21 September 2018

RSS Facebook

سوداگریز


تازه خبرونه

فرمان

فرمان

کابل باختر د وږي نهه ويشتمه : دجمهور رييس دځانګړي...

Youtube Player

khantry design

سوداگریز

سوداگریز

اقتصادی

جلال اباد  باختر د وږي  ۱۳ مه
د شاوخوا څلورنیم ميليونو افغانیو په لګښت د ننګرهار ولایت د خوږیاڼو ولسوالۍ د بربهارپه سیمه کې د یوه سربند د جوړولو چارې پيل شوې.
دغه سربند د کرنې او مالدارۍ ریاست له  لورې  جوړيږي چې د شاوخوا شپږو میاشتو په  موده  کې به جوړ  او  ګټې  اخېستنې  ته وسپارل شي.
د ننګرهار  د کرنې ادارې رېیس رفيع الله رحيمزي د باختر اژانس سیمه یېز خبریال ته وويل، چې د بربهار سربند شاوخوا ۳۱۱ متره اوږدوالی لري چې؛ د کرنې وزارت د انکشافي بودجې څخه په پاخه او اساسي ډول جوړیږي.
هغه وويل، د یاد سربند په جوړیدو سره به  د شاوخوا دوه زره او پنځه سوه جریبه ځمکې د خړوبېدو ترڅنګ ، د اوبو د  ضایعاتو د مخې  نیول کېدل او د دې سیمې د ځمکو په کــــــرنیزو حاصلاتو کې ۲۰ سلنه زیاتوالی راشي.پای/وصال

کابل\باختر\ د وږي د مياشتې۱٣
په نړيوالو بازارونوکې نن يو انس سره زرپه ۱۲۰۰ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يو ګرام مصري سره زر په٢٩٠٠ افغانيو، کويټي په٢٧٥٠ افغانيو،سنګاپوري په٢٨٠٠ افغانيو،  بحريني په٢٣٠٠ افغانيو، عربي په٢٣٥٠ افغانيو، ايراني په٢١٥٠ افغانيو او يو ګرام روسي په ١٨٥٠افغانيو پلورل کېږي.     
پاى / سعيده                                                   

کابل باختر دوږي  ديارلسمه
د وزیرانو شورا له پریکړې سره سم او د اجرائیه ریاست د لومړي مرستیال د په لارښوونه د وزیرانو شورا د دار الانشا د رئیس نصرالله ارسلایي تر مشرې لاندې د چابهار  د هوکړه لیک د عملي کولو د طرحې په اړه غونډه
و شوه .
باخترآژانس ته په رارسيدلې خبرکې ويل شوې دى.
په دې غونډه کې د وزیرانو شورا د دارالانشا  رئیس نصرالله ارسلایي سربیره  د ترانسپورت وزارت مالي او اداري مرستیالې اودمالیې، کورنیو چارو، سوداګرۍ او صنایعو، کډوالوچارو، بهرنیو چارو وزارتونو او د ځمکو او محلي ارګانونو خپلواکو ادارو استازو ګډون کړې وو.
د غونډې په پيل کې د چابهار د هوکړه لیک د تطبیقي پلان اجرائیوي طرحې په اړه چې د اړوندو ادارو په مرسته د ترانسپورت وزرات په مشرې چمتو شوې  وه په هر اړخیزه توګه تر بحث لاندې ونیول شوه او د لا بډاینې په اړه یې خبرې او بحثونه وشول.
د غونډې ګډونوالو چمتو شوې طرحه تائید کړه خو د څو اړوندو ادارو د مالي  اړتیاوو د نه په ګوته کیدو له امله د غونډې غړو یاده طرحه راتلونکې غونډې ته وځنډوله. او پریکړه وشوه چې د کابینې له لارښوونې سره سم دې  تخنیکي او مسلکي څېړنې بشپړې شي او د هوکړه لیک ټول موارد دې چمتو او د یوې واحدې پروژې په چوکات کې د یوې ځانګړې کمپنۍ له لوري عملي شي.
په پای کې  پریکړه وشوه چې د دوو اوونیو په ترڅ کې دې دغه طرحه بشپړه او په راتلونکې غونډه کې د اجرائیه ریاست د لومړي مرستیال تر تائید وروسته وزیرانو شورا ته وړاندې شي تر څو په دې اړه جدې او عملې اقدامات ترسره شي.پاى- ع

کابل \باختر/ د وږي د مياشتې۱۲ نيټه
د افغانستان د اسلامي جمهوریت د جمهوررئیس محمداشرف غني په مشرۍ د ملي تدارکاتو کمېسیون غونډې پرون ماښام په ارګ کې ۱۵ تدارکاتي مورده وارزول چې په پایله کې یې د ۸۲۹ میلیون افغانیو په ارزښت ۱۲ مورده منظور شول.
ـ د پوهنې وزارت د نشراتو ریاست د ۱۲ برخو په ګډون د اړتیا وړ دري او پښتو ژبو د ۱۲.۲ میلیون درسي کتابونو د برابرولو او چاپ پروژې د قرارداد د ورکړې غوښتنه؛
- د پایتخت زون د پراختیا خپلواکې ادارې اړوند د ۴.۹۵ کیلو متراوږد سړک د جوړولو او د لوګر ولایت د محمد اغې په صنعتي پارک کې د ۲۸۵ جریبه ځمکې د هوارولو د قرارداد د ورکړې غوښتنه؛
- د کرنې او اوبو لګولو وزارت اړوند دوو برخوکې د هېواد د ۳۴ ولایتونو مرکزونو او والسوالیو ته د مزار شریف د کود او برېښنا له فابریکې څخه د ۲۰زره متریک ټن یوریا کیمیاوي کوډ د انتقال پروژې د قرارداد د ورکړې غوښتنه؛
- د ښار او کور جوړولو وزارت اړوند د کابل د نوي موزیم د ودانۍ جوړولو د نقشې او ډیزاین د کار پروژې د قرارداد د ورکړې غوښتنه.
همدارنګه د کانونو او پترولیم وزارت مسوولینو د هرات ولایت د شیدایي مسو کان په اړه غونډې ته معلومات ورکړل. له بحث او غور وروسته  یې وړاندیز او د تدارک موضوع تائید کړه او تصمیم ونیول شو چې په ټولو مواردو یې د کابینې په غونډه کې بحث وشي.
د ۱۲،۲ میلیون ټوکه درسي کتابونو د برابرولو او چاپ پر پروژې د بحث پرمهال د هېواد جمهوررئیس یو ځل بیا د خصوصي سکتور په ملاتړ ټینګار وکړ او پرېکړه وشوه چې دا پروژه دې د چوکاټي قرارداد په ډول پر ټولو داوطلبو شرکتونو د هغو تولیدي وړتیاوو ته په پام په عادلانه توګه ووېشل شي. 
له بامیانو څخه تر دوشي پورې د ۲۳،۷ کیلو متر اوږد سړک جوړولو پروژې قرارداد د ورکړې په اړه د ملي تدارکاتو کمېسیون د مخکېنیوپرېکړو د لارښوونو د تحقق راپور او فواید عامې وزارت اړوند د افغانستان د ساختماني لابراتوارونو د ایجاد او تجهیزاتو پروژې (ANCL) د وړاندېز غوښتنه ملي تدارکاتو کمېسیون تائید کړه.
دغه راز دغه وزارت ته دنده وسپارل شوه چې د ټولو هغو پروژو بهیرچې له ستونزو سره مخ دی هراړخیز وارزوي او تفصیلي راپور یې د جمهوري ریاست له عالي مقام سره شریک کړي.
د جمهوري ریاست د مالي او اداري عملیاتي او حمایوي واحد لوی ریاست د څرخي ‏پله زندان څخه د لیدنې راپور او د دې زندان د وضعیت د ښه والي په اړه خپل مشخص وړاندیزونه مطرح کړل چې د دغه ریاست ټول وړاندېزونه  کمېسیون منظور کړل.
په دې غونډه کې د ولسي جرګې د مالي او بودجې او ملي اقتصاد کمېسیونونو، د افغانستان د شفافیت څار بنسټ، د سیګار او د غوڅ ملاتړ سیستیکا ملي او بین المللي څارونکو هم حضور درلود.#
پای – ذ

Page 7 of 807