15 September 2019

RSS Facebook

سوداگریز


تازه خبرونه

د خواجه ملک سبزعلي تاريخي څلى بيا رغاول کېږي

د خواجه ملک سبزعلي تاريخي څلى بيا رغاول کېږي

کابل/ باختر/ د وږي٢٣مه په لوګرکې د خواجه ملک...

په بغلان کې له ازبکستان څخه د وارداتي برېښنا د ستنې ويجاړېدل

په بغلان کې له ازبکستان څخه د وارداتي برېښنا د ستنې ويجاړېدل

کابل/باختر/ د وږي ۲۳ مه وسله والو طالبانو بيا هم تېر...

Youtube Player

khantry design

سوداگریز

سوداگریز

تعلمی

کابل  /  باختر دسلواغې  ٣٠ مه

   دمشرانوجرګي رئيس فضل هادي مسلم يارنن،دننګرهار پوهنتون داړيكو

اوتفاهم دكميټي له غړوسره دمشرانو جرګي دكنفرانسونوپه تالاركې وكتل.

دمشرانو جرګي مطبوعاتي دفتر دباختر اطلاعاتي اژانس ته خبر ورکړ

 

  په كتنه كې چې دننګرهارولايت سناتورحاجي لطف الله بابااودولسي جرګي غړو هريو حاجي صالح محمد صالح اوداكترعصمت الله شينواري هم ګډون درلود،ددي كميټي غړي او ددغه  پوهنتون داقتصاد دپوهنځي رئيس،دخبرو په ترځ كي ددي پوهنتون د تحصيلي وړتيااودشتو ستونزوپه باب معلومات وړاندي كړل او زياته ئي كړه چې دننګر هارپوهنتون دهيواد په كچه دويم پوهنتون دي اواوس په دې پوهنتون كي دهيواد له بيلا بيلوولايتونو څخه،څه دپاسه اووه زره محصلان په زده كړه بوخت دي،خوله بده مرغه تر اوسه پوري ددغه پوهنتون ته پرمختيائي بودجه په پام كي نه ده نيول شوي  ده په خپلوخبروكي شپږو پوهنځيو  ته دوادنيو   اودرسي خونونشتوالي اوهمدارازد پرمختللي

تكنالوژي دتجهيزاتو،جامع جومات اوپاركونو نه شتون ئي ددي پوهنتون اساسي ستونزي   وبللي  اووئي ويل چې څوكاله  مخکې له نشه يي توكو سره دمبارزي دچارو  وزارت ددي پوهنتون دليليي لپاره دڅلورو بلاكونو دجوړولو ژمنه كړي وه، خوتراوسه پوري دغه  وزارت دخپلي ژمني د پلي كولوپه لاره كي هيڅ ډول اقدام ندي كړي،پداسي حال كي  چې دپوهنتون اوسني ليليه ،يوازي دپنځه سوه تنو داوسيدني لپاره كافي ده.

 دمشرانوجرګي رئيس په خپلو خبروكي دتحصيلي اوښوونيز بنسټونو دملاتړ او پراختيا داړتيا په باره کې  رڼا واچوله اوټينګارئي وكړچې حكومت بايددهيواد دپوهنتونونواودلوړو زده كړو دمركزونو پياوړتيا ته، اساسي پاملرنه وكړي.

 مسلم ياردننګرهارپوهنتون طرحه شوي  ستونزي خواشينوونكي وبللي او ژمنه يې وكړه چې ددي پوهنتون دنيمګړتياوو او دمشكلاتودحل لاري چاري به،دمشرانوجرګي دفرهنګي ،پوهنې  اودلوړوزده كړو دكميسيون له لوري داړونده ارګانونوله چارواكو سره په جدي توګه وڅيړل شي

دمسلکي اوتخنيکي انستيتونونو دڅوارلسمو ټولګيو هغه فارغانو ته چې پخوا يې له فراغت وروسته ددوو کلونو کار  دنه بشپړولو له امله له نوم ليکنې څخه پاتي دي  خبرورکول کيږي چې دروان کال  دکب دمياشتې له ٦ نيټي څخه تريوې اوونۍ پوري  دې دنوم  ليکنې دفورمې دترلاسه کولو په مقصد دکابل پوهنتون دمحصلاتو لوي مديريت ته ورشي .

له دغې نيټې وروسته دنوم ليکنې فورمې نه ويشل کيږي .

کابل باختردسلواغې دمياشتې ٣٠ :

دکابل پوليتخنيک پوهنتون دمحصلانو لوست  د١٣٩١ کال دوري دمياشتې په دويمه نيټه پيليږي .

په هغه ليک کې  چې ددغه پوهنتون درياست له لاري دباختر اطلاعاتي اژانس ته رسيدلې ده ويل شوي دي دکابل پوليتخنيک پوهنتون علمي شورا دهوادسړښت  اودپرله پسې اورښتونو په پام کې نيولوسره دغه تصميم نيولي دي.

کابل باختر دسلواغي نهه ويشتمه

  په کابل حوزه کې په پوهنتونونو او دلوړو زده کړو په موسسو کې دشموليت په مقصد دښوونځيو  ددولسمو ټلوګيو دکانکور ازموينه دکب دمياشتي په لومړي نيټه اخستل کيږي  .

 دلوړو زده کړو وزارت  دمحصلانو دچارو معين پوهاند بري صديقي دباخترداطلاعاتي اژانس خبريال ته وويل  تراوسه پوري دهيواد په درې ديرشو ولايتونوکې يو سلو شلو  زرو تنو داوطلبانو دکانکور ازموينه ورکړې ده .

  ده زياته کړه په کابل  کې دکانکور ازموينه له برابر شوي  جدول سره سم په دريو پړاونو يعني دکب دمياشتې له لومړي نيټي  تر دريمې نيټي پوري په کابل پوهنتون ، دکابل په طبي  پوهنتون ، دکابل په پولي تخنيک پوهنتون او دلويې جرګي په تالار کې اخستل  کيږي چې له کابل ښار او له اړوندو ولسواليو څخه  نږدي  څلويښت زره تنه داوطلبان  ګډون کوي .

  پوهاند صديقي زياته کړه  چې دکب دمياشتې له لسمي نيټې څخه  تر پنځلسمي نيټې پوري دکانکور متفرقه  ازموينه په وروستۍ ازموينې په توګه  واخستل شي چې په هغې کې له پولي  څخه بهر ښوونځيو فارغان هم شامليږي .

 ده زياته کړه چې په ټوليزه  توګه له ټلو هيوادڅخه نږدي  يو سلو شپيتو زرو تنو داوطلبانو دکانکور دازموينې دورکولو په مقصد نومونه  ليکلي دي او په برياليتوب سره دازموينې  له ورکولو وروسته په نوي زره تنه يې په پوهنتونونو او د لوړو او نيمه لوړه  دزده کړو په موسسو کې  ومنل شي .

 دده د څرګندونو له مخې  پنځه ديرش  زره تنه په پوهنتونونو  او دلوړو زده  کړو په موسسو کې  ، پنځه زره تنه د پوهنتونونو دشپې په برخه کې  او نور يې دپوهنې  په وزارت پورې اړوند په نيمه لوړو زده کړو  او لوړو زده کړو په موسسو  کې  منل کيږي .

 دلوړو زده کړو وزارت دمحصلانو دچارو معين ټينګار وکړ که چيري کومه  تخنيکي ستونزه رامنځته نه شي د کانکور دازموينو نتيجې به دروان کال  دکب دمياشتې  ترپاى پوري اعلام شي .

 دغه راز ده دکانکور دازموينې په بهير کې  دشفافيت په خاطر دلوړو زده کړو  وزارت دهڅو او هاند ډاډ ورکړ .