17 February 2019

RSS Facebook

سوداگریز


تازه خبرونه

يو انس سره زر په ۱۳۲۱ډالرو وړاندې کېږي

يو انس سره زر په ۱۳۲۱ډالرو وړاندې کېږي

کابل\باختر\ دسلواغې د مياشتې۲۷ په نړيوالو بازارونوکې نن يو انس سره...

د طاق ظفر فوټبال لوبډلې پامیر لوبډلې ته ماتې ورکړه

د طاق ظفر فوټبال لوبډلې پامیر لوبډلې ته ماتې ورکړه

کابل/ باخترد سلواغې دمياشتې ٢٧نيټه : ...

Youtube Player

khantry design

سوداگریز

سوداگریز

تعلمی

کابل باختر د مرغومي  اتلسمه :
دپوهنې وزارت سرپرست  ډاکتر محمد ميرويس  بلخي  نن له يوه کورني طباعتي شرکت  سره دلومړنيو ټولګيو د  ١٢ر٢مليونو ټوکودرسي کتابونو دچاپولو قرارداد  لاسليک کړ .
  دباختراژانس دخبرله مخې ،  ددغه قرارداد دلاسليک په مراسمو کې دپوهنې وزارت  سرپرست وويل  چې دغه کتابونه به  دڅلورو مياشتو په بهير کې چاپ او په ښوونځيو  وويشل شي .
  ده زياته کړه  چې دغه کتابونه دداوطلبي په  پايله کې دبهير له طباعتي شرکت  سره  قرارداد شوي دي چې له لومړي ټولګي څخه تر شپږم ټولګي پوري  درسي کتابونه  پکې شامل دي او د درې سوه دوه اتيا مليونو يوسلو درې اتيا زرو اووه سوه  دوه اوياافغانيو په لګښت  به  دڅلورومياشتو په بهير کې  چاپ شي .
له قرارداد سره سم دبهير طباعتي شرکت مسووليت لري  چې ددغو کتابونو دچاپولو تر څنګ  هغه  دهېواد په ټولو ولايتونو هم  وويشي .
دپوهنې وزارت  سرپرست وويل  چې دراتلونکو پنځو کلونولپاره  ددرسي کتابونو  دکمښت دستونزې  دلرې کولو په  مقصد دامريکا دمتحده ايالاتو دپرمختيايي ادارې  ( يو اس اي دي )  پنځه اويا مليونه ډالري  مرسته ترلاسه کړې ده  چې  له مشخص پروګرام سره سم به دغه پيسې  ولګول شي .
  ده زياته کړه چې په نږدې  راتلونکې کې  له دغې مرستې څخه په استفادې سره به د اووه ديرشو مليونو ټوکو  نورو کتابونو دچاپ او ويش قرارداد هم  لاسليک شي . او ډاډ يې ورکړ چې دپوهنې وزارت ژمن دى  چې له ټولو امکاناتو څخه  په ګټې اخستنې سره  دټولو زده کوونکو لپاره  درسي کتابونه  چمتو کړي .
دغه راز په دغو مراسمو کې  دبهير دطباعتي شرکت رييس حاجي شيرباز کمين زاده  ژمنه وکړه چې  له قرارداد سره سم دپوهنې وزارت ددرسي کتابونو دچاپ او ويش  پروژه  په ټاکلي وخت او زمان سره عملي کوي .
  ده وويل  چې دپوهنې له وزارت څخه  له پخوانيو  تجربو څخه يې  زده کړې دي چې دکتابونو چاپول په  لوړ کيفيت سره  ترسره شي او دهېوادپه ولايتونو هم وويشل شي .
ديادونې وړ ده چې دپوهنې وزارت  سربيره پردې چې  له  ٢٠٠٤ ميلادي کال څخه تراوسه پورې  په ټوليزه توګه کابو  دوه سوه نهه ويشت مليونه ټوکه درسي کتابونه  چاپ کړي دي  خو په هر کال کې په ښوونځيو کې په شرايطو دبرابرو کسانو دمخ په زياتوالي  جذب په نسبت  دغې برخې ته دبودجې دکمښت په خاطر بيا  هم  دکتابونو دکمښت  ستونزه  محسوسه ده .
  ختم- ف _ اکرم

متون باختر د مرغومې ۱۷ مه
د کلیو او پراختیا وزیر مجیب الرحمن کریمي د خوست ولایت د اطلاعاتو او فرهنګ ریاست له عامه کتابتون سره د ۲۳۰ کتابونه مرسته وکړه.
په دغه کتابونو کې ساینسي، ادبي، تاریخي... او ټولنیز کتابونه شامل دي چې نن د خوست ولایت د کلیو ا و پراختیا د رئیس له لوري د اطلاعاتو او فرهنګ ریاست عامه کتابتون ته وسپارل شول.
د خوست د اطلاعاتو او فرهنګ رئیس محمد امین شاه الفت د کلیو او پراختیا وزیر  یاد ګام وستایه او ویې ویل هر څوګ چې د علمي مراکزو په بډاینه کې مرسته او همکاري کوي موږ یې قدرداني کوو.
هغه  پر خوست میشتو هم غږ وکړ چې د خوست عامه کتابتون په غني کولو کې مرسته وکړي، ترڅو خوست میشتي وکولی شي دلته خپلې علمي او څېړنیزې برنامې بشپړې کړي.
د خوست د کلیو او پراختیا رئیس اضغر ځاځي د باختر اژانس سیمه یېز خبریال ته وویل  چې په دغو کتابونو سره به د لوستونکو د لوست زیاتره ستونزې حل شي ځکه په دې  ۲۵۳ جلده کتابونو کې د بېلابیلو برخو کتابونه شتون لري.
د یاد ولایت د عامه کتابتون مسوول بیا وايي چې، سږ کال یې د دغه کتابتون لپاره شاوخوا دزرو کتابونو مرسته جلب کړې.
د یادونې وړ ده چې اوسمهال د خوست په عامه کتابتون کې د لسو زرو په شاوخوا کې د بېلابېلو برخو کتابونه شتون لري، چې  خلک کولای شي په وړیا ډول ترې ګټه واخلي.
پای/وصال

 دلښکرګاه ښار \باخترد مرغومي دمياشتې١٣نيټه :
په هلمند ولايت  کې يو ښوونځى له لسوکلونو وروسته بيا پرانستل شو .
دغه ښوونځى له وسله والو طالبانو سره د هلمند ولايت دقومي مشرانو له خبرو اترو وروسته د زده کوونکو پرمخ بيا پرانستل شو .
دغه ښوونځى په باغران ولسوالۍ چيرته چې وسله وال طالبان هلته شتون لري  موقعيت لري اود دغه ښوونځي په بيا پرانستلو سره د زده کوونکو لپاره د زده کړې زمينه برابره شوه.
د هلمند ولايت دپوهنې رئيس داوود صفري دباخترآژانس خبريال ته وويل؛ په هلمند ولايت کې دنجونو د لسګونو تړل شويو  ښوونځيو د پرانستلو لپاره د قومي مشرانو په همکارۍ هلې ځلې دوام لري .
وسله وال طالبان ښوونځيوته دنجونوله ورتګ سره مخالف دي او په وار وار يې دنجونو د ښوونځيو دروازې تړلي اوهغوي يې د زده کړې له نعمت څخه بې برخې کړې دي.
پاى \ذکرالله \

کابل باختر دمرغومي يوولسمه
د قندهار ولايت په پنجوايي ولسوالۍ کې د يوه ښوونځي د ودانۍ د بنسټ ډبره پرون د ولسي تړون د ملي پروګرام له خوا کيښودل شوه .
د کليو د بيا جوړولو او پراختيا وزارت د ولسي تړون د ملي پروګرام دعامه اطلاعاتو ادارې باختر آژانس ته  خبر ورکړ: د دغو پروژو کار د هېواد د جمهور رييس د لارښوونې له مخې د «اقراﺀ» پروګرام په چوکاټ کې چې د هېواد په کچه کار کوي، پيل شو .
  د دغه پروګرام له لارې د هېواد په ګوټ ګوټ کې دشپږ زره ښوونځيو ودانۍ جوړيږي چې له دې جملې څخه ۶۶ ودانۍ په قندهار ولايت کې جوړيږي . 
په هغې غونډه کې چې له همدې امله په پنجوايي ولسوالۍ کې جوړه شوې وه، د قندهار د والي مرستيال، د دغه ولايت د پنجوايي ولسوال، دکليو دبيا جوړولو او پراختيا او د پوهنې رييسانو په خپلو خبروکې د قندهار ولايت د ښوونځيو زده کوونکو ته د زده کړې د ښه چاپيريال د برابرولو په لاره کې د دغو ښوونځيو د ودانۍ جوړول يو ارزښتناک اقدام وباله او پوهنې ته د حکومت د مشرتابه پاملرنه يې وستايله.
  ختم_ ج _ اکرم

Page 4 of 279