12 December 2018

RSS Facebook

سوداگریز


تازه خبرونه

عباس عراقچي به افغانستان ته راشي

کابل باختر دليندى شلمه : دافغانستان داسلامي جمهوريت دبهرنيو...

څلور تنه وسله وال طلابان په فراه کې ووژل شول

کابل باختر دليندى شلمه : څلور تنه وسله وال طالبان...

Youtube Player

khantry design

سوداگریز

سوداگریز

تعلمی

قندهار باختر د تلې ۱۶ مه
ځوانان د هېواد راتلوونکي کادرونه دي،نو له  همدې امله که  خصوصي پوهنتونونه د ځوانانو په روزلو کې غفلت  وکړي  او یا هم معیاري خدمات وړاندې نه کړي،پوهنتونونه به یې وتړل شي.
د باختر اژانس د سیمه ېیز خبریال د خبر له  مخې،دغه څرګندونې د قندهار والي  تورن جنرال زلمي وېسا د قندهار پوهنتون او د خصوصي پوهنتونونو له مسوولینو سره  په کتنه  کې وکړې.
والي وویل : ولایتي اداره د پوهنې د پیاوړیتا په برخه کې پوره هڅه کوي او هغه ستونزې چې اوس مهال دغه بهیر ورسره مخ دی د حل لپاره يې کار کوي.
هغه زياته کړه : خصوصي پوهنتونونه دې د سوداګرۍ پر ځای معیاري خدمات وړاندې کړي او ترڅنګ يې محصلینو ته اسانتیاوې برابرې کړي .
هغه ګوت څنډنه وکړه که خصوصي پوهنتونونه معیاري خدمات وړاندې نه کړي وبه یې تړي ترڅو د ځوانانو له حقوقو څخه يې دفاع کړې وي.
هغه د خصوصي پوهنتونونو مسوولینو ته لارښوونه وکړه چې له  محصلینوڅخه دې په یوه او بل  نوم پيسې نه اخلي او په دې برخه کې يې د قندهار پوهنتو ن رېیس حضرت  مېر طوطاخیل ته ښپارښتنه وکړه چې یوه کمېټه جوړه کړي څو وخت پر وخت د  خصوصي پوهنتونونو له چارو څخه نظارت وکړي.
د غونډې په پای کې د خصوصي پوهنتونونو مسوولینو ډاډ ورکړ چې د  پوهنې د پیاوړتیا په برخه کې به په ګډه همغږۍ کار کوي او د لوړو زده کړو د وزارت له اصولو سره سم به د باکیفیته خدماتو د وړاندې کولو ترڅنګ کمیت ته هم ځانګړې پاملرنه وکړي.پای/وصال

اسعد اباد باختر د تلې ۱۴ مه د خصوصي پوهنتونونو سره د شوي هوکړه لیک له مخې به د کونړ ولایت د لوړو زده کړو مینه والو ځوانانو ته په پوره تخفیف سره په خصوصي پوهنتونونو کې د شاملېدو اسانتیاوې برابرې شي. دغه څرګندونې د ځوانانو چارو معین ډاکټر کمال سادات کونړ ولایت ته د خپل سفر په ترڅ کې د ځوانانو د پرمختګ تر سرلیک لاندې په جوړې شوې غونډه کې وکړې. د باختر اژانس د سیمه ېیز خبریال د خبر له مخې؛ په دې غونډه کې د ځوانانو چارو د معین ډاکټر کمال سادات سربېره د کونړ والي،د ولایتي ادارې مشرانو،قومي مخورو،دیني عالمانو او ګڼ شمېر ځوانانو ګډون درلود چې په کې د ځوانانو د ټولنیزو ستونزو د اواري په لارو چارو خبرې وشوې. د کونړ د اطلاعاتو او فرهنګ رېیس جنت ګل فدا غونډې ته په پيلیزه وینا کې د دغه ولایت په تاریخي او ټولنیز ارزښت خبرې وکړې او یاد ولایت یې د تاریخي هستیو کور او د علم او فرهنګ ټاټوبی یاد کړ. غونډې ته د ولایتي شورا منشي جمال الدین سیار،سولې شورا رېیس محمد اسماعیل،دیني عالم مولوي ضیاالرحمن الله یار، د ځوانانو چارو امر صادق سیار،کار او ټولنیزو چارو رېیس مولوي عطاالله نوري او د دمکلي ځوانانو د شورا رېیس ذبیح الله صاحب الحق په خپلو څرګندونو کې د ځوانانو په ستونزو او مسوولیتونو خبرې وکړې او له ورغلي پلاوي یې وغوښتل چې د کونړ ځوانانوته د بورسونو په ورکولو او د لوړو زده کړو د اسانتیاوو برابرولو په برخه کې عملي ګامونه واخلي. په همدې حال کې د ځوانانو چارو معین ډاکټرکمال سادات غونډې ته په وینا کې وویل چې د خصوصي پوهنتونونو سره د شوي هوکړه لیک له مخې به په دغه ولایت د لوړو زده کړو مینه والو ځوانانو ته په پوره تخفیف سره په خصوصي پوهنتونونو کې د شاملېدو اسانتیاوې برابرې کړي. هغه ډاډ ورکړ چې د ځوانانو چارو امریت سره به د ځوانانو د شوراګانو د جوړېدو په برخه کې هم مالي او معنوي همکاري وکړي . د غونډې په وروستۍ برخه کې د کونړ والي عبدالستار میرزکوال غونډې ته په وینا کې خپلې کړې ژمنې تازه کړې او د پلي کېدو ډاډ یې ورکړ. هغه له جمهور رييس سره د ترسره شوې کتنې جزيیات هم له ځوانانو سره شریک کړل او د ژمنه شویو پروژو د جدي څارنې ډاډ یې څرګند کړ. پای/وصال

کابل باختر دتلي  څوارلسمه :
دسمنګانو ولايت  دملکي خدمتونو سلو تنو کارکوونکو داداري اخلاقو او اصولو  ، له فساد سره دمبارزې او دمکتوب ليکلو په برخو کې زده کړې وکړې
دباختراژانس دسيمه ئيز خبريال دخبرله مخې ،  دغه روزنيز پروګرام داداري اصلاحاتو او دملکي خدمتونودکمسيون  دملکي خدمتونو دانستيتوت له خوا  په ايبکو ښار کې جوړ شوى و ، چې په هغه کې ددغه ولايت  ددولتي ادارو سلو تنو کارکوونکو په څلورو ورځو کې په دغو برخو کې په عملي او نظري ډول زده کړې وکړې .
ددغه پروګرام يو تن چلوونکى  ضيا الحق بخشي وويل ددغه روزنيز  پروګرام اساسي هدف د کارښه والي  اوخلکو ته  دعامه خدمتونو ښه وړاندې کول دي .
داطلاعاتو اوفرهنګ رياست کارکوونکى  او ددغه پروګرام يو تن برخه وال ذبيح الله ددغه پروګرام  دجوړولو له امله خوښي څرګنده کړه او ويې ويل  چې دغه پروګرام  به په راتلوونکې کې  دسيمه ئيزې ادارې دمامورينو په سلوک او چلند کې زياته اغيزه  وکړي .
ختم _ج _ اکرم

 

 کابل باختر د تلي دولسمه :
دجوزجان په پوهنتون کې د څو بنسټيزو پروژو د بنسټ ډبرې د جوزجان د والي مولوي لطف الله عزيزي له خواکېښودل شوې .
دجوزجان پوهنتون د رييس انجنير مسعود حقبين د څرګندونوله مخې دښځينه ليليې د ودانۍ په ګډون چې درې سوه درې اويا تنه محصلان پکې شپې  تېروي  د ښځينه ليليې د دوبي خانې ، د پوهنتون د انګر د سړک او د ښځينه جومات په ګډون دجوزجان  پوهنتون بنسټيزې پروژې د جي اي زيد او دنورو مرستندويو بنسټونو په همکارې  جوړېږي.
دغه راز دسلو تدريسي خونو د ودانۍ د بنسټ ډبره چې د هېواد د لوړو زده کړو وزارت له پرمختيايي بودجې څخه د نوي مليونو افغانيو په لګښت جوړيږي پرون د جوزجان د والي له خوا د جوزجان پوهنتون  په ساحه کې کيښودل شوه .
د جوزجان والي مولوي لطف الله عزيزي د دغو پرووژ د پرانستلو او دغه راز دکار دپيل په مراسمو کې له همکارو موسسو څخه  دمننې په ترڅ کې   دجوزجان پوهنتون د رييس انجنير مسعود حقبين هڅې وستايلې او ويې ويل چې د ملي وحدت حکومت تل تحصيلي او تعليمي مرکزونو ته زياته پاملرنه کړې ده له دې امله  استادانو  او محصلانو په اوسنيو شرايطو او په راتلونکې کې زموږ معنوي پانګې دي .
  ختم_ ف _ اکرم

Page 7 of 274