19 February 2020

RSS Facebook

سوداگریز


تازه خبرونه

درې وسله وال طالبان په هلمند کې ووژل شول

درې وسله وال طالبان په هلمند کې ووژل شول

کابل/د سلواغې۲۹مه/باختر د هلمند په نوزاد، سنګین او واشیر ولسوالیو کې...

په خوست کې ۶ تنه د جنايي جرمونو په تړاو ونیول شول

په خوست کې ۶ تنه د جنايي جرمونو په تړاو ونیول شول

متون/دسلواغې۲۹مه/باختر د خوست د ولایتي ادارې چارواکي وايي چې د دغه...

  په جوزجان کې د کارګرانو مظاهرې دوام لري

په جوزجان کې د کارګرانو مظاهرې دوام لري

کابل/ د سلواغې٢٩مه/ باختر په جوزجان کې د نفتو او ګازو...

Youtube Player

khantry design

سوداگریز

سوداگریز

تعلمی

کابل/ د سلواغې ٦ مه/ باختر
د خوست له ځینو ولسوالیو رارسېدلي رپوټونه څرګندوي چې هلته ولسونو د قومي جرګو له لارې پرېکړه کړې ده چې خپل بچیان ( هم هلکان او هم نجونې) به په نوي ښوونیز کال کې هرومرو په ښوونځيو کې شاملوي. د ولسونو دغه حرکت په حقیقت کې د پوهنې له ډګر سره د هغوی د کلک ملاتړ ښکارندویي کوي او دا کټ مټ هغه څه دي چې د هېواد د راتلونکي لپاره ستر ارزښت لري.
د هېواد سیاسي مفسر د ولسونو د دغه راز ملاتړ ارزښت ته کتنه کړې ده او لیکي:
د افغانستان په څېرد جګړه ځپلیو او وروسته پاتي هېوادونو تجربو دا ښودلې ده چې د دغو هېوادونو د سیاسي، اقتصادي او ټولنیز پرمختګ لپاره تر هرڅه وړاندې د پوهنې ډګر بیارغاونې، ودې او پرمختګ ته اړتیا لري. پوهنه د هر هېواد د اقتصادي او تولنیز پرمختګ بنسټ دی. په دغه ډګر کې پانګونه په حقیقت کې د هېواد پر راتلونکي پانګونه ده. شک نشته چې په تېرو اتلسو کلونوکې د پوهنې ډګر د بیارغاونې، ودې او پراختیا لپاره ډېر څه شوي دي، خو دا ډګر لا ډېر کار ته اړتیا لري. له بده مرغه تپل شویو جګړو د افغانستان د پوهنې ډګر ته تر ټولو ډېر زیان اړولی دی. همدا اوس د هېواد په یو شمېر سیموکې ښوونځي تړلي دي او ګن کوچنیان د زده کړو له امکاناتو محروم دي. پر دې سربېره په ځینو سیموکې یو شمېر کرغېړنې کړۍ په ښوونځیو کې د کوچنیانو په تېره بیا نجونو د شاملېدو پر خلاف منفي تبلیغات کوي او ان کورنۍ ګواښي چې خپلې نجونې ښوونځیو ته د زده کړو لپاره ونه لېږي.
په دغه راز حالت کې د ولسونو نقش ډېر مهم دی. اوس ښایي ټولو دغه ساده حقیقت درک کړی وي چې نالوستی انسان په اوسني عصرکې داسې دی لکه پټې سترګې. دا د ولس ستر ملي او اسلامي مسوولیت دی چې په کلکه د پوهنې ډګر په دفاع کې ودرېږي. د پوهنې دفاع او ملاتړ کوم تجریدي او انتزاعي مفهوم نه دی، بلکې داسې مفهوم دی چې د خلکو په ځانګړو عملي کړنو او اقداماتو  کې راڅرګندېدای شي. لومړی عملي ګام همدا دی چې خلک خپل بچیان په ښوونځیو کې شامل کړي او په دې برخه کې د نجونو او هلکانو ترمنځ هېڅ ډول توپیري چلند ونه کړي. ښوونځیو ته د نجونو استول همغومره مهم دي لکه څومره چې د هلکانو مهم دي. هېڅوک په هېڅ نامه او پلمه دا حق نه لري چې نجونې له زده کړو راوګرځوي او ښوونځیو ته یې پرې نه ږدي.
لکه پورته چې وویل شول په دې برخه کې د ولسونو نقش خورا مهم دی. د خوست د بېلابېلو ولسوالیو د خلکو وروستۍ پرېکړه د نورو ولسونو لپاره یوه ښه بېلګه کېدای شي. د خوست ولسونو پرېکړه کړې ده چې خپل ټول بچیان به په نوي تعلیمي کال کې په ښوونځیو کې شاملوي او که چا د جرګې له دغې پرېکړې سرغړونه وکړه، نو ناغه کېږي او د ولس پړې ته به غاړه ږدي. د خوست د پوهنپال ولس دغه پرېکړه د هراړخیز تایید او ملاتړ وړ ده.
همدارنګه د پوهنې وزارت دې د نورو ادارو او جوړښتونو په مرسته او ملاتړ هراړخیز تبلغاتي کمپاین پیل کړي او کورنۍ دې وهڅوي چې خپل کوچنیان  ښوونځیو ته واستوي.
له نن څخه  ۹۸ کاله وړاندې په هرات کې د پوهنې په ملاتړ یو کمپاین پيل شو. د غازي امان الله خان یو پروګرام د ښوونځیو جوړول وو. دا کار یې وکړ، خو له بده مرغه خلکو نه غوښتل چې خپل بچیان په ښوونځیو کې شامل کړي. هغه مهال صلاح الدین سلجوقي د هرات د پوهنې رییس و او ارواښاد بهره هم ورسره کار کاوه. دوی یو نوښت تر لاس لاندې ونیو او هغه دا چې په ښار او کلیو کې به ګرځېدل او کوچنۍ تمثیلي پارچې به یې وړاندې کولې. د ارواښاد بهره دغو تمثیلي او تیاتري پارچو خلک داسې وهڅول چې ډلې ډلې به د پوهنې ریاست ته تلل او خپل بچیان به یې په ښوونځیو کې شاملول. دغه راز نوښتونو ته اړتیا ده. ولس باید د پوهنې کلکه ننګه او ملاتړ وکړي او په دې  توګه د خپل هېواد روښانه راتلونکی تضمین کړي.
پاى/ن.ش

کابل  // دسلواغي ٣مه / باختر :
دپوهنې وزارت سرپرست  ډاکتر محمد ميرويس بلخي   دروزنې او پالنې د نړيوالې  ټولنې په هغه بين المللي کنفرانس کې چې په انګلستان کې جوړ شوى دى په خپلې وينا کې  په نړيواله کچه   دزده کړې دشاخصونو اوبدلونونو په يو خيل والي باندې ټينګار وکړ .
دباختراژانس دخبرله مخې ،ډاکتر بلخي دنړى له ګوټ ګوټ څخه  دپوهنې دڅه دپاسه  سلو وزيرانو اودغه راز له ښوونې او روزنې سره  دهمکارو بين المللي موسسو داستازو په غونډه کې  دافغانستان په ګډون دپرمختيايي  او له شخړې  وروسته  هېوادونو  دپوهنې د حالت  دڅېړنې په ترڅ کې په نړيواله کچه  دزده کړې دشاخصونو او بدلونونوديو خيل کولو  دڅرنګوالي په اړوند خبرې وکړې .
  دهېواد دپوهنې وزير په نړيواله کچه  دتعليمي سيستم  دديجتلي کولو چټکتيا او له دغه سيستم سره  دپرمختيايي او له جګړې وروسته هېوادونودپوهنې  د پيوستون اړتيا ته  په اشارې سره په دغو هېوادونوکې دزده کړيزو سيستمونو په بيا  تعريف او طرحې باندې ټينګار وکړ .
ډاکتر بلخي څرګنده کړه چې  دافغانستان دپوهنې وزارت مشرتوب  دپوهنې دلسيزې  دسند په باب  دکار په حال کې دى او ددغه سند په چوکاټ کې يوه مناسب  تعليمي سيستم ته  دلاسرسي لپاره ، بېلابېل   روزنيزو الګوګانې بررسي کوي .
دافغانستان دپوهنې وزارت سرپرست  دموخې ، لمنې او مفهوم په شان دهغو دبدلونونو پربنسټ دزده کړې دبيا تعريف  لپاره  ديوه تخنيکي پروګرام  دجوړولوغوښتنه وکړه او دهغه په وروستى پايلې  په نړيوالې  موافقې باندې ټينګار وکړ .
ديادونې وړ ده چې  دروزنې او پالنې  نړيواله ټولنه  کال په کال دغه بين المللي کنفرانس  دڅه دپاسه سلو هېوادونو  دپوهنې دوزيرانو  او استازو په شتون  دتعليمي   او روزنيزو خدمتونو دښه والي  او پرمختيا په تعليمي سيستمونو کې  دشتو ننګونو دارزونې اودغه راز په ښوونه او روزنه کې  له نويو  نړيوالو تګلارو څخه  دګټې اخستنې  په موخه  جوړوي . 
  ختم_ ف _اکرم

کابل / دمرغومي ٢٩مه / باختر :
د پنجشير د ښوونځيو د ساينسي څانګو د پنځوسو ښوونکو لپاره نن ددغه ولايت په مرکز کې روزنيز پروګرام جوړ شو .
د ظرفيت لوړولو ترعنوان لاندې دغه درې مياشتنى روزنيز پروګرام د پنجشير د پوهنې رياست، د دغه ولايت د مقام په همکارۍ جوړ کړى دى .
د پنجشير د پوهنې رييس عتيق الله کريم وويل چې په دغه روزنيز پروګرام کې به د رياضي، فزيک، مثلثاتو او هندسې ٥٠ ښځينه او نارينه ښوونکي وروزل شي.
  هغه زياته کړه چې دغه شان روزنيز پروګرامونه کال په کال د پنجشير د والي انجنير کمال الدين نظامي او د دغه ولايت د پوهنې رياست په نوښت په ژمي کې جوړيږي .
ويل کېږي په دغه پروګرام کې د پنجشير د اووګونو ولسواليو او د دغه ولايت د مرکز بازارک له ښوونځيو څخه د ياضي څانګې ښوونکي ګډون لري.
ختم_ ف _اکرم

 

-کابل /دمرغومي  ٢٧مه /باختر :
دلوړو زده کړو وزارت خبرتيا
دازبکستان هېواد دليسانس ددورې دتحصيلي بورسونو خبرتيا
  په کابل کې دازبکستان سفارت د ٢٠٢٠  او ٢٠٢١ کلونولپاره په بېلابېلو څانګو کې دلوړو زده کړو وزارت ته ددغه هېواد د ٥٠ تحصيلي بورسونو دورکړې خبرورکړى دى .
دغه بورسونه پخوا دهېواد دپوهنتونونو په شرايطو برابرو محصلانو لپاره ځانګړي شوي و .
  لکه څنګه چې ولېدل شول  يوشمېر دغه محصلان  تراوسه پورې له دغو بورسونو څخه ګټې اخستنې ته حاضر شوي نه دي له دې امله دغه بورسونه دلاندې شرطونو په پام کې نيولو سره په ازاد ډول اعلامېږي .
  غوښتونکي له  ١٣٩٥  څخه تر ١٣٩٨ کلونو پورې ددولسموټولګيو فارغان وي ، دنمرو فيصدي يې له ٧٠ سلنې  څخه لوړه وي ، تعليمي سندونه ، دفراغت سند اودتابعيت تذکره ولري .
په شرايطو برابر مينه وال چې په دغو بورسونو کې  دنوم ليکنې  غوښتونکي وي کولاى شي دروان کال دمرغومي  تر  ٣٠ پورې دنوم ليکنې او دسندونو دسپارلو په مقصد دلوړو زده کړو وزارت دمننودڅانګې  ٢١ غرفې ته مراجعه وکړي.
  دغه راز نوماندان مکلف دي خپل ځان په ويب ساپت (sms.mohe.gov.af
هم ثبت کړي په هغه صورت کې چې دغوښتونکو شمېر له موجودو بورسونو  څخه زيات شي دښوونځي ددرې کلنو لوړو نمرو دفيصدي په پام کې  نيولو سره به انتخاب شي .
غوښتونکي  کولاى شي دزياتو معلوماتو لپاره دلوړو  زده کړو  وزارت ويب سايت (    /https://mohe.gov.af         مراجعه وکړي .
  ختم_ ف _ اکرم

Page 3 of 330