20 October 2017

RSS Facebook

سوداگریز


تازه خبرونه

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

د جمهوررئیس غني په حضور کې یو ټوک تاریخي کتاب ملي موزیم ته تسلیم شو

کابل باختر د تلې اووه ويشتمه یو ټوک هغه تاریخي کتاب...

دانسانانو لپاره  د ډيرو زهري خزنده  وژونکو  خطر .

دانسانانو لپاره د ډيرو زهري خزنده وژونکو خطر .

-نوي ډيلي باختر د تلې اووه ويشتمه : دهند دژوندانه دچاپيريال...

١٠٢ تنه ډار اچوونکي ووژل شول او ٤٤ تنه نور ټپيان شول .

١٠٢ تنه ډار اچوونکي ووژل شول او ٤٤ تنه نور ټپيان شول .

-کابل باختر د تلې اووه ويشتمه : دهېواد په يوشمير ...

Youtube Player

khantry design

سوداگریز

سوداگریز

تعلمی

کابل باختر د وږي  څلورمه :
دلومړي ځل لپاره دغور ولايت دمرکز فيروز کوه کې کتابتون جوړيږي .
په همدې موخه ددغه کتابتون دجوړولو کار نن دغور ولايت داطلاعاتو اوفرهنګ درييس له خوا پيل شو .
دغور ولايت داطلاعاتو او فرهنګ رييس فخر الدين ارياپور باختراژانس ته وويل چې ددغه کتابتون ودانۍ دښار جوړولو دچارو وزارت له بودجې څخه دڅه دپاسه اوو مليونو افغانيو په لګښت  جوړيږي .
ده په فيروز کوه کې دکتابتون شتون ځوانانو په تيره بيا زده کوونکو ته ارزښتناک وباله .  

ترينکوټ باخترد وږي د میاشتې ۱ اوله
د روزګان ولایت د پوهنې ریاست چارواکي وايي چې په دې وروستیو کې يې د دغه ولایت په چارچینو ولسوالي کې د قومي مخورو او دیني عالمانو په منځګړیتوب او ملاتړ د لسو ښوونځيو دروازې د زده کوونکو پر مخ خلاصې کړي دي.
د روزګان د پوهنې رېیس احسان الله ناشر له باختر اژانس سره د ځانګړې مرکې پر مهال وویل: چي په چارچینو ولسوالي کې يې لس هغه ښوونځۍ، چې له ۱۳۹۴ کال راهیسط يې دروازې د ناامنیو له امله د زده کوونکو پر مخ تړلې وې، د سیمې د مخورو په هڅه بیا پرانیستل.

د ناشر د څرګندونو له مخې دغې ولسوالي ته يي ځیني درسي کتابونه او نور اړین توکي هم استولي دي خو په وینا هغه اساسي ستونزې چې لا تر اوسه هم ددغې ولسوالۍ په پوهنیز بهیر کې شته؛ د مسلکي ښوونکو او د ښوونځیو لپاره د ودانیو نه شتون دی.
د ولایتي شورا استازی عبدالکریم خادمزی، چي پخپله هم د چارچینو ولسوالي اوسیدونکی دی، په دې وروستیو کې په دغه ولسوالي کې د لسو ۱۰ ښوونځیو بیا پرانیستل مني خو زیاتوي، چې ددغې ولسوالۍ نفوس زیات دی او لس ښوونځي ورته بسنه نه کوي.
د خادمزي په وینا چي اوس مهال په دغه ولسوالي کې د یو منځني ښوونځۍ پرته نور ټول ښوونځي لومړنۍ دي او دولت باید لږ تر لږه په دغه ولسوالي کې یوه عالي لیسه او دارالمعلمین هم جوړ کړي. څو د دغې سیمې زده کوونکي تر دوولسم او څوارلسم ټولګيو پورې په خپله سیمه کې  زده کړې وکړي.
د خادمزي په وینا ددغې ولسوالۍ د ښوونځیو لپاره هیڅ راز معیاري ودانۍ شتون نه لري.
دی وايي: هغه څلور ودانۍ چي څو کاله وړاندې د ښوونځیو لپاره جوړې شوې وې، سوځیدلي، ویشتل شوې او یا هم د جګړو پر مهال تخریب شوي دي چې اوس مهال د زده کوونکو لپاره د زده کړې مناسب ځای نه بلل کیږي.
خادمزي همداراز د ولسوالیو تر منځ د پوهنیز بهیر انډول نه ساتلو له امله پر دولت د مور او میرې چلند تور پورې کړ او زیاته يې کړه، چې ددغه ولایت په نورو ولسوالیو او مرکز ترینکوټ کې يې په داسي ځایونو کي ښوونځۍ جوړ کړي، چې هلته هیڅ راز اړتیا ورته نه لیدل کیږي.
 

ـمهترلام باخترد زمري د میاشتې ۳۱ مه
د دوه څلویښت میلیونو او څلور سوه زره افغانیو په لګښت د لغمان پوهنتون د انجنیری پوهنځي د تدریسي ودانۍ د جوړېدو چارې پيل شوې.
د لغمان د والي وياند سرحدي ځواک باختر آژانس ته وویل چې دغه ودانۍ د يو زر او پنځوس متر مربع ځمکه کې په درې پوړونوکې د لوړو زده کړو وزرات په مالي لګښت جوړيږي چې دوه لوی تالارونه، نولس درسې خونې او لس اداري خونې به ولري.
ځواک زياته کړه چې د دغې ودانۍ د رغولو چارې به د پنځلسو مياشتو په اوږدوکې بشپړې او ګټې اخیستنې ته به وسپارل شي.

کابل باختر دزمري يو ديرشمه :
دبې سوادۍ دکچې دټيټوالي په موخه  دپوهنې وزارت او ديوولسو نورو دولتي ادارو ترمنځ  دګډو همکاريو تفاهم ليک نن له غرمې مخکې  دجمهور رييس ددويم مرستيال  او دليک لوست دزده کړې  دملي کميټې درييس  قانونپوه سروردانش په وړاندې  لاسليک شو .
  دجمهوري رياست  مطبوعاتي دفتر باختراژانس ته خبر ورکړ ، په هغې غونډه کې چې  په همدې موخه د عظمى صارت دګلخانې په ماڼۍ کې جوړه شوې وه  دليک لوست دزده کړې  دملي  کميټې  رييس  قانونپوه سروردانش  په ټولنه کې دليک لوست  درول ارزښت ته  په اشارې سره وويل  چې  دليک لوست دزده کړې ملي کميټه  دده  تر نظر لاندې فعاليت کوي او يو عملياتي پروګرام يې  دليک لوست دزده کړې دملي پيوستون  دطرحې تطبيق دى .
  دجمهور رييس دمرستيال دڅرګندونوله مخې ،  په دې طرحه کې دخلکو او دخصوصي سکتور او ددولتي بنسټونو دوه رکنونه  شامل دي  او ددولتي بنسټونو په برخه کې  له تيرکال راپديخوا  دبې سوادۍ پرخلاف دملي پيوستون دطرحې تطبيق   پيل شوى دى .
  قانونپوه سروردانش وويل  دپوهنې وزارت  او دځينو دولتي ادارو ترمنځ دګډې همکارۍ  تفاهم ليکونه  چې پخوا لاسليک شوي دي  ،  دبې سوادي  دکچې  دټيټوالې په کار کې  ګتور دي او دغه  ګډې همکاري به دوام ومومي .
  په دې غونډه کې دپوهنې وزير  اسد الله  حنيف بلخي   هم دبې سوادۍ دکچې  کمښت ته  دجمهور رييس دمرستيال دپاملرنې له امله  دخوښي دڅرګندولو په ترڅ کې وويل  چې مخکې له دې  دپوهنې وزارت  او دپنځلسو  دولتي ادارو ترمنځ دګډو همکاريو  تفاهم ليک لاسليک شوى دى  چې دهغه له مخې په دغو ادارو کې څه دپاسه زر تنه  دليک لوست دزده کړې  په پروګرامونوکې  شامل شوي دي .
  په نننۍ غونډه کې دپوهنې وزارت او دمهاجرينو دراستنولو دچارو ، کانونو او پتروليم ، له نشه يي توکوسره دمبارزې دچارو ، بهرنيو چارو اودکرنې اوبولګولو او مالدارۍ دوزارتونو ،  سترې محکمې ، داحصائيې دمرکزي ادارې ، دافغاني سرې مياشتې دټولنې ،  دانتخاباتو دخپلواک کميسيون  ، دالمپيک رياست ،  دافغانستان دکارګرانو دصنفي اتحاديې او دکوچيانو لوى رياست  ترمنځ  دجمهور رييس ددويم مرستيال او دليک لوست دزده کړې  دملي کميټې  درييس  قانونپوه سروردانش په وړاندې لاسليک  شو.
دپوهنې وزير دغه راز وويل چې ټاکل شوې ده په نږدې راتلونکې کې  دبې سوادۍ  دکچې  دکمښت په موخه دپوهنې وزارت او د نولسو نورو دولتي ادارو  ترمنځ  دګډو همکاريو  تفاهم ليک هم لاسليک شي .
  ختم_ ف _ اکرم

 

Page 8 of 229