25 September 2020

RSS Facebook

سوداگریز


تازه خبرونه

په پکتیکا کې ۱۱ طالبانو ته مرګ ژوبله اوښتې

کابل/ د تلې ۴مه/ باختر طالبانو نن د یوسفخیلو ولسوالۍ...

 جمهوررئیس محمد اشرف غني او د پاکستان لومړي وزير ټليفوني خبرې وکړې

جمهوررئیس محمد اشرف غني او د پاکستان لومړي وزير ټليفوني خبرې وکړې

کابل/ د تلې ۴مه/ باختر د افغانستان د اسلامي جمهوريت...

Youtube Player

khantry design

سوداگریز

سوداگریز

تعلمی

-کابل / ددوږي لومړي /باختر:
د سترې محکمې خبرتيا
د لوړو زده کړو وزارت  او د قضايه قوې  ادارې  د عمومي امريت ترمنځ د ماسترى پروګرام د علمي همکاريو تفاهم ليک له مخې ټاکل شوې ده  د سترې محکمې  ٩٠  تنه مرکزي منسوبين د ازموينې  د تېرولو لپاره کابل پوهنتون ته معرفي شي .اوله دې جملې څخه  ديرش تنه يې  د شرعياتو پوهنځي  د شرعيت او قانون په پروګرام کې  شامل شي .
داوطلبان بايد د مرکزي  رياستونو  او د کابل  د محکمو قضايي او اداري منسوبين وي . چې دغه شرايط ولري .
_ د منسوب عمر د سوانح د دفتر له مخې له پنځه څلويښتو کلونو څخه زيات نه وي .
_ پخوا ماستري نه وي اخستي .
_ په مرکز کې د سترې محکمې  برحاله کارکوونکى وي .
_ قاضيان د زده کړې د پيسو په سلو کې د ديرشو او اداري کارکوونکي د زده کړې د پيسو په سلو کې د پنځلسو ورکولو ځواکمني  ولري
_د شرعياتو او يا حقوقو د پوهنځي  فارغان وي .
_ له يوې نړيوالې ژبې سره بلدتيا ولري .
_ منسوب بايد خپل غوښتن ليک  د نوم ليکنې په خاطر د بشري منابعو د لوى رياست په نامه وليکي . او د بشري منابعو لوى رياست اويا د ظرفيتونو د لوړولو اواجرااتو د څېړنې رياست ته دې وسپاري .
_منسوب بايد د نوم ليکنې په وخت کې  د تابعيت د تذکرې او د ليسانس د دورې د نمرو د ترانسکريت اصل اوکاپي  له ځان سره ولري .
د برابرو داوطلبانو نوم ليکنه د روان کال د وږي د مياشتې له لومړۍ نيټې څخه پيل شوى دى . او د وږي د مياشتې تر شپږمې نيټې پورې  دوام کوي .اوپه پايله کې د تحصيلي دورې د لوړو نمرو څخه شپيته تنه قاضيان اوديرش تنه اداري منسوبين د وروستي ازموينې د تېرولو لپاره  کابل پوهنتون ته معرفي کېږي.
  ختم _ ج _اکرم

-کابل / ددوږي لومړي /باختر:
په ټول هېواد کې د ښوونځيو لوستونه  د کرونا ويروس  د خپرېدو اود قرنطين  له پنځه مياشتنۍ ځنډ وروسته نن بيا پيل شول .
د پوهنې وزارت وياندې نوريې نزهت  باختراژانس ته څرګنده کړې ده  چې د عامې روغتيا وزارت د طرحې له مخې او د کابينې په تاييدولو سره په ټول افغانستان کې د ښوونځيو دزده کوونکوحضوري لوستونه د روغتيايي لارښوونو په رعايتولو سره د قرنطين له پنځه مياشتنۍ ځنډ وروسته  پيل شول .
هغې زياته کړه چې د دولتي ښوونځيو د يوولسمو او دولسمو ټولګيو د زده کوونکو او د خصوصي ښوونځيو له لومړى ټولګي څخه تر دولسم  ټولګيو پورې د زده کوونکو حضوري لوستونه پيل شوي دي .
د پوهنې  وزارت وياندې زياته کړه چې  زده کوونکو ته د ماسک کارول  الزامي شوى دى او هغه ټولګي  چې زيات زده کوونکي لري په دوو ټولګيو ويشل شوي دي .
نزهت له کورنيو څخه هم وغوښتل چې  د کرونا ويروس  د خپرېدو د مخنيوي په خاطر  زده کوونکي د روغتيايي تدبيرونو رعايتولو ته وهڅوي .
په همدې حال کې د عامې روغتيا وزارت هم  د دغه وزارت  د ١٦٦وړيا تيلفون شميره اعلام کړى دى  چې د ستونزې د رامنځته کېدو سره  له دغې شمېرې سره اړيکه ونيو ل شي .
ختم _ ج _اکرم

 مهترلام/ د وږي ۱ نېټه/ باختر
د لغمان د مرکز، الینګار او الیشنګ ولسوالیو د ښوونځیو ښوونکي وايي چې تش په نامه د رهایشي نمرو سندونه ورکړل شوي دي.
د باختراژانس سیمه ييز خبریال شاه ولي نیازي ته ښوونکو ویلي چې د پخواني ولسمشر حامد کرزي په دوهمه دوره کې ښوونکو ته د رهایشي نمرو د ورکړې فرمان ورکړل شوی دی، چې دغه فرمان د ولسمشر محمد اشرف غني په وخت کې تطبیق شوی هم دی، خو ښوونکو ته تش په نامه د نمرو تعرفې ورکړل شوې دي.
ښوونکي وایي: کله چې د نمرو د جوړولو لپاره سیمې ته لاړ شي،  په سیمه کې زور واکي د کار اجازه نه ورکوي، آن ډزې هم پرې کوي.
بل لورته د پوهنې ریاست د ښوونکو د اتحادیې مشر مولوي رحیم الله هم مني چې شپږ کاله وړاندې د لغمان د مرکز او قرغیو ولسوالۍ ښوونکو ته او هم  یوکال وړاندې د الینګار او الیشنګ ښوونکو ته تش په نامه د نمرو سندونه ورکړل شوي دي، خو زور واکي ښوونکو ته د کار اجازه نه ورکوي.
رحیم الله  وایي چې څو ځلې د الینګار د میدانیو په ښارکوټي کې پر ښوونکو  ډزې هم شوې دي.
رحیم الله زیاتوي چې که څه هم له ولایتي ادارې او امنیتي ارګانونو سره یې  یاده موضوع شریکه کړې، خو تر دې  دمه ورته د حل لاره  نه ده موندل شوې.
په ورته وخت کې د پوهنې رییس عبدالله حمیدي هم د ښوونکو د اتحادیې د رییس خبرې تائیدوي او زیاتوي چې د لغمان د پوهنې ریاست د ښوونکو د نمرو ټول  قانوني  مراحل یې  طی کړي، ۲۸۰۰ جریبه  دولتي  ځمکه له  اراضي امریت څخه انتقال شوې او د شهري ماستر پلان له مخې په قرغیو، الینګار او د مهترلام په مرکز کې ښارکوټي جوړ شوي دي.
د پوهنې رییس زیاتوي: لویه ستونزه دا ده چې په قرغیو، فرمان خېلو، الینګار، شختري، میدانیو او د مهترلام مرکز باغ میرزا ته څېرمه ښارکوټي چې د الیشنګ او دولت شاه ولسوالیو ښوونکو ته پکې نمرې ورکړل شوې دي، د سیمې  یوشمېر زور واکي د استادانو د کار خنډ ګرځي.
حمیدي وايي چې یاد ښار ګوټی په بشپړ ډول زورواکو غصب کړی دی او د کار پر مهال نامعلوم کسان پر ښوونکو  ډزې کوي.
بل خوا د لغمان د امنیې قوماندان سمنوال منظورستانکزی ډاډ ورکوي چې مجرمین به ونیسي او د قانون منګولوته به  یې وسپاري.
په همدې حال کې د ښارجوړونې رییس وفیع الله سهاک بیا وايي د لغمان مرکز، قرغیو او الینګار ولسوالیو کې چې د استادانو لپاره ښارکوټي جوړ شوي، ټول دولتي ملکیتونه دي او د دغه ولایت په نوي ستراتیژیک پلان کې هم شامل دي.
خو د لغمان والي رحمت الله یارمل بیا ډاډ ورکوي چې ولایتي ادارې په دې برخه کې کار پیل کړي او امنیتي او کشفي ارګانونو ته یې دنده سپارلې چې هغه زور واکي تثبیت کړي چې په دولتي ځمکو کې د استادانو د نمرو د جوړېدو مخه نیسي.
پای/وصال

 کابل/ د وږي لومړۍ نېټه
سږ کال په  ننګرهار کې  د  لوړو او نیمه لوړو زده  کړو په موخه له ۱۶ زرو ۶۶۳ زده کوونکو څخه د کانکور ازموینه اخېستل کېږي.
دغه  ازموینه چې  نن په ننګرهار کې  پیل شوې، د ۲۰۶۱ نجونو په ګډون ۱۶ زره ۶۶۳ زده کوونکو په کې ګډون  کړی چې درې ورځې به دوام وکړي.
  د کانکور ازموینې د کمېټې مشر پوهنمل دوکتور سید روضت الله مجید وايي،د نورو ولایتونو په پرتله په ننګرهار کې د کانکور ګډونوال زیات دي او ډاډ یې ورکړ چې په بشپړ شفافیت سره به د کانکور ازموینه واخیستل شي.
پای/وصال

Page 5 of 350