24 August 2019

RSS Facebook

سوداگریز


تازه خبرونه

په روزګان کې د پنځو وسله والو طالبانو وژل کېدل

کابل/ باختر/ د وږي لومړۍ پنځه وسله وال طالبان پرون ماښام...

په هرات کې په يوه ترافيکي پېښه کې د نهو ښځو ټپي کېدل

کابل/ باختر/ د وږي لومړۍ نهه ښځې نن سهار په هرات...

په ننګرهارکې د څو سپکو وسلو او مهماتو ترلاسه کول

کابل/ باختر/ د وږي لومړۍ د ننګرهار په بهسودو ولسوالۍ کې...

Youtube Player

khantry design

سوداگریز

سوداگریز

تعلمی

کابل\باختر\د چنګاښ ٣٠ مه
د وزیرانو شورا د پرېکړي پر بنسټ د اجرائیه ریاست د لومړي مرستیال په مشرۍ د دوست هېواد هندوستان له لوري د دولتي کار کونکو د ظرفیت لوړولو په موخه د نړیوالې همکارۍ (ITEC) برنامې په ترڅ کې د  ۲۰۱۹ کال د مرسته شویوبورسونو د ارزونې کمیسون غونډه وکړه.
په دې غونډه کې چې د بهرنیو چارو، لوړو زده کړو، مالیې، پوهنې، مخابراتو او اقتصاد وزارتونو او اداري اصلاحاتو کمېسیون استازو ګډون درلود، د لنډمهالو تعلمي بورسونو په څرنګوالي، ستونزو او حل لارو چارو هراړخیزې خبرې وشوې.
د بهرنیو چارو وزارت د فرهنګي اړیکو د ریاست مرستیال صفت الله صافي وویل: د بهرنیو چارو وزارت د اداري اصلاحاتو او ملکي خدمتونو له کمېسیون سره په ګډه هڅه کوي چې د دغو بورسونو د جذب او ویش په برخه کې له ټولو مرسته شویو بورسونو څخه په ښه توګه ګټه واخیستل شي.
د اداري اصلاحاتو کمیسیون د ملکي خدمتونو د انستیتیوت رئیس سید مددي د هند لنډ مهاله بورسونه ګټور وبلل او ويې ویل: موږ هڅه کوو چې بورسونه ټولو ادراتو ته د اړتیا له مخې سره ولېږو ترڅو د دولت ټول کارکونکي ورڅخه ګټه پورته کړي.
نوموړي زیاته کړه: په تېرو کلونوکې د بورسونو په ویش کې ستونزې وې او له بل لوري یاد بورسونه د هېواد د اړتیاوو خلاف په داسې څانګو کې و چې ډېرو کسانو ته د علاقې وړ نه و، خو موږ کوښښ کوو چې په راتلونکې کي نه یوازې د هند بلکې د ټولو هېوادونو له لوري د مرسته شویو بورسونه څخه په ښه توګه ګټه واخستل شي.
د اجرائیه ریاست لومړي مرستيال انجينیر محمدخان وویل: له لنډمهالو بورسونو څخه باید په ښه توګه ګټه واخستل شي او داسې کسان باید ورته ونومول شي چې د ملکي خدمتونو د لارښونې او د بورسونو له قوانینو سره برابروي.
لومړي مرستيال انجنیر محمد خان زیاته کړه: لومړی باید د تېرو کلونو ستونزې په ګوته شي او په راتلونکې کې د بورسونو په اړه ادارو او ولایتونو ته مخکې له مخکې  لارښونې او معلومات ورکړ شي تر څو و کولی شو چې وړ کسان، پر وخت او سمه توګه ور وپېژندل شي.
لومړي مرستیال د بهرنیو چارو، لوړو زده کړو، اقتصاد، کار او ټولنیزو چارو وزارتونو او د اداري اصلاحاتو خپلواک کمېسیون ته دنده وسپارله تر څو د بورسونو د وېش او د یادو بورسونو څخه د سالمې ګټې اخیستنې په اړه هر اړخیزې څېړنې وکړي او د دولتي کار کونکو د ظرفیت لوړولو په موخه د نړیوالې همکارۍ (ITEC) برنامې له مسوولینو سره په همغږۍ ستونزې حل او پایلې یې د وزیرانو شورا راتلونکې غونډې ته وسپاري.پاى\جهان يار


 

کابل/باختر/ د چنګاښ ٢٩مه
د بغلان څلويښتو مالدارو ښځو د شېدو غواګانو د ښې ساتنې او تغذيې  په باب په يو روزنيز پروګرام کې ګډون وکړ .
د بغلان د کرنې او اوبو لګولو رياست يوه مسوول سيد نور اغا سادات د باختراژانس خبريال ته وويل، چې دغو څلويښتو ښځو پنځه ورځې د شېدو ورکوونکو غواګانو د تغذيې په برخه کې زده کړه وکړه، چې په مټ به يې وکولاى شي له خپلو غواګانو څخه زياتې شېدې ترلاسه کړي او خپل اقتصاد پياوړي کړي.
  ختم_ ج _ اکرم

 

 کابل\باختر\د چنګاښ ٢٨ مه
د ننګرهار په کوټ ولسوالۍ کې د څه دپاسه لسو میلیونو افغانیو په لګښت د ښوونځي لپاره ودانۍ رغول کېږي.
چارواکي وايي، چې ياده ودانۍ د کوټ ولسوالۍ په پټي پور سيمه کې د ولسي تړون اقرا پروګرام لورې په یو جریب ځمکه کې رغول کېږي.
د ننګرهار د والي وياند عطاالله خوږياڼي د باختر آژانس سيمه ييز خبريال ته وويل، چې ياده ودانۍ د څه د پاسه لسو ميليونو افغانيو په لګښت رغول کېږي چې چارې به يې د څلورو مياشتو په موده کې به بشپړي شي.پاى\وصال

کابل/باختر/ د چنګاښ ٢٤ مه
دپوهنې وزارت خبرتيا!
د پوهنې وزارت د ښوونځيو له زده کوونکو او ښوونکو څخه د پيسو هر راز راټولولو په کلکه منع کړي دي .
د پوهنې وزارت له پريکړې سره سم د اعانې ، د دفتر داثاثيې  د پيرودنې ،  دټولګيو درنګمالۍ او بيا رغاونې په ګډون په بېلابېلو عنوانونوله زده کوونکواو ښوونکو څخه د پيسو هر راز راټولولو چې د ناوړې ګټې اخستنې او فساد انګيزه  رامنځته کوي او د زده کوونکو دميندو او پلرونو په وړاندې د انديښنې د رامنځته کېدو لامل کېږي  په غوڅه توګه منع دي.
دغه راز دکورنۍ  پلټنې او دتعليمي  څارنې رياستونو ته لارښوونه شوې ده چې د هېواد د مرکز او ولايتونو ښوونځي دې تر دايمي څارنې لاندې ونيسي او له دغه شان مواردو سره د مخامخ کيدو په صورت کې دې  عامل يې تر قانوني تعقيب لاندې ونيسي .
  ختم_ ف _اکرم

Page 4 of 300