23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

اقتصادی

دخاص  ارزګان ولسوالۍ يوشمير مشرانو او مخورو دجمهوررييس له مرستيال محمدکريم خليلي سره وکتل.

د جمهوري رياست مطبوعاتي دفتر دباختر اطلاعاتي اژانس ته خبرورکړ.

په دې کتنه کې دوي ددولت له مشرتابه څخه وغوښتل چې په دي سيمه کې دامنيت دټينګښت اودسيمه ييزو شخړو دحل کولو په لاره کې پاملرنه وکړي او ددغو دهدفونو دترسره کولو په خاطر له وګړني ځواک څخه کار واخلي.

دکتنې برخه والو  ددغې سيمي داوسيدونکو ترمنځ يو والې ، ورورولۍ  او سوله ييز ګډ ژوند ارزښتناک وبلل او هيله يې وکړه چې دولت دلازمو تدبيرونو په نيولو سره په دې سيمه کې ناامنيو اوبدامنيو مخه ونيسي .

دوي دغه راز په دې ولسوالۍ کې  دپرمختيايي   پروژو داجراکولو  غوښتنه وکړه او څرگنده يې کړه چې تراوسه پوري  په دې برخه کې دمرکز اوسيمه ييزي اداري له خوا لازم اقدامات نه دي شوي  .

د جمهوررييس مرستيال  دخاص ارزګان له مشرانو او اوسيدونکوسره دکتنې له امله  خوښي څرگنده کړه او ددوى پيشنهادونو او غوښتنو څيړنه يې د دولت دندي وبللي .

د جمهوررييس  مرستيال دامنيت په تامينولو  اودپياروغونې دپروګرامونو په اجراکولو کې دخلکو مشارکت مهم وباله  او ددوي ترمنځ يې  داخوت او ورورولۍ په ساتلو ټينګار وکړ.

کابل باخترد جدي  دمياشتې ٢٤:

په بدخشان ولايت کې نن دوه پرمختيايي پروژې ګټې اخيستنې  ته وسپارل شوي .

ددغو پروژو  يو تن مسوول انجينر عبدالقدوس دباختر اطلاعاتي اژانس خبريال ته وويل  په دغو دوو پروژو کې دولايت  له مقام څخه داستادبرهان الدين رباني ترپله پوري دسړک پخول   او دولايت  دانګړ د ديوال جوړول شامل دي.

کابل باختر دمرغومي  دري  ويشتمه

  په غزني ولايت کې ديو سړک دقير کولو کار بشپړ او ګټي اخستنې ته وسپارل شو .

 دغه سړک پنځلس کيلو متره اوږدوالي  او اووه متر سور لري چې دکابل کندهار په لويه لاره کې دواغظ تر ولسوالۍ پوري قير شوى دى .  دغزني والي موسي خان اکبر زاده ، دباختر خبري اژانس ته وويل  دغه سړک د امريکايي ځواکونو د بيا رغونې دولايتي  ټيم  په مرسته  دڅلور مليونو شپږ سوه زرو ډالرو په لګښت  قير شوى دى .

 ويل کيږي ددغه سړک په قير کيدو سره په زرګونو  خلکو ته دتګ راتګ  اسانتياوي  برابري شوي دي .

   دغزني والي  ددغه سړک دپرانستلو په مراسموکې  وويل چې ددغه سړک قير کول به داقتصادي ودې  برسيره دترافيکي پيښو کچه هم ټيټه کړي .

کابل باختر دمرغومي  دري  ويشتمه

  دشمال د ډبرو سکرو درياست عوايد زيات شوى دى .

 اړوند مسوولين وايي، ددوى نتيجې څرګندوي چې ددغې حوزي  دکانونو رياست عوايد په سلو کې ٨٥ زيات شوي دي .

 په بغلان ولايت کې دچارواکو له خوا دوړاندي شوي  احصائي له مخې، دروان کال له پيل څخه تراوسه پوري په شمال حوزه کې دکانونو دراايستلو  له پلوه يو مليارد ، اووه سوه دوه مليونه څلور  سوه اته نوي زره يو سلو اته اتيا افغانۍ ددولت عايد شوى، خو دغه اندازه په تيرټول کال کې نهه سوه شل مليونه شپږ سوه پنځه څلويښت زره افغانيوته رسيدلې وه .

 ددغې احصائي له مخې، دشمال د ډبرو سکرودحوزي دکانونو په عوايدو کې دتيرکال په پرتله په سلو کې ٨٥ زياتوالي راغلى دى .

  دبغلان والي  منشي عبدالمجيد  دباختر اطلاعاتي اژانس  ته وويل، دغه عوايد ديومليونو يو سلو نهه شپيته زره اووه سوه درې نوى  ټنو ډبرو سکرو دراايستلو  او پلورلو له درکه ترلاسه شوي دي .

   دبغلان والي دشفافيت  او دعوايدو دمرکزي کولو او په شمال کې  د ډبرو سکرو په ايستلو کې دزياتوالي لپاره  هلې ځلې ددغو عوايدو دزياتوالي علت بولى او وايي: دى به دعوايدو دمرکزي کولو او د ډبرو سکرو په راستلو او پلورلو کې دزياتوالي له لاري ددولت دعوايدو دزياتوالي  لپاره زياتې هلې ځلې  وکړي .

  د ډبرو سکاره دهيواد دعوايدو يوه ډيره ښه منبع ده، د څيړنو له مخې دافغانستان د ډبرو سکرو زياتره کانونه په شمال اومرکزي سيمو کې موقعيت لري .