10 December 2018

RSS Facebook

سوداگریز


تازه خبرونه

جمهوررئیس غني: زما او د حکومت اراده داده چې د فساد رېښې وچې شي

جمهوررئیس غني: زما او د حکومت اراده داده چې د فساد رېښې وچې شي

کابل باختر د ليندى اتلسمه : د افغانستان د اسلامي جمهوریت...

په يکاولنګ  کې ددووښوونځيو ودانۍ  ګټې  اخستنې ته وسپارل شوې

په يکاولنګ کې ددووښوونځيو ودانۍ ګټې اخستنې ته وسپارل شوې

کابل باختر د ليندى اتلسمه : دباميانو ولايت په يکاولنګ ...

Youtube Player

khantry design

سوداگریز

سوداگریز

تعلمی

کابل باختر دمرغومي  دري  ويشتمه

  په سمنګانو  کې ددولسمو ټولګيو فارغانو نن ددولتي لوړو زده کړو په موسسو کې دلاري موندنې  په خاطر ازموينه ورکړه .

 دمسوولينو د څرګندونوله مخې، په دې ازموينه کې  ددرې سوه څلور شپيتو  تنو نجونو په ګډون ددولسمو ټولګيو يو زرو دوه سوه دري ديرشو تنو فارغانو ګدون کړي  وو .

  په سمنګانو کې  دکانکور ازموينې داخستلو يو تن  چارواکي دباختراطلاعاتي اژانس ته وويل چې په سمنګانو کې دکانکور دازموينې اخستل ځوانانو او په تيره بيا په دغه ازموينه کې دنجونولپاره زمينه برابره کړې ده پخو ا دسمنګانو ولايت دښوونځيو دفارغانو ازموينه په مزارشريف کې اخستل کيده خو دوه کاله کيږي چې دغه  ازموينه اوس په دغه ولايت کې اخستل کيږي

 افسانه هغه  نجلې ده چې په زياتي هيلې سره يې په سمنګانو کې ازموينه ورکړه چې په راتونکي کې ديپلوماته شي .

 دې له  دې امله چې ددوى په ولايت کې دازموينې دورکولو زمينه  برابره شوې ده خوشحاله ده خو له دولت څخه يې  وغوښتل ددې لپاره چې نجونې وکولاي  شي لوړي زده کړې وکړي په دغه ولايت کې يو پوهنتون جوړ کړي . اوس دسمنګانو ولايت پوهنتون نه  لري  په دغه ولايت کې يواځي دښوونکو دروزنې يومرکز شته .

 دافسانې د څرګندونو له مخې  دپوهنتون نشتوالي ددې سبب شوى دى چې زياتره نجونې  دکورنيو ستونزو اوپه ټولنې دواکمن سنتي  حالت له امله ونه شي  کړاي دزده کړې په خاطر نورو ولايتونو ته لاړې شي او يواځي ددولسم ټولګي په زده کړه بسنه وکړي .

 دهيواد په کچه دکانکور ازموينې دپاى په درشل کې  دلوړو زده کړو وزارت مقامات وايي چې دوى هلې ځلې کوي چې دظرفيت په جوړولو  سره دلوړو زده کړو په دولتي مرکزونو  کې دجذب کچه زياته کړي .

 دلوړو زده کړو وزارت دويندوى پوهنمل نور بخش د څرګندونو له مخې، سږ کال ددولسمو ټولګيو يو سلو پنځوس زره تنه فارغان دکانکور ازموينه  تيروي چې يواځي نوي زره به يې  د لوړو زده کړو  اونيمه لوړو زده کړو په  يو اويا دولتي تحصيلي  مرکزونو کې جذب شي .

  پوهنمل نور بخش  وايي دوى هلې ځلې کوي چې له دې زيات دظرفيت  په جوړولو سره دلوړو زده کړو په دولتي مرکزونوکې دجذب کچه لوړه کړي .

کابل باختر دمرغومي  دري  ويشتمه

قانون پوه سرور دانش ددواړو هيوادونو افغانستان اومصر د تحصيلي مرکزونو ترمنځ  دعلمي او اکاډميکو اړيکو دپراختيا غوښتنه وکړه .

 دباختر اطلاعاتي اژانس ته دلوړو زده کړو وزارت  دخپرونو او اطلاعاتو رياست دمعلوماتو له مخې ، دلوړو زده کړو  دوزارت سرپرست  په هغه کتنه کې  چې په کابل کې دمصر له سفير عبدالرحمن ماجد سره پرون وکړه، ددغه وزارت  د پروګرامونو په باب  خبرې وکړې.   زموږ  دهيواد له تحصيلي  مرکزونوسره دعلمي  تجربو دماستري  او دکتورا  دبورسونو په برخه کې  د مصر  دپوهنتونونو  دعلمي  او اکاډميکو همکاريو دپراختيا غوښتنه وکړه .

 وروسته عبدالرحمن ماجد وويل: هيواد يې   له افغانستان سره دلوړو زده کړو په برخه کې زياتو همکاريو ته  چمتو دى  او ددغه شان همکاريو دشرايطو دبرابرولو په برخه  کې به  هلې ځلې وکړي .

 دغه راز په دې کتنه کې  دمصر سفير څرګنده کړه ،ددواړو هيوادونو  د تحصيلي مرکزونو دتجربو دتبادلې  په خاطر مصر ته دافغانستان  دپوهنتونونو د رئيسانو ته دسفر  زمينه برابروي .

 ده په راتلونکي لمريز کال کې  خپل هيواد ته دافغاني استادانو او محصلانو لپاره د بورسونو  دبرابرولو له لاري  دعلمي او اکاډميکو اړيکو دپراختيا  ژمنه وکړه . او دلوړو زده کړو وزارت سرپرست ته يې  بلنه ورکړه  چې دغه هيواد ته سفر وکړي .

  اوس دمصر په نامتو پوهنتونونوکې دوه سوه تنه افغان محصلان او استادان ددکتورا په زده کړي بوخت دي . او په عمومي ډول  په بهرنيو هيوادونوکې  څه ناڅه لس زره  افغان محصلان په زده کړه بوخت دي .

کابل باخترد جدي  دمياشتې ٢١ :

دکابل دښوونې او روزنې پوهنتون دټولنيزو علومو دپوهنځي داته ويشتمي دوري فارغانو  نن ديوې غونډي په ترڅ کې دخپل فراغت جشن جوړ کړ.

دباخترداطلاعاتي اژانس دخبريال دخبرله مخې دکابل دښوونې او روزنې  پوهنتون دټولنيزو علومو دپوهنځي دتاريخ اوجغرافيې له ديپارتمنت څخه  پنځه ديرش تنه نجونې او هلکان فارغ شول.

دغه غونډه   دکابل دښوونې اوروزنې پوهنتون دګڼ شمير مسوولينو استادانو اوځينو محصلانو اودفارغانو دخپلوانو او مشرانو په گډون جوړه شوه .

په غونډه کې دکابل دښوونې او روزنې پوهنتون علمي مرستيال اوسرپرست  پوهاند ميرمحمداحمدي خبري وکړي او ددغه پوهنتون فارغان يې دخلکو او هيواد په وړاندې خپلو مسووليتونو ته ځيرکړل.

ددي دوري يوي فارغې خورشيدګيتې چې خپله  زده کړه يې  په لومړي درجه پاى ته رسولې ده له مسوولينو څخه وغوښتل چې فارغانو ته دکار زمينه برابره کړي چې خپلې زده کړي په عمل کې پلې کړي.

دکابل دښوونې او  روزنې په پوهنتون کې نږدي اووه زره تنه محصلان چې زياتره يې نجونې دي په  زده کړه بوخت دي او هرکال نږدي زر تنه په بيلابيلوځانګو کې له دغه پوهنتون څخه فارغيږي .

کابل\ باختر\ د مرغومي ٢١ مــــــه

د کنړ ولايت د پوهنې مسوولين وايي چې په دغه ولايت کې  دښځو او نارينه و د باسواده کولو بهير ګړندي کړي دي

 ددوى دڅرګندونو له مخې : د ليک لوست د زده کړى د اته سوه مرکزونو په جوړ ولو سره هلې ځلې کوي چې په دغه ولايت کې ټول بيسواده و ګړي باسواده کړي.

د وړاندې شويو شميرنو له مخې : په دغه ولايت کې دټولو وګړو په سلو کې پنځوس بيسواده دي .

د کند هار ولايت د پوهنې رياست تدريسي مرستيال عبد القوي منصف پرون په دغه ولايت کې دليک لوست له مرکزونو څخه دڅلور سوه پنځوسو تنو ښځو او نارينه و د فراغت په مراسمو کې وويل په پام کې دي چې په دغه ولايت کې په زرګونه کسان دروزنيزو مرکزونو په راتلونکو دورو کې ليک لوست زده کړي

 دمنصف دڅرګندونو له مخې دوى په کند هار کې بيسواده کسان د ليک لوست د زده کړي په څلور مياشتنيو کور سونو کې له نوم ليکنې وروسته تنظيموي

 د کندهار ولايت د پوهنې درياست له خوا د وړاندې شويو شميرنو  له مخې : دغه رياست له اتلو کلونو را په ديخوا اته زره تنه ښځې او نارينه باسواده کړي دي.