل / د تلې ۳ مه / باختر
د افغانستان برېښنا شرکت نن د يوې خبرتيا په خپرولو سره ويلي دي چې د ازبکستان د وارداتي برېښنا د مزي د ترميم په دليل، نن سهار ٧ بجې او ٣٠ دقيقې د برېښنا بهير٥٠ سلنه کمښت موندلى دى.
د برېښنا شرکت په خبرتيا کې دغه راز زياته شوې ده چې دغه ستونزه به د نن ورحې ترپاى پورې لرې شي.
پاى \ ذ

 

کابل/ د تلې ۲ مه/ باختر

د افغانستان د اسلامي جمهوریت د جمهوررئیس محمد اشرف غني په حضور کې نن ماسپښین د افغانستان برېښنا شرکت رئیس داوود نورزي او د زولرستان، ساختماني ۷۷ او کواټرو ساختماني شرکتونو ترمنځ، د امریکا متحدو ایالتونو پرمختیایي ادارې (USAID) په مالي مرسته له لمریزې او بادي سرچینو څخه د انرژۍ د تولید په موخه د خصوصي او عامه مشارکت څلور پروژو تړونونه لاسلیک شول.

په چهارچنار ماڼۍ کې په دې موخه جوړو شویو مراسمو کې د جمهوري ریاست لومړي مرستیال او د امریکا متحدو ایالتونو د سفارت شارژدافیر هم حضور درلود په پیل کې د پانګونې اسانتیا واحد رئیس عطاالله نصیب وویل، جمهوررئیس پر ځان د هیواد د بسیاینې او پانګونه کې د خصوصي سکتور دجذب په موخه د پانګونې اسانتیا واحد ایجاد کړی دی.

هغه زیاته کړه، دغه څلور تړونونه د افغانستان برېښنا شرکت د سترو تړونونو له جملې څخه دي چې ۱۶۰ میلیون ډالر پانګونه په کې شوې او له ۱۸ څخه تر ۲۷ میاشتو موده کې به زموږ د تولیدي ظرفیتونو شبکه کې کابو ۱۱۰ میګاواټه برېښنا زیاته شي.

وروسته د افغانستان برېښنا شرکت رئیس داوود نورزي له لمریزې او بادي سرچینو څخه د انرژۍ د تولید په موخه د خصوصي او عامه مشارکت څلور پروژو د تړون په اړه معلومات وړاندې کړل.

نوموړي د برېښنا انرژۍ په برخه کې د امریکا متحدو ایالتونو له مرستو د مننې پر مهال وویل، د افغانستان برېښنا شرکت د بریالیتوب معیار د پېرېدونکو رضایت او موخه مو د لا زیاتو خدماتو برابرول، پر ولایتونو د تمرکز زیاتول او د عوایدو لوړول دي.

وروسته په افغانستان کې د امریکا متحدو ایالتونو د سفارت شارژدافیر راس ویلسن وویل، برېښنا ته د افغان ولس لاسرسی د دوی د ژوند د ښه والي لپاره مهم دی. د تجدید وړ انرژۍ د نننیو تړونونو لاسلیک د افغانانو د ژوند د ښه والي، افغان متشبثینو او اقتصادي ودې لپاره د امریکا متحدو ایالتونو د هڅو یوه برخه ده چې د متحدو ایالتونو اوږدمهال تعهد څرګندوي.

راس ویلسن ټینګار وکړ چې هیڅوک دې د دواړو هیوادونو د ګډو ګټو پر قوت او ارزښتونو چې موږ یې سره پیوند کړي یوو، شک نه کوي. د امریکا متحده ایالتونه د افغانستان اسلامي جمهوریت او افغان ولس سره د سولې او امنیت، اقتصادي هوساینې او له فرصتونو او حقونو څخه د برخمنېدو په برخو کې خپلو همکاریو ته دوام ورکوي.

جمهوررئیس غني دغو مراسمو ته په وینا کې وویل، د خوښۍ ځای دی چې د انرژۍ په برخه کې د خصوصي سکتور د پانګونې شاهدان یوو.

هغه زیاته کړه، د افغانستان برېښنا شرکت له بین المللي بنسټونو او خصوصي برخې سره په همکارۍ د برېښنا ملي شبکې د ایجاد لیدلوری ممکن کړ.

جمهوررئیس د بادي، لمریزې او اوبو برېښنا انرژۍ د تولید په برخو کې د افغانستان ظرفیت ته په اشارې وویل، انرژي د زېربناوو زېربنا ده او موږ د تجدید وړ او باوري انرژۍ ته له لاسرسي پرته پر صادرونکي هیواد نشو بدلېدلی.

جمهوررئیس غني، کرونا ویروس سره د مبارزې په دوره کې د خصوصي سکتور ګډون وستایه وې ویل، خصوصي سکتور کولای شي د برېښڼا د تولید، لېږد او وېش په برخو کې له دولت سره ګډ کار وکړي.

په دغو پروژو کې چې د امریکا متحدو ایالتونو پرمختیایي اداره یې تمويلوي په بلخ ولایت کې د ۴۰ میګاواټه لمریزې انرژۍ، د کابل نغلو د اوبو پر بند څرخېدونکې لمریزې برېښنا انرژۍ ۲۰ میګاواټه، په هرات ولایت کې د ۲۵ میګاواټه بادي او ۲۵ میګاواټه لمریزې څرخېدونکې برېښنا پروژې شاملې دي.
 

Page 1 of 1080