24 April 2018

RSS Facebook

سوداگریز


تازه خبرونه

په فراه کې وسله والو طالبانو ته د سردروند زيان اوښتى دى .

کابل باختر دثور څلورمه په فراه ولايت کې د وسله...

د کونړ ديني عالمانو د جمهور ريېس له طرحې څخه خپل ملاتړ اعلام کړ

اسعد اباد باختر د غويي د مياشتې ٤ مه په هېواد...

Youtube Player

khantry design

سوداگریز

سوداگریز

تعلمی

کابل باختر  دکب دري ويشتمه

  دلوړو زده کړو وزير تير ماښام په کابل کې دايران داسلامي جمهوريت له سفير سره وکتل .

  دباختر اژانس دخبر له مخې،  په دې کتنه کې دلوړو زده کړو وزير ډاکتر عبيدالله عبيد ددواړو ګاونډيو هيوادونو دتاريخي او فرهنګي اړيکو په باب خبرې وکړې اودهيواد دلوړو زده کړو له وزارت او په تيره بيا دتحصيلي بورسونو په زياتولو، دعلمي اوفرهنګي پروګرامونو دجوړولو ، ددواړو  هيوادونو دپوهنتونونو داستادانو ترمنځ دتجربو دتبادلي ، دتحقيقاتي اوڅيړنيزو مرکزونو دجوړولو او دهيواد دلوړو زده کړو موسسو  دبيا رغونې په برخه کې يې  دايران دمرستو غوښتنه وکړه .

 په مقابل کې په کابل کې  دايران داسلامي جمهوريت سفير ډاکتر  فداحسين مالکي دلوړو زده کړو وزارت ته دپنځوکپيوترونو دورکولو په ترڅ کې په دغو برخو او دغه راز دلوړو زده کړووزارت دکتابتونونو  او لابراتوارونو په سمبالولو کې  دهمکاري ژمنه وکړه

کابل باختردکب دمياشتې ٢٣ :

 دپنجشيرولايت ملي سوداګرو ددغه ولايت دپوهنې له رياست سره  دپنځه سوه زرو امريکايي ډالرو مرسته وکړه .

دپنجشير ولايت دپوهني رييس  عبدالمقيم حليمي باختراژانس ته وويل دپنجشيرولايت دملي سوداګرو او پوهنپالو خلکو له دغي مرستي څخه په دغه ولايت کې دپوهنې دظرفيت او کيفيت دلوړولو په خاطر کار اخيستل کيږي .

ده زياته کړه  چي له دغي مرستي څخه  په استفادي سره  دپنجشير دښوونځيو دښوونکو دمسلکي پوهي دلوړولو په خاطر ، روزنيز پروګرامونه جوړيږي لکه څنګه  چې څه موده مخکي دساينس  دمضمونونو ښوونکو ته  روزنيزمسلکي کورس  جوړشوي و چې په نږدي راتلوونکي کې پاى ته رسيږي.

حليمي زياته کړه په پام کې  دي چې دپنجشير ولايت دښوونځيو اوليسو دلسمو ، يوولسمو او دوولسمو ټولګيو زده کوونکو ته دهغوي ددرسي ساعتونو له پاي ته رسيدو وروسته هره ورځ ددوو ساعتونو لپاره  درياضي ، فزيک ، بيولو ژي کيما ،. هندسي اومثلثاتو دمضمونونو اوسربيره پردي  ددولسمو ټولګيو زده کوونکو ته دکانکور دتياري  دلوست پروګرامونه هم جوړشي او لوست ورکړي شي .

دغه راز په هغو مضمنونو کي  چي دتکړه مسلکي ښوونکو کمښت احساسيږي  مجرب ښوونکي استخدام اوهغوي ته به مناسب معاش ورکړي شي .

دپنجشيرولايت دپوهنې رييس ددغه ولايت  له پوهنې سره دملي سوداګرو دمرستي له امله دقدر دانۍ په ترڅ کې وويل چي له دغي مرستي څخه دسيمينارونو ،ورکشاپونو ، دنورو روزنيزو پروګرامونو دجوړولو  او دپنجشيرولايت دپوهنې دکيفيت اوظرفيت دلوړولو په مقصد دتجهيزاتو اودکمپيوتري وسايلو دبرابرولو په خاطر کار اخيستلي کيږئ

د ه دهيواد له ملي سوداګر او پوهنپاولو هيوادوالو څخه وغوښتل  چې دپوهني دکيفيت دښه والي په  خاطر  دهيواد له بچيانوسره مرسته وکړي  چې دعلم اوپوهي دلازياتي غوړيدوله لاري  هيواد دترقي اوپرمختګ په لور رهبري شي .

دغه تکي دجمهور رييس مرستيال محمد کريم خليلي دمحمد اصف مايل  ليسې  له مسوولينو او استادانو سره په کتنه کې څرګند کړ .

 دجمهوري رياست  مطبوعاتي دفتر باختر اژانس ته خبر ورکړ په دي کتنه کې چي دمحمد اصف مايل ليسې مسوولين او يوزيات شمير ښوونکي حاضر و لومړۍ   برخه والو  ددغي ليسې د ستونزو په باب دجمهور رييس مرستيال ته رپوټ ورکړاو په دي برخه کي يي ددولت دجدي پاملرني غوښتنه وکړه .

 ديو تن چارواکي دڅرګندونو له مخې دغه ليسه  چې اوس نږدي لس زره تنه زده کوونکي لري دزده کوونکو  دشمير زياتوالي او ددرسي خونوکمښت ته په پاملرني سره دوو نورو درسي بلاکونو جوړولوته  زياته اړتيا لري .

 دليسې دبريښنا تامينول ، داوبورسولو  دسيستم فعالولو او د څښاک داوبو لپاره دژوري څاه کيندل  او دليسې د انګړ  سمسورتيا داصف مايل دليسې داستادانو نوري غوښتني وي  چې دجمهور رييس له مرستيال سره يي طرحه کړې .

  وروسته دجمهور رييس مرستيال ددغي ليسي دښوونکو د هلوځلو اوکوښښونو له امله دمنني او ستايني په ترڅ کې دهيواد دبچيانو ښوونې اوروزنې ته دپاملرني په لاره کې دهيواد دودي اوپرمختګ بنسټ د روزنې په بنسټونوکې په بدلون پوري اړوند وبلل اوزياته يي کړه چې دنورو انساني ټولنو تجربو ښودلي ده چې په پرمختګ او ترقي برلاسي  يواځي دعلمي ودي له لاري امکان لري .

  ده داصف مايل  دليسې داستادانودستونزو او غوښتنو دڅيړنې ډاډ ورکړاو زياته يي کړه دعلمي اوروزنيزو مرکزونو پرمختګ  او بشپړتيا ته پاملرنه ددولت اساسي لومړيتوبونه ده  .

 دکتنې په پاى کې دمحمد اصف مايل ليسې استادانو دپوهنې دپرمختيا او ودي په ملاتړ له دي جملي څخه دغي ليسې ته  دجمهور رييس دمرستيال دځانګړي پاملرني له امله  دستايني دلوحي په ورکولوسره چې دسيمې داوسيدونکو . زده کوونکو او د ليسې دمسوولينو له خوا برابره شوې وه دده ستاينه وکړه .

  دنبي زاده خيريه مرکز نن دبلخ ولايت دپوهنې له رياست سره  ددوه سوه ميزونو اوڅوکيو مرسته وکړه .

 دباختر اژانس دخبر له مخې له ليسو اوښوونځيو  سره دخيريه موسسو له خوا دپوهنپالو مرستو په دوام دنبي زاده  خيريه مرکز  دبلخ ولايت دمزارشريف ښار دغياث الدين له عالي ليسې سره دسلو  څوکيو  او دشهيد مزاري له ليسې سره دسلو ميزونو مرسته وکړه .

 په هغو غونډو کې چې له همدي امله ددغوښوونځيو په انګړونوکې  جوړي شوي وې دبلخ ولايت  دپوهنې رييس دنبي زاده  له خيريه مرکز څخه دمننې د څرګندولو په ترڅ کې له پوهنې سره دنورو موسسو دلازياتو همکاريو غوښتنه وکړه .