26 September 2020

RSS Facebook

سوداگریز


تازه خبرونه

د سولې خبرې له خنډ سره مه مخ کوئ

کابل / د تلې ۵ مه / باختر په دوحه کې...

  نولس کیلوګرامه نشه یي توکي په تخار کې ترلاسه شول

نولس کیلوګرامه نشه یي توکي په تخار کې ترلاسه شول

کابل / د تلې ۵ مه / باختر د تخار پولیسو...

Youtube Player

khantry design

سوداگریز

سوداگریز

تعلمی

- کابل/ د تلې ٣ مه / باختر
د کانکور د آزموینو ملي ادارې نن د کانکور آزموینو له پايلو وروسته د کابل ښار د محمد آصف مایل لېسې فارغه شمسیه د ۱۳۹۹ کال د  کانکور د آزموینو لومړى مقام وګاټه.
د باختر آژانس د خبر له مخې؛ شمسیه د کانکور په دغو آزموینو کې د ۳۵۳ اعشاریه ۱۸۵ نمرو په ترلاسه کولو سره د کابل پوهنتون طب پوهنځي ته لاره وموندله.
ختم/ع



کابل/ د تلې لومړۍ / باختر

د کابل پوهنتون استاد پوهاند ډاکټر الف شاه ځدارن د ورپېښې ناروغۍ له امله نن د ۷۶ کلونو په عمر له نړۍ سترګې پټې کړې.

پوهاند ډاکټر الف شاه ځدارن د کابل پوهنتون د ښوونې او روزنې پوهنځی لوستی و او بیا یې په امریکا کې دوه ماسترۍ اخیستې وې – یوه په انسان پېژندنه او بله هم په لرغونپېژندنه کې. همدارنګه په انسان پېژندنه کې یې له امریکا څخه دوکتورا هم ترلاسه کړې وه.

ده د خپل عمر ډېر کلونه په کابل پوهنتون کې د استادۍ سپېڅلې دنده سرته ورسوله او د څو کلونو لپاره د کابل پوهنتون علمي مرستیال و. ګڼ محصلان یې وروزل، علمي آثار یې ولیکل او همدرانګه په ژباړه کې یې هم ځانګړی مهارت درلود او ډېر آثار یې ژباړلي دي. د ده مړینه د هېواد علمي کورنۍ ته ضایعه ده.

 

کابل / د تلې ۱ / باختر
د پکتیا احمد خېلو ولسوالۍ کې د حسن خېلو عالي لېسې ته د ۲۷ میلیونو افغانیو په لګښت ودانۍ جوړېږي.
ځايي چارواکي وايي چې د احمد خېلو لېسې ودانۍ چارې څه موده مخکې پیل شوې وې، خو په نیمايي کې پاتې شوې وې، اوس یې پاتې چارې بشپړېږي.
د پکتیا د والي ویاند عبدالرحمن منګل د باختر اژانس سیمه ییز خبریال ته وویل چې یادې  لېسې اته دورې فارغان ورکړي، خو له دې  وړاندې یې ودانۍ نه لرله او زده کوونکو به یې تر شنه اسمان لاندې او یا هم په خېمو کې زده کړې  کولې.
د یادونې وړ ده چې یاده ودانۍ د ښار جوړولو وزارت په مالي لګښت جوړېږي چې چارې به یې په راتلونکي کال کې بشپړې شي.
پای/وصال

 کابل / د وږي ٢٧مه / باختر
د نیمروز په چهاربرجک ولسوالۍ کې د یوه ښوونځي د ودانۍ د جوړولو کار بشپړ شو او نن پرانيستل شو.
د نیمروز د پوهنې رییس مسعود نوري باختر آژانس ته وویل چې د دغه ښوونځي ودانۍ د نیمروز په چهاربرجک ولسوالۍ کې د ١٠جریبه ځمکې په ساحه کې د څه دپاسه ۲۱ میلیونو افغانیو په لګښت په دوو پوړونو کې په پاخه او اساسي توکه جوړه شوې ده.
د دغه ښوونځي د ودانۍ په جوړېدو سره، سلګونو زده کوونکو ته د زده کړې ښه فضا برابره شوې ده.
ختم/ع

Page 1 of 350