16 January 2019

RSS Facebook

سوداگریز


تازه خبرونه

په دایکنډي کې له بېځایه شویو کورنیو سره مرسته وشوه

په دایکنډي کې له بېځایه شویو کورنیو سره مرسته وشوه

کابل باختر د مرغومې ۲۵ مه په دایکنډي کې ولایت کې...

په هلمند کې اووه تنه وسله وال طالبان وژل شوي دي

په هلمند کې اووه تنه وسله وال طالبان وژل شوي دي

کابل باختر د مرغومې ۲۵ مه د هلمند ولایت په مارجې،...

په فراه کې پنځو تنو طالبانو ته مرګ ژوبله اوښتې ده

په فراه کې پنځو تنو طالبانو ته مرګ ژوبله اوښتې ده

کابل باختر د مرغومې ۲۵ مه د فراه ولایت په مرکز...

Youtube Player

khantry design

سوداگریز

سوداگریز

د مخابراتو وزارت، د واخان دهليز نوري فایبر پروژې لپاره، چين ته د۵۰ ميليونو ډالرو همکارۍ رسمي پروپوزل وسپاره

Written by  manager
Rate this item
(0 votes)

 کابل \باخترد لړم دمياشتې١٧نيټه :      
د افغانستان د مخابراتو او معلوماتي ټکنالوژۍ وزارت، د واخان دهليز نوري فایبر پروژې لپاره، چين ته د ۵۰ ميليونو ډالرو همکارۍ رسمي پروپوزل وسپاره چې د چين له خوا په دې برخه کې د همکارۍ ژمنه وشوه.
د مخابراتو اومعلوماتي ټکنالوژۍ وزارت مطبوعاتي دفتر باختر آژانس ته خبر ورکړ:
د مخابراتو او معلوماتي ټکنالوجۍ وزیر شهزاد آريوبي چين ته د انټرنټ په پنځم نړېوال کنفرانس کې د ګډون په موخه د خپل رسمي سفر په څنډه کې د چين د صنعت او  مخابراتي ټکنالوجۍ له وزی  Chen Zhao Xiong سره په ليدنه کې د دوه اړخيزه اړيکو پر پراختيا، د ډيجيټل ورېښمو لارې پروژې، د افغانستان ډيجيټل اقتصاد او په ځانګړې توګه د واخان دهليز له لارې د چين – افغانستان د نوري فايبر د نښلولو پروژې په اړه هر اړخيزې خبرې وکړې.
آريوبي وویل چې د افغانستان دولت د واخان دهليز پروژې سروې بشپړه کړې او د راپور له مخې د پروژې د عملي کېدو په برخه کې خاص خنډونه نشته.
د افغانستان دولت له چين څخه غوښتنه وکړه چې د واخان دهليز د نوري فايبر پروژې د مالي چارو په برخه کې همکاري وکړي او د دغې پروژې د عملي کېدو په موخه شهزاد آريوبي په رسمي ډول د ۵۰ ميليونو ډالرو پروپوزل د چين جمهوري دولت د صنعت او  مخابراتي ټکنالوجۍ وزیر ته وسپاره.
ښاغلي Chen Zhao Xiong ژمنه وکړه چې د خپلو چارو په لومړيتوب کې به د افغانستان د مخابراتو او معلوماتي ټکنالوژۍ وزارت پروپوزل خپلو اړوندو مسوولو چارواکو ته د هوکړې لپاره وړاندې او د مالي چارو د تنظيم او تائيد په موخه به ډېر ژر افغان دولت ته خبر ورکړي.

افغانستان د جغرافيايي موقعيت له کبله د دغه پروژې په پلي کېدو سره د چين، مرکزي او سويلي آسيا هېوادونو، اروپا او افریقا ترمنځ په ټرانزيټي مرکز بدلېږي او د ټرانزيټ له لارې د ميليونونو ډالرو عوايدو ترڅنګ افغانانو ته په کمه بیه د باکيفيته انټرنټي خدمتونو د وړاندې کولو زمينه برابرېږي.

د مخابراتو او معلوماتي ټکنالوجۍ وزیر شهزاد آريوبي په دې ناسته کې وویل، د مخابراتو  او معلوماتي ټکنالوجۍ په برخه کې د چين د پانګونې او همکارۍ له امله مننه وکړه زیاته يې کړه چې له چين سره د انټرنټ او نوري فايبر له نښلولو سره به افغانستان د انټرنټي خدمتونو په برخه کې له نورو ګاونډيو هېوادونو خودکفا شي. #

Leave a comment

Make sure you enter the (*) required information where indicated.
Basic HTML code is allowed.