24 February 2020

RSS Facebook

سوداگریز


تازه خبرونه

د بامیانو اوسېدونکو د تاوتریخوالي له کمښت څخه هر کلی وکړ

بامیان / دکب ۵ / باختر د بامیانو اوسېدونکي په هېواد...

پوليسو په نيمروز کې د وسلو او نشه يي توکو يوه زېرمه کشف کړه

کابل/ د کب ٥ مه / باختر د نيمروز پوليسو پرون...

کابل کې د نجونو د فوټبال سیالۍ

کابل کې د نجونو د فوټبال سیالۍ

کابل/ د کب ٥ مه / باختر په کابل کې د...

Youtube Player

khantry design

سوداگریز

سوداگریز

د جمهور رییس له خوا په دایکنډي ولایت کې د برښنا درې پروژې پرانیستل شوې

Written by  manager
Rate this item
(0 votes)

کابل \باخترد لړم دمياشتې١۹نيټه :  
د افغانستان د اسلامي جمهوريت جمهور رئیس محمد اشرف غني د ځانګړو مراسمو په ترڅ کې د دایکنډي په ولایت کې د سوختوک برښنا بند پرانیسته او دې نیلي ښار د برښنا د انتقالي او توزیعي شبکې د بنسټ ډبره یې کیښوده.  
دافغانستان برښنا شرکت د نشراتو او عامه پوهاوي دفتر باختر آژانس ته خبر ورکړ:
په دغو مراسمو کې د جمهور رییس ترڅنګ، یو شمېر وزیرانو، د ملي شورا ځینو غړو، د دایکنډي والي، د افغانستان برښنا شرکت عمومي اجرئیوي رئیس انجنیر امان الله غالب، د دایکنډي د ولایتي شورا غړو، قومي مخورو او مشرانو او د افغانستان برښنا شرکت یو شمېر کارکوونکو ګډون درلود.
د سوختوک برښنا بند د دایکنډي ولایت مرکز نیلي ښار ته نږدې د سوختوک په سیمه کې د لذیر سیند باندې د افغانستان برښنا شرکت له پراختیایي بودجې د ۴.۹ میلیونو افغانیو په لګښت د سیس کنک قرار دادي شرکت له خوا جوړ شوی دی.
د تولیدي آبي برښنا دا بند د ۷۰۰ کیلو واټه تولیدي برښنا په ظرفیت د ۳۰ متره ځوړ او دوو توربینونو په لرلو سره جوړ شوی چې په نیلي کې ۲۰۰۰ پیرودنکي د نوي آبې تولیدي برښنا انرژۍ څخه برخمنوې او ددې ولایت ډیزلې برښنا به په آبې تولیدي برښنا تبدیله کړي.
همدارنګه د نیلي ښار د برښنا د انتقالي او توزیعي شبکه چې د بنسټ ډبره یې پرون کیښودل شوه، په ټولیز ډول ۱۸ میلیونه افغانۍ لګښت لري او چارې به یې د شاوخوا درې نیمو میاشتو په لړکې د شعیب پویا قراردادې شرکت له خوا د ۱۵ کیلومتره شبکې په غځولو سره بشپړې او د نیلي داخل ښار به د برښنا له ستندرد شبکې څخه برخمن او له څلور زرو زیاتو پیریدونکو ته به برښنا ورسوي.
د برښنا دا شبکه د ۲.۵ میګا واټه برښنا توان لري چې په مختلفو ظرفیتونو ۸ پایې ترانسفامرونه پکې لګول کیږي او د سوختوک برښنا بند له تولیدي دستګاه او د ۱.۵ میګا واټه لمریزې برښنا له دستګاه سره به ونښلول شي. 
د افغانستان برښنا شرکت هوډ لري، تر څو د هېواد لرې او نږدې سیمو ته د برښنا انرژۍ چمتو او ورسوي چې د پورته پروژو پرانیستل او د چارو پیل د دې شرکت له خوا د برښنا رسولو او شبکو د پراخوالي یوه بېلګه ده.
پای – ج

Leave a comment

Make sure you enter the (*) required information where indicated.
Basic HTML code is allowed.