29 February 2020

RSS Facebook

سوداگریز


تازه خبرونه

دعامې روغتيا وزير دکرونا ويروس په مخنيوي کې د رسنيو رول مهم وباله

کابل / دکب ١٠مه /باختر د عامې روغتيا وزير ډاکتر فيروز...

دسولې او پيوستون په نامه د نيالګيو ايښودلو کمپاين په کندز کې پيل شو

کابل / دکب ١٠مه /باختر : دکندز دکرنې، اوبولګولو اومالدارۍ رياست...

Youtube Player

khantry design

سوداگریز

سوداگریز

اقتصادی

کابل باختر د تلې لومړي
دغور ولايت دسياه سنګ کانال دپروژې مقدماتى کار پيل شو.
دسيمه ييزو مقاماتو دڅرګندونو له مخې :ددغې پروژې په بشپړيدو سره ددغه ولايت په مرکز او اړوندو ولسواليو کې نږدې دوه زره سل هکتار ځمکه خړوبويږي.
دغور ولايت داوبو دتنظيم آمر محمد حليم وکيلى باختر آژانس ته وويل :دغه پروژه دآسيا د پرمختيايى بانک په مرسته دڅه دپاڅه اوو ميلونو امريکايى ډالرو په لګښت بشپړه شوې ده.
دده دڅرګندونو له مخې ،دغه کانال څه دپاسه نولس کيلومتره اوږدوالى ،درې متره سور او څلور متره ژورتيا لري چې دچغچران ښار دسربند له سيمې څخه پيل او دپله کهنه له سيمې څخه تيريږى او يوه برخه يې دهريرود دسند له شمال څخه او بله برخه يې دجنوب له برخې څخه تيريږي.
وکيلى زياته کړه چې ددغې پروژې کار به په اتلسو مياشتوکې بشپړه او ګټې اخستنې ته وسپارل شي.
 

کابل باختردتلي دمياشتې  ١ :
په بغلان ولايت کې دملي پيوستون دپروګرام لس ټولګټې پروژې ګټې اخيستنې ته وسپارل شوې .
دبغلان ولايت دکليودبياجوړولو اوپراختيارييس شفيق احمدعلميار باختر اژانس ته وويل: په دغو پروژوکې ددوه درې سوه نهه ديرشومترواستنادي ديوالونو،ديارلسوپلګوټو،ديوټولنيزمرکز،دڅښاک اوبوديوولسومخزنونو جوړول اودپنځوکيلو مترو په اوږدوالي په سړک کريړاچول  او آوارول شامل دي  چې دکليو دبيا جوړولو اوپراختيا وزارت له بودجې اودخلکوپه سلوکې دلسو په ونډې سره دڅه دپاسه شپاړلسو مليونوافغانيو په لګښت تطبيقې اوګټې اخيستنې ته سپارل شوي دي .
خبرځاى زياته کړه چې ددغو پروژو په بشپړيدوسره ددغو ولسواليودوه سوه پنځه کورنۍ له ښيګڼو څخه يې ګټه اخلي .
دبغلان ولايت دکليو دبياجوړولو اوپراختيارياست دملي  پيوستون دپروګرام دبرخې مسوول زياته کړه :دروان کال په لومړيو شپږومياشتو کې په دغه ولايت کې ديارلس  بيلابيلې پروژې ګټې اخيستنې ته سپارل شوي دي چې له ښيګڼو څخه يې څه دپاسه اووه زره پنځه سوه کورنۍ ګټه اخلي  اوددغه ولايت په څوارلسوواحدونوکې يوسلو اتلس نورې پروژې ترکارلاندې دي .
 

کابل باختر د تلې ١
دغور-هرات سړک دپخولوکار په نږدې راتلوونکې کې پيليږي .
ويل کيږي چې ددغه سړک دپخولو په کارکې شپيته ميلونه ډالره لګيږي :چې دجاپان د دولت له خوا ورکول کيږي.
دغور والى سيدانور رحمتي نن  باختر آژانس ته وويل: ددغه سړک دپخولو کار دغور له شمال څخه دجاپان په مالي مرسته دشپيتو ميلونو امريکايى ډالرو په لګښت په پاخه او اساسي ډول په نږدې راتلوونکي کې پيليږي.
يوه اړونده خبرځاى وويل: ټاکل شوې وه دغور –هرات سړک پخولو کار دوه کاله مخکې دغور دجنوب له لورې پيل شوى واى . چې دغور دجنوب په استقامت دشپږو ولسواليو داوسيدونکو دمخالفت په دليل ځنډول شوى و.
والي زياته کړه: اوس ددغه ولايت دمقام اودفوايد عامې وزارت دچارواکو په هلوځلو سره دغه ستونزه لرې شوې ده او ددغه سړک کار دغور دشمال له استقامت څخه ترهرات ولايت پورې پيليږي.
رحمتي زياته کړه: ددغه سړک په جوړولو سره دغور ولايت دخلکو او دملي سوداګرو ترانسپورتى او ترانزيتى ستونزې چې خپل زياتره صادراتى او وارداتي مالونه له همدې لارې ليږدوى لرې شي.
 

دمخابراتو او معلوماتي تکنالوژي وزارت مقامات هيله لري چې د روشن مخابراتي شرکت ته دجي -٣ انټرنټى خدمتونو دفعاليت دجواز په ورکولو سره تر راتلونکو دوو کلونو پورې وکولاى شي په سلوکې اويا وګړي په انټرنټي پرلاسي ولري. دباختر آژانس دخبر له مخې: د روشن مخابراتي شرکت نن ديوې غونډې په ترڅ کې د٣-جي دانټرنټي خدمتونو دفعاليت جواز ترلاسه کړ. دمخابراتو او دمعلوماتي تکنالوژي وزير انجينر اميرزى سنګين په دې غونډه کې وويل: د روشن مخابراتي شرکت ته ددغه جواز په صادرولو په ټول هيواد کې دانټرنټي ګړندي خدمتونو پراختيا موندلې اوپه پام کې دى په راتلونکو دوو کلونو کې دهيواد په سلوکې اتيا وګړي د٣-جي انټرنټي سيستم له لارې له انټرنټي خدمتونو څخه ګټه واخلي.
دمخابراتي او معلوماتو تکنالوژي وزير زياته کړه: تر اوسه پورې د روشن دمخابراتي شرکت په ګډون  داتصالاتو او ام تي ان  مخابراتي شرکتونو د٣-جي د انټرنټي سيستم دفعاليت جواز ليکونه ترلاسه کړي دي چې دغو شرکتونو دجواز په مقابل کې پنځه ويشت ميلونه ډالره دغه وزارت ته ورکړي دي.
دماليې د وزير ډاکتر عمر زاخيلوال دڅرګندونو له مخې: د روشن او دوو نورو شرکتونو ته د٣-جي دسيستم دفعاليت دجواز ليکونو په صادرولو سره دولت پنځه اويا ميلونه ډالر عوايد ترلاسه کړى دى.
دجواز ليکونو دلاس ليک کولو په وخت کې دعدليې وزير حبيب الله غالب اود اقتصاد  وزير عبدالهادي ارغنديوال هم حاضر و.