19 June 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

اقتصادی

کابل\باختر\ د غبرګولي دمياشتې ۵مه
په نړيوالو بازارونوکې نن يو انس سره زر په ۱۲۸۴ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر٣١٥٠ يو ګرام مصري سره زر په٣٠٠٠ افغانيو، کويټي په٢٤٠٠ افغانيو،سنګاپوري په٢٤٠٠ افغانيو،  بحريني په٢٣٥٠ افغانيو، عربي په٢٣٠٠ افغانيو، ايراني په٢١٠٠ افغانيو او يو ګرام روسي په ١٩٠٠افغانيو پلورل کېږي.     
پاى / سعيده

قندهار/ باختر/ د غبرګولي د میاشتې ۴ مه
د قندهار ملي سوداګرو د دغه ولایت د ګمرک له رئیس او والي سره په کتنه کې  له دوی څخه غوښتنه وکړه چې په ګمرکونو کې دې د سوداګرو لپاره اسانتیاوې برابرې شي.
دوی وايي چې، په ګمرکونو کې د بېو د ټاکلو، مالیاتو او د ټکس ځنډ د سوداګرۍ پرېښودلو ته اړ کړي دي.
دوی د قندهار د ولایتي ادراې له مسوولینو او د دغه ولایت د کمرک له مشر څخه غواړي، چې د سوداګرو لپاره دې په ګمرکونو کې لازمې اسانتیاوې رامنځته کړي.
په همدې حال کې د قندهار  د ګمرکونو عمومي رئیس ارشاد احمد پوپل وايي: هڅې يې پیل کړي، څو د سوداکرو لپاره اسانتیاوي رامنځته کړي، خو په خبره یې سوداګر هم باید د فساد په مخنيوي او نورو برخو کي ورسره همکاري وکړي.
هغه زياتوي، چې د قندهار د هوايي ډګر او بولدک ولسوالۍ د ګمرک لپاره یې سکېنرونه برابر کړي چي په نږدې راتلوونکي کې به نصب کړل شي.
په ورته وخت کې د قندهار والي حیات الله حیات ورغلو سوداګرو ته د پوره همکارۍ ډاډ ورکړ او زیاته یې کړه، چې د سیلو او بولدک ولسوالۍ په ګمرکونو کې غیرې قانوني عمل تر سره کوونکي کسان به مجازات کړل شي.
د حيات په خبره، چې په نږدې وختونو کې به د بولدک ولسوالۍ د ګمرک لپاره نوره ځمکه هم ورکړي څو هلته سوداګریزو توکو ته ساحه پراخه شي.
پای/وصال

کابل\باختر\ د غبرګولي دمياشتې ۴مه
په نړيوالو بازارونوکې نن يو انس سره زر په ۱۲۸۴ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر٣١٥٠ يو ګرام مصري سره زر په٣٠٠٠ افغانيو، کويټي په٢٤٠٠ افغانيو،سنګاپوري په٢٤٠٠ افغانيو،  بحريني په٢٣٥٠ افغانيو، عربي په٢٣٠٠ افغانيو، ايراني په٢١٠٠ افغانيو او يو ګرام روسي په ١٩٠٠افغانيو پلورل کېږي.     
پاى / سعيده

- کابل \ باختر\ د غبرګولي د مياشتې ۲ مه
مرکزي بانک (۴۰) ميليونه ډالره د ليلام په ډول پلوري.
د دغه بانک په هغه ليک کې چې باختر آژانس ته لېږل شوى دى؛ ويل شوي دي:                د افغانستان بانک د ۱۳۹۸ کال د غبرګولي د مياشتې په ۴ نېټه د شنبې په ورځ (۴۰) ميليونه ډالره د ليلام په ډول پلوري.
په شرايطو برابرهغوصرافانو اوتجارتي بانکونوته چې پخوا يې يو ميليون او ٥٠٠ زره افغانۍ د تضمين په ډول دافغانستان بانک د بازار د عملياتو په لوى مديريت کې تحويل کړې دي؛ بلنه ورکول کيږي چې په دغو داوطلبيوکې ګډون وکړي او د ليلام ګټوونکي مکلفيت لري چې خپل حسابونه دې د ورځې تر پايه پورې تصفيه کړي  .
هغه صرافان چې تر اوسه پورې يو ميليونو پنځه سوه زره افغانۍ د تضمين په ليلامونوکې د ګډون په مقصدنه دي تحويل کړي؛ کولاى شي له داوطلبي څخه يوه ورځ مخکې دخپل تضمين پيسې تحويلې اوپه راتلوونکو ليلامونو کې دې ګډون وکړي.
د يادونې وړ بلل کيـــــږي چې د معاملــو قسمي تر سره کول مجاز نه  دى، د   ليلام ګټوونکي دې د خپل ذمت پيسې ټولې يوځاى په نغدي ډول او په حوالــــې سره په ټاکلې موده کې په بانک کې تحويلې کړي.
يادونه: مزايده کوونکي نشي کولاى له ټولو اعلام شويو پيسو څخه په سلوکې له درېيو څخه زياتې پيسې وغواړي.
پاى  \سعيده

Page 9 of 920