30 March 2020

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

جلال آباد \ د وري ١٠ مه \ باختر
په دغه مرسته کې چې نن ننګرهار ته د روغتیا وزیر ډاکټر فیروزالدین فیروز له راتګ سره د ننګرهار والی شاه محمود میاخېل او د روغتیا رییس ډاکټر نصیر احمد دراني ته وسپارل شوه، د ٩٦ زرو امریکایې ډالرو په ارزښت ۶ وینټلیټرونه شامل دي.
فيروز وويل، چې له وينټليټرو څخه به د کرونا سختو ناروغانو لپاره استفاده وشي او هغه په خپلو خبرو کې د دې مرکز د لا تجهیز ژمنه وکړه.
وزیر همدا راز وویل: ۲ وينټليټرونه لغمان او کونړ ولايتونو ته هم ورکړل شوي دي .
بل خوا د ننګرهار والي شاه محمود مياخېل د عامې روغتيا وزارت له کړې مرستې مننه وکړه.
د میاخېل په خبره، هر وينټليټر شپاړلس زره امريکايي ډالره ارزښت لري، چې د دې په فعاليدو سره به پر کرونا د اخته ناروغانو په ساتنه کې مرسته وشي.
د کرونا د مخنیوي لپاره دا مرسته په داسې حال کې کېږي چې د روغتیایی چارواکو په خبره په ننګرهار کې یو تن د کرونا پر ناروغۍ اخته شوی دی.
پاى\وصال

 جلال آباد \ د وري ١٠ مه \ باختر
دغه نوې ودانۍ، چې د ښار جوړونې وزارت له لوري د ۳۹ ميليونو افغانيو په لګښت جوړه شوې نن ګټې اخيستنې ته وسپارل شوه.
د باختر آژانس د سيمه ييز خبريال د خبر له مخې؛ د يادې ودانۍ د پرانيستو په مراسمو کې د ننګرهار والي شاه محمود مياخېل، د عامې روغتيا وزير ډاکتر فيروز الدين فيروز، د دغه ولايت د عامې روغتيا ريیس ډاکټر نصير احمد دراني او نورو ګډون کړی وو.
د ننګرهار والي شاه محمود مياخېل وايي، چې دغه ودانۍ  د دوو کلونو کې په موده کې په ٤ پوړونو کې جوړه شوې ده.
د معلوماتو پر بنسټ تر دې وړاندې د عامې روغتیا ریاست چارې له یو کرایې انګړ څخه ترسره کېدې.
پاى\وصال

-کابل /دوري ١٠مه / باختر :
کابل ښاروالۍ د څارنې او څېړنې په دوام  د نانوايانو او د  کابل ښار  د بېلابېلو اصنافو خاوندانوته  لازمې روغتيايي لارښوونې وکړې.
د باختراانس دخبرله مخې؛  د کابل ښاروالۍ موظفينو د څارنې په بهير کې  د کرونا ويروس  د خپريدو د مخنيوي او د تدبيرونو نيولو په خاطر  دکابل ښار په کچه د نانوايانو، قصابانو، سلماني ګانو او د نورو اصنافو خاوندانو ته د روغتيايي لګول شويو معيارونو په اړوند پوهاوى ورکړ او لازمې توصيې يې ورته وکړې.
کابل ښاروالۍ په ټينګار سره بېلابېلو اصنافو ته خبر دارى ورکړ چې بايد د دستکشو او ماسکونو په کارولو او د لاسونو د  عفوني ضد توکو په استفادې سره ټولې روغتيايي لارښوونې رعايت کړي چې له دې لارې هم د ځان او هم  د هېوادوالو روغتيا ته  يې پاملرنه کړې وي.
کابل ښاروالي ټينګار کوي چې له روغتيايي  موازينو څخه د اصنافو د سرغړونې په صورت کې به د دوى هټۍ وتړل شي  او له نغدي جريمې سره به مخامخ شي.
ختم_ ج _اکرم

-کابل /دوري ١٠مه / باختر :
دکابل ښار د قرنطين طرحې د تطبيق په خاطر  کابل ښاروالي  له امنيتي ځواکونو سره  په ګډه همکارۍ کې  د کابل ښار په بېلابېلو ناحيو کې د دغه بهير څارنه  پيل کړې ده.
د باختراژانس د خبريال د خبرله مخې؛ د کابل ښاروالۍ د ټولنيزو او کلتوري چارو معين څېړنوال محمد فاضل شريفي په داسې حال کې چې امنيتي مسوولين او دکابل ښار د يوشمېر ناحيو د صنعت او ښاري سوداګرۍ د تنظيم رييسان هم حاضر وو، يو شمېر رستورانتونه او تجارتي مارکيټونه  چې د دغې طرحې پرخلاف تراوسه پورې  هم تړل  شوي نه و، وتړل.
دوى له خلکو وغوښتل  چې  دکابل ښار د قرنطين بهير په جدي رعايتولو سره دې د ځان او د نورو خلکو د روغتيا او سلامتيا په لاره کې  له پخوا زياتې هلې ځلې وکړي.
   ختم _ج – اکرم

-کابل /دوري ١٠مه / باختر :
دکورنيو چارو وزارت دکرونا ويروس د خپريدو دمخنيوي په خاطر ٤٠٠ روږدي کسان  دکابل ښار له بېلابېلو ناحيو څخه راټول کړل.
د باختراژانس د خبريال د خبرله مخې؛ دکورنيو چارو وزارت د وياند مرستياله مروا اميني وايي چې د کورنيو چارو وزارت له نشه يي توکوسره د مبارزې پوليسو د عامې روغتيا وزارت په همکارۍ  د کرونا ويروس د خپريدو د مخنيوي په خاطر په نشه يي توکو  ٤٠٠ روږدي کسان  دکابل ښار له درېيمې، پنځمې، شپږمې او  ديارلسمې ناحيو څخه راټول کړل.
هغې وويل:  دغه روږدي کسان يومناسب ځاى ته لېږدول شوي دي.
  ختم _ج_ اکرم

-کابل /دوري ١٠مه / باختر :
داړيکو او ستراتيژيکې ادارې رييس وايي:  مرکچي هيئت د افغانستان د ټولو قشرونو استازيتوب کوي او د جمهوريت په کچه بشپړه سياسي اجماع شتون لري.
د باختراژانس د خبريال د خبرله مخې؛ د جمهوري رياست د عامه او ستراتيژيکي اړيکو ادارې رييس وحيد عمر نن په يوه خبري غونډه کې د مرکچي هيئت د ټاکنې په اړوند وويل: د افغانستان د اسلامي جمهوريت  د مرکچي هيئت د غړو په ټاکنه کې چې دوې ورځې مخکې  اعلام شو له ټولو اقشارو سره زياتې سلامشورې شوې دي.
هغه زياته کړه: د دې لپاره چې هيئت وکولاى شي  اغيزمن وي او د افغانستان د ټولو قشرونو استازيتوب وکړي د جمهوريت په کچه  بشپړې  سياسي اجماع شتون درلود.
هغه دغه راز  وويل:  د افغانستان د اسلامي جمهوريت د هيئت په ترکيب کې چې د ټولو خلکو  استازيتوب کوي د عالمانو، مدني فعالانو، ښځو، سياسي بهيرونو او د حکومت  استازي ګډون لري چې په ټوليزه توګه داسې يو هيئت دى  چې د يو متحد او ځواکمن  افغانستان په استازيتوب په خبرو کې ګډون کوي.
هغه په دې باندې په ټينګار سره  چې د افغانستان اسلامي جمهوريت هيڅکله داسې نه دي ويلي:  هغه هئيت چې د طالبانو له خوا ټاکل کېږي ، څه ډول وي.
هغه له طالبانو څخه هم وغوښتل چې نورې پلمې جوړې نه کړي.
هغه زياته کړه:  دې ته په اشارې سره  چې د افغانستان اسلامي جمهوريت له خوا ټول اقدامات ترسره شوي او وروستى  د مرکچي هيئت ټاکل و.
هغه له طالبانو هم وغوښتل چې د مستقيمو خبرو د پيل لپاره دې خپل هيئت وټاکي.
هغه وويل:  د افغانستان د اسلامي جمهوريت له خوامرکچي هيئت ټاکل شوى او هر وخت چې  طالبان  خپل  واکمن مرکچي هئيت  وټاکي مستقيمې خبرې به پيل کړ و.
  ختم_ ج _ اکرم

-کابل /دوري ١٠مه / باختر :
کابل ښاروالۍ دکرونا ويروس پر وړاندې زيانمنونکې سيمې د ښار په بېلابېلو ناحيو کې عفوني ضد کړې.
د باختراژانس د خبرله مخې؛  کابل ښاروالۍ  د کابل ښار  د زيانمنونکو سيمو د عفوني ضد پروګرام په دوام  په موجودو امکاناتو سره  د کرونا ويروس  د مخنيوي په خاطر د کابل ښاروالۍ يوشمېر ناحيو بېلابيلې سيمې له تانکري وسايطو څخه په استفادې سره  عفوني ضد کړې.
په دې پروګرام کې  چې دوې اوونۍ مخکې پيل شوى دى  لومړۍ،  دريېمه، پنځمه ، شپږمه، اتمه او ديارلسمې ناحيې ضد عفوني شوې دي.
د غه بهير به د کرونا ويروس د مخنيوي په خاطر د ښار په بېلابېلو سيمو کې دوام وکړي.
ختم_ ج _اکرم

کابل /دوري ١٠مه / باختر :
له ايران څخه ١٩ راستانه شوي کسان پرون  په پروان کې  قرنطين شول.
د پروان د عامې روغتيا رياست  يوه مسوول باختراژانس ته وويل: دغه کسان  خپلو کورونو ته د ستنيدو په وخت کې وپېژندل شول.
هغه زياته کړه چې دغه کسان  د سياه ګرد، بګرام او د جبل السراج ولسواليو او د پروان په مرکز کې  خپلو کورونو ته روان وو چې د پروان د عامې روغتيا رياست  د ګرځنده ټيم له خوا په جلا جلا ځايونو کې قرنطين شول.
  ختم_ ج – اکرم

-کابل /دوري ١٠مه / باختر :
د طالبانو د بريدونو شنډولو په خاطر نن  د بدخشان جرم ولسوالۍ ته  ځواکونه واستول شول.
د بدخشان د والي وياند نيک محمد نظري  باختراژانس ته وويل  چې د دغه ولايت پر جرم ولسوالۍ د وسله والو طالبانو د بريد په پايله کې  چې دوې ورځې مخکې يې وکړ څلور پوستې د پوځيانو له ادارې څخه ووتلې.
هغه وويل چې د دغو پوستو د بېرته نيولو او د طالبانو له شتون څخه  د جرم ولسوالۍ د بشپړ پاکولو لپاره  ډېر ژر عمليات پيلېږي.
  ختم_ ج _ اکرم

Sunday, 29 March 2020 10:22

خبرتيا!

-کابل /دوري ١٠مه / باختر :
دکابل ترافيکو د لوى مديريت خبرتيا
يو پنځوس کلن سړى چې هويت يې نه دى  تثبيت شوى او کريمي جامې يې په تن دي او سپين دستمال لري  د وري په ٨ نېټه  د دريمې ناحيې په مربوطاتو کې په ترافيکي پېښه کې مړ شوى  او مړى يې  د ساتنې لپاره  عدلي طب ته  لېږدول شوى دى.
د ارواښاد  خپلوان کولاى شي  چې مړى  دعدلي طب  له رياست څخه ترلاسه کړي او د زياتو معلوماتو ترلاسه کولو لپاره دې په دهمزنګ کې  دکابل ترافيکو د لوى مديريت  د پېښو د څېړنې امريت ته ورشي او يا دې له دغې شمېرې سره ٠٢٠٢٥٣٧١١ اړيکه ونيسي.
   ختم_ ج _اکرم

Page 1 of 8657