21 September 2018

RSS Facebook

سوداگریز


تازه خبرونه

فرمان

فرمان

کابل باختر د وږي نهه ويشتمه : دجمهور رييس دځانګړي...

Youtube Player

khantry design

سوداگریز

سوداگریز

تعلمی

کابل \باختردزمري دمياشت١٥نيټه :      
په دايکنډي ولايت کې دنجونو يوه ليسه د زده کوونکو له خوا د يوې ښځينه ښوونکې د تښتولوپه غبرګون کې وتړل شوه.
د دايکنډي د والي وياند علي اکبر ناطقي د باختر آژانس خبريال ته وويل ؛ چې 
ددغه ولايت د اشترلي ولسوالۍ په جنګان کلي کې د زده کوونکوله خوا د يوې ښځينه ښوونکې دتښتولو په غبرګون کې دغه ليسه د زده کوونکو له خوا وتړل شوه او د دغې ښوونکې د ژرخوشې کيدوغوښتنه يې وکړه.
ناطقي زياته کړه چې انسان تښتوونکو له تښتونې مخکې څوځلې هغې ته رويبارۍ ته ورغلي وو خو هغوى ته منفي ځواب ورکړى شوی و.
ده زياته کړه چې ددغې موضوع دڅيړنې په خاطر يو هيئت دغې ولسوالۍ ته استول شوى دى .
سيمه ييز خبرځايونه وايي چې څلور ورځي مخکې دغه ښوونکې له خپلې دندې څخه د بېرته ستنيدو په وخت کې د غيرمسوولو وسله والو کسانو له خوا وهل شوې او ډبول شوې او وروسته نامعلومو ځاى ته وليږدول شوه .
  پاى\ ذکرالله \

کابل \باختردزمري دمياشتې١٥نيټه :     
د کابل پوهنتون خبرتيا
د لوړو زده کړو په موسسوکې د شموليت د آزموينې ټولو داوطلبانو ته چې د حقوقي ستاژ د روزنيز پروګرام د لسمې دورې په آزموينه کې د شموليت لپاره يې نومونه ليکلي دي، خبر ورکول کيږي چې داوطلبانو ته د کارت ويشل او بيومتريک د روان کال د زمري د مياشتې په ١٦ او ١٧ نيټه د سه شنبې او چهارشنبې په ورځوکې د لوړو زده کړو وزارت د کانکور د آزموينو د کميټې له لارې دکابل پوهنتون په مقرکې ترسره کيږي.
داوطلبان کولاى شي په ټاکلو ورځوکې له بيومتريک وروسته د خپل شموليت کارت ترلاسه کړي .
دغه راز د تيرو خبرتياوو له  مخې، د حقوقي ستاژ د لسمي دورې د کانکور آزموينه  د  ١٣٩٧ کال د زمري د مياشتې په ١٨نيټه د پنجشنبې په ورځ په ټاکلو ځايونوکې  اخيستل کيږي .
پاى \ج \ذ

کابل \باختر د زمري د مياشتې١٥نيټه :
د لوړو زده کړو په وزارت کې د سږ کال کانکور د آزموینې اول نمره ځوانانو د ستاینې په ویاړغونډه جوړه شوې وه چې پکې یادو ځوانانو ته د لوړو زده کړو د وزیر له خوا د مبارکۍ تر څنګ یو شمېر ډالۍ هم ورکړل شوې.
د لوړو زده کړو وزارت مطبوعاتي دفتر باختر آژانس ته خبر ورکړ:
په دې غونډه کې چې د لوړو زده کړو وزارت رهبري پلاوي، د پوهنتونونو استادانو، د آزموینې ریاست مسوولینو، د آزموینې اول نمره ځوانانو کورنیو غړو او د دغه وزارت ګڼ شمېر کارکوونکو ګډون کړی و، د لوړو زده کړو وزیر پوهنمل دوکتور نجیب الله خواجه عمري، د سږ کال کانکور آزموینه د تیرو کلونو په پرتله یوه پاکه او رڼه آزموینه وبلله او وویل: په سږنۍ آزموینه کې حق حقدار ته سپارل شوی او هیڅ ډول درغلي په کې نه ده شوې.
نوموړي په ټول هېواد کې په بریالیتوب سره د کانکور آزموینو پروسې د بشپړولو له امله، د آزموینو ریاست له مسوولینو او ټولو هغو استادانو څخه چې د یادې پروسې په بشپړولو کې هڅې کړي مننه وکړه او د دغې پروسې روڼتیا یې د ټول ملت لپاره ویاړ وباله.
د لوړو زده کړو وزیر وویل: سږ کال سربېره پر کانکور عمومي آزموینې د اداري اصلاحاتو او ملکي خدمتونو، ملي تدارکاتو، الکترونیکي تذکرو، نظامي اکاډمۍ آزموینې هم په خورا شفاف ډول د آزموینو ریاست له خوا واخیستل شوې.
د لوړو زده کړو وزیر وویل: د سږ کال کانکور آزموینې له اول نمره تر پنځم نمره کامیابانو لپاره یې تحصیلي بورسونه په نظر کې نیولي او په خپل وخت سره به یې د بهرنیو هېوادونو تحصیلي بورسونو ته ور وپیژني.
په غونډه کې د آزموینې اول نمره تهمینې پاینده د سږ کال کانکور آزموینه یوه رڼه آزموینه وبلله او په دې برخه کې یې د لوړو زده کړو وزارت په ځانګړې توګه د آزموینو ریاست له مسوولینوڅخه مننه وکړه.
د غونډې په پای کې د آزموینې پنځو تنو اول نمره ګانو ته د لوړو زده کړو وزارت رهبري پلاوي له خوا ستاینلیکونه او لپ ټاپ کمپیوټرونه او همدارنگه آزموینو ریاست کارکوونکو ته هم ستاینلیکونه ورکړل شول.
پای – ذ

 

کابل باختر د زمري  څوارلسمه
دلوړو زده کړو وزارت د هیواد په پوهنتونونو کې د نجونو او هلکانو د درسي صنفونو د جلاوالي په اړه هېڅ ډول پروګرام په پام کې نلري.
د لوړو زده کړو وزارت مطبوعاتي دفترباخترآژانس ته خبر ورکړ.
د لوړو زده کړو وزارت ویاند، ضیاء ساحل، چې نن یې د حکومت د اطلاعاتو او رسنیو په مرکز کې یوه خبري کنفرانس ته وینا کوله، زیاته کړه:" د هیواد په پوهنتونونو کې د نجونو او هلکانو د درسي صنفونو د جلاوالي په اړه بحث یوازې ناسم پوهای دی، نجونې او هلکان به لکه د تېر په څېر د هیواد په پوهنتونونو کې په ګډه توګه خپلو زده کړو ته دوام ورکړي."
د سږني کال کانکور د ازموینې پایلې د تېرې اوونۍ د چهارشنبې په ورځ اعلام شوې. د ازموینو د کمېټې عمومي رییس، عبدالقدیر خموش، چې په دغه کنفرانس کې یې ګډون کړی ؤ وویل، زموږ څېړنې ښیي، چې د کانکور ګډونوال او د هغوي کورنۍ د سږني کال کانکور له پایلو څخه خوښ دي.
ده زیاته کړه، چې د کانکور پایلو د اعلام له پیل څخه تر اوسه یوازې د ۲۰۰ کسانو د شکایتونو فورمې ثبت شوي دي، چې هره یوه شکایت ته به رسېدنه وشي.

Page 5 of 265