24 September 2020

RSS Facebook

سوداگریز


تازه خبرونه

جمهوررئیس محمد اشرف غني د پاکستان د نوي سفیر باورلیک ومانه

جمهوررئیس محمد اشرف غني د پاکستان د نوي سفیر باورلیک ومانه

کابل/ د تلې ۳مه/ باختر د افغانستان د اسلامي جمهوریت...

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

Youtube Player

khantry design

سوداگریز

سوداگریز

تعلمی

کابل د وږي ۱۳ باختر ۲۵۰ زده کوونکي په هرات کې د یولومړنۍ ښوونځي د کار په بشپړېدوسره د زده کړې له مناسب چاپیریال څخه برخمن شول . د کلیو د بیا رغاونې او پرمختیا وزارت ویاند نن په یوه اړیکه کې د باخترآژانس خبریال ته وویل چې په دغه ښوونځي کې ۶ درسي خونې او نوراړین ملحقات شامل دي چې د ولسي تړون د ملي پروګرام له لارې د هرات ولایت د کرخ ولسوالۍ په کشک ترین سرپل کلي کې بشپړشوی دی . ختم ع

کابل د وږي ۱۳ باختر ۳۵۰ زده کوونکي په کندز کې د یو لومړنی ښوونځي د ودانۍ د جوړولو کارپه بشپړېدوسره د زده کړې له مناسب چاپیریال څخه برخمن شول . د کلیو د بیا جوړونې او پرمختیا وزارت ویاند فریدون آژند نن د باخترآژانس خبریال ته وویل چې په دغه ښوونځي کې ۱۲ درسي، ۲ ادارې خونې او ۵ تشنابونه شامل دي چې د دغه وزارت د ولسي تړون د ملي پروګرام له لارې د دغه ولایت د دشت ارچي ولسوالۍ په حاجي محمد خان کلي کې د څه نا څه اته میلیونوافغانیوپه لګښت بشپړشوى دى ختم ع

-کابل /دوږي ١١مه /باختر :
د غزني د ادارې او حسابدارى  انستيتوت  د ودانۍ کار بشپړاو نن پرانستل شوه
د غزني د والي وياند وحيد الله جمعه زاده باختراژانس ته وويل چې د دغه ولايت د ادارې اوحسابدارى د انستيتوت  تدريسي او اداري ودانۍ د هندوستان په مرسته  د نولسو ميليونوافغانيو په لګښت جوړه شوې ده .
هغه زياته کړه : دغه ودانۍ په دوو پوړونوکې  جوړه شوې ده  چې د کمپيوتر د خونې اوکتابتون په ګډون  ١٤ درسي او ٦ اداري خونې لري .
د غزني د تخنيکي اومسلکي تعليماتو  د ادارې مسوول  نعمت الله مومند وايي چې د ادارې اوحسابدارى انستيتوت مخکې له دې په کرايي کورونوکې له زياتو ستونزو سره فعاليت کاوه .
د يادونې وړ ده  چې اوس پنځه سوه محصلان په بېلابېلو څانګوکې په دغه انستيتوت کې  په زده کړه بوخت دي .
ختم_ج _اکرم

- کابل/ د وږي ۱۰مه / باختر
د خوست اسماعیل خېلو او مندزیو ولسوالۍ په برخانخېلو کلي کې استاد محمد ریحان سعید له دندې سره سره د ورځې په پای کې په وړیا ډول د خپل کلي ماشومانو او لویانو ته انګلیسي ورزده کوي .
د پامیر خصوصي پوهنتون د ژبو ادبیاتو پوهنځي ريیس او د عالي دارالمعلمین استاد محمد ریحان سعید وایي: " له تېر یو نیم کال راهېسې (۳۵۰) زده کوونکو ته په خپله حجره کې په وړیا ډول هر ماښام تر ناوخته انګلیسي ژبه تدریس کوم چې په دغو زده کوونکو کې په ماشومانو سربېره لویان هم شامل دي."
ریحان وایي چې ولسوالي مو تر ښاره لرې ده او نه شي کولای چې زده کوونکي په شخصي لګښتونو په ښار کې زده کړې وکړي.
استاد وايي: " د ښار او ولسوالۍ ترمنځ مو (۲۵) کیلومتره لاره ده، بې وزله زده کوونکي نه شي کولای چې ترښاره لاړ شي او په شخصي لګښت هلته په انګلیسي او نورو برخو کې زده کړې وکړي، د همدې بې وزله زده کوونکو د غوښتنې له امله مې دلته درسونه پیل کړل چې اوس۳۵۰ زده کوونکو ته په څلورو ټولګیو کې تدریس کوم، د تدریس په موادو کې اکسفورډ پروګرام، انټرچینج سیستم او د اډوانس ګرامر شامل دي."
د دغه وړیا ښوونیز مرکز زده کوونکي مجاهد الله برخانخېل باختر آژانس ته وویل: "خوشحاله یم چې په خپل کلي کې په وړیا ډول د انګلیسي زده کړې کوم، د زده کړو په پیل سره په ځان کې مثبت بدلون وینم، په لیکلو او لوستلو سربېره کولای شم چې په انګلیسي ژبه روانې خبرې وکړم."
روښان هم د همدې ښوونیز مرکز زده کوونکی دی او وايي: " موږ کولای نه شول چې د بې وزلۍ له امله د انګلیسي زده کړې وکړو، خو اوس موږ ته دا فرصت برابر شوی دی چې دلته په وړیا ډول انګلیسي زده کړو، اوس د خپلو ژبو سربېره انګلیسي زده کړه هم د وخت اړتیا ده."
ډېر شمېر لوستي کسان په دې آند دي چې که هر ښوونکی د ریحان په څېر له رسمي دندې سره سره یو ساعت په خپل کلي کې زده کوونکو ته ځانګړی کړي دا به یې له خپل کلي او هېواد سره ستره مرسته وي.
پای/وصال

Page 3 of 350