25 September 2020

RSS Facebook

سوداگریز


تازه خبرونه

په پکتیکا کې ۱۱ طالبانو ته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلو ولسوالۍ...

 جمهوررئیس محمد اشرف غني او د پاکستان لومړي وزير ټليفوني خبرې وکړې

جمهوررئیس محمد اشرف غني او د پاکستان لومړي وزير ټليفوني خبرې وکړې

کابل/ د تلې ۴مه/ باختر د افغانستان د اسلامي جمهوريت...

Youtube Player

khantry design

سوداگریز

سوداگریز

اقتصادی

کابل / دوږي ١٣مه / باختر:

د سمنګانو والي په يو مطبوعاتي غونډه کې په دغه ولايت کې د څو بنسټيزو پروژو دتطبيق خبرورکړ . د سمنګانو والي محمدداود کلکاني وويل په هغې کتنه کې چې څو ورځې مخکې يې د هېواد له جمهور رييس محمد اشرف غني سره درلود ، خلکو ته يې په دغه ولايت کې د څو بنسټيزو پروژو د منظورى ډاډورکړ. هغه زياته کړه په دغو پروژو کې دبردره صوف ولسوالۍ د ډبرو سکرو د کان د ساتنې په مقصد د٤٠٠ کسيزې قطعې جوړول او د يوسلو شلوکيلومترو په اوږدوالي د ايبکو- دره صوف د سړک قيرکول شامل دي. کلکاني زياته کړه چې جمهوري رياست ته يې وړانديز کړى دى چې د ډبروسکرو بازار له مزارشريف ښار څخه او د ډبرو سکرو د تصدي دفتر د پلخمري له ښار څخه دايبکوښار ته ولېږدول شي. هغه وويل له جمهور رييس سره په خپله کتنه کې د خرم سارباغ ولسوالۍ د اوبو د بند د پروژې جوړول چې د لسګونو زره هکتاره زراعتي ځمکې په خړوبولو برسيره شپيته ميګاواټه برېښنا هم توليدوي چې دايې هم طرحه کړى دى . خبرځاى زياته کړه چې په دې کتنه کې جمهور رييس د تخت رستم د ستوپې د جوړولو چې د نړۍ په کچه د کميابو تاريخي ابدو څخه دى او د ايبکو ښار د اووه ديرشو مترو سړکونو د قيرکولو ډاډورکړى دى . د سمنګانو والي زياته کړه چې د دغو پروژو د تطبيق د څرنګوالي په مقصد يې له اړوندو وزيرانو سره هم کتلي دي . او هغوى ژمنه کړې ده چې دغه پروژې ډير ژر په دغه ولايت کې تطبيقېږي. ختم_ ج _اکرم

 کابل/ د وږى ١٣ مه / باختر
مرکزي بانک ٢٩ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د وږى په ١٥ مه د شنبې په ورځ، ٢٩ ميليونه ډالره د ليلام په ډول پلوري.
په شرايطو برابر صرافانو او تجارتي بانکونو ته بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
پاى\سعیده

-کابل/ دوږى ١٣مه/باختر
په نړيوالو بازارونوکې نن يو انس سره زرپه ١٩٤٢ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييد سره باختر آژانس ته وويل چې نن د کابل په بازارونوکې يوګرام الجزايري سره زر٤٧٥٠ يو ګرام مصري سره زر په٤٧٠٠ افغانيو، کويټي په٣٦٠٠ افغانيو، سنګاپوري په٣٦٠٠ افغانيو،  بحريني په٣٥٠٠ افغانيو، عربي په٣٥٠٠ افغانيو، ايراني په٣٢٥٠ افغانيو او يو ګرام روسي په ٢٧٥٠افغانيو پلورل کېږي.     
پاى / سعيده

کابل / د وږي ۱۲ مه / باختر
د سرپل د کرنې، ابولګولو او مالدارۍ ریاست مسوولین وايي په روان کال کې د غله دانو او سبو حاصلات ۴۰ سلنه زیات شوي دي، خو د میوو په حاصلاتو کې په تېره بیا د انګورو حاصلات ۵۰ سلنه کمښت راغلی دی.
د سرپل د کرنې، ابولګولو او مالدارۍ رییس محمد سلیم رنجبر باختر آژانس ته وویل چې پر ۱۰ زرو بزګرانو د کمیاوي سرې او اصلاح شويو تخمونو وېش، د کرکیلې او حاصلاتو د راټولولو د لارو چارو په اړوند د دغې ادارې فني او مسلکي لارښوونې او په مناسب وخت موسمي اورښتونه په روان کال کې د کرنیزو حاصلاتو د زیاتوالي سبب شوي دي.
هغه زیاته کړه چې سږکال په غويي او غبرګولي میاشتو کې د ږلۍ پرله پسې اورښتونه میوې زيانمنې کړې دي او بڼوال نشي کولای ښه حاصلات ترلاسه کړي.
ویل کېږي د هنګ او شرین بویه بوټو په حاصلاتو کې هم سږکال زیاتوالی راغلی دی.
ختم/ع

 

Page 10 of 1080