22 February 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

کابل باختر دسلواغې  ديرشمه :
په پنجشير ولايت کې دجهاد او مقاومت په دورې پورې اړونده څه دپاسه  درې سوه تاريخي ابدې پيژندل شوي او ثبتې شوې دي .
  په دغو ابدو کې دمجاهدينو قرارګاوې ، دمرکزونو قوماندانۍ ، پټنځي او ډله ئيز ًقبرونه  شاملې دي چې په شتل ،  عنابه ، رخه ، خينج ، درې ، پريانو او دپنجشير  دمرکز دابشار او بازارک  په ولسواليو کې موقعيت لري .
ده وويل چې  ٢٥٣ تاريخي ابدې  چې دجهاد او مقاومت په دورې پورې اړند دي دپنجشير دوالي له خوا دسروې يوټيم موظف شوي و  چې په روان کال کې وپيژندل شول اوثبت شوي دي .
ده زياته کړه چې ټاکل شوې ده  ددغو ابدو په بيا رغونې او نوي کولوکې به په راتلونکي کال کې ددغې ادارې له خوا لازم اقدامات ترلاس لاندې ونيول شي .
  ختم_ شکريه – اکرم

کابل باختر دسلواغې  ديرشمه :
دبلخ ولايت دزارع  ولسوالۍ يوشمير اوسيدونکي په دغه ولسوالۍ کې له ناامنيو څخه شکايت لري .
دباختراژانس دسيمه ئيز خبريال دخبرله مخې، ددغې ولسوالۍ يوشمير اوسيدونکي په مزارشريف  ښار کې  دولايتي شورا له مسوولينو سره په کتنه کې دزارع ولسوالۍ له وروستيو ناامنيو څخه شکايت لري او وايي چې غير مسوول وسله وال کسان دسيمه ئيزو پوليسو په نوم دخلکو دځورونې او کړونې سبب کېږي .
دوى  دزارع سيمه ئيز مسوولان هم په دې باب  د نه پاملرنې له امله تورنوي  او وايي چې هيڅوک له هغوى سره مرسته  نه ده کړې  دغه کسان چې ددوى دکورنيو  قاتلان دي ديوشمير سيمه ئيزو زورواکو له خوا يې ملاتړ کېږي .
دبلخ ولايت دامنيې قوماندانۍ وياند عادل شاه عادل ددغو ستونزو  په تاييدولو سره وايي چې پوليس دقانون په مطابق  دمجرمينو دنيولو لپاره  هلې ځلې کوي او له هغوى سره قانوني چلند کېږي .
  ختم_ عطاالله _ اکرم

کابل باختر دسلواغې  ديرشمه :
دازبکستان له مرستو څخه نن دوه امبولانسونه د سرپل ولايت دعامې روغتيا رياست ته وسپارل شول
دسرپل دعامې روغتيا  رييس ډاکتر نور احمد اسحق زي  د باختراژانس خبريال ته وويل چې يو امبولانس  دسرپل ښار روغتيايي  مرکز ته او يوبل  يې ددغه ولايت د سانچارک ولسوالۍ روغتيايي مرکز ته وسپارل شو
ويل کېږي ددغو امبولانسونو په سپارلو  سره دسيمو داوسيدونکو په تيره بيا د ښځو ستونزې اوارې شوې دي .
ختم_ شکريه _ اکرم

 

Tuesday, 19 February 2019 12:38

د اسعارو بيه

کابل\باختر\ د سلواغې د مياشتې٣٠
د کابل د شهزاده سراى د صرافانو د رييس د معلوماتو له مخې، نن له غرمې مخکې د بهرنيو پيسو په مقابل کې د افغانۍ ارزښت په دې ډول دى:
يو امريکايي ډالر پيرودل په 50/74  افغانۍ
يوانګليسي پونډ پيرودل په 96/00افغانۍ
يوه يورو پيرودل په 84/70 افغانۍ 
يو سعودي ريال پيرودل په  19/80افغانۍ
د اماراتو يو درهم پيرودل په 20/30  افغانۍ
زرپاکستانۍ کلدارې پيرودل په 535 افغانۍ
زر هندۍ کلدارې پيرودل په 1060 افغانۍ
زر ايراني تومان پيرودل په 06/10 افغانۍ
يو روسي روبل پيرودل په 1\10 افغانۍ        
پاى-سعيده

کابل باختر د سلواغې ۳۰ مه
افغان ځواکونو د کاپیسا ولایت د تګاب ولسوالۍ په مربوطاتو کې اتلس ډول ډول ماینونه کشف او شنډ کړي دي.
د ملي دفاع وزارت څخه نن سهار باختر اژانس ته په استول شوې خبرپاڼه  کې ویل شوي چې، دغه ماینونه تېره ورځ د افغان ځواکونو له لوري د ترسره شویو چاڼیزو عملیاتو په ترڅ کې کشف او شنډ کړای شوي دي.پای/وصال

کابل باختر د سلواغې ۳۰ مه
په تېرو۲۴ساعتو کې د هېواد په بېلابېلو سیمو کې د ګډو افغان ځواکونو له لوري د ترسره شویو عملیاتو په ترڅ کې ۲۴تنه ډار اچوونکي وژل شوي  او۱۳  تنه  نور ټپیان شوي دي .
د ملي دفاع وزارت څخه نن سهار باختر اژانس ته په استول شوې خبرپاڼه کې ویل شوي چې دغه عملیات د هوایي ځواکونو په  ملاتړ د ننګرهار، کاپیسا، غزني، پکتیا، پکتیکا، خوست، قندهار، بادغیس، فراه سرپل، بلخ ، تخار او د هلمند په ولایتونو کې تر سره شوي دي.پای/وصال

کابل باختر دسلواغې  ديرشمه :
په سمنګانو ولايت کې دافغاني سرې مياشتې دادارې له خوا په  ١٦٥ بې وزلو کورنيو مرستې  وويشلې شوې .
دسمنګانو ولايت دافغاني سرې مياشتې رييس محمد ظاهر اميري دباختراژانس خبريال ته وويل چې ددغه ولايت دحضرت سلطان په اوملي ، ګاودرې ،  ليلي ساى او اوچ قدوق کليو کې  ١٦ ټنه خوراکي  توکي  بې وزلو فقيرو ، کونډو ، او دمعلولو په کورنيو وويشل شول .
تيره اوونۍ هم دافغاني سرې مياشتې ادارې له خوا ٢٣ ټنه خوراکي توکي ددغې  ولسوالۍ په  ٢٣٥ مستحقو کورنيو وويشل شول او ددغو مرستو دويشلو لړۍ دوام لري .
ختم_شکريه _ اکرم

Tuesday, 19 February 2019 12:35

خبرتيا

کابل باختر دسلواغې  ديرشمه :
دکار او ټولنيزو چارو وزارت خبرتيا
دافغان _ کوريا دفني او حرفوي  زده کړو انستيتوت  د  ١٣٩٨ تعليمي کال  لپاره دقسمي  معلولينو او دشهيدانو دپاتې کسانو په ګډون ددولسمو ټولګيو ښځينه او نارينه فارغان دکمپيوتر ، ساختماني دموټر او دبريښنا دتخنيک او دانګليسي ژبې په  څانګو کې  محصلان مني  او دغه ر از دخياطۍ  او نلدواني په برخو کې د نهمو ټولګيو او له هغه څخه دلوړو ټولګيو فارغان مني  په شرايطو برابر  کسان  کولاى شي  دروان کال دکب دمياشتې  له اوومې نيټې  څخه تر اتلسمې نيټې پورې دتابعيت  له تذکرې  ددوو عکسونو او تعليمي سندونو سره دقرغې په سړک کې دسيلو دافشارو په ساحه کې دافغان کوريا دفني اوحرفوي  زده کړو انستيتوت ته ورشي .
  ختم_ ج _ اکرم

کابل \ باختر\ د سلواغې د مياشتې ٣٠ نېټه:
مرکزي بانک (۲٣) ميليونه ډالره د ليلام په ډول پلوري.
د دغه بانک په هغه ليک کې چې باختر آژانس ته ليږل شوى دى؛ ويل شوي دي:                د افغانستان بانک د روان کال د کب د مياشتې په ١ نېټه د چهار شنبې په ورځ (۲٣) ميليونه ډالره د ليلام په ډول پلوري.
په شرايطو برابر صرافانو او بانکونوته بلنه ورکول کيږي چې په دغو داوطلبيوکې ګډون وکړي او د ليلام ګټوونکي مکلفيت لري چې خپل حسابونه دې د ورځې تر پايه پورې تصفيه کړي  .
هغه صرافان چې تر اوسه پورې يو ميليونو او ۵۰۰ زره افغانۍ د تضمين په ليلامونوکې د ګډون په مقصدنه دي تحويل کړې؛ کولاى شي له داوطلبي څخه يوه ورځ مخکې دخپل تضمين پيسې تحويلې اوپه راتلوونکو ليلامونو کې دې ګډون وکړي.
د يادونې وړ بلل کيـــــږي چې د معاملاتـو د قسمي تسويې تر سره کول مجاز نه  دى، د  ليلام ګټوونکي دې د خپل ذمت پيسې ټولې يوځاى په نغدي ډول او په حوالــــې سره په ټاکلې موده کې په بانک کې تحويلې کړي.
پاى  \سعيده

 

جلال اباد باختر د سلواغې ۳۰ مه
د ننګرهار ولایت په چپرهار ولسوالۍ کې د اتو ميلیونو افغانیو په لګښت په ۲۲ کیلومترو سړک د جغل اچولو چارې پیل شوې.
ځايي  چارواکي وايي چې دغه سړک د چپرهار ولسوالۍ له تريلي څخه تر ماڼو پورې د ۲۲ کيلومترو په اندازه په خام ډول جوړېږي.
د چپرهار ولسوال صديق دولتزي د باختر اژانس سیمه ېیز خبریال ته وويل، چې ياد سړک د کليو پراختيا وزارت له لوري د اتو ميليونو افغانيو په لګښت رغول کېږي چې چارې به یې د دريو میاشتو په موده کې بشپړې شي.پای/وصال

Page 9 of 7402