21 January 2019

RSS Facebook

سوداگریز


تازه خبرونه

 دنوروز دجشن دنمانځلو کميسيون غونډه وکړه .

دنوروز دجشن دنمانځلو کميسيون غونډه وکړه .

کابل باختر دمرغومي ديرشمه : دنوروز دجشن دنمانځلو د کميسيون...

 په سرپل کې ددريو تنو وسله والو طالبانو وژل کيدل

په سرپل کې ددريو تنو وسله والو طالبانو وژل کيدل

کابل باختر دمرغومي ديرشمه : درې تنه وسله وال طالبان...

د بغلان  په نهرين ولسوالۍ کې دطالبانو بريدونه په شاوتمبول شول .

د بغلان په نهرين ولسوالۍ کې دطالبانو بريدونه په شاوتمبول شول .

کابل باختر دمرغومي ديرشمه : دبغلان ولايت په نهرين ولسوالۍ...

Youtube Player

khantry design

سوداگریز

سوداگریز

تعلمی

کابل \باختردليندۍ دمياشتې١٧نيټه :
په بغلان ولايت کې ديرشو تنو نجونو د کمپيوټر په برخه کې له څلور مياشتنۍ رونيزې دورې وروسته ددغه ولايت دښځو دچارو رياست له روزنيز مرکز څخه د فراغت سندونه ترلاسه کړل.
په هغې غونډه کې چې په همدې مناسبت په پلخمري ښارکې جوړه شوې وه، د بغلان ولايت د ښځو چارو رئيسې خديجې يقين د آغا خان د پرمختيايي بنسټ له هميشينو همکاريو له امله په قدردانۍ سره دغه پروګرام يې د نجونو د ظرفيتونو د لوړولو په لاره کې ارزښتناک وباله او ويې ويل: په دې مرکزکې ديرش تنه نجونې د څلورو مياشتو په بهيرکې د آغاخان د پرمختيايي بنسټ په مرسته د کمپيوټر بېلابېل پروګرامونه زده  کړي دي .
په بغلان ولايت کې د آغاخان د پرمختيايي بنسټ مسوول انجنيرخال محمد د ښځو او نجونو د کاري ظرفيتونو د لوړولو او د کارموندنې په لاره کې د دغه شان کورسونو  جوړول ارزښتناک وباله او ډاډ يې ورکړ چې د ښځو او نجونو ملاتړ د دغه بنسټ له اساسي هدفونو څخه دي.
پاى \ذکرالله\

کابل باختر د ليندۍ اوولسمه :
په بغلان ولايت کې ٢٣٢ ښوونځيو ته د اقرا له پروګرام څخه په استفادې سره  ودانۍ جوړيږي .
  د بغلان ولايت د ولسي تړون د پروګرام مسوول محمد آقا لطيفي دباختر آژانس له خبريال سره په مرکه کې وويل چې د ولسي تړون دپروګرام په چوکاټ کې د نورو پرمختيايي او بنسټيزو پروژو په تطبيق برسيره په پام کې ده چې ٢٣٢ نورو ښوونځيو ته د اقرا له پروګرام څخه په استفادې سره چې نوى د ولسي تړون په چوکاټ کې جوړ شوى دى، د بغلان ولايت په مرکز او اړوندو ولسواليوکې  ودانۍ جوړې شي .
لطيفي وويل چې په بغلان ولايت کې د ولسي تړون د پروګرام له پيل څخه د ګذرګاه نور، پل حصار او د مرکزي بغلان په ولسواليو او پلخمري ښارکې ٤٣٠ شوراګانې جوړې شوې دي چې له دې جملې څخه په ٣٧٤ شوراګانې دغړو انتخابات بشپړ شوي او دغو شوراګانو په کار پيل کړى دى چې د نورو شوراګانو د غړو د انتخاباتو په بشپړيدو سره د ٢٦٣ پروژو د جوړولو کار په راتلوونکو درېيو مياشتوکې به د څه دپاسه يو ملياردو ١٠٦ ميليونو افغانيو په لګښت په دغو ولسواليوکې بشپړې شي .
ده زياته کړه: همدا اوس د ولسي تړون د پروګرام په چوکاټ کې د برښنا د تمديدولو د څلورو پروژو کار د کاسا – ١٠٠٠ پروژې په استفادې سره له پروژو څخه د پروژې د ساتنې او دغه راز د اقرا پروګرام شامل دى .
ده زياته کړه چې د اقرا پروژې په چوکاټ کې د بغلان ولايت په څوارلسو اداري واحدونو او پلخمري ښارکې دوه سوه دوه ديرشو ښوونځيو ته ودانۍ جوړيږي. ختم_ ج _ اکرم

 

کابل \باختردليندۍ دمياشتې١٧نيټه :
د لوړو زده کړو وزارت دغه ادعا چې ګنې د کانکور آزموينې به د ونډې په ډول ترسره شي، رد کړه.
د باختر آژانس د خبرله مخې:
د لوړو زده کړو وزارت وياند محمد فيصل امين د پوهنې وزارت له وياندې سره په يوه خبري غونډه کې وويل چې د لوړو زده کړو په موسسو کې د شموليت د کانکور رقابتي آزموينه سراسري ده او هر زده کوونکى چې له دولسم ټولګي څخه فارغيږي او د لوړو زده کړو په موسسوکې د شموليت هيله ولري، مکلف دى چې د کانکور آزموينه تېره کړي او وروسته د لوړو زده کړو په موسسو کې شامل شي.
ده زياته کړه: موږ د لوړو زده کړو په موسسوکې د هغو ولايتونو د زده کوونکو د شموليت په خاطر چې لږه پراختيايي کړې ده، يوه طرحه کابيني ته وړاندې کړه چې په دې طرحه کې ټول ولايتونه په اتو زونونو ويشل شوي او ټول ولايتونه پکې شامليږي.
د ده د څرګندونو له مخې: د دغې طرحې له مخې د سراسري آزموينو په سلوکې ٧٥ متقاضيان سيالي کوي او په سلوکې ٢٥ نور په سيمه ييز او بومي ډول د کانکور په آزموينه کې سيالي کوي.
ده زياته کړه: د دغې طرحې هدف د سيمه ييزو کادرونو ښوونه او روزنه ده چې وکولاى شي په راتلوونکي کې په خپلو سيمو کې دنده ترسره کړي.
ده وويل: په سلو کې د دغو ٢٥ له جملې څخه د طب، حقوقو، اقتصاد، کرنې او انجنيرى په څانګوکې د هغوى لوړې نمرې ګټوونکي، د مرکز او ولايتونو په هغو پوهنتونونوکې جذبيږي چې دغه څانګې يې لري.
ده څرګنده کړه چې د لوړو زده کړو د قانون له مخې، هيڅ پوهنتون او هيڅ ولايت له يو بل څخه غوره او لوړ نه دى. د دغې طرحې اساسي موخه د سيمه ييزو کادرونو اړتيا ده چې وکولاى شي له زده کړې وروسته په خپلو سيموکې دنده ترسره کړي.
فيصل امين زياته کړه چې د لوړو زده کړو په موسسو کې افراط او تفريط  د منلو وړ نه دي او هيچا ته به اجازه ور نه کړى شي چې دغه شان موضوعات طرحه کړي .
د پوهنې وزارت وياندې نوريې نزهت په دې خبري غونډه کې وويل: دغه طرحه د لوړو زده کړو او پوهنې د وزارتونو ترمنځ مشترک دى او په ټول هېواد کې له ١٧ زره ٥٠٠ ښوونځيو له جملي څخه ١٠٠٠ ښوونځي يې د امنيتي ستونزو له امله تړلي وو چې موږ وکولاى شول له دې جملې څخه ٥٠٠ ښوونځي پرانيزو او په دې خاطر د سيمه ييز کانکور په سياليوکې په سلوکې د ٢٥ طرحه په پام کې ونيول شوه.
پاى\ ع \  ذ

کابل \باختردليندۍ دمياشتې١٧نيټه :
د وزیرانو شورا له پریکړې سره سم د اجرائیه ریاست د لومړي مرستیال انجنیر محمد خان په مشرۍ د پوهنې وزارت د مطبعو د غښتلتیا  په اړه وروستۍ غونډه تر سره شوه.
د اجراييه رياست مطبوعاتي دفتر باختر آژانس ته خبر ورکړ:
دغه غونډه چې د پوهنې وزارت د چاپخونو د ظرفیت د لوړوالي په موخه جوړه شوې وه، د پوهنې سرپرست وزیر میرویس بلخي، د اطلاعاتو او فرهنګ وزارت معين پوهاند محمد رسول باوري، د اقتصاد، مالیې او عدلیې د وزارتونو او د آزدۍ مطبعې استازو ګډون کړی و.
په پیل کې د تېرو غونډو د پریکړو لنډ راپور واوریدل شو چې د نبراسکا او آریانا چاپخونو ستونزو او حل لارو ته پکې اشاره شوې وه.
د غونډې رييس او د اجرائیه ریاست لومړي مرستیال انجنیر محمد خان د یادو مطبعو په لېږد ټینګار وکړ او د آریانا او نبراسکا چاپخونو د ملکیت لیږد یې پوهنې وزارت ته  د پوهنې په برخه کې د هېواد یوه لویه اړتیا وبلله.
د پوهنې وزیر میرویس بلخي وویل چې که هر څومره ژر د یادو چاپخونو، ماشین الاتو او د هغوی د ملکیتونو د لیږد  پروسه بشپړه شي، د پوهنې وزارت ستونزې به ژر حل شي.
دغه راز د اطلاعاتو او فرهنګ وزارت معين پوهاند محمد رسول باوري وویل: موږ د یادو چاپخونو په لیږد کې ستونزه نلرو او چمتو یوو چې یادې چاپخونې له قانون سره سم د پوهنې وزارت ته ولیږدوو.
د کمیسیون ټولو غړیو په خپل وار سره خبرې وکړې او د یادو چاپخونو لېږد یې د پوهنې په برخه کې د هېواد په ګټه وباله.
په پای کې د کمیسیون رييس او د اجرائیه ریاست لومړي مرستیال انجنیر محمد خان د اطلاعاتو او فرهنګ وزارت ته دنده وسپارله چې تر راتلوونکې چهارشنبې پورې دې د یادو چاپخونو د لیږد پروسه او پر وړاندې یې پرتې ستونزې په ګوته او د ورستۍ پریکړې لپاره د وزیرانو شورا راتلوونکې غونډې ته وړاندې کړي.#
پاى – ذ

Page 5 of 278