24 February 2018

RSS Facebook

سوداگریز


تازه خبرونه

اجرائيه رئيس د ترکيې له سفير سره  وکتل

اجرائيه رئيس د ترکيې له سفير سره وکتل

کابل \ باختردکب دمياشتې ٤ نيټه : د افغانستان داسلامي...

په ننګرهار کې د دريو تنو ډاراچوونکو وژل کيدل

په ننګرهار کې د دريو تنو ډاراچوونکو وژل کيدل

جلال آباد \ باختردکب دمياشتې ٤ نيټه : درې تنه...

په کاپيسا کې دڅلورو تنو وسله والو مخالفانو نيول کيدل

په کاپيسا کې دڅلورو تنو وسله والو مخالفانو نيول کيدل

محمودراقي \ باختردکب دمياشتې ٤ نيټه : څلور تنه وسله...

Youtube Player

khantry design

سوداگریز

سوداگریز

اقتصادی

کابل/ باختر/ د کب د مياشتې ٢ نيټه
نن دکب د مياشتې٢ نيټه د کابل ښار په بازارونوکې د اړتيا وړلومړنيو توکو بيې په دې ډول دي:
يوه ٢٥کيلويي بورۍ اعلى وريجې  ٢٢٥٠ افغانۍ
يومن شوله يي وريجې    ٢٨٠ افغانۍ
يو من بوره       ٢٤٠ افغانۍ
يو من وطنى مى      ٤٠٠ افغانۍ
  يو شپاړلس  ليتره پيپ غوړي    ١٠٤٠ افغانۍ
يوه پنځوس کيلويي بورۍ اوړه    ١١٠٠ افغانۍ
يو من وطنى لوبيا     ٧٣٠ افغانۍ
يو من وطنى نخود      ٦٨٠ افغانۍ
دغه راز، يو کيلوګاز ٥٢ افغانۍ، يو ليتر پترول ٤٥ افغانۍ او يو ليتر ديزل په٤٥ افغانۍ پلورل کيږي.    پاى-سعيده  
    

کابل باختر د کب  دويمه :
په افغانستان  کې د تاپي پروژې   د پرانستلو په خاطر  تيارى  په هرات ولايت کې د بشپړيدو په حال کې دى .
د هرات والي محمد اصف رحيمي  نن  له خبريالانو سره په يوه خبري غونډه کې وويل:  د تاپي پروژه  يوازې  دګازو لېږدول نه دي، بلکې په دغه پروژه کې د نوري فايبر  ، اوسپنۍ پټلۍ او د بريښنا دلېږدونې په ګډون څو اړخيز پروګرام دى  چې له تاپي پروژې سره يو ځاى  له افغانستان څخه تيريږي .
  دغه پروژې  به د منځنۍ اسيا او د جنوبي اسيا ترمنځ  دوه ترانزيتي او اقتصادي  دهليزونه  ټينګ کړي . 
د هرات د والي د څرګندونوله مخې ، ټاکل شوې ده  دکورنيو او بهرنيو ميلمنو لوړ رتبه هيئت  په راتلونکو ورځو کې هرات ته سفر وکړي .
  د ميلمنو د استوګنې د تدارک او د پرانستلو د غونډو د جوړولو او تدارک په ګډون دميلمنو دهرکلي په خاطر تيارى  دبشپړيدو په حال کې دى .
رحيمي ټينګار کوي،  ټول تشريفاتي  تدارکاتي او مطبوعاتي پروګرامونه بشپړ شوي دي او  له جزئياتو سره  امنيتي منظم ترتيبات نيول شوي دي .
  مخکې له دې هم  دمدني ټولنې  ، ښځو او د ګذر او د ولايتي شورا او د ولسي جرګې د وکيلانو په ګډون  بيلابيل قشرونو  له تاپي پروژې څخه  دخپل  ملاتړ په خاطر  بشپړ تيارى  اعلان کړى و .
  په داسې حال کې چې نن وسله والو طالبانو  د يوې  خبرتيا په خپرولو سره د تاپي پروژې  له تطبيق سره خپل ملاتړ  اعلام کړ .
د هرات والي په دې خبري غونډه کې  د طالبانو ددغه دريځ هرکلى وکړ .
د هرات والي وويل:  دولت  د امنيت دتامينولو مسووليت  لري او په دې برخه کې دخلکو ملاتړ هم  لازم دى .
  ټاکل شوې ده په راتلونکو ورځو کې دهرات ښار دسيمې دهېوادونو دسلګونو د لوړ رتبه مقاماتو او دغه راز دافغانستان دبيلابيلو ولايتونو دمشرانو او مخوروکوربه وي .   ختم_ ج _ اکرم

 

کابل باختر د کب  دويمه :
د سمنګانو ولايت د ډبرو سکرو دکان له عوايدو څخه  د دغه ولايت  په پرمختيا کې  استفاده نه کېږي .
په داسې حال کې چې دکانونو د قانون له مخې بايد  د هر  ولايت  د کانونو په  سلو کې پنځه عوايد د هغه ولايت د بيا رغاونې اوپرمختيا په مقصد ولګول شي .
  د سمنګانو د ولايتي شورا وکيلان او خلک  وايي   چې، له خپل  دغه حق څخه بې برخې پاتې دي او د دغه ولايت د ډبرو له سکرو څخه  څنګه چې لازمه ده ګټه نه اخلي . 
د سمنګانو د ولايتي شورا  مرستيال  محمد هاشم سروري  باختراژانس ته وويل  ، د ماليې وزارت  مکلف دى  چې  د کانونو څخه د ترلاسه شويو ټولوعوايدو له جملې څخه په سلو کې پنځه د دغه ولايت  د اقتصادي ، ټولنيزو او د ژوندانه د چاپيريال ساتنې په مقصد ولګوي  خو دغه قانون نقض شوى دى .
سروري زياته کړه په  ١٣٩٣ کال کې  د سمنګانو ولايت د دره صوف ولسوالۍ  د شباشک  او د دهنه تور کانونو  څه ناڅه اته مليارده افغانى عوايد درلود، چې په سلو کې پنځه يې يعنې څلور سوه مليونه افغانى بايد د دغه ولايت په پرمختيا او بيا رغاونه کې  لګيدلي واى،خو دغه کار دسيمه ييزو مسوولينو دکمزوري مديريت  او دتشکيلاتي جوړښت د ستونزې له امله نه دى ترسره شوى .
په سمنګانو کې  د شمال  د ډبرو د سکرو د تصد‌‌ۍ د نمايندګۍ امر انجنير عبدالغني منصور وايي  چې، دوى يوازې  دتعرفو د وېشلو صلاحيت لري .
د شباشک  او دهنه تور د ډبرو سکرو د کانونو ورځني عوايد  څه ناڅه اووه سوه زره افغاني دي  او د ١٣٩٦ کال  ټول عوايد  څه د پاسه  دوو ملياردو اته سوه  شلو مليونو افغانيو ته رسيدلي وو .
د ده دڅرګندونوله مخې د تصدي د رياست دفتر  په پلخمري ښار کې دى او دسمنګانو د ډبرو د سکرو عوايد هم  په بغلان ولايت پورې مربوطيږي.
ده  په سيمه يېزو مسوولينو د ډبرو د سکرو په سلو کې  د پنځو عوايدو په ترلاسه کولو کې  د مديريت  د کمزورتيا تور ولګاوه او ويې ويل:  که چيرې  د شمال  د ډبروسکرو  د تصدۍ  د رياست دفتر  دسمنګانو ولايت  مرکز ته ولېږدول شي   له يوې خوا به  د دغه ولايت سلګونو تنو اوسيدونکو ته دکار زمينه شي  او  هم به دايبکو ښار  پراختيا وکړي او له بله پلوه  سيمه يېز مسوولين کولاى شي په سلو کې پنځه عوايد  له  ماليې وزارت څخه وغواړي ، او هغه  د سمنګانو ولايت په پرمختيايي  او دبيا رغاونې په پروژو کې ولګوي .
  د سمنګانو ولايت د مطبوعاتي دفتر مسوول وويل چې، په سلو کې د پنځو عوايدو دترلاسه کولو لپاره يې  اقدام کړى دى، خو د ماليې وزارت  په دې باب  کوم اقدام نه دې کړى او ټاکل شوې ده  د راتلونکي کال  د وري په مياشت کې  يو هيئت کابل ته لاړشي او د خپل حق غوښتنه وکړي .
   د دغه ولايت  د سړکونو قير کول په پرمختيايي پلان کې شامل دي، خو د ماليې وزارت  د هغه پيسې  د ١٣٩٧ کال  په ملي بودجه کې  نه دي شاملې کړي .
ختم_ ج _ اکرم

قندهار باختر د کب د مياشتې ٢ مه
د قندهار ولايت په ډنډ ولسوالۍ کې د ۶۰ ميليونو افغانيو په لګښت درې پرمختيايي پروژې پيل شوې.
چارواکي وايي: په دغو پروژو کې سرکونه،استنادي ديوالونه او د لسو ښوونځيو د ترميم چارې شاملې دي.
د قندهار ولايت د والي مرستيال عبدالحنان منيب د باختر اژآنس سيمه يېز خبريال ته وويل چې،دغه پروژې د دغه ولايت د پوهنې رياست په همکارۍ او د امريکايي ځواکونو په مالي لګښت سره رغول کېږي.
هغه وويل چې، ولایتي اداره په ولسواليو کي د متوازن انکشاف رامنځته کولو ته ژمنه ده او هڅه کوي، ترڅو په ټولو ولسواليو کي پرمختيايي پروژې عملي کړي.
د يادونې وړ ده چې څه موده مخکې هم د کليو د بیا رغونې او پراختيا وزارت له لوري د ۲۱ ميليونو افغانيو په لګښت د استنادي ديوال يوه بله پروژه هم پرانیستل شوې وه چې اوسمهال يې د بيارغونې چارې روانې دي.پاى _ وصال

Page 2 of 715