11 July 2020

RSS Facebook

سوداگریز


تازه خبرونه

په نيمروز کې زر بېوزله  کورنیو ته  د چرګانو واړه کورني فارمونه جوړیږي

په نيمروز کې زر بېوزله کورنیو ته د چرګانو واړه کورني فارمونه جوړیږي

کايل/ د چنګاښ ۲۱مه/ باختر د کرنې، اوبولګولو او مالدارۍ وزارت...

د ارواښاد محمد یوسف غضنفر یادغونډه او د دعا مراسم په ارګ کې ترسره شول

د ارواښاد محمد یوسف غضنفر یادغونډه او د دعا مراسم په ارګ کې ترسره شول

کابل/ د چنګاښ ۲۱ مه/ باختر د اقتصادي او سوداګرۍ پراختیا...

د ښوونې او روزنې په نصاب کې به ملي او اسلامي ارزښتونه خوندي وي

د ښوونې او روزنې په نصاب کې به ملي او اسلامي ارزښتونه خوندي وي

کابل/ د چنګاښ ۲۱مه/ باختر د پوهنې وزارت سر پرستې رنګینې...

Youtube Player

khantry design

سوداگریز

سوداگریز

اقتصادی

کابل _ باختر دکب دوه ويشتمه :
دسوداګرۍ او صنايعو وزارت دنړيوال بانک په همکارۍ دافغانستان سوداګرو ته نوى بازارونه برابروي او نړيوال بانک دغه هدف ته درسيدو په مقصد دسوداګرۍ او صنايعو له وزارت سره ددوه ويشتو مليونو ډالرو وړتيا مرسته کوي .
  دباختراژانس دخبريال دخبر له مخې، په هغې غونډه کې چې له همدې امله په کابل کې جوړه  شوې ده  دسوداګرۍ او صنايعو رييس ډاکتر انور الحق احدي دخبرو په ترڅ کې وويل: نړيوال بانک ددغه پروګرام دتمويلولو لپاره ددوه ويشتو مليونو امريکايي ډالرو مرسته کړې ده چې ددغه پروګرام له لارې دافغاني سوداګرو مالونه ،کورنۍ او بهرنيو بازارونو ته زياته لاره پيداکوي .
  احمدي زياته کړه، سالمه سيالي په  سوداګرۍ کې اساسي رکن دى .
زموږ سوداګر دى بايد خپل توليدي مالونه له نړيوالو معيارونوسره سم چمتو کړي چې په ښه توګه کورنيو اوبهرنيو بازارونو ته  لاره پيداکړي .
دغه راز په  دې غونډه کې په افغانستان کې دنړيوال بانک دڅانګې رييس وويل چې نړيوال بانک ددغه پروګرام دتمويلولو لپاره دافغانستان دسوداګرۍ او صنايعو له وزارت سره ددوه ويشتو مليونو امريکايي ډالرو مرسته کړې ده او دسوداګرۍ او صنايعو وزارت له لارې لګول کيږي .
دغه راز په دې غونډه کې دخصوصي سکتور دپراختيا لوى رييس عبدالرحيم سعيدي دافغانستان دسوداګرۍ او صنايعو د خونو دعامل هيئت له رييس محمدقربان حقجو  سره په دغه پروګرام پورې داړوندو موضوعګانو په باب خبرې وکړې .

کابل _ باختر دکب دوه ويشتمه :
دوزيرانو شورا اقتصادي کميټې نن له غرمې وروسته دجمهور رييس دمرستيال او ددغې کميټې درييس محمدکريم خليلي په مشرۍ غونډه وکړه .
دجمهوري رياست مطبوعاتي دفتر باختراژانس ته خبر ورکړ، په دې غونډه کې لومړي دارزښتناکو سندونو دپيردودنې او پلورنې دمرکزونو دجوړولو په باب دافغانستان بانک درييس وړانديز وڅيړل شو او خبرې پرې وشوې .
داقتصادي کميټې غړو له اقتصادي پلوه دهغه ارزښت ته په پاملرنې سره دغه موضوع په مفصله او هراړخيز ه  توګه وڅيړله او دظرفيت ، اقتصادي اغيزمنتوب نظاتي ميکانيزمونو او په پولي او مالي سياستونو باندې دهغه داغيزو له پلوه خپلې يو لړ نظريې او وړانديزونه طرحه کړل ،اقتصادي کميټې په دې اړوند پريکړه وکړه چې  داقتصاد ماهرانو اومخورو کسانو داستازو پنځه کسيزکميسيون  دې دارزښتناکو سندونو دپيردونې او پلورنې دمرکزونو دجوړولو طرحه په هراړخيزه توګه مطالعه کړي او داقتصادي کميټې په يوه غونډه کې دې وړاندې کړي .
دغونډې دکار په دوام  دښار جوړولو دچارو وزير دهيواد ددولسو  ښارونو تالقانو ، ميمنې ، چاريکارو، فراه ، ګرديز ، مهترلام، پلخمري ، ميدان ښار ، ايبکو ، پنجشير  ، ترينکوت او دپل علم ستراتيژيکي پلان کميټې ته وړاندې کړل .
د ښار جوړول دهيواد ديو ستر اقتصادي فعاليت ، دښارونو چټکې ودې او هم دځان دپرمختيا دمخنيوي په توګه دستراتيژيکي پلانونو دضرورت يو مهم دليل وباله او څرګنده يې کړه چې تراوسه پورې  دهيواد د څه دپاسه شپږ پنځوسو ښارونو ستراتيژيکي پلان برابر او بشپړ شوي دي .
وروسته داقتصادي کميټې غړو دترانسپورتي مسئلو ، ښاري خدمتونو ، دتطبيق دڅرنګوالي ، د ژوندانه  دچاپيريال ساتنې دمسئلو او د ځينو نورو مسئلو له پلوه خپلې يو لړ پوښتنې  طرحه کړې .
  اقتصادي کميټې دهيواد ښارونو ته دستراتيژيکي  پلانونو د مهم بللو  په ترڅ کې ، ددغو ستراتيژيکي پلانونوطرحه په اصولو او قاعده کې تاييد کړه او دراتلونکو اجرااتو په مقصد يې دوزيرانو عالي شورا ته وړاندې کړه .
دغونډې دکار په دوام دغه راز دښار جوړولو دچارو وزير دسلواغى دشپږ ويشتمې پروژې دګړندي کولو  په اړوند چې  داستوګنې يوه مهمه پروژه ده  خبرې وکړې او وړانديز يې وکړ چې ددغې پروژې دکار دګړندي  کولو په مقصد دى خصوصي ساختماني شرکتونه دهغې په جوړولو کې ونډه  واخلي او هم دې ددغه وزارت دنورو ساختماني پروژو له پروسيجر سره سم په مناسبه بيه د دولتي ادارو په کارکوونکو داستوګنې نمرې وويشل شي .
اقتصادي کميټې په دى اړوند له هرارخيزو خبرو وروسته هغه دکابل دنوى ښار له ماستر پلان سره ددغې پروژې دنه مغايرت په صورت کې تاييد کړه .

کابل\باختر\دکب د مياشتې ٢٢ مه:
دکابل دشهزاده سراى دصرافانو درييس  دمعلوماتو له مخې، نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     53/70  افغانيو پلورل په   53/75افغانيو
يوانګليسى پونډ پيرودل په   80/40افغانيو پلورل په   80/50افغانيو
داماراتو يو درهم پيرودل په 55/ 14 افغانيو پلورپه 60 / 14 افغانيو
يوه يورو  پيرودل په 80 69/ افغانيو پلورل په   69 /90  افغانيو
يوسعودي ريال پيرودل په  15 14/پلورل  14/20 افغانيو
زرهندي کلدارى پيرودل په 1000 افغانيو پلورل په 1010 افغانيو
زرپاکستاني کلداري پيرودل په  537افغانيو پلورل په  538 افغانيو
زر ايراني تو مان پيرودل په 15/10  افغانيو پلورل په   15/20 افغانيو.

کابل _ باختر دکب دوه ويشتمه :
په داسې حال کې چې يو شمير سوداګر ښارونوته دخپلو مالونو له ليږدونې څخه ډډه کوي دسوداګرۍ دخونو مرستيال وايي چې دوى دسوداګرو دستونزو دحل کولو او بيځايه دپيسو داخستلو دمخنيوي په مقصد دسوداګرۍ او صنايعو وزارت له لارې خپل وړانديزونه دوزيرانو شورا ته ليږلي دي .
دسوداګرۍ دخونو دمرستيال خانجان الکوزي څرګندونې په داسې حال کې کيږي چې يوشمير سوداګرو له هغه وروسته چې دوزيرانوشورا ښارواليو ته واک ورکړچې دتجارتي مالونو دليږدولو په وخت کې دې پيسې واخلي  ښارونو  ته دتجارتي او لګښتي مالونو له ليږدونې څخه ډډه وکړه .
دسوداګرۍ او صنايعو دخونو مسوولين وايي چې بيلابيل ارګانونه په بيلابيلو سيمو کې په بيلابيلو نومونو له دوى څخه پيسې اخلي او داکار ددې سبب شوچې سوداګر زيانمن شي .
دغه راز په دې عمل سره ځينو استفاده غوښتونکو کسانو ته دفساد زمينه برابريږي .
په اوس وخت کې يوشمير سوداګروخپل تجارتي او لګښتي مالونه دهيواد په ګمرکاتو کې درولي دي اوښارونو ته دهغو له ليږدونې څخه ډډه کوي .
دسوداګرۍ دخونو رييس قربان حقجو وايي چې دلګښتي مالونونه ليږدونه دلوړتيا وړ لومړنيو توکو دبيو دلوړيدو سبب کيږي او علت يې ددولتي ارګانونو له خوا دپيسواخستل دي .
دى وايي چې دسوداګرو ستونزه يوازې دښارواليو دټکس ورکول نه دي بلکې سوداګر په  بيلابيلو نومونو له اړوندو ارګانونوسره مخامخ دي .
سوداګر په بيلابيلو نومونو ، ترافيکو، ښاروالۍ ، عامې روغتيا او نورو ارګانونو ته پيسې ورکوي اومجبور دي چې هغه د تجارتي مالونو په بيو زيات کړي چې په پاى کې کړاو يې بې وزلي خلک زغمي .
دسوداګرۍ دخونو مرستيال خانجان الکوزي باختراژانس ته وويل، سره له دې چې له څو ورځو راپديخوا ښار ته د تجارتي مالونو ليږدونه ځنډول شوې ده خو دغه ستونزه  لاتراوسه پورې نه ده حل شوې: ددې کار دوام نه يوازې دسوداګرو دوخت دضايع کيدوسبب کيږي بلکې عوامو خلکو ته يې ستونزې پيداکړي .
  الکوزي زياته کړه چې دسوداګرۍ خونو پرون خپل وړانديزونه دسوداګرۍ او صنايعو دوزير له لارې دوزيرانو شورا ته ليږلي دي .
  الکوزي څرګنده کړه چې دوى په خپلو دغو وړانديزونو سره درې هدفونه تعقيبوي . لومړى داچې څومره ماليه چې سوداګر يې بايدورکړي څومره وي .
دماليې ورکولو بهير اسانه وي او دغه بهير دځينوحکومتي مرکزونو کارکوونکو ته دفساد زمينه برابره نه کړي .
ده وويل چې دغه ستونزه دوزيرانوشورا په نامه زموږ له وړانديزونو سره ارتباط لري وموغوښتل چې په دې اړوند دسوداګرۍ او صنايعو وزارت دويندوى غازي خيل نظر ترلاسه کړو خو له پرله پسې  هلوځلو سره سره په دې کار بريالي نه شوو .