23 September 2019

RSS Facebook

سوداگریز


تازه خبرونه

صمیم: مشاعرې د افکارو شریکولو لپاره ښه وسیله ده

ګردیز/ د تلې لومړۍ / باختر مشاعرې د ځوانو شاعرانو اوليکوالانو...

يو انس سره زر په ١٥١٥ډالرو پلورل کېږي

کابل/ د تلې١مه/ باختر په نړيوالو بازارونوکې نن يو انس سره...

په جوزجان کې وسله والو طالبانو ته دسرزيانونه اوښتي دي .

کابل /دتلې لومړى /باختر : درې وسله وال طالبان تېره شپه...

Youtube Player

khantry design

سوداگریز

سوداگریز

اقتصادی

کابل باختر دوږي  ٢٨مه :
په پنجشير کې دکاسا – ١٠٠٠ دبرېښنا دپروژې دتطبيق لپاره عملي ګامونه واخستل شول .
دپنجشير دولسي تړون ددفتر مسوول شفيق الله سلطاني وويل چې په دغو ګامونو کې دبريښنا مزو دتېرېدو دساحو سروې ، دستنو  ددرولو لپاره دموقعيت ټاکنه ، ديوسلو اته دېرشو وګړنيو شوراګانو رامنځته  کول او له قومي مخورو او خلکو سره ليېده کاته شامل دي .
هغه زياته کړه چې دغه طرحه د٨ ميليونو ٢٠٨٠ زرو ډالرو په لګښت دپنجشير ولايت له تګلوري څخه هم عملي کېږي .
ټاکل شوې ده چې د١ زرو  ٣٠٠ميګاواټه په ظرفيت برېښناپاکستان ته ولېږدول شي په همدې حال کې ويل کېږي چې دکاسا – ١٠٠٠ دبرېښنا  پروژې دکارپه پيلېدو سره دپنجشير  سلګونو تنو اوسيدونکو ته دکار زمينه برابرېږي .
  ختم_ ف _ اکرم

 

کابل/باختر/ د وږي٢٧مه
په نړيوالو بازارونوکې نن يو انس سره زر په ١٥٠٠ډالرو پلورل کېږي.
د پښتنې بانک د سرو زرو د مارکېټ يوه پلورونکي قاهرخان د دغه خبر په تاييدولو سره باختر آژانس ته وويل چې نن د کابل په بازارونوکې يوګرام الجزايري سره زر په ٣٧٠٠ افغانيو يوګرام مصري سره زر په ٣٦٠٠ افغانيو، کويټي په٢٩٥٠ افغانيو، سنګاپوري په٢٩٥٠ افغانيو، بحريني په٢٩٠٠ افغانيو، عربي په٢٩٠٠ افغانيو، ايراني په٢٦٥٠ افغانيو او يو ګرام روسي په ٢١٥٠افغانيو پلورل کېږي.     
پاى/ع

 

کابل / باختر/ د وږي٢٨ مه
مرکزي بانک ٣٠ ميليونه ډالر د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:               د افغانستان بانک د روان کال د وږي په ٣٠مه د شنبې په ورځ، ٣٠ ميليونه ډالره د ليلام په ډول پلوري.
په شرايطو برابرهغوصرافانواوتجارتي بانکونوته چې پخوا يې يو ميليون او ۵۰۰ زره افغانۍ د تضمين په ډول دافغانستان بانک د بازار د عملياتو په لوى مديريت کې تحويل کړې دي؛ بلنه ورکول کېږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په موخه د تضمین په ډول نه دي تحويل کړې؛ کولاى شي له داوطلبي څخه يوه ورځ مخکې د خپل تضمين پيسې تحويلې او په راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
يادونه: مزايده کوونکي نه شي کولاى له ټولو اعلام شويو پيسو څخه په سلوکې له درېيو زياتې پيسې وغواړي.
پاى\ذ


 

کابل/ باختر/ د وږي٢٧مه
له ازبکستان څخه افغانستان ته وارداتي برېښنا چې د کابل او نورو لسو ولايتونو  خلکو ورڅخه استفاده کوله؛ نن بيا نښلول کېږي.
طالبانو يوه اوونۍ مخکې د بغلان په ډنډ شهاب الدين او حسن تال سيموکې هېواد ته د ازبکستان او تاجکستان د وارداتي برېښنا درې ستنې د بمونو په چولو سره ويجاړې کړې.
سيمه ييز مسوولين وايي چې د سيمې د مشرانو په منځګړيتوب په بغلان کې د غوري برېښنا شرکت کارکوونکو يوازې د ازبکستان د وارداتي برېښنا ستنه ترميم کړه.
ټاکل شوې ده د ازبکستان د وارداتي برېښنا بهير تر نن ماښام پورې په اضطراري ډول په کابل او نورو لسو ولايتونو کې عادي بڼه غوره کړي.
د برېښنا شرکت وياند وحيدالله توحيدي وايي چې د ويجاړو شويو ستنو اساسي ترميم به  لږ تر لږه دوه اوونۍ وخت ونيسي.
کابل په ٥ ميليونو وګړو سره ٥٠٠ ميگا واټه برېښنا ته اړتيا لري چې له دې جملې څخه ٢٠٠ ميګاواټه له کورنيو منابعو او ٣٠٠ ميګاواټه نوره يې له ازبکستان او تاجکستان څخه تامينيږي.
له سيستم سره د ازبکستان برېښنا په بيا نښلولو سره، د کابل او لسو نورو ولايتونو د خلکو د برېښنا د پرچاوۍ ستونزې تر زياتې اندازې پورې لرې کېږي.
په بغلان کې د غوري برېښنا شرکت رييس عبدالاول پناه د باختر آژانس خبريال           غلام علي علمي ته وويل: د ازبکستان د وارداتي برېښنا د ستنو د ترميم کار نن  بشپړيږي او تر ماښامه پورې برېښنا بېرته د هېواد د برېښنا په سيستم کې شامليږي.
هغه وويل چې هڅې کوي تر نن ماښامه پورې د بغلان په حسن تال ساحه کې افغانستان ته د تاجکستان د وارد اتي برېښنا د ستنو د ترميم کار پيل کړي.
که چېرې په بغلان کې د غوري برېښنا شرکت کارکوونکي د کار فرصت پيدا کړي؛ تر سبا شپې پورې به د تاجکستان د وارداتي برېښنا بهير هم بېرته په پايتخت او لسو نورو ولايتونو کې عادي شي.
سيمه ييزمسوولين وسله وال طالبان د ازبکستان او تاجکستان د وارداتي برېښنا د شلولو عاملين بولي.
دغې ډلې په ښکاره د خپلې ادارې تر کنترول لاندې ساحوکې برېښنا ته د نه لاسرسي په غبرګون کې د برېښنا د ستنو په ويجاړولو لاس پورې کړى دى.
د بغلان يوه سيمه ييز خبرځاى چې د نامه له اخيستلو څخه يې ډډه وکړه؛ وايي چې وسله والو طالبانو دوه کاله مخې هم تر خپلې ادارې لاندې سيموکې برېښنا ته د نه لاسرسي په غبرګون کې د برېښنا ستنې ويجاړې کړې.
هغه وويل: دولت له طالبانو سره هوکړه کړې وه چې د دوى تر ادارې لاندې سيمو ته  برېښنا ويشي، خو دا کار يې ونه کړ. طالبانو په همدې موخه د برېښنا ستنې ويجاړې کړې.
د را رسيدلو خبرونوله مخې: طالبان تر خپلې ادارې لاندې ځينو سيموکې چې برېښنا لري؛ په خپله د برېښنا د لګښت د پيسو په راټولولو اقدام کوي؛ هغه کار چې د حکومت  غوصه راپارولې ده او ويل کېږي هغه اساسي دليل چې دولت نه غواړي د طالبانو تر ادارې لاندې ساحو ته بريښنا ورکړي؛ هم همدا دى.
پاى \ ج \ ذ


 

Page 2 of 953