23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

اقتصادی

کابل/ باختر/ د وږي ٢١مه
د افغانستان د اسلامي جمهوریت جمهورريیس محمداشرف غني پرون د حیرتان بندر له لارې چین ته د افغانستان د لومړنۍ سوداګریزې محمولې د لېږد د نمانځې په مراسمو کې ګډون او وینا وکړه.
د جمهوررييس د وياند دفتر باختر آژانس ته خبر ورکړ:
په دغو مراسمو کې چې په سلامخانې ماڼۍ کې پرځاى شوي وو  د ولسي جرګې او مشرانو جرګې ريیسانو او یو شمېر لوړ پوړو دولتي مقاماتو حضور درلود، جمهورريیس وویل: نن له وارداتي څخه پرصادراتي هېواد د افغانستان د تحول بهیر د پیل مبارکي درته وایم.
اتلس کاله مو یواځې واردات کول، پرته له دې چې د صادراتو لپاره یوه واضح طرحه ولرو او دا د منلووړ نه وو.
جمهورريیس زیاته کړه: دا یو بنسټیز بدلون دی، په ځانګړي ډول زموږ کروندګرو او معدن کارانو ته چې وتوانېدل د تالک ډبره صادره کړي. دولت په یواځې سر د خصوصي سکتور له همکارۍ پرته دغه کار نشو کولای.
جمهورريیس وویل: د جلغوزیو ځنګل ملي پانګه ده چې ګټه یې د هېوادوالو جیبونو ته ځي، له دې وروسته تالک او جلغوزه نه قاچاقېږي، ځکه اوس بڼوال باوري دي چې محصولات یې له هېواده بهرته صادرېږي؛ دا ښه پیل دی، خو بسنه نه کوي.
د هېواد جمهورريیس څرګنده کړه، اوس د هېواد کرنه اقتصاد محوره کېږي په دې مانا هغه څه تولېدوو چې بازار ولري او دغه کار د سترې کارموندنې لامل ګرځي.
هغه زیاته کړه: زموږ راتلونکی یو ترانزیټي هيواد دی او زموږ هڅه دا ده چې په راتلونکي کې د افغانستان میلیونونو ټنه تولیدات منځني ختیځ ته ورسېږي.
جمهورريیس غني څرګنده کړه: زموږ ګمرکونه اصلاحاتو ته اړتیا لري، زموږ عواید او لګښتونه باید بېلانس ولري. موږ هغه هېواد وو چې ټول لګښت مو له بهرنیو مرستو تامینېده. په دې ځای کې د لیدلوري بدلون ته اړتیا ده.
د هېواد جمهورريیس وویل: تحول پیل شوی، خو کافي نه دی. باید افغانستان د ځان لپاره هدف وټاکي او په راتلونکو څلورو کلونو کې د افغانستان د صادراتو او وارداتو بېلانس تغییر ومومي. باید په لسو کلونو کې زموږ  صادرات د وارداتو په پرتله پنځه برابره شي.
هغه د خپلو خبرو په پای کې وویل: لکه څنګه چې زموږ امنیتي او دفاعي ځواکونه زموږ د ازادۍ اتلان دي، زموږ خصوصي سکتور، کروندګر او  صنعت کاران د افغانستان د انکشاف اتلان دي.
په دغو مراسموکې د ترانسپورټ وزیر یما یاري د خبرو پر مهال وویل، چین ته د افغانستان د لومړنۍ سوداګریزې محمولې لېږد د سیمه ییز پيوستون د بنسټیز کولو په برخه کې د جمهورريیس غني د خوبونو د تحقق یوه بېلګه ده.
نوموړي بهرنۍ سوداګري د اقتصادي ودې ترټولو مهم عنصر وباله او په بېلابېلو برخو له هغې ډلې د سیمه ییز پيوستون معاهدې او موافقتنامې، د لویو لارو جوړول، د بین المللي، منطقوي او سیمه ییزو هوايي ډګرونو له لارې د افغانستان پيوستون ، د ریل ګاډو د پټلیو او د هوايي او ځمکني ترانسپورټي دهلیزونو د ایجاد په برخو کې د ترانسپورټ وزارت لاسته راوړنې بیان کړې.
همدارنګه په دغو مراسمو کې د افغانستان د صنعت او د سوداګرۍ خونې رئیس خانجان الکوزي د خصوصي سکتور د ودې په برخه کې د جمهوررئیس د پاملرنې مننه وکړه او د سوداګرۍ او ترانزیټ په برخو کې د افغانستان د لاسته راوړنو او پرمختګونو په اړه یې معلومات وړاندې کړل.
نوموړي دغه راز سوداګرو او صنعتکارانو ته د پاسپورټ، ویزې او خدماتو په برخه کې د لازیاتو اسانتیاو د برابرولو په خاطر خپل وړاندیزونه هم وکړل.#
پاى -  ذ

کابل/باختر/ د وږي٢٠ مه
په نړيوالو بازارونوکې نن يو انس سره زر په ١٤٩٧ډالرو پلورل کېږي.
د پښتنې بانک د سرو زرو د مارکېټ يوه پلورونکي قاهرخان د دغه خبر په تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر په ٣٧٠٠ افغانيو يوګرام مصري سره زر په ٣٦٠٠ افغانيو، کويټي په٢٩٥٠ افغانيو، سنګاپوري په٢٩٥٠ افغانيو، بحريني په٢٩٠٠ افغانيو، عربي په٢٩٠٠ افغانيو، ايراني په٢٦٥٠ افغانيو او يو ګرام روسي په ٢١٥٠افغانيو پلورل کېږي.     
پاى/سعيده

کابل\باختر\ د وږي٢٠ مه
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 60/78  افغانۍ
يوانګليسي پونډ پيرودل په 96/00افغانۍ
يوه يورو پيرودل په 86/60 افغانۍ 
يو سعودي ريال پيرودل په  20/80افغانۍ
د اماراتو يو درهم پيرودل په 21/30 افغانۍ
زرپاکستانۍ کلدارې پيرودل په 502 افغانۍ
زر هندۍ کلدارې پيرودل په 1100 افغانۍ
زر ايراني تومان پيرودل په 6/50 افغانۍ
يو روسي روبل پيرودل په 1\15 افغانۍ        
پاى-سعيده

کابل/باختر/ د وږي ۱٨مه
د کرنې، اوبولګولو او مالدارۍ وزارت معين  عبدالهادي رفيعې د يو شمير دولتي مقاماتو په وړاندې اعلام وکړ چې د دغه وزارت د طرحې پربنسټ په دغه ولايت       کې دجلغوزيو اوچارمغزو ٢٣ زره يو سلو نوي هکتاره ځنګلونه بيا رغاول کيږي.
رفيعي وايي چې  دځنګلونو په تيره بيا دجلغوزيو او چارمغزو د بيارغاونې اوساتنې لپاره د دغه وزارت دطرحې پربنسټ  په راتلوونکو نهو کلونو کې دڅلورسوه اوويا ميليونوافغانيو په لګښت په نورستان کې دجلغوزيو او چارمغزو ٢٣زره يوسلو نوي هکتاره ځنګلونه بيا رغاول کيږي.
دکرنې ، اوبو لګولو او مالدارۍ وزارت مالي او اداري معين چې  له يوشمير دولتي مقاماتو سره د جمهور رييس په لارښوونه نورستان ته  تللى دى ،  ټينګار وکړ چې ددغې نوې پروژې په اجرا کولو سره په نورستان کې د جلغوزيو او چارمغزو دکلني توليد کچه به ٥٤ زرو متريک ټنو ته ورسيږي.
رفيعي دغه راز وويل چې ددغې طرحې پربنسټ  په نورستان کې دوه سوه دوه ديرش زره هکتاره نورځنګلونه تر ساتنې لاندې نيول کيږي.
ددغې پروژې اجرا کول د اووه سوه کورنيو لپاره د دايمي کار اوعايد زمينه برابروي
د سون د توکو د تامينولو او دځنګلونو دغوڅولو د مخنيوي لپاره د ژر رسيدونکو ځنګلونوجوړول او دغه رازد کورنيو شنو خونو او باغچو جوړول  دکورنيو د ژوندانه  دتامينولو لپاره په نورستان کې دکرنې وزارت له نورو پروګرامونو څخه دي .
پاى \ ذ

 

Page 5 of 953