22 October 2017

RSS Facebook

سوداگریز


تازه خبرونه

په ننګرهارکې له۴۵۶ بېځايه شويوکورنيوسره مرسته وشوه

کابل \باختردتلې دمياشتې٣٠نيټه : په ننګرهار ولايت کې له۴۵۶ بېځايه...

يو ځوان محصل په بدخشان کې ځان وواژه

فيض آباد \باختردتلې دمياشتې٣٠نيټه : يو محصل نن غرمه په...

د انتخاباتي شکايتونو د کميسيون پنځه تنه مقامات له کاره ګوښه شول

کابل\باختردتلې دمياشتې٣٠نيټه : د انتخاباتي شکايتونو کميسيون، د دغه کميسيون...

Youtube Player

khantry design

سوداگریز

سوداگریز

اقتصادی

کابل_باختر د تلې د مياشتې٢٢مه
مالیې وزیر ښاغلي اکلیل حکیمي، پرون د امریکا واشنګټن ډي سي ته د خپل سفر په دوېمه ورځ د نړیوال بانک او د پیسو د نړیوال صندوق د کلنۍ ناستې په څنډه کې د اسیا د بنسټیزې پانګونې په بانک (AIIB) کې د دایمي غړیتوب سند د تر لاسه کولو تر څنګ یې د دغه بانک له رئیس ښاغلي جین لیقون، سره وکتل او له هغه سره یې په دغه بانک کې د افغانستان د غړیتوب په پرمختګونو، د لمریزې برېښنا لپاره د مالي او تخنیکی امکاناتو په برابرولو، د پنځو هېوادونو )افغانستان، قرغزستان، تاجكستان، ايران او چين) تر منځ په ریل پتلۍ، د بنسټیزو پروژو په مالي تمویل او یو شمېر نورو اړوندو مسایلو خبرې وکړې.
د ماليې وزارت مطبوعاتي دفتر باختر آژانس ته خبر ورکړ:
په دغه بانک کې د افغانستان غړیتوب زیات اهمیت لري او په هېواد کې د سترو ملي پروژو پلي کېدو ته زمینه برابروي.
د دغو همکاریو د عملي کار د پیل لپاره په نږدې راتلوونکې کې د دغه بانک رئیس او لوړ پوړی پلاوی یې افغانستان ته سفر کوي. #
پاى_ف

 

کابل/ باختر/ د تلې د مياشتې ٢٢
نن د تلې د مياشتې٢٢ نيټه د کابل ښار په بازارونوکې د اړتيا وړلومړنيو توکو بيې په دې ډول دي:
يوه ٢٥کيلويي بورۍ اعلى وريجې  ٢١٥٠ افغانۍ
يومن شوله يي وريجې    ٣١٠ افغانۍ
يو من بوره       ٢٨٠ افغانۍ
يو من وطنى مى      ٣٤٠ افغانۍ
  يو شپاړلس  ليتره پيپ غوړي    ١١٣٠ افغانۍ
يوه پنځوس کيلويي بورۍ اوړه    ١١٨٠ افغانۍ
يو من وطنى لوبيا     ٨٥٠ افغانۍ
يو من وطنى نخود      ٧٥٠ افغانۍ
دغه راز، يو کيلوګاز ٥٥ افغانۍ، يو ليتر پترول ٤٥ افغانۍ او يو ليتر ديزل په٤٥ افغانۍ پلورل کيږي.   
پاى-سعيده

کابل\باختر\ د تلې د مياشتې٢٢
په نړيوالو بازارونوکې نن يو انس سره زرپه ١٣٠٤ډالرو وړاندې کيږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام مصري سره زر په٢٨٠٠ افغانيو، کويټي په٢٨٠٠ افغانيو،سنګاپوري په٢٣٠٠ افغانيو،  بحريني په٢٢٥٠ افغانيو، عربي په٢٢٥٠ افغانيو، ايراني په١٩٥٠ افغانيو او يو ګرام روسي په ١٨٥٠افغانيو پلورل کيږي.   
پاى / سعيده

کابل باختر د تلې يو ويشتمه :
دمالیې وزیر اکلیل حکیمي، د تلې دمیاشتې په ۲۰ مه نېټه د امریکاپه متحده ایالاتو کې د نړیوال بانک (WB) او د پیسو نړیوال صندوق (IMF) د کلنۍ غونډې په څنډه کې د خپلو کتنو په دوام د منځني ختیځ او مرکزي اسیا لپاره د پیسو نړیوال صندوق له رئیس ښاغلي جهاد ازور، سره وکتل.
دماليې وزارت دوياند دفترباخترآژانس ته خبرورکړ
په دې کتنه کې دواړو لورو د ملي عوایدو په راټولېدو او مالي اصلاحاتو، د ۲۰۱۷ کال لپاره له دغه صندوق سره د حکومت د ژمنو په برخه کې د اجرااتو په کتنې، اقتصادي پرمختګ او مالي ثبات، د زیاتیدونکي ارزښت باندې په مالیاتو (VAT)، د بانکي سکټور په پیاوړتیا، سیمه ییزې همکارۍ، د عامه مالي کړنو په مدیریت (PFM)، د راتلونکو کلونو لپاره په اصلاحي پروګرامونو او یو شمېر نورو مسایلو بحث او د نظرونو تبادله وکړه. پاى-ع

 

Page 5 of 647