24 September 2020

RSS Facebook

سوداگریز


تازه خبرونه

جمهوررئیس محمد اشرف غني د پاکستان د نوي سفیر باورلیک ومانه

جمهوررئیس محمد اشرف غني د پاکستان د نوي سفیر باورلیک ومانه

کابل/ د تلې ۳مه/ باختر د افغانستان د اسلامي جمهوریت...

 مولوي رحمت الله اندړدملي امنیت شورا ویاند وټاکل شو

مولوي رحمت الله اندړدملي امنیت شورا ویاند وټاکل شو

کابل/ د تلي ۳مه/ کابل د افغانستان د جمهور ريیس...

Youtube Player

khantry design

سوداگریز

سوداگریز

تعلمی

 کابل / د وږي ۲۰ مه / باختر
د پکتیا والي محمد حلیم فدايي د دغه ولایت د پوهنتون له استادانو سره په کتنه کې وویل چې پوهنتون د زده کړو او څېړنو مرکز دی، نه د سیاست.
د باختر آژانس د سیمه ييز خبریال د خبر له مخې؛ په دې کتنه کې د پکتيا پوهنتون رییس سېد ولي جلالزي او يو شمېر نورو استادانو له والي سره د پوهنتون لاسته راوړنې، وړانديزونه او ستونزې شريکې کړې.
فدایي وویل: پوهنتون د علم، پوهې او روزنې مرکز دی، په دغه مرکز کې زده کړيالان بايد يوازې علمي، ښوونيزې، روزنيزې برنامې او تحقیقاتي څېړنې ترسره کړي او له سیاست څخه ځان لرې وساتي.
په همدې حال کې د پکتیا پوهنتون رییس سېد ولي جلالزي د پوهنتون د تېرو لاسته راوړنو او پرمختګونو په اړه خبرې وکړې او والي ته یې ډاډ ورکړ چې د پوهنتون په دننه کې به شته ستونزې او نیمګړتیاوې ژر حل کړي.
پای/وصال

 کابل / د وږي ۱۷ مه / باختر
د هلمند د پوهنې ریاست مسوولین  وايي چې په دغه ولایت کې د ۳۴ ښوونځیو ته ودانۍ رغول کېږي.
د باختر اژانس د سیمه ييز خبریال د خبر له مخې، د هلمند د پوهنې رییس داوود شاه صفاري د نوي ښوونیز کال د پیل په مراسمو کې وویل چې په دغه ولایت کې د ۹۶ ښوونځیو د ودانیو د رغولو چارې روانې دي او ۳۴ نورې هم منظورې شوې دي چې په نږدې راتلوونکي کې به یې چارې پیل شي.
په ورته وخت کې د هلمند والي تورنجنرال محمد یاسین خان وویل چې د هېواد راتلونکی نسل د همدې تعلیمي ادارې په چوکاټ کې روزل کېږي چې سمه روزنه به يې د هېواد د امنیت، پرمختګ او ګڼو نورو برخو کې شته ستونزې حل کړي.
په هلمند کې په داسې حال کې نوی ښوونیز کال پیل کېږي چې لا هم پر نړیوالې وبا د اخته کېدو وېره شته دی، خو روغتیايي مسوولین وايي چې د عامې روغتیا د لارښوونو په عملي کولو سره به کومه جدي ستونزه نه رامنځته کېږي.
پای/وصال

-کابل /دوږي ١٧مه / باختر:
په کندز کې د ١٥ ښوونځيو د ودانيو او د دريو لابراتوارونو د خونو د جوړولو کار بشپړ او پرون پرانستل شول
دکندز د والي وياند  عصمت الله مرادي باختراژانس ته وويل  د افغانستان دولت  د نړيوال پرمختيايي بانک،  جې اي زيد او د اى ار سي  په مرسته  د ښوونځيو دغه ودانۍ او د لابراتوارونو خونې د سلو ميليونو افغانيو په لګښت په کندز ښار کې  جوړ کړي دي .
  په هغې غونډه کې چې په همدې مناسبت  د کندزښار د المومنات په ښوونځي کې جوړه شوه  د کندز والي عبدالستارميرزک وال وويل چې د دغوښوونځيو د ودانيوپه پرانستلو سره څه دپاسه  لسو زرو زده کوونکو ته  د معياري زده کړې زمينې برابرې شوي دي .
ميرزک وال پوهنه  په هېواد کې د پرمختګ بنسټ وباله اوله خلکو څخه يې وغوښتل چې د يوپرمختللي ټولنې د لرلواو د خپلو بچيانو د راتلونکې  د ضمانت کولو په خاطر بايد خپلو بچيانو ته په خپلو سيموکې د زده کړې زمينې برابرې کړي .    ختم_ ج _اکرم

 کابل / د وږي ۱۶ مه / باختر
د میدان وردګو په جلرېز او دایمیرداد ولسوالیو کې د نجونو او هلکانو دوو لومړنیو ښوونځیو لپاره ودانۍ جوړې شوې.
د کلیو بیارغونې او پراختیا ادارې  مشر وايي چې یادې ودانۍ د ولسي تړون پروګرام په آډانه کې د نږدې لسو میلیونو افغانیو په لګښت رغول شوې دي.
دا په  داسې  حال کې ده چې به جلرېز او دایمیرداد ولسوالیو کې د دولسو نورو ودانیو د رغولو چارې دوام لري.
پای/وصال

Page 2 of 350