19 July 2018

RSS Facebook

سوداگریز


تازه خبرونه

جمهوررئیس غني د جمهوري ریاست (ارګ) ارشیف پرانیست

جمهوررئیس غني د جمهوري ریاست (ارګ) ارشیف پرانیست

کابل \باختردچنګاښ دمياشتې٢٨نيټه : د افغانستان د اسلامي...

په فراه کې دوسله والوطالبانو دډلې يو مرکز له منځه يوړل شو

په فراه کې دوسله والوطالبانو دډلې يو مرکز له منځه يوړل شو

دفراه ښار\باختردچنګاښ دمياشتې٢٨نيټه : هوايي ځواکونو تيره شپه ...

Youtube Player

khantry design

سوداگریز

سوداگریز

تعلمی

 کابل \ باختر دغويي دمياشتې ١٠ نيټه :
څه ناڅه درې زره ټوکه کتابونه نن د تخارپوهنتون ته ورکړ شول.
د باخترآژانس د سيمه يېز خبريال د خبرله مخې ؛په کابل کې د تخار د ځوانانو   د سمون  د شورا غړو  په يوه بې ساري اقدام  کې   له څه مودې را په  دې خوا په کابل کې دکتابونو په ټولولو  لاس پورې کړ   او په بېلابېلو عنوانونو څه ناڅه درې زره ټوکه  کتابونه يې راټول او د تخار پوهنتون کتابتون ته يې ورکړل.
د تخار والي ډاکټر فضل الله مجددي د ځوانانو د دغه ښه اقدام له امله  په هرکلي سره د دوى د پرله پسې هلوځلو قدرداني وکړه او زياته يې کړه  چې  په تخار پوهنتون کې   محصلانو ته  ښه ظرفيت ا وځواکمنتيا شته .
د تخار والي د دغه علمي بنسټ  د ترسره شويو فعاليتونو او سترو برياليتوبونو يادونه وکړه  او د هغه په زياتې پراختيا يې ټينګار وکړ.
د يادونې وړ ده چې؛ دغه پروګرام به  دکتابونو د راټولولو په مقصد د هېواد په نورو  ولايتونو کې هم ترسره شي . پاى \ ذکرالله

کابل باختر دثوردمياشتې ٤ نيټه :
د غور پوهنتون  محصلانو  پرون  يو ځل بيا  مظاهرې وکړې .
دغو محصلانوله هغه وروسته   په فيروزکوه ښار کې په لاريون او اعتراض 
لاس پورې کړ  چې   دغور پوهنتون  په تګلوري کې  د دوى د سپرلۍ  په موټر    ډزې وشوې .
د باخترآژانس د خبريال د خبرله مخې ؛  دغه محصلان ادعا کوي چې له ښار څخه  تر پوهتون پورې  لاره  ناامنه ده او د هغوى د سپرلۍ په موټرو  ډزې شوي دي .
خو دغور والي غلام ناصر خاضع دمحصلانو دسپرلۍ په موټر  ډزې  ردې  کړې  او ويې ويل ؛ چې  پوليسو دليونو سپو د له منځه وړلو په خاطر  چې د خلکو د اندېښې سبب شوي و ، ډزې کړي دي.
والي وويل چې امنيتي منسوبين هره ورځ د پوهنتون په تګلوري کې امنيت تامينوي.
د غور پوهنتون محصلان تل   له ښار څخه  دپ وهنتون  دلېرې والي له امله شکايت لري  او  د فيروزکوه ښار ته دپوهنتون دلېږدونې غوښتنه کوي.
دغور والي وويل چې محصلان بايد  اندېښنه ونلري  او په پام کې لري  چې په دغه تګلوري کې څو نورې امنيتي پوستې هم  جوړې کړي.پاى\ج\ ذ

کابل باختر د غويي د مياشتې ٤ مه
د لوړو زده کړو وزارت د الکټرونیکي حکومتولۍ او د دولتي او خصوصي پوهنتونونو د څارنې په اړه خپلې لاسته راوړنې له رسنیو سره شریکې کړې.
د لوړو زده کړو وزارت ویاندې، عارفې پیکار نن د حکومت د اطلاعاتو او رسنیو په مرکز کې د یوه خبري کنفرانس پر مهال د دغو لاسته راوړنو په اړه زیاته کړه:" د الکټرونیکي حکومتولۍ په برخه کې د دولتي پوهنتونو د فارغانو د تحصیلي اسنادو د پړاوونو د طی کولو او په بهر کې د ترلاسه شویو تحصیلي اسنادو د ارزونې او تایېد بهیر آنلاین شوی، دغه راز کابل پوهنتون کې د کتابونو د ډیجیټل کولو او د الکټرونیکي کتابتون د جوړولو چارې به په نږدې وخت کې بشپړې شي.
هغې وويل محصیلینو ته د بدل اعاشې د پیسو د ورکړې او د محصیلینو د ډيپلوم او نمرو د ټرانسکرپټ د پیسو د ورکړې بهیر بانکي شوي دي او په دولتي پوهنتونونو او لیلیو کې د انټرنټ د خدمتونو د وړاندې کولو په موخه هم له اترا ادارې سره د همکاریو تفاهم لیک لاسلیک شوی دی."
مېرمن پیکار وویل، چې د لوړو زده کړو وزارت په اکاډمیکو بنسټونو کې د څېړنې د کره توب او کیفیت د پیاوړتیا په موخه د زده کړو نړیوال پلټفورم ایډکس معرفي کړی، چې د زده کړو دغه الکټرونیکي پلټفورم ملاتړ د امریکا د یوه معتبر پوهنتون ( ایم آی ټي او مسي چوسټ) له خوا څخه کېږي.
د زده کړو د دغه سیستم په پلي کېدو سره به د افغانستان پوهنتونونه د نړۍ د ۲۰۰ معتبرو پوهنتونو په منځ کې خپل درسي مواد یاد سیستم کې اپلوډ او د څه باندې دوو سوو میلیونو کاروونکو په واک کې به یې ورکړي.
همدارنګه د افغانستان د سترو پوهنتونونو استادان د زده کړو لپاره امریکایي پوهنتونونو ته ور پېژندل شوي، چې تر بېرته راتلو وروسته به د زونونو په کچه د نورو پوهنتونونو سره د زده کړو د یاد پلټفورم د عملي کېدو په برخه کې مرسته وکړي.
د لوړو زده کړو وزارت ویاندې په زیربنایي برخه کې د خپلو لاسته راوړنو یادونه هم وکړه او ویې ویل:" د ۲۸ میلیونو افغانیو په لګښت د کابل د علي آباد په تدریسي روغتون کې د سرطان د تشخیص او درملنې د لومړي مرکز د بنسټ ډبره کېښودل شوې، دغه راز روان کال کې د دولتي پوهنتونونو د لابراتوارونو او کتابتونونو د پراختیا په خاطر شپږ میلیونه افغانۍ ځانګړې شوي دي، د پنځه میلیونو او ۱۳۰ زرو امریکایي ډالرو په ارزښت بامیانو، کونړ، بادغیس، هلمند او د تخار په ولایتونو کې نجونو ته د معیاري لیلیو د جوړولو چارې پیل او د روان کال تر پایه به بشپړې او ګټې اخیستنې ته چمتو شي.
دغه راز هغې د استادانو د ظرفیت د لوړولو په موخه د پنځه میلیونو افغانیو ځانګړي کېدل، په کور دننه او بهر کې د ماسټرۍ پروګرام لپاره د ۳۰۰ پوهیالیو استادانو معرفي کېدل، د کانکور په سږنۍ آزموینه کې د نجونو لپاره د لومړیتوب لرونکو څانګو د ۶۸۵۰ سېټونو ځانګړي کېدل، د شپږو خصوصي پوهنتونو فارغانو ته د ډیپلومونو وېش او د ارزونو تر مثبتو پایلو وروسته د ټولو خصوصي پوهنتونو فارغانو ته د ډیپلومونو وېشل د دغه وزارت د نورو لاسته راوړنو په توګه یاد کړل.
مېرمن پیکار زیاته کړه:" د پوهنتونونو د ښه مدیریت په خاطر تقنیني اسناد تر بیا کتنې لاندې نیول شوي، چې له هغې ډلې د لوړو زده کړو د قانون په تعدیل سره د ۲۴۰۰ څخه د زیاتو پوهیالیو استادانو د ګوښه کېدو مخه نیول شوې ده.
عارفې پیکار وویل، چې په ۱۳ ولایتونو کې د کانکور آزموینه په بریالیتوب سره تر سره شوې او تمه ده، چې د روان کال د چنګاښ په میاشت کې به په ۳۸ حوزو کې د کانکور آزموینه بشپړه او د تازه شامل شویو محصیلینو زده کړې به د مني په سمسټر کې پیل شي.پاى_ ذکرالله

کابل باختر د ثور څلورمه :
٣٧ تنه  ځوانان پرون د انګليسي  ژبې د زده کړې  له کورس څخه چې د لوګر ولايت د ځوانانو چارو د امريت له خوا  جوړ شوى و  فارغ شول .
  د لوګر ولايت د اطلاعاتو او فرهنګ ريېس محمد شفيق  پوپل د باختراژانس سيمه يېز خبريال ته وويل چې، د انګليسي ژبې دغه اته مياشتنى کورس د رضاکار ځوان رحمت الله ګرديز خېل  له  خوا جوړ شوى وو چې لسګونه ځوانانو په کې زده کړې وکړې.
ده زياته کړه د ولسي جرګې او د ولسواليو  د شوراګانو په انتخاباتو کې ګډون برخليک  ټاکوونکى دى او لازمه ده چې ټول په ژور فکر  سره غوره او د زده کړې  خاوند اشخاص وټاکو څو ځوانانو ته کار وکړي . ختم_ ج _اکرم

 

Page 9 of 259