20 May 2018

RSS Facebook

سوداگریز


تازه خبرونه

لس ميليونه يورو ليلامېږي

لس ميليونه يورو ليلامېږي

کابل \ باختر\ دغويي د مياشتې ٣٠ مه: مرکزي بانک (١٠)...

د اسلامي نړۍ د عالمانو کنفرانس جوړيږي

کابل \باختر دغويي دمياشتې ٣٠نيټه : د افغانستان د عالمانو د...

 د خپرونکو او کتاب پلورونکو ستونزې وڅيړلې شوې

د خپرونکو او کتاب پلورونکو ستونزې وڅيړلې شوې

کابل \باختر دغويي دمياشتې ٣٠نيټه : د اطلاعاتو او فرهنګ وزارت...

Youtube Player

khantry design

سوداگریز

سوداگریز

تعلمی

کابل باختر دثور ٢٧: د تخار پوهنتون د ژبو او ادبياتو د پوهنځي نوي تدريسي ودانۍ پرون ګټې اخستنې ته وسپارل شوه . د باختر آژانس د خبرله مخې ، دغه ودانۍ د لوړو زده کړو وزارت له بودجې څخه د شپږو ويشتو ميليونو افغانيو په لګښت په دوو پوړونوکې په پاخه او اساسي ډول جوړه شوې ده . دغه راز د دغې ودانۍ په پرانستلو سره د تخار پوهنتون د حقوقو او سياسي علومو د پوهنځي د تدريسي ودانۍ د جوړولو کار هم پيل شو . دغه ودانۍ د لوړو زده کړو وزارت له پرمختيايي بودجې څخه دڅه دپاسه ٧٥ مليونوافغانيو په لګښت په څلورو پوړونوکې په پاخه او اساسي ډول د ١٣٩٨ کال تر لومړيو وختو پورې جوړيږي . د دغو دوو پروژو په غونډه کې د تخار والي ډاکتر فضل الله مجددي ، دتخار پوهنتون رييس پوهنمل خير الدين خيرخواه، د دولتي ادارو رييسانو او دقومونو مشرانو او مخورو، دپوهنتون استادانو، محصلانو، کارکوونکو او خبريالانو ګډون کړى و . د تخار والي وويل چې د تخار پوهنتون دهغې مناسبې اراضۍ او موقعيت له مخې چې لري يې، دهېواد دځوانانو دفکري ودې او استعدادونو لپاره مناسب تحصيلي ځاى ى او په هغه کې د ودې او انکشاف ښه زمينه شته. ده دمرکزي دولت او د تخار له خلکو څخه وغوښتل چې د دغه علمي مرکز د لا زياتې ودې لپاره دې له هيڅ راز هڅو او همکاريو څخه ډډه ونه کړي . دتخار پوهنتون رييس وويل چې له خپلو ټولو همکارانو سره ژمن دى ترڅو د اړوندو مقاماتو په زيات ملاتړ او د تخار د خلکو په همکارۍ په نږدې راتلونکې کې دتخار پوهنتون د هېواد په کچه په يوه معتبر او معياري علمي بنسټ بدل کړي . ختم- ف _ اکرم

کابل باختر دثور ٢٧: د پروان ولايت دځوانانو لپاره د وياندۍ دفن روزنيز ورکشاپ پرون پاى ته ورسيد. د باختر آژانس دخبرله مخې، دغه روزنيز ورکشاپ د پروان ولايت د اطلاعاتو او فرهنګ رياست د ځوانانو د چارو د آمريت له خوا پنځوسو تنوځوانو هلکانو او نجونولپاره لس ورځې مخکې جوړ شوى و او د دغه ولايت د مسوولانو له خوا د تصديق ليکونو په ويشلو سره پاى ته ورسيد. د پروان ولايت د اطلاعاتو او فرهنګ رييس عبدالواحد هاشمي په دې غونډه کې وويل: د وياړ ځاى دى چې زموږ رسالتمندو او په ټولنې ژمنو ځوانانو د دغه شان روزنيزې برنامې په پاى ته رسولو سره خپل ظرفيت او استعداد نندارې ته وړاندې کړل او دغه برنامه د ځوانانو ترمنځ د وياندۍ فن ته وده ورکوي او هغوى کولاى شي خپلې نظريې په اغيزمنه توګه بيان کړې. هاشمي د وياندۍ فن په ټولنه کې د استعدادونو د ودې لپاره يوه ستره اړتيا وبلله او له ځوانانو څخه يې وغوښتل چې د بيان د فن له قدرت څخه په استفادې سره ستر رول ولوبوي او د يو والي او د يو بل منلو لپاره کار وکړي او د ناخوالو په له منځه وړلوکې جدي مبارزه وکړي . ختم_ ف _ اکرم

کابل باختر د ثور  ٢٥:
د تخار ولايت سل تنه نجونې نن د انګليسي  او کمپيوټر د زده کړې له يوه مرکز څخه فارغې شوې .
د تخار دښځو دچارو رييسې رزم اراحواش باختر آژانس ته وويل چې دغه پروګرام د اتو مياشتو لپاره د ښځو چارو د رياست په همکارۍ د اى خانم بنسټ له خوا ترسره  شو چې پکې دانګليسي او کمپيوټر په برخوکې محصلانو او زده کوونکو زده کړې وکړې.
حواش زياته کړه چې ددغه شان کورسونو جوړول د ښځو او نجونو د ظرفيتونو په لوړولوکې مثبته اغيزه لري .
  ختم_  ج _ اکرم

کابل \باختر دغويي دمياشتې ٢٤نيټه :
دنيمروز ولايت دفرخي ليسې  ددولسمو ټولګيو دزده کوونکو دښوونکي مقام ته ددرناوي په خاطر نن  جشن ونيوه.
دنيمروز ولايت دمرکز  له زرنج ښار څخه دباخترآژانس دخبريال دخبرله مخې ؛ په هغې غونډه کې چې په همدې مناسبت  جوړه شوې وه څو تنو  زده کوونکو د زده کوونکو دښوونې اوروزنې په لاره کې دښوونکو هلو ځلو ته  ددرناوي په اړوند خبرې وکړې  او دښوونکو دخدمتونوله امله يې قدردانې وکړه .  دغونډې يو شمير برخه والو دغه راز خپل شعرونه او مقالې ولوستلې .
پاى\ج\ ذ

Page 1 of 253