20 April 2019

RSS Facebook

سوداگریز


تازه خبرونه

په کندز کې د خپلسرو وسله‌ والو یومهم قوماندان ونېول شو

په کندز کې د خپلسرو وسله‌ والو یومهم قوماندان ونېول شو

کابل/ باختردوري دمياشتې٣٠نيټه: د کندز په...

د نورستان په نورګرام ولسوالۍ کې دپنځو تنو طالبانو وژل کيدل

د نورستان په نورګرام ولسوالۍ کې دپنځو تنو طالبانو وژل کيدل

کابل باختردوري دمياشتې٣٠نيټه: د نورستان په نورګرام...

دهېواد په ختيځ کې دډاراچوونکو په ډله کې دغړيتوب په تورد١٦تنو نيول کيدل

دهېواد په ختيځ کې دډاراچوونکو په ډله کې دغړيتوب په تورد١٦تنو نيول کيدل

داسعدا آبادښار/ باختردوري دمياشتې٣٠نيټه: شپاړلس تنه دهېواد په ختيځ کې...

Youtube Player

khantry design

سوداگریز

سوداگریز

تعلمی

قلات/ باختر/ د کب د میاشتې ۲۷ مه
د زابل ولایت د مرکز قلات ښار په سینک سیمه کې د ۲۲میلیونو افغانیو په لګښت د نجونو لپاره ښوونځی رغول کېږي.
ځايي چارواکي وايي چې یاد ښوونځی په دوو پوړونو کې جوړیږي چې د یو کال په موده کې به یې چارې بشپړې شي.
د زابل والي رحمت الله یارمل د باختر اژانس سیمه ېیز خبریال ته وویل چې، هڅې یې پیل کړې څو د پوهنې په برخه کې پرتو ستونزو ته د پای ټکی کېږدي او له خلکو یې هیله وکړه چې خپل بچیان په ښوونځیو کې شامل کړي.
پای/وصال

 

کابل/ باختر/ دکب دمياشتې ٢٧مه
هند د افغانستان د جنوب  ځوانانو ته خپل تحصيلي بورسونه زيات کړي دي .
هند هرکال د هېواد د جنوب ځوانانو ته په تېره بيا د ډار اچوونکو بريدونو مصيبت ځپلو ته ۵۰ تحصيلي بورسونه ورکول خو ويل کېږي چې دغه شمېر له دې وروسته په کال کې ٢٥٠ بورسونو ته زيات شوى دى.
په قندهار کې د هند قونسل مدن سنګهه بهانداري د قندهار له والي حيات الله حيات سره په کتنه کې وويل چې دځوانو کدرونو د روزنې لپاره هندوستان به له دې وروسته د افغانستان د جنوبي سيمو ځوانانو ته په کال کې ۲۵۰ بورسونه ورکړي.
د قندهار والي حيات الله حيات په دې کتنه کې د افغانستتان دپرمختګ لپاره ځوانانو ته د بورسونو د زياتوالي په لاره کې د هند دغه اقدام ارزښتناک وباله .   
پاى \ج\ ذ

کابل باختر دکب شپږ ويشتمه
  هغو ماشومانو ته چې دشبرغان ښار په واټونوکې په شاقه کارونو بوخت و ، دزده کړې زمينه برابره شوه .
يوې جوزجاني ميرمنې رخسار رسا په شبرغان ښار کې ديو روزنيز مرکز په جوړولو سره په وړيا ډول په ټولو امکاناتو سره يې شلو بې وزلو او کارګرو ماشومانو ته دزده کړې زمينه برابره کړه .
  رخسار رسا باختراژانس ته وويل چې دغه روزنيز مرکز دنورو کارګرو ماشومانو  دجذبولو لپاره  چې له ښوونځي  څخه پاتې دي او اقتصادي توان يې نه لري .  په مشخصو وختونوکې په هلوځلو سره دزده  کړې زمينه برابره کړې  ده .دې زياته کړه چې ددغه پروګرام دترسره کولو دليل د بشر دوستي حس او هغو کارګرو کورنيو او ماشومانو ته درناوى دى  چې شاقه کارونه ترسره کړي او دخپلو کورنيو ډوډۍ راوړونکي بلل شوي دي .
يوشمير ماشومان چې دغه مرکز ته راغلي دي  وايي چې له زده کړې سره مينه لري چې په راتلوونکې کې وزير ، والي ، ډاکتر او ښوونکي شي او خپلې ټولنې ته خدمت وکړي .   ختم_ ج _ اکرم

کابل/ باختر/ دکب دمياشتې ٢١مه
په نړویوالو معتبرو پوهنتونونو کې ښځینو زده کړیالانو ته د بورسیو د جلبولو په موخه خبري کنفرانس نن د کب میاشتې په ۲۱ مه نېټه د حکومت د رسنیو په مرکز کې جوړ شو.
د مالیې وزارت د ویاند دفتر باختر آژانس ته خبر ورکړ:
په دې کنفرانس کې د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ډاکټر محمد همایون قیومي، د لوړو زده کړو وزارت علمي مرستیال عبدالتواب بالا کرزي، د تخنیکي او مسلکي تعلیماتو خپلواکې ادارې رئیسه اغلی ندیمه سحر او د ښځینو لپاره د اسیایې پوهنتون رئیس ډاکټر کمال احمد ګډون کړې وو.
د مالیې وزارت سرپرست ډاکټر محمد همایون قیومي ګډونوالو ته د ښه راغلاست او د اسیایې پوهتنون څخه د افغان زده کړیالانو د فراغت د یادونې تر څنګ وویل: افغان حکومت د خپلې ملاتړ کوونکی پالیسۍ له مخې د ښځینو لوړتیا لوړولو او په ټولو ساحو کې د دوی د شتون په زیاتوالي په برخه کې اړین اقدامات در سره کړي دي. نوموړي زیاته کړه: په اسیایي پوهتنون کې چې د ۱۷ اسلامي هیوادونو زده کړیالان په کې لوړې زده کړې تر سره کوي، په تېرو څو کلونو کې په مجموعي ډول ۱۶۰ تنه افغان ښځینه زده کړیالانې جذب کړي دي، ولې له افغان حکومت سره د رسمي هوکړې له مخې یاد پوهتنون به هر کال د هیواد له ۳۴ ولایتونو څخه له ښوونځیو څخه د فارغ شویو ښځینو لپاره د طب، سیاسي علومو، اقتصاد او چاپیریال ساتنې په برخو کې له ۵۰ څخه زیات سکالرشیپونو د ورکړې له لارې د لوړو زده کړو زمینه برابروي.
د مالیې وزارت سرپرست زیاته کړه که څه هم د سکالرشیپونو تعداد زموږ شته اړتیاوو ته په کتو سره بسنه نه کوي، د حکومت هڅه داده چې ښځینو ته په هیواد او بهر کې د لوړو زده کړو او همداشان عملي او مسلکي پیاوړتیا په موخه لا زیات فرصتونه را منځته کړي.
د اسیایې پوهتنون رئیس ډاکټر کمال احمد وویل: هیڅ هیواد نه شي کولی د ښځینو له شتون پرته سیاسي، اقتصادي او ټولنیز پرمختګونه ولري. نوموړي وویل موږ په اسیایي پوهتنون کې د ۱۷ هیوادونو د زده کړلایانو تر څنګ افغان ښځینه زده کړیالانې هم لرو او دا د افغان ښځینو لپاره یو ښه فرصت دی تر څو له نړیوالو معیارونو سره سم په دې پوهتنون کې لوړې زده کړې وکړي او د خپل هیواد په بیا رغونه کې ونډه واخلي.
د تخنیکي او مسلکي تعلیماتو خپلواکې ادارې رئیسې ندیمې سحر وویل چې اسیایي پوهتنون د ښځینو لپاه په ۲۰۰۹ کال کې په فعالیت پیل کړې چې تر اوسه ۸۰۰ زده کړیالانې لري چې له نیکه مرغه ۱۰۹ افغان ښځینه د بورسیو له لارې له نړیوالو معیارونو سره سم په یاد پوهنتون کې زده کړې کوي. ټاکل شوې ده په راتلوونکی کال کې ۵۰ تنه نورې هم د هیواد له ټولو ولایتونو څخه د ازاد رقابت له لارې په دې پوهتنون کې شاملې شي. نوموړې زیاته کړه چې موږ په پام کې لرو زیات امتیاز هغو ولایتونو ته ورکړو چې کمه وده یې کړې ده.
د لوړو زده کړو وزارت علمي مرستیال عبدالتواب بالا کرزي د بنګلدیش هیواد او د اسیایې پوهتنون څخه د مننې تر څنګ وویل چې د لوړو زده کړو وزارت د ښځینو د وړتیا لوړولو او د تحصیلي بورسیو د زمینې جوړونې لپاره دوی ته ۳۰ سلنه ونډه په نظر کې نیولې ده دا چې یادې بورسیې ۱۰۰ فیصده د ښځینو لپاره دي زه یې د دوی د وړتیا لوړولو لپاره نیک ګام بولم. نوموړي په ورته بورسیو کې د لوړو زده کړو وزارت له هر اړخیزې همکارۍ څخه ډاډ ورکړ.
د خبري کنفرانس پای کې ګډونوالو د رسنیو پوښتنو ته ځوابونه ورکړل.
پای – ذ


 

Page 5 of 286