21 October 2019

RSS Facebook

سوداگریز


تازه خبرونه

په کونړ کې داوبو لګولو يوکانال پرانستل شو .

کابل / دتلې ٢٩مه / باختر : دکونړ دکرنې مسوولانو ...

جمهورريیس غني د امریکا متحدو الایاتو د کانګرس پلاوي سره وکتل

جمهورريیس غني د امریکا متحدو الایاتو د کانګرس پلاوي سره وکتل

کابل/دتلې۲٩مه/باختر د افغانستان د اسلامي جمهوریت جمهور ريیس محمد اشرف غني...

جمهورريیس محمد اشرف غني د امریکا له دفاع وزیر سره وکتل

جمهورريیس محمد اشرف غني د امریکا له دفاع وزیر سره وکتل

کابل/دتلې۲٩مه/باختر د افغانستان د اسلامي جمهوریت جمهور ريیس محمد اشرف غني...

Youtube Player

khantry design

سوداگریز

سوداگریز

اقتصادی

هرات\ باختردثور دمياشتي  ٦ :

دهرات دهوايي ډگر دبيارغاونې دکار په بشپړيدو سره سيمه ييزو مسئولين په دغه ولايت کې داقتصادي ودي اودسوداګرۍ دحالت دښه والۍ په نسبت خوشبيني څرگندوي.

په هرات کې داقتصادي اوسوداګرۍ مسوولين وايي چې ددغه ولايت دهوايي ډگر دبيارغول اونړيوال کيدل به په دغه ولايت کې دسوداګرۍ پرحالت  اغيزمن وي.

دوي اټکل کوي چې دنړيوالو الوتنو په پيل کيدوسره  به په هرات  ولايت کې په صنعتي اوتوليدي برخو کې دنړۍ دبيلابيلو هيوادونو دسوداګرو پانګه اچونه څو برابره زياته کړي.

دهرات هوايي ډګريوه مياشت مخکې دايتاليا په مرسته ورغول شو او په نړيوالو معيارونو جوړشو.

 دهرات والي داودشاه صبا وايي چې ايتاليا ددغه هوايي ډگر  دبيارغاونې اوسمبالولو په مقصد څه ناڅه يوسلو درې اتيامليونه افغاني لګولي دي.

دهرات والي باختراژانس ته وويل چې ددغه ولايت دهوايي ډگر په بيا رغولو سره خلکوته دالوتنوظرفيت اودمعياري خدمتونو وړاندې کول زيات اوښه کيږي.

دصبا دڅرگندونوله مخې دهرات هوايي ډ:گر اوس په يو وخت کې دلسوالوتنو دناستي اوالوتني ظرفيت لري .

دسمبالولو تاسيساتو جوړښت له دې جملي څخه دترمينل ، دوسايطو ددريدوځاى  دخوندي او امنيتي  پرمختللي سيستم جوړښت دهغو کارونو له جملي څخه دي چې ددغه هوايي ډگر دمعياري کولو اودبيارغاونې په برخو کې شوي دي .

درارسيدلو خبرونوله مخې په هرات کې ديوستندرد اونړيوال هوايي ډگر نشتوالي له بهرنيو هيوادونوسره دسوداګرۍ  اودمالونو دراکړي ورکړي په حالت  دومره مرسته نه ده کړي خو دهرات والي داوودشاه صبا ددغه ډګر په بيارغونې سره خوشبين دي  چې په دغه ولايت کې دراکړي وکړي اوسوداګرۍ کارښه سمون ومومي .

ده وويل چې ددغه ډګر بيارغول به په دغه ولايت کې په اقتصادي حالت ديادونې وړ اغيزه وکړي.

ويل کيږي چې  دهرات دهوايي ډگر دبيارغولو کار بشپړشوى دى او ډير ژربه په ملي اونړيواله کچه  دخدمتونو وړاندې کولو ته چمتو شي.

کابل\باختر\دثور دمياشتې ٦ مه 

دکابل دشهزاده سراى دصرافانو درئيس  دمعلو ماتو له مخې : نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى

يوامريکايي ډالر پيرودل په95  ر49 افغانيو پلورل په،50 افغانيو

يوانګليسى پونډ پيرودل په 50 ر79 افغانيو پلورل په 60 ، 79افغانيو

يوه يورو پيرودل په90،  65افغانيو پلورل په ر66 افغانيو

دمتحده عربي اماراتو يودرهم پيرودل په50،13 افغانيو پلورل په 55، 13 افغانيو

يوسعودي ريا ل  پيرودل په 15، 13پلورل 20، 13 افغانيو

زرهندي کلدارى پيرودل په 1000   افغانيو پلورل په 1010 افغانيو

زرپاکستاني کلداري پيرودل په 546افغانيو پلورل په 547 افغانيو

اوزر ايراني تو مان پيرودل په 70، 27 افغانيو پلورل په 8 0 ر27 افغانيو

کابل باختر د ثور ٥

دکابل والي نن له اړوندو مسوولينو سره دغونډې په ترڅ  کې دکابل ولايت په کچه دکرنې دپرمختيا پروژو طرحه اعلام کړه .

 دکابل ولايت يوخبرځاى باختر اژانس ته خبرورکړ په دې غونډه کې چې نن دکابل ولايت په مقر کې جوړه شوه دکابل د والي او ددغه ولايت دڅوارلسګونو واحدونو دولسوالانو په ګډون سربيره  دکرنې او اوبو لګولو وزارت يو شمير مسوولينو هم ګډون کړي و .

  دکابل ولايت په کچه  دکرنې دپرمختيا په پروګرام کې  دنويو بڼونو ، دزعفرانو او غنمو دنمايشي  ټوټو جوړول  ، داصلاح شويو  تخمونو دويشلو سړوخونو دجوړولو په شان يو شمير نوري پروژې شاملي دي  چې لګښت يې يوولس   مليونه امريکايي ډالره  اټکل شوى دى چې ټولې چارې يې دکابل ولايت له خوا پرمخ بيول کيږي .

  دکابل والي احمد الله علي زي وويل، دکابل  ولايت دکرنې رياست  په ١٣٩٠ هجري لمريز کال  کې وکړاي شول  خپلې پرمختيايي پروژې په سلو کې اتيا تطبيق کړي .

 ده له دولتي ادارو څخه وغوښتل چې دکرنې وزارت په شان په کابل  ولايت کې خپلې پرمختيايي پروژې  ددغه ولايت له مسوولينو سره په همغږي کې عملي کړي چې مطلوبې  نتيجې ترلاسه شي .

کابل باختر د ثور ٥

  دمخابراتو اومعلوماتي تکنالوژي وزارت دانترنت په بيه کې نوي کمښت رامنځته کړي دي .

  دمخابراتو اومعلوماتي تکنالوژي وزير  انجنير امير زي سنګين  نن په يوه خبري کنفرانس کې په هيواد کې  دانترنتي خدمتونو دبيو دکمښت خبر ورکړ او څرګنده يې کړه دانترنت د خدمتونو دوړاندي کولو په برخه کې  پرمختګونه رامنځته شوي دي او اوس دهيواد په شپږو مهمو ښارونوکې دهيواد په سلوکې له څلورو څخه تراتو پورې وګړي تر پوښښ لاندې نسي  چې دنوري فايبر  له لارې په انترنت  برلاسي  لري .

 ده زياته کړه  دمخابراتو  وزارت هدف په هيواد کې دانترنتي  خدمتونو وده او پراختيا ده چي په راتلونکو دريو کلونوکې  دجي اس ام  او واي مکس    تکنالوژي  له لارې انترنتي خدمتونه  په چټکتيا او ټيټې بيې سره په  ټول  هيواد کې  ټولو هيوادوالو ته وړاندي کړو .

 انجنير سنګين  زياته کړه، په وروستيو کلونوکې انترنتي  خدمتونه چې د  ستلايت له لارې وړاندي کيدل ديو ام بي انترنت بيه په مياشت کې څلور زره ډالره و او دمخابراتي خدمتونو دګړندي پرمختګ  او دنوري فايبر د بنسټيزې  پروژې له لارې دغه بيې په ١٣٩٨ کال کې يو ام بي په مياشت کې  ١٥٠٠  ډالرو ته ټيټه شوې ده اوکله چې په  ١٣٩٠  کال کې افغانستان دنوري فايبر له لارې له ګاونډيو  هيوادونوسره ونښلول شو د انترنتي خدمتونو په بيه کې کمښت رامنځته شو چې په مياشت کې ديو ام بي انترنت بيه نهه سوه ډالرو او اوس دغه خدمتونه له نهه سوه ډالرو څخه درې سوه ډالرو ته ټيټه شوې ده .

  ده  يادونه وکړه چې دمخابراتو اومعلوماتي تکنالوژي  وزارت په  ١٣٨٩ کال کې له انترنت  څخه داستفادي  ظرفيت له يو سلو پنځوسو څخه يوزرو څلور سوه بي ام ته لوړ شوى دى 

 ده د واي  مکس دخدمتونو په باب چې دانترنتي  خدمتونو په وړاندي  کولو کې کارول کيږي وويل، له دغه سيستم سره ګولاي شو په يو وخت کې انفرادي اشخاصو او ياموسسو  ته دانترنتي خدمتونو په رسولو کې استفاده وکړو اوپه نږدي  راتلونکي کې به  دجي تري سيستم دټولو مخابراتي  شرکتونو له لارې  دلاس  بري وړ وي او دفعاليت جواز به يې په ټولو مخابراتي شرکتونو وويشو .

 دمخابراتو وزير هيله وکړه  چې دانترنتي خدمتونو دوړاندي کولو  ټول شرکتونه او موسسي دى دانترنتي خدمتونو دبيې له کمښت څخه استفاده وکړي اوپه خپلو بيو کې کمښت راوړي .