18 February 2018

RSS Facebook

سوداگریز


تازه خبرونه

په سيمه ييزو ارګانونو کې نوې ټاکنه

په سيمه ييزو ارګانونو کې نوې ټاکنه

کابل \ باختر دسلواغې ٢٨ نيټه : د سيمه ييزو ارګانونو...

جمهور رئیس غني : ارګ د زغم او ملي بحثونو ځای دی

کابل \ باختر دسلواغې ٢٨ نيټه : د افغانستان د اسلامي...

Youtube Player

khantry design

سوداگریز

سوداگریز

اقتصادی

کابل باختر دسلواغې  نهمه :
دمالیې وزیر اکلیل حکیمي، پرون په افغانستان کې د نړیوال بانک له رئیس ښاغلي شبهم چوهدري، سره د مالي کړنو د ښه والي پروژې د ملاتړ په موخه د ۱۰۰ میلیونه امریکایي ډالرو وړیا مرستې هوکړه لیک د افغانستان داسلامي جمهوريت جمهوررييس جلالتمآب محمد اشرف غني او د اقتصاد دعالي شورا د غړو په شتون دجمهوري رياست ماڼۍ کې لاسلیک کړ.
دماليې وزارت مطبوعاتي دفترباخترآژانس ته خبرورکړ.
د دې پروژې موخه، د افغان حکومت اړوندو مالي چارو ادارو د مدیریت، په ځانګړي توګه د مالیې وزارت، ملي تدارکاتو کمېسیون او د پلټنې عالي ادارې ظرفیت لوړول دي.
له دغې مرستې څخه ۲۵ میلیونه امریکايي ډالره د بېوزلو هیوادونو لپاره د نړیوال بانک ګروپ اړوند، د نړیوالې پرمختیايي ادارې له خوا او ۷۵ میلیونه امریکايي ډالره یې د افغانستان د بیا رغونې صندوق له خوا ورکول کېږي.
نړیوال بانک د ۳۴ مرسته کوونکي هیوادونو او نړیوالو ملاتړ کوونکو په استازیتوب د دغه صندوق د چارو مدیریت په غاړه لري او د دغې پروژې په پلي کېدو سره به په افغانستان کې د پراختیایي بودجې د لګښت چارې پراختیا ومومي، د عوایدو راټولولو چارې به پیاوړې شي او په عامه لګښتونو کې د ښه والي له لاري به خلکو ته خدمتونه په لا ښه توګه وړاندې شي.
مالیې وزیر اکلیل حکیمي د دې هوکړه لیک د لاسلیک کولو په اړه وویل:” افغانستان د یوه فعاله عامه مالي مدیریت د سیستم په جوړولو کې د پام وړ پرمختګ کړی دی، چې له کبله یې د عوایدود را ټولولو کچه په ۲۰۰۲ کال کې له ۱۳۰ میلیونو امریکايي ډالرو څخه په ۲۰۱۶ کال کې ۲.۱ میلیاردو ډالرو ته لوړه شوې ده. نده زیاته کړه، د عامه مالي مدیریت سیستم، مالي چارو، عامه لګښتونو او همدارنګه د ملي تدارکاتو د قوانینو په چوکاټ کې په مالي چارو کې د اصلاحاتو له لارې د روڼتیا، ځواب وینې، بودجوي اعتبار، پرمختللي مالیاتي او ګمرګي مدیریت او د نغدو پیسو په غوره مدیریت کې ښه والی راغلی دی."
په ټولیزه توګه په افغانستان کې مالی نظام ته ځانګړې پاملرنه کیږي، خو اوس هم د مالي چارو مدیریت دومره وده نه ده کړې، چې وشي کړی د سرچینو ستراتیژيک ویش او تشخیص وکړي او له مخې یې په هیواد کې په اغېزمنه توګه د خدمتونو وړاندې کول ډاډمن کړي. لا اوس هم په ډېرو برخو لکه، د بودجې لګښت، د عوایدو د را ټولولو، د حساب ورکولو، له فساد سره د مبارزې او د خصوصي سکټور د پانګونې درا جلبولو په برخو کې سترې ستونزې او ننګونې شتون لري.
په افغانستان کې د نړیوال بانک رئیس ښاغلي شبهام چوهدري وویل:" د نن ورځې تړون یو ځل بیا د افغانستان دولت له پرمختیايي او اصلاحي اجنډا سره د نړیوال بانک ژمنه او اوږد مهاله ملاتړ ښیې". ده زیاته کړه:" موږ د مالي چارو مدیریت، اداري اصلاحاتو او عوایدود راټولولو په برخو کې د حکومت پرمختګ او ښه والي راوستلو ژمنتیا ستایو."
د یادونې وړ ده، چې د مالي چارو د سمون پروژه د افغانستان دولت د مالي چارو د اصلاحاتو پلان د پلي کېدو لپاره چې په مالي چارو کې د سمون راوستلو یو هر اړخیز پلان بلل کیږي، لازم ملاتړ برابروي. په دغه پلان کې تر دې دمه د مالیې وزارت، د ملي تدارکاتو او د پلټنې عالي ادارې شاملې دي.
دغه پروژه دغه څلور برخې لري:
۱- بودجه د پرمختګ او پراختیا د یوې وسیلې په توګه، چې موخه یې د بودجې اغېزمنتیا کې ښه والی، د بودجې رښتینې او دقیق اټکل او لګښتونه، د بودجې په تړاو له ملي پالیسۍ سره او د منځمهاله بودیجې په وړاندوینه کې د اعتبار لوړول بلل کیږي.
۲- د عوایدو زیاتوالی، چې موخه یې د دولتي ادارو د ظرفیت او  وړتیاوو لوړول دي، ترڅو په مالیاتي محاسبو کې ښه والی او په خپل وخت د مالیاتو په ثبت او ورکړه کې اسانتیا رامنځته شي. همدا شان له کانونو څخه د مالي سرچینو په راټولولو کې د دولت د وړتیا لوړول په ګوته شوی.
۳-  د خزاینو مدیریت، مسوولیت منل او روڼتیا، چې موخه یې د مالي چارو ښه کولو لپاره د خزاینو په مدیریت کې ښه والی دی.
۴- اداري ظرفیت جوړونه او اجرائیوي مدیریت: د دې برخې موخه د مالیې وزارت د مامورینو ظرفیت لوړول، د دې وزارت د اغېزمنو کړنو د پیاوړي کولو لپاره د اړینو سیستمونو جوړول، د ټولیز اجرایوي مدیریت پیاوړي کول او د مالي کړنو د پلان د همغږۍ ښه والی  بلل کېږي.پاى- ع

کابل باختر دسلواغې  نهمه
دافغانستان د اسلامي جمهوریت د جمهوررئیس محمد اشرف غني په مشرۍ ملي تدارکاتو کمېسیون غونډې تير ماښام په ارګ کې دکجکي برېښنا دویم بند جوړولو او په قندهار کې د ۳۰ میګاواټه لمریزې برېښنا تولیدي پروژې د عامه او خصوصي مشارکت پانګونې پر دوه قراردونو بحث وکړ او یاد قرارداونه یې تصویب کړل.
دجمهوررييس دوياند دفترباخترآژانس ته خبرورکړ
د هلمند د کجکي برېښنا بند د دویم فاز جوړولو قرارداد ۱۷۴،۹ میلیونه ډالره ارزښت لري چې د جوړولو موده یې شل کاله اټکل شوې چې د ۱۵۱ میګاواټه برېښناتولید ظرفیت به ولري.
دغه راز په کندهار کې د لمریزې برېښناپروژې قرارداد د ۳۹ میلیونو ډالره په ارزښت اټکل شوی چې د ۲۰ کلونو لپاره په پام کې نیول شوې او د ۳۰ میګاواټه لمریزې برېښناد تولید ظرفیت به ولري.
په شرایطو برابرې کمپنۍ به یادې پروژې تطبیق کړي چې د افغانستان برېښنا شرکت یې ذیدخل بنسټ وو او د دې پروژو قراردادونه د (جوړولو، ملکیت، ګټه اخیستنه او انتقال) له ډلې څخه دي.
اقتصادعالي شورا دمخه د دې پروژو پر طرحو بحث  کړی او تصویب کړې یې دي چې د عامه او خصوصي مشارکت عمومي ریاست د نهایي منظورۍ لپاره ملي تدارکاتو کمېسیون ته وړاندې کړې.
د هېواد جمهوررئیس یادې پروژې د برېښناانرژۍ د کورنيو تولیداتو د بستردبرابرولو او د خصوصي پانګونې له لارې د انرژۍ سکتور د پرځان بسیاینې په لور مهم ګام وباله.
هغه زیاته کړه، پر اوبو او انرژۍ سکتور زیاتې پانګونې  له ګاونډیو هېوادونو سره سیالي کولی شو چې دا د انرژۍ د بیو د ټیټوالي او ځان بسیاینې ته د رسېدو لپاره زمینه برابروي او افغانستان به د انرژۍ د انتقال په مرکز بدل شي.
د هېواد جمهوررئیس همداراز څرګنده کړه، د بند جوړولو او ۱۰۰ میګاواټه برېښنا تولید ترڅنګ، له یو میلیارد متر مکعب څخه زیاتې اوبه هم تولیدېږي چې تر یوه بریده د اوبو اړتیا پوره کوي.
د افغانستان برېښنا شرکت مسوولینو په دې اړه وویل، یاد شرکت به له موجوده تجهیزاتو استفاده وکړي او ترڅنګ به یې، انجنیران او ماهر کدرونه مسلکي او اړینې روزنې ترلاسه کړي. 
غونډې په قندهار ولایت کې د ۳۰ میګاواټه لمریزې برېښنا د تولید پروژې د بحث پر مهال څرګنده کړه، د دې پروژې  اجرا کوونکي شرکتونه د کندهار هوایي ډګر احاطوي ځمکو څخه استفاده کولی شي.
په غونډه کې پر ځینو تدارکاتي پروژو هم بحث وشو چې په پایله کې یې له ګردیز څخه د پکتیا ولایت تر زرملې ولسوالۍ پورې د سرک پخولو بیارغاونې قرارداد او د مالیې وزارت اړوند له ملحقاتو سره د ۲۰ پایو ارکنډېشنونو د نصب قرارداد منظور شو.
کمېسیون، د فواید عامې وزارت اړوند د ننګرهار ولایت له دوربابا څخه تر غني خېلو پورې د سرک جوړولو او بیا رغونې پروژه او ۲۴ زیانمنو ولایتونو ته د ۲۴ زره سیمي جالیو د اخیستو او انتقال قرارداد رد کړ او د کانونو او پطرولیم وزارت اړوند د ۲۰۱۰۰۰ تحکیماتي ګردم لرګیو د تمدید مودې قرارداد اعاده کړ.
دملي تدارکاتو کمېسیون غونډې د بامیان او دوشي د ۲۲۰ کیلو ولټه سب سټیشنونو د نصب، ډیزاین او مونتاژ دوه متفرقه پروژو پر جوړېدو  او دغه راز له بامیان څخه تر دوشي پورې د ۲۲۰ کیلو ولټه برېښنا لین د ډیزاین، تهیه، نصب او مونتاژ د تجهیزاتو تدارک پر پروژې بحث وکړ او هغه یې تصویب کړه.
جمهوررئیس غني وویل، د دغو پروژو د بیو په اړه دې له ګټونکي شرکت سره بحث وشي، که  یاده پروژه په ټاکلي وخت  یانې ۷۰۰ ورځو کې بشپړه نه شي اړوند شرکت باید د قانون پر بنسټ جریمه ورکړي.
د غونډې په دوام د مالي او بانکوالۍ په چارو کې د جمهوررئیس ستر سلاکار اجمل احمدي ته دنده وسپارل شوه چې له مالیې وزارت او د افغانستان برېښنا شرکت سره په همغږۍ دې له یاد شرکت سره بحث وکړي.
په دې غونډه کې د جمهوررئیس دویم مرستیال استاد محمد سرور دانش، د مالیې، اقتصاد او عدلیې وزیرانو، په زیربنایي او بانکدارۍ او مالي چارو کې د جمهوررئیس سلاکارانو، د ملي تدارکاتو کمېسیون مسوولینو، له اداري فساد سره د مبارزي پارلماني کاکس، د ملي شورا د اقتصاد کمېسیون، د ولسي جرګې د مالي او بودجې کمېسیون، د شفافیت څار بنسټ، دافغانستان لپاره د امریکا متحدو ایالتو ځانګړی پلټنونکې ( سیګار) او د غوڅ ملاتړ سیستیکا ملي او بین المللي څارونکو حضور درلود. #پاى- ع

کابل باختر دسلواغې  نهمه :
دکرنې او اوبو لګولو وزارت وياند پرون په يوه خبري  غونډه کې وويل چې په روان کال کې دزعفرانو حاصلات په بې ساري ډول  له شپږو ټنو څخه لسو ټنو ته لوړشوي دي .
دباختراژانس دخبريال دخبرله مخې ، دکرنې او اوبو لګولو وزارت وياند اکبر رستمي په دې غونډه کې وويل چې دغه وزارت دزعفرانو ددايمي توليددانکشاف دپنځه کلنې ملي طرحې له مخې  په روان کال کې  دزعفرانو دکرکيلې  حاصلات اته ټنه اټکل کړي  و خو له نيکه مرغه  ددغه بوټي دحاصلاتو کچه  له ټاکلي اندازې  څخه دوه ټنه  لوړه شوې  ده او له دې پلوه  دهېواد دزعفرانو  کروندګرو او بزګرانو  اتلس مليونه  ډالره ترلاسه کړل .
  ده  دغه راز زياته کړه چې  په تيرکال کې دزعفرانو دبوټي  دکرکيلې دځمکو ساحه  څه دپاسه ديارلس جريبه وه خو په روان کال کې څه دپاسه پنځه ويشتو زرو نهه سوه  جريبو ته  پراخه شوې ده .
ده دکرنيزو چارو سالم مديريت ،  دبزګرانو روزنه ، دزعفرانو دتوليد د مرکزونو جوړول او سمبالښت ، دکيفيت  د کنترول له معياري ازمايښتونو څخه ګته اخستنه ، دڅيړنيزو پروژوپلې کول ، دهېواد په کورنيو  او بهرنيو نندارتونونوکې دزعفرانو دتوليد، دخصوصي شرکتونو شتون ، دخصوصي برخې دپاملرنې جلبول او ددغه وزارت ځينې نور فعاليتونه ددغه بوټې  دکرکيلې او دحاصلاتو  د زياتوالي  علتونه وبلل .
درستمي دڅرګندونو له مخې،   دکرنې او اوبو لګولو وزارت دروان کال  په بهير کې  دوه زره پنځه سوه تنو بزګرانو ته هم په دايمي  ډول عايداتي کاري زمينې برابرې کړي دي .
  ختم_   ف _ اکرم

کابل باختر دسلواغې  نهمه :

د اقتصاد عالي شورا د افغانستان د اسلامي جمهوریت د جمهور رئیس محمد اشرف غني په مشرۍ پرون په ارګ کې، د نړیوالې سوداګرۍ د اسانتیاو موافقه ليک د ارزونې ناستې د راپور، د نوري فایبر انټرنټ او سټلایټ د فیس د کموالي طرحې او د پیسو بین المللي صندوق راپور په اړه بحث وکړ.
دجمهوررييس دوياند دفترباخترآژانس ته خبرورکړ
د دې غونډې په یوه برخه کې د افغانستان دولت او نړیوال بانک تر منځ د مالیې وزیر اکلیل حکیمي او د نړیوال بانک رئیس شوبهم چوهدري د مالي کړنو د ښه والي پروژې د تمویل په موخه د مالي مرستې موافقه  ليک لاسلیک کړه. د ۱۰۰ میلیونو ډالرو په ارزښت د دغې بلا عوضه مرستې موخه د افغانستان حکومت اړوندو ادارو د مالي چارو د مدیریت وده او ظرفیت جوړول دي.
یاده پروژه کې د پراختیا او انکشاف لپاره د وسایلو په توګه بودجه، د عوایدو زیاتوالی، د خزاینو مدیریت، ځواب ویل او شفافیت او د اداري ظرفیت او اجرائیوي مدیریت ایجاد څلور برخې شاملې دي. 
د سوداګرۍ اوصنايعو وزیر محمد همایون رسا، د نړیوال سوداګریز سازمان د سوداګریزو اسانتیاو د موافقه ليک د ارزونې ناستې راپور وړاندې کړ وې ویل: د دې راپور موخه د نقل او انتقالاتو چټکول، د سوداګریزو مالونو په ګډون له ګمرکونو څخه د مالونو ترخیص او د ګمرکونو تر منځ د همکارۍ زیاتوالي ښه والی او اړوندې ادارې او د ظرفیت لوړول دي.
غونډې له هر اړخیزو بحثونو وروسته یاد راپور تصویب او ټینګار یې وکړ چې حکومتي بنسټونه باید ټرانزیټ او سوداګرۍ وزارت سره د دوه اړخیزه موافقتنامې د اجرا په اړه همغږي او همکاري ولري.
د مخابراتو او معلوماتي ټکنالوژۍ وزیر شهزاد اریوبي د انټرنټ د فیس د کموالي، فایبر دراک او سټلایټ په اړه معلومات ورکړل، له DSL   او   3G انټرنټ څخه د ګټه اخیستنې د زیاتوالي په برخه کې وړاندیزونه او له نوري فایبر څخه د استفادي په اړه د پیشنهادي بیو تصویب او د افغان سیټ ټرانسپونډر بیو په اړه یې وړاندیزونه وکړل.
اجرائیه رئیس ډاکټر عبدالله عبدالله، د زیربنا په چارو کې د جمهور رئیس ستر سلاکار محمد همایون قیومي، د مرکزي احصایې رئیس جاوید رسولي او د سوداګرۍ او صنایعو خونو مرستیال خانجان الکوزي د انټرنټ د بیې د کموالي او د کمپنیو د قرارداد او د دې بهیر د څارنې په اړه خبرې وکړې.
د هېواد جمهور رئیس د انټرنټ د بیې د کموالي، نوري فایبر او سټلایټ په اړه د مخابراتو وزارت د طرحو هرکلی وکړ او د مخابراتو وزیر او د هغه همکارانو څخه چې په دې برخه کې یې هلې ځلې کړي، مننه وکړه.
جمهور رئیس د مخابراتووزیر، د زیربنا ، بانکدارۍ او مالي چارو کې د جمهوري ریاست عالي مقام سلاکارانو، د برېښنا او اترا ادارو مسوولینو ته لارښوونه وکړه چې له دخیلو کمپنیو سره د کنټرول، ظرفیت او د قراردادونو په اړه خبرې وکړي او په دې برخه کې مشخص وړاندیزونه ترتیب او وړاندې کړي.
ورپسې د مالیې وزارت معین خالد پاینده د پیسو بین المللي صندوق سره د تخنیکي ناستې د راپور په اړه معلومات ورکړل وې ویل د پیسو بین المللي صندوق غړو سره د اقتصادي ودې، د ۲۰۱۸ کال د وړاندوینې، انفلاسیون، د عوایدو د زیاتوالي، د مالي کال په پای کې د خزاینو د زیاتوالي، مالي مدیریت او اصلاحاتو په اړه خبرې وشوې او هغوی هم د افغانستان حکومت د مالي مدیریت او اصلاحي طرحو هرکلی وکړ.
د هېواد جمهور رئیس مالیې وزارت څخه دروان کال د بودجې سټنډرډ برابرولو مننه وکړه وې ویل، بودجه د حکومت لپاره د عطف نقطه ده او ټول موارد باید شفاف او د بین المللي معیارونو مطابق وي. هغه وویل: هغه همکاران دې وستايل شي چې مالي او د بودجې برخه کې یې کوښښونه کړي. 
د غونډې په پای کې د اقتصاد عالي شورا د پرېکړې په اساس پر لوی معیاري فابریکه د پانګونې په موخه د خان سټیل اوسپنې ویلې کولو فابریکې د ستاينې حکم ولوستل شو. په حکم کې راغلي چې یادې فابریکې معیاري تولیداتو ته په پام په بین المللي کچه او په دې برخه کې د مدرنو امکاناتو په لرلو د بیارغاونې په چارو کې فعاله ونډه لرلې ده.
په حکم کې ویل شوي چې خان سټیل د اوسپنې ویلې کولو فابریکه کې ۵۰۰ تنه په بېلابېلو برخو کې په مستقیم او یو شمېر په غیر مستقیمه توګه په کار بوخت دي، په دې موخه د دې فابریکې د خدماتو د قدردانۍ په موخه افتخاري ستاينليک منظور دى.
پاى- ع
 

Page 10 of 710