19 February 2020

RSS Facebook

سوداگریز


تازه خبرونه

درې وسله وال طالبان په هلمند کې ووژل شول

درې وسله وال طالبان په هلمند کې ووژل شول

کابل/د سلواغې۲۹مه/باختر د هلمند په نوزاد، سنګین او واشیر ولسوالیو کې...

په خوست کې ۶ تنه د جنايي جرمونو په تړاو ونیول شول

په خوست کې ۶ تنه د جنايي جرمونو په تړاو ونیول شول

متون/دسلواغې۲۹مه/باختر د خوست د ولایتي ادارې چارواکي وايي چې د دغه...

  په جوزجان کې د کارګرانو مظاهرې دوام لري

په جوزجان کې د کارګرانو مظاهرې دوام لري

کابل/ د سلواغې٢٩مه/ باختر په جوزجان کې د نفتو او ګازو...

Youtube Player

khantry design

سوداگریز

سوداگریز

تعلمی

کابل /دمرغومي ٣مه /باختر :
دپوهنې وزارت  سرپرست ډاکتر محمد ميروس بلخي نن دخوست يو اوسيدونکى  چې خپله دوه جريبه  شخصي ځمکه يې دنجونو ښوونځي دجوړولولپاره د خوست پوهنې ته ورکړې ده  وستايه .
دباختراژانس دخبرله مخې ، ډاکتر بلخي دخوست له هغه اوسيدونکي  وکيل شاه خان سره په کتنه کې چې خپله دوه جريبه  شخصي ځمکه يې دنجونو ديوه ښوونځي  د جوړولو لپاره دخوست پوهنې ته ورکړې ده د ستاين ليک په ورکولو سره دهغه له پوهنپالنې او په خوست کې دنجونوتعليم ته دهغه له  پاملرنې څخه  مننه او قدرداني وکړه .
په دې کتنه کې وکيل شاه خان وويل چې دخوست په تڼيو ولسوالۍ کې  دنجونو ښوونځي دنشتوالي په دليل  له پوهنې سره  دمينې اودنجونو تعليم  دپاملرنې  له مخې  خپله دوه جريبه شخصي ځمکه چې پنځه ميليونه افغانۍ ارزښت  لري دنجونو ښوونځي دجوړولوپه مقصد دخوست پوهنې ته ورکړې ده .
ختم_ ف _اکرم

کابل/دمرغومي۲مه/باختر
د لوړو زده کړو وزارت سرپرست پرون د فارياب پوهنتون د نجونو د دويمې ليليې ودانۍ پرانيستله.
د فارياب پوهنتون رييس احمد فېروز کريمي باختر آژانس ته وويل چې دغه ليليه په دوو پوړونوکې د څه دپاسه دوه ميليونه افغانيو په لګښت د ناروې شاهي دولت په مالي  مرسته جوړه شوې ده.
کريمي زياته کړه چې دغه ليليه ٢٠ خونې او د محصلانو نورې اړتياوې او د ١٦٠ تنو ظرفيت لري.
دغه ليليه د لوړو زده کړو وزارت علمي معين او سرپرست عبدالتواب بالاکرزي ددغه ولايت د سيمه يزو مسوولينو په شتون پرانيستله.
ختم- شکريه -اکرم


 

کابل/ د مرغومي ٢مه/ باختر
د افغانستان د خبريالانو د خونديتوب کمېټې نن په يوه غونډه کې د پوهنتونونو د ژورناليزم د پوهنځي ١٥٠ محصلان د کار د زده کولو په خاطر رسنيو ته معرفي کړل.                د باختر آژانس خبريال د خبرله مخې: دغه بنسټ د ژورناليزم څانګې١٥٠محصلان له يو روزنيز ورکشاپ وروسته هغوى رسنيو ته معرفي کړل.
د غونډې په پيل کې د خبريالانو د خونديتوب کميټې رييس صديق الله توحيدي په لنډو خبروکې وويل چې په ځينو رسنيوکې مسلکي کارکوونکي نشته، له همدې امله دغه محصلان کولاى شي دغه تشه ډکه کړي. 
هغه وويل: د بېلابېلو رسنيو مسوولين رابلل شوي دي چې محصلانو ته د کار د زده کولو زمينه برابره کړي او په پاى کې د هغوى پر جذبولو اقدام وشي . 
هغه وويل چې رسنيو ته د محصلانو د معرفي کولو بهير دوام لري.
پاى\ج \ذ


 

کابل/ د ليندۍ٣٠ مه/ باختر
د آزموينو ملي ادارې پرون د هندوستان د تحصيلي بورسونو آزموينه په کابل پوهنتون کې ترسره کړه.
د باختر آژانس د خبرله مخې: په آزموينه کې له ټول هېواد څخه ٥ زره  ٣٧٧ تنو ګډون کړى و چې له دې جملې څخه يو زرو ٣٠٦ تنه د ليسانس دورې ته، ٣ زره ٥٣٢ تنه د ماسټرۍ دورې ته او ٥٣٩ تنه نور د ډاکټرۍ دورې ته د لارې موندنې په موخه ګډون کړى و.
ټاکل شوې ده له دغې آزموينې څخه ٢٥٠ تنه غوره څېرې د ليسانس دورې ته، ٦٠٠ تنه د ماسټرۍ دورې ته او ١٥٠ تنه نور د داکټرۍ دورې لپاره د هندوستان تحصيلي بورسونو په خاطر په کابل کې د هندوستان جمهوريت سفارت ته معرفي شي.
داکټر احمد سير مهجور د آزموينې په پيل کې وويل: دوست هېواد هندوستان هرکال ١٠٠٠ تحصيلي بورسونه د لوړو زد کړو وزارت په واک کې ورکوي او د دغو بورسونو پړاوونه د دغه وزارت له لارې بشپړېږي.
د لوړو زده کړو په چاروکې د جمهوررييس سلاکار او د کابل پوهنتون رييس پوهنمل حميدالله فاروقي غوره مسلکي کادرونو ته د هېواد د اړتيا په اړوند خبرې وکړې او ويې ويل: هغه ځوانان چې دغو بورسونو ته لاره مومي؛ د هېواد پانګې دي چې د ټولنې د اړتيا وړ علم او پوهنې په ترلاسه کولو سره هېواد ته سوکاله راتلونکى جوړوي.
دغه راز د آزموينو د ملي ادارې لوى رييس پوهاند عبدالقديرخموش هم شفافيت د دغې ادارې د کار اساس وباله او ډاډ يې ورکړ چې آزموينه شفافه ده او هر داوطلب به د هغو ځوابونو له مخې چې په خپله پارچه کې وړاندې کوي؛ نمرې ترلاسه کړي.
د يادونې وړ ده چې د آزموينې پايلې به تر راتلونکي يوې اوونۍ پورې اعلام شي.
ختم- ج-اکرم

 

Page 7 of 330