18 June 2019

RSS Facebook

سوداگریز


تازه خبرونه

د هېواد د شل کلنو د فوټسال ملي ټيم له ټايلند سره سیالي کوي

د هېواد د شل کلنو د فوټسال ملي ټيم له ټايلند سره سیالي کوي

کابل/ باختر/ د غبرګولي ۲۸ مه د هېواد د شل کلنو...

په قندهار او هلمند کې ٥٣ روغتيايي مرکزونه جوړيږي

په قندهار او هلمند کې ٥٣ روغتيايي مرکزونه جوړيږي

کابل/ باختر/ د غبرګولي ۲۸ مه د عامې روغتيا وزارت، د...

Youtube Player

khantry design

سوداگریز

سوداگریز

اقتصادی

کابل/ باختر/ د غويي دمياشتې ۳۱مه
د مالیې وزارت سرپرست او د زېربناﺀ په چارو کې د ولسمشرۍ د عالي مقام ستر سلاکار پروفیسور محمد همایون قیومي او د افغانستان لپاره د نړیوال بانک د رئیس شبهام چوهدري، په ګډه مشرۍ او د جنوبي آسیا لپاره د نړیوال بانک د مرستیال هارتویګ شفر په شتون کې د افغانستان د بیارغونې وجهي صندوق د مشرتابه کمېټې غونډه پرون په ولسمشرۍ ماڼۍ کې وشوه.
د مالیې وزارت د وياند دفتر باختر آژانس ته خبر ورکړ:
په دې غونډه کې له افغانستان سره د ۱۹ مرسته کوونکو هېوادونو سفیرانو او استازو ګډون کړی و او د افغانستان د بیا رغونې وجهي صندوق په رول چې د څو مرسته کوونکو له خوا او د نړیوال بانک له خوا اداره کېږي بحث وشو او د (۱۳۹۷-۱۳۹۹) کلونو لپاره یې د خپلو درې کلنو همکاریو او ستراتیژیو چوکاټ د پرمختګ ارزونه وکړه.
د افغانستان د بیارغونې صندوق د افغانستان د ملي بودیجې د ملاتړ ستره سرچینه او د افغانستان د ملي پراختیا د ستراتیژۍ پلي کوونکې ده. د دغه صندوق له لارې د افغانستان حکومت له نړیوالو شریکانو سره د بېوزلۍ کمولو، د اړینو خدمتونو د وړاندې کولو، د غیرنظامي بودیجې د عملیاتو د لګښتونو د ساتلو او د کلیدي اصلاحاتو په موخه کار کوي.
د مالیې وزارت سرپرست پروفیسور محمد همایون قیومي، په پرانیسته وینا کې د افغانستان د بیارغونې صندوق د رول او ارزښت د بیانولو ترڅنګ وویل: " د افغانستان د بیارغونې وجهي صندوق د تاسیس له مودې تر دې دمه د افغانستان د ملاتړ یو کلیدی وسیله ده. حکومت دغه صندوق د یوه انعطاف پذیر میکانیزم او د افغانستان له لومړیتوبونو سره سم د پراختیایي اړتیاوو او تمویلوونکو د مرستو همغږي کولو تامین لپاره د وړ چوکاټ په توګه پېژني."
هغه زیاته کړه: " د حکومت کلیدي موخه د عوایدو لوړېدو لپاره د پایداره کرنیز پروګرام پراختیا (ASAP)، د ځان بسیاینې بهیر ګړندی کول او په مرستو د تکیې را کمول دي.  وړیا مرستې به د ۲۰۲۰ میلادي کال او تر هغه ور ا خوا ۲۰۲۴ میلادي کال پورې دوام وکړي. د افغانستان د بیارغونې وجهي صندوق د تمویلوونکو له دوامداره مرستو څخه ډېره مننه کوم."
د جنوبي اسیا لپاره د نړیوال بانک مرستیال هارتویګ شفر په خپلو خبرو کې وویل:" د افغانستان د بیا رغونې وجهي صندوق د افغانستان دولت د ملي بودیجې د تمویل ستره او پایداره سرچینه ده چې د ۳۴ مرسته کوونکو بنسټونو او هېوادونو په استازیتوب د نړیوال بانک له لوري اداره کېږي."
هغه زیاته کړه: "د افغانستان د بیا رغونې صندوق د نړیوال بانک او د هغو هېوادنو لپاره چې جګړه او نا امنه دي، د معلوماتو د تامینولو د باور وړ یوه سرچینه ده." نوموړي د ناستې ګډونوالو ته په خطاب کې وویل : "د نړیوال بانک ګروپ د افغانستان خلکو د ثبات او ښې راتلوونکې لپاره د نورو پراختیایې همکارانو او ادارو سره په همغږۍ د افغانستان د دولت سره خپلو مالي همکاریو ته دوام ورکوي."
د افغانستان لپاره د نړیوال بانک رئیس شبهام چوهدري د حکومت د لومړیتوبونو د پرمختګ او له ۲۰۲۰ میلادي کال وروسته ځان بسیاینې ته د رسیدو لپاره د افغانستان او نړیوالې ټولنې ترمنځ د دوه اړخیزه همکاریو او همغږۍ په اړه معلومات ورکړل.
په دې ناسته کې د صندوق د رهبرۍ کمیټې غړو د همکاریو او مالي پروګرامونو له چوکاټ سره سم یو کلن فعالیتونه تایید کړل او د افغانستان د بیا رغونې وجهي صندوق د تمویل په موخه یې د خپلو همکاریو او قوي مشارکت د دوام ژمنه وکړه.#
پای – ذ

کابل/ باختر/ د غويي د مياشتې ٣٠مه
نن د غويي د مياشتې٣٠ نيټه د کابل ښار په بازارونوکې د اړتيا وړلومړنيو توکو بيې په دې ډول دي:
يوه ٢٥کيلويي بورۍ اعلى وريجې  ٢٢٥٠ افغانۍ
يومن شوله يي وريجې    ٢٨٠ افغانۍ
يو من بوره       ٢٨٠ افغانۍ
يو من وطنى مى      ٥٨٠ افغانۍ
  يو شپاړلس  ليتره پيپ غوړي    ١٠٤٠ افغانۍ
يوه پنځوس کيلويي بورۍ اوړه    ١٤٣٠ افغانۍ
يو من وطنى لوبيا     ٦٣٠ افغانۍ
يو من وطنى نخود      ٥٦٠ افغانۍ
دغه راز، يو کيلوګاز ٦٠ افغانۍ، يو ليتر پترول ٥٠ افغانۍ او يو ليتر ديزل په٤٩ افغانۍ پلورل کېږي.   
پاى-سعيده


 

کابل\باختر\ د غويي ٣٠مه
په نړيوالو بازارونوکې نن يو انس سره زرپه ١٢٧٦ډالرو وړاندې کېږي.
د پښتنې بانک د سرو زرو د مارکيټ يوه پلورونکي قاهرخان نن ددغه خبرپه تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر٣١٥٠ يو ګرام مصري سره زر په٣٠٠٠ افغانيو، کويټي په٢٤٠٠ افغانيو،سنګاپوري په٢٤٠٠ افغانيو،  بحريني په٢٣٥٠ افغانيو، عربي په٢٣٠٠ افغانيو، ايراني په٢١٠٠ افغانيو او يو ګرام روسي په ١٩٠٠افغانيو پلورل کېږي.     
پاى / سعيده

کابل/ باختر/ د غويي دمياشتې ٣٠مه
د افغانستان د اسلامي جمهوریت د جمهوررئیس محمداشرف غني په مشرۍ د ملي تدارکاتو کمېسیون غونډه پرون له غرمې مخکې په ارګ کې جوړه شوه.
دجمهوررييس دوياند دفترباخترآژانس ته خبرورکړ.
په دې غونډه کې ۱۹ تدارکاتي موارد ورازول شول چې په پایله کې یې دملي تدارکاتو کمېسیون د ۳،۵۹ میلیاردو افغانیو په ارزښت ۱۸ موارد منظور کړل .
سربېره پر دې د بلخ (مزار شریف) د حلقوي سړک د پروژې په اړه د ترانسپورټ وزارت ټاکل شوي هيئت راپور تر اورېدلو وروسته کمېسیون تائید او ترانسپورټ وزارت ته یې دنده وسپارله چې ډيرژر د دې پروژې کار پېل کړي. 
په همدې حال کې د کرومایت د فعاله شپږو تړونونو د وضعیت په اړه د کانونو او پټرولیم وزارت ټاکل شوي هيئت خپل راپورد ملي تدارکاتو کمېسیون ته وړاندې کړ چې له هر اړخیز بحث وروسته دغه وزارت ته صلاحیت ورکړ شو، ترڅو قراردادیانو سره هر اړخیزې خبرې وکړي او د هغې په رڼا کې تصمیمونه ونیسي.
دغه راز د عامه ساتنې لوی ریاست په ۱۳ پروژو کې د کار له امله د پیسو د نه ورکړې په اړه  د کورنیو چارو وزارت د قراردادي  او د۱۲ شرکتونو وړاندیز غونډې ته وړاندې شو، کمېسیون تصمیم ونیو چې دا شرکتونه دې هم د قراردادیانو په هغه لست کې شامل شي چې تر ارزونې لاندې دي.
دغونډې په بله برخه کې دملي تدارکاتو کمېسیون څخه د ۲۱۵ میوند قول اردو قوماندانۍ د اړتیا وړ ۱۸ قلمه حبوباتو او د تهیې او تدارک قرارداد د اوومې برخې د فسخې دمنظورۍ په اړه د ملي دفاع وزارت وړاندیز هم منظور شو.
له بله پلوه د کمېسیون غړو په دې ناسته کې د اجنډا مطابق د پخوانیو فیصلو د لارښوونو د تحقق پر راپور بحث وکړ چې منظور شوې.
د ملي تدارکاتو کمېسیون په دې ناسته کې د ملي تدارکاتو ادارې پر غړو سربېره د دې ادارې مسوولینو، د افغانستان د روڼتیا څار ادارې، سيګار او غوڅ ملاتړ ادارې سیستیکا ملي او بین المللي څارونکو هم حضور درلود.#پاى- ع

 

Page 10 of 919